طالعين جاينك في التلاتين شعر: معز عمر بخيت _______________________
في التلاتين من يونيو الجاي ح يهب الغضب المالي سماي وينزل في الشارع زي هبباي يمسح أوساخ الناس الساي لا دين لامّين لا مخ لا راي *** شبابنا الطالع مالي الشارع في ثورة يونيو هتافو بيان يسقط حكم العهد الفاجع والمتكوزن والسجمان بتحدى رُصاص الغدر الشاسع مليون دبابة وسيل بمبان رافعين للثورة شعار النصر والوطن الروح مرفوع الشان الدم والنار في عروق النيل مطمور أحلام بالعافية تسيل وتهب الثورة بكل مكان في القلب الساحة وفي الشريان تفتح شباك في صدر الليل لشعاع الشمس ونبض الخيل ح ندك القصر الفاسد ويل ونمد الكف صفحة مرسوم يعلن للصبح خلاصنا قدوم برحيق الدم إشعار مختوم وتغني نجوم ومواكب عز تملا الخرطوم يا زول طالعين جاينك حتماً في التلاتين في شوم ميلادك يا مسكين ح نهد أصنام تجار الدين يا عهد فساد ورماد وكساد يا سبة وغمة وزفت وطين طالعين جاينك في التلاتين حتماً ح نشيلك في التلاتين.
06-11-2018, 12:39 PM
Dr. Moiz Bakhiet
Dr. Moiz Bakhiet
تاريخ التسجيل: 05-20-2004
مجموع المشاركات: 9044
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة