نحن السودانيون , مجاملون لابعد الحدود , نجامل في حقوقنا , وفي واجباتنا ,
و اخيراً , نجامل في اصباغ الالقاب على اناس لا يستحقون هذه الالقاب ,, ونجامل في اخيار من يمثلنا وينوب عنا في العمل الاجتماعي و السياسي ,, وهذا بمثابة تنازل عن حق من الحقوق الاصيلة التي لا يجب علينا ان نجامل في امرها ,,
كم واحد اطلقنا عليه لقب دكتور و في الاخر طلع دكتور مضروب ,, و كم وكم ؟؟؟
(الاستنارة) ليست كما يعرفها البعض هنا على اساس انها مجرد مصابيح سيارة او دراجة هوائية او نارية ,,
هذه المجاملة مورست في اعلى قمم اجهزة الدولة , فكان الذي نحن فيه من بؤس و شقاء واذلال ,,
المجاملة هي ما اتت بنميري رئيساً لمجلس قيادة ثورة الضباط الاحرار ,,
المجاملة هي من اتت بالبشير رئيساً لانقلاب الانقاذ ,,
و المجاملةهي من جعلت للحنابر قنابر في ها المنبر ,,
ادعوا الى ترشيح خمسة بورداب لكي يتم التصويت لهم لاختيار واحد منهم ليتوج بلقب المستنير ( بدلاً عن الزول البنطط هنا و مصدق روحو انو هو المستنير) ,,
الامر متروك لكم لتكوين لجنة تقوم بهذا العمل وتضع المعايير التي من شأنها تستوجب تقديم البوردابي المعني وترشيحه لهذا السباق ,,
مبدئياً ارشح بشاشا لهذا اللقب الاستناري ,,,,
Post: #2 Title: Re: لقب (المستنير) من يستحقه ؟ Author: muntasir Date: 05-29-2018, 12:22 PM Parent: #1
يا سمعة زول أطلقه عليه مافي براهو إتلافاهو زندية
Post: #3 Title: Re: لقب (المستنير) من يستحقه ؟ Author: muntasir Date: 05-29-2018, 12:23 PM Parent: #2
بعدين بشاشا ده رجعي شديد وكان ما مصدق أسأله عن رأيه في ختان الإناث 🤔
Post: #4 Title: Re: لقب (المستنير) من يستحقه ؟ Author: حمد عبد الغفار عمر Date: 05-29-2018, 04:18 PM Parent: #3
نصر الدين عثمان
Post: #5 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 04:26 PM Parent: #3
"لا أخلع قميصاً ألبسنيه الله عز وجل" لكن تماشياً مع إستنارة العصر أوافق على التصويت أولاً على خلع اللقب من سيدا
أرجو أن يصوت الأعضاء على هذا: هل توافق على خلع لقب المستنير من المبدع الجلابي أبوبكر العباسي؟ التصويت بنعم أوافق أو لا أوافق
——— متأكد أن الحاقدين على إبداعي بالمنبر لا يتجاوزون أصابع اليد الواحدة
Post: #6 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 04:32 PM Parent: #5
تفرز النتيجة يوم الأربعاء الساعة تلاتة مساء بتوقيت غرينتش
أرجو من المدعو اسماعيل عدم التداخل إلا للتصويت
Post: #7 Title: Re: لقب (المستنير) من يستحقه ؟ Author: محمد البشرى الخضر Date: 05-29-2018, 04:34 PM Parent: #5
لا أوافق...طبعا
Post: #8 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 04:45 PM Parent: #7
شكراً ود البشرى، نقطة في عين العدو بذلك نكون ضمنا أصوات حاتم ابراهيم ومساعد الياي بوب قسم الفضيل، ياسر احمد وعبد العظيم عثمان
Post: #9 Title: Re: لقب (المستنير) من يستحقه ؟ Author: محمد المسلمي Date: 05-29-2018, 04:50 PM Parent: #8
لا أوافق
---- واستنارتك ياالعباسي لا تحتاج الي استفتاء
Post: #10 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 04:52 PM Parent: #8
لو صوّت لي الخواض أكون ضمنت الفلول وتصبح معركتي محصورة بالسعودية وكندا
الفلوترس المضمونين: الرطانة: الملك علي عبد الوهاب علاء الدين صلاح عبد الخالق عابد
Post: #12 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 04:54 PM Parent: #10
شكراً الصديق الشيخ المسلمي وكدا نضمن كامل أصوات الصوفية
أرجو من ود الباوقة التصويت قبل ساعات من قفل التصويت
Post: #16 Title: Re: لقب (المستنير) من يستحقه ؟ Author: Salah Zubeir Date: 05-29-2018, 05:03 PM Parent: #12
لا أوافق ... نيابة" عن البلياب في شرق وغرب آسيا وجنوب المحيط الهندي ونضمن تأييد ممثلنا خالد العبيد في قارة استراليا ...
Post: #13 Title: Re: لقب (المستنير) من يستحقه ؟ Author: السيد المسلمي Date: 05-29-2018, 04:55 PM Parent: #10
حمدلله ع السلامة يامستنير يامنطط :) لا أوافق 😁
Post: #14 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:00 PM Parent: #13
يا عاطل لندن، انتظر حاتم يصوت وبعدين تعال البوست للتصويت وإضافة سطر للاشادة لا غير
Post: #15 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:01 PM Parent: #14
الصوفي الرقيق السيد المسلمي شكراً يا أرباب
Post: #18 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:06 PM Parent: #15
خالد العبيد يا صلاح، لقيتو ليك ركن كبير في قبيلة اليسار، تصويتو بتجر معاهو أعداد كبيرة
Post: #19 Title: Re: لقب (المستنير) من يستحقه ؟ Author: Nasser Amin Date: 05-29-2018, 05:10 PM Parent: #13
حالتو شغال بى لمبة واحدة و اقتصادية لو اشتغلوا كلهم بطشش بيكم
Post: #55 Title: Re: لقب (المستنير) من يستحقه ؟ Author: محمد بدرالدين Date: 05-30-2018, 09:52 AM Parent: #5
("لا أخلع قميصاً ألبسنيه الله عز وجل" لكن تماشياً مع إستنارة العصر أوافق على التصويت أولاً على خلع اللقب من سيدا
أرجو أن يصوت الأعضاء على هذا: هل توافق على خلع لقب المستنير من المبدع الجلابي أبوبكر العباسي؟ التصويت بنعم أوافق أو لا أوافق) --------- دى الاستنارة زاتها .... تقلب البوست لصالحك و وجهته حيث اردت .. رمضانك احلى مع الود و التقدير .. ... و طبعا انا لسه ما تميت الخمس شهور بالمنتدى .. و زى ما بيقولو ما لحقت السن القانونى هههههههه مودتى و تقديرى للجميع بدران
Post: #17 Title: Re: لقب (المستنير) من يستحقه ؟ Author: محمد أبوجودة Date: 05-29-2018, 05:03 PM Parent: #1
Quote: مبدئياً ارشح بشاشا لهذا اللقب الاستناري ,,,,
بئس الترشيح ترشيحك إذن..
