الويكة حقتنا دي . ال okra بحوث تقيلة في جامعة هارفارد الامريكية وبشارات

06:55 AM June, 23 2018

سودانيز اون لاين
Osman Musa-
مكتبتى
رابط مختصر

ويكتنا و محبتنا وليالي هوانا
انشاءالله تطول و تتمدد و تتمدد .
اصبحت علي لسان اليانكاب . قالوا احتمال كبير ويكتنا
تاني تلغي طعن الانسولين . وتكون البديل . الله كريم عليك يا ام رقيقة .
ويا ام بق بق . هيع يا اب كريق بعد جهاد طويل شغلك حيكون في
كبسولات في الفارمسي .

ونحن ماعارفين ليها حاجة غير اللياقة ولايوق ويكة بس

عندنا موارد ضخمة ومافي عقول والبحث العلمي صفر

ماعدا في البحث عن اقصر الطرق للفساد

سلام للويكاب،
وين خبر هارفاد والويكة دا؟
فتشت ما لقيت أي خبر في النت

يامستنير ننتظر كوستاوي يجيب الصور

عزيزنا الاخ عبداللطيف سلامات
الويكة يا عبداللطيف بتجينا في امريكا من الجيران ناس المكسيك و جواتيمالا
وبيرو . وانت يوم الخميس الفات بتكون تابعت الماتش حق البيرو ضد
فرنسا . واكيد تابعت لياقة بيرو وكيف كتمت نفس فرنساء . حتي بعد هدف
فرنسا اصحاب الويكة كانوا في تمام كمال الشدة .
الويكة سرها باتع يا عبدو يا اخوي

عزيزنا ابوبكر سلامات وعيدك مبارك
ويكتنا يا ابوبكر ما وقفت علي خلطها بي الكرارة و السبروق
ويكتنا دخلت في صناعة العلاجات الصعبة جدا . يعني تاني شوقك
لي صحن ام رقيقة .
ام رقيقة تاني بي الدولار . داير . داير . ما داير . امشي شوف ليك
ام فت فت . هههههها

زارعها في البيت في ال Back yard
ويكاب يا مكوكب يا بكور...زح كدا...الويكة و بس.

من الأول يا ويكاب بكور...الويكة.. عبارة عن مسحوق ناعم مصنوع من شرائح البامية ويتم تجفيفها تماما، ويستغرق ذلك عدة أيام، وبعدها يتم سحقها لتصبح في شكل بودرة ناعمة بلون أخضر فاتح، وتحفظ في برطمان محكم حتى لا تفقد نكهتها، ويتم وضع عدة ملاعق منها في عدد من المأكولات الشعبية السودانية الشهيرة كملاح النعيمية، وملاح الشرموط، وأم رقيّقة، حيث تجعل تلك المأكولات بشكل ناعم لزج وتضيف إليه نكهة جميلة محببة.
source:The White House
Uncle Trump

عزيزنا كوستاوي سلامات وعيدك مبارك
انا برضو زرعتها في الباك يارد . جلبت معاي التيراب من جروفنا
مع شوية ماروق من هوم دبوو . و قالت بق . نجحت نجاح عجيب
ويكة نيلية في منتهي اللياقة . ويكة ماركة سليسيون ون .
الشغلة دي عندها اهمية الان .

عزيزنا كوستاوي
بلاي مزيد من بحوث الويكية . وشايف الويكة و الباذنجان متباريات
في الرسيرش .

