Post: #3 Title: Re: بلقى الدُنيا ( بروة ) .. لما اجيكا تايه .. ( و � Author: محمد أبوالعزائم أبوالريش Date: 05-29-2018, 10:28 PM Parent: #2
يا حبيب ... أغنية فرحة (أظن ده إسمها)، صحيح لحنها السني الضوي وأداها ثنائي العاصمة ... لكن هو كمان هداها للفنانة الصديقة أماني مراد عليها رحمة الله وقامت بأدائها في أروع ما يكون.
الزولة دي رغم صوتها الملائكي كانت مقلّة جداً.
Post: #4 Title: Re: بلقى الدُنيا ( بروة ) .. لما اجيكا تايه .. ( و � Author: محمد أبوالعزائم أبوالريش Date: 05-29-2018, 10:30 PM Parent: #3
Quote: أغنية فرحة (أظن ده إسمها)
إسمها أغلى الحبايب.
Post: #5 Title: Re: بلقى الدُنيا ( بروة ) .. لما اجيكا تايه .. ( و � Author: يحي قباني Date: 05-30-2018, 00:26 AM Parent: #4
Quote: يا هندسة.. معاك..معاك بالدرب الطويل
ناصر يا امين ..
تحياتي يا ملك ...
و للرغاوي حكاوي يا حبيب ...
Post: #6 Title: Re: بلقى الدُنيا ( بروة ) .. لما اجيكا تايه .. ( و � Author: يحي قباني Date: 05-30-2018, 00:36 AM Parent: #5
Quote: يا حبيب ... أغنية فرحة (أظن ده إسمها)، صحيح لحنها السني الضوي وأداها ثنائي العاصمة ... لكن هو كمان هداها للفنانة الصديقة أماني مراد عليها رحمة الله وقامت بأدائها في أروع ما يكون.
الزولة دي رغم صوتها الملائكي كانت مقلّة جداً.
كلام صحيح يا صديقي ...
فعلا نسيت اماني مراد ... لكن اعمالها و ظهورها كان قليل جدا ...
Post: #7 Title: Re: بلقى الدُنيا ( بروة ) .. لما اجيكا تايه .. ( و � Author: يحي قباني Date: 05-30-2018, 00:54 AM Parent: #6
نرجع لي قصة صابونة الوش ...
حقيقة فاجأني صديقي لما قال صابونة الوش كملت ؟
طيب ليه الناس في السودان رغم الظروف يا حلوة دايماً ... عندهم صابونة وش و صابونة يد و صابونة حمام ...
يعني صابونة موحدة ما بتؤدي الغرض ؟
و لا صابونة الوش غالية ما بضيعوها على باقي الجسم !!!
الوش ده مش راكب في نفس الجسم ؟
اذكر في الستينات كنت لسة في الكتاب ... كان عندنا زوج خالتنا عنده مصنع صابون بلدي ...
بيعمل صابون بلدي و مرات صابون فنيك ...
صناعة يديوة بدائية ... يطلع الصابون في الصواني و يتقطع بي سكين يدويا ...
صابونة قدر اختها مافي ...
و لكن :
الصابون البلدي مصنوع من مواد طبيعية 100% موية و ملح و شوية زيت جوز هند او زيت زيتون ان وجد ...
لا توجد مواد حافظة و لا من يحزنون ... و كما الحرير على الجسم ... لا كانسرات و لا بلاوي زرقا ...
اما الفنيك فيهو مادة الفنيك المطهرة ... يقتل اي بكتريا حايمة ...
كامي و لكس و بوكيه ... و بدأ الشغل التجاري و التفنن في دفع الناس لشراء لزوم ما لا يلزم ...
الصابون البلدي الان يباع هنا في افخر محلات المستحضرات الطبيعية و يباع غالي جدا ...
ذهبت الى مزرعة غرب مدينتنا ... مزرعة ( لافندر ) ...
وجدت عندهم صابون بلدي للبيع بعطر اللافندر ... الصابونة بي 7 دولار ...
قلت للبنية 7 دولار ليه في شنو .؟
قالت لي دي Organic
طوااالي اتذكرت مصنع زوج خالتنا البلدي في زقاقات ام درمان ...
و قلت اتاري الناس هنا ( بدأوا ) من حيث ( انتهينا ) في السودان ...
Post: #8 Title: Re: بلقى الدُنيا ( بروة ) .. لما اجيكا تايه .. ( و � Author: يحي قباني Date: 05-30-2018, 05:38 AM Parent: #7
بروة ...
البروة هي الصابونة التي تحتضر ...
و هي التي نستخدمها حتى تلفظ انفاسها الاخيرة و تتلاشى من بين أيادينا ..
بروة .. كانت كلمة متداولة و معروفة حتى زمن قريب ... يعرفها كل السودانيين ..
الى ان تغولت عليها تلك الشركة القطرية الغول و التي قضت على الأخضر و اليابس ...
بروة العقارية ... بنك بروة ... بروة المسيمير ... الخ .. من مشاريع لا حد لها ...
بروتنا .. ذابت شمار في قطر ...
و لكن العزاء اننا من اخترعنا كلمة " بروة " ...
و اثبتنا تماما ان العالم يبدآ من حيث (إنتهينا ) ...
من حيث انتهينا .. تماماً ...
Post: #9 Title: Re: بلقى الدُنيا ( بروة ) .. لما اجيكا تايه .. ( و � Author: عبدالحفيظ ابوسن Date: 05-30-2018, 05:48 AM Parent: #8
تحياتي يا صاحب الصابونة كأنها قلم قصب او رصاص يبراها اندعاكها مع الجسد فيقولون بروة وحتي الزول البضعف فجأة لمرض او غيرة بقولو عليهو بقا بروة بس لعلك يا صاحب غابت عنك نكتة صديقك الناس بتستحمي اسكتو ومرات اكتر بصابونة الغسيل . يستحمو بيها ويغسلو بيها العدة والعدة ولهم فيها مآرب اخري 😆😆 صابون الغسيل القدر البروة زمان بي 10 ج وصابونة الحمام رديئة الصنع وصناعة محلية واصغر من صابونة الغسيل بي 10 ج وللناس الذين لا يحتاجون حماما ، لا بعرقوا ولا بتغبروا ولا بوسخوا توجد صابونة ب 300 ج اقرأ تحت في القنوات السودانية واقرا اعلانات الصوابين صابونة زي الدواء انها مافيا تجارة الكوزموتيك يا صاحب صابونة تبيض صابونة تشيل النمش صابونة صابونة
Post: #10 Title: Re: بلقى الدُنيا ( بروة ) .. لما اجيكا تايه .. ( و � Author: جلالدونا Date: 05-30-2018, 07:16 AM Parent: #9
اها صاحبك ده وشو هسى كيف غايتو هديتى ليهو صابون شعر راس بيخليهو شعر ناعم و كستنائى و ممكن يشقّو كمان و لو هبش الرموش بخليها طويلة و متلألئة انت بس لمنى فيهو
Post: #11 Title: Re: بلقى الدُنيا ( بروة ) .. لما اجيكا تايه .. ( و � Author: عمر دهب Date: 05-30-2018, 07:52 AM Parent: #10