صورة

12:32 PM June, 28 2018

سودانيز اون لاين
جلالدونا-
مكتبتى
رابط مختصر

معليش الصورة طلعت كبيرة لكن برضو شاملة كل التفاصيل
الداير اقولو شنو
ما مهتم كتير بى فن التصوير
لكن المشهد ده غلبنى اقاومو
و سجلتو
و اهديهو ليكم
و يا ريت يرضى حاجات جميلة جواكم

شكرا معاوية .. كده اجمل

غايتوا انا الموية عجبتني 🤣🤣

صورة جميلة يا جلالدونا ممكن شوية تفاصيل عن اخدتها بي شنو!؟ يعني لو كاميرا أديني تفاصيل الكاميرا و إعدادات اللقطة دي و لو تلفون تفاصيل التلفون و إعدادات اللقطة.
مع تقديري.

Quote: صورة جميلة يا جلالدونا ممكن شوية تفاصيل عن اخدتها بي شنو!؟ يعني لو كاميرا أديني تفاصيل الكاميرا و إعدادات اللقطة دي و لو تلفون تفاصيل التلفون و إعدادات اللقطة. مع تقديري.

سفيان يا قريبي .
الزول دا سوالوا تلفون جديد ؤ عاملنا فيها
ود الفحل اليومين ديّل ...

يا الله يا جلال
دي صورة رهيبة بتعبر عن الواقع الحياتي بصدق
وبتعكس التناغم الانساني وتعبر عن الثنائية المدهشة
التناقض العميق بين السعادة والحزن
الانسان وهو عاشق اكتمل فرحه ووحيدا ينتظر
صورة جمعت الحياة في فيريد (لقطة)
قوم لف انتا و ودالمدير وعووضا
مليوتنا فقر
الواحد ما يعرفكم ماشين ولا جايين

ابدا والله يا ود المدير
الصورة دى بى نفس التلفون الضربتو بيهو الواطا و فتحت بيهو بوست
بى مناسبة فيديو البنات الغنن اغنية البركاوى ديك .. على كيفى و بى مزاجى احوم فى الشارع عادى
لملمتو و شغّلتو .. حتى بالامارة الشاشة اخير منها شخبتة طفلة فى صفحة فاضية بى فحمة
التلفون يا سفيان جلاكسى J36V
المناسبة سماية حفيدة اخونا الباشمهندس على شمس الدين
و كانت يوم السبت تانى يوم فى العيد
جديقة مدينة ميسا ... Mesa ... صحراء اريزونا

دى صورة لى بنفس الخلفية و نفس التلفون يا سفيانيا
ود المدير لو طلعت كبيرة شوف شغلك

Quote: ابدا والله يا ود المدير الصورة دى بى نفس التلفون الضربتو بيهو الواطا و فتحت بيهو بوست بى مناسبة فيديو البنات الغنن اغنية البركاوى ديك .. على كيفى و بى مزاجى احوم فى الشارع عادى لملمتو و شغّلتو .. حتى بالامارة الشاشة اخير منها شخبتة طفلة فى صفحة فاضية بى فحمة التلفون يا سفيان جلاكسى J36V المناسبة سماية حفيدة اخونا الباشمهندس على شمس الدين و كانت يوم السبت تانى يوم فى العيد جديقة مدينة ميسا ... Mesa ... صحراء اريزونا

ود المدير يا قريبي الراجل دا باقي لي بقى يذاكر من وراك ههههههههه الخوف يجي يقول ود المدير ما بدورلو مذاكرة ههههههه.

يا جالادونا بالجد صورة حلوة هل فتحته الكاميرا طق و أخدته الصورة ولا فتحتها و خشيت على الإعدادات ظبته فيها قصص و تفاصيل شوية!؟ لانو لو خشيت وظبتها معناها صدفة خير من ألف ميعاد ههههههههه

لا والله عجبنى المنظر و قمت عليهو
شغل الاعدادات ده ما بعرفو و لا عمرى خشيت عليهو
تعرف مرات كتيرة اكون داير اصور مستند افتخا القى وشى فى الشاشة
بنادى الاولاد عشان يصلّحوا لى الداهية دى
يا زول الحكاية دى اليوم داك صادفت بس

الزعيم الحقيقي هو من يضحي من اجل شعبه ، نعم !! و لكنك يالبشير ضحيت بشعبك كلو و بمستقبل امة من اجل البقاء في كرسي السلطة ، شعبك اصبح جائع و حافي و انهكه المرض !! وكل ذلك بسببك و بسبب جشع من حولك ! اصبحنا امة متسولة تستجدي قوتها من معونات الآخرين ! كفاناااا
https://twitter.com/hashtag/%D8%A7%D9%84%D8%A8%D8%B4%D9%8A%D8%B1_%D8%B6%D8%AD%D9%8A_%D9%85%D9%86_%D8%A3%D8%AC%D9%84_%D8%B4%D8%B9%D8%A8%D9%83؟src=hashandamp;#البشير_ضحي_من_أجل_شعبك https://t.co/f4LEcjvAQTpic.twitter.com/f4LEcjvAQT

andmdash; Mohamed Eisa (@MohamedSheleel) https://twitter.com/MohamedSheleel/status/1011870472177422336؟ref_src=twsrc%5EtfwJune 27, 2018

كرهتنا الكورة زآتو ...

