إنت وينك وين ...ياكحيل العين ..

03:30 PM June, 27 2018

سودانيز اون لاين
عبداللطيف حسن علي-
مكتبتى
رابط مختصر

الايموت التلاتة ديل1- حراس اغنية الحقيبة2- اغنية امدرمان3- طريقة الترتيل للاغانيحاجة من النوع دا ، وحد اسمو عجبين يقال مثقف كتب في هذا الشانمانسميه اغاني جميلة لو كتبت اليوم لكانت هابطة بس حراساغنية امدرمان مجملنها حبتين

عيون الصيد ناعسات عيوني.....عيون النيل حاكن عيوني
نسيت قلبي وروحي ونسوني...وفقدت الكانوا يؤانسوني
ليالي هناى جد عاكسوني.....وأخاصم النوم كيف درسونى
مع الآلام هاجت شجوني.....وأطباء الكون ما عالجوني
جفوا بنفورهم هيجوني .....متين في الطيف يصبو ويجونى
فقدت صحاى لا تنصحوني......خطاب وعتاب كفى بارحونى
عيون الصيد ديل جرحوني.....سروري يتم لو يلمحوني
غلبني أسير هيا درجونى.......وعلى الأطلال ليل عرجونى
هواى شريف لا تحرجونى ....وعلى الأكفان شيش درجونى
مقر املى فيهم ظنونى.....يزيدوا دلال وتزيد جنوني
لذيذ تعذيبهم لو ضنونى ...وصالهم آه راحتي ومنوني
ــــــــــــــــــ
دا شنو حسي ، كيف بقت اغنية ول مدحة ، طيبة عجيبة

وين عثمان عجبين او الزول المثقف العندو راي

في اغنية امدرمان

الا يموت التلاتة ديل 1- حراس اغنية الحقيبة

2- اغنية امدرمان

3- طريقة الترتيل للاغاني حاجة من النوع دا ،

وحد اسمو عجبين يقال مثقف كتب في هذا الشان مانسميه اغاني جميلة

لو كتبت اليوم لكانت هابطة بس حراس اغنية امدرمان مجملنها حبتين

عبداللطيف كيفك
بتعجبني جدا الاغنية دي بصوت صلاح محمد عيسي

عبداللطيف كيفك
بتعجبني جدا الاغنية دي بصوت صلاح محمد عيسي
ــــــــــــ
اهلا عبدالله ، إذا انت من حراس اغنية امدرمان او الحقيبة

عايز ياتا

ما من عشاق الحقيبة الـDie-hard ديلك لكن فيها اشراقات جميلة برضو
بشكل عام منفتح جدا على االغنا السوداني كلو شرق وغرب ووسط وشمال وبسمع ناس كتيرين
وحتى برة السودان ..
لكن اغنية ام درمان عندها مكان خاص بالنسبة لي ..

في حواري مع مجموعة مستنيرين (واتساب)

قلت ان اغنية ام درمان هو المسار الذي سلكته

الاغنية السودانية حتي وصلت الينا ...

هل كان هناك إحتمال لمسار اخر لم يتاح له النمو

والتطور الخ ...

مارايك ؟!

هل عجبين دا موضوعي ول متجني ساي ؟!

عنوان البوست سببه الوحيد انو الاغنية بتاعة
انت وينك وين دي كانت زانة في راسي وقلت
اباري احساسي وافتح بيها بوست

عمك عجبين زول قافلة معاهو ساي
في النهاية كل زمن بي حاجاتو بس سؤالك بتاع مسار اغنية امدرمان ده سؤال فلسفي بحت الا تجاوبو براك
ملاحظتي انا الشخصية انو النقلة من الحقيبة لي للحديثة كانت فجائية سريعة جدا زي قلبة العربية نعم الحقيبة استغلت الات موسيقية من بدري ولو بشكل محدود لكن نمط الاداء بتاع الرجالة داك والتلحين ظل كما هو فجأة كده جو ناس الكاشف وعشة الفلاتية وبقية جيلهم قالو ليهم الرجالة تطير
وفي فترة بسيطة جدا الناس لقت نفسها بتسمع في اغاني مختلفة الى حد كبير عما اعتادوه ..
وبعدها بشوية جا عثمان حسين تم الناقصة

