Post: #1
Title: خريطة الساليساو نحو الكنز
Author: محمد حيدر المشرف
Date: 07-02-2018, 05:23 PM
05:23 PM July, 02 2018 سودانيز اون لاين
محمد حيدر المشرف-دولة قطر
مكتبتى
رابط مختصر
لبرازيل في حال اقصت المكسيك كما نحب ونشتهي .. ستقابل الفائز في مباراة بلجيكا واليابان .. اغلب ظني بلجيكا
اسنكون على موعد مع مباراة ربع نهائي بطعم النهائي بين البرازيل وبلجيكا ..
من الناحية 2 سيلتقي الفائز في مبارة السويد سويسرا بالفائز في مباراة انجلترا وكولومبيا ..
اتمنى انجلترا كضلع من اضلاع نصف النهائي
اول مباريات نصف النهائي ستكون بين الفائز في مباراة فرنسا والارجواي مع الفائز في مباراة البرازيل وبلجيكا لو صحت توقعاتنا
اذن ستكون هناك مباراة نصف نهائي بطعم النهائي بين البرازيل وفرنسا (كما اتمنى)
ثاني مباراة نصف النهائي ستكون بين كرواتيا وانجلترا بحسب توقعاتي ..
البرازيل وانجلترا او البرازيل كرواتيا هي مباراة كأس العالم الاخيرة ..
اتوقع البرازيل وكرواتيا بالحسابات
والبرازيل وانجلترا بالعواطف
|
Post: #2
Title: Re: خريطة الساليساو نحو الكنز
Author: محمد حيدر المشرف
Date: 07-02-2018, 05:34 PM
Parent: #1
عندها سيعانق رفاق نيمار الكأس السادسة ..
وهناك في خلفية البال الجميل ستحلق الاقمار البرازيلية في سماء المانجو ذات السحب الخضراء ... ذلك فالكاو .. سقراط .. زيكو .. جارنيشا (مانويل فرانسسكو دو سانتوس) .. روماريو .. بيبيتو .. رونالدو .. ريفالدو .. روبيرتو كارلوس ... والود الفنان كاكا يعانق بيليه الذي يتحلق حوله الجميع
|
Post: #3
Title: Re: خريطة الساليساو نحو الكنز
Author: Abdullah Idrees
Date: 07-02-2018, 06:03 PM
Parent: #2
الى الامام بلجيكا ..
وبالعدم انجلترا ..
ولا نامت اعين مشجعي السيليساو والفرنسيس والجرمان
|
Post: #4
Title: Re: خريطة الساليساو نحو الكنز
Author: محمد حيدر المشرف
Date: 07-02-2018, 06:16 PM
Parent: #3
اما زول مستلب للمركزية الاوروبية بصحيح
ما خاتين عليك ..
|
Post: #5
Title: Re: خريطة الساليساو نحو الكنز
Author: Salah Zubeir
Date: 07-02-2018, 06:20 PM
Parent: #3
| Quote: ولا نامت اعين مشجعي السيليساو والفرنسيس والجرمان |
ههههه ... الله يسألني كتبتا ٤ أسطر...
ههههه ... كدي النذكرم .......
ممكن اكون رسلتا صفحة الاقتباس التي
شاهدتها قبل كتابة المداخله
تحياتي محمد ...
فرنسيين شنو وانجليز شنو يا عبدالله ...
من يشاهد ما حصل للمكسيكيين اليوم
بالتأكيد بيكون عرف الكأس ماشي وين ..
