Post: #1
Title: الزول بونسو غرضو
Author: عبدالحفيظ ابوسن
Date: 06-30-2018, 05:27 AM
05:27 AM June, 29 2018 سودانيز اون لاين
عبدالحفيظ ابوسن-no where
مكتبتى
رابط مختصر الزول بونسو غرضو
وهو مثل سوداني
بيعني للقلة التي يفوت عليها معني المثل
ان الانسان يحب ويرغب في الكلام البدور حول اهتمامه وما يهمه
|
Post: #2
Title: Re: الزول بونسو غرضو
Author: عبدالحفيظ ابوسن
Date: 06-30-2018, 05:34 AM
Parent: #1
يعني الايامات دي ناس الكورة همهم كلو يحضرو كاس العالم
الونسات والمعلومات حول كيف تقدر تشاهد المباريات
وتبادل وتناقل معلومات تقنية عن اقمار وقنوات ممكن يتفرجو منها مجانا
|
Post: #3
Title: Re: الزول بونسو غرضو
Author: عبدالحفيظ ابوسن
Date: 06-30-2018, 07:02 AM
Parent: #2
قالوا راهب لاقا ليهو مرفعين وهو الذئب .. وبدا يعظ فيهو
انو والخرفان يجب ان يعيشو في سلام . ومافي داعي يهاجمها لانها حيوان ضعيفة ووووو
وفي اثناء كلامي
المرفعين قال ليهو
استعجل شوية يا مولانا .. شايفك لي مراح خرفان ماشي علي البحر
|
Post: #4
Title: Re: الزول بونسو غرضو
Author: عبدالحفيظ ابوسن
Date: 06-30-2018, 07:35 AM
Parent: #3
وغرضك زاتو بكون متسيد طريقة تفكيرك وهمك
ودة طبعا مربوط بدرجة همك بيهو
|
Post: #5
Title: Re: الزول بونسو غرضو
Author: عبدالحفيظ ابوسن
Date: 06-30-2018, 07:48 AM
Parent: #4
تكون عندك مشكلة مع زول .. او بتكرهو
شوف لو كنت في مجتمع فيهو عشرات الناس . انت بتكون منتبه ليهو ولي اشارات ونستو . وبعد داك تندهش لو ناقشت ليك واحد في فحوي كلام الزول دة او اشارتو ويفاجئك انو ما سمعها او ما انتبه ليها
وبرضو
اذا بتحب ليك زول ما بتكون شايف زول غيرو
|
Post: #6
Title: Re: الزول بونسو غرضو
Author: Kabar
Date: 06-30-2018, 08:15 AM
Parent: #2
ول ابا عبد الحفيظ ..حبابك يا صديقي
بالحيل ،
صدقت فصاحة اهلنا المتجاوزننا بسنوات ضوئية عدة..!
عارف يا عبد الحفيظ..
واحد من انجب السودانيين الذين قاموا بتدريس القانون بجامعة الخرطوم ، وتولى وزارة العدل والنائب العام في امسودان ، كمواطن سوداني حر، اسمو دكتور زكي مصطفى..!
تلميذو ، مواطن سوداني تاني حر ، اسمو دكتور زكي عبد الرحمن ، وكان قاضي محكمة عليا في امسودان..!
قريبك العفين ، البتلادح معاك هنا (اقصد اخوك كبر) تلميذ دكتور زكي عبد الرحمن ، يعني بالتواتر ، تلميذ دكتور زكي مصطفى..!!.. الإتنين شغلوا منصب النائب العام في امسودان..!!
دكتور زكي مصطفى ، كتب بحث باللغة الإنجليزية ، ومنشور في احد اعداد المجلة القضائية السودانية ، والبحث يتحدث عن استقبال السودانيين وتقبلهم لفكرة (الكومن لو/ القانون العام الإنجليزي) وفيه طرفة عن علماء الدين وقتها (بما فيهم الشيخ الضرير) وكان سؤالهم للخواجة الأنجليزي الغازي: هل ستطبقون احكام الشريعة الإسلامية (لاحظ الناس ديل مارقين من دولة تورشين..!!)؟؟؟
وكان رد الخواجة الإنجليزي في غاية من الذكاء ، بان قال للعلماء في ذاك الحين: بالحيل ح نطبق قوانين الشريعة الإسلامية زي الترتيب...!! فبايعه صحابنا بكل حسن نية..!
