محمد نافع علي نافع يقول: الخدمات الصحية والتعليمية أشياء دخيلة على الشعب السوداني

01:42 PM June, 25 2018

سودانيز اون لاين
محمد أبوالعزائم أبوالريش-
مكتبتى
رابط مختصر

عايز يلحّسكم كوعكم

كان بقت على الكوع بتتباصر ..ديل لحسونا التراب واشياء اخرى..

يا جماعة الزول ده فعلاً مهندس؟ (أقصد إتخرج من كلية هندسة)

Quote: ‎محمدنافععلي_نافع يفتح النار على المغتربين العائدين مع اسرهم ويصفهم بالعبء الثقيل علي الدولة ‎في اجتماع لشباب المؤتمر الوطني بقيادة كل من الفاضل وابوهريرة ومحمد نافع ومجموعة من الشباب الاخرين الذين ينشطون في مواقع التواصل من شباب المؤتمر الوطني لبحث هجمة الشباب السوداني بمواقع التواصل علي انجازات المؤتمر الوطني كما وصفوها خصوصا ضد القيادات الكبيرة في المؤتمر الوطني والصحة والتعليم اخيرا. ‎وقال محمد نافع علي نافع ان مثل هذه الاشياء دخيلة علينا وقد جاء بها ابناء المغتربين وعوائلهم الذين عادوا مؤخرا بعشرات الالاف والمغترب يريد خدمات صحية وتعليمية كما رآها في الخارج ولا يري بعينه فارق الامكانيات بين السودان والدول الاخري وانا اري المغتربين العائدين حايكونوا عبء علي الدولة واثارة المشاكل والفتن فالشعب هنا في السودان يعيش في امن وامان ولا يعرف شئ عن مواقع التواصل ومشاكلها الا قلة قليلة فيجب علي المغتربين احترام الدولة التي استقبلتهم..

Quote: فيجب علي المغتربين احترام الدولة التي استقبلتهم

صح الكلام ... المغتربين ما دافعين ايجار و الما دافع ما يتكلم سااااااااي..... محن و الله :) :)

كان صح قول محمد نافع:

فيجب علي المغتربين احترام الدولة التي استقبلتهم..
يبقى الدولة السودانية فعلا ً اصبحت ملك قيادات المؤتمر والوطني ابنائهم البربرة
عملاً بالأية ٢٢ من سورة الزمر التي تقول:

بَلْ قَالُوا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِم مُّهْتَدُونَ (22)

وعلينا ان نتوقع الاسم الجديد للملكة البشيرية النافعية ونحن تابعين لها
أي ننال التابعية البشيرية النافعية بديلا السودانية

كلام عجيب ....قايل السودان ده نشا مع الانقاذ ومن يومو تخلف وجهل ومرض ؟! ما عارف انو السودان كان بلد متحضر ومستنير وكتير من السودانية لى تالت او رابع جد متعلمين

الحيوان دة ابوهو قرا على حساب منو؟



............................
لكن كمان نظام التعليم القديم الخرج لينا ناس نافع وعلي عثمان دة فيهو حاجة غلط

كان ما مجانية التعليم واللغفي كان تيراب أبو العفين يكون من شفع العرب الفقاري البفنو الشايله ايديهم ويجروا ساكين القطاره وكان هسع يكون ببيع جنا جداد في النافعاب منعول أبوها الدنيا أم قدود

السادة المغتربون

اذكركم بقول القدماء :
يا غريب ... خليك أديب ....

وكان ما عجبكم ...

يا غريب ... يلا يا بلدك

Quote: والمغترب يريد خدمات صحية وتعليمية كما رآها في الخارج

الحقيقة رأينا هذه الخدمات قبل أن يراها غيرنا (ومجاناً)
وافرض أن المغترب يريد هذه الخدمات كما رآها في الخارج ... ما العيب في ذلك؟ ... المغترب يدفع الضرائب المفروضة عليه ... قصاد شنو؟

زي محمد نافع ده مفروض يجاوب على السؤال: هل الدولة تخدم المواطن أم المواطن هو من يخدم الدولة؟

ده ولد قليل ادب وغير متربي، وهو أصلا ح يلقى تربية وين لو كان أبوهو نافع علي نافع.

