Post: #3 Title: Re: مذيعات الطقس اللبنانيات و التنانير الفي خ Author: Osman Musa Date: 05-31-2018, 09:27 PM Parent: #2
مره يا استاذ منير بعد ما قامت مذيعة النشرة الجوية عشان تقدم نشرة الطقس . دار نقاش بين مذيع الاخبار و مذيعة نشرة الطقس . النقاش عن بلوزة المذيعة . وبي سرعة قام المذيع ملص الجاكت بتاعو ولبسو للمذيعة وهي مواصلة في النشرة . و الاخبار ماشة عادي .
Post: #14 Title: Re: مذيعات الطقس اللبنانيات و التنانير الفي خ Author: Osman Musa Date: 06-01-2018, 06:23 AM Parent: #6
يا كوستاوي المذيعة الفي الصورة رقم 3 دي في ياتو قناة و من ياتو بلد في دول سنترال اميركا ؟
Post: #9 Title: Re: مذيعات الطقس اللبنانيات و التنانير الفي خ Author: Osman Musa Date: 05-31-2018, 10:58 PM Parent: #5
مذيعة النشرة الجوية في الصورة رقم 2 دي اكيد القنوات بتدفع ليها حق صالة الرياضة . للمحافظة علي الرشاقة . وطبعا زي دي ممكن بي المتابعة في صالات الرياضة تقوم بي تشكيل جسمها زي ما هي دايرة .
Post: #8 Title: Re: مذيعات الطقس اللبنانيات و التنانير الفي خ Author: Osman Musa Date: 05-31-2018, 10:09 PM Parent: #4
عزيزنا الفنان كوستاوي . الزول الناقش كل الفجج سلامات . ام جاكت مفتوح دي يا كوستاوي شكلها كانت بتذبع في درجة الحرارة في الخرطوم محل الطيارة بتقوم هههههها
Post: #10 Title: Re: مذيعات الطقس اللبنانيات و التنانير الفي خ Author: Salah Zubeir Date: 06-01-2018, 02:28 AM
أردم يا شيخ كوستاوي عندنا فتوي او نص فقهي من مولانا حافظ يؤكد فيه أن لا تثريب علينا في رمضان إلا إذا غابت الحشفه في أحد السبيلين ...
Post: #11 Title: Re: مذيعات الطقس اللبنانيات و التنانير الفي خ Author: muntasir Date: 06-01-2018, 03:37 AM Parent: #10
يا أوسمان انت خلعتك التنانير ما ظهر منها وما بطن وقمت تهضرب منير عندو برستيج بوستات زي دي بكشف ليها ساكت ما برد بس لو بكري يسوي لينا خاصية زي الواتس نعرف كل من حاول يخفي نفسوا وغير إتجاهو[/B
Post: #12 Title: Re: مذيعات الطقس اللبنانيات و التنانير الفي خ Author: احمد حمودى Date: 06-01-2018, 03:50 AM Parent: #11
Post: #13 Title: Re: مذيعات الطقس اللبنانيات و التنانير الفي خ Author: احمد حمودى Date: 06-01-2018, 03:51 AM Parent: #12
Post: #15 Title: Re: مذيعات الطقس اللبنانيات و التنانير الفي خ Author: Kostawi Date: 06-01-2018, 06:36 AM Parent: #13
Post: #26 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 09:05 AM Parent: #15
يا كوستاوي المذيعة ميشيلا حداد دي هي نفسها البقول عنها المطرب الشعبي ( كلك كلك كلك حلو ) وبرضو ( غزال البري يا نافر ) مع بت حداد في ناس تقول انشاءالله اليوم كلو يكون نشرة جوية ..
