احتلال البوستات

08:47 AM July, 05 2018 سودانيز اون لاين
فرح الطاهر ابو روضة-...................
مكتبتى
رابط مختصر
انا ما قاصد هنا بوستات الونسه
ولا البوستات الممكن تكون حوارية
بين عضو وعضو
وممكن يكون عضو ثالث
زي البوستات دي ساهلة
وممكن العضو يقدر يدير
بوسته ويوصل
فكرته بدون عنا

البوستات المقصودة
البوستات الممكن تجذب فكرتها غالبيه الاعضاء
المتواجدين في المنبر
بتلقي صاحب البوست بعاني
في كيفية ادارة بوسته او توصيل
فكرته
كثافة مداخلات من عدد كبير من الاعضاء
ودي ما مشكلة
المشكلة البعض بختطف المايك
عديل
معقول ياخ

طيب ياخ ارجع مرة تانية وتالتة
اذا حسيت انه في ضرورة لرجوعك البوست
او صاحب الطرح استدعاك
لكن علي الاقل اديه
فرصة يرد علي المداخلات ويوزع الفرص
بالتساوي علي المتداخلين
ولا انا غلطان

حكاية اختطاف المايك
من بتاع المايك دي كوم
هههههه
وفي كوم تاني
اغاظة

مكرر

انك تجي في البوست
تلصق ليك
سيرة عضو انت اصلا مختلف معاه
او تجعل موضوع غير
مكان تناسل لخلافات لا علاقة
لها بما هو مطروح
يعني خليت البوست في مهب الريح
وقابل للاشتعال في اي لحظة
والبوست لا حقك
ولا عندك بيه علاقة
وكتيرجدا ينفجر البوست ويحيد
عن فكرته
ولا مجرد احساس بتخريب بوست
واجهاض فكرة مافي
تكون فرحان وبتنطط انك سقت البوست
لاهدافك
معقول ياخ

الخلاصة
تكتب بوست في سودانيز اون لاين
دي ما فيها مشكلة
المشكلة الحقيقية كيف انك
تقدر تدير بوستك اذا كان البوست جاذب
وتوصله لبر الامان وتعمل توازن
بين كثافة الردود
والمترددين علي البوست اكثر من مره
ومن يمررون اجندة مغايرة لما هو مطروح
دي عايزه انك تتحول
لرقيب وعتيد
في ان واحد
وياهو الحال
وربكم يهون

تحياتي فرح ...
ياخي ساعدنا بي إسم بوست ولا اتنين
عشان نقدر نقيم ونعرف المشكلة مكانا وين ...

أعلمل حسابك يا أبو روضة
البوست بتاعك دا زاته حيجوا يحتلوا ليك ويهنضبوك

يا عبدالعظيم في حاجة
تالتة
تلقي واحد عمل ليه مشاركة
وصاحب البوست شايفه وقرأها
وما رد عليها
احتمال متفق معاه
احتمال ما خارج اطار الموضوع المطروح
يجي التاني يلصقها ليك
يقول ليك رد كسر رقبة
ههههههههههههههههه
ولا انت انتسفت عديل كده
والله يا عبدالعظيم المنبر ده
فيه حاجات تضحك
وبرضه انحنا كبار غصب

عزرا ابو الروضة

حيث كلا منا كتاب وقراء لدية " معركتة ".
ولى زمن ( ما أريكم إلا ما أرى )
ولى زمن (لا يعلو صوت فوق صوت المعركة ) .
ولى زمن (من يملك الاداة يملك الرسالة ).
ولى زمن (التحدث بالوكالة باسم الوطن )
فيا صديقى هذة هى ( ديمقراطية ما
يطلبة المستمعون ) كما سمها سيف اليزل
فى بوست مجاور .