قليل أدب وكمان جاهل، الولد ده هسع عارف حجم الاموال التي يتم جمعها سنويا من هولاء المغتربين كم؟

هسه زي دا يردوا عليه بي شنو
غياتو محن الانقاذ أصلها ما بنتهي
كل يوم نقول الروب .. يطلع لنا خازوق جديد

الله في

بالجد الكلام دا ؟؟؟؟؟؟
أنا غايتو ما مصدق
ننتظر تصحيح أو تأكيد لهذا الكلام

خوازيق البلد زادت خازوق.
من شابه أباه فما ظلم !

الفرعون لا يلد الا فرعونا .

ناصر

سلامات

ليه ما بتصدق!

إذا كان أبو الولد ده أستاذ جامعي وبيقول للشعب السوداني ألحسو كوعكم، شنو الما بخلي الولد يقول كلام زي ده؟

لعناية محمد نافع:

Quote: #فضائحوزارةالصحه_السودان ماز تبقى لنا من الخدمات الصحية ؟؟؟ (١) ماجدة محمد احمد علي كنا نفاخر بين الدول الافريقية والعربية بنظام صحى يقدم الخدمات الصحية للأغلبية العظمى من المواطنين فى الريف وحتى للرحل وعليه لم يكن جديدا على السودان ان تنتهج سياسة الرعاية الصحية الاولية فى عام 1980 بعد مؤتمر المااتا الذى عقد فى عام 1978 وقد كان السودان فى مقدمة الدول التى بنت خدماتها الصحية على مفهوم الرعاية الصحية الاولية وذلك من خلال نشر الكوادر الصحية من مساعدين طبيين ودايات قرى وزائرات صحيات ومساعدات الزائرات الصحيات و فنيى تطعيم بالتنسيق الوثيق مع كوادر تعمل فى المستشفيات الريفية من ممرضين ودايات قانونيات واطباء عموميين وملاحظي الصحة ومساعدى ملاحظى الصحة بالمحليات ..... كلهم فى منظومة متكاملة تربط بين الولاية والمنطقة الصحية بالتنسيق الوثيق بين السلطات الصحية المتمثلة فى المدير الطبى للمنطقة والمعتمد بالمحلية وبنفس المستوى من التنسيق تترابط المؤسسات وعواصم الاقاليم بالمستشفى المركزى ومنها للمستشفيات المرجعية والتعليمية والتى يتم التحويل اليها للحالات المستعصية. وعلية كان هناك هيكل واضح فى تقديم الخدمات الصحية يبدأ من الريف ويمتد الى المحليات ومن ثم لعواصم الاقاليم ومنها للعاصمة القومية مما مكننا فى زمن من الازمان ان نعلن السودان منطقة خالية من مرض الجدرى........ وبغياب المرجعيات الخدمية الصحية وتكسير هيكل الخدمات الصحية فى الريف وفى المركز والتركيز على المستشفيات وإضعاف دور المؤسسات الصحية الاخرى من مراكز صحية وخلافه استشرت الاوبئة المتوطنة والتى كان بعض منها قد تم الحد منه فعاودتنا الانواع المختلفة من الحميات النزفية تحاصرنا بين اونة وأخرى.... انتشار الحمى الصفراء فى دارفور فى اوائل العام والكوليرا فى مناطق مختلفة... وحمى الكلازار.... والكبد الوبائى.... والبلهارسيا ......و....و...... فماذا تبقى لنا من الخدمات ألصحية ؟؟؟ فى الاقاليم لا يوجد غير العلاج الخاص والذى لا يخضع لضوابط على الاطلاق واللوائح التى كانت موجودة بوزارة الصحة اصبح لا احد يعرف عنها شيء خاصة بعد التعيينات التى تمت وفق الولاء وليس الكفاءة. وبعد انتهاج سياسة تقديم الخدمات الصحية بالمقابل واستشراء ما سمى ب" الانقاذ الصحى"، فى نهاية الثمانينات أصبح لا يتم حتى اسعاف المريض أى كانت حالته قبل ان يدفع المبلغ المطلوب للخدمة. وتدريجيا اضعفت امكانيات المؤسسات الصحية والتى اصبحت ميزانياتها تعتمد على ما تتحصله من مبالغ مقابل الخدمة المقدمة !!!! وتهتك هيكل تقديم الخدمات فلم تعد هناك مستشفيات مرجعية ولا يتم التحويل من المراكز ولا يتم الاشراف على الكوادر الصحية ولا يتم تدريب اثناء العمل ولا ولا ولا... واصبحت كل مؤسسة صحية معزولة فى جزيرة بعيدة عن الاخرى... وكل ذلك انعكس جليا فى الاداء الطبى والصحى فالتعيين والاشراف والتدريب وتقارير الاداء المهنى كلها تتم خارج اطار العمل الطبى بل تتم وفق الولاء والواسطة والتقارير الامنية. تأثرت بذلك كل الكوادر الطبية والتى كانت دوما تمثل العمود الفقرى للخدمات الصحية وعلى رأسهم المساعدين الطبيين بكل فئاتهم وتخصصاتهم والممرضين والسسترات وفنى المعامل وكافة العاملين بالمؤسسات الطبية المختلفة. فهاجر الالاف من بناة مستقبل السودان ، شباب الاطباء، شباب نفتخر به حاول جاهدا أن يحقق ذاته ويعمل بكل حب للوطن ولكن كيف يمكنه ذلك والقائمين على الصحة لا يبالوا ويرددون " يجوا غيرهم" وكأن لسان حالهم يقول بأن موت ومعاناة المواطن فداءً لل " الايلولة".* * سياسة أيلولة المستشفيات تعريف لمن لايعرف الدكتورة ماجدة #الدكتورةماجدةمحمداحمد_علي كانت مسؤولة عن برنامج مكافحة اسهالات الاطفال دون سن الخامسة بوزارة الصحة ابان الديمقراطية الثالثة ، ومن هذا الموقع قدمت جهدا بارزا ومميزا عام 1988عند حدوث كارثة السيول والفيضانات ، الامر الذى وجد اعترافا وتنويها دوليا ، وبالنتيجة كانت د. ماجدة محمد أحمد على فى أول قائمة فصل ل(الصالح العام) من وزارة الصحة مباشرة بعد انقلاب الانقاذ 1989!