سلام عليكم
اظن اكثر المهتمين بيها الباحثين الهنود لانها موجوده فى بيئتهم برضو
Okra or Okro :known in many English-speaking countries as ladies' fingers or ochro, is a flowering plant in the mallow family. It is valued for its edible green seed pods. The geographical origin of okra is disputed, with supporters of West African, Ethiopian, and South Asian origins. The plant is cultivated in tropical, subtropical and warm temperate regions around the world
.
Eleven foods that lower cholesterol / No 4. Eggplant and okra. These two low-calorie vegetables are good sources of soluble fiber./Harvard Heart Letter/Harvard Health Publications.
.
Okra extracts in pharmaceutical and food applications/Huddersfield university/Food Hydrocolloids Journal .Elsevier

التحايا للجميع
انتو يا عالم عندكم خير من ( قوقل) - من الفعل استخدم المحرك قوقل - على وجه المنبر
تسألوا من كوستاوي ؟ !!!!!!!!!
ياخي ده ( بطقطق) اي زول



—————————-/—
معليش اخونا كوستاوي مكانتك محفوظة

عزيزنا الاخ زكريا سلامات وعيدك مبارك
هو عمنا قوقل زاتو بعض الاحيان بيلفح من منبرنا ده . اكيد قوقل جامع كل
شاردة وكل واردة . لكنو برضو مرات محتاج لي زيك وزي كوستاوي وزي
قباني . يعني انتو الجداول البترفد بساتين العم قوقل .
تحياتي

عليك الله يا كوستاوي جيب صورة فتيل كبسولات ال okra .
ويكتنا في صيدليات امريكا . وفي السودان معلقة في المشلعيب .
مشلعيب والجاز قاطع .

Okra Pepsin is our version of a classic professional formula popular since the 1960s. Combining the digestive enzyme pepsin with okra, a source of fiber, these capsules make a great addition to any daily program for gastrointestinal and colon health.*

أدوية عشبية مسحوق البامية الفوائد/ كبسولات مسحوق البامية
سعر الفوب: US $ 10-65 / كيلوغرام الحصول علي أحدث السعر
ميناء: Changsha,Guangzhou,Shanghai
أدني كمية الطلب: 1 كيلوغرام / كيلوغرام
القدرة علي التوريد: 4500 كيلوغرام / كيلوغرام شهر
موعد التسليم: 7 في غضون أيام عمل بعد الدفع.
شروط الدفع: L/C,T/T,Western Union,MoneyGram,Escrow

اي يا اخ كوستاوي ناس التغذية العلاجية في جامعة الينوي شغالين .
وكتير من نتف النشرات بتتكلم عن علاقة البامية بي علاج سرطان القولون .

خلوا اللياقة،
قلنا ليكم وين بحوث هارفارد عن السكري بتاعت الويكة؟
لواييق بس!

عزيزنا الاخ عصام علي سلامات وعيدك مبارك
اهتمام الامريكان الان يا اخ عصام اكتر من اهتمام الهنود .
السرطان عند الامريكان هو البعبع الكبير . و الويكة هي الحربة
الممكن تشكليك قلب السرطان و تفتفت ليك عضلاتو .
كبسولة ال okra يا عصام كل يوم بعد العشاء هي الامان .

حبيبنا عثمان
تحياتي
البامية دي بالذات شايف اليابانيين بموتوا فيها !
[/url]
بامية اسباغيتي
[/url]
بامية مشوية

محبتي

4. Eggplant and okra. These two low-calorie vegetables are good sources of soluble fiber.

و الكلام كلو موجود هنا يا أبا بكر العثماني الهارفدابي...Lol

https://www.health.harvard.edu/heart-health/11-foods-that-lower-cholesterol

عزيزنا الاخ الفاتح ميرغني سلامات و عيدك مبارك
لو داير تتفرج في دافوري جد تعال اتفرج في دافوري المزارعين
المكسيك . الناس ديل عايشين علي البامية . البامية قوة عجيبة وصحة .
هم بيضربوها نية و مسلوقة نص نص .
وطبعا اكيد حاجة يحبوها اليابانيين لابد تكون وراها كلام كتير .