———

Cc: عبدالعظيم عثمان

هاشم احمد عساك بخير
سودانيز اون لاين مش حتقدر
تغمض عينيك

يا صلاح كيفك
ما ممكن انا اتكلم عن ايراد اسماء
وبوستات بانها بتقحم في موضوعات
ليست ذات صلة
وبتسبب في انفجار البوستات
وانت تجي تقول لي جيب نماذج
انا ممكن اجيب نماذج في حالة واحدة
بس
لو في عدد مقدر من الاعضاء
قالوا لا اصلا انت يا ابو روضة
بتقطع من راسك
يعني يحصل نفي لما هو
مطروح بشكل قاطع
بعدها انا بجيب نماذج
متوفرة بعد استئذان اصحاب
البوستات طبعا

حاجة تانية بتخلي صاحب
البوست خشمه ملح
ملح ههههه
بناقش في فكرته بمزاج وردود
واختلاف
واتفاق
وداب ما البوست عمر
يقوم واحد.من الاعضاء يشتل
ليه بوست تاني وبنفس الفكرة
بس يكون فيه شوية تظليل
هههه
ويجدع ليه
مقدمة مهما تحاول تطعمها بتكون ماسخة
ويتفرتق جمع الاعضاء
بين اصل البوست والبوست المتناسل
ويكون ابو زيد لا غزا ولا شاف غزو
ومعفولة بس

تحياتي ابوروضة
وضيوفه
انا شتلت بوست موازي لبوستك بتاع الوعي واستأذنتك ولم ترد
لعلك تقصده
امكن كتبت اسبابي بوضوح انو بوستك صار ساحة معركة
والوعي بالنسبة لي قضية اساسية جدا
المهم يا سيدي لم يكن ابدا سوء قصد مني

يا عبدالحفيظ
وحاة خوتك
انا لحدي اللحظة دي ما شفت بوستك
ولا شفت انك استاذنتي لبوست ؟؟
ياخ معقول انا افتح بوست لمجرد
انك فتحت بوست موازي ده لو افترضنا انا
فعلا شفت البوست
غايتو لو في طريقة عشان نطلع من الموال ده
لو في امكانية لقراية المتصفحين للبوست من خلال
ادارة المنبر ولوحة التحكم
والله تتكرم ادارة المنبر تصفح البوست
او مداخلة الاستئذان
اذا أنا ضمن المتصفحين للاتنين
يكون فعلا يا عبدالحفيظ البوست نتيجة زعل
تعرف
ياخ انا لو عندي شوية ذوف شوية
واصلا البوست عشان بوستيك
المفروض اخليه اسبوعين علي الاقل
ولا كيف
المشكلة وين بالضبط في اننا بنتناول الحاجات
بحساسية زائده شوية
اديك ليها من الاخر
لو انا شفت بوستك والله يشرفني جدا انك
تفتح بوست موازي وانه اافكرة. تتنافس
باكثر من زواية
اذا دعت الضرورة
بس كمان تعال نتفق
مرات في تناسلات ياخ ما ليها اي لازمه
لمجرد الواحد عايز ينادي ليه عضو
غايتو
اختزلتني اختزال
لكن البجي من ود ابو سن يهون
ولو تابعت البوستات الفي الصفحة
الاولي بس تلقي انا عندي مشاركة
بتوصلك
دم بالف خير

ههه حصل خير
انت كتبت برجزة الوعي
وانا خشيت
بعد شوية العلالة قامت
استأذنت منك وفتحت بوست
الوعي بوابة التغيير
المهم يا زول
اياهو الهم الواحد
هم الوطن والمواطن وهمنا زاتو

Quote: لكن علي الاقل اديه فرصة يرد علي المداخلات ويوزع الفرص بالتساوي علي المتداخلين ولا انا غلطان

خلاص تاني أكتب ليهم يا اكتب انا يا تكتبوا أنتو


لو صفيتو النيه البوست بيشيل الف مشارك

يافرح .. أظنك بتعاني من أزمة سؤ إدارة البوستات وبتحاول تعمم المشكلة على الجميع .
شوف بوستات ود البشرى ماشة زي الترتيب .. رغما عن كمية المداخلات والمشاركين .
.
قوم لف ياخ 😁