الصورة التانية بتأكيد انها فعلاً صادفت ههههههههههههههاي ايون نعم صورتك الأولى حلوة شديد و تفاصيله كويسه خالص الإضاءة و بقية العناصر مكتملة لكن الصورة التانية أكدت انو الأولى إبداع هاوي و السبب هو انك لو كنت غير هاوي كان الشخص الفي الصورة بيكون تفاصيله و ملامحه واضحة جدا.
كلامي دا برضو كلام زول هاوي و هاوي مدمن عشان كده واصل واصل سعيك واصل

هلا بالمسلمى
هى الموية براها
ياخى قدامك خدرة
و بعيد منها شوية كم وجه حسن
شفتهم شوف العين
و استأذنتهم فى الاختفاظ بالصورة
و نشرها ان امكن
ياخى هو جنس وووووااااااوووو هو
و شالو نسخة منّها
الصورة ناقصة ياخى
كمية شنو ما عارف ديك بالصدور
و الحاجات الفوق الخد
اقسم ليك بى شنو عشان تصدقنى
اقول ليك
ياخى خليك فى اسبيراتك
احسن ليك

يا جلجل .. كل سنة وانت طيب ,,

في اللول لما شفت الجبل الوراء .. قلت دي مدينة كسلا ..

فعلا لقطه جميلة ..

عاالم بطاالـــــــــــــــة ,,

هديه

للحلوين فقط الشينين و الكيزان بره

شكراً يا جلال فعلا صورة اكثر من رائعة
ومنظر الغروب من اروع واجمل المناظر الطبيعية حيث تبرز هنا
سحر الطبيعة والجمال الربانى الاروع يقول شاعر القطرين خليل مطران فيها :

Quote: يا للغُرُوبِ ومَا بِهِ مِنْ عَبْرَةٍ للِمُسْتَهَامِ وعِبْرَةٍ لِلرَّائي أوليسَ نَزْعاً لِلنَّهَارِ وصَرعَةً لِلشَّمْسِ بين مآتمِ الأَضْوَاءِ أوليسَ طَمْساً لِلْيَقِينِ ومَبْعَثاً للِشَّكِّ بين غلائلِ الظَّلْمَاءِ أوليسَ مَحْواً لِلْوُجُودِ إِلى مَدىً وَإبَادَةً لِمَعَالِمِ الأَشْيَاءِ حَتَّى يَكُونَ النُّورُ تَجْدِيداً لَهَا وَيَكونَ شِبْهَ الْبَعْثِ عَوْدُ ذُكَاءِ وَلَقَدْ ذَكَرْتُكِ وَالنَّهَارُ مُوَدِّعٌ وَالْقَلْبُ بَيْنَ مَهَابَةٍ وَرَجَاءِ وَخَوَاطِرِي تَبْدُو تُجَاهَ نَوَاظِرِي كَلْمَى كَدَامِيَةِ السَّحَابِ إزَائِي وَالدَّمْعُ مِنْ جَفْنِي يَسِيلُ مُشَعْشَعاً بِسَنَى الشُّعَاعِ الْغَارِبِ المُتَرَائِي وَالشَّمْسُ فِي شَفَقٍ يَسِيلُ نُضَارُهُ فَوْقَ الْعَقِيقِ عَلى ذُرىً سَوْدَاءِ مَرَّتْ خِلاَلَ غَمَامَتَيْنِ تَحَدُّراً وَتَقَطَّرَتْ كَالدَّمْعَةِ الحَمْرَاءِ فَكَأَنَّ آخِرَ دَمْعَةٍ لِلْكَوْنِ قَدْ مُزِجَتْ بِآخِرِ أَدْمُعِي لِرِثَائِي وَكأَنَّنِي آنَسْتُ يَوْمِيَ زَائِلاً فَرَأَيْتُ فِي المِرْآةِ كَيْفَ مَسَائي

شكراً لك مرة اخرى فقد أسعدت يومى .

يعنى ربنا كان بسعلك لو قربت شوية ؟
اتا ما سمعت بالخضرة والماء ومش عارف شنو ؟
يعنى لازما تصحرا ..
لكين الشال والشماعة عندك ..
ود المدير ما تزغلل لينا الاختساس ..
سفيان انت وسعتها الصدفة قالو مرة واحدة..
التحية لكم ولزواركم ولى روحي .

