Post: #2 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-27-2018, 03:58 PM Parent: #1
*البشير : اتفاق الخرطوم للسلام هدية السودان لشعب الجنوب*
✳الخرطوم: الموقف الان
قال رئيس الجمهورية المشير عمر البشير ان اتفاق الخرطوم للسلام في دولة جنوب السودان الذي تم توقيعه اليوم بالقصر الجمهوري هو هدية السودان لشعب الجنوب في كافة انحاء العالم . واكد لدي مخاطبته اليوم بالقصر الجمهوري مراسم توقيع الإتفاق ان السلام الشامل ات لدولة الجنوب لان الاتفاق وضع اساسا متينا للسلام . واعرب رئيس الجمهورية عن سعادة اهل السودان بهذا الإتفاق الذي تحقق عبر اللقاءات المباشرة بين كافة الاطراف بدولة الجنوب الذين جاءوا بكل حرص وجدية علي التوقيع . وعبر عن شكره وتقديره لاطراف الاتفاق والشركاء والراعين له الذين حرصوا علي تحقيقه في وقت وجيز .
Post: #3 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-27-2018, 04:04 PM Parent: #2
*مشار : اتفاق السلام وثيقة لتعزيز الثقة بين الخرطوم وجوبا*
✳الخرطوم: الموقف الآن
أكد رياك مشار زعيم المعارضة بدولة جنوب السودان أن شعب دولة الجنوب هو الأسعد بوقف إطلاق النار الذي سينهي الحرب بدولة الجنوب . وقال مشار لدي مخاطبته اليوم بالقصر الجمهوري مراسم توقيع اتفاق الخرطوم للسلام في جنوب السودان ان الاتفاق يمثل بداية لوجه جديد في حياة شعب جنوب السودان مشيراََ الي اهميته للسودان ودولة الجنوب وكل الاقليم . وأبان أن الإتفاق سيعيد ملايين اللاجئين الجنوبيين حول العالم الي ديارهم .
ولفت الي أن الإتفاق سيكون وثيقة لتعزيز الثقة بين السودان ودولة الجنوب وتوطيد الإستقرار السياسي والاقتصادي بين البلدين ويسهل تنفيذ الاتفاقيات التي تم توقيعها في الماضي وستزيل كافة العثرات امام تطبيع علاقاتهما .
Post: #4 Title: Re: سيدي الرئيس يستحق جائزة نوبل للسلام ... Author: ناصر حسين محمد Date: 06-27-2018, 04:25 PM Parent: #3
كل سنة وانت طيب
السيد الرئيس يستاهل
80 جلدة وقافي
ويبيت في لاهاي ياعمر
ويستاهل 120 جلدة على حنكو البيش الاتكلم فيهو عن الزعامة وقال بالنص (الزعيم الحقيقي هو الذي يضحى من اجل شعبه)
Post: #5 Title: Re: سيدي الرئيس يستحق جائزة نوبل للسلام ... Author: ناصر حسين محمد Date: 06-27-2018, 04:31 PM Parent: #4
(الزعيم الحقيقي هو الذي يضحى من اجل شعبه)
Post: #6 Title: Re: سيدي الرئيس يستحق جائزة نوبل للسلام ... Author: نعمات عماد Date: 06-27-2018, 04:37 PM Parent: #5
قول اخد نوبل للسلام ( في الأحلام) ، ح يسافر كيف يستلمها و هو محظور و مطلوب للجنائية في جرائم حرب ؟
Post: #7 Title: Re: سيدي الرئيس يستحق جائزة نوبل للسلام ... Author: muntasir Date: 06-27-2018, 05:38 PM Parent: #6
يا نعمات بقول ليهم رسلوا لي الشيك بالبريد ،الحبرتجي ينبُلوك انت وسيدك بي صاروخ منير الماشي عطارد قول آمين
Post: #8 Title: Re: سيدي الرئيس يستحق جائزة نوبل للسلام ... Author: Arif Nashed Date: 06-27-2018, 05:47 PM Parent: #6
جائزة نوبل للسلام واسعة شديد ي بق بق فاقد الشيء لا يعطيه كان من الاجدي ان يضحي ويتنحي ليصنع سلام السودان أولا كما قال.. ده اتفاق لضمان بقاء نظامي جوبا والخرطوم للخروج من ازماتهم بسريان تدفق البترول ومن جهة اخري نتمني ان يصمد هذا الاتفاق وينعم اهلنا في جنوب السودان بالأمن وسلام حقيقي..
Post: #9 Title: Re: سيدي الرئيس يستحق جائزة نوبل للسلام ... Author: نعمات عماد Date: 06-27-2018, 06:11 PM Parent: #8
Quote: بقول ليهم رسلوا لي الشيك بالبريد
يا منتصر ، خليه يزازي من بنك لي بنك و ما يصرف غير ألف جنيه يومياً .
Quote: نتمني ان يصمد هذا الاتفاق وينعم اهلنا في جنوب السودان بالأمن وسلام حقيقي..
