Post: #3 Title: Re: عيدية.. الفيديوكليب العالمى.. دمعة الشوق.. Author: محمد حيدر المشرف Date: 06-15-2018, 10:23 AM Parent: #1
يا سلااااااااام
كل عام وانت بخير .. وايوه كده ياخ .. عاوزين الفن السوداني يكون كده .. وكما هو جميل .. اصالة وحداثة
Post: #4 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-15-2018, 12:41 PM Parent: #3
العزيزة نعمات
انا ممنون لهذه التحية والتهنئة
كل سنة وانتى طيبة
Post: #5 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-15-2018, 12:50 PM Parent: #3
دكتور محمد
عيدك مبارك وتسلم من كل شر.
وجودنا بالخارج بيحتم علينا ان نبذل جهد مقدر لعكس ثقافتنا والتفاعل مع الاخرين.
اغنية دمعة الشوق للراحلين الكبيرين بطران وكرومة الذين ابدعو فيها..بها مساحات فنية تخليها تصل خارج الحدود.
Post: #6 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-16-2018, 06:38 AM Parent: #5
تلك الاغنية الاثيرة وذلك الشاعر الضخم مصطفى بطران والعبقرية اللحنية كرومة لياتى بعد ستين عام اولادهم ليحيو ذكراهم ودمعة الشوق التى حية بوجداننا ما حيينا. العمل ده استغرق انتاجه عامين. الفنانة الهولندية فنوليا التى شاركت غنت بالعربى فاخذت وقت لحد تحفيظها اللغة العربية. العمل هدية للراحلين بطران وكرومة وهدية لكل محبى الغناء.
كل ما يتطلب من موسيقى وتوزيع واستديو تم تحت اشراف وادارة هيثم موسى بهولندا الكليب تم تصويره بين المانيا وفرنسا بايدى اجنبية وسودانية. السيناريو تم كتابته بصورة معاصرة تترك الخيال للمشاهد لينطلق. مرحلة تصحيح الالوان... الكلر كوريكشن.. وهى اخرمراحل العمل اخذت اكثر من تلات شهور لاننا انتظرنا مصحح الوان بعينه وقد اتى الانظار اكله.
استمعت للعمل ..شيك هانس يا ابراهيم شيك هانس دا يصب في خانة الجمال والروعة...عارف ليه ﻻنك اعتمدت على ذات ايقاع كابلي الاعاد توزيع اﻻغنية دي بايقاع (العشرة بلدي) مع ان كرومة غناها (نقرزان ) تقيل دي باذن الله عايزة ليها وقت ممتع معاك في هانوفر
نعم يا احمد يس هى بنفس طريقة الكابلى ......والعشرة بلدى
Post: #18 Title: Re: عيدية.. الفيديوكليب العالمى.. دمعة الشوق.. Author: Ahmed Yassin Date: 06-19-2018, 04:14 AM Parent: #17
اميرة ....الزوزو رمز اﻷلف او كما قال خضر بشير
Quote: نعم يا احمد يس هى بنفس طريقة الكابلى ......والعشرة بلدى
شوفي غنانا دا سمح كيف .اوزانو الشعرية وتفعيلاتو العجيبة فاتت اوزان الخليل بن احمد الفراهيدي وبحورو الستاشر ..بافعال واقوال ناس ابوصلاح الكابلي دا في وصف الخنتيلة حقت ابوصلاح استند على نفس الهيكل واﻻساس اللحني حق كرومة .وكابلي وزعها وغناها بايقاع الرقي غنانا دا يتماشي مع التمتم والعشرة بلدي والرقي والدلوكة ..كلها نتاج ايقاعات طبول افريقيا
Post: #19 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-19-2018, 07:47 AM Parent: #18
الاعزاء اميرة واحمد
بقولو الما عندو قديم ما عندو جديد.
الغريبة انا دايما بلحن وبكون مهموم بلحن لنص جديد عاجبنى كلما اسمع الكابلى كتير.. ما عارف ليه..بشعر بيهو بحفزنى انتج جديد. بالرغم من انو فنانى المفضل محمد الامين.
الكابلى بهتم بالايقاع جدا وعندو عشرة بلدى كتير..يمكن ده السبب.