يا فرح

قيادة الحوار في اتجاهات مختلفة هذه سمة سودانية عامة ليس في المنبر فقط

تلاحظها لو كنت جالس في بيت فراش مثلا مع شلة عاملين حلقة تلاقي المواضيع تتغير مثل موجة الرادي
تلاقي الناس مثلا تتناقش في حالة الهلال والمريخ والدعم الحكومي للناديين من زمن الاستعمار وفجأة يبدأ تنصنيف الزعماء بين هلالابي ومريخابي
وفجأة واحد يقول لهم انتو الصادق المهدي مشكلته شنو مع المصريين .
هنا ما في حد يقدر يقول له دخلتنا في حارة ثانية . لأنه الموضوع طالما وصل دور السياسيين في الرياضة أذا هذا الأخ لقى سيخ طائر وبنى عليه الاتجاه الجديد للحوار.
حياتنا هي المتداخلة في بعض الرياضة في الفن في السياسة في الاقتصاد في الصحة في الزراعة
أذا كان لا توجد مهنية أو حتى تكنوقراطية في حياتنا العامة كيف نقدر نقود الحوار في اتجاه واحد . وزير الصحة عندنا قائد تمرد سابق سياسي عسكري ما عنده أي علاقة بالطب والصحة
وزير الداخلية مهندس زراعي وهكذا

منظِّر "استلام\احتلال " البوستات هو الشبح "حاتل أبراطيش"،

في بوسته "تكاتيك": يقول قملوفسكي:

Quote: أها، أنا هنا عايز أقدم "عصارة" تجاربي في المنبر دا. وعايز أفشي أسرار الخطط بتاعتي (الهجومية تحديداً) الدفاعية ديك أي زول ياكل نارو. حأعرض الأساليب والخطط بتاعة المداخلات، وكيف تستلم البوست وكيف تنتهي من عدوك.

لاحظوا هو يسمِّي صاحب البوست الأصلي "العدو"؟؟؟؟؟

احتلال البوستات

"الشبح " حاتل ابراطيش قملوفسكي،

ليس منظِّراً فقط، ل"احتلال البوستات"،

بل هو "ممارس" ل"احتلال البوستات"،

ويقدِّم "نماذج عملية " لكيفية "احتلال البوستات"،

ويعرض تقديم "دروس خصوصية" لأعضاء سودانيز ؟؟؟؟،

و"احتلال بوستات الأعضاء" ،

هو سبب مشاكله التي لا تحصى ولا تعدّ ؟؟؟؟

أدناه مقدِّمته لبوسته "تكاتيك":

Quote: أها، أنا هنا عايز أقدم "عصارة" تجاربي في المنبر دا. وعايز أفشي أسرار الخطط بتاعتي (الهجومية تحديداً) الدفاعية ديك أي زول ياكل نارو. حأعرض الأساليب والخطط بتاعة المداخلات وكيف تستلم البوست وكيف تنتهي من عدوك. حأجيب تفاصيل وشروحات ونماذج حقيقية مريت بيها خلال السنة الفاتت. ____ ما بعيد أعلن عن دروس خصوصية نظري وعملي، بالساعة وبالبتكوينز.

نعيد التنويه إلى أن "الشبح" يسمِّي صاحب البوست الأصلي:

"عدوَّاً"؟؟

في شر يا اخوانا أكتر من كدا؟؟؟؟؟

يعني يا خواض هسي
انت احتليت البوست ده بحجوة حاتم
وحكاية
إنك تصدر موضوع بوست لبوست
دي سبب رئيس في اشعال وخراب
الكثير من البوستات
والبتعمل فيه الان ده نموذج
لكن انا يا خواض برضه ما بخليك
ساكت لسه بعتقد انك ممكن تلحق نفسك
تاني بقدم ليك اقتراح
اعمل مناظرة انت وحاتم في بوست منفصل
ناديهو واتناقشوا
بس بعيد من اللغة
الفخيمة ديك
انحنا ناقشناك
حامل الابرايق
ووووو
وشايفك برضه في بوست بسمات
مشيت كبيت ليك اية قرانية
تحولت يا الخواض لكوز من الدرجة
الاولي
ترفع المصحف في وجه الاعضاء
وتنسي ممارساتك
يا خواض
اختشي ياخ