الدكاترة المحترمين للغاية في عرف السودانيين والسودانيات الحقيقيين ، من شاكلة دكتور زكي مصطفى وزكي عبد الرحمن ، ديل يا عبد الحفيظ لا بقارة ولا غرابة ، ليه بيحتفي بيهم مجنون كندا البقاري الملفقاتي الحكواتي كبر؟
قلت لي الزول بونسو شنو؟
لقد ولى زمن الطيبة السودانية ياشيخ العرب يا عبد الحفيظ اب سن..!!
نفس الغرض بتاع كاس العالم 2018 ، في ناس كان عندها سبق حمـــير يا قريبي..ولا انتا عندك كرة اهم من سبق الحمـــــير..؟؟!
مخالب الموساد (حاتم ابراهيم) المليانة بالأنا والنرجسية والطنقعة الما جايبة حقها من شاكلة (على ماهر مدير كلما سوفت) مرورا بمعروف ابو الحسن ، طالب الماجستير بكلية العلوم جامعة الخرطوم ، وحسن ستة زيرو...بتاع الــــ!!
Basic Visual Net
نفس الأنا ، انا محمد النور كبر، أول زول جاب فرقة السمندل الموسيقية ويوسف الموصلي ، في جامعة الخرطوم..!!!
كبر
|
Post: #8
Title: Re: الزول بونسو غرضو
Author: عبدالحفيظ ابوسن
Date: 06-30-2018, 08:42 AM
Parent: #6
حبابك كبر ياصاحب
ههه قلت لي برة الشبكة
تعرف بتونس مع صحاب لاشك في لهفتهم علي الوطن وبتاعين كورة
انو لو الناس بتحب السودان قدر محبتهم للهلال والمريخ كنا طرنا السماء .
لو اعطي السلطة في وطني كما قال نزار
بقفل النت و بمنع الرياضة اشوف الناس دي بتسوى شنو هههه
بعيدا عن حاتم او أي عضو آخر
انا بكتب لي غرض في نفسي أي زول بصرف ذهني عن هدفي بتجاوزو .. بالتجاهل او السفه
اهلنا بقولو
الكلام لو داير تكملو ... هملو
بعدينك ما فرقت يقول طقطقو ولا هزمو ولا قمت جاري
دواس الاسافير دة يا صاحب دواس بندق في بحر
السلاح الكلمة والمنطق
اها اي زول ينضف سلاحو
لايوجد هدف نبيل بي سلاح ق ذ ر
الهدف من الاعضاء ديل
الهدف القراء ديل
ولا تغرنك كثرة المشاهدات
والمشاركات
|
Post: #7
Title: Re: الزول بونسو غرضو
Author: Khalid Abbas
Date: 06-30-2018, 08:36 AM
Parent: #1
اهلنا الكبار عندهم حكمة وخبرة بالحياة وطبائع البشر بطريقة غريبة انا بعجبنى كلام منسوب للشيخ فرح ودتكتوك
بقول (القادر ماتقادرو والعوير ماتهاظروا وما تشهد بى الماك حاضروا ) تعرف لو طبقنا الحكم دى اول حاجة اغلب مشاكل المنبر بتختفى
|
Post: #9
Title: Re: الزول بونسو غرضو
Author: عبدالحفيظ ابوسن
Date: 06-30-2018, 08:45 AM
Parent: #7
والعندو حبة من الرياسة ما تكمل معاهو الفراسة
شفت يا خالد ما تكمل معاهو الفراسة
|
Post: #10
Title: Re: الزول بونسو غرضو
Author: معاوية الزبير
Date: 06-30-2018, 09:00 AM
Parent: #9
Quote: السلاح الكلمة والمنطق
اها اي زول ينضف سلاحو
لايوجد هدف نبيل بي سلاح ق ذ ر
الهدف من الاعضاء ديل
الهدف القراء ديل |
متفقين يا أبو سن مع شوية تعديل:
الكلمة (لكن النظيفة) والمنطق، من أجلنا في الأول ثم من أجل القراء
إذا تحول المنبر إلى شتائم فسيتحول عنه القراء ويبقى الزبد منهم
ثم من ذا الذي يجزم بصحة الكلكات!