Post: #29 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 04:10 PM Parent: #26
طبعا معروف عن المذيعات الكولمبيات انهن اجمل مذيعات الارض واحلي تنانير الدنيا . وهن صاحبات موضة بلوزات فصل الدين عن الدولة
Post: #20 Title: Re: مذيعات الطقس اللبنانيات و التنانير الفي خ Author: Osman Musa Date: 06-01-2018, 08:26 PM Parent: #12
اخونا استاذ حمودي سلامات ورمصان كريم عليك وين ما كنت و مشكور كتير علي نقل اخبار الجو في كولمبيا الشقيقة
Post: #16 Title: Re: مذيعات الطقس اللبنانيات و التنانير الفي خ Author: Osman Musa Date: 06-01-2018, 08:38 AM Parent: #10
عزيزنا الاخ صلاح سلامات المنافسات في ده الزمن المتسارع ما اصبحت بين فريق راموس وفريق محمد صلاح ولا بين اليشا و شاكيرا . المنافسات كسحت العالي و الواطي في القنوات العالمية . واصبح المذيع ومقدم البرامج و المخرج اهم من وزير الدفاع . بتخيل نفس التطور الحاصل في الصناعة في الغرب برضو حاصل في الاعلام . وشامل كل الاعلام
Post: #17 Title: Re: مذيعات الطقس اللبنانيات و التنانير الفي خ Author: Abureesh Date: 06-01-2018, 10:10 AM Parent: #16
الملابس القصيرة هذه عشان يشرحوا عمليا ان الطقس حار. أصلوا فى ناس ما عندهم وقت عشان يتابعوا النشرة. Visual Weather
Post: #18 Title: Re: مذيعات الطقس اللبنانيات و التنانير الفي خ Author: muntasir Date: 06-01-2018, 10:49 AM Parent: #17
يا Muntasir عارف عثمان دا قرا اول تلاتة حروف وسرح طوالي وعاد وشاف اخر حرفين راح ملصقهم مع التلاتة الاولى ولابد انه واقع مازال تحت تأثير درجة الحرارة في الخرطوم ورابط القناة المادة بوزا دي 😂
Post: #21 Title: Re: مذيعات الطقس اللبنانيات و التنانير الفي خ Author: محمد عبد الله الحسين Date: 06-01-2018, 10:19 PM Parent: #19
عثمان كيفك؟شكلك شايل ليك متر و تقيس..ما بتخلي ليك مللي ؟
الناس شايلة تيرموموتر و انت تقيس بالمتر...هههههه. تحياتي للضيوف الظريفين.
Post: #27 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 11:13 AM Parent: #21
عزيزنا الاخ محمد عبدالله الحسين سلامات ورمضان كريم في السودان الحبيب لا في اهتمام بي نشرة الطقس ولا الطقس . تجي كتاحة تجي خماسين كلو بي النظر و كلو زي ما تجي تجي الناس محتاجة غاز وجاز .
Post: #31 Title: Re: مذيعات الطقس اللبنانيات و التنانير الفي خ Author: Osman Musa Date: 06-03-2018, 04:25 PM Parent: #21
نتابع حالة الطقس
Post: #22 Title: Re: مذيعات الطقس اللبنانيات و التنانير الفي خ Author: قسم الفضيل مضوي محمد Date: 06-01-2018, 10:46 PM Parent: #19
كلمة (التنانير) الفي العنوان ذكرتني كلمة (التناقير) في أغنية (القمر بوبا) ... أخونا علي عبد الوهاب كان عنده بوست (مبحث) جميل وادناه الرابط حقه ... . .رمزية (قش التناقير) وردي واسماعيل . نموذج جمال للعمق الشايقي النوبي رمزية (قش التناقير) وردي واسماعيل . نموذج جمال للعمق الشايقي النوبي . . تقول لي شنو وتقول منو ... :) . . بلشنا ......
Post: #28 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 02:48 PM Parent: #22
عزيزنا قسم الفضيل سلامات التنانير جمع تنورة عند اهل الشام و بعض اليمن وبعض الخليج . وحتي في اللغة الاسبانية المهاجرة في امريكا الجنوبية . هناك كلمة تنانير مستعملة . و كلمة كميس تعني قميص . وكلمة شباتي تعني شبط . و كلمة منتلونا تعني منطلون .
