ما مدي صحة هذا الخبر الفضيحة (مطار الخرطوم)

06:08 PM July, 09 2018 سودانيز اون لاين
عبدالقادر محمد-عمق الوطن
مكتبتى
رابط مختصرحفاظا علي حقوق المسافرين قامت بعض الشركات الاجنبية الخطوط الاماراتية مثالاُ بتعين موظفين داخل مطار الخرطوموذلك لمتابعة ومراقبة عفش الركاب حتي يستلمه صاحبه نسبةً لكثرة شكاوي الركاب من السرقات وغالباً مايكون الرد من سلطات مطار الخرطوم بأن السرقة تمت في المصدر ..للعلم حصل لي قبل كدة سرقة شنطة عرس اضافة لموقف اكثر فداحة من السرقة والغريبة ان بطل هذا الموقف هو فرد من شرطة المرور في المكتب الذي يقابل مدخل المطار ...!
...

من أسبوع قريبي سافر بالباخرة .. شايل شنطة صغيرة معاهو .. وشنطتين فى الشحن .. خلي الشنطة المعاهو ( داخل الصالة)
مشي يجيب الشنطتين .. رجع ما لقي الشنطة .. ساعات يفتش فيها .. فى النهاية لقي الضابط المناوب بالصالة مشي كلمه .. بكل بساطة
قال ليهو ( وأعمل ليك شنو يعني)!!!.. وعلى كدا راحت الشنطة وفيها أمانات ناس وأدوية ... إلخ.
دا الضابط المسئول!!! ضابط شرطة ما عارف هو ليه موجود على رأس العمل.
صالة الركاب ليه يدخلوها ناس من غير المسافرين وضباط الجمارك!!!.
كاميرات المراقبة فى الدكاكين ركبوها الناس من حولنا .. والسودان فى أهم المرافق الحيوية بدون كاميرات ومسولين غير مسئولين.

خطوة مهمة وموفقة من الخطوط الاماراتية حفاظاً على سمعتها وممتلكات ركابها.

Quote: خلي الشنطة المعاهو ( داخل الصالة) مشي يجيب الشنطتين .. رجع ما لقي الشنطة .. ساعات يفتش فيها

دا تصرف بليد وساذج حد الغباء المدقع

وكمان بيشتكي؟؟؟؟؟

(داخل الصالة) دي فرقها من داخل السوق شنو؟

Quote: دا تصرف بليد وساذج حد الغباء المدقع وكمان بيشتكي؟؟؟؟؟ (داخل الصالة) دي فرقها من داخل السوق شنو؟

قريبي ما خليت ليهو جنبة ينوم عليها.
بعدين كلامك دا تأكيد منك إنه السودان بقي بلد اي كلام.. (ما يستحق الواحد يدافع عنو بالحق بالباطل).

يا عزيزي المسئولية ما على المواطن .. المسئولية على المسئولين فى مكان زي دا .. وإلا فائدة وجودم والرواتب البتُصرف عليهم لزوما شنو!!!.
بعدين داخل الصالة لو ما فيهو أمان وين الأمان تاني!!! .. أربعة خمسة بوابات عشان تصل الشارع وفى كل بوابة واحد واقف يتأكد من صحة تفتيش العفش.

فى النهاية هو بالتأكيد ندم خاصةً لما مشي إشتكي للضابط (المسئول).
دي فى أي بلد يأخذوا رقم الرحلة ويتحاسب المسئول .. وحاجة الزول ترجع .. بس مش فى السودان.

التصرف بليد وساذج حد الغباء المدقع لو كان في السودان أو خارج السودان

في كل مطارات العالم وكل المولات الكبيرة وكل "كل شيء" في تجمع لبشر تنويه وتنبيه على أن تحافظ على مقتنياتك الشخصية.