يا عارف ايضاً نتمنى سلام حقيقي للدولتين، لكن ما في ضمانات بعد ان يتم تمويل انتخابات 2020 من النفط، ان تحرص الإنقاذ على السلام.
Post: #10 Title: Re: سيدي الرئيس يستحق جائزة نوبل للسلام ... Author: MOHAMMED ELSHEIKH Date: 06-27-2018, 06:43 PM Parent: #9
لو استمر السلام دا اكتر من شهر سوف انضم للمؤتمر الحبرتجي
Post: #11 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-27-2018, 07:03 PM Parent: #10
انتهت
Post: #12 Title: Re: سيدي الرئيس يستحق جائزة نوبل للسلام ... Author: Hamid Elsawi Date: 06-27-2018, 07:20 PM Parent: #11
انتهت كيف لسع الزباين بِتَاعِنك ما ظهروا الزبون الاول يقول ليك ((إختشي)) و الزبون التاني ((التجاهل .... التجاهل)) بعدين اسقف البوست علي كدة ------------------- قلت لي نوبل عديل كدة المجتمع الدولي أصدر شهادته في الرجل يا باوقة كدي شوف الصحف العالمية و الإذاعات بتقول شنو سيبك من باقي الميديا.
Post: #13 Title: Re: سيدي الرئيس يستحق جائزة نوبل للسلام ... Author: السيد المسلمي Date: 06-27-2018, 07:33 PM Parent: #12
وين السيد جورج بوك ؟ 😁😁
Post: #14 Title: Re: سيدي الرئيس يستحق جائزة نوبل للسلام ... Author: Deng Date: 06-27-2018, 07:52 PM Parent: #13
أنا ما عارف ليه نظام الخرطوم وأجهزة إعلامه من أمس ينشرون في أخبار كاذبة، ولماذا؟؟
ما تم الاتفاق عليه اليوم هو وقف لأطلاق النار، وليس التوقيع على أتفاق سلام شامل ونهائي!
ووقف إطلاق النارهذا تم الاتفاق عليه في الماضي وفي أكثر من مرة، فما الفرق الان؟
هناك نشاط مكثف لحكومة الخرطوم الغرض منه إعادة تشغيل أنابيب البترول وضخ البترول فيها من حقول الجنوب مرة أخرى.
هذا هي المصلحة الحققية لحكومة الخرطوم المزنوقة أقتصاديا.
يا ود الباوقة
جماعتك بقتلو القتيل وبمشوا في جنازته.
Post: #15 Title: Re: سيدي الرئيس يستحق جائزة نوبل للسلام ... Author: Sayed Ibrahim Date: 06-27-2018, 08:08 PM Parent: #1
كلام جميل
Post: #16 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-27-2018, 08:18 PM Parent: #15
زغلباني
ابشرك 360 الف برميل
نصيبنا فيها بإذن الله 5 مليار دولار سنويا
يعني فائدة لنا ولاشقائنا بدولة الجنوب
وشكرا
Post: #17 Title: Re: سيدي الرئيس يستحق جائزة نوبل للسلام ... Author: Dr. Ahmed Amin Date: 06-27-2018, 08:49 PM Parent: #16
كل المنى أن يصمد اتفاق وقف العدائيات الى النهاية وان يكون بداية حقيقية لإستقرار جنوب السودان ...
Post: #18 Title: Re: سيدي الرئيس يستحق جائزة نوبل للسلام ... Author: Ali Alkanzi Date: 06-27-2018, 09:06 PM Parent: #17
يا جماعة الخير أن تلتقي الفرق المتقاتلة بجنوب السودان في الخرطوم فتلك محمدة للسودان فحقو نعارض بوعي اما البشير ياخد جائزة نوبل دي ممكنة جداً واتوقع أن يكون السودان صاحب مقعد دائم في مجلس الامن بالامم المتحدة في عهد البشير كلها شهرين تلاتة لاجتماع الجمعية العامة للامم المتحدة بنيويورك ويتم التصويت على المقعد الدائم وما هذه إلا احلام زلوط يا ود الباوقة كترت المحلبية
Post: #19 Title: Re: سيدي الرئيس يستحق جائزة نوبل للسلام ... Author: سفيان بشير نابرى Date: 06-27-2018, 09:09 PM Parent: #18
يدقو ليكم علم انت وسيدك
Post: #20 Title: Re: سيدي الرئيس يستحق جائزة نوبل للسلام ... Author: محمد أبوالعزائم أبوالريش Date: 06-27-2018, 10:45 PM Parent: #19
قنطرتو تاني يا الفالح؟
Post: #21 Title: Re: سيدي الرئيس يستحق جائزة نوبل للسلام ... Author: جلالدونا Date: 06-28-2018, 00:21 AM Parent: #20
يا الكضب يا الكضب
Quote: ابشرك 360 الف برميل نصيبنا فيها بإذن الله 5 مليار دولار سنويا
اذا كان سعر البرميل اليوم حوالى 70دولار يعنى 70*360000*365 =9198000000 تشعة مليار و مائة تمانية و تسعون مليون دولار كيف يعنى نصيب السودان يكون اكتر من نصيب الدولة المنتجة ياخى عيب زول فى سنّك دى يكضّب
Post: #22 Title: Re: سيدي الرئيس يستحق جائزة نوبل للسلام ... Author: الطيب رحمه قريمان Date: 06-28-2018, 05:22 AM Parent: #21
تحياتى الحبيب عمر ..
