من قروبات الواتس نعم لكن دا قرووب اهل الشيء ذاتووووو! يا صحبي
يلا يا صديق مهدي عايزين يائية على وزن آني
Post: #2 Title: Re: حذف صفر تااااني من الجنيه السوداني !!!!!!!!!!!! Author: MOHAMMED ELSHEIKH Date: 06-03-2018, 10:01 AM Parent: #1
عاااااااااااااااااااااااااااااااجل
عودة الدينار السوداني*
بعد اجتماعات مطوله ليلة امس مع محافظي البنوك المركزية لبعض الدول العربيه والخليجية مع محافظ بنك السودان المركزي وبحضور ممثلي القطاع الاقتصادي بالموتمر الوطني تقرير تغير العمله السودانيه من جنيه الي دينار مع التزام دول الخليج بتكاليف تغير العملة السودانية من جنيه الي دينار واكد المصدر انه سوف يتم حذف صفر من العملة السودانية القديمة ليصير مبلغ العشر جنيه سوداني يساوي واحد دينار وان من اهم مبررات الحكومة في تغير العمله هي الطابعات التي تستخدمها المخابرات المصرية الان في طباعة العملة السودانية التي استوردها بمبالغ خرافيه جدا وبعلم معظم اجهزة المخابرات العربية والخليجية وذلك بغرض تدمير الاقتصاد السوداني ولعل كل المبالغ التي تدخل الي السودان تدخل عبر التهريب والتي تم قبضها قيض من فيض كما ان الحكومة تريد ان تسيطر علي حركة دوران العملة السودانية وبذلك تقفل الباب امام كل الذين قاموا بحسب احتياطي مبالغهم من البنوك السودانية كما اكدت بان العمله الجديد سوف يكون بها اكثر من 80 علامه تامنية مما يصعب او يستحيل تزويرها وان تغير العملة سوف تتبعه سياسات جديده لسيطرة على الكتله النقدية من اهما سوف يتم تغير المبلغ الكبير الكترونيا لادخار العملية الالكترونية والتقنية في التداولات النقدية فمثلا اي مبلغ يتعدي عشرة الف دينار يتم تغيره الكترونيا عبر البنوك التجارية ولا يسمح لصاحبه في سحبه او التداول به الي اكترونيا وان معظم التداول بالمبالغ الكبير لن يكون الا كذلك وان العمله الورقية سوف تكون للمعاملات الصغيرة التي لا تتعدي عشرة الف دينار فقط بتفعيل خدمة بنكك جوالك واكد المصدر بان ممثل البنك الدولي الذي حضر الاجتماع وافق علي الاجراء بعد سماعه لمبررات الحكومة،، منقوووول
Post: #3 Title: Re: حذف صفر تااااني من الجنيه السوداني !!!!!!!!!!!! Author: محمد البشرى الخضر Date: 06-03-2018, 10:04 AM Parent: #2
كلام بليد بلادة! اوعى تكون مصدقو بس يا قريبك قال ماكينات طباعة العملة عند المصريين، البليد الشتل الكلام دا قايل بتغير المكنة كاملة لو عايز تغير شكل العملة!!
Post: #4 Title: Re: حذف صفر تااااني من الجنيه السوداني !!!!!!!!!!!! Author: MOHAMMED ELSHEIKH Date: 06-03-2018, 10:07 AM Parent: #3
يا صحبي التبريرات بليدة من يوم الليلة انت ماحضرت زمن الطيارة جات طافية ؟ ولا مكنة اللحام فرقعت
Post: #6 Title: Re: حذف صفر تااااني من الجنيه السوداني !!!!!!!!!!!! Author: محمد البشرى الخضر Date: 06-03-2018, 10:28 AM Parent: #5
الطيارة كنة اللحام ديل تبريرات حكومة انا اتحدث عن تبريرات البليد الشتل الشتلة و سوقها في الواتس وغيره
Post: #7 Title: Re: حذف صفر تااااني من الجنيه السوداني !!!!!!!!!!!! Author: عبدالحفيظ ابوسن Date: 06-03-2018, 10:42 AM Parent: #6
ما اظن يا محمد وزي ماقال ليك ودو .. المكنة واحدة .. مكنة طباعة ممكن تطبع جنية ولا دولار الفرق في تصميم العملة المحددة نوعية الحبر واظننا بنستعمل اردأ انواع الحبر لأنو رخيس واردأ انواع الورق وعلامات التدقيق
Post: #10 Title: Re: حذف صفر تااااني من الجنيه السوداني !!!!!!!!!!!! Author: Abureesh Date: 06-03-2018, 10:46 AM Parent: #7
الجنيه اتجرب.. بالقديم وبالجديد.. الدينار اتجرب.. الريال اتجرب .. الين او اليوان ديل اللى ممكن يحلوا مشكلة الاقتصاد السودانى.