يا سلاام عليك .....بترجع لى أصل الأصل مش محمد الامين بدا مقلد للكابلى .....الفن الراقى دايما دافع للأعمال الجميلة و المبدع الحقيقى هو الذى يستوعب كل البسمعوا ويكون اسلوبو المميز
الزول الحلو والمجتهد ابراهيم..بالمناسبة انت موهوب وعارف طبيعة صوتك كابلي هو الفنان الوحيد مستنهض التراث حقنا واي تراث هو ..لسع ما اكتشف وﻻ ربع هذا الثراء السيسيولوجي واﻻثني الضارب بجذوره في اعماق التاريخ . كابلي يا ابراهيم كيف ما يلهمك وييستنطقك ويفجر كوامن اللحن والميلودي عندك.. وكرومة هو الغير الميلودي اﻻول. كابلي دا غنا الموز روا قايم سوا .،،. فاطرك ضوا .. يا ناس بالنار قلبي إنشوا بنفس الميلوديا الاولى اﻻشتهرت وعمت من زمن التركية السابقة ودي كلمات ليها قريب 200 سنة وماعندها شاعر او شاعرة معروف او معروفة يمكن ان تتسب له او لها
دا الشغل! جرب تنقل المقدمة النثرية لنهاية العمل مع ترجمة النثر وعرضه halftone
أعجبني.
Post: #23 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-20-2018, 05:36 PM Parent: #22
الاعزاء اميرة واحمد اولا الرابط بين الاجيال والتواصل بين الاجيال فى نظرى زى الخيط البيخيط الملابس لو انقطع ما حتجدى الخياطة..كلو مربوط ببعض. حاليا هناك قطع اتمنى يتصلح.
التراث ده مهم جدا وبلوغ العالمية بياتى عبر المحلية كما قال الطيب صالح. شخصيا عندى اغنيات من كردفان ودارفور حاليا فى البايب لاين. اتمنى تسمعوها قريب.
Post: #28 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-21-2018, 09:46 PM Parent: #22
ان شاء الله نسمعا ونسمعك انت وكل ابناء جيلك الفاهمين لدورهم فى ترقية وتقدم فن الغناء السودانى ........المرة الجاية لما تجى السودان كلمنى بى حفلاتك ....الخرطوم تفتقد الغنا الجميل منذ زمن
قبل ما ندخل في اعدادك لاغنيات كردفانية ودارفورية كرومة سجل دمعة الشوق سنة1933م وكان الكورس بتكون من يوسف الرباطابي و احمد حسن نجي لدخولك للمناطق الغنية الثرية ثقافيا وفلكلوريا تصدق كردفان ودارفور اكثر منطقة في العالم مليئة بالتراث والفن والثقافات المتنوعة والتعدد اﻻثني...واكيد المردوم البشبه الفلامنغو ايقاعه ضرب 2 / 4 ومثال ليهو ..اللوري حل بي..او ..طير بينا يا ابورنة دار اﻻهل جنة ابورنة دا ياهو لوري التيمس...كلها لعبدالقادر سالم... المقابل لايقاع المردوم ..هو الجراري بطىء شوية مثال الليلة والليلة نار امبادر يا حليلة وهو ايقاع يحاكي مشية اﻻبل عموما لو في مجال حنتكلم عن السباعي اﻻستوطن هناك
في انتظار اغنيات كردفان ودارفور الباحث الموسيقى (كارل سيل) من ضمن ابحاثه لتراث وغناء غرب السودان انتبه لشىء عجيب جدا جدا في غناء نساء دارفور بالذات .. الحكامات والمغنيات والشيالات لاحظ انه اصوات هؤلاء النسوة تتجاوز حدود (الاوكتاف) ذو الدرجات
Post: #29 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-21-2018, 09:47 PM Parent: #27
الاخ العزيز حاتم
افرحتنى بانو العمل عجبك. الافكار التى طرحتها تدل على خبرة ونحتاج نتباحثها سويا مستقبلا. ياريت نتواصل.
شكرا لمرورك
Post: #30 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-25-2018, 08:09 AM Parent: #29
شكرا الموسيقار القمة الموصلى
عيدك مبارك
Post: #31 Title: Re: عيدية.. الفيديوكليب العالمى.. دمعة الشوق.. Author: عمر أبوعاقلة Date: 06-25-2018, 10:12 AM Parent: #30
الأغنية تفرض نفسها والتكنيك الجديد في الكليب ينساب كما دمعة الشوق رقيقة وعذبة عمل جميل بحق ومجهود مقدر موفق برهوم وعيدك سعيد
Post: #32 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 06-26-2018, 11:04 AM Parent: #31
عمر ابو عاقلة الزول الحلو
ممنون ممنون ولهذه القراءة الحصيفة لدمعة الشوق.
عيدك سعيد وطيب
Post: #33 Title: Re: عيدية.. الفيديوكليب العالمى.. دمعة الشوق.. Author: إبراهيم عبد الحليم Date: 07-02-2018, 06:29 PM Parent: #32