وهذا الأخ بشاشا، ذو ثلاثة وجوه "تفاكيرية بائسة" وأقيلا أربعة، فضلاً عن كونِه امّعَة كِرنكِعة، ما حاور أحداً إلّا أصابه في ذات نفسِه الانحباس والانبراش والانحِكاش ..! بل وأحياناً الطّشاش؛ والذي هو في بلدٍ كأميركا، طشاشُ شوف بن عوف ذاتو؛ ومع ذلك يزعم بشاشا وهو هاربٌ خوف الهَرشة، حتى يقول: بشاشا كَسَح .. تنفّسوا الصّعداء ..!
إنّا لله؟
وبعد التحية ورمضان كريم ليك وللكرام مُداخليك بمَن فيهم من شُهب البزاة، والرّخَمُ، رِفقاً - حِحِل بالرِّجِل - مع الطيرة ال مبارية الســَّيرة؛ أقول لك أخي إسماعيل الذي تتجمّل كثيراً هذه الأيام، ثم لا تتورّع أن تقدّم "نيو - لووك" لشخصك الـ( .......... ) بين كَرّةٍ فَمَرّة، لماذا تُضَيّق واسعا ...؟؟
ليه تبي! مُستنير واحد بس؟ من 15ألف مشترك غير القُرّاء ...؟! ياخي السودان أبدع مما ترى، وأعرَق مما تتفاكر، وأنبل ممّا تتباصَر أو تتشاطر..
وُ ياهو دا السودان..
ــــــــــــــــــــــــــــ سوداني ال جوّة وجداني بريدو .. بلا استنارات مغشوشة معاكم
Post: #20 Title: Re: لقب (المستنير) من يستحقه ؟ Author: عمر دهب Date: 05-29-2018, 05:13 PM Parent: #17
اوافق على خلع ابوبكر وترشيح بشاشا
Post: #21 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:17 PM Parent: #17
يا ناصر، اللمبة الواحدة شفتا ربطوها لي وين؟ لاقيت علي دفع الله لقيتو مبسوط من موقع اللمبة بسطة شديدة
Post: #22 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:19 PM Parent: #21
ما عافي ليك يا عمر دهب استمتاعك الملح القديم بابداعي. لكن عشان خاطر الملح مع ناس الخطيب نقول ليك: شكراً
Post: #23 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:23 PM Parent: #22
وعدتني دينا خالد بالحضور للتصويت
Post: #24 Title: Re: لقب (المستنير) من يستحقه ؟ Author: Deng Date: 05-29-2018, 05:30 PM Parent: #23
اسماعيل عبد الله محمد
سلامات.
الزعيم كمال بشاشا لا يحتاج الى ألقاب، بل هو لديه رسالة تاريخية هامة يجب أن يقوم بها.
أما الكرور أبوبكر عباس، فهو لا علاقة له بأي نوع من أنواع الاستنارة. أنه رجل رجع ومتخلف، وكان ومازالت له ميول كيزانية.
بئس الاستنارة التي يدعيها أمثاله من المنافقين والافاكين.
Post: #25 Title: Re: لقب (المستنير) من يستحقه ؟ Author: امير بوب Date: 05-29-2018, 05:45 PM Parent: #24
Quote: يا عاطل لندن، انتظر حاتم يصوت وبعدين تعال البوست للتصويت وإضافة سطر للاشادة لا غير
فعلاً اليومين دي عاطل عشان كدا سيبك من حاتم تعال لي بهناك عشان تعرف الطقطقة نص النهار !
و ما تنسى تعمل ليك كركاسة قبل ما تجي !!
Post: #26 Title: Re: لقب (المستنير) من يستحقه ؟ Author: عمر دهب Date: 05-29-2018, 05:46 PM Parent: #25
يا ابوبكر انت خليت الابداع زمان وبقيت بتاع مشاكل
Post: #27 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 05:56 PM Parent: #26
يا بوب، لو بتقابلني بالشاعرة الجميلة جداً تماضر حمزة؛ بجيك تماضر دي لا تقل ألقاً عن أميرات ويلز
Post: #28 Title: Re: لقب (المستنير) من يستحقه ؟ Author: عبدالله عثمان Date: 05-29-2018, 05:58 PM Parent: #26
دعما للاستنارة اقترح انو التصويت يتم بصيغة لا، لا اوافق او نعم، لا اوافق كيف كلنت رحلة العباسي امس لابوالعباس والعشرة الحرام
Post: #29 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 06:01 PM Parent: #28
بعد الفطور الجماعي يا عبد الله، مشيت مع محمد المشرف لمطعم أبو العباس فرق كبير بين محمد المشرف دا وداك!
Post: #30 Title: Re: لقب (المستنير) من يستحقه ؟ Author: معاوية الزبير Date: 05-29-2018, 06:09 PM Parent: #29
Quote: شكراً ود البشرى، نقطة في عين العدو بذلك نكون ضمنا أصوات حاتم ابراهيم ومساعد الياي بوب قسم الفضيل، ياسر احمد وعبد العظيم عثمان
أوسسسكااار ديل يتحسبوا كم صوت كده؟!
Post: #32 Title: Re: لقب (المستنير) من يستحقه ؟ Author: عمر دهب Date: 05-29-2018, 06:25 PM Parent: #30
شفت يا ابوبكر حتى معاويه متهرب من التصويت
Post: #31 Title: Re: لقب (المستنير) من يستحقه ؟ Author: قسم الفضيل مضوي محمد Date: 05-29-2018, 06:24 PM Parent: #29
. . اقترح عمل تصفيات تبدأ من دور ال 16 وتنتهي بمباراة فاينال ومنها يتوج البطل ... . . غايتو أنا أي زول ما برشحو دينق ، دا بيعتبر مرشحي المفضل وبصوّت ليهو وانا مغمض ......