الاخ عثمان - سلامات وعيدك مبارك
معاك فى انو الامريكان هاجسهم السرطان لكن الباحثين الهنود فى مؤسسات بريطانيه وامريكيه جزءاساسى من اتيام البحوث دى .
بالمناسبه الهنود والافارقه برضو متقدمين فى مجالات زى دى(تقييم فوائد الموراد الطبيعيه خاصه النباتات والاستفاده فى مجالات هامه زى الصيدله والتغذيه واحيانا تمتدلمجالات اخرى زى الصناعه) لكن بتخونهم حكايه ال(fund) والامكانات المخبريه.الدوله العندها حظ افضل جنوب افريقيا.
افريقيا واعده وماشه فى تحسن ومبشره.

في عام 99 و انا في القروسري بنقي في البامية الخضراء, وقفت زولة جنبي و بدت تنقي البامية, بعد شوية سألتني Are you Sudanese
Yes,
و بعد داك قلبنا الكلام عربي.
القصة و ما فيها انها كانت شكلها بيضاء و من ملامحمها تصنفها من البحر الابيض المتوسط (ايطاليا, يونان و لو جاملتها شديد تجيبها للمصرييين و اللبنانيين. سألتها عرفتيني كيف سوداني.
قالت لي بس من طريقة عزيلك للبامية.
.

عثمان موسى يا جميل ..

اجمل ما فيك انك لما تمسك موضوع بتعرف كيف تكبروا و تسوقوا تمام ...ههه

عموما خليني احكي ليك قصة حقيقية عن اخ صديق سوداني أصيب بااسكري منذ 5 سنوات ...

طبعا في اول الامر دخلت فوقه خلعة المرض و فقد وزن كتير و بدا يحافظ على الاكل و غيره ...

المهم لأانه المستوى كان عالي حق السكري ... الدكتور ختاهو في حبوب الميتفورمين طوالي ...

بعد فترة نصحه احد الاخوان انو يجرب البامية ...

يقطعها على كم قطعه يبلها في كباية موية و تان يوم يشرب مويتها ...

فعلا بدأت ارقامه تتصلح ...و قام براهو قرر يوقف الميتفورمين و يستمر على البامية ...

و كان عنده روتين لفحص السكري في بداية مرضه كل كم يوم كده .. و قام ابى يكلم الدكتور انه وقف دوا السكري ...

ارقامه بعد شوية بقت تلخبت ... و كمان عنده لسة اعراض كانت بتظهر ليو قبل اكتشاف المرض ( زغللة عيون و فتر ) ؟؟؟

قام بدا يلخبت تاني و اخد البامية و نفس الوقت الدوا ...

انا لست طبيبا بل احكي عن تجربة صديق عزيز جدا ...

بعد حوالي 9 شهور ... و في وقت فحص مفصل ... الدكتور شاف النتائج ...

قال لي صاحبي غريبه انو الأرقام كويسة للجلوكوز ... بس في تحليلات دقيقة تانية بتقول انو المرض بعمل في عمله المعروف ...

هنا اعترف لي دكتوره بالحقيقة ..

الدكتور نصحة فورا انه يوقف و يرجع للميتفورمين لانه دراسة البامية غير مثبتة انها تعالج السكري ...

و الأاهم ان البامية في نفس الوقت الممكن تعمل بلوك للسكري برضها بتعمل بلوك للمتفورمين ( دوا السكري ) ...

هناك حالات بسيطة قال ليهو الدكتور انو البامية ممكن تحافظ على مستويات السكر في الدم .... لكن تفاصيل أخرى مصاحبة للسكري لا تنفع معاها البامية ...

و عليه بعد تجربة سنة تقريبا ... عاد صديقي للمتفورمين و هو الحمد لله في احسن حالته الان ...

الخلاصة ...

لا يوجد اثبات علمي مفصل ان البامية بديل لدواء و علاج السكري ...

كما ان هناك اقتراحات تقول ان البامية يمكن ان تساعد ( و ليست علاج ) على ضبط مستوى السكري عند Type 1 and 2 Diabetes

لا تستخدم البامية و انت على دواء السكري خاصة ( الميتفورمين ) لانها تعطل مفعوله ...

