Post: #2
Title: Re: بدأ اليوم تبدل الخمسين القديمة بالجديدة !
Author: زهير عثمان حمد
Date: 06-11-2018, 10:15 AM
Parent: #1
بنك السودان المركزي يضع حافزاً جديداً لتشجيع المواطنين على تبديل العملة
وجه بنك السودان المركزي المصارف باستخراج الشيكات المصرفية لعملائها مجاناً دون أي رسوم أو عمولة، للاستفادة من الخدمات المصرفية المتاحة.
وأشار التوجيه الخاص بإصدار الشيكات، بحسب وكالة السودان للأنباء، إلى أن الأمر يأتي في إطار تشجيع وسائل الدفع الأخرى، ولتسهيل الخدمات للمواطنين، وتماشياً مع قرار وزير الماليه بأن يتم قبول الدفعيات للحكومة بالشيكات المصرفية. ونبه المركزي بأن المطلوب لفتح الحساب بالبنك فقط البطاقة القومية أو الرقم الوطني أو أي مستند آخر يكون مقبولاً للبنك، وبيّن أن ذلك يأتي في إطار سياسة الشمول المالي التي يتبناها المركزي، ولتسهيل تعامل المواطنين مع المصارف، بغرض الاستفادة من الخدمات من تمويل وضمانات ووسائل دفع أخرى
|
Post: #3
Title: Re: بدأ اليوم تبدل الخمسين القديمة بالجديدة !
Author: محمد أبوالعزائم أبوالريش
Date: 06-11-2018, 11:19 AM
Parent: #2
في شئ رسمي من بنك السودان .... والا الجرايد بقت زي الواتساب؟
سؤال تاني:
في تبديل للعملة (قديم بي جديد) ... والا فقط إيداع في البنوك؟
|
Post: #4
Title: Re: بدأ اليوم تبدل الخمسين القديمة بالجديدة !
Author: زهير عثمان حمد
Date: 06-11-2018, 11:24 AM
Parent: #3
أطمئن لسه الجرايد ما وصلت مرحلة الواتساب
وفي تبديل تشيل قرووشك تمشي البنك تبدل وتتخارج طوالي
لكين طبعا الاسهل أنك تعمل أيداع للمبالغ الكبيرة في الحساب كان جاري ولا توفير وهنا الورطة ديل لسه الفين وتلاته الف
أنشالله عرفت الحاصل
|
Post: #5
Title: Re: بدأ اليوم تبدل الخمسين القديمة بالجديدة !
Author: محمد أبوالعزائم أبوالريش
Date: 06-11-2018, 05:30 PM
| Quote: أنشالله عرفت الحاصل |
الحاصل ما عشمان أعرفو ..... إذا كان بنك السودان بجلالة قدره ما عارف الحاصل.
وحكاية الإيداع دي هي المقلب .... تدخل قروشك البنك .... تاني ما تقدر تسحبها
النظام البنكي في السودان بقى حكاوي تاريخ .... العندو قروش تاني يختّها تحت البلاطة
|
Post: #6
Title: Re: بدأ اليوم تبدل الخمسين القديمة بالجديدة !
Author: علاء سيداحمد
Date: 06-11-2018, 07:36 PM
Parent: #5
هذه مصيده للاستيلاء على اموال الناس بالباطل
تمشى بقروشك ح يقولو ليك ح نديك شيك ويقوموا يفتحوا ليك حساب وبعد داك قروشك ما ح تتلما فى قروشك !!
امبارح احد المواطنين مشى لفرع من فروع احد البنوك التجارية لسحب مبلغ 50000ج الصراف قال ليهو ح نديك 2000 بس
الزول ما كضب دق الصراف وموظف اخر دق العيش وفى النهاية الشرطة القت القبض عليه ,
ليس هناك من يثق فى البنوك السودانية .
|
Post: #7
Title: Re: بدأ اليوم تبدل الخمسين القديمة بالجديدة !
Author: علاء سيداحمد
Date: 06-11-2018, 07:39 PM
Parent: #6
حلالك تودعو فى البنك وما بتقدر ترجعو او تاخذ منه حسب حاجتك
وهذا من اغرب غرائب نظام البشير
|
|