هلا عبدالله

ياخوي العالم كلو قلبات عربات فجائية كدا مالو

في بوست بشاشا - سناري قلنا يمكن نصل لكيفية ابتداء الفلسفة

اليونانية من جذور سابقة يمكن البحث عنها في اركيولوجيا المدافن

المروية والمصرية وكتاب الموتي والاسر القديمة للالهة وطلعنا

ملوص بعد كسح بشاشا في موعده الذي لايخيب هههه

اها برضو الاغنية فجاة اتقلبت من حقيبة الي حديثة دون مقدمات

لقديم في جوف الجديد ، ود الامين شابكنا انو الكاشف هو الجسر الذي

عبرت منه الاغنية السودانية من الحقيبة الي الغناء الحديث ولا احد يشرح

لنا ماهي الحلقات الوسيطة بينهما ....

غايتو امكن في ناس بين الكاشف والحداثة ، عبدالحميد يوسف دوره كان شنو الخ

بس مايجي واحد يقول لينا المصريين لانو نفسهم ماظاهر اطلاقا

اثر المديح و التصوف كبير على الاغنية الامدرمانية
عندك حاج الماحى مثلا
سمح الوصوفو و قالوا الحجيج قطع
تجد ا الاغنية الامدرمانية منغمسة فى موسيقى المدحتين شعرا و جرس موسيقى
اضف الى ذلك الغناء الشعبى الذى كان سائدا فى تلك الحقبة
التى غلب عليها الوجدان الدينى المرتبط بالمديح

هلا جلال

المديح لايخرج عن إطار اللحن الدائري

من وين جا اللحن الموازي والموسيقي الموازية للنص الشعري

عند الكاشف ، لابد من مقدمات سبقته لدي اخر/ين

Quote: عنوان البوست سببه الوحيد انو الاغنية بتاعة انت وينك وين دي كانت زانة في راسي

بالله يا لطيف انت عقلك بكون مشغول بأغاني هابطة زي دي!
هسّ أنا أبسط أغنية زانة في راسي "طائشة الضفائر"

بالله يا لطيف انت عقلك بكون مشغول بأغاني هابطة زي دي!
هسّ أنا أبسط أغنية زانة في راسي "طائشة الضفائر

ــــــــــــــــــــــ
هلا معاوية الزبير
كدا بنتوه عديل !

عايزين نعرف البداية مكانا وين مكانا وين

سلام عبداللطيف

شفت الفنان ( الجزار ) وهو بيعمل دعاية لشركة إتصالات على وزن مدحة ( مكاشفي القوم ؟

سلام عبداللطيف

شفت الفنان ( الجزار ) وهو بيعمل دعاية لشركة إتصالات على وزن مدحة ( مكاشفي القوم ؟
ــــــــــــــــ

هلا بالقاص ابوجهينة

سامع بلقب جزار دا لكن ماعرفت مين المقصود

ان يتجهوا الي فن الدعايات كسب رخيص وتوهان يعتبر

نتيجة طبيعية لانهم اصلا كانوا فنانين الطبقة الطفيلية

لكن اطمع في تفاصيل اكتر

متي انتقلنا من الاداء الموسيقي الذي يحاكي اللحن

الي اداء موسيقي موازي للحن ؟!

يجوز ذكر امثلة من اليوتيوب

Quote: من وين جا اللحن الموازي والموسيقي الموازية للنص الشعري عند الكاشف ، لابد من مقدمات سبقته لدي اخر/ين

الكاشف زول عبقري بالجد ، لكن ممكن تقول انو زنقار اضاف شيء جديد للحن الحقيبة في الاغنية ذاتا وفي الكسرة البقاها كوبليه حقيقي فيهو كلام موزون بدل الكسرة الكلاسيكية بتاعة (هوي يا ليل) .. شوف مثلا اغنية "عروس الروض" حتلقاها مختلفة .
سرور ايضا الاداء بتاعو مختلف شوية من ناس الحقيبة .. يعني .. لكن في النهاية الكاشف عبقري والعباقرة دائما بجيبو حاجة ما مألوفة او بتختلف من السائد .. الخلاصة الكاشف ممكن يكون استفاد من اضافات زنقار وسرور ..