Post: #33 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 06:28 PM Parent: #31
نلتقي يا قسوم في وحدة الكفاح والعدو المشترك
معاوية الزبير صوّت يا أخي بدون خوف من التنظيم، خالد العبيد ح يصوت لي
Post: #34 Title: Re: لقب (المستنير) من يستحقه ؟ Author: السيد المسلمي Date: 05-29-2018, 06:45 PM Parent: #33
Quote: (عدل بواسطة أبوبكر عباس on 29-05-2018, 06:03 PM
المستنير لايعدل .. من الذي يكتب باسمه :)
Post: #35 Title: Re: لقب (المستنير) من يستحقه ؟ Author: Nasser Amin Date: 05-29-2018, 06:49 PM Parent: #33
الاستنارة خشم بيوت الشاملة زي حقت ابو لمبة عند اللزوم وفي الدائرية تبدا بالجلبنة و تنتهي بي كافور المسكين و كمية من الجلد و الدقيش و الصدمات عذااااب
Post: #36 Title: Re: لقب (المستنير) من يستحقه ؟ Author: علاء الدين صلاح محمد Date: 05-29-2018, 06:55 PM Parent: #33
الان و في لحظة اطلاعي على هذا المنشور ابت نفسي الا ان تقول و بإصرار وثقة و على معرفة لصيقة بالمرشح على بطولة الاستنارة الا تعلن لا أوافق على خلع لقب المستنير من المبدع الجلابي أبوبكر العباسي الفلوتر الرطاني الدنقلاوي الأفريقي الحر علاء الدين صلاح و من فندق لايكو ريجنسي نيروبي كينيا قلب افريقيا أفريقي يصوت لعباسي شريف من ال البيت
Post: #37 Title: Re: لقب (المستنير) من يستحقه ؟ Author: سفيان بشير نابرى Date: 05-29-2018, 07:08 PM Parent: #36
بعد السلام... قال :- صديق مهدى قال :- ثم من؟ قال :- صديق مهدى قال :- ثم من؟ قال :- توفيق عيسي --- انا جادي لأنهم بقدمو السهل الممتنع كلو كلو.
Post: #39 Title: Re: لقب (المستنير) من يستحقه ؟ Author: قسم الفضيل مضوي محمد Date: 05-29-2018, 08:59 PM Parent: #37
. . صلاح غريبة مالو !!! عيّبوا لي ... . . ارشحه ملكا غير متوج للاستنارة بالمنبر لدورة 2018-2019 ... . . .
Post: #40 Title: Re: لقب (المستنير) من يستحقه ؟ Author: علاء سيداحمد Date: 05-29-2018, 09:36 PM Parent: #39
لا اوافق وارشحه للدورة الجديدة
----------- اها قصرنا معاك يا ابولمبه
Post: #41 Title: Re: لقب (المستنير) من يستحقه ؟ Author: أبوبكر عباس Date: 05-29-2018, 11:16 PM Parent: #40
أرجو من الزميل دينق احترام مشاعر المسلمين، نحن نتشارك شهر فضيل، كما أرجو منه الابتعاد المهاترات، هذا بوست حب أهداني إياه صديقي اسماعيل الذي أداعبه أحياناً بالمدعو.
كيفك يا سمعة؟ لسّ عقوبة تحديد مداخلاتك بواحدة شغالة؟ أتمنى بعد هذا الشهر الفضيل أن تُفكّ أغلالك مع الأخوان
Post: #42 Title: Re: لقب (المستنير) من يستحقه ؟ Author: عمر التاج Date: 05-29-2018, 11:27 PM Parent: #41
تحية حب لصاحب البوست ذو الاستنارة البريئة الذكية
Quote: أتمنى بعد هذا الشهر الفضيل أن تُفكّ أغلالك مع الأخوان
ما زاد على أن جعل صاحب البوست والشياطين في سرج واحد كده الاستنارة ولا بلاش وكيتا في فلول بوب هادا صوتي لود عباس البتشبه استنارتو الكباس
Post: #44 Title: Re: لقب (المستنير) من يستحقه ؟ Author: عمر التاج Date: 05-30-2018, 00:04 AM Parent: #42
ودعباس ده شيخ طريقة عديل في الاستنارة يا بوب .. إلا بس كان فاقد الدليل هسه بعد فارق دريبكم الرايح في البحر ده بدا يستعدل لكنه ما مضمون ، مرة يلد ومرة يبيض المهم ، رمضانك مبارك يا دك ، وان شاء ببركتو تزيل الفباشة القدامك دي، وتسيب درب الطرطشة المصغرة دكترتك دي.
Post: #46 Title: Re: لقب (المستنير) من يستحقه ؟ Author: محمد فضل الله المكى Date: 05-30-2018, 07:51 AM Parent: #44
. في اجتماع عاصف ليل أمس تقررشطب لقب ( مستنير ) نهائيا وعدم التعامل به في هذا المنبر.. والإستعاضة عنه بلقب ( مستنيرة )... وإذا كانت بت عمسيب وأخوانها ساكتين ليكم ساي .. فراقدين ليهم فوق راي. ............................................................ أنصار الجنس اللطيف
Post: #47 Title: Re: لقب (المستنير) من يستحقه ؟ Author: Deng Date: 05-30-2018, 08:03 AM Parent: #46
الكرور أبوبكر عباس، لا علاقة له بأي نوع من أنواع الاستنارة.
Post: #48 Title: Re: لقب (المستنير) من يستحقه ؟ Author: نعمات عماد Date: 05-30-2018, 08:18 AM Parent: #47
رمضان كريم إسماعيل و ضيوفك أخ محمد فضل الله المكي، أنت الوحيد اللي فيهم، أرشح الأخت المستنيرة آمنة مختار .
Post: #49 Title: Re: لقب (المستنير) من يستحقه ؟ Author: محمد فضل الله المكى Date: 05-30-2018, 08:39 AM Parent: #48
. نعمات جاتكم.. أبقو رقاق.. والله أنا شايف لي عجاجه هناااااك تكون دي تراجي ..... عَضَُو جلاليبكم
Post: #50 Title: Re: لقب (المستنير) من يستحقه ؟ Author: معاوية المدير Date: 05-30-2018, 09:14 AM Parent: #49
Quote: هل توافق على خلع لقب المستنير من المبدع الجلابي أبوبكر العباسي؟
بكوّر الدِكتوّر !، ينقطع صوتي كان أوافق ...
