Post: #1
Title: طريقة حديثة لتمطير التمباك
Author: النذير حجازي
Date: 06-22-2018, 08:42 PM
Parent: #0
08:42 PM June, 22 2018 سودانيز اون لاين
النذير حجازي-بلاد الله الواسعة
مكتبتى
رابط مختصر اتعلمت طريقة حديثة لتمطير التمباك،
وشدة ما عجبتني حبيت أشارككم معاي
هذه الطريقة المبتكرة
زمان كنا بنمطر الصعوط بوضع العطرون
في باقة ونضيف إليه الماء، وننتظر حتى ينقع الماء المخلوط بالعطرون،
ثم نخلط الصعوط الناشف بمحلول ماء العطرون، وهذه العملية تسمى
بالتمطير، يعني كنتة الصعوط تكمن في طريقة التمطير.
أما الطريقة الحديثة والتي تعلمتها مؤخرا من ضيف حل عندي في السكن،
وقام بغلي العطرون في النار، وطلع صعوط الجمبك ما بتديهو.
اذا عجبتكم هذه الطريقة، ما تنسوا أخوكم من صالح الدعوات.
|
Post: #2
Title: Re: طريقة حديثة لتمطير التمباك
Author: محمد البشرى الخضر
Date: 06-22-2018, 08:46 PM
Parent: #1
|
Post: #3
Title: Re: طريقة حديثة لتمطير التمباك
Author: muntasir
Date: 06-22-2018, 08:49 PM
Parent: #2
يا ود البشرى أبو النيز حاسد ناس عطارد ومدور عماري 😂
|
Post: #4
Title: Re: طريقة حديثة لتمطير التمباك
Author: حافظ انقابو
Date: 06-22-2018, 08:49 PM
Parent: #2
بقيت تسف علني
زمان قالوا بتسف بالدس
تحياتي اخونا النذير
|
Post: #5
Title: Re: طريقة حديثة لتمطير التمباك
Author: Kostawi
Date: 06-22-2018, 09:42 PM
Parent: #4
يا باشمهندس النزير عيد مبارك، إنتا ما درست كيمياء؟
الماء الساخن عامل مساعد في سرعة ذوبان العطرون أو النطرون ( كربونات الصوديوم - Na2CO3) -- الماء البارد عامل بطئ للذوبان.
يعني صاحبك كان خرمان و ما داير ينتظر زوبان العطرون بالماء البارد ههههه
|
Post: #6
Title: Re: طريقة حديثة لتمطير التمباك
Author: Ahmed Yassin
Date: 06-23-2018, 03:51 AM
Parent: #5
النذير عماري وشركاه
قبل ثواني طالع من بوست الدائرة الالكترونية او ال chip
الخاصة بكوكب عطارد .وجيتك هني .شوفتا النقلة النوعية دي؟
باخي اعمل فينا معروف ضيفك وﻻ صحبك دا ما قاليك العطرون
دا نخلي ﻻمن يغلي وﻻ تسخين بس ..ويقعد قدر شنو فوق النار
|
Post: #7
Title: Re: طريقة حديثة لتمطير التمباك
Author: عبداللطيف حسن علي
Date: 06-23-2018, 07:19 AM
Parent: #6
لقيت عضو المنبر الزول الجميل رافت ميلاد في رسالة
علي الواتساب قالوا حايم السويد ومرفق مع الصورة
انواع من السعوط بينها سعوط سوداني
معروض داخل الاستاد ، السعوط بتاعنا معروف واللعيبة نكرات
ــــــــــــــــــــ
الغتاتة اهم حاجة يالنزير ماكان تنشر معلومة خطيرة زي
في السهلة ساي ، الزمن بقي ردئ ، كان تخليها خاص
وحسب الطلب ، ياخ انا زوجتي عندي صورة كيكة
صورة ساي رفضت ترسلها لصاحباتها بمناسبة السنة
الجديدة
|
Post: #8
Title: Re: طريقة حديثة لتمطير التمباك
Author: muntasir
Date: 06-23-2018, 02:56 PM
يا عبداللطيف ولو شفت فتاة سويدية شقراء تكاد ترى مخ عظامها وعينك لعروقها جارية فيها الدم شفافية أشف من حقت أمير الرايات وهي تتكل الsnus تحت الشفة العليا مفروض ناس نذير ديل يسفوا التراب
|
Post: #9
Title: Re: طريقة حديثة لتمطير التمباك
Author: نعمات عماد
Date: 06-23-2018, 09:31 PM
Parent: #8
سلام النذير
صحيح التمباك مصدر دخل لولايات بعينها ولكنه مسرطن.
علينا توعية الشباب صغار السن بمخاطر التمباك الصحية
لكي يعيشوا حياتهم و يحققوا أحلامهم. أما الكبار الفات فيهم
الفوات، خليهم يسفوا و يعانوا. بعدين هو مقرف، خاصة لما
الناس يطلعوا رؤوسهم من الحافلات و يبصقوا في الشارع 😖
|
Post: #10
Title: Re: طريقة حديثة لتمطير التمباك
Author: النذير حجازي
Date: 06-24-2018, 07:10 AM
Parent: #9
شكرا لعشاق التمباك، وشكرا لقفشاتكم الحلوة،
اسعدتوني والله وادخلتوا السرور في قلبي.
تحية خاصة لنوارة البوست د. نعمات
نورتي البوست يا زولة يا سمحة
|
|