تمام ياعبدالله ، تقريبا جبت الرايحة

بس اهم حاجة نلقي تسجيلات للدعم والمؤازرة

قلت ما أجيكم ايدي فاضية ..
أما حفركم في اتجاه الجذور ما عندي ليهو رقبة ..
لكن صحيح تم توظيف الآلات الموسيقية من عصر الكاشف أو عبد الحميد ..
وحصل تخفيف في شعر الرجالة زي ما قلتو ..
لكن التون اللحني ما حصل ليهو تغير إلا مؤخرا ..
ما بقدر أمشي أكتر من كدا لإنو الموضوع داير تخصص.

تحياتي مولانا الملك

انا ذاتي ماعندي اي تخصص وسماعي ساي

زي ماقال عبدالله ادريس ، زنقار ادخل الكسرات وشايفها

متقطعة ومتكررة اثناء الاغنية وماعارف هل تميز بها زنقار

لانها اتورثت للغناء الحديث ، برضو لاحظت مافي مقدمة موسيقية

خشا توووش في الغنية ! لكن اللحن غير متطور كما سمعنا عند الكاشف

وانما اللحن والموسيقي حاجة واحدة ، صوته موسيقي ويغطي علي متابعة

الموسيقي ...

جائز الكاشف قدر يشوف بموهبته الكبيرة ارهاصات غناء حديث داخل

الحقيبة او عند زنقار مثلا ....

ياريت طراوة وعواطف يكونوا متابعين البوست دا ويفيدونا في الخصوص

مكرر

حسب الويكيبيديا ، الكاشف هو الحلقة المفقودة نفسها التي نبحث عنها

https://ar.wikipedia.org/wiki/إبراهيم_الكاشف

https://www.youtube.com/watch؟v=364V7FLZbvEhttps://www.youtube.com/watch؟v=364V7FLZbvE

ود المك شوف معاك الرابط دا

او اشرح الطريقة الجديدة لانو ال embed مافي

في الفيديو اعلاه مازالت الموسيقي تقلد اللحن

وذلك يدلل علي ان الكاشف بالفعل هو الذي نقل

الغناء من مرحلة الحقيبة الي مرحلة الغناء الحديث

علي دفعتين :

الاولي : تظهر في اغنية (انا مابقطف زهورك) حيث مازال

اللحن=الموسيقي

الثانية : اللحن والموسيقي متوازيان ولكن كيف استلهم الكاشف

تلك النقلة الثانية ، حتي لو كانت معروفة في الغناء عالميا ، بمعني

القدرة علي استلهام الموسيقي الموازية من داخل نص سوداني بروح سودانية

ووجدان سوداني ، هنا يكمن الادهاش والعبقرية وليمت عجبين بغيظه

عبدالله ادريس يا شواف

يا حبيبنا عبد الله ادريس..الفيرشن بتاع لصلاح ما لقيتو..وياريت لو عندك عنو فكرة تضيفو هنا..



ويا استاذنا عبد اللطيف: عجبين قال شنو بالضبط؟

ياخي انا غايتو سارح مع (يلاك يا عصفور) وانت ماشي..!

كان عندي فكرة اضيف محمد احمد عوض ، خصيصا لصديقنا عبد الل ، من فريع البان..عشان يقهم بيها بتوع (العامية السودانية ام خريطة)..

كبر

كبر

تحياتي صديقي كبر

وجودك سيكون اضافة فارقة في البوست

عجبين انتقد اغنية ماسماه (امدرمان) وانها صمدت فقط لوجود

بعض العجايز ممن يحرسونها باستمرار من التلاشي

وانها اقرب للترتيل من الغناء الحقيقي ...

وجدت في البوست فرصة لمعرفة كيف انتقلت الاغنية السودانية

من الحقيبة الي الغناء الحديث عبر الكاشف (لو صح ذلك)

الكاشف نفسه بدا سيرورة للقديم ومن داخله انبثق الجديد في مسيرته

الغنائية التي نقلت الاغنية الي الغناء الحديث الذي لاتحاكي فيه الموسيقي اللحن

علي الاقل باعتبارها الحد الادني لمميزات الغناء الحديث بصورته الحالية

في السودان

( أنا في قلبي ريد لي ام در)...وريد لكل ما هو سوداني جميل.
،،
يقال:
للمديح: رواية
للأغنية: لحن
،،
كتير بقيف في تصنيف قديم وحديث ..من ناحية الإبداع في الحرف والنغم والأداء وبحس إنه مرات الزمن مقلوب.
،،

تحياتي أستاذي عبد اللطيف..وسلام لك وللكرام ضيوفك