البامية قد تساعد على ضبط الأرقام ... و لكنها لا تعالج ... و قد يستمر الdamage داخليا من تاثير المرض ...

زيت بذرة الويكة
حد فيكم سمع بيهو
اقرو هنا
و برضو يا ريت السنوسى ود بدر يجى بى جاى
البحوث شغالة قرف و الدراسات ما تديك الدرب
مسألة امراض القولون دى الناس اتجاوزتا و الدواء ناجح ليها كأستعمال طبيعى ليها او دوا
الان البحوث جارية لى استعمالا كمضادات حيوية
قال خشب قال

يا هلا يا عثمان ان شاء طيب وعقابك


معليش والله الواحد مرات بيغيب من البكان بدوافع عديدة ليس اقلها الانشغال بالحياة ومتطلباتها.

واشكر عزيزنا العزيز والرجل الخلوق جلالدونا علي لفت انتباهي لهذا البوست الهام.

الحقيقة ان الاهتمام بنبات البامية بدأ بصورة مبكرة في شبه القارة الهندية من قبل علماء انجليز متخصصين في علم النباتات ولم يكن هناك اهتمام علمي طبي مكثف حول هذا النبات الهام وفيما بعد اقتصر دوره في صينية الاكل كمصدر شهي بياكلوه الناس.
النبات بينتمي لمجموعة عائلية كبيرة اسمها مالفاسي (Malvceae) واظنو اسمو العلمي كبامية هو Abelmochus esculentus او شئ من هذا القبيل - فليصححني ناس البوتني Botany

الاهتمام بالنبات ده بدأ بالنسبة لي من وقت ليس بالقصير وده من خلال مشاهدات حياتية يومية ومرات سؤال ناسنا الكبار امهاتنا فمثلا سألت حاجة من الدلنج انها كانت بستعمل البامية الخضرا لعلاج بعض الجروح لشفعها كما سألت حاجة في عطبرة انها كانت بتعالج وجع البطن بالبامية بعد غليها بالماء دون اضافات ، كما انني سألت عدد كبير من امهاتنا وخالاتنا، وفي الحقيقة هم بيعرفوا اكثر ما بنعرف نحنا علميا وحياتيا استعمالات النبات ده.
اجرينا بعض الدراسات وكان مصدر ادهاشنا انو النبات يحتوي علي كمية مقدرة من فايتمين سي واي ونسبة مقدرة من الحديد والكالسيوم، والخلاصة الطلعنا بيها انو النبات ده عشان بيحتوي علي الفايتمين سي كمضادة للاكسدة ممكن ينفع وايضا يمكن ان يكون محفز للنظام المناعي ، واخدنا الموضوع تجاريا كبسولات الاوكرا.
وبعد فترة برضو نتيجة لدراسات تانية لاحظنا انو الناس البتاكل بامية نسبة اصاباتهم بامراض التهابات القولون اقل من اولئك الذي لا يحتوي نظام غذائهم علي البامية او الويكة، واخدنا البحوث في الاتجاه ده ، والحقيقة اخدت لي فترة ذهبت فيها للشرق الاوسط والنتيجة كانت صفر كبير في كل شئ تقريبا.
وبعد فترة حاولنا نقسم النبات الي حب seeds ولب وقشرة خارجية وكانت دهشتنا كبيرة عندما وجدنا ان النبات بيحتوي علي مركبات لها امكانية مضادة للالتهاب وحاولنا حصر تلك المركبات من اجزاء النبات المختلفة ، وللحقيقة لا استطيع التفصيل باكثر من كده مش عشان نخفي الحقايق العلمية -وكلو بوقتو- بعدما نتاكد وتستطيع جهات اكثر استطاعة مالية لتوصيل المنتج للعامة وللاضافة المنتج برضو بنحاول ننتجو ككريم والمادة الفعالة فيهو موجودة في البامية والويكة بتاعتنا الواحدة دي تستطيع علاج بعض امراض الجلد.