|
Post: #6
Title: Re: خريطة الساليساو نحو الكنز
Author: طارق عبد الله
Date: 07-02-2018, 07:02 PM
Parent: #2
| Quote: وهناك في خلفية البال الجميل ستحلق الاقمار البرازيلية في سماء المانجو ذات السحب الخضراء ... ذلك فالكاو .. سقراط .. زيكو .. جارنيشا (مانويل فرانسسكو دو سانتوس) .. روماريو .. بيبيتو .. رونالدو .. ريفالدو .. روبيرتو كارلوس ... والود الفنان كاكا يعانق بيليه الذي يتحلق حوله الجميع |
وصف جميل كجمال تلك البلاد وأهلها وعبقها الكروي الذي يضفي نكهة وطعماً يفوق لذة القهوة البرازيلية في الصباح الباكر. البرازيل بالنسبة للعديدين حول العالم وخاصة من مواطني دول مايسمى بالعالم الثالث هي حالة عشق ربما لأنها الدولة الفقيرة التي تحقق الانتصارات على حساب الأغنياء ولو كان ذلك يقتصر على كرة القدم، أو ربما لنمط حياة البرازيليين وحبهم للبحر والموسيقى والرقص وبساطتهم عموما في التعامل مع الغير أو للخطوات المثيرة للاعجاب التي قامت بها في طريق إرساء الديمقراطية ومكافحة الفقر، المهم انها فعلا من الدول المحبوبة للكثيرين وانا منهم. وبعيدا عن ذلك أرى ان كلامك صحيح والنجمة السادسة في طريقها لتزيين القميص الذهبي كما نأمل.
|
Post: #7
Title: Re: خريطة الساليساو نحو الكنز
Author: Abdullah Idrees
Date: 07-02-2018, 09:13 PM
Parent: #6
بل راسك يا مشرف ..
الموس في الطريق 
|
Post: #8
Title: Re: خريطة الساليساو نحو الكنز
Author: علي محمد الفكي
Date: 07-02-2018, 09:23 PM
Parent: #7
هي السادسه
تاكيد للرياده والسياده
|
Post: #9
Title: Re: خريطة الساليساو نحو الكنز
Author: محمد على طه الملك
Date: 07-02-2018, 09:49 PM
Parent: #8
Quote: من يشاهد ما حصل للمكسيكيين اليوم
|
ما حصل شنو با حاج ..
مش زولكم البدردق في الواطا زي الشفع الحردانين ..
تشوف لوما خلو فنلتو الصفيرة دي لونا زرقا.
لك التحية ود المشرف ورفاقه الميامين.
|
Post: #10
Title: Re: خريطة الساليساو نحو الكنز
Author: محمد جبره
Date: 07-02-2018, 11:33 PM
Parent: #9
Quote: الى الامام بلجيكا ..
وبالعدم انجلترا ..
ولا نامت اعين مشجعي السيليساو والفرنسيس والجرمان |
عبدالله ادريس الله يطمنك ياخ
علاقتي بالكورة ذي علاقة (عوض وي وي ) بتخصيب اليورانيوم لاغراض البحث العلمي
صاحبي قال الكاس المرة دي كرواتي اتشالقت وقلت ليه الكاس بلجيكي ...اتشارطنا امدلدوم لي ام دلدوم
لحدي الليلة وضعي كويس .........دعواتكم
|
Post: #11
Title: Re: خريطة الساليساو نحو الكنز
Author: Abdullah Idrees
Date: 07-04-2018, 07:07 AM
Parent: #10
Quote: صاحبي قال الكاس المرة دي كرواتي اتشالقت وقلت ليه الكاس بلجيكي ...اتشارطنا امدلدوم لي ام دلدوم
|
جبرة كيف حالك
انصحك مباريات بلجيكا الجاية تجي مدَبِّل
|
Post: #14
Title: Re: خريطة الساليساو نحو الكنز
Author: Salah Zubeir
Date: 07-04-2018, 07:33 AM
Parent: #11
| Quote: ما حصل شنو با حاج ..مش زولكم البدردق في الواطا زي الشفع الحردانين ..تشوف لوما خلو فنلتو الصفيرة دي لونا زرقا. |
اول بالتبادي يا مولانا نظام التدردق دا بقي
جزء أصيل من اللعبة وكل الفرق شغالا بيهو.
وزولنا دا زول خطر جدا" علي كل الفرق ...
تاني شي السيلساو الفريق الوحيد الأداءو
ماشي في تطور تصاعدي منذ بدء المنافسة
ومؤكد سوف يكون أحد أطراف النهائي ...
ومؤكد إنهم سيظفرون بالكأس شاء من شاء
وأبي من أبي ... وفي كل الأحوال يلزمك
الذهاب الي بروكسل والاحتفال مع اخونا
منير والعالم بإطلاق مركبة الفضاء لاكتشاف
عطارد ... قال ايه قال يا حاج ... والله لافقه.
الما لافقه هي (حاج صلاح) ....