ما في أي مسؤولية إدارية على مطار على تصرف المسافر الغبي والساذج


وفي تصرف بليد تاني لو لقيت ليك شنطة أو حقيبة في مكان عام ما تحاول تشيلها وتوديها للشرطة أو الأمن بل التصرف الصحيح أن تبلغ الأمن فقط وتبتعد عن الشنطة قدر الإمكان

هو قريبك دا لو أصلاً ساذج كدا وثقته في من حوله ثقة عمياء على الأقل كان يوصي أحدهم بمراقبة شنطته الفيها الأمانة دي مع أنه دا برضه تصرف بليد لكن أقل سذاجة



غير مراقب تعني حتى لو داخل سيارتك فهي سيارة وليس خزنة

القانون لا يحمي الأغبياء

Quote: دا تصرف بليد وساذج حد الغباء المدقع وكمان بيشتكي؟؟؟؟؟ (داخل الصالة) دي فرقها من داخل السوق شنو؟

كيف تصرف بليد يا كمال ..!
المفترض يكون وحسب اعتقاده ان هذا الموقع اكثر اماناً وتهيأة
مررنا علي المطارات والموانئ في دول اخري ولم نجد مثل الذي نعايشه
الخطأ اداري ما يجب ان يصل لصالة القادمين سوي القادمين والموظفين حسب الاعراف
المتبعة في كل مطارات وموانئ الدنيا
لا تنظر الي خطأ فرد بل انظر لخطأ المنظومة الادارية التي تدير الميناء وتصرف الضابط
مع هذا المسافر
وقالوا الكلمة الطيبة جواز سفر
هل هذا الضابط مؤهل لأن يكون في هذا الموقع ؟
مالك كيف تقيس الأمور...!
...

يا عبد القادر ما هو السذاجة والغباء أن نعتقد أن اللص أو الحرامي دا بيكون لابس مخطط أبيض بأسود وعلى عينيه عصابة أو على رأسه طاقية تغطي ملامحه

الحرامي دا زووووووووووووووووول زيي وزييك ممكن يكون مسافر معاك في نفس الطيارة ودقيت الونسة معاه كمان وما بالضرورة جاء من برة الصالة

وجدودنا من زمان قالوا الحكم

"المال السايب بعلم السرقة"

لاحظ لكلمة "يعلم" دي!!!

يعني السارق دا ما بالضرورة كان متربص للسرقة ولا دي شغلته, لكن الصدفة جعلت منه سارق
one-off theft

Quote: الحرامي دا زووووووووووووووووول زيي وزييك ممكن يكون مسافر معاك في نفس الطيارة ودقيت الونسة معاه كمان وما بالضرورة جاء من برة الصالة

كمال لا يختلف احدهم علي سوء تصرف المسافر
وان كان بحسن نية وحسن النية لا تنفع
لكن انظر لتصرف ورد الضابط المسئول عن الصالة
..
لماذا لا تدين تصرفه الاستفزازي وهو هنا لخدمة المواطن
ثم اين افراد الامن اصلا
اعتقد ان جميعهم يبحث له عن غنيمة بلا مبالاة
انت وانا والجميع يعرف ان اغلب افراد الامن والمسئوليين في المطار او الميناء او اي مرفق خدمي
يتصرفون بلا مبالاة وفوقية وسلبية وكل عبرات الدنيا فيهم
وما اكثر القضايا التي كان فيها حاميها حراميها
...

يا عبدالقادر لماذا يجب أن أدين الموظف؟ والتصرف من مبتداه إلى منتهاه تصرف غبي وساذج لمواطن مسافر يعتقد أن "صالة" تعج بالمسافرين عبارة عن "خزنة".

وياتو بند في تذكرة السفر بتقول ليك عفشك في المطار مسؤولية الموظفين؟

يعني الموظف دا يقعد يشوف شغله ولا يتابع حركات وسكنات وهنات كل مسافر على حدا؟ دي 100 ألف كمرة ما ح تغطي مثل هذا الهراء والغباء.

موظفين الأمن ديل عندهم مسؤوليات اخرى غير مراقبة تصرفات السذج والأغبياء والأطفال الذين يصرخون والذين يلعبون ويركضون هنا وهناك؟

لو طلب وضع الشنطة من الأول عند رجال الأمن لقلنا تصرف سليم ولكن الحصل عكس تماماً.

