ثم اغمض عينيه ... و بدا يترنم و يدندن بصوت خافت ...
حتى باقي العمر شيلو ... اديتك القلب المعذب ... قلت لي المو بتزيلو ... يبقى في وارف رموشك ... فرحتو .. و لحظات مقيلو .... تبقى نوره ... تبقى فجرو ... تمنع الدمعات يسيلو ... هسة لو داير تسيبو ... حتى باقي عمري شيلو ...
Post: #2 Title: Re: بعد ما قلنا انتهينا ... Author: يحي قباني Date: 06-17-2018, 07:24 AM Parent: #1
قال لها ...
هل انتِ سمراء اللون ؟
قال له بدلالها الساحر ...
لأ ...
انا حنطية ...!!!
قال لها ...
احب لونَك .. و احب لوونك ... و احب يا حبي نفحاتك ... و احب في خدك الزهرة ... و بخاف ترميني لمحاتك ...
Post: #3 Title: Re: بعد ما قلنا انتهينا ... Author: يحي قباني Date: 06-17-2018, 07:32 AM Parent: #2
ضحك ...
أخيرا ...
ثم ايقن انها ...
كما قال معشوقه الكابلي ...
ريدة ... و كمان جديدة ... يا قلبي مالك ... في دروب دلالك ... تحكم علي ... بعيون سعيدة ... كأنه ما ضقت الغرام ... كأنه ما عرفتك حقيقة ... كأنه ما درت المنام .. كان طيفو يتعطف دقيقة ...
Post: #4 Title: Re: بعد ما قلنا انتهينا ... Author: يحي قباني Date: 06-17-2018, 07:36 AM Parent: #3
قلت له ...
لا شيء يسوى ...
حب ... و عيش الحب ...
فالعمر لحظة ...
و العمر لا يحسب بما مضى منه و ما تبقى ...
بل يحسب بلحظاته السعيدة ...
لا تخف ... و حب ...
فالإنسان ...
ولد .. فعاش ... فمات ...
Post: #5 Title: Re: بعد ما قلنا انتهينا ... Author: يحي قباني Date: 06-17-2018, 07:50 AM Parent: #4
سألته ...
هل قبلتها ؟؟
ابتسم لي ... و قال لي ...
سيدنا حسين بازرعه في بوحه لصفيه أبو عفان قال :
تذكري عهد لقيانا .. و يوم القبلة السَكرى .. و قبلي ثغري الظامي .. فقد لا تنفع الذكرى ... و ترقدي في يدي كالطفل .. الثم ثغرك العطري ..
Post: #6 Title: Re: بعد ما قلنا انتهينا ... Author: تماضر الطاهر Date: 06-17-2018, 08:19 AM Parent: #5
وتجيبو ليك أيام بعد إنتها الأيام وتعُض أصابيعك عارف الغرام حكام ما براعي ليك مادام حافظ تقاطيعك عارفك كتير مشتاق في غمرة الاحلام تنعِش ينابيعك وتفيض ولي قدام تجرف معاك آلام شترت مرابيعك ما تدعي الإقدام سلِم وكون مقدام واكتب مواضيعك عن ريدة ما اوهام فجت زحام وزحام قبال تواديعك
تماضر- الآن
Post: #7 Title: Re: بعد ما قلنا انتهينا ... Author: معاوية الزبير Date: 06-17-2018, 06:04 PM Parent: #6
مونديال الشِعر اليومين ديل شكرن ليكما
Post: #8 Title: Re: بعد ما قلنا انتهينا ... Author: تماضر الطاهر Date: 06-17-2018, 07:27 PM Parent: #7
شكراً لأنك تُحسن القراءة.
Post: #9 Title: Re: بعد ما قلنا انتهينا ... Author: يحي قباني Date: 06-17-2018, 07:32 PM Parent: #7
Quote: سلِم وكون مقدام واكتب مواضيعك عن ريدة ما اوهام فجت زحام وزحام قبال تواديعك
كل البشر يقرأون ...
و الشعراء يبصرون...
قال حاول يخفي نفسو ...
جات بي حسها العالي ...
و بقت الترجمة على الشريط ههههه
تماضر ياخ شكرًا لي جيتك هنا* ...
جروفنا قربت تنشف ...
لحقتينا في الرمق الأخير ...
* هنا ما هنا و بس ... بل المنبر ...
Post: #10 Title: Re: بعد ما قلنا انتهينا ... Author: تماضر الطاهر Date: 06-17-2018, 07:36 PM Parent: #9
دافي ولطيف..وجودي في رفقتكم. ، شكراً..لأنكم تقبلتوني.