والله لا دخيل على هذه الشعب إلا أنت وأشباهك من مستجدى النعمة ...وانا أتحداك أن تبرز لى الشهادات التى أهلتك لدخول كلية الهندسة بجامعة الخرطوم لأنى اشك إنك لم تدخل جامعة الخرطوم إلا بنفوذ ابوك كما اتحداك أن تبرز لى مستند التحاقك بها وتاريخ تخرجك منها عشان نعرف إنك أتميت الدراسة بها فى كم سنة .
.يا محمد نافع أنت تحتاج لأعادة تربية .

محمد نافع
من شابه اباهو
ومحمد نافع بلهط بسلطان ابوهو وبقى ثرى ثراء فاحش وبفتكر نفسو فوق دا انه محمى بالجواز الامريكى لانه من مواليد امريكا

.
لماذا يسأل الصحفيون محمد نافع علي نافع
لماذا ينقل الناس أقوال محمد نافع علي نافع
لماذا ننفق زمن مع أمثال محمد نافع علي نافع
محمد نافع علي نافع
محمد نافع علي نافع
محمد نافع علي نافع

الرد على هذا الكلام هو ان الدخيل على الشعب السوداني هو نموذج محمد نافع على نافع ,, ولهذا الكلام اسانيده الكثيرة التي ليس اقلها الفساد وأموال الحرام .. حرام الشعب السوداني الذي لا يجد ما يسد به رمقه او يعالج به مرضه او يعلم وبه ويربي ابناءه بسبب الفساد وأكل امواله بالحرام من قبل هذه النماذج المشوهة ..

ما لفت انتباهي ليس ذلك
ما لفت انتباهي هو فكرة التوريث ..
هؤلاء الفاسدين الآن يعدون العدة لوارثيهم من الابناء من اجل ان يحكموا السودان وتستمر ضروع الفساد في ادرار الاموال الحرام لخزائنهم .. ولو لم ينتبه الشعب السوداني لذلك فذلك ما سيحدث بحسب ما اراه من تخاذل وطني

Quote: لماذا يسأل الصحفيون محمد نافع علي نافع لماذا ينقل الناس أقوال محمد نافع علي نافع لماذا ننفق زمن مع أمثال محمد نافع علي نافع

ده السؤال

الاخ / محمد ابو الريش والضيوف الافاضل . تحيه طيبة


30 سنه ليست بالشئ الهين ، خلال هذه الفترة ، شب ابناءهم ، وتم اطعامهم ، وتربيتهم ب ( الحلال ) .
وشافوا تصرفات اهاليهم تجاه البلد وسكانه ، لذا ليس بغريب ان تصدر منهم هكذا تصريحات .
انهم يتحدثون ويفعلون مايريدون ، بالمطلق ، ظنا منهم انهم الاول والاخر .