تحياتي ...
|
Post: #12
Title: Re: خريطة الساليساو نحو الكنز
Author: محمد حيدر المشرف
Date: 07-04-2018, 07:25 AM
Parent: #1
صلاح الزبير يا حبيب
البرازيل دي منتخب الفطرة التي يولد الناس عليها ..
اها يقوموا يكبروا ويتفلسفوا ساي بلا بسم الله ..
|
Post: #13
Title: Re: خريطة الساليساو نحو الكنز
Author: محمد حيدر المشرف
Date: 07-04-2018, 07:32 AM
Parent: #1
طارق عبدالله
تحية طيبة يا عزيزي
السادسة البرازيلية قادمة لتلك البلاد التي تجسد عند كثيرين الكثير من تفاصيل الواقعية السحرية ..
ما يزعجني حقا هو غياب كازاميرو عن مباراة بلجيكا .. والاخيرة عندها "نص" عجيب هجوميا .. الا انو البرازيل عودتنا انو اي برازيلي سيملأ خانته بالفن البرازيلي المشهود
|
Post: #15
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 12:03 PM
Parent: #13
على محمد الفكي
كيفك وكيف كيفك يا عزيزي
Quote: هي السادسه
تاكيد للرياده والسياده |
وسيحمل منتخب العالم الجميل كأسه السادسة في موسكو ..
وستنام البشرية على هذا الحلم الجديد الذي تحقق باقدام نيمار ورفاقه
|
Post: #16
Title: Re: خريطة الساليساو نحو الكنز
Author: Ahmed Yassin
Date: 07-05-2018, 12:14 PM
Parent: #15
لا سادسة ولا ثالثة ولا ثانية
البرازيل - اورجواي - فرنسا
هي المرة الاولى
كرواتيا - السويد- بلجيكا
اذا خرجت انجلترا وهذا ما اتمناه .. فاكيد في النهائي فريق جديد وهو سيكون البطل
|
Post: #17
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 12:37 PM
Parent: #16
اسكت يا شبح يا بتاع الكراكتيرات :)
منتخب العالم الجميل سيحرز السادسة وسيرقص العالم السامبا في شوارع الدنيا
|
Post: #18
Title: Re: خريطة الساليساو نحو الكنز
Author: سفيان بشير نابرى
Date: 07-05-2018, 12:41 PM
Parent: #17
سلامات مشرفنا
مافيش برازيل و مافيش نيمار و تمثيل
|
Post: #19
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 11:05 PM
Parent: #1
Quote: حصل شنو با حاج ..
مش زولكم البدردق في الواطا زي الشفع الحردانين ..
تشوف لوما خلو فنلتو الصفيرة دي لونا زرقا.
لك التحية ود المشرف ورفاقه الميامين. |
لا حولاااااا
حتى انت يا مولانا حدت عن الفطرة السليمة؟!!
يا ملك ياخي البرازيل دي بتشبهك شديييييد ..
ذوق وفن واناقة
تنهدات:
البرازيل برازيلكم
الا نصرة مافي!!
|
Post: #20
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 11:08 PM
Parent: #1
ههههه
Quote: صاحبي قال الكاس المرة دي كرواتي اتشالقت وقلت ليه الكاس بلجيكي ...اتشارطنا امدلدوم لي ام دلدوم
|
انتو الاتنين حتتلبعو امدلاديم كتيرة جدا لو قعدوا تشارطو الناس امدلدوم لامدلدوم ..
..
هسع عليك الله يا محمد جبرة شراط ام دلدوم ده نكتو من ياتو ذاكرة؟!
تحياتي يا صديق
|
Post: #21
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 11:13 PM
Parent: #1
صلاح زبير يا برازيلي انيق اناقة كوتينيو لمن يقدل بالكورة يمين نيمار
Quote: يظفرون بالكأس شاء من شاء
وأبي من أبي |
انا والله كنت قايل الناس كلهم طبيعيين جدا ..
كل واحد بشجع البرازيل وبعداك ممكن يتعاطف مع زعيط ومعيط المنتخبات زي ناس بلجيكا الخ
|
Post: #22
Title: Re: خريطة الساليساو نحو الكنز
Author: محمد حيدر المشرف
Date: 07-05-2018, 11:23 PM
Parent: #1
سوفي ناب
كم ساعة و بأتيك بالاخبار من لم تعول او تزود
نيمار ده التمثيل ذاتو خايل فيهو ..