وانت وعدت بقول الحقيقة؟؟؟

وأمامك الدليل؟؟والتكتيكات؟؟؟؟

وانت تحولت إلى "متحالف"؟؟؟

انت يا سيد
ازمة نظام كامل ما اعترفتوا بيها
ياهو قاعدين تشيلوا وتبرروا
يعني انا لو عندي ازمة عايزيني اعترف ليك
بيها يا سيد
بعدين ياخ اي زول بدير بوستاته بالطريقة البتعجبه
وبالمناسبة البوست ده ما بعيد
من بوست ود البشري يا سيد
لانه التاثير مين قال
في انك تكتب بوست او تكون معارض او مع
النظام او يصل صوتك
التاثير ده يا سيد شي متكامل
طريقة طرح البوست
المشاركات
الية التواصل بين الاعضاء
الخلاصات المفيدة
ولا انا غلطان

يا عادل الباهي
عبدالحفيظ هجمني ورجمني ياخ
بس مقبولة منه
هو عليك الله في علالة برجزة الوعي ديك
تاني حيكون في انتباه لبوست
او استئذان

Quote: بس بعيد من اللغة الفخيمة ديك

انت قايل اللغة الفخيمة دي ساهلة؟؟؟

دي "موهبة" زائد عمل؟؟؟

وما يلقاها إلا ذو حظ عظيم...

الفخامة الحقيقية
يا الخواض
ما في انك تلصق حروف في داخل مفردة ذاهية
في انك تعرف توظيفها صاح
الموهبة والشغل
ده شي ما بتقرروا انت بقدروه ليك الناس
وفهم الناس ومدي قبولهم لموهبتك
والا تحولت في رائي الشخصي
الي شي عاجز
تعرف لما يصل المبدع
درجة من درجات الغرور وشيلة النفس
معني الكلام ده بدا في الإنهزام
لانه ما صعب الواحد يبقي نجم
صعب انك تحافظ علي النجومية دي
ولمجرد ما انك فقدت صفة التواضع ده
مؤشر الي انك لا تمتلك روح
الابداع اصلا
ابداع لا يؤمن بالراي الاخر
هو ابداع غير حقيقي
ابداع يتوقف عند محطة واحدة
لدرجة المرض
هو ابداع منكفي اخرق
ابداع يتوسل الاخرين
ويفرض نفسه بارادة الانا
هو ابداع هو خصم علي الابداع والمبدعين
وفي رايي المبدعين في السودان
معروفين
اما انتاج فضاءات العالم الاسيفيري
ديل كلهم انا ما شايفهم غير
انهم علي مسافة واحدة
الابداع شايفه في تواضع ابو سن
في انتباه شاهين شاهين لما كرس جهده اليه
الابداع في زفرات وصخب دينق
و يمشي باختيال جنبا الي جنب مع لغة
بت عمسيب ولهفتها علي وطن حاضره ومستقبله
الابداع في تمرد حاتم
وبين سطور امتثال وبسمات
ورفضها للعوج والحكايات الخمج
الابداع بين سطور احمد يسن
وحكمة عبدالعظيم عثمان وحافظ بشري
وفي اختلافات محمد البشري
وكم من المنبريين الرائعين
وحتي من يختلفون معك بعقلانية
ومقدرة علي ادارة حوارات خلاقة
علي طريقة فيد وتستفيد
اما انت يا خواض
قد تكون مبدعا ولكنك للاسف
تفتقد للكثير من المقومات
التي من الممكن أن تقودك لمبدع
كامل الدسم وبمثل هذا السلوك
لن تصل

ياخ خربت لينا البوست

آخر كلامي لك:

لست قارئي النموذجي ، والبتحبو انتو فيهو شك كبير،

على الأقل أنت لست قارئاً جيداً..