Quote: دا الضابط المسئول!!! ضابط شرطة ما عارف هو ليه موجود على رأس العمل. صالة الركاب ليه يدخلوها ناس من غير المسافرين وضباط الجمارك!!!. كاميرات المراقبة فى الدكاكين ركبوها الناس من حولنا .. والسودان فى أهم المرافق الحيوية بدون كاميرات ومسولين غير مسئولين.

كل منظومة العمل الان غير مؤهلة ادارياً في كافة مرافق الدولة
الناس ديل انتهووا من اي مرفق بسبب سياسة التمكين والمحسوبية
لذا لا غرابة ان يكون مطار الخرطوم مدخلاً ومخرجاً لتهريب الذهب والمخدرات وحتي الاثار
اغلب المرافق الخدمية لا توجد بها اجهزة متابعة او مراقبة
انما عبارة عن فوضي كبري يرعاها المسئولين الغير مسئولين
...

حكمة اليومِ

A Thief Looks Like You and Me
Watch Your Bag
Watch Your Back
Watch Your Watch







>>>

صالة مغادرة
صالة وصول
ميناء بري بحري جوي
تعني كامل الامان لعدة اسباب
كل ماهو بداخلها سواء مسافر او واصل او رسمي او بتاع لوجستيك معروفين
ضف لذلك هناك كمرات مراقبة ومن السهل الوصول لاي سارق
يجي واجد زي فرنك يقول ليك دا تصرف بليد ويوصف صالات القدوم والمغادرة زي السوق
والله ليك حق تقول الرصاص في الراس بي فهمك المعولق دا

سيد البوست والزوار سلام بتاعكم

كاميرة شنو يا ابو علوة الداير الاذكياء ديل يركبوها ليك، ديل ناس نظر ساكت.

يا أبو الدرداق أنت ما في أي فرق بينك وبين الضيّع شنطته دا

معروفبن بتاع فنيلتك؟ معروفين يعني شنو بالضبط؟ ما هو الضاعت منه الشنطة دا ذاته معروف

جيب مادة واحدة في أي دولة في العالم بتسائل أي موظف في أي من الأماكن الذكرتها دي بأنها "كاملة الأمان" لو واحد تصرف بغباء وترك شنطته وذهب ليقضي غرض أخر وسرقت.

لو وجدت شنطة بدون صاحب في بعض الدول بيجي روبوت بيدخلها جواهو وينسفها.

* وضع شنطة بدون مراقب تعني تعريضها للضياع

* وضع شنطة بدون مراقب تعني تهديد أمني للمسافرين

* وضع شنطة بدون مراقب تعني عرضها بالمجان لمروجي المخدرات لدس المخدرات والممنوعات داخلها

Never Ever Leaving luggage unattended at airports...

أبو الدرداق دا خلوه ينام على حماره

كاميرات في عينك يا دردقة يعني يجيبوا المواطن دا ويوقفوا تسجيل التصوير والمراقبة ويعرضوا عليه 100 ساعة من الأفلام لكاميرات الصالة العشرين عشان يوريهم هو خت شنطته وين والشالها منوا؟

لو دا ممكن!! بسيطة جداً واحد يضيع تلفونه أو يدعي سرقة حقيبته وزملائه يمرروا طن كوكايين إثناء البحث في أفلام الكاميرات عن التلفون الضايع

بلادة عجيبة

الضفدع فرنك الكيشة
عامل فيها الود منقط الاسفار
امشي يا بتاع الاسكراب
صالة القدوم اصلا بتعني انو العفش بتاع السير او الدخل بيه المسافر الطيارة تمت ليه عميلة scan في المحطة السابقة فحتة انو الشنطة المرمية في صالة القدوم بتمثل خطورة دا كلام قاطعو من فاخورتك البيش دي يا بيض ...
اما في صالة المغادرة برضو قبل تخشها بكون برضو عملوا للعفش scan
الماشي بالسير او الداخل بيه الطيارة
فما تعمل فيها منقطة
كلامك طنقعة ساي

---------
دكتور سيف سلام هههههه قلت لي كمرات المراقبة بتوقف شغلهم

يا أبوالدرداق أنت قاعد تسافر بحمار بدون خرج ولا شنو

طيب لو الدنيا مثالية زي ما أنت متصور وبمنتهى السذاجة ليه في scan في كل مطار داخل وخارج؟