هو انت قايل التمثيل ده حاجه هينة؟!
دفاعات بلجيكا المضروب من اليابان ده الا تنقوهم بالاسعاف
|
Post: #23
Title: Re: خريطة الساليساو نحو الكنز
Author: Elmosley
Date: 07-06-2018, 00:25 AM
Parent: #22
انا مستغرب ليه الناس زعلانة من دردقة نيمار
نيمار لاعب خطير للغاية والحل الوحيد للمداغين هو العرقله والضرب شوف نيمار اتعوق كم مرة بالقصد
وكما قال ريفالدو العظيم لنيمار
تندردق على كيفك وضيع ما يحلو لك من زمن وبالقانون
هسع بالله مولانا الجميل ده شاف اي لاعب ما حريف في فريق البرازيل ده كلو؟؟
برازيل برازيل
|
Post: #24
Title: Re: خريطة الساليساو نحو الكنز
Author: عزيز
Date: 07-06-2018, 09:33 AM
Parent: #23
يا دكتور
سقط سهواً من ذكرك مع بعض من أجمل من أمتعونا بكورة القدم أجمل من لمس الكورة وهو ملهم كوتينيو ونيمار وهو اللاعب الموهوب رونالدينهو الساحر الشين
قبل إفتتاح كاس العالم بيومين كان حايم في أمستردام ..
قلوبنا مع البرازيل
ولكنها غداره يا دكتور المدوره ننتظر العشرة أيام ونشوف الحظ مدويها وين الكأس
|
Post: #25
Title: Re: خريطة الساليساو نحو الكنز
Author: osama elkhawad
Date: 07-06-2018, 08:55 PM
Parent: #24
وداعاًً البرازيل...
|
Post: #26
Title: Re: خريطة الساليساو نحو الكنز
Author: محمد جبره
Date: 07-06-2018, 08:56 PM
Parent: #25
مشرف ... كيف.. تمام.... الحمد الله
|
Post: #27
Title: Re: خريطة الساليساو نحو الكنز
Author: محمد جبره
Date: 07-06-2018, 08:56 PM
Parent: #25
مكرر
|
Post: #28
Title: Re: خريطة الساليساو نحو الكنز
Author: Elamin Medani
Date: 07-06-2018, 09:17 PM
Parent: #27
الكاس انشاء الله إنجليزي
النهائي
إنجلترا وبلجيكا
|
Post: #29
Title: Re: خريطة الساليساو نحو الكنز
Author: محمد حيدر المشرف
Date: 07-06-2018, 09:22 PM
Parent: #1
شكرا يا شباب
عزيز والذين معه ...
الف مبروك لبلجيكا ..
مدرب البرازيل يتحمل كامل المسؤولية في اختيار الاتية اسمائهم
باولينو
ويليان
ديسوس
بينما يوجد على االدكة من هم افضل منهم بما لا يقارن
الكارثة الاخرى فيرمندينو الذي ربما فرض فرضا لغياب كاساميرو
وهو اللاعب رقم 17 في البرازيل واللعب رقم رقم 12 في بلجيكا وبدونة لم تكن بلجيكا لتحرز الهدفين
قبل هدف فيرمندينو الاول لمصلحة بلجيكا .. كانت لتكون النتيجة 2 صفر على اقل تقدير في الربع ساعة الاولى ..
احرز فيرمندينو هدف بلجيكا الاول .. وتسبب في الهدف الثاني .. ومدرب البرازيل يلعب بباولينو وويليان وديسوس والثلاثة لاعبين اقل قامة من البرازيل بكثير ويوجد في دكة الاحتياط من هم افضل منهم كما ذكرت ...
وبعد ذلك ..
كان بامكان نيمار وكيتينيو ان يحسما المباراة بنتيجة طبيعية لمصلحة البرازيل ولكن كيتينيو خرج خارج اجواء المباراة في الربع ساعة الاول من الشوط الاول
نيمار ليس ميسي ولا رونالدو من ناحية الحضور الذهني المهم جدا لقيمة اللاعب .. ونحن هنا نتحدث عن قيمة اللاعبين الكبار .. اشفق على ريال مدريد في المواسم القادمة لو تمت صفقة نيمار كما هو متوقع بعد ذهاب رونالدو ليوفنتس ..
