مهما ارتفعت اسعار تذاكر السفر هن جايات جايات . حضور كرنفال الافتتاح بالنسبة للناس ديل اهم من شيل الكاس . و القنوات عندهم هي الدليل الامين . وابدا ما خلت شي يتقال من اجل سلامة و متعة المشجعين المسافرين .
06-09-2018, 07:36 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الامم من حدها لي حدها كلها مستعجلة حضور كرنفال الافتتاح . الكرنفال اصبح هو البيفتح للمبدعين ابواب الابتكار و الابداعات الجديدة . الكرنفال هو الملمة الاكبر للمصورين و المترصدين لتصوير الجمال .
06-12-2018, 12:13 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
بعد التحية يا جلادونا والله اوعدك اقوم ارسل الصور في وتسب اخونا الحريف ود المدير وهو يقوم يدرع لينا الصور المحتفلة في البوست . ح تشوف الصور من لحظة لكعن من مضارب الريودي جانيرو والي ان تحكرن علي ظهر طيران الامارات . مرقن يا جلادونا ( السيرة مرقت عصر غوقن الشيخ ود بدر ) وهن في السفرة الميمونة دي لابد من ترانزيت دبي وشرب البركة قهوة دبي ام هيل . ح تجيك صور هبطرش .
06-12-2018, 03:13 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
عزيزنا الاخ حمد كل كاس عالم وانت حلقومك مليان صحة ويهتف حرية . حرية حرية . شعوب العالم المره دي يا حمد اتفقت علي خروج البهجة بهجة . السنة دي يا حمد التشجيع باليد و بي اللسان و بي البطن . وبي الركبة . في تطور جديد في فن التشجيع . انتهي زمن تحرق عمتك بتاعت الساكوبيس في استاد الهلال ضد فريق الاشانتي كوتوكو . وتطلع من الاستاد تضرب فول بي حصحاص مع زيت الفهد المعتيت . انتهت كلمات زي فوت من الكيشة . ورقص الحنكلوز . و بربح ود بمبا . ودي عطبرة ما كفر الدوار . التشجيع يا حمد الان الطف واحلي من الدشليون سنة الفاتت . عليك الله يا حمد السنين الفاتت اصرف ليها بركاوي تقيل . الليلة يا حمد السماء مقشوط طيارات كلها عابرات الاطلسي في طريق استاد بطرسبيرغ العجيب .كلها مليانة من نوع المشجعة باتريشا . كلهن و قاصدات الاستاد التحفة المعمارية المبالغة . ياخ كل كاس وانت عافية . وتعال كب الفيديوهات . مع جزيل الشكر اتفرج يا حمد في لون النجيلة وسماحة المشجعات و اللعب وحتي الكراسي و وضعها المدروس . شوف التصوير و الاخراج . غايتو ربك يلطف بي البلد ام جاز قاطع .
كرنفال الافتتاح حيكون من اكتر الكرنفالات دقة في التنظيم والاخراج . اغنية الافتتاح اسمها colours للمغني الامريكي الشاب جيبسون . و المغني جيبسون امريكي من اصول هايتية . الاغنية تتحدث عن الفخر بالرياضة والكفاح من اجل البطولة و تحكي عن ان شعوب العالم سواسية .
06-15-2018, 09:18 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
سلامات الفنان كوستاوي وعيدك مبارك والاسرة الكريمة ومشكور كتير علي نقل فرحة بنات الاشقاء اهالي الريودي وضواحيها . مشكور كتير علي نقل صور عصافير الجنة . لون المنقة لابسات المنقة . حلفتك بي الله اوعك تقيف من تنويرنا بي صور الفلتات . مع جزيل الشكر
06-18-2018, 05:24 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
جلالدونا
MOHAMMED ELSHEIKH
حمد عبد الغفار عمر
حاتم سعد
Kostawi
السنجك عثمان
فيس بوك
تويتر
انستقرام
يوتيوب
بنتيريست