Post: #25 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 06:54 AM Parent: #19
اخونا الفنان عبدالمنعم سلامات ورمضان كريم انت وين ياخ . ؟ بقيت ماك باين ؟ لعلك يا عبدالمنعم تتذكر هوروكين كاترينا . صباح يوم ضرب السواحل الامريكية . واكيد تتذكر بكاء غزالة القناة الرابعة بي الجبون البرتقالي هههههها غايتو الهواء ده هو الزول الوحيد المش ممكن تشتكيهو .
Post: #32 Title: Re: مذيعات الطقس اللبنانيات و التنانير الفي خ Author: Osman Musa Date: 06-04-2018, 06:21 AM Parent: #25
النشرة الجوية في بعض البلدان مافي زول بتلفت ليها كلوكلو
Post: #24 Title: Re: مذيعات الطقس اللبنانيات و التنانير الفي خ Author: Osman Musa Date: 06-02-2018, 05:31 AM Parent: #18
عزيزنا منتصر سلامات الحاجه الكويسة انو 99 في المية من النشرات الجوية بتذاع من داخل الاستوديوهات . اذكر مره واحدة مذيعة حاولت تتحدث عن الطقس وهي واقغة في ساحل البحر في ميامي . و بعد شوية عينك ما تشوف الا النور .
Post: #23 Title: Re: مذيعات الطقس اللبنانيات و التنانير الفي خ Author: Osman Musa Date: 06-01-2018, 11:05 PM Parent: #17
عزيزنا ابوالريش سلامات اشجار الصفصاف تبيض و تخضر و مصطفي سعيد شايل الامبيرلة وحايم من جليد لي جليد و من هوروكين لي هوروكين . نشرة الطقس وشيل والامبيرلة يا ابوالريش في الغرب البعيد و الشرق البعيد حاجة مهمة . يعني بدون متابعة النشرة وبدون الامبيراة ممكن تتبشتن و تدخل مكان عملك مبلول وحكايتك حكاية . يعني التنانير دي عندها حوبات كان طالت كان لا . هههه
Post: #30 Title: Re: مذيعات الطقس اللبنانيات و التنانير الفي خ Author: Osman Musa Date: 06-03-2018, 06:02 AM Parent: #23
عزيزنا الاخ احمد حمودي سلام في انتظار متابعاتك للجو في جهات اسكندنيفيا . في داك العالم البعيد تختلف التنانير عند مذيعات النشرة الجوية . في الطول و خامة الصوف .
Post: #33 Title: Re: مذيعات الطقس اللبنانيات و التنانير الفي خ Author: الفاتح ميرغني Date: 06-04-2018, 10:52 AM Parent: #30
حبيبنا عثمان الفنان تحياتي تعرف زمان الناس تكون قاعدة في المسلسل وتجي نشرة الاخبار، ومن يجيبوا نشرة الأحوال الجوية تلقى الناس تطنطن وتسب! قالوا ناس نشرة الاحوال الجوية طلبوا من نميري بدل لبس، قال ليهم انتوا مافي داعي تظهرو بس اشّرو ساي، والعهدة على الروائي تاج السر الملك. مذيعة الطقس الجميلة دائما بتديك احساس بالربيع حتى في منتصف يوليو
محبتي
Post: #36 Title: Re: مذيعات الطقس اللبنانيات و التنانير الفي خ Author: Osman Musa Date: 06-06-2018, 06:48 PM Parent: #33