وبعدين في حاجة مهمة البامية المزروعة عندنا في السودان ومسقية بمويتنا هناك، يختلف تراكيز المركبات الكيميائية فيها عن رصيفاتها في دول تانية وده اعتقد بديهي لتركيز المواد في التربة وطرق امتصاص النبات ليها كما ان استعمال الاسمدة قد يؤثر تاثير كبير علي تلك المركبات الموجودة داخل النبات، وتتعقد طرق فصلها عن بعض


شكرا جلال
شكرا عثمان

عزيزنا د. السنوسي بدر سلامات وعيدك مبارك
ومشكور كتير علي المداخلة الشحمانة عن باميتنا الاصبحت علي لسان
الحاحثين في هارفرد .
وجودك يا سنوسي في البوست مهم جدا .
رايك شنو ؟
الناس ديل مهتمين الاهتمام ده ليه ؟
تفتكر انهم اكتشفوا شي جديد في الخضروات سببو موية النيل ؟

عزيزنا الاخ جلال سلامات وعيدك مبارك
مره يا جلال في مقابلة في القناة الرابعة سمعت نص دردشة
مع بنات كرداشان عن سر لمعان بشرة اسرة كارديشان . كلهن قالن
ال okra . يا جلال لو جربن بليلة تيراب البامية كان ح يكونن كيف ؟
..
عليك الله حاول اجدع صورة فتيل كبسولات الويكة .
اصحابنا الخواجات سهرانين الليالي يفسخوا في باميتنا
ويطلعوا لينا في العلاجات وبعد ده بعض الاصوات القبيحة
تشنف و تتوعد .

عزيزنا الفنان قباني سلامات وعيدك مبارك قطع الشك ح اقوم انشاءالله في ده الصيف اعزمك حفل الفاتنة اليشا في التايم اسكوير . انت عارف دي البت الجننت عبدالقادر . باميتنا يا قبة اصبحت اكل المليحات في بالتيمور . وتيراب ويكتنا اصبح مسوح و مكياج ناس الفيرست افينيو . هلا هلا .

عزيزنا الاخ محجوب سلامات وعيدك مبارك
لحظة تنقية البامية الدقاقة لحظات ممتعة زي شريك السمك
في النيل . واكيد داير معرفة بي الحبيبة البامية

سلامات الاخ عثمان موسى والضيوف

كل سنة وأنتم بخير

البامية من الوجبات الغنية والشهية.. وجربنا طبخها هنا باللحمة وبدون لحمة ولم تقل جاذبيتها ونكتها الذيذة..

لكن تحضرني هنا بامية برية قمة الروعة واسمها الساراة..
هي فعلا برية ومتوحشة لان بها أشواك صغيرة حادة تخترق اي اصبع يلمسها.. وأذكر كنا نلف الأصابع بشرائط القماش وقت لقطها..

طبعا هذه الساراة هي الأخطر في ملاح أم رقيقة
وعندما تطبخ "فرك" فهي في غاية اللزوجة

وتنتشر في الخريف من شمال أعلي النيل إلى حدود مشروع الجزيرة شمالا وربما توجد في مناطق أخرى