نشكر الزعيم المشير الرئيس عمر حسن احمد البشير ..
نبارك الاتفاق .. نبارك و ما توصل اليه الطرفان ايا كان .. لابد من وقف نزيف الدم .. مهما كان الثمن ..
Post: #23 Title: Re: سيدي الرئيس يستحق جائزة نوبل للسلام ... Author: muntasir Date: 06-28-2018, 07:13 AM Parent: #22
😂😂😂😂
Post: #24 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-28-2018, 07:38 AM Parent: #21
جلالدونا انت قادي ديكتيشن ولا شنو
مدي احسب تاني
😂😂😂😂😂😂
Post: #25 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-28-2018, 07:41 AM Parent: #24
اذا كان سعر البرميل اليوم حوالى 70دولار يعنى 70*360000*365 =9198000000 تشعة مليار و مائة تمانية و تسعون مليون دولار كيف يعنى نصيب السودان يكون اكتر من نصيب الدولة المنتجة ياخى عيب زول فى سنّك دى يكضّب
..................... يا جماعة الحساب دا صاح
حسب كلام الفلكي جلالدونا
Post: #26 Title: Re: سيدي الرئيس يستحق جائزة نوبل للسلام ... Author: جلالدونا Date: 06-28-2018, 08:06 AM Parent: #25
فلكى شنو يا حفيد ابا جهل 360 الف برميل دى معلومة جات منك السنة فيها 365 يوم دى معلومة القرد عارفا نصيب السودان 5 مليار جات منك برضو سعر البرميل اليوم من موقع اوبك حوالى 70 دولار وين الفلكية هنا يا جهلول بنى كوز انت بس قول عاجباك كلمة فلكى و فجأة كده حبيت تستعملا سؤالى ... كيف نصيب السودان يكون اكبر من نصيب الدولة المنتجة
Post: #27 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-28-2018, 08:11 AM Parent: #26
المبلغ كلو كم في السنة
يا جلاودنا
Post: #28 Title: Re: سيدي الرئيس يستحق جائزة نوبل للسلام ... Author: جلالدونا Date: 06-28-2018, 08:22 AM Parent: #27
احسبو ليك تانى 360 الف برميل ده انتاج اليوم يبقى انتاج السلة بالرميل يساوى انتاج اليوم مضروب فى عدد ايام السنة 360000*365 يوم =131400.000 131400000* 70 دولار سعر البرميل =9198000000 لمن نطرح منها نصيب السودان 5 مليار يبقى نصيب الجنوب السودان 4 مليار سؤالى كيف نصيب دول المرور يكون اكبر من نصيب دولة الانتاج ممكن ترد على السؤال بدل الاستنجاد بى ياجماعة دى
Post: #29 Title: Re: سيدي الرئيس يستحق جائزة نوبل للسلام ... Author: معاوية المدير Date: 06-28-2018, 08:22 AM Parent: #27
ظقك ...
Post: #32 Title: Re: سيدي الرئيس يستحق جائزة نوبل للسلام ... Author: Yousuf Taha Date: 06-28-2018, 12:24 PM Parent: #15
سيد ابراهيم 99 جامعة الخرطوم فونسي واللا زول تاني؟
Post: #30 Title: Re: سيدي الرئيس يستحق جائزة نوبل للسلام ... Author: aosman Date: 06-28-2018, 10:12 AM Parent: #1
قبل كدة شمعون بيريز نال جائزة نوبل للسلام
Post: #31 Title: Re: سيدي الرئيس يستحق جائزة نوبل للسلام ... Author: نعمات عماد Date: 06-28-2018, 11:10 AM Parent: #30
شكراً يا جلالدونا، ما أستبعد ان تكون اال 5 مليار دولار
إشاعة لخفض سعر صرف الدولار ، الكيزان باعوا دولارتهم
بأعلى سعر في رمضان و ح يشتروا بعد تخفيض السعر ثم البيع
قبل الحج مباشرة بسعر أعلى، دائماً بتاجروا في الدولار بالطريقة دي.
Post: #33 Title: Re: سيدي الرئيس يستحق جائزة نوبل للسلام ... Author: ود الباوقة Date: 06-28-2018, 09:46 PM Parent: #31
الموضوع منتهي
وشكرا
Post: #34 Title: Re: سيدي الرئيس يستحق جائزة نوبل للسلام ... Author: محمد أبوالعزائم أبوالريش Date: 07-02-2018, 01:27 PM Parent: #33
