كامل تضامننا مع Ahmed Yassin ......كاريكاتير

10:16 AM July, 03 2018

سودانيز اون لاين
عمر دفع الله-
مكتبتى
رابط مختصر

https://www.0zz0.com

Quote: هذا بمثابة اعتذار للأخ الفاضل أحمد ياسين عن وصفي له بالشبح في بوستي المعنون " المشترك مابين الشبحين حاتم ابراهيم وأحمد ياسين" حيث حسبته اسماً مستعاراً يستخدمه شبح يدعى حاتم ابراهيم الذي خرّبت هذا الموقع جلبة آنيته الفارغة، وكاد أن يلهي من فيه عن هموم دنياهم ومشاغل عباداتهم وقضايا معارضتهم لسلطة "الانقاذ" بماينشره من مطاعنات وخردلات لاوزن لها في ميزان الفكر بغية النيل من أفراد جعل من الارزاء بهم سبيلاً لنيل الشهرة في الفارغة والمقدودة وتعبيد الطريق للسيطرة على هذا المنبر يؤآرزه شيعة لهم مارب في دفعه الى المقدمة ليعبد لهم الطريق

Osman M Salih

Quote: عثمان صالح وشركاه انت صعبت علي المسألة شديد لدرجة ان ساكسفون حاتم ظل ينفخ في اضاني طوال الليل عشان كدة يا استاذي الفاضل .. انا برضو حاصعبها عليك ياعثمان يامحمد صالح وحأدبك ادبة في المنبر دا عمرك ما حتنساها واخلي (صوتك) يرتجف وتقول انا كان مالي ومال الشبح احمد دا شوف يا استاذ عشان انا زول حنيّن ورقيق الحال حاطلب منك او هو ما طلب قول شرطين اختار واحد منهم .. وانا برضو عشان طيب حاختار ليك الاسهل .. نمرة واحد تغني لينا في البوس تدا اغنية (معذرة) لزيدان .. الكتبها كباشي حسونة (ما ابو درديري) ولحنها احمد زاهر غني منها مقطع صغير ما عايز اقول ليك كوبليه لانو كتير عليك بى صوتك الخشن دا

Ahmed Yassin

Quote: أمّا الضيف الذي أفردت له هذا البوست فقد رفض اعتذاري وبدلاً من أن يكتفي بعبارة رفض رصينة تليق بأهل الفن، سوّلت له نفسه طلب المستحيل. إن الانسان يحيا مرّة واحدة لاتتكرّر، وعليه أن يحياها عزيز الجانب مرفوع الجبين، ويصرفها في فعل الخير وإلا فإنّ باطن الأرض خير من ظاهرها.

Osman M Salih

Quote: ياخي انت جادي !!!؟؟؟ يكون في معلومك انا لو كان في ذرة في قلبي من زعل ما كنت خشيت البوست دا والله (وبحلف ) صادق وما من طبعي احلف ، انا من العنوان نسيت اي حاجة .. زهو في قبول اكتر من انا قاعد اهظر معاك؟ ولا شنو يا عثمان؟ بعدين ياخي انت قلت فوق (الانسان يحيا مرة واحدة) و..طيب مالك حانق كدة ياخ ؟ وبعدين دا بوست اعتذار صاح؟ وباسمي .. صاح؟ فارجو انك ماتهاجم اختنا بسمات بت الشيخ فيهو ياعثمان ياخوي الله يرضى عليك .. خفف على نفسك وعلى الناس شوية من كمية الغضب البتعتريك تصدق كدة (اعتراني الخوف عليك). قلت عني (الضيف) برضو الضيف ليهو واجب الضيافة طالما انا ضيفك وانت كريم ---- دقيقة نسيت حاجة مهمة شديد طالما انت متجرس كدة عفيتك وسامحتك لوجه الله من الشرط المستحيل دا ما تغني ولا عايزين نسمع صوتك زاتو انت قايل نفسك استاذنا عثمان مصطفى تلميذ الايطالي ماستريلي.

Ahmed Yassin

------------------------

Quote: انت قايل نفسك استاذنا عثمان مصطفى تلميذ الايطالي ماستريلي.

