رد يوتيوبر سوداني على الاستهزاء العربي ...

غض النظر عن التفاصيل و الأخطاء و التنميط وغيرو وغيرو
المقام مقام جهل ما تنفع فيه الفلسفة و الحذلقة والمش عارف ايه
لذا لن اعلق سوى على خطأ الشاب دا في استثنائه واشادته بناصر القصبي
في حين ناصر القصبي هو من اوائل من بدأ التنميط السخيف للشخصية السودانية في الدراما العربية وهو من روج لعبارةات مثل "ضربو لي هسّي" و " آآي " وغيرها

ود البشري تحياتي !
الممثل غايتو حاول ولكن لسه منغلق في عروبته المدعاه ( الادعاء بسودانيين الوانهم افتح و انضر)
تحدث عن شجاعه كاذبه تجاه المصريين ( احتلال حلايب رجاله و حمره عين )
الإيحاءات الجنسيه ( غمز العين في آآي)
بيني و بينك مش عندهم حق في كسلنا ده أراضي و مويه و جعانين و عطشانين تهي تهي تهي
و كمان جابت ليها ارتزاق و شحده و حمايه في رابعه النهار !
الفشل ظاهر من زمن الاستقلال و جو ناس الاسلام السياسي كشحو قدام الشارع للسابله !😎

هلا بالوليد
زي ما قلت ما دققت معاه في رده المليان جلّيط لأن المقام مقام جهل في مبتداه ومنهاه
ولا يمكن الرد على الجهل سوى ان تحهل فوقه أو تتركه ينعم في جهله وتنصرف لشأنك
مسألة الكسل و عدم استغلال مواردنا نصيبنا كشعب فيه من اللوم اللهم إلّا بقدر ما ينالنا من معنى الحديث كما تكونوا يولّى عليكم, منذ الاستقلال مشكلتنا مشكلة ادارة ولم يتول امرنا من يأخذ بيدنا نحو المستقبل
لكن طبعا قصة الارتزاق و الشحدة واراقة ما وجه الشعب دي زي ما قلت كمان طمبجتها ع الآخر
لكن برضو ما بدي العواليق ديل الحق في السخرية مننا او من غيرنا

Quote: لكن طبعا قصة الارتزاق و الشحدة واراقة ما وجه الشعب دي زي ما قلت كمان طمبجتها ع الآخر

رمضان كريم يا محمد
بالإضافة للمقتبس الفساد و إفقار الشعب الذي هاجر نصفه عند هولاء ثم شتم البشير و زمرته للشعب و العالم يسمع و يتفرج و بعضهم يشارك في الشتم.

رمضان مبارك يا دكتورة
صدقت فعلا, عبارات زي شحادين ووكسلانين وعلمناكم اكل الهوت دوق و الحس كوعك وطالعوني الخلا اتقالت من حكامنا و تناقلتها الفضائيات و الوسائط
و تلقفها هؤلاء العواليق ورسخت عندهم الانطباعات السلبية عن السودان
الله غالب

اتفقنا او اختلفنا مع رد قناو زول كافيه لكن نعترف بأنه حرّك الساكن ولفت النظر وقام بما عجزت عنه القنوات الرسمية للدولة و الاعلام المقروء و المشاهد الرسمي
هناك ردود افعال عدة على الفيديو من الكويت وخارجها
فعلا هذا زمن الاعلام الشعبي و الوسائط, ولا احد سينتظر الاعلام الرسمي او الاحترافي
شكرا زول كافيه

هذه بعض ردود الافعال

ردود الافعال هذه و الاعتذارات - الصادق منها و الكاذب - ما كان لها ان تحدث لولا رد قناة زول كافيه الذي حرّك الساكن وابدى استياء السودانيين من السخرية وقلة الأدب على الشعوب
هذا كان دور وزارتي الاعلام و الخارجية

ههههههها
سلامات استاذ ود البشري .
واقولك ياخ وبدون اي فلهمة مننا . السودانيين ابرك واخير منهم كلهم .
ياخ من عشرين سنة ولاحدي الليلة بعض من الامريكان يضحكوا في لغة
حسني مبارك القال فيها ( بيرهابس ايس بيرهابس نو) ههههها
والله 60 في المية من ابو عريب عندهم شتارة في اي شي .
والسودانيين عرفوا المدنية ابدر منهم .

يا عثمان ياخوي لا قصة ابرك ولا أخير من حد
ما عايزين نعالى على احد ولا احد يتعالى علينا
السخرية من الشعوب و التنميط غير مقبولة ابدا
في لفي على الفيديوهات لاقاني اعتذار من نفس طاقم البرنامج السخيف دا للشعب اليمني و للشعب الكويتي زاتو على تقليد سخيف
يبدو انهم لاقوا نفس الغضبة