وليه في مخدرات وممنوعات بيلقوها في كل مطارات العالم وبدون استثناء؟ وكم في المية بيكتشفوها؟

وليه المدخل الرئيس للمخدرات والممنوعات في العالم هو المطارات والموانئ لو الscan دا بيلقى أي حاجة من مصدرها

حصل سألت راسك المدوقس دا المخدرات دي جات من وين وودخلت كيف يا دردقة؟

وليه خاتين ليك لافتة في كل مطار وميناء ومحطة قطر ومحطة بص أنه ما تترك عفشك من غير مراقبة؟ دا غير التنبه الصوتي

وليه ينبهوا المسافرين أن الجهات الإدارية غير مسؤولة من التصرفات غير الرشيدة لأصحاب العفش؟

والأهم لو ضاعت شنطتك التركتها بسذاجة في "صالة" هل في أي قانون بيحمل المسؤولية لإدارة المطار الميناء المول ؟ أو هناك في كل هذه الدنيا أي شركة تأمين بتعوضك عن إهمالك؟

حكمة اليوم

العالم ليس بهذه المثالية

يا فرانكلي
المسافرين دايما" بنسوا وبيفقدوا مقتنيات في كل مطارات الدنيا لكمية من الأسباب لكن السيكيورتي وأمن المطار في أي مطار في الدنيا ما بيقول ليك أعمل ليك شنو !! لأنو ده شغلو البياخد عليهو قروش أقل شي يوجهك للجهة المسئولة عن المفقودات واذا كنت عارف الوقت او المكان الفقدت فيهو مقتنياتك داخل صالات المطار ولو بالتقريب بيرجعو للكاميرات وبجيبوهو ليك زي ماهو .
الزول الفقد شنطتو دي ما غبي لانو في كل مطارات الدنيا بتحصل الغبي هو رجل الامن الما عارف ده والغبي هو سيستم المطار اذا كان مافيهو كاميرات تغطي كل الصالات والغبي مدير المطار اذا كان مافي قسم مفقودات بيراجع الكاميرات في الحالات الزي دي .

يا عثمان
تفتكر التصرف الصحيح شنو لمسؤول الأمن لزول فقد شنطته التي تركها بدون رقابة في مكان عام؟ يقفل الصالة ويمنع الخروج والدخول ويراجعوا تسجيلات الكاميرات وممكن تكون مسجلة 20 ساعة من الأفلام لساعة زمنية واحدة؟

قول بعد العشرين ساعة دي عرفوا الشالها منو أها التصرف ح يكون كيف؟

ولا الحل يفتشوا كل من في الصالة من مسافرين لعمال لمسؤولين وحتى داخل مكتب مدير المطار وأمن المطار بحثاً عن شنطة الزول المثالي دا؟

الزول دا عنده خيارين

1- يفتح بلاغ لدى شرطة المطار أو مكتب المفقودات وينتظر النتيجة في بيتهم

2- يمشي بيتهم ويعتبر الحصل درس لن ينساه

لكن فكرة أن المطار يقف على قدم وساق ويقلعوا ليه البلاط عشان يلقوا ليه شنطته... دي كتيرة وكبيرة

أقول ليك حاجة؟ ما في مطار في العالم فيه حماية كاملة وما في مطار في العالم بيمنع جريمة السرقة أو النشل أو التهريب

ما في ما في ما في

الفي أنك تكون حريص على مقتنياتك

عشان ما تضيع زمنك في الفاضي

1- يفتح بلاغ لدى شرطة المطار أو مكتب المفقودات وينتظر النتيجة في بيتهم

2- يمشي بيتهم ويعتبر الحصل درس لن ينساه

لكن فكرة أن المطار يقف على قدم وساق ويقلعوا ليه البلاط عشان يلقوا ليه شنطته... دي كتيرة وكبيرة

أقول ليك حاجة؟ ما في مطار في العالم فيه حماية كاملة وما في مطار في العالم بيمنع جريمة السرقة أو النشل أو التهريب
---------------------------------------------------------------------------------------------------------------

