11:03 AM June, 23 2018 سودانيز اون لاين
أبوذر بابكر-
مكتبتى
رابط مختصر
فى مشرق الريد النهار
شفت شمسِك
إبتديت
أقراكى تانى
شلت معناك
ومشيت
من مطلع الريد المعانى
قلت فى جواى أدسك
يا رحيق ورد الأغانى
إبتديت أقراكى تانى
أول سطر
من صفحة البسمة الأمانى
آخر سطر
لى حدِ سدرة منتهاك
يقراك معاى
تعب العمر
شغف المكان
فرح الزمان
يقراك معاى
وكل نبضات الثوانى
ومن وهج كوكب بهاك
ضوِك غلب عتمة أساى
ناغمنى حسِك
إبتديت اتفكرك
وتانى
جوه غناى أدسك
اتأملِك
واتخيلِك
ومرة ختيت الأماسى
معاى فى كف الحلِم
وأنا والقمر
نبدا سيرتك وننسجم
نحكي عنك
يا حدائق
يا مرافئ
يا مراسى
ابتديت
اتأملِك
جريت نفس كل الأغانى
قلت يمكن
لو قليل أتنفسك
ما إنتى هسه
وبكره إنتى
وروعة اللحظة الأمس
بس شفتى كيفن
لما لقياك تبقى ضلى
والبعاد لفح الشمس
جريت نفس كل الأغانى
قلت يمكن لو قليل اتنفسك
وندهت غيمات الخريف
شان تمشى فوقك تحرسك
يتمد طابور الغنا
فى سكة الأشواق معاى
يوصل محطات المنى
الما بتمسك
واتذكرك
بس شفتى كيفن
لما لقياك تبقى ضلى
والبعاد لفح الشمس
إبتديت
اتأملِك
وأتفكرك
والبعاد لفح الشمس
وأتمنى تانى وأكتبك
يا ريتو لو باكر أمس