مودتي

تحياتي أخي عثمان موسي وضيوفه الكرام وعيدكم مبارك
غايتو من منطلق زول بدوي ...زول لبن ، اشك في المادة الغذائية للويكة لسبب بسيط
والله ناسنا نامن يمشوا للشوقارة ورحلة الجنوب، ويتركون الفرقان والدكة بالمدامر، ويخلو طعامنا من اللبن ومشتقاته، ويكون الإيدام السائد (الويكة)
ناس الدكة صحتهم تتدهور ودمهم ينشف وعيونهم (بتدخل داخل) وجسمهم بيبس
مابعرف لكن الويكة كان ربنا ماخلق ليها(اللحم) (والله لابتنكل ولابتمطق) اللحم هو الجايب النفل لي الويكة
أكان (تقيلة/مفروكة/ام رقيقة/ بامية)
*ومن الصدف إخصائي عظام نصح صديقي بتناول البامية لأنها غنية بالكالسيوم!!!
طرفة من البادية هدية ليكم:
بدويين "خاطرين" في رحلة تمتد أيّام بحثا عن صيد يصطادانه
ولم يتصيدا غزال او طير او اي " برعوص" وحين ادركهم المبيت صنعوا لهم إيدام (ام شعيفة)
(وأم شعيفة) هي ملاح الويكة والبصل والماء ققط ويسمونها (أم تلاتة)
وأظن احدهم احدث دوي من غازات البطن فمازحه رفيقه قائلا:
سالم جاتو غدَّاره أُم شراراً طاير
ؤلفحت فوقو شبَّال العريس السَّاير
ما بِتكضِّب أُم عشرة المن بعيد بِتضَّاير
نارها الويكة بارودها الخَمِير الفاير
معزتي لكم من القلب

عفوا (تقلية)

عزيزنا. عبيد الطيب سلامات
ياخ انت. زولنا. تب .
سبعة الف سنة والويكة هي صمام امان عافيتنا و حيلنا . والليلة دوبك وضحت
لي جماعة هارفارد .
تحياتي

عزيزنا الاخ عبدالعزيز سلامات وعيدك مبارك
البامية ام شوك دي خترية جدا مع جرجير التقانت و ليمون وفحل بصل .
ام شوك يا عبدالعزيز الشاربة موية النيل دي هي المجننة جماعة هارفرد .
دي بداية لي اكتشافات اسرار ماروق النيل . ما كانوا عارفين انو خبوب الطمي
في النيل الازرق هو الحيكون الخلاص من بعبع السرطان و الزهايمر و الخوف .
يا عزيز اقع التقلية وغني وين الليلة يا فنية ناري اناااااا

نتابع ويكتنا

عثمان إزيك
ما عارف ولاي لكن أعتقد الإستفادة من البامية وغيرها من الأغذية صحيا يتوقف على طريقة تناولها ، فبينما يشوى اليابانيون البامية نفركها نحن وناكلها مع كسرة فتريتة و انا أشك فى ان تلك الإضافة ( كسرة مخمرة) -والله أعلم- يمكن أن تأتى لنا الأوكرا بفائدة صحية كما تاتى المشوية لمعدة وبدن الياباني .
طريقة تانولنا لحاجاتنا (ويكة ، قنقليز ، دوم ، ضمغ عربي ، قضيم .... الخ) طريقة مختلفة عن الناس بتاعين الأبحاث ديل ، فمثلا بعد الويكة نشرب مديدة دخن دون أن نحسب حساب التفاعل بين الإتنين ! فيكف نرجو أن تعمل ال okra عملها مع كيمياء كهذي .!!
عشان كده يا أبو عفان الناس بتتغالط وأحد يحلف إنها علاج للمرض الفرتكاني و التانى يقول على بالطلاق ما بتنفع !

Quote: لا تستخدم البامية و انت على دواء السكري خاصة ( الميتفورمين ) لانها تعطل مفعوله ...

هسه بالله عند أهلنا كم مريض سكري عارف الكلام الفى الكوت ده ؟!

سلام أستاذنا عثمان موسى وصحبه بالبوست

عشان نكون specific البامية كطعام لها أطوار:

الطبيخ والملاح (المفروكة)
الويكة (التى تسخدم فى الملايقة)

أها الويكة دى هى نتاج تعذيب بدون رحمة للبامية الخام بتنشيفها ودقها وسحنها وتجريدها
من كل ما هو مفيد أو ضار (غذائيا) .. فالويكة محايدة غذائياً ولكنها تتشبث فى الوجود
باللياقة لايوقة جنس لياقة!