Post: #11 Title: Re: بعد ما قلنا انتهينا ... Author: Ahmed Yassin Date: 06-17-2018, 08:33 PM Parent: #10
تاني ما تقول...انتهينا انحنا يا دوب ..ابتدينا
Post: #12 Title: Re: بعد ما قلنا انتهينا ... Author: عبداللطيف حسن علي Date: 06-17-2018, 09:00 PM Parent: #11
تماضر- الآن ـــــــــــــــ
قصيدة جديدة عنوان عافية
اهو رجعنا الي غينا القديم
Post: #13 Title: Re: بعد ما قلنا انتهينا ... Author: عزالدين عباس الفحل Date: 06-17-2018, 09:11 PM Parent: #12
هكذا أحتمل العمر نعيماً وعذابا مهجة حرة وقلباً مسه الشوق فذابا أغداً ألقاك أنت يا جنة حبي واشتياقي وجنوني أنت يا قبلة روحي وانطلاقي وشجوني أغداً تشرق أضواؤك في ليل عيوني آه من فرحة أحلامي ومن خوف ظنوني كم أناديك وفي لحني حنين ودعاء آه رجائي أنا كم عذبني طول الرجاء.
*** رايعة الشاعر الفذ . الهادي آدم . اغدا القاك .
**** سلام ي قبة الزول الجميل. و لضيوفك الكرام .
عزالدين عباس الفحل ابوظبي
Post: #17 Title: Re: بعد ما قلنا انتهينا ... Author: عمر دهب Date: 06-17-2018, 09:32 PM Parent: #13
سلام ياقبانى ليه بترجعنى لزمن لايمكن الوصول اليها حاليا خليك حنين وابعدنا من المناطق خارج التغطيه
Post: #14 Title: Re: بعد ما قلنا انتهينا ... Author: تماضر الطاهر Date: 06-17-2018, 09:21 PM Parent: #12
هههههه شفت كيف يا عبد اللطيف ، رأيك شنو بالله
Post: #15 Title: Re: بعد ما قلنا انتهينا ... Author: تماضر الطاهر Date: 06-17-2018, 09:21 PM Parent: #12
مكرر..أو صدى
Post: #16 Title: Re: بعد ما قلنا انتهينا ... Author: عبداللطيف حسن علي Date: 06-17-2018, 09:31 PM Parent: #15
رأيك شنو بالله
ـــــــــــــــ
هههه عرفت من القهوة والمشوار الطويل
Post: #18 Title: Re: بعد ما قلنا انتهينا ... Author: تماضر الطاهر Date: 06-17-2018, 09:40 PM Parent: #16
كان مشوار جميل ،،، يا ريت بالله أغنية..حسنك فاح مشاعر وبالعدم..غرامك..والمزاج كابلي جد
Post: #19 Title: Re: بعد ما قلنا انتهينا ... Author: عبداللطيف حسن علي Date: 06-17-2018, 10:02 PM Parent: #18
انا غايتو لي 3 يوم معلق في اغنية (عيونك كانوا في عيوني) فيديو بصوت عصام محمد نور
ـــــــــــــــــــــــ الايام دي اليوتيوب مافيهو خاصية جلب الفيديو
او لاني امي تقني
عنوان البوست لايق فيك ياتماضر
Post: #20 Title: Re: بعد ما قلنا انتهينا ... Author: يحي قباني Date: 06-17-2018, 10:27 PM Parent: #19
Quote: مونديال الشِعر اليومين ديل شكرن ليكما
معاوية يا صاحب ...
البشوف الجمال و ما يتجمل ... بكون حجر ... جماد ...
ياخ تماضر دي جات زي نسمة " هوى " ... نسمة فرايحية ...
تعرف يا صاحب ...
تماضر دي هي زاتها البت الحامت في الشريان ...
تماضر دي زي شُب حلومر مندي ... في عز قلاية الصيف ...
تروق الدم ... و تهدي النفوس ...
ياخ زي حلم من الزمن الجميل ... خايف تصحى منو ...
تديك امل انو الدنيا ما هي دُنيا ...
و تديك جواز سفر ... لي بلادا تخاف كنت تمشيها ...
تخليك لو داير تريدلك زول ... تقول ليو و انت متطامن ... بريدك يا صباح عمري ...
و لو خلعتو بي قولة بريدك ... تقول ليو ياخ انا بعرف تماضر ... انت بتعرفها ؟
Post: #21 Title: Re: بعد ما قلنا انتهينا ... Author: عبداللطيف حسن علي Date: 06-17-2018, 10:32 PM Parent: #20
اوسكار ياقبة ياخ اتا زول كتاب بالحيل
Post: #25 Title: Re: بعد ما قلنا انتهينا ... Author: يحي قباني Date: 06-18-2018, 06:05 AM Parent: #21
Quote: تاني ما تقول...انتهينا انحنا يا دوب ... ابتدينا
احمد ياسين يا فنان ...
قال سيف الدسوقي ليه تقول لي انتهينا ... و نحن في عز الشباب ...
لكن اين الشباب يا صديقي ؟
ياخ سيف الدسوقي ده مره قال : أحببتك حين الحب بأرضك غير مباح ... ممنوعٌ بالقانون .. ممنوع يا سمراء .. لأن الحب هناك جنون ... و أنا مجنون ...