هلا بيك سنّو

Quote: يا الله يا جلال دي صورة رهيبة بتعبر عن الواقع الحياتي بصدق وبتعكس التناغم الانساني وتعبر عن الثنائية المدهشة التناقض العميق بين السعادة والحزن الانسان وهو عاشق اكتمل فرحه ووحيدا ينتظر صورة جمعت الحياة في فيريد (لقطة) قوم لف انتا و ودالمدير وعووضا مليوتنا فقر الواحد ما يعرفكم ماشين ولا جايين

يا زول إت بى صٌحك
الصورة فيها الحاجات كل السمحة القلت عليها دى !!!
كان كدى انا ذاتى رهيب و رهيب جدّاً كمان
لكن نسيت جزئية .. ترى فيها سمو الروح ساعة صفاء وشرود ذهن عن رهق حياة
لا نحتمل اثقالها ...
شفت الاضافة الفلسفيةدى رهيبة كيف

يا جنا اتاريك حريف .
واضح انها في اريزونا من شكل شجر النخيل .
النخيل عندنا في شمال السودان اليومين دي تمرو صفر
وجاب ام راس . والبحر قلب .

ياعمك البنت الجالسا وحيدة والناس الشمالا أخذت الاذن منهم أنك حتصور
ولا تخ تراخ صورتا وإتخارجتا ؟ عارفكم الناس الجايين من دول العالم الثالث
صفر في مادة الاتيكييت

أعد ...
.
.
ثم
.
.
قابلني ...
.
.

يا اخوان سفيان ده يقوقو ليهو شنو هسى
ياخى التصوير تمّ بتقنية الانوار الطبيعية
عشان كده الصوره التانية جاء فيها بعض الغموض الذى زانها سحرا
يؤسفنى اقول ليك: رهافتك التصويرية باهتة جدّاً

هلا ناصر
يعنى هسى انا اضحى بى صورتى دى
عشان ابقى زعيم حقيقى
ولّ الفهم شنو
كدى اشاور المعجبات ...والمعجبات ...
اما المعجبين بالتاكيد واقفين فى صفى

لقطة رائعة يا جلجل
ودائما التلقائية والعفوية والصدف تصنع الجمال أكثر من التعمد والتكلف والحاجات المقصودة والمقننة

وبعدين عادل الباهي مصر يحولك من خانة صورتك الخائف عليها الى خانة صورتك الخائف منها ههههههههههههه

جلالدونا وآخرين ماعايز اقول و شركاه
زي ما قال ليك مولانا ودالملك من نواحي الاراضي المنخفضة (لازم تصحرا) يعني

Quote: صحراء اريزونا

بانسبة لي انا فتحت كوامن مع دي
لوحة فنان تمحي الاحزان
بين غيمه تغازل كل زهرة
وخيال رمانة علي المجري
صُفرة وخـُضرة ُزرِقة وحُمرة
حلوة ونضِرة وزفة ألوان

بين غيمة تغازل كل زهرة

مرسال الشوق
وزهر ناير نادي وبسّام

بالحيل داير ريشة رسام

طرتنا العزيزة العاجبانا
وتتم الصورة الفنانة
عشنا اللحظات حب ومسرّة

هلا مجيدو .. وانت طيب و كل الاسرة و الاهل بخير
تعرف على حس اطراءك ده قررت انى
انازل اخونا الشبلى فى مطارحة تصويرية
و ح اجندلو ليكم بالقاضية
الجبل ده يا مجيدو قاعد طرف سلسلة جبال روكى
كان جبت ليك صور من هناك ,يمين الله جبل كسلا ده تشوفو سوسيو

Quote: ياخى التصوير تمّ بتقنية الانوار الطبيعية عشان كده الصوره التانية جاء فيها بعض الغموض الذى زانها سحرا يؤسفنى اقول ليك: رهافتك التصويرية باهتة جدّاً

هههههههههههه لا خلاس يا جويل ههههههه

شكرا مصفى محمود
هدية بطعم الغروب

مرحب علاء ... و لا شكر على واجب
ناسنا قالوا:
فى ساعة الغروب مشيت اسأل عليكم
و نحنا راجعين فى المغيرب
ياخى رجعة المغيرب للبيت دى عندنا فى الشمال ليها قدسيتا عديل كده
شوف داك قال شنو
انتى جايى المغربية
دايشى داقسى المغربية
سبب الدوشة و الدقسة شاى المغربية
و غشا السعية
اسعد الله ايامك ياخ

ههههه


هاك الفوتو شوب دا!

مولانا الملك
سعيد بالطلة ياخ
ياخى مشيت قريب و وريتن الصورة
اظنك عارف اهلى الامريكان ديل بعد ووواووو بحصل شنو
حصل و موثّق كمان بس نعمل شنو مع الخصوصية بت الكلب دى
حرمتكم مما تشتهى الانفس
الجلابية برضو كانت مدار حديث هامس بينى و بين الزولة القاعده براها ديك
عالم عجيبة .. انتو اى حاجة إلّا يصوروها ليكم .. خصوصية دى فى معجمكم الثقافى مافى
ود المدير ده بقى خبير عليك النبى ما تطفّشو منى
و كان على سفيان اديناك اللحم و العضم
زول ثقافتو التصويرية زى تشجيعو للكورة .. مارق منّها كيت