محللي قنوات بي ان سبورت دراويش ليس الا ..
يتحدثون عن تفوق بلجيكا التي وصلت البرازيل لمرماها في أكثر من 6 هجمات باهداف مضمونة ..
تياقو سلفا .. ضربت في العارضة
كوتينيو ..
ديسوس ..
اوغستو ..
باولينو
اذن لا مجال للحديث عن تفوق تكتيكي ولاعبي البرازيل يتفقون على انفسهم في اضاعة الفرص .. التكتيك الكروي لا يعتمد على اضاعة لاعبي الخصم للفرص ..
كما ولم نشهد تفوق تكتيكي الا في الهدف الثاني لبلجيكا .. تفوق في مناسبة واحدة ما كان ان يكتب له النجاح لو ارتكب فيرنانديو مخالفة تكتيكية بديهية جدا مع لوكاكو ..
خلاصة القول تفوقت الكرة الكرة الاوروبية في كاس العالم باقصاء البرازيل واورجواي ..
تفوقت "المساخة" على جماليات الكرة ..
تفوق انصاف الموهبين على الموهوبين بالامكانيات والتنظيم والاجتهاد واللياقة البدنية والحضور الذهني ..
هذا هو مستقبل كرة القدم في السنوات القادمة ..
|
Post: #30
Title: Re: خريطة الساليساو نحو الكنز
Author: جلالدونا
Date: 07-06-2018, 09:39 PM
Parent: #29
يعنى هسى نفهم شنو
الخريتة طلعت مقلوبة
|
Post: #31
Title: Re: خريطة الساليساو نحو الكنز
Author: Mohamed Doudi
Date: 07-06-2018, 10:04 PM
Parent: #30
يا ود المشرف
جاملت نيمار كان سيئا
دوغلاس كوستا كان مفروض يبدأ المباراه
البرازيل 52 لمسه داخل منطقه جزاء بلجيكا ( باولينو -نيمار وكورينيو وجيسوس) اضاعوا مهرجان اهداف
نيمار يذكرى ب روبنيو
معليس
انا حاشجع منتخب فرنسا بعد ده
|
Post: #33
Title: Re: خريطة الساليساو نحو الكنز
Author: محمد حيدر المشرف
Date: 07-06-2018, 10:45 PM
Parent: #31
خريطة كانت لمصلحة كرة القدم يا جلال .. سنخبئها لاربعة سنوات قادنة :)
دودي سلامات
نيمار كان سيئا بالمردود المتوقع منه ... ونيمار لن يرد اسمه كثيرا في تأريخ كرة القدم .. ليس رونالدينو ولا رونالدو ولا روماريو ولا ذيكو .. وبالتأكيد ليس بيليه
|
Post: #34
Title: Re: خريطة الساليساو نحو الكنز
Author: محمد حيدر المشرف
Date: 07-06-2018, 10:49 PM
Parent: #33
استاذنا الموصلي ..
اتدردقت الاماني بمعانقة الكأس السادسة ... واتشتت الرصاص :)
طارت يا خواض ..
سأعلن الحداد ل 3 ايام ..
واتمنى قرنسا وكرواتيا للنهائي ..
نحمد جبرة
اهو حال الكورة يا عزيزي
ما بتدي حريف!!
|
Post: #32
Title: Re: خريطة الساليساو نحو الكنز
Author: محمد حيدر المشرف
Date: 07-06-2018, 10:41 PM
Parent: #1
رونالدينو
عبقرية كرة القدم ومتعتها يا عزيز ..
بين فترة وأخرى ابحث عن فيديوهات في اليوتيوب .. وما زال يدهشني
|
Post: #35
Title: Re: خريطة الساليساو نحو الكنز
Author: محمد على طه الملك
Date: 07-06-2018, 11:57 PM
Parent: #32
موسيقارنا الكبير ودكتورنا ود المشرف ..
قلبي معكم امسحوها في وشنا..