ههههه
الكاريكاتير جميل كالعادة يافنان
بس العود لما ينكسر بتتدفق منه الألحان وليس الدماء

هههههههههههههههههه
ياخي طالما الموضوع وصل انامل وريشة عمر
تاني مابشارك في المنبر دا الا يدوني قروش

يا سلام على خيالك يا التاج ...
وكان بيكون افضل لو رسمت عصافير تتطاير من العود بس ممكن ابوساطور يقوم يفطس حتى العصافير ....

Quote: هههههههههههههههههه ياخي طالما الموضوع وصل انامل وريشة عمر تاني مابشارك في المنبر دا الا يدوني قروش

انا ما برد عليك فنطزتك دى
احيلك الى ابو ساطور.....

الواحد لو لقى احساسك دا ونظرتك وتحليلك للاشياء وذكاءك دا ياعمر لمدة اسبوع بس
كان انا بقيت حاجة كبيرة خلاص
التعبير انك جبت عود وليست الة تانية لانه اكثر تعبيرا وتاثيرا
العود الالة الشرقية يا عمر الجابوهو الفطاحلة ودوزنوهو خماسيا واتسودن
سيد خليفة موش قال (كسرت ابريقي والدن)
و .. لسان حالي يقول وانا متجه الى اب ساطور
انا والانغاااااام و ... العود في ايدي

الجزار الفي الصورة
---
كرومة اللي هو عبدالكريم عبدالله مختار
ولد مستورة بت عرضو
في حفل امدرماني لواحد من اعيان امدرمان كان يغني وهو ينظر الى ناحية معينة
كانه يستعطف ساكن او الجالس في تلك الجهة ويردد كلمات ابوصلاح ..وتلك الحساء التي تغنى بها شعرا
ولكنها استهزئت به وضحت من شكله ... كما ضحك (الجزار) من قبولي الاعتذار
صاح وهبة فاقد عقلو و كم جريح و طعين
الناس جروحم تسعة و انا لي جروح تسعين

معقولة يا ابوحميد !
انت اصلا كنت عايز اب ساطور يغني ليك
هسي الخلعة خلتك بقيت غناي .... ههههههههه .

لو جيت للحق
في الاساس مدخلك كان غلط ، لو من البداية قلت ليهو :
قم يا ظريف البورداب
غني لنا غنى
يا زينة الكتّاب
انشودة الجن .... ....... كان قلبو حّن عليك شوية ....
--------------------
ذكرتنى جرسة ود اب سن

.

https://www.0zz0.com

.

الفنان الحساس عمر دفع الله
كل ما ادخل البوست داك .. اجي جاري هنا واقرأ الالوان والخطوط
دي (ميتافيزقيا) عديل تدل على تقريبا حقيقة الواقع
يديك العافية يا عمر يا فنان يابحر الفنون
بعد ما الواحد يروق كدة من خلعة اب ساطور خليني انزل ليك اغنية كدة خاصة ليك

Quote: لاشيء يلزمك بقبول اعتذاري لك، كما يحق لك أن تملي ماتشاء من الشروط التي يحق لي أن انظر فيها و أقرر في شأنها بالرفض أو القبول ولكن مالايجوز لك فعله مهما دعا الداعي هو أن تكذب مدعيا أنك لم تكن جادا فيماكتبته بل كنت تمزح!

https://www.0zz0.com

الناس بقت قاعدة على الهبشة بس، ما بتستحمل أي هظار و لا لمسة فكاهة
سلامات يا عمر وصاحب العود ( الله يعوضك غايتو، بس بطل الظرافة ههههه )

صحي يا كمال عمر
الواحد بعد دا يجي صاري وعيونو حمر

أحمد يس


نجم البورد الأيام دي بدون منازع


ماشة معاك زي الورد

ودالشيخ

Quote: أحمد يس نجم البورد الأيام دي بدون منازع

نجم شنو .. قول شبح البورد

Quote: الواحد بعد دا يجي صاري وعيونو حمر

تعرف يا احمد
لو كان صرفت بركاوي و بعد داك قلت بتهظر كان صدقوك لكن تحلف يمين بالصدق ما بصدقوك.
امة سودانيز اونلاين امة عجيبة.

الواحد فينا يسمع كلمة شبح جسمه كله يرجف..ومعاوية المدير بتمنى يبقى شبح..