Post: #51 Title: Re: لقب (المستنير) من يستحقه ؟ Author: فرح الطاهر ابو روضة Date: 05-30-2018, 09:16 AM Parent: #49
أنت بقيت مونساتي ولا شنو يا اسماعيل ههههههههههههههههه اها انا بديه لقب محامي المنبر الفاسد
Post: #52 Title: Re: لقب (المستنير) من يستحقه ؟ Author: زهير عثمان حمد Date: 05-30-2018, 09:24 AM Parent: #51
أخي أسماعيل لك كل التحيا يصعب علي عتاة أهل العلم في بعض الاحيان تحديد لقب علي شخص محدد أي خلعه عليه بمواصفات واضحة وألعن ما في هذا الشهر جعل الالقاب نهبا هكذا لكافة الاعراب والعجم بلا تقييد كلنا من تراب في نهاية الامر ولا نستحق غير كلمة الفقير لربه فلان لك كل الود صديقي
Post: #53 Title: Re: لقب (المستنير) من يستحقه ؟ Author: محمد بدرالدين Date: 05-30-2018, 09:39 AM Parent: #1
(ادعوا الى ترشيح خمسة بورداب لكي يتم التصويت ) كلام راقى جدا يا سمعة ادعو .. و ليس اقترح .. و رمضانك كريم مع التحايا و التقدير مودتى و تقديرى بدران
Post: #54 Title: Re: لقب (المستنير) من يستحقه ؟ Author: أبوبكر عباس Date: 05-30-2018, 09:48 AM Parent: #53
الصديق الوجيه الرطاني علاء الدين صلاح لك التحيّة والود، صوتك يساوي ألف صوت مما يحسبون مع صوتك دا لو جات ستهن صوتت، طوالي بقفل التصويت وبعلن عن نفسي مستنير إلى الأبد، مهم جداً يكون في حساب لنوعية الأصوات
Post: #56 Title: Re: لقب (المستنير) من يستحقه ؟ Author: Hafiz Bashir Date: 05-30-2018, 10:27 AM Parent: #54
يا مستنير كنت داير أجاملك و اصوت لصالحك لكن كمان إنت فشلت فشل واضح في أداء مهامك الإستنارية و الدليل أهو المنبر يعج بالعواطلية و النكرات من أمثال المدعو امير بوب.
أمير بوب ارفع يدك يا عاطل، العيَّنك ما يقدر يرفع يدو.
Post: #58 Title: Re: لقب (المستنير) من يستحقه ؟ Author: Kabar Date: 05-30-2018, 11:30 AM Parent: #56
بسم الــله العلي القديم القدير القدوس ، مالك الأرضين والسموات البهية ،
انه من محمد بن النور آل كبر ، من النواحي الكندية ، بضواحي الأميركا الشمالية ، ذات الربيع والأمطار والأزهار والأسحار والمروج الندية ،
الى اسماعيل بن عبد الــله أل محمد المقيم ببوادي بحر الظلمات الهامشية ،
اما بعد..
لا يغرنك مواقف من ميع القضية ، وسواها ترشيحات وتنظيرات وهمية ،
ولا تغرنك طنقعة الفلول البشاشية من جورجية دينقية واميرية بوبية وعمرية دهبية، العاملة فيها ذات السن الملوية..
اما بلغ تلك الفلول ان الإستنارة دوما محمية ، بصوارم قواطع هندية؟..
فان كان ابكر لمبة ، فنحن الأمية..
وعليه: لا بديل لأبكر الطويل..!
وشعارنا: الداير النبش ، عضلات تبش..!!
هذا والسلام..
مع الخاتم السلطاني الرباني السليماني ، ذو النجمة الخماسية..!
Post: #59 Title: Re: لقب (المستنير) من يستحقه ؟ Author: Salah Zubeir Date: 05-30-2018, 11:37 AM Parent: #58
Quote: المهم ، رمضانك مبارك يا دك ، وان شاء ببركتو تزيل الفباشة القدامك دي، وتسيب درب الطرطشة المصغرة دكترتك دي.
قادر يا كريم ....
Post: #60 Title: Re: لقب (المستنير) من يستحقه ؟ Author: Mohamed Adam Date: 05-30-2018, 11:41 AM Parent: #59
لو الإستنارة مجرد توليف للذاكرة(تعليم) فإن الأخ د. أبوبكر بلا أدني شك مستنير ونص،. لكن لو هي تجربة ذاتية تتعامل مع الوجود بالدهشة(بإستمرار تتفتح الحواس علي ماهو موجود) فإن ابوبكر عباس، أبعد مايكون منها، بسنوات ضوئية!
يبقي مفروض نعرف ماهي الإستنارة قبل ان نصوت للرجل.
أعلاه تعريف تجربتي لمفهوم الإستنارة.
Post: #61 Title: Re: لقب (المستنير) من يستحقه ؟ Author: عمر التاج Date: 05-30-2018, 01:00 PM Parent: #60
يا بوب يا حبيب، والله كلنا بنمزح لمن الموضوع يبقى مكاواة ، وبنعتبرها نوع من التسلية والتناوش الحميد المصاحب لجريان تيار المنبر الحقيقي .. وانت من الناس البنشهد على طيبة قلبهم وان تغلف بالغلظة أحيانا ..
Quote: يا عمر التاج ياخ أنا دكترتي دي لا جبت سيرتها في المنبر دا و لا كاتب قدام إسمي حرف الدال ، و لا اخلط الكيمان !!
حرف الدال انت لو ما كتبتو فهو حقك لأنك شخصية حقيقية ، بس قصدنا نذكرك به كشهادة ورقية - تقرأ كرتونية- يندهش البعض عندما يرى شهادة دكتوراة حقيقية ، مبارية سمبرية (حلم) طالب ماجستير (معروف) بجامعة الخرطوم وزي ماقلت ليك كلنا بناخد موضوع الغلات من باب المزاح الخفيف أو الثقيل وحتى أصحابك الشبح والمستنير وغيرهم من الحقيقين والمستترين -وبحق هذا الشهر- ما شايلين عليهم في قلوبنا وأنفسنا إلا كل احترام ورغبة في المعارف والتواصل المفيد، بس لكل مقام مقال ولكل بوست حال ، أما بخصوص كلامك التحت ده عن المنبر فهو الجد صدمني جدا ..
Quote: اما بخصوص مشاركاتي في المنبر دا فهي لا تتجاوز. فك زهحة ساي و لل تتعدّي مرحلة التدوير و المكاواة يعني بتخيل نفسي ماخد لي بريك و قاعد في الترتار أقزقز في تسالي ! ... ربما يريد البعض ان يناضل من خلال المنبر ! و هناك من يتثاقف !! اما أنا ، فأتعاطى هذه الأشياء وفق قنواتها و كما ينبغي لها ان تتم و بالتأكيد المنبر دا بوضعه الراهن ليس هو المكان المناسب لذلك !! عشان كدا الواحد بجي يفك فيه قرفتو و يتمازج !