الحق يقال

فرانكلى محق في كلامه ده وفعلا ده البيحصل في المطارات واتفاقى معاهو بسبب تجربة حصلت لى في مطار هيثرو مع تحياتى لصاحب البوست والحضور

حقيقة اللي بيحصل في مطار الخرطوم فضيحة بكل المقاييس، أولا عدد كبير جدا من الغير عاملين في المطار داخل المطار
كمية من اللصوص يجوا يتلصقوا فيك وانت منتظر العفش في السير ما تعرفهم دخلوا للحتة دي كيف
ثالثا : عربات حمل العفش المفروض تكون للركاب للاسف في يد ناس يجوا يحاولوا يشيلوا ليك عفشك
كان رضيت أم ابيت وإلا ما حتلقى عربية تشيل بيها عفشك
هذا المطار يفتقد إلى مقومات حتى مطار محلي ويقولوا ليك مطار دولي
ما هي الاصلاحات والاضافات التي تمت منذ خروج الانجليز ؟
يعني معقول الواحد ما يلقى حاجة يشيل بيها عفشو؟
والله الواحد بيكون شايل هم كان داخل و كان خارج
وبعدين ياخوانا ما هي الجهة المسؤولة عن مطار الخرطوم؟ هذه الواجهة الخطيرة
ورغم انتقادات الناس ، سادين دي بي طينة ودي بعجينة
شيء مؤسف مؤسف مؤسف

Quote: واحد تصرف بغباء وترك شنطته وذهب ليقضي غرض أخر وسرقت.

ترك شنطة من غير مرافق تصرف غير مناسب في المطارات واتحفظ على كلمة غباء إذ أن هنالك عدد من التفسيرات الأخرى.
سرقة شنطة من صالة في مطار يدل على عدم فعالية النظام الأمني في المطار، ليس فقط بسبب أن سرقة قد تمت ولكن لأن في ذلك دلالة على أنه ليس هنالك أدنى إهتمام بمراقبة الشنط الموجودة من غير مرافق.
الشنط من غير بمرافق تشكل خطورة على سلامة المطار و الناس، لذلك من واجبات الشرطة مراقبة الصالة والشك في أي قطعة عفش ليس معها مرافق و إزالتها فوراً.

خطأ الرجل في ترك شنطته من غير مرافق لا يعفي شرطة المطار من مسؤليتها تجاه أمن وسلامة المسافرين.
كنت سأثق في فعالية أمن المطار لو كان رد الضابط بأن الشنطة قد تمت إزالتها و إعدامها.

Quote: حفاظا علي حقوق المسافرين قامت بعض الشركات الاجنبية الخطوط الاماراتية مثالاُ بتعين موظفين داخل مطار الخرطوموذلك لمتابعة ومراقبة عفش الركاب حتي يستلمه صاحبه نسبةً لكثرة شكاوي الركاب من السرقات

المقتبس أعلاه موضوع البوست ، في مطار الخرطوم ما بتتسرق لأنك خليت عفشك واهملت فيهو
عفشك بيتسرق قبل ما يصلك
ده موضوع النقاش على ما أعتقد ، خلونا من الدول المتقدمة وورونا ليه عفش الركاب بيتسرق قبل حتى يجي في السير
وشركة الخطوط الاماراتية والله كتر خيرها بتحمي زبائنها من عالم عايشة في غابة

.
ألأخ الصديق وعضو المنبر الأمين عبدالرحمن عيسى .. غادرنا لأسبانيا قبل أسابيع ثلاثة
للإطلاع على تجربة يعكف على اعداد كتاب حولها... وهو على وشك العودة وحقيبة يده من
النوع المنتفخ فهو يودع فيها كل اشيائه المهمة ... لفت احدهم انتباهِهِ بأن هنالك شيء يلوث
بدلته من الخلف ... وضع الحقيبة المنتفخة وأخرج منديل ورق من جيبه لإزالة ما علق ببدلته
... انتهى من المهمة في دقيقة وعندما اراد حمل حقيبته لم يجد لها ولا من لفت نظره أثراً !!!
.
وحتى لا احرمكم من الدهشة والإمتاع ..فالقصة طويلة ومثيرة والأمين اقدر على نقل تفاصيلها
لكم.. وقد اتصل بالسفارة في مدريد واستخرجت له وثيقة سافر بها للسودان ..
ونعمل على تكملة إجراءات عودته للدوحة..