عزيزنا الكاتب الكبير الفاتح ميرغني سلامات عليه الرحمة نميري قدر ما جاط برضو ما ساط قدر البعدو وكانت عندو حكايات مضحكة . قالوا عندو صاحبو ودفعتو في حنتوب كان رتبة كبيرة في المطافي . اها بعد نميري بقي مشير . قام مشي لي النميري . وقالو : طبعا انا دفعتك و انت عارف المجهودات العملتها في تحسين ادارة المطافي وكدي : دحين دايرك ترقيني لي مشير زيك يا دفعة . قالوا نميري اتلفت عليه وقالو . مشير ؟ ليه انت اصلو داير تطفي جهنم . ههههههها
Post: #34 Title: Re: مذيعات الطقس اللبنانيات و التنانير الفي خ Author: Osman Musa Date: 06-06-2018, 07:34 AM Parent: #4
نتابع نشرة الطقس
Post: #35 Title: Re: مذيعات الطقس اللبنانيات و التنانير الفي خ Author: علي عبدالوهاب عثمان Date: 06-06-2018, 01:29 PM Parent: #34
كلمة (التنانير) الفي العنوان ذكرتني كلمة (التناقير) في أغنية (القمر بوبا) ... أخونا علي عبد الوهاب كان عنده بوست (مبحث) جميل وادناه الرابط حقه ... . .رمزية (قش التناقير) وردي واسماعيل . نموذج جمال للعمق الشايقي النوبي رمزية (قش التناقير) وردي واسماعيل . نموذج جمال للعمق الشايقي النوبي
===================== بعد التحية للزول الجميل صاحب البوست عثمان .. حبيبنا قسم الفضيل .. يا أخي شكراً كثير كثير على هذه المداخلة أتشرف كثير أن تتابع مثل هذه البوستات ( قش التناقير ) حبيبنا قسم الفضيل .. الاحباب في بوست عثمان كانوا في قمة الحداثة والجمال حرام ترجعهم لحياة الترابلة لكن زمان كان حش القش فيه نوع من الجمال وقليل من السفور المحبب للنفس كانت التربالة تجلس في طرف الحوض وفي يدها المنجل فكانت الجلسة فيها إثارة جنسية للترابلة فقط .. وزمان الفستان كان تحت ركبة بقليل وعندما تجلس ينحسر الفستان وتظهر بعض المناطق المثيرة ليس تبرجاً ولكن من متطلبات العمل والانتاج الله على الزمن الجميل .. كانت الشابة تطلع إلى النخلة ولا يمر من تحتها الشاب ..
حبيبنا عثمان مودتي يا جميل .. رجعنا بك من لبنان إلى ضواحي في الزمن القديم ..
شكراً قسم الفضيل يا زول يا ذواق شكراً الحبيب عثمان .. دائماً ترجعنا لأيام لأيام العشق .. ليته يعود يوماً
Post: #37 Title: Re: مذيعات الطقس اللبنانيات و التنانير الفي خ Author: Osman Musa Date: 06-08-2018, 02:42 PM Parent: #35
الاخ العزيز علي عبدالوهاب سلامات ورمضان كريم في سنة ١٩٧٧ يا اخ علي كنت سعيد شديد بي دعوة مقدمة من الاستاذة حورية حاكم عليها الرحمة . والاستاذة الجميلة حورية كانت في السبعينات مقدمة برنامج سهرة من سهرات التلفزيون في داك الزمن . وانا طالب ثانوي . والله جد كانت دهشة شديدة لحظت لقيت نفسي قدام الراحل اسماعيل حسن . الرجل اشاد بي قصايدي و شجعني . قاموس اسماعيل يا شيخ علي قاموس تضوق طعم كلماتو في لسانك . قش التناقير و قش التحادير يختلف في خضرتو وهوشتو و سماحتو عن قش التقنت و قش نص الجدول . اسماعيل يا علي كان مصور ماكن عليه الرحمة . ولي قدام بجيك بي مهلة لي ونستنا مع الشاعر الفذ مظفر النواب عن الصلة بين اللهجة العامية في شمال السودان و العامية في العراق .
...