Post: #8 Title: Re: حذف صفر تااااني من الجنيه السوداني !!!!!!!!!!!! Author: MOHAMMED ELSHEIKH Date: 06-03-2018, 10:44 AM Parent: #6
مرحب يا فرح الجنيه عندو رفيق اللهو الريال الأيراني الذي يساوي الدولار منه 42 الف ريال! يعني ما براهو
يا ابوحتوت: الشتلة دي حكومية يعني ناس الحكومة هم ناويين علي شيء واضطروا يشتلوها . يعني انا لم اصدق التبريرات لكن ممكن انوقع لسبب او آخر يعرفوه ناس الحكومة عاوزين يسحبو صفر من العملة وكما ذكرت لك دا قروب ناس الحكومة ذاتهم
Post: #9 Title: Re: حذف صفر تااااني من الجنيه السوداني !!!!!!!!!!!! Author: abas Date: 06-03-2018, 10:46 AM Parent: #6
والله الناس ديل عاوزين يلقطوا قروش الناس الخاتاها في بيوتها وما شغاله بي البنوك القصد واضح وكمان السحب والايداع الكرتوني
جنس غباء
ممكن ادي لي 50 نفر يبدلو لي اي مبلغ بدون الكترونيا ولا غيرو
الغباء صفه كيزانيه
Post: #11 Title: Re: حذف صفر تااااني من الجنيه السوداني !!!!!!!!!!!! Author: محمد حمزة الحسين Date: 06-03-2018, 10:59 AM Parent: #9
Quote: محمد الشيخ كيفك هي وين العملة السودانية ؟
معليش ابو ورطه اول احتفي بما تكتب : : : : : : مع التحيات لله الزاكيات
Post: #12 Title: Re: حذف صفر تااااني من الجنيه السوداني !!!!!!!!!!!! Author: نصر الدين عثمان Date: 06-03-2018, 11:04 AM Parent: #11
ود الشيخ وضيوفك الكرام .. رمضان كريم،
Quote: قيض من فيض
ياما ضاعت أصفار.........
Post: #13 Title: Re: حذف صفر تااااني من الجنيه السوداني !!!!!!!!!!!! Author: عباس محمود Date: 06-03-2018, 11:21 AM Parent: #12
السلام عليكم محمد الشيخ وكل الأخوة
بعيدا عن الشتلة
العملة السودانية تطبع لدي مطبعة العملة في الخرطوم .... الدخل المصريين شنو
Post: #14 Title: Re: حذف صفر تااااني من الجنيه السوداني !!!!!!!!!!!! Author: محمد أبوالعزائم أبوالريش Date: 06-03-2018, 11:33 AM Parent: #13
المسألة ما مسألة تبريرات وبس ... المسألة فيها فهم غريب جداً للإقتصاد ... سمع أضاني وشوف عيني تسجيل في اليوتيوب قال ليك: ((أمريكا دي الدولار بيكلّفها طباعة بس))
Post: #15 Title: Re: حذف صفر تااااني من الجنيه السوداني !!!!!!!!!!!! Author: علاء سيداحمد Date: 06-03-2018, 11:35 AM Parent: #13
لا استبعد حذف الصفر والعودة الى الدينار والظاهر هناك تسويق لهذا الاتجاه حسب المصدر المنقول منه الخبر .