|
Post: #11
Title: Re: الزول بونسو غرضو
Author: معاوية الزبير
Date: 06-30-2018, 09:02 AM
Parent: #10
| Quote: ودتكتوك بقول (القادر ماتقادرو والعوير ماتهاظروا وما تشهد بى الماك حاضروا ) |
هلا خالد عباس
ود تكتوك ده قادي عربي
لكن حل اللغز بتاعو ده عرفتو: الاستسلام
صاح ولّ كضبا كاضب
|
Post: #12
Title: Re: الزول بونسو غرضو
Author: عبدالحفيظ ابوسن
Date: 06-30-2018, 09:25 AM
Parent: #11
جدا مع التعديل يا معاوية
بس انا كنت اقصد السلاح في يد الخصمين
الاتنين سلاحهم الكلمة
واحد سلاحو ممكن يكون الكلمة الفالتة والمتعدية والجارحة والبذئئة
اها هنا انا بسوى شنو ؟
ارقد معاهو واطة ولا كيف ؟
ما كمان لازم اكون مختلف منو كإختلاف هدفنا .. محل واقف بحدد انا واقف في ارض صلبة ولا مستنقع آسن
هههه عصرت خالد ياخ
معاك العوير ما تهاظرو
والقادر ما تقادرو لكن احتال عليهو او اجعل لك قوة مساوية لقوته . عاين الناس مرقت بدون اعداد جيد فإنهزمت حد الموت وخرجت في ابريل واكتوبر فإنتصرت
|
Post: #13
Title: Re: الزول بونسو غرضو
Author: Khalid Abbas
Date: 06-30-2018, 09:41 AM
Parent: #11
Quote: هلا خالد عباس
ود تكتوك ده قادي عربي
لكن حل اللغز بتاعو ده عرفتو: الاستسلام
صاح ولّ كضبا كاضب |
عمك ماعايز مشاكل
|
Post: #14
Title: Re: الزول بونسو غرضو
Author: عبدالحفيظ ابوسن
Date: 06-30-2018, 10:36 AM
Parent: #13
طبعا يا خالد قراية فرح ودتكتوك بتتفهم من خلال الصوفية
التسليم والخنوع وحكاية امتحان وحكم
كل الامر بيد الله
|
Post: #15
Title: Re: الزول بونسو غرضو
Author: عبدالحفيظ ابوسن
Date: 06-30-2018, 01:53 PM
Parent: #14
كل زول بعجبو الصارو
مثل سوداني
|
Post: #16
Title: Re: الزول بونسو غرضو
Author: عبدالحفيظ ابوسن
Date: 06-30-2018, 02:50 PM
Parent: #15
كل زول بعجبو الصارو
أي زول بعجبو العندو . لو سقتو للافكار ببقا منهج مدمر جدا وهو الدوغمائية . التمترس وراء فكرة واحدة ورأي واحد ودون اتاحة لفتح الفرص لتدبر راي مختلف او وجهة نظر مغايرة . ذلك الاصرار العنيد عليها يكشف في نظري عن ضعف فكرى
لاتوجد حقائق مطلقة دوما او مقدسة .