**
وقتها لن تشفع له جنسيته الاميركية .



هم يرونه بعيدا .
وانا اراه قريبا .

الاجابة على سؤال لماذا يسأل الصحفيون محمد نافع على نافع

Quote: في اجتماع لشباب المؤتمر الوطني بقيادة كل من الفاضل وابوهريرة ومحمد نافع

فيجب علي المغتربين احترام الدولة التي استقبلتهم..


هذا المربى بمال السحت يريد أن يقول البلد آلت له ولأبيه الحرامي الما نافع وهذه البلد استقبلت المغتربين العائدين كمنة على المغتربين يجب احترامها ؟!

طز فيك وفي أبوك .. إنتوا لو ما حكومة السجم وانقلاب الكيزان المشؤوم لما عرف ولا سمع بكم أحد أيها الأوباش

تباً لكم ولأمثالكم

يا دينق
"ليه ما بتصدق! إذا كان أبو الولد ده أستاذ جامعي وبيقول
للشعب السوداني ألحسو كوعكم، شنو الما بخلي الولد يقول كلام زي ده؟"

هو من ناحية أخلاقية بقول أكعب من كدا آلاف المرات
مش كبير الحرامية البشير قال المغتربين يبلوا دولاراتهم ويشربوا مويتها
لكن كلام زي دا فات حدود المعقول
يعني مهما بلغ إنسان من السؤ وقلة الأدب ما ممكن يقو ل كلام زي دا
غايتو لو صحي قالوا حيدفع تمنه غالي
فلعله لا يعمل أن لحم كتفه وابوه وكل أسرته وأسر الحرامية في السلطة
من عرق هؤلاء المغتربين

أقترح تغيير التسمية من مغترب إلى مهترب أي هارب من جحيم الوطن إلى جحيم الكفيل وبالعكس.
إذ أن المغترب قديمًا يخرج بصورة رسمية عبر الإعارة ولمدة معلومة، حقوقه في الغربة موثقة بعقد ووظيفته في الوطن محفوظة حتى أوبته بما فيها الترقيات.
أما مهترب ام سُمّاك والصحراء الكبرى المدفوع قسرًا بسبب سياسات دولة القبيلة والذي نجا من السنبك وعلق بالسلك الشائك ونجا من طلقة طائشة وشبكات الاتجار بالبشر ووصل إلى تراب دولة أخرى فهذا فلتة هروب.

تسمية مهترب تتناسب وذلك لما يلاقيه السوداني الهارب من الجحيم من أذى من لدن دولة الكفيل وأذى من الأقارب في داخل الوطن باعتباره بقرة تحلب دورارات!!!
وعداء متوارث من الحكام وحتى نطفهم.

شر البلية ما يضحك ...
ياخي الدخيل علينا كشعب سوداني فضَّل جنس عينتك دي يا ود نافع ...

شقيقي على ابودومة رسل دي في الواتسب

Quote: في بوست عن محمد نافع شوف تعليق منتصر بالانجليزي😂😂 والله بضحك من الظهر

Quote: يبقى الدولة السودانية فعلا ً اصبحت ملك قيادات المؤتمر والوطني ابنائهم البربرة

كثيرا ما حاولت تنبيه المعارضة على ضلالها وغفلتها وإنخداعها بالإشاعات
الكاذبة المضللة التي تزعم بأن هناك خلافات بين
على عثمان ونافع من جهة وعمر البشير من جهة أخرى
وأن البشير أبعدهم ونحو ذلك من بلاهات وعبط المعارضين.

فيجب علي المغتربين احترام الدولة التي استقبلتهم..
....

و الدولة التى استقبلتهم دى, بلدهم و لا بلد زول تانى ؟
الناس ديل فعلا بفتكروا نفسهم اسياد البلد و أى زول تانى ضيف لازم يحترم نفسه..
كلام يشّيب الغراب...