فى عصر البشير كل شئ جائز !!
Post: #16 Title: Re: حذف صفر تااااني من الجنيه السوداني !!!!!!!!!!!! Author: محمد أبوالعزائم أبوالريش Date: 06-03-2018, 11:38 AM Parent: #15
Quote: سمع أضاني وشوف عيني تسجيل في اليوتيوب قال ليك: ((أمريكا دي الدولار بيكلّفها طباعة بس))
Post: #17 Title: Re: حذف صفر تااااني من الجنيه السوداني !!!!!!!!!!!! Author: MOHAMMED ELSHEIKH Date: 06-03-2018, 11:42 AM Parent: #15
الاعزاء الكرام عبدالحفيظ ابوسن Abureesh Abas نصر الدين عثمان عباس محمود محمد أبوالعزائم أبوالريش علاء سيداحمد محمد حمزة الحسين
شكرا للمرور والتعليق ورمضانكم كريم
نشوف يومين تلاتة الجرايد بتقول شنو بعدين ننضم
الآن في مرحلة جمع " المعلومة"
Post: #18 Title: Re: حذف صفر تااااني من الجنيه السوداني !!!!!!!!!!!! Author: معاوية المدير Date: 06-03-2018, 11:44 AM Parent: #15
Quote: من اهم مبررات الحكومة في تغير العمله هي الطابعات التي تستخدمها المخابرات المصرية الان في طباعة العملة السودانية التي استوردها بمبالغ خرافيه جدا وبعلم معظم اجهزة المخابرات العربية والخليجية وذلك بغرض تدمير الاقتصاد السوداني ولعل كل المبالغ التي تدخل الي السودان تدخل عبر التهريب والتي تم قبضها قيض من فيض
ههههههههههههههههههههههههه، قآم تأأأأأأأأأني جآب سِيّرة البحر !!!...
تزوير العملة ليس بسبب لتغيير اسم العملة أو قيمتها ولكن الجماعة ديل غلبهم اليسووهو ... الدولار فيه تزوير من زمان وأكثر الفئات تزوير ا فئة العشرين دولار والخمسين دولار وما سمعنا ان امريكا قالت تغير اسم العملة أو قيمتها ....وكل يوم الدولار يزداد قوة ... وسمعت ان الدولار يزداد قوة لأنه مكتوب في العملة الورقية " In God we trust "نحن نثق بالله.. وحتى اذا غيروا اسم العملة من جنيه إلى دينار فلن يغيروا في الأمر شيئا لان القيمة ستكون هي هي بل ستزداد سوءا لان النظام لا يثق بالله ولكن يثق بالشيطان لان رموزه يسمعون كلام الشيطان ويتقربون منه ..وكان ما مصدقين اقرأوا بوست منى بت عمسيب عن القصور البنوها من مال الشعب وصور القصور الفخمة التي لا توجد مثيل لها حتى في ارقى احياء نيويورك وباريس ولندن وبون ومونت كارلو ... ودمتم بالف خير
Post: #20 Title: Re: حذف صفر تااااني من الجنيه السوداني !!!!!!!!!!!! Author: Asim Ali Date: 06-04-2018, 04:45 AM Parent: #19
محافظ بنك السودان يوضح حقيقة "تغيير العملة" السودانية كشف محافظ بنك السودان المركزي حازم عبد القادر أنهم يدرسون سحب العملة فئة (50) جنيهاً من التداول في السوق. وأكد المحافظ في تصريح خاص لـ (الإنتباهة) أنهم لا ينوون استبدال الجنيه بالدينار بحسب ما تردد في وسائل التواصل الاجتماعي التي زعمت أن الحكومة ستستبدل الجنيه بالدينار للسيطرة علي سعر الصرف. المصدر : صحيفه السودانيه الالكترونيه alsudaniya-sd.com الخبر من شهر فبراير يعنى القصه ليست الاتدوير اخبار لشغل الناس . الفائده شنو لو شالو صفر ولا ختو صفر ؟ الحال ياهو نفس الحال والمواطن مسحوق ويعانى من الغلاء والفساد وتدهور الخدمات