وجبة البامية كطبيخ أو مفروكة لا يمكن التلاعب بالمقادير وتكتير الموية تصبح غير مستساغة
لكن ملاح أم رقيقة فتلعب الويكة دورا كبيرا فى التلاعب بمقاديره ما بين ملاح فيه قيمة غذائية
حسب نسبة اللحمة والمرقة، وما بين الإفراط فى الموية (موية شللو) إعتمادا على الويكة بتلايق!
عشان كدة ناس الكورة لما يقارنو لاعبينا بأحجام وقوة وطاقة لاعبى دول اخرى .. بيقولو
لاعبينا مربيين بملاح أم رقيقة... وناس أوربا مربين بالزبدة والمرمبة!

بامية فيها رجا أصدق .. ويكة لأ

عزيزنا وليد طه سلامات
وعيدك مبارك
عليك الله حاول جيب كل الكلام الخاص بي الويكة و الميتوفورمين .
ده كلام مهم. جدا. و خطير .
تحياتي

يا أخوي أوكرت الناس ديل (okra) إلا تكون واحدة تانيه لأن باميتنا المعروفة لا تضر ولا تنفع ما لم يكن معها لحم وأصبح حالياً صعب المنال بالقدر الذي تفتقت أذهان نسوة في المدينة وأصبحن يربطن القصير بخيط وتركه يغلي في أم رقيقة برفق ويبقبق في أم بقبق ومن ثم يسحب سحب السفير من الدولة المعادية ويترك طعماً في الملاح ويعاد إلي الفريز لإعادة إستخدامه تصور.
المهم خواجات جامعة هارفارد ديل لو شدو حيلهم شوية وصدقت معاهم ممكن يطلعوا من ويكتنا البنعرفها دي تحديداً glue stick وفي أحسن الأحوال مطاط وبذلك تصبح الويكة منافس خطير لي تموت تخلي بعد أن كانت طعاماً أضحت نعالاً ، والواحد حا يكون متغدي بي ويكه ولابس سفنجه من الويكة

حبيبنا عثمان ... أنا مريض بالسكر ..أسأل الله الشفاء لكل مصاب ... ونشأت على أكل البامية ... ربما أكون قد تناولت منها الأطنان خلال سني عمرى التي انطوت والتي قاربت الـ 54 سنة .. ولا أعتقد أن الويكة أو " أم بقبق" أو البامية المضبوخة ذات أثر إيجابي على مرضى السكر .. رغم عدم اطلاعي على تفاصيل الاكتشاف المذكور .. غير أني أذكر أن أحد زملائي الهنود بعد أن علم بأني أحد مرضى السكر .. ظل ولمدة شهر كامل يلح علي في تناول البامية .. دون طبخها .. يعني " تبلها وتشرب مويتها" ... تذكرت الرجل ربنا يطراه بالخير وأنا أطالع هذا البوست .. الأخ ذاكر عقيل أكد لي أن أباه لا يتناول لعلاج السكر سوى البامية تلك النيئة ...

What Is Okra؟
Okra, also known as “lady’s fingers,” is a green flowering plant. Okra belongs to the same plant family as hibiscus and cotton. The term “okra” most commonly refers to the edible seedpods of the plant.

Okra has long been favored as a food for the health-conscious. It contains potassium, vitamin B, vitamin C, folic acid, and calcium. It’s low in calories and has a high dietary fiber content. Recently, a new benefit of including okra in your diet is being considered. Okra has been suggested to help manage blood sugar in cases of type 1, type 2, and gestational diabetes.

Incidences of diabetes diagnoses are only increasing, according to the Centers for Disease Control and Prevention. The verdict is out on whether okra can be used successfully as a direct diabetes treatment. However, the okra plant does have many proven health benefits. Read on to see if okra could be a viable part of your diabetes treatment plan.

Studies on Okra and Diabetes
Medical research on okra for diabetes management is still in early stages. We do know that according to one study, okra water improved the blood sugar levels of pregnant rats that had gestational diabetes. Roasted okra seeds, which have long been used in Turkey to treat diabetes, have also been studied and proven to have a positive effect on lowering blood sugar