تم تخريب البوست بنجاح والانشغال بسفاسف امور السؤال الان هل وصلنا مرحلة تدخل الطيران الاجنبى فى عمل المطار حفاظا على امتعة المسافرين

على كل حال ( وأعمل ليك شنو يعني) ليست الكلمة المناسبة من ضابط الامن . .
مع التحيات للجميع . .

شكرا علي التفاعل احبائي
علي دفع الله , سيف النصر محي الدين , عثمان الأمام , خالد حاكم , ترهاقا , Hafiz Bashir , محمد فضل الله المكى , Khalid Abbas , عمر سعيد علي ولمن مر من هنا من الزوار
انا ما عارف ليه الكيزان دايماً مكابرين ما بيحبوا يعترفوا بالخطأ مع ان الخطأ هو اول خطوة في طريق الاصلاح
هسي يا فرانكلي ما شايف اي خطأ اداري ..! ام هي المكابرة ؟
..
خليه المسافر اللي اتسرقت شنطته دة
انا سنة 2014 رسلت شنطة زواج مكتملة عن طريق شركة شحن واشرفت عليها حتي تم رفعها الي طائرة الخطوط المصرية والتي اعتبرها اسوأ خطوط طيران علي وجه الأرض
فلما ناس البيت استلموا الشنطة وجدوا كل ما غلي ثمنه لا اثر له مثل الصندل والضفرة وبعض العطور اي ما يعادل 900 دولار فقدمت اعراض وتظلم لشركة الشحن
وناس مطار الخرطوم قالوا سبب السرقة في المصدر
..
هل انا برضو ساذج وغبي عندما ارسلت عن طريق شركة شحن ام يوجد (موظفين) لصوص يسرحون ويمرحون بلا اي متابعة او اشراف
..
محتوي البوست يوضح المشكلة والازمة الفضيحة
...

بدون مكابرة أنا ما شايف أي خطأ إداري

الخطأ الإداري يلزمه حقوق تجاه الأخر

فهل تعتقد أن لهذا المواطن الساذج اي حقوق؟

في كل العالم حقه صفر كبييييييييير

نجي لقصة شنطتك السفرتها بالمصرية

كدي برواقة كدا ورينا

Quote: واشرفت عليها حتي تم رفعها الي طائرة الخطوط المصرية

دا حصل كيف؟

يعني مشيت مكتب الشحن وزنوا الشنطة وختوها عندهم كم ساعة أو كم يوم ولما جاء موعد الطائرة ركبت مع الشنطة في سير واحد لحدي الترلة بتاعة العفش وبعدها جدعوا شنطتك في الطيارة وإنت تعاين؟

ولا دا حصل كيف؟

على الأقل نعمل زيّك كدا

Quote: فلما ناس البيت استلموا الشنطة وجدوا كل ما غلي ثمنه لا اثر له مثل الصندل والضفرة وبعض العطور اي ما يعادل 900 دولار فقدمت اعراض وتظلم لشركة الشحن وناس مطار الخرطوم قالوا سبب السرقة في المصدر

أها لما ناس المطار قالوا ليك السرقة من المصدر عملت نايم ولا تابعت إجراءاتك الرسمية في مطالبة شركة الشحن بالتعويض؟

شنطة قيمة محتوياتها أكثر من 900 دولار هل كانت مؤمنة؟ ولو كنت عامل تأمين راجعت مع الشركة بوليصة التأمين؟

يا جماعة ما ممكن يكون التفكير بسيط بالشكل دا أبداً أبداً أبداً

معقولة بس؟؟

زمان في سوداني كان معانا رسل قروش من ألمانيا داخل مظروف (جواب) لأهله في السودان وأشرف عليه بنفسه حتى أودعه صندوق البريد ولدهشته الكبيرة أن الجواب لم يصل لأهله.


