Post: #1
Title: اسبوع كهربا قاطعة
Author: عبدالحفيظ ابوسن
Date: 05-31-2018, 10:26 AM
10:26 AM May, 31 2018 سودانيز اون لاين
عبدالحفيظ ابوسن-no where
مكتبتى
رابط مختصر أكثر من اسبوع وكهربة كوستي قاطعة بشكل مزعج
تتراوح القطوعات بين يوم ويومين وادناها عشرة ساعات في اليوم
بتقطع في اي وقت كم مرة ولاوقات طويلة
المحطة الرئيسية حصل فيها حريق . وقالوا جابوا اتيام صيانة من الخرطوم والحال في حالو
ذات المحطة كانت شغالة زي الترتيب . فجأة شفنا كسير في المبني .. واستفسرت شخصيا عن السبب من احد موظفي الكهربا .. قال لي
دايرين يغيروها بواحدة صينية وطلعت أكبر من المبني وما بتخش
طيب دايرين يغيروها ليه ؟ فيها مشكلة ؟
لا ابدا بل المركبة دي ما صينية زاتو
والصورة بقت واضحة
والآن ندفع نحن فاتورة القرار
|
Post: #2
Title: Re: اسبوع كهربا قاطعة
Author: عبدالحفيظ ابوسن
Date: 05-31-2018, 10:44 AM
Parent: #1
قامت الحريقة وكبسو ليك مبني المحطة موية لامن عرف حاجة
مبني مغلق
قلت ليهم كدي اول فكو السقف دة خلو الاجهزة تنشف اول😆😆
|
Post: #4
Title: Re: اسبوع كهربا قاطعة
Author: جلالدونا
Date: 05-31-2018, 10:52 AM
Parent: #2
اب سن
احسن تهاجر كندا
|
Post: #3
Title: Re: اسبوع كهربا قاطعة
Author: تماضر الطاهر
Date: 05-31-2018, 10:51 AM
Parent: #1
شي مؤسف
ومع ظروف رمضان الحياة بتكون اصعب
والدعم داخل الخرطوم يمكن يجي او ما يجي
يعني لحد ما يوصل عندكم تكونوا نسيتو سبب إستدعائه
مودتي
|
Post: #5
Title: Re: اسبوع كهربا قاطعة
Author: عبدالحفيظ ابوسن
Date: 05-31-2018, 11:39 AM
Parent: #3
راجي وردي ومحجوب شريف يا جلال
وبيك انتظار الصباح الجميل
صحي تماضر
امر مؤسف ويغيظ
اي حاجة في التلاجة باظت وبقينا نشتري التلج
ربع لوح بي عشرين واللوح كلو كان بأقل من عشرين
تصدقي حسب كلام زول وقال شاف بي عينو
واحد من اثرياء كوستي المشهورين عندو تلاتة مخازن مخزن فيهن مية وعشرة ألف تلج ؟؟؟!!
قال شاف الموية ماشة بي تحت الابواب سأل كلموهو
مخزنها قبل رمضان
انا غايتو حكاية حريق محطة كهربا ويطفوها بالموية ما ظنيتها سليمة
|
Post: #6
Title: Re: اسبوع كهربا قاطعة
Author: تماضر الطاهر
Date: 05-31-2018, 12:34 PM
Parent: #5
كيف يخزن تلج؟
لكن اداني فكرة تخزين حاجات تانية قابلة للسيلان من تحت الأبواب
|
Post: #7
Title: Re: اسبوع كهربا قاطعة
Author: عبدالحفيظ ابوسن
Date: 05-31-2018, 01:07 PM
Parent: #6
حسب رواية المصدر جاب نشارة خشب كتيرة لحفظ التلج
مية وعشرة ألف لوح تلج
اللوح بي عشرين ج
قولي فقد نصها اللوح يطلع بي 40 ج
سعر البيع بين 80 ومية
وريني يا تماضر وبي النص
اتي عليك التمويل والتخزين وانا الفكرة 😆😆😆😆😆
|
Post: #8
Title: Re: اسبوع كهربا قاطعة
Author: تماضر الطاهر
Date: 05-31-2018, 03:23 PM
Parent: #1
اتذكرت محلات التلج في سوق امدرمان
وريحة النشارة الرطبة ولفحة البرودة لما تجي ماري
،
كده ما صعبتها علي؟
|
Post: #9
Title: Re: اسبوع كهربا قاطعة
Author: عبدالحفيظ ابوسن
Date: 05-31-2018, 08:42 PM
Parent: #8
تصدقوا قاطعة من 9 صباحا وحتي الآن البركة في ال power bank
اتي يا تماضر قولي خير عشان نعرف نشتغل
العمل التجاري ما بحب النيتين 😆😆😆
|
Post: #10
Title: Re: اسبوع كهربا قاطعة
Author: عبدالحفيظ ابوسن
Date: 06-01-2018, 11:19 AM
Parent: #9
يادوب اليوم الصحف جابت خبر قطعة كهربا كوستي
وقالوا 50% من الامداد
المهم ماخصانا بيهم ولا بي هادي العروش الهربة
حسب تصريح عامل كان في حلتنا 11 بالليل ونحن متحلقين حولو لارجاع التيار . واصلاح المحول
قال
الحمدلله انتهت الا قدر تاني من الله
مجموعة من الناس جابت فرشها ونامت نصة نهار في مكاتب الكهربا
|
|