المهم من أول ستة شهور لي في المنبر وظهرت لي (موهبة) كتابة السجع والقصص القصيرة الملخصة بأسلوب مبدع!
وطبعاً معظمها مر ساكت بدون ملاحظة، فقلت أخير أفتح لي ديوان وأرصها هنا يمكن تخفف من لظى المكتوين ديلا نظام (رشة لديتر). هي ما قصائد بل مجرد رص لمفردات أنا بسميها (مونولوجات)، وليها مفعول جد عجيب
البوست دا ما مهم عندي لكن أهو أسليكم لغاية ما اتفرغ لبوستاتي الحقيقية.
هذا البوست يحوَّل لعناية "الأب الروحي"\العرّاب في متاهته
المحترم
Post: #14 Title: Re: ديوان بنانا Author: حاتم إبراهيم Date: 07-06-2018, 11:03 AM Parent: #1
منلوج رقم (1) انقطع في العام 2014 في من قال (في الفضاء تنعدم الجاذبية) ________________________________________________________________________ تنعدم ليه! صلصة هي؟ هياااااا النور! ومال الكواكب بتنجذب لبعضها بإبداء الرغبة الشخصية؟ إذا كان تخيلك للفضاء أي موقع خارج الغلاف الجوي للأرض فدا برضو فيهو جاذبية أيضاً، القمر دا بيلف حول الأرض كايس باركن؟ خليهو القمر، الأرض دي بتلف حول الشمس دايرة تعرفها ضكر ولا انتاية؟ خليها الأرض، النظام الشمسي كواكبو وين غير في الفضاء؟ البلمها شنو حول الشمس؟ تتدفأ؟ خليهو النظام الشمسي، المجرات دي كلها بيجمعها شنو في الكون الفسيح غير الجاذبية؟ غداء عمل؟
ومال المحطة الفضائية العالمية والأقمار الصناعية دي بتدور حول الأرض بالسنين الماسكها شنو؟ حنيتها للأرض؟ ________________________________________________________________________
Quote: البوست دا ما مهم عندي لكن أهو أسليكم لغاية ما اتفرغ لبوستاتي الحقيقية.
ما تجي تسلينا يا موزة .
عنك قلوب بينططن فوق ...
Post: #36 Title: Re: ديوان بنانا Author: Hassan Makkawi Date: 07-13-2018, 11:46 AM Parent: #35
ارخيهو يا ود المدير...
Post: #37 Title: Re: ديوان بنانا Author: Arif Nashed Date: 07-14-2018, 05:54 AM Parent: #36
حاسبو من قشر البنانا ما يزحلقكم هههههههههههه.
Post: #38 Title: Re: ديوان بنانا Author: جلالدونا Date: 07-14-2018, 06:07 AM Parent: #37
Quote: عنك قلوب بينططن فوق ...
ده نظام ديل قلبين ضماهم غرام عاوز تتبعض ولّ شنو
Post: #39 Title: Re: ديوان بنانا Author: حاتم إبراهيم Date: 07-14-2018, 07:15 AM Parent: #1
بعضهم يبدو يائساً.
___ آيسان عنيف.
Post: #40 Title: Re: ديوان بنانا Author: Frankly Date: 07-14-2018, 09:04 AM Parent: #39
Quote: مال الكواكب بتنجذب لبعضها بإبداء الرغبة الشخصية؟ إذا كان تخيلك للفضاء أي موقع خارج الغلاف الجوي للأرض فدا برضو فيهو جاذبية أيضاً، القمر دا بيلف حول الأرض كايس باركن؟ خليهو القمر، الأرض دي بتلف حول الشمس دايرة تعرفها ضكر ولا انتاية؟
يا أبو علوة الظاهر عليك ملخبط شديد بين الجاذبية لكل كوكب والإستقرار النسبي في المسار.
أنت مفروض أشئلتك دي تهديك أن ذلك لا علاقة له بالجاذبية لأنه لو كان الكواكب بتنجذب لبعض بفعل الجاذبية لإرتطمت وتلاحمت بعضها ببعض ولابتلعت النجوم الكواكب
أنت مفروض تسأل نفسك إذا في حاذبية ليه القمر دا دق الواطة في الأرض على مر هذه السنين من نشأته؟