Post: #2 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-23-2018, 07:47 AM Parent: #1
كل سنة وانتوا طيبين والعيد القادم البلد بخير ومتعافية من سرطان الزمن الاغبر لاخوان المسلمين وما علق بهم مواليا او متعاطفا او متحكحا وذو نفس قصير
------- المدن النايمة حا تصحى
Post: #3 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-23-2018, 03:08 PM Parent: #2
تجفيف مدارس تجفيف حقول تجفيف عقول تجفيف سيولة بلد قاعدة في السهلة من راسها لي اصغر منتميء لهذا النظام لا عندهم حلول ولا عندهم عقول.. الفزرة فينا نحن ونستاهل ومن يهن شنو كدة الهوان ونحن هوينين وليهم حق يركبوا وبخلفوا ويدوبو انعل ابو اي حاجة
Post: #4 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-23-2018, 03:14 PM Parent: #3
مرقنا من رمضان نجرجر كرعينا جر وفي وشنا العيد والاطفال لا يعرفون الاعذار العيد مصحوب بي مناسبات زواج هدت حيلنا وفجاءة المدارس فتحت ودي قصة فوق للخيال
غايتو يوم القيامة لو حاسبونا مع بقية الدول المرتاحة حا نخرخر ونعمل وقفة احتجاجية
قال ايوب صابر ها وين
Post: #5 Title: Re: سميت المدن النايمة (شكرا حميد شكرا مصطفى ش Author: فيصل محمد خليل Date: 06-23-2018, 03:25 PM Parent: #4
Post: #6 Title: Re: سميت المدن النايمة (شكرا حميد شكرا مصطفى ش Author: عبدالحفيظ ابوسن Date: 06-23-2018, 05:16 PM Parent: #5
واتا طيب ووطن واحد ديمقراطي يسع الجميع مرقنا من العيد والمدارس كبست اسعار فوق في السماء كراسات ولا اقلام ولا شنط ولا كتب الكتب بشتريها الطالب وكلو ساكي الدولار قلم البك ساكي الدولار بقا 10 ج
Post: #9 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-23-2018, 08:04 PM Parent: #6
ابسن يا رفيق همي وغناي كل سنة وانت ملان صحة وافر النعمة والله انت عارف انا مرقت من البلد دي تميت قريب الشهر ونص لفيت فيها تلاتة دول ما لقيت زي البحصل لهذا الشعب المسكين شغالين فينا تجارب ومحملننا اغلاطهم سحبو القروش غيرو العملة رفعو الدعم عن كل شيء لو كان اصلا في دعم مدارس صحة كل شيء تاكل نارك هسي الموسم الزراعي كبس وندرة في الجاز والتمويل واي شيء نحن سوينا شنو في الدنيا دي السوق واقف والحال واقف ويجي ود الباوقة وامثاله ويقول ليك فرجت بي المنقا وسودة بت منو طوووظ فيها والبشير اسد العرب يقدل في بانغي
من لم يمت من العوز مات بسكتة من الحاصل ااااااه يا ابسن اسكت ساي اولاد الناس الغلابة ببكوا بدموع دم لا كسوة عيد ولا كسوة مدارس غايتو انا وصلت لي قناعة تامة انو الدعاء البدعوه الناس الغلابة السماء عاملة منو طناش اذا كان اصلا في سماء
تبا لنا جميعا
Post: #7 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-23-2018, 07:33 PM Parent: #5
صديقي الجميل فيصل اوبريت او ما تعارف عليه وردية قاسم امين لحن يجبرك على سماعه ولا ابالغ ان اقول ادمنت سماعه
شكرا جميلا يا رفقة
Post: #8 Title: Re: سميت المدن النايمة (شكرا حميد شكرا مصطفى ش Author: Hasheem Karouri Date: 06-23-2018, 07:49 PM Parent: #7
العزيز ابوعلوة . لك تحياتي واشواقي .
سبحان الله اليوم كنت في بالي . كل عام وا نت وجميع العائلة طيبين ، وتامين ولامين . وانشاء الله ده يكون اخر عيد يحضروا معانا الجماعة ديل ..
اوبريت جميل ورائع .