كون المنبر ده بتاريخه وعرضه وطوله يتم اختزاله في نادي للوناسة أو يبقى مجرد مكان للتسلية والطرافة فهذا لعمري خذلان مابعده خذلان وتقزيم ما دونه تقزيم يا اخ في المنبر ده في ناس قدموا حياتهم ثمنا لكتاباتهم فيه وفيهم من اعتقل بالسنوات وفيه من اتخذه وطنا بعد ان حرم عليه تراب الوطن وفيه من أدمن بين صفحاته النضال والعمل واتخذه سبيلا اوحدا عن نفسي جربت كل وسائل النضال من أجل مبادئ لعينها، ولكن ما وجدته في المنبر لم أحققه حتى عبر حمل السلاح لذا كنت دائما أنادي بالجدية في موضعها ، وأن يكون هذا المنبر منبرا (احترافيا) يخدم قضايا الوطن بصدق ولا بأس أن يتعاطى العضو مع القنوات الأخرى لتحقيق (الأشياء) التي تعضد قيمه ومبادئه التي يؤمن بها..
Post: #62 Title: Re: لقب (المستنير) من يستحقه ؟ Author: محمد عبد الله الامين Date: 05-30-2018, 01:12 PM Parent: #60
نبصم بالعشره على استنارة الجلابي د . ابوبكر ولا نوافق على سحب هذا اللقب منه
Post: #64 Title: Re: لقب (المستنير) من يستحقه ؟ Author: أبوبكر عباس Date: 05-30-2018, 02:11 PM Parent: #62
كيف فشلت يا حافظ، سمعة دا غيري أنا منو الروّضو؟ كان نار الله الموقدة، كان ما بنهبش حالياً بجي يتونس ويفتح في بوستات غرام بالجلابة. بروفسور حجر قال: لمان جينا من الغرب في الستينات للجامعة، أهلنا محذرننا من أولاد مدني والخرطوم، كنا صعبين، لكن بعد أكلنا الباسطة اتروضنا في السنة التانية عادي الزول كان ممكن يخوض مغامرة يقضي الإجازة في مدني ذات نفسها. العلم والاستنارة يا حافظ فتح لا تحس به مباشرة.
الفضل يا حافظ يعود لي بإخراج مفردة جلابي من العنصرية ويشهد على ذلك بوست: الجلابة الحلوين. خليك من الترويض لكثيرين، شوف يا أخي، الكفار ناس علي دفع الله وهيثم غالي ديل طمأنينة كفرهم سببها أنا لم ولن يمر على المنبر زول بهذا الكم الهائل من اللمبات ذاتية الإضاءة (راجع كركتير أب لمبة)
Post: #65 Title: Re: لقب (المستنير) من يستحقه ؟ Author: Bashasha Date: 05-30-2018, 02:39 PM Parent: #64
كتر خيرك ياصديقي، اسماعين عبدالله محمد او مشكور علي حسن الظن..
اما مفاهيم استنارة، حداثة، تقدمية....الخ فقوم جاكي من حاملي هكذا القاب البتحكي عن وتعبر عن وعي استلاب تراش مركزية اوربية.
نعم خبوب وعي جلابي اللي بدورو بضاعة صناعة وتركيب معامل الاحتلال الثنائي.
لهذا واحد زي النازي الابارثيدي الداعشي الطيب مصطفي هو المثل الاعلي لمستنير الوعي الجلابي هذا، اي الكوز ابوبكر عباس هذا!
السؤال هل ده صدفة؟
قطعا لا!
Post: #66 Title: Re: لقب (المستنير) من يستحقه ؟ Author: أبوبكر عباس Date: 05-30-2018, 09:57 PM Parent: #65
يا بشّة، الطيب مصطفى ليس أبارتيدي، بمعنى الطيب مصطفى ليس بعنصري
لو مُصر انو عنصري، جيب لي دليل أنو الطيب مصطفى رفض ليهو زول بسبب العنصر
أرجو أن تكون الإجابة مباشرة ومختصرة ومن غير هتافية
Post: #67 Title: Re: لقب (المستنير) من يستحقه ؟ Author: اسماعيل عبد الله محمد Date: 05-30-2018, 11:15 PM Parent: #65
يا منتصر لك تحياتي وسلامي ما هي المشكلة اساساً في السلبطة في الالقاب الغير مستحقة اما استنارة بشاشا و بحسب وجهة نظري راجعة لاكثر من سبعة آلاف سنة ,, ما زي الاستنارة المنبتة بتاعة ابكر العجلاتي المنطلقة من زمان مرور الحجيج الاقدمين العابرين الى بيت الله في مكة المكرمة ,,
ابكر العجلاتي مرحب بيك يا الطبيب البيطري ,, اطلاق الدال على الطبيب البشري مبلوعة ,, لكن تشعلق البياطرة في الدال حاجة تضرس ,,
هذا القميص لم يلبسك له الله عز وجل يا ابكر ,, سيب الدجل و الشعوذة ,, اللقب مخلوع اصلاً ,, بدليل انو الناس متهمنك بالتشعبط في اللقب دون وجه حق ,, و السودانيين بطبعهم ناس طيبين ومجاملين ,, لكن الابكراويين القادمين والعابرين ,, لاداء فريضة الحج دايماً قاعدين على الهبشة ,, لان الاساس هش ,,
ليس من حقك اعلان توقيت لفرز نتيجة ,, تركنا الامر لمن يهمهم الامر ,, ما عليك الا التصويت في حال قدمت اللجنة المرتقبة مرشحين لحمل اللقب ,,
محمد البشرى او كما يحلو لاصدقائه (ودو) , شكراً على المرور و ابداء الرأي ,, (العديل راي و اللعوج راي)
محمد المسملي لك التحية و السلام
ابكر العجلاتي ياخي اصبر شوية ما تنطط وما تعمل شوشرة ,,
امير بوب مرحب بيك
صلاح زبير اهلا وسهلا
السيد المسلمي مشكور على ايداع صوتك
ابكر العجلاتي انت هنا تمارس الانتهازية و التشويش ,, و تشتيت الكورة كعادتك ,, تضرب الناس و تبكي وتسبق الناس و تقول يا جماعة انا المستنير ,, هنا اضرار بنزاهة العملية الديمقراطية ,, وصدق من الحق اسمك باشباه الكيزان ,, لان مسلكك يؤكد على ,, الوجود العميق لهذه السمة الكيزانية في نفسيتك ,,
ناصر امين ما يخرج من اللمبة هو الانارة و ليست الاستنارة ,, ابكر العجلاتي ده (كهربجي) ضل طريقه الى طب الحمير ,,