و صاحبي هاشم قال : حاجة فيك ... قطع نفس خيل القصايد تشده أجراس المعابد توهتنى .. جننتنى جننت حرف الكلام وبرضو أدتنى السلام
بالله قول لي تماضر ... فتحتي فينا جروح ... كانت اندملت و غطاها الزمن ...
Post: #22 Title: Re: بعد ما قلنا انتهينا ... Author: تماضر الطاهر Date: 06-18-2018, 05:50 AM Parent: #20
يا الله أخجلني كل؟ امكم الجميل بالله دي أنا!!!؟؟؟
،،، كل الريدة ليكم
،،
شجنُ شجن ضجَ وهتف شوقاً لِمن أهدى المحبة غير مَن أهدى السعادة دون ضَن وأنا ومَن... روحان يُثقِلنا بدن ما استغرقَن إستوقدن واستحرقن طرب وفن مِثل الروايات الجميلة أمتعن واستمتعن أنُ وأن..إتبدلن بي أغنيات إتصايحن " تعال فرِح ليالينا تعال قبل السنين" ما يروحن والدنيا تتعذز خجل تدينا بس، لو ،أو ولن تكتبنا في : اللا يُحسِنون أو في الذين يحاولون ويُخذلون ويعبُرون للصمت ذاكرة السكون يزفهم نغمُ حنون فينظرون ويُبصَرون ويُبصِرون ،،، تماضر
Post: #23 Title: Re: بعد ما قلنا انتهينا ... Author: تماضر الطاهر Date: 06-18-2018, 05:55 AM Parent: #22
أبيت أعدل كلمة " كلامكم" الفي مداخلتي علشان تعرفوا كيف انا متكبكبة..فرحاً ،
محبتي لكم
Post: #24 Title: Re: بعد ما قلنا انتهينا ... Author: سفيان بشير نابرى Date: 06-18-2018, 05:57 AM Parent: #22
هواك بحري يا صاحبي سنتك طيبة
Post: #26 Title: Re: بعد ما قلنا انتهينا ... Author: يحي قباني Date: 06-18-2018, 06:31 AM Parent: #24
أسباب تشوقي نظرتك ... و أسباب نفورك نظرتي ... انا هواي يعجز فكرتك ... و جمالك يعجز فكرتي ...
أنت الذي أتعبتني أنت الذي بك راحتي
هو ده شنو اصلو يا فحل ؟
كنا كويسين و الله ...
Post: #27 Title: Re: بعد ما قلنا انتهينا ... Author: Haytham Ghaly Date: 06-18-2018, 06:58 AM Parent: #26
يااا سلااااااااام
هنا في هدوء وابداع واندياح
والهوا بحري زي ما قال نابري
واصلو عليكم رب المجرات وما تقيفو
Post: #28 Title: Re: بعد ما قلنا انتهينا ... Author: Osman Musa Date: 06-18-2018, 07:07 AM Parent: #26
قباني الذي يجلب لنا التبر من وادي قبقبة سلام والعيد مبروك عليك . وعلك عافية في ديك البلاد البعيدة الموكرة بين الجليد و المحيط . ياخ دي بلاد ما يسلنا منها الا الغناء المن ده النوع ( قدر ما تقول انتهينا ) اغاني تضخ في قلبك ورد الشباب و تجرك جر للفرفشة . تحياتي
Post: #29 Title: Re: بعد ما قلنا انتهينا ... Author: عمر دهب Date: 06-18-2018, 10:28 AM Parent: #28
Post: #30 Title: Re: بعد ما قلنا انتهينا ... Author: علي محمد الفكي Date: 06-18-2018, 11:27 AM Parent: #29
يا قباني عيدك مبارك مالك علينا في قبايل العيد دي شكيتك علي سيدي الحسن خليتنا نهوم مع سيدنا سيف الدسوقي والشفيف الجابري ونردد
مافى حتى رسالة واحدة بيها أتصبر شوية والوعد بيناتنا انك كل يوم تكتب .. الىّ هل يجوز والغربة حارة بالخطاب تبخل علىّ؟ لما أخر مرة شفتك قبل ما أودع وأغادر كنت حاسس أنى خائف إنى متردد ..وحاير داير أتصبر أمامك داير أضحك ومانى قادر بس دموعك لما فاضت ضيعت صبرى الشوية وصحت موعدنا الرسايل وين رسايلك وين كتاباتك الىّ وصرت بعدك يا حبيبى ذرة فى بحر الزمن بعت للتجار مواهبى بعتها بابخس تمن وحشة ما بتعرف رسايل وغربة عن أرض الوطن بس أمل واحد بعيشه لو رسالة تصل ..إلى بيها أطمن عليكم وتنقذ الموقف شوية من عتابى أظن عرفت إيه مكانتك فى فؤادى أنت يا فجر المحبة تستحق شوقى وسهادى أنت صورة ماضى أبيض ولوحة بتمثل بلادى بس حرام تبخل علىَّ وتنسى ما ترسل هدية حتى لو كلمة أحبك في خطاب مسرع إلى
