Post: #1
Title: ***** حوار قصير بين زوج و زوجته *****
Author: ABUHUSSEIN
Date: 06-09-2018, 08:18 AM
Parent: #0
08:18 AM June, 09 2018 سودانيز اون لاين
ABUHUSSEIN-السعودية الرياض
مكتبتى
رابط مختصر قال ليها : يدك طاعمة ..
قالت ليه : لسانك مسيخ ...
قال ليها : يدك طاعمة يا عسل ..💖
قالت ليه : لسانك بخيل شغال بالنقطة ..
قال ليها : لونك فتح و وزنك نقص كتير ...
قالت ليه : حبيبي انت و نور عيوني ..
😂😂😂😂😂😂😂😂
|
Post: #2
Title: Re: ***** حوار قصير بين زوج و زوجته *****
Author: السيد المسلمي
Date: 06-09-2018, 08:46 AM
Parent: #1
البلد مغتصبة بواسطة الكيزان والأرزقية وإنتو لسة بتنكتو ؟
لك الله ياسوداننا 😉
|
Post: #3
Title: Re: ***** حوار قصير بين زوج و زوجته *****
Author: زهير عثمان حمد
Date: 06-09-2018, 08:58 AM
Parent: #2
تحياتي أيها المعتق
رهيب يا أبو حسين
حسي من الكلام دا أقول أنك فاطر وحايم في البيت تمارس في الرياضة لكي تذهب الكرش وكل الزيادات الغير مرغوب فيها
رمضانك ما رمضان
الصبر العيد قرب بالجد منتظرين العيد
|
Post: #4
Title: Re: ***** حوار قصير بين زوج و زوجته *****
Author: ABUHUSSEIN
Date: 06-09-2018, 09:26 AM
Parent: #3
Quote: البلد مغتصبة بواسطة الكيزان والأرزقية وإنتو لسة بتنكتو ؟
لك الله ياسوداننا |
و من انتم ...؟؟؟
عملتو سودانكم كمان ...؟؟؟
قوم لف يا وهم ...
*************************
Quote: تحياتي أيها المعتق
رهيب يا أبو حسين
حسي من الكلام دا أقول أنك فاطر وحايم في البيت تمارس في الرياضة لكي تذهب الكرش وكل الزيادات الغير مرغوب فيها
رمضانك ما رمضان
الصبر العيد قرب بالجد منتظرين العيد |
ابو الزهور ياخ ....
التعتيق دا بتاع حاجاتكم😂😂
نحن الشجر الكبار 😂😂😂😂
رمضانا و رمضانك مبروكات و مقبولات و اي حاجة ات ...
تسلم يا طيب
|
Post: #5
Title: Re: ***** حوار قصير بين زوج و زوجته *****
Author: تماضر الطاهر
Date: 06-09-2018, 09:52 AM
Parent: #4
😂
سلام وتحايا
يعني هي فرحت باللون الفاتح ونزول الوزن
اللون ما إشكال
لكن حكاية الوزن دي عايزة وقفة
شوف أغنيات الحقيبة (الشكلت الوجدان السوداني) على قول ناس الإعلام
كلها بتروج لي الأحجام العملاقة..الخايضة في وحل😂
تفتكر في تغيير حصل ؟
|
Post: #6
Title: Re: ***** حوار قصير بين زوج و زوجته *****
Author: ABUHUSSEIN
Date: 06-09-2018, 10:38 AM
Parent: #5
Quote: سلام وتحايا
يعني هي فرحت باللون الفاتح ونزول الوزن
اللون ما إشكال
لكن حكاية الوزن دي عايزة وقفة
شوف أغنيات الحقيبة (الشكلت الوجدان السوداني) على قول ناس الإعلام
كلها بتروج لي الأحجام العملاقة..الخايضة في وحل😂
تفتكر في تغيير حصل ؟ |
السلام و التحايا مردودة ليك بي زيادة كمان ...
بالله انتي بتصدقي ناس الإعلام ... ؟؟؟ 😂
ناس الحقيبة (رضي الله عنهم) ما قصرو مع جكس زمنهم .. ادوهم حقهم كامل كان (الخايضة في وحل) و كان (ردفها مرجرج) ...
لكن كمان ابدعو مع (الأهيف) و (فريع البان) و (ضامر قوامك لان) ...