عزاء نيمار يحصل رفاقتو على مصاطب المتفرجين.
|
Post: #36
Title: Re: خريطة الساليساو نحو الكنز
Author: عمر نملة
Date: 07-07-2018, 00:06 AM
Parent: #32
سلام
Quote: تفوق انصاف الموهبين على الموهوبين بالامكانيات والتنظيم والاجتهاد واللياقة البدنية والحضور الذهني ..
|
اول هارد لك...اسمح لي اشوف من زاويتي..فريق بلجيكا ..فريق ليس وليد صدفة..صحيح ما ذكرت...تنظيم
وامكانيات وحضور ذهني..وكمان مواهب يافعة متابعها في الميادين والدوري المحلي البلجيكي
قبل انتقالهم الي كبار اندية اوربا..من الصعب قهر هذا المنتخب لعدة اسباب..اولها انساجمهم لمدة
تزيد عن ٦ سنوات واكتملت الحلقة بوجود مدرب لا يشق له غبار بالاضافة الي مدرب المهاجمين الفرنسي
هنري وسوف يكون في امتحان صعب امام فرنسا ما بين الولاء والمهنية.
كرة القدم للبلجيكي متطوره الصورة غير طبيعي وهي اسلوب حياة لكثير من الاسر وانا منهم اعدي ثلت وقتي او اكتر في متابعة اولادي التلاتة والرابع السنة الجاية...لكل واحد تلاتة يوم اسبوعيا..ودائما الماتش السبت.....بلجيكا سوف تتربع على عرش الكرة لسنوات قادمة...ولو متابع للتصنيف تقريبا هي الاول عالميا
التحليل قبل المباراة كله كان ينصب لصالح بلجيكا..ما عدا عدم حصولها على الكاس...مباراة فرنسا هي نهائي مبكر...اتمنى واتوقع فوز بلجيكا بالكاس
|
Post: #37
Title: Re: خريطة الساليساو نحو الكنز
Author: Ahmed Yassin
Date: 07-07-2018, 02:29 AM
Parent: #36
ندخل نعزي ؟
كابتن ودالمشرف ..انا قلت ليك ليست سادسة والكلام ليس من فراغ
دا تحليل توقع اسمه كدة في عالم كرة القدم
انت يا كابتن اعتمدت على المهارة .وانحنا على التكتيك والجماعية
اصحاب النجم اﻻوحد انتهى زمنهم.
وطريقة بلجيكا في اللقاء يجب ان تكون قاعدة و(ا'س) في معاهد الكرة
متعة ..هي الكرة اﻻوروبية
اما عن الخريطة بتاعتك يا عزيزي فهي فعلا خريطة اصلية ومعتمدة وﻻغبار عليها ولكن رموزها وشفراتها تقود الى ريودي جانيرو....
وليس نحو الكنز
|
Post: #38
Title: Re: خريطة الساليساو نحو الكنز
Author: محمد حيدر المشرف
Date: 07-07-2018, 03:43 PM
Parent: #1
بالنسبة للمساخة هسع دي انا بكتب وقدامي السويد وانجلترا لحظة هدف انجلترا .. لو ما كانت دي المساخة لا اعلم كيف يمكن ان تكون
|
Post: #39
Title: Re: خريطة الساليساو نحو الكنز
Author: سفيان بشير نابرى
Date: 07-07-2018, 03:58 PM
Parent: #38
غايتو يا ود المشرف انت و الموصلي و ود البشرى تاني الواحد يشوفكم شايتين وين ويشوت ضدكم لاحولتن لا قولتن منكم ياخ شربتوهم جوووووت ديل شنو ديل الشرايين ديل؟
بالله اختو لينا البلجيك و الكروات وركزو لينا على المؤتمر الوطني.
|
Post: #40
Title: Re: خريطة الساليساو نحو الكنز
Author: osama elkhawad
Date: 07-07-2018, 10:57 PM
Parent: #39
يا مشرف
أهلا
سمعت تحليلا عن السبب الرئيس لعدم تأهل ايطاليا، وهو اعتماد الفرق الايطالية على اللاعبين الاجانب والمتاجرة بهم...
ربما هذا الجشع الراسمالي من اسباب عدم تأهل كثير من الفرق التي تملك لاعبين محترفين، ولكن لا يتاح لهم الوقت للانسجام بحكم التزاماتهم الاحترافية،
وكذلك "خوف "اللاعبين من الإصابة ...
|
|