محمد بدر الدين الزول ده خليه يخلي النطيط يمسك في واحدة اما ابكر الجلابي ( مع انو ما في جلابي اسمو ابكر) , او ابكر العباسي (مع انو ما في فولاني جده العباس) او ابكر العجلاتي (وده اللقب الانسب)
محمد ابو جودة بل نعم الترشيح بشاشا ده استنارة حقيقية تمشي على المنبر ,, وياخي الموضوع محصور في منبرنا ده سيبنا من السودان الكبير ,, و رمضانك مبارك يا اخي ,,
عمر دهب هذا هو الرأي السديد و النظر العميق ,, و مشكور على دعم مرشحنا لنيل لقب (المستنير),, ده اذا ابكر العجلاتي خلى النطيط ,, و التاثير على المصوتين باستخدامه لادوات الدجل و الشعوذة ,,
يا ابكر العجلاتي سيب عمر دهب يمارس حقه الدستوري دون استعطاف منك ,,
وبطل جقلبة يا ابكر العجلاتي و بطل كسير تلج للجنس اللطيف ,,
دينق فعلاً بشاشا لا يحتاج الى القاب وانواط .. لكن قلنا ننزل لاعب حريف في مواجهة زولنا بتاع الدافوري ده فبشاشا يمارس عمليات الحقن بالابر الكوشية باستمرار في هذا المنبر ,, و التي ادت الى افاقة الكثيرين من غيبوبات الاستلاب الحضاري ,, الا ابكر العجلاتي ورهطه ,, فشكلو ابكر الكرور كما وصفته,, يحتاج ان يوضع في كرنتينة بيطرية ثم يحقن بحقنة بيطرية من الحجم العائلي ,, عله يفيق من الهضربة ,,
عبد الله عثمان شرفت
معاوية الزبير عليك بصوتك
قسم الفضيل مقترحك جميل لكن بياخد وقت خلينا في ترشيح خمسة و من ثم نجري عملية التصويت لاختيار اكثرهم حصداً للاصوات ,,
علاء الدين ان كنت دنقلاوي بحق وحقيقة فانك لا تحتاج الى التشبه باسم ابكر العجلاتي الطويل ده (المبدع الجلابي أبوبكر العباسي ),, مط الاسم بالشكل ده دلالة على عدم الرسوخ في الارض ,, و يدل ايضاً على الانبتات وانقطاع الاثر ,, فانت يا علاء زول كوشي اصيل ,, ما تباري لي العجلاتية ,,, بضيعوووك ,,
سفيان تحياتي اضفنا صديق مهدي وتوفيق الى قائمة المرشحين ,, اذا زاد عدد المرشحين عن خمسة ,, سوف نقوم بعمل (فلترة) حتى نحصل على عدد خمسة مرشحين فقط ,,
ابكر العجلاتي شكراً على سؤالك عن حالة الحظر التي فرضت علي من قبل ادارة المنبر ,, لكن صدقني - رب ضارة مافعة ,, حظر و تحديد عدد المداخلات جعلني اكثر نشاطاً في عمود (مقالات و تحليلات) ,, هذه المداخلة الواحدة تكفي ,, فارجو ان تظل كما هي ,,
عمر التاج بالعكس شياطين الانس هم من اطلقت اياديهم في رمضان ,, و المنبر يعج بهم ,, وقد تكون انت منهم يا تاج ,, لان بوب لمح لاحتمالية انتمائك الى الجالدين لشهر التوبة و الغفران (وجه مشلضم) ,,
محمد فضل الله عندما اطلقنا حملة الانتخابات لاختيار لقب المستنير ليس في بالنا اقصاء الجنس اللطيف من خوض غمار معركة المصابيح المضيئة ,, بل ضمنياً عنينا بمستنير شمول الجنسين ,, مرحب بالكلسة بت عمسيب مرشحة لنيل لقب (المستنير/المستنيرة) ,,
نعمات عماد تصومي وتفطري على خير نرحب بترشيح الاستاذة آمنة مختار ,, لخوض مارثون اللمبات المنورة ,,
معاوية المدير اللعوج راي و العديل راي
ابو روضة لك التحية اسوي شنو ما هو الواحد اما يبقى مونساتي او يعاين من بعيد ,, يقرا و بس ,, ده سوق البصل عايز كده ... (سوق ام دفسوا) ,,
زهير عثمان مشكور على هذه الديباجة الرمضانية الروحانية الصادقة ,, رمضان كريم ,, قلنا نجدع حجر سغيروني ,, في بركة الكروراب الراكده (وجه ضاحك) ,,
محمد بدر الدين شكراً مرة اخرى ولك معزتي و تقديري ,,
حافظ بشير ابكر العجلاتي غاشيكم في موضوع الاستنارة ,, ده زول لمبة كبيرة وطافية ,,
ول ابا كبر لا يغرنك ابكر العجلاتي ولمباته و بلكاته ,, ليس لي الا ان اقول لك ما ظل يردده دوماً ولد ابونا الراحل كباشي الصافي ,,
محمد ادم الاستنارة بالطبع ليست توليف للذاكرة ولا تعليم فقط و لا نطيط و برطيع وعليه قد وضح رايك و لك من الشكر اجزله ,, (الملاحظ انو ما في زول فاهم وعندو عقل بقيف مع ابكر العجلاتي)
محمد عبد الله عموماً اللعوج راي و العديل راي
العزيز / بشاشا هذا لقب انت اهل له بحكم ترجبتنا الطويلة مع كتاباتك في هذا المنبر هذه الكتابات المنحازة بصورة مباشرة الى تنوير وتحرير العقل السوداني من الانبطاح و استنهاض همته للرجوع الى (الرووتس) و الى عريق تاريخه وحضارته ,, وفي رأي لا يمكن ان يكون الانسان ذو عقل مستنير لولم يرتبط بهلب (ANCHOR)ضارب بجذره في التاريخ ,, فاي ادعاء للاستنارة دون تحرر هذا المدعي من قيود الاستلاب الثقافي و الحضاري يعتبر نوع من الهذيان ,,
واخيراً قطع ابكر العجلاتي الجهيزي قول كل خطيب .. بقوله (الطيب مصطفى ليس بعنصري) ,, العن ابو الاستنارة ذاتو ,,
و الله مفروض من دي بس الناس يشلتو كرتونتك الاستنارية و يضربو بيها عرض الحائط ,, قال مستنير قال !!!!!!
Post: #68 Title: Re: لقب (المستنير) من يستحقه ؟ Author: nour tawir Date: 05-30-2018, 11:20 PM Parent: #67
أرجو أن يصوت الأعضاء على هذا: هل توافق على خلع لقب المستنير من المبدع الجلابي أبوبكر العباسي؟ التصويت بنعم أوافق أو لا أوافق ....