.

Quote: يعني مشيت مكتب الشحن وزنوا الشنطة وختوها عندهم كم ساعة أو كم يوم ولما جاء موعد الطائرة ركبت مع الشنطة في سير واحد لحدي الترلة بتاعة العفش وبعدها جدعوا شنطتك في الطيارة وإنت تعاين؟ ولا دا حصل كيف؟

لغاية ما شحنوها انا موجود كيف وليه وبصفتي شنو
دة ما اعتقد انه يلزمني اوضحه ليك
..
مكبر اللفة من محتوي البوست الاساسي ليه وماسك في القشور يا كمال
...

يا عبدالقادر ما مكبر اللفة ولا مصغرها بسط فاتحة البوست هتافية أكتر من موضوعية

قول لي كيف؟

قلت لي كيف؟

بالنسبة لإدارة المطار فهذا عبء قام به طرف أخر ويا ليت كل شركات الطيران تحذو حذوهم وتقلل تكاليف التشغيل في المطار.

أنا شخصياً ما شايف أي مشكلة على الإطلاق من كون شركة الطيران توظف عمال يستلموا منك شنطتك في الكاونتر وإنت طالع ويعملوا ليهم كشك جنب السير وأنت داخل

العمال والموظفين ديل من شركة خاصة شركة, من شركة تابعة للخطوط أو تتعاقد مع شركة داخل المطار, كله جائز ومعمول به في كل مطارات العالم.

المشكلة وين؟

يعني بصورة موضوعية كدا. أين هي الإشكالية في مثل هذا الإجراء الإداري والتنسيقي؟

وبصورة أوضح إذا ضاعت الشنطة أو فقدت. من المسؤول شركة الطيران أم إدارة المطار؟

قلت لي شركة الطيران؟

صح

عليك نور

شرحو

Quote: حفاظا علي حقوق المسافرين قامت بعض الشركات الاجنبية الخطوط الاماراتية مثالاُ بتعين موظفين داخل مطار الخرطوموذلك لمتابعة ومراقبة عفش الركاب حتي يستلمه صاحبه نسبةً لكثرة شكاوي الركاب من السرقات وغالباً مايكون الرد من سلطات مطار الخرطوم بأن السرقة تمت في المصدر

دا مضمون البوست .. مع انك من البدية نطيت منو جيت داخل على
الزول الساذج الغبي وشنطتو وقعدت تبرر تصرف قبيح من ضابط غير مسئول.

حفاظاً على حقوق المسافرين (بمطار الخرطوم) دي كيف ؟.

يا ميرغني أنا بعتذر لقريبك أن مسه منا أي نيران صديقة

لكن العبرة بالهدف الأسمى وهو التقريع والتنبيه الشديد من بساطة وسذاجة تعامل المسافرين السودانيين في المطارات وغير وحطات القطار والمواني البحرية والبرية.

بالنسبة لموضوع البوست أنا علقت عليه في المداخلة القبلك

تعرف يا ميرغني أكتر شيء بضيع القضايا هو عدم إلمام طارح الموضوع بأبعاد ما يتحدث عنه

يعني الواحد طوالي بيجي يفتح بوست دون أن يكلف نفسه عناء بحث غير مرهق عن الإجراءات والسياسات في المطارات الدولية والإقليمية والمحلية

في ناس بتضع المطار في مستوى سيادي واحد مع وزارة الداخلية أو البنك المركزي

ودا طبعاً خطأ فادح وجهل مدقع بكيفية إدارة المطارات كمؤسسة

في المطارات الجهات السيادية فقط تلك التي تراجع جواز سفرك يمكن اضافة جهات إمنية سيادية أخرى تراجع وتراقب المسافرين.

لكن من السكيورتي لسير العفش لحدي موظفي الكاونتر بتاعين الخطوط والبينقلوا العفش من وإلى الطيارة ديل ببساطة شديييييدة شركات خاصة تعمل في المطارات بعقودات وتنسيق مع الأجهزة الأمنية السيادية

ممكن في مطار ما يكون في شركة واحدة وممكن يكونوا عشرة وشركة الطيران تختار شركة وغالباً في السير بيوضحوا ليك الشركة المسؤولة عن عفش سفرية الخطوط الكذا عشان لو ضاعت أو تأخرت تراجعهم الكشك بتاعهم البيكون جنب السير.