ما تصدقي لي ناس الإعلام تاني ... طيب ؟؟؟؟ 😂😂😂
شاااااااااااطرة ....
|
Post: #7
Title: Re: ***** حوار قصير بين زوج و زوجته *****
Author: تماضر الطاهر
Date: 06-09-2018, 10:42 AM
Parent: #6
انت ما بتصدق انا بصدق منو
شاطرة جداً
|
Post: #8
Title: Re: ***** حوار قصير بين زوج و زوجته *****
Author: جلالدونا
Date: 06-09-2018, 10:56 AM
Parent: #7
هسى امانة فى ذمتك دى
ده موضوع بفتحو سنّير من 2002
و كمان زعلان عشان ما عندو مكتبة
__
عارف .. ح اقوم ألف و حفيان كمان
|
Post: #9
Title: Re: ***** حوار قصير بين زوج و زوجته *****
Author: محمد حيدر المشرف
Date: 06-09-2018, 11:01 AM
Parent: #1
القول ما قاله جلال ..
|
Post: #10
Title: Re: ***** حوار قصير بين زوج و زوجته *****
Author: زهير عثمان حمد
Date: 06-09-2018, 11:19 AM
Parent: #9
يا أبو حسين خليك من جلجل والدكتور
ديل قاصدين يحرقوا دمك
وانت نوم علي الخط بس
أرجع ليك انا بعد الفطور بمزاج هو ذاتو اسمو منو ايوة ابو حسناب ولا أبو حسنون ما عارف
كلامي عرفتو صح لبعدين ماشي انوم انا
|
Post: #11
Title: Re: ***** حوار قصير بين زوج و زوجته *****
Author: ABUHUSSEIN
Date: 06-09-2018, 11:30 AM
Parent: #9
Quote: انت ما بتصدق انا بصدق منو
شاطرة جداً |
بتصدقي الإعلام شاطرة بس ...
لو ما بتصدقي الاعلام شاطرة جدا ...
لو بتصدقيني انا ... انتي اشطر زول .. 😂😂
*********************
Quote: هسى امانة فى ذمتك دى
ده موضوع بفتحو سنّير من 2002
و كمان زعلان عشان ما عندو مكتبة
__
عارف .. ح اقوم ألف و حفيان كمان |
| Quote: القول ما قاله جلال .. |
كدا بقيتو لي جوز لا يخسر ....
انا من زماااااان بقول انو بوستاتي للأذكياء فقط ...
اهو انتو مثال حي اثبت بيه صدق مقولتي العصية عليكم ...
الحوار دا يحمل بين طياته معاني لا يفهما الا ذو حظ عظيم ... و انتو الاتنين يخربكم ...
ما كل ما يكتب يفهم ظاهره بل يحمل معانى لا ترى بالعين المجردة ...
فالفحيص في معمله يحتاج الا مايكروسكوب لكي يرى الجراثيم و الفيروسات التي تسبب للبشر الامراض ...
سادعو لكم ربي ان ينعم عليكم من الذكاء ما يكفل لكم العيش كبقية البشر .... 😂😂😂😂
قومو لفو ياخ انتو الاتنين ...
عسمتوني عشان اكتب ليكم المداخلة دي ... 😂😂
*********************
اها كمان دي قولو لي ما حلوة ... !!!
:::::::::::::::::::::::::::::::
الولية بتحضر في إعادة المسلسل التركي ..
و الراجل راقد في الكنبة ماسك الموبايل و لابس النضارة ..
الولية منتظرة ليها حتة معينة في الحلقة اللي هي شافتا امس ..
قالت : عليك الله شوف اللقطة الجاية دي ..
دنقر عشان يشوف من فوق النضارة
قال ليها : لقطة شنو ؟؟
انت شوف بس
جات اللقطة الكلها رومانسية
قالت : شوف الرومانسية دي ...
صلح نضارتو و رجع للموبايل تاني
قال : دا تمثيل ... عايزاني امثل عليك كمان ؟؟؟
عليكم جنس لئامة انتو ...
😂😂😂😂😂😂😂😂😂
|
Post: #12
Title: Re: ***** حوار قصير بين زوج و زوجته *****
Author: حمد عبد الغفار عمر
Date: 06-09-2018, 12:06 PM
Parent: #11
عليك الله ادي الباسويرد دا لي حسين ولدك
وامشي الفيسبوك ولا اي محل يعجبك واتسب او غيرو
غايتو جنس تزمبعر
|
Post: #13
Title: Re: ***** حوار قصير بين زوج و زوجته *****
Author: ABUHUSSEIN
Date: 06-09-2018, 07:41 PM
Parent: #12
Quote: عليك الله ادي الباسويرد دا لي حسين ولدك
وامشي الفيسبوك ولا اي محل يعجبك واتسب او غيرو
غايتو جنس تزمبعر |
اها دي نوعية تانية من الوهم اللي الله ابتلاني بيهم في المنبر ...
نوعية (شوفوني انا صاحب ابوحسين).....
دي بقى نوعية دمها تقيل خلاص ...
دا بكتب المداخلة دي و بجري يرسل رابط البوست لي اصحابه و اهله و كل معارفة نظام يقشر بي معرفتي و كمان صاحبي و بهظر معاي ...
طبعا دا تقليل لي مكانتي في المجتمع المتحضر كوني اعرف الاشكال دي ...
