Post: #2
Title: Re: زنقة المدارس
Author: عبدالله عثمان
Date: 06-28-2018, 06:27 AM
Parent: #1
زنقة زنقة
حارة حارة
منذ أيام يا حفيظ كنت أبحث عن طين صلصال ... ذهبت لمكتبة أراني العامل طين خور جبور الما بيغباني قال لي هذه طين حقيقي مستورد من أسبانيا
تتصور مقسطر زي الباسطة ... تجولت في قسم الألوان ومعدات الرسم شي من البورتوريكو وشي من الفلبين وعييييك أقلام الرصاص دي زي خرتمية نوع والثري أتش
قسم معدات الرسم دة فقط بدون أي مبالغة أكبر من (جزر الكمونية بتاعنا الفي كوستي داك) "وجه باسم"
طوال تجوالي في القسم دة وأنا أتذكر بؤس حالنا في السودان والمجرمين شايلين قروش البلد مودنها ماليزيا وأطفالنا أقلام رصاص ما عندهم
غايتو
المهم زي ما بقول تبارك
قالو لي ناس ديوان الزكاة صرفوا مرتب تلاتة شهور لمنسوبيهم لمقابلة احتياجات المدارس
أها انتو أدوكم شنو؟
أملاء (:)
|
Post: #3
Title: Re: زنقة المدارس
Author: عبدالحفيظ ابوسن
Date: 06-28-2018, 06:55 AM
Parent: #2
ادونا اعد يا عبدالله
اقلام الرصاص زمان عينتين واحدة مدورة وواحدة مربعة .. هسة اشكال وانواع .. زي حلاوى مولد .. لعب لعب . اهتمام بالمظهر دون الجوهر . الولد محتاج يوميا قلم رصاص . يبراهو ينكسر . يكتب حرفين ينكسر . طلقو فينا تجار الصين كل زول يستورد براهو
البرايات اشكال وانواع دون جودة براية في شكل عربية وواحدة دب وواحدة شنو .. تاكل ليك القلم زي البسكويت وبعد حرفنة حتي تبراهو
ودي كلها ميزانية مارقة يومي من جيوب المواطن
الصلصال اخير تشتري منو باسطة بابا سامي
البت في الروضة قالوا ليها جيبي صلصال . حتي كمان المدرسين ببالغو . امشي يا ولد فتش الصلصال. يا زول ها لامن انخلعت .. اسعار مبالغة ونوعية ردئية ومركزين علي طريقة التغليف ابهار للنظر
ارخص واحد بي 70 ج عبارة عن صندوق زي صندوق اقلاق الالوان الخشب الزمان
لومك علي جبتو ولمت فيهو البت عجنتو مع بعض ولا مشيت بيهو الروضة .
دة كلو راجينا يا عبدالله
|
Post: #4
Title: Re: زنقة المدارس
Author: عبدالحفيظ ابوسن
Date: 06-28-2018, 07:22 AM
Parent: #3
جزمة المدرسة ما اقل من 250 ج وصناعة رديئة بتحتاج ما اقل من 3 جزم تكمل العام الدراسي . تشيل تصلح لامن تقنع منها تجيب غيرها
الشنط نفس الشئ
برضو تجار الصين يخمو ويجيبو والسوق مقفول
الزمزميات لرداءة الموية شرحو
الاكياس ممنوعة . كيس الورق لا يصلح للسندوتش الرطب . علبة فطور فطارة شرحو
واييييك
|
|