و رمضان كريم يا سمعة.. و لضيوفك الكرام.. تصوموا و تفطروا على خير
Post: #69 Title: Re: لقب (المستنير) من يستحقه ؟ Author: محمد البشرى الخضر Date: 05-30-2018, 11:24 PM Parent: #67
Quote: الملاحظ انو ما في زول فاهم وعندو عقل بقيف مع ابكر العجلاتي
روّضته شنو يا مستنير ياخ! الزول دا زعلان بي جدّه
Post: #70 Title: Re: لقب (المستنير) من يستحقه ؟ Author: خالد العبيد Date: 05-31-2018, 00:44 AM Parent: #69
صوتي للمستنير ابوبكر عباس
Post: #71 Title: Re: لقب (المستنير) من يستحقه ؟ Author: خالد العبيد Date: 05-31-2018, 00:46 AM Parent: #70
نبصم بالعشره على استنارة الجلابي د . ابوبكر ولا نوافق على سحب هذا اللقب منه --------------------------------------- ثم أتمنى من الذين يرمون المستنير ابوبكر بالكوزنة ان يقصوا أي كوتيشين يدل على ذلك
Post: #72 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 01:15 AM Parent: #71
شكراً المستنير خالد العبيد على السؤال التمحيصي.
يا سمعة، إذا نزل للانتخابات الرئاسية ياسر عرمان إبن عم الطيب مصطفى ضد عبد الله دينق نيال الجنوبي المسلم
لمن في رأيك سوف يصوت الطيب مصطفى؟
Post: #73 Title: Re: لقب (المستنير) من يستحقه ؟ Author: Hafiz Bashir Date: 05-31-2018, 01:17 AM Parent: #71
Quote: ابكر العجلاتي
يا إسماعيل ياخي إسم أبكر منتشر في مناطق معروفة في السودان و سط مجموعات سكانية معروفة. تغيرك لإسم أبوبكر عباس لإسم أبكر بقصد التقليل من قيمة أبو بكر عباس دا فيه عنصرية و إساءة للمجموعات التي ينتشر بينها إسم أبكر و مسألة ربط إسم أبكر بمهنة العجلاتي دا فيهو تنميط عنصري غير مقبول.
Post: #74 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 02:00 AM Parent: #73
أولاد دارفور دايرين يتنصلوا من ناس الطيب مصطفى الإسلاميين بعد اختلافهم معهم، ويدرعوهم فينا نحن تحت مسمى الجلابة العنصريين!! تلقوها عند النائم
Post: #75 Title: Re: لقب (المستنير) من يستحقه ؟ Author: خالد العبيد Date: 05-31-2018, 03:22 AM Parent: #74
أولاد دارفور دايرين يتنصلوا من ناس الطيب مصطفى الإسلاميين بعد اختلافهم معهم، ويدرعوهم فينا نحن تحت مسمى الجلابة العنصريين!! تلقوها عند النائم ------------------------------------- اوسكار اوسكار اوسكار يا مستنير أولاد وبنات دارفور من الكيزان لعبوا دورا كبيرا في تثبيت اركان نظام الإنقاذ
Post: #76 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 03:39 AM Parent: #75
كتب اسماعيل عبد الله محمد عن خليل ابراهيم عام ٢٠١٥: "الشهداء اكرم وافضل منا درجة ومكانة الله يسكنهم فسيح جناته
الخليل كان صامدا كالطود فقد اصبح ايقونة تلهم النشئ السوداني معنى التضحية و الفداء و الاستبسال والتفاني من اجل الغبش"
Post: #78 Title: Re: لقب (المستنير) من يستحقه ؟ Author: معاوية الزبير Date: 05-31-2018, 03:42 AM Parent: #76
نعم و ألف نعم ليك يا المستنير الملهَم
Post: #77 Title: Re: لقب (المستنير) من يستحقه ؟ Author: خالد العبيد Date: 05-31-2018, 03:40 AM Parent: #75
وبالرغم من هذا الدور المقدر فقد لعبت الإنقاذ دورا كبيرا في تحطيم منطقة دارفور وقادت مذابح وحرائق في منطقة دارفور وضعتهم تحت طائلة القانون وارتقت للجرائم الدولية وسيحاسب من ارتكبوها طال الزمن ام قصر
Post: #79 Title: Re: لقب (المستنير) من يستحقه ؟ Author: Bashasha Date: 05-31-2018, 05:51 AM Parent: #77
أولاد وبنات دارفور من الكيزان لعبوا دورا كبيرا في تثبيت اركان نظام الإنقاذ
خالد العبيد سلامي،
معقولة تكون معجب بي مخلوق زي ده مثلو الاعلي علنا واحد زي النازي الذكوري الجهوي، القبلي، الداعشي، الطيب مصطفي؟
زي ده في عرفك مستنير؟
معقولة؟
طيب تبقي اثبتا كلامنا عن الوعي الجلابي!
بعدين اولاد او بنات دارفور الثبتو النظام البيبيد اهلهم، واضح انهم ادوات والسلام كما هو حال امثال هذا الكوز ومثلو الاعلي الطيب مصطفي.
والا قول لي في مخلوق في كامل وعيو بيقبل يكون جزء من نظام نازي ابارثيد باصق في وجه ادمية امثالو او يبيد في اهلو بالملايين؟
واضح ان هناك استغلال بشع لمهمشي دارفور بواسطة نظام القتلة اللي هو ذات وعي الاسترقاق الوظفوهو العرب في امثال الطيب مصطفي والكوز بتاعك ده اي المستنير، طراطير ارجوذات الغزاة العرب من امثال الخديوي حسن البنا.
Post: #80 Title: Re: لقب (المستنير) من يستحقه ؟ Author: Deng Date: 05-31-2018, 06:44 AM Parent: #79
Quote: أولاد دارفور دايرين يتنصلوا من ناس الطيب مصطفى الإسلاميين بعد اختلافهم معهم، ويدرعوهم فينا نحن تحت مسمى الجلابة العنصريين!! تلقوها عند النائم ------------------------------------- اوسكار اوسكار اوسكار يا مستنير أولاد وبنات دارفور من الكيزان لعبوا دورا كبيرا في تثبيت اركان نظام الإنقاذ
يا خالد العبيد.
أنسان دارفور تم أستغلاله ليس بواسطة الحكومات المتاعقبة ومن قبلهم المهدية.
ولو جينا لعضوية الجبهة الاسلامية يا خالد العبيد سوف نجد أبناء الشمال هم الاغلبية في هذا التنظيم الفاشي.