عندنا واحد اي مرض عندو امبربفي او ابوعديلات . المهم اي شكية تقولها ليهو يقول ليك امبربفي
بتجيك حمى ؟ يسألك
لو قلت بتجيك بلصق ليك ولو قلت ما بتجيك برضو
بسسس ياهو امبربفي
بتطرش مش ؟
لا ابدا
مابتطرش مش ؟ بسسسس ياهو
ف شنو
هذه الحياة تتسع لعدة زوايا نظر
|
Post: #17
Title: Re: الزول بونسو غرضو
Author: muntasir
Date: 06-30-2018, 05:46 PM
Parent: #16
ممكن أضيف مثل،البتفولحلك إتبهوملو
|
Post: #18
Title: Re: الزول بونسو غرضو
Author: عبدالحفيظ ابوسن
Date: 06-30-2018, 07:04 PM
Parent: #17
صحيح يا منص إذا كان التبهم يخدم غرضك وهدفك
قالوا التغابي ثلثى الفطنة
|
Post: #19
Title: Re: الزول بونسو غرضو
Author: عبدالحفيظ ابوسن
Date: 06-30-2018, 10:08 PM
Parent: #18
ل حين ميسرة
|
Post: #20
Title: Re: الزول بونسو غرضو
Author: عبدالحفيظ ابوسن
Date: 07-01-2018, 12:17 PM
Parent: #19
الزول جاي من السفر متقريف قرياف شديد لي كباية شاي
وصل بيتو لقا النار مولعة فيهو والناس شغالين يطفو في النار .. قعد ليهو تحت ضل .. بعد الناس انتهت من طفيان النار الاكلت البيت كلو ناداهم
الدنيا قضت غرضها خلاس .. لقطو ليكم جمرات سوو لينا شاي نشربو
|
Post: #21
Title: Re: الزول بونسو غرضو
Author: محمد البشرى الخضر
Date: 07-02-2018, 08:45 AM
Parent: #20
سلامات يا قريبك Quote: بيعني للقلة التي يفوت عليها معني المثل
ان الانسان يحب ويرغب في الكلام البدور حول اهتمامه وما يهمه |
اعتقد في معنى آخر
وهو تأويل الكلام على حسب غرض (غرد) الانسان
وتحضرني هنا النكتة قليلة الأدب عن الزول الدرابة الوصّف في رحلة أو حفلة مختلطة البنطلون وقام اصحابو اتضايروا بسبب (غرضهم) في فهم الوصف.
امّا أقرب مثال ليها في منبر طلاشة ابو حسين الأمس في البوت الوصف احمد ياسين بالشبح جا داخل بدون ان ينتبه قال لأحمد : الكثيرين شكوا فيك!!
في حين لا كثيرين ولا قليلين هو فقط صاحب البوست, لكن (غرد) ابو حسين هو الخلّاه (يقلش) كالعادة
خخخخخ
______________________________
اسّي انا زاتي جبت سيرة موضوع ابوحسين دا غردي ونّسني ساي 
|
Post: #22
Title: Re: الزول بونسو غرضو
Author: عبدالحفيظ ابوسن
Date: 07-02-2018, 11:38 AM
Parent: #21
هههه ابوحسين شواااات لكن المرة دي شات الواطة عديل
|
Post: #23
Title: Re: الزول بونسو غرضو
Author: عمر التاج
Date: 07-02-2018, 12:21 PM
Parent: #22
والماعندو غرض ينكتم ولا كيف؟
أهلنا بيقولوا الغرض مرض
وانا شايف اسمح ناس في المنبر هم البكتبوا على السجية
بتونسهم حروفهم.. يكتبوا ويحكوا ويمتعوا أنفسهم بالقصص والنوادر قبل أن يمتعونا.
وهم قلة أبرزهم المبدعين امثال درديري ودفع الله.
|
Post: #24
Title: Re: الزول بونسو غرضو
Author: عبدالحفيظ ابوسن
Date: 07-11-2018, 07:11 AM
Parent: #23
حبابك عمر
اياهو برضو غرضهم
المتعة الفنية وشهوة الحكي غرضهم
عاين الزول البريد ليهو بت تلقاهو في الاسماء يحب ما طابق اسمها
ولا يمل سيرتها
وكذلك البنت
|
Post: #25
Title: Re: الزول بونسو غرضو
Author: عبدالحفيظ ابوسن
Date: 07-11-2018, 07:15 AM
Parent: #24
واهلنا بقولو
الغرد في ... الغرد
|
|