شركة الطيران عايزة تعمل شركة خاصة بيها في مطار من المطارات أهلاً وسهلاً بيها, ما في السودان بس في كل العالم تسجل الشركة عادي وتباشر أعمالها.

تعرف حتى تفتيش العفش دا ممكن يكون عبر شركة سكيورتي خاصة "مثل الهدف"

بل حتى إدارة المطار بأكمله من ناحية إدارية وتشغيلية وعملياتية ممكن تقوم به شركة محلية أو أجنبية

ليس المطار فحسب بل حتى الموانئ البحرية

الفهم القاصر بيقود لتصورات خاطئة وبالتالي كل ما يبنى عليه بيكون باطل من أساسه ومجرد هتافية تفتقر لأي موضوعية

شركة الطيران مسؤولة عن حقوق المسافرين بمطار الخرطوم دا Fact

وليس غيرهم

تعرف يا فرانكلي خربت موضوع البوست بجدارة فائقة
شكلك عندك ناس بيجو يظبطوا ليك كل امورك في المطار

مطار الخرطوم مطار غير آمن لا لي عفشك ولا لي روحك حتى

تحياتي يا تهراقا

بس لو سمحت التخريب وين وكيف؟

يعني ياتو جزئية من مداخلاتي في البوست دا عبارة عن تخريب سواء بجدارة فائقة أو غير ذلك

وأنا ما عندي ناس بيظبطوا لي أي أمور في المطار وبسافر السودان في السنة على الأقل مرة وحصل وتأخرت شنطة من التركية لكن استلمتها بعد إسبوع مكتملة وليس بها غير شرط وكسر للدعامة الداخلية "كركاسة"

Quote: مطار الخرطوم مطار غير آمن لا لي عفشك ولا لي روحك حتى

طيب كدي أضرب لينا أمثلة حية من تجربك الشخصية بعدم الأمان في المطار للعفش واعرج لعدم الأمان لروحك

حصل شنو ومتين وكيف؟

وما تنسى تدينا نسب مئوية يعني في اليوم الواحد كم تكون نسبة عدم الأمان الشخصي وللممتلكات؟

بصورة تانية في اليوم بيسافروا كم شخص وكم شخص منهم يتعرض لعدم الأمان في عفشه وروحه؟

Quote: تعرف يا ميرغني أكتر شيء بضيع القضايا هو عدم إلمام طارح الموضوع بأبعاد ما يتحدث عنه يعني الواحد طوالي بيجي يفتح بوست دون أن يكلف نفسه عناء بحث غير مرهق عن الإجراءات والسياسات في المطارات الدولية والإقليمية والمحلية

ما بلومك لانك مجرد كوز واي كوز بيشوف نفسه مؤهل اكثر من الاخرين في اي مجال
رغم خواء الكوز الفكري ومحدودية تفكيره ونظرته للاشياء من اتجاه واحد
ما حاناقشك كتير تعقيباتك في بوستاتي سيكون مصيرها التجاهل من الان ولاحقا
...

طوالي كدا ختمت لي في جوازي كوز

طيب أيه رأيك لو قلت ليك أنا ما كوز

عندك اي إثبات إني كوز؟

يعني البختلف معاك في الرأي طوالي كوز والكلام العبيط البليد دا

يا أخي الناس تجاوزت العباطات الصبيانية دي بسنين ضوئية

يا كوز

ليكم التحية اخواني
Mirghani Taitawi وترهاقا
هذا (الفرانكي) لا يخجل لنفسه اتركوه

التحية للجميع ..


كتب الكوز فرانكلي :!!!

فهل تعتقد أن لهذا المواطن الساذج اي حقوق؟
الساذج هو البدافع عن الباطل والفساد وحكومة الفساد .

ههههههههههههههههههههه
هذا (الفرانكي) لا يخجل لنفسه اتركوه
وما تنسي قوة العين !