عانيت منها كتير و فقدت كتير من رصيدي ...
قدر ما شاكلت و كوركت ما نفع الغريبة النوعية دي كل ما تزجرا تتلصق فيك اكتر ....
بعدين بعطلوك كتير و بياخدو كتير من وقتك (الثمين) ....
المصيبة الاكبر انو المنبر مليان بالاشكال دي و لسه فيهم كتيرين ما شرفو لسه ....
في النهاية نقول دي ضريبة الشهرة ....
بعدين لاحظو ليهم ما تطرقوا لموضوع البوست نهائيا ....
ناس لا تبدع و لا تخلي المبدعين ينثروا الابداع في هذا الفضاء ....
اللهم افرغ علينا صبرا لتحمل هذه الكائنات ....
|
Post: #14
Title: Re: ***** حوار قصير بين زوج و زوجته *****
Author: عمر التاج
Date: 06-09-2018, 08:21 PM
Parent: #13
سلامات ابو حسين وضيوفه..
حقيقة جابني في الحوار العميق ده حتة اللون
وكلام اختنا تماضر عنه..
| Quote: يعني هي فرحت باللون الفاتح |
وحبيت أسال : هل تقصد النساء باللون الفاتح اللون الأبيض ؟
أم أن اللون الأصفر والأحمر والأخضر والأسود والبصلي
ممكن يكونوا فاتحات وغامضات؟
الاجابة إذا توفرت أرجوها بدون عنصرية أو لماضة!
|
Post: #15
Title: Re: ***** حوار قصير بين زوج و زوجته *****
Author: ABUHUSSEIN
Date: 06-10-2018, 11:00 AM
| Quote: سلامات ابو حسين وضيوفه.. |
و عليكم السلام أخونا عمر التاج ...
***************************************
دا منقول من موقع 4nono.com
حوار طريف بين الزوج والزوجة
الزوجة : ماذا تحب ان تأكل غدا ؟
الزوج : أي حاجه
الزوجة : ماذا تعنى بكلمه أى حاجه ؟ ساعدني ولو بأقتراح فقط .
الزوج : يمكنك طهى باميه وأرز
الزوجة : باميه وأرز . لقد تناولنا هذا الطعام قبل الامس
الزوج : أذن فلنتناول سمك
الزوجة: سمك . الا تشعر بحراره الجو والتى لا تتحمل تناول سمك .
الزوج : أذن ما رأيك في محشى ؟
الزوجة : محشى ؟. انه سيأخذ وقت طويل وخطوات طويله في اعداده وانا أشعر بالتعب الرفق بى لو سمحت ؟
الزوج: أذن قومى بأعداد اى طعام سهل حتى لا تعانى في المطبخ حبيبتى
الزوجة : اذن لا توجد اقتراحات صالحه .هذه طبيعتك . لا تريد ان تعطينى أمر نافع ابدا .
الزوج : لا أقصد هذا . فأقتراحاتى لا تعجبك .\. فقدمى أنتى اقتراحاتك واساعدك في اختيار واحده منهم
الزوجة : اقتراحات؟ فأنا لا استطيع ان احدد وجبه واحده . وانت تطلب منى أقتراحات .
الزوج : حبيبتى. يكفى أن نتناول ساندوتش جبنه مدامتى تشعرى بالتعب ولا تريدى اعداد الطعام
الزوجة : جبنه؟. وهل هذا طعام للغذاء . سأقوم بعمل المكرونه مع كبده
الزوج : اقتراح جميل حبيبتى .
و في اليوم التالي اتصال تليفوني من الزوجة للزوج
الزوجة : ألو . زوجى العزيز . أرجوك احضر معك أي مشروب غازى لأنى طلبت بالتليفون وجبه من السمك والارز من المطاعم الذى بجوارنا .
الزوج : سمك من المطعم ؟الم تقولى بالامس سأعد المكرونه مع الكبده ؟
الزوجة : منذ ان استيقظت وانا انظف المنزل واطعم الاطفال . واشعر بالانهاك والتعب الشديد . اشعروا بى قليلا وارفقوا بى .
الزوج : ماذا تريدى نوع المشروب الغازى حبيبتى ؟
الزوجة : أي حاجة.
الزوج يرجع الى البيت و يجلس الى المائدة و يمد يده ليخرج زجاجة المشروب من الكيس و يضعها على المائدة.
الزوجة : لماذا اشتريت الحجم الكبير ؟ الا تشعر بالمسئوليه تجاه المال ؟. ثم تأتى في نهايه الشهر ونشكى ان المرتب لا يكفينا .
ثم يبدأ الزوج في تناول الطعام في صمت لان ما يفعله ايا كان لا يعجب زوجته .وبعد ان انتهى من تناول الطعام .
سألته زوجته : ماذا تريد ان تتناول طعام غدا .
رد الزوج : شلل نصفى .
|
|