لك تحياتي وتقديري ،،،،
Post: #10 Title: Re: سميت المدن النايمة (شكرا حميد شكرا مصطفى ش Author: علي دفع الله Date: 06-24-2018, 06:16 AM Parent: #8
هاشم كاروري يا صديقي كل سنة وانت طيب
خلينا نشوفك يا ابو طيف
Post: #11 Title: Re: سميت المدن النايمة (شكرا حميد شكرا مصطفى ش Author: Kostawi Date: 06-24-2018, 11:44 PM Parent: #10
في يوم 8/3/2003 كتب الصديق - بلقب sheba "الذي لم ألتقيه" في هذا المنبر" سودانيزأونلاين" قبل ١٥ سنة الأتي:
قاسم أمين – بصوت مصطفى سيد احمد- لماذا غناها ليلة30 يونيو89
قاسم امين بصوت مصطفى سيد احمد وامال النور
................................................
شفافية مصطفى الحادة قادته إلى أن شيئاً ما سيحدث غدا 30 يونيو وكان ذلك بشهادة رفيق دربه الأستاذ عبدالله محمد عبد الله وفي ليلة 29 يونيو 1989م طلب مصطفى من مجموعة من عازفيه أن يذهبوا لتسجيل بعض الأغاني وقام بغناء رائعة محجوب شريف (عشرة مقاطع للحياة) وغنى لمحمد الحسن سالم حميد (قاسم أمين) وغنى الكثير وطلب أن يُحفظ ذلك للأجيال القادمة وبعدها بسويعات أطل طائر الشؤم ونعق البوم قبل شروق شمس 30 يونيو 1989 .
تكثفت سحابات الحزن أمامنا وكأن أعيننا رغم أنها مفتوحة تماماً يبدو أنها أُصيبت بنوع من الخدر وربما نتوهم أن الظلاميين أعداء الفرح تمكنوا حتى من إصابة أعيننا من الرؤية وهي تسبح في ماء الذكريات لتجتر شيئاً من الماضي . ويبدو أن الوهم قد تحول إلى حقيقة فبغياب مصطفى انطفى ذلك الكوكب المشع ونزل ذلك برداً وسلاماً على الظلاميين أصحاب (التوجه الحضاري) أعداء الوطن ، إلا أن فرحتهم بغياب مصطفى لن تطول لأن الكنوز التي خلفها الراحل المقيم ستظل باقية أينما وجدت وستبث فينا الأمل أينما كنا لما فيها من قيم فنية وإنسانية حقه .
مصطفى .. مصطفى .. مصطفى أحقاً فقدناك ؟ وهل تفتقدنا ؟ كم المسافة بيننا لماذا حضرت في هذه الزيارة القصيرة لتذهب إلى الزيارة الطويلة ؟
هناك يرقد مصطفى في رحم الأرض التي أنجبته وبادلها حباً بحب وعشقاً بعشق ووفاءً بوفاء وهي تحتضنه وتغمره بفيض حنانها ، لقد بدأ مصطفى المشوار فهل سنكمله ؟
- عن مقال للكاتب عبد الوهاب همت -
قاسم امين محمد الحسن حميد ******** سميت المدن النايمة المدن التصحى فى حين تترجى خطى العمال اصوات الفلاحين ********* النفس الطالع نازل فى صدور المسحوقين أسميت السفن التمخر؟؟ فى نص البحر الطين؟؟ *********** الناس ام عرقا يجهر السرها يوما حيبين الناس التنضح سكر تتجرع مر وطين ؟؟؟ التبنى قصور للقيصر والتسكن حوش الطين يا موج البحرالاحمر سميتكم قاسم امين.. ************ كتلوك الناس القصر الناس المأفونين الناس البالة مغطى والساسة المبيوعين كتلوك خدم الراسمال يا زول يا عاتى يا زين الفرحو الامريكان والربحو تجار الدين كتلوك وكان قاصدين فى ذاتك ناس تانين الناس ام عرقا يجهر السرها يوم حيبين يا عادى كما العمال والريح الحينا بحين يا صاحى كما الآمال فى عيون المحرومين ماشين فى السكة نمد من سيرتك للجايين شايفنك ماشى تسد وردية يا قاسم امين وردية يا قاسم امين وردية يا قاسم امين