فهل ذلك يعني أن "أولاد وبنات الشمال من الكيزان لعبوا دورا كبيرا في تثبيت اركان نظام الإنقاذ "؟
شوف أنا أخذت عبارتك كاملة وغيرت فقط دارفور الى الشمال.
يا خالد العبيد بطلوا اللف الدوران وقولو الحقيقة، العاطفة الدينية الاسلامية هي التي تتسبب في بقاء هذه الانظمة الفاسدة.
حزب الامة= نهج الصحوة الاتحادي الديمقراطي= جمهورية إسلامية الخوان المسلمين= الشريعة الإسلامية
Post: #81 Title: Re: لقب (المستنير) من يستحقه ؟ Author: خالد العبيد Date: 05-31-2018, 09:43 AM Parent: #80
فهل ذلك يعني أن "أولاد وبنات الشمال من الكيزان لعبوا دورا كبيرا في تثبيت اركان نظام الإنقاذ "؟ ----------------------------- بالتاكيد .. وكمان في الفساد ونهب الاموال والاضطهاد العنصري والاستحقار لابناء الجنوب وغرب السودان وجبال النوبة
Post: #82 Title: Re: لقب (المستنير) من يستحقه ؟ Author: بدرالدين بابكر مصطفى Date: 05-31-2018, 11:28 AM Parent: #81
الثلاثي البغيض سمعة أب جضيمات وبشاشا ودينق اذا اجتمعوا في جانب .. قف في الجانب الآخر ولا تبالي .. وبعداك رشهم قال ولاد دارفور كانوا أدوات استغلها الكيزان .. طيب نحن ليه ما تعتبرونا أدوات ؟؟؟
Post: #83 Title: Re: لقب (المستنير) من يستحقه ؟ Author: Abuzar Omer Date: 05-31-2018, 04:07 PM Parent: #82
رمضان كريم، غايتو، نساعدكم بتعريف المستنير، عشان الشغلة تبقى واضحة و بي فهم. المستنير من يملك: الحكمة/ الذوق العالي/ سعة الأفق/ التهذيب/ التواضع/ الاتزان/ المبدئية/ العقيدة السليمة/ الشجاعة/ الحقانية/ التسامح/ التصالح مع النفس و الآخرين/ جودة اللفظ/ المقدرة على التواصل مع كافة المستويات/ خلق الصداقات/ وأد العداوات/ العلم، المعرفة و الثقافة/ المقدرة على خدمة مجتمعه و أهله/ المرح و طولة البال/ و يكون باحث، عامل و مجتهد/ ودود و يحفظ الجميل/ لا يطفئ الغضب حكمته... Classy, Sophisticated and Articulated
Post: #84 Title: Re: لقب (المستنير) من يستحقه ؟ Author: Abuzar Omer Date: 05-31-2018, 04:20 PM Parent: #83
استنار فهو مستنير - دفع و دفق نوراني ذاتي و مقدرة على إضاءة الآخرين - و قطعاً هنالك الكثير من أهل الاستنارة هنا. و الما مستنير يمشي GYM بتاع الاستنارة، يقوي نقاط الضعف و يجتهد.
Post: #85 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 05:19 PM Parent: #84
للحق أكبر دعم وجدته في هذا البوست هو دعم البقاري الأصيل، الصديق محمد النور كبر، لو كمان جاء بريمة دعمني؛ طوالي بستولى على ملكية المنبر بلا بكري بلا بطيخ
Post: #86 Title: Re: لقب (المستنير) من يستحقه ؟ Author: osama elkhawad Date: 05-31-2018, 07:20 PM Parent: #85
أنجع الطرق لابتذال موصوع مهما علا شأنه،،
هو جعله هدفاً للتنكيت والإضحاك والسخرية،
وهذا بالضبط، وبحسن نية،
ما حدث لمصطلح التنوير والاستنارة في المنبر العام..
Post: #87 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 07:49 PM Parent: #86
كالعادة زاوية شوف الخواض للأشياء ضيقة جداً السبب في الغالب نرجسيته، أنا يا أستاذ خواض، أمارس إستنارة بطريقتي الفريدة وهي خلط بين "الجد واللعب" عبرها مررت وطرقت أصعب المواضيع وأخرجت كثيرين من الضلال إلى النور
Post: #88 Title: Re: لقب (المستنير) من يستحقه ؟ Author: osama elkhawad Date: 05-31-2018, 08:23 PM Parent: #87
الطريق الى جهنم معبّد بالنوايا الحسنة..
من الصعب إصلاح الضرر الفادح الذي حاق بمصطلح عظيم الشأن مثل التنوير والاستنارة في هذا المنبر .....
Post: #89 Title: Re: لقب (المستنير) من يستحقه ؟ Author: Mahjob Abdalla Date: 05-31-2018, 09:26 PM Parent: #88
يعني كيزان دارفور ثبتوها في عشر سنين و خلوها و بعد داك ياهو عشرين سنة مشت و ما قدرتو تشيلوهم و برضو لسة بتلوموهم. البديل منو؟
__________ افتكر ده بوست للونسة و لا داعي لـ حشر اسم دارفور فيهو.
Post: #90 Title: Re: لقب (المستنير) من يستحقه ؟ Author: nour tawir Date: 05-31-2018, 09:56 PM Parent: #89
معقولة تكون معجب بي مخلوق زي ده مثلو الاعلي علنا واحد زي النازي الذكوري الجهوي، القبلي، الداعشي، الطيب مصطفي؟ ....
كدا كويس ؟ تخّلوا بشاشا يجيب ليكم الموضوع من الآخر ؟ ناس تحب تجيب لنفسها الهوا سااااااكت...
Post: #91 Title: Re: لقب (المستنير) من يستحقه ؟ Author: أبوبكر عباس Date: 05-31-2018, 10:36 PM Parent: #90
يا تاور، خلي كضب بشّة في أنو أنا معجب بالطيب مصطفى، أنا عندي موقف من مدرسة الطيب مصطفى الفكرية الكبرى، لكن كدي اتحديني أجيب ليك إعجاب من نور تاور بداعشية كوزة إنقاذية
طبعاً ما بتكوني نسيتي لي زنقتي ليك في خانة اليك بخصوص هذا الإعجاب
Post: #92 Title: Re: لقب (المستنير) من يستحقه ؟ Author: اسماعيل عبد الله محمد Date: 05-31-2018, 11:22 PM Parent: #90
بت ابا نور رمضان كريم المستنير بشاشا حيطفي لمبات الزول المطشش ده ,, بكل سهولة ويسر ,, لانه يفتقر الى ابسط مقومات الاستنارة ,,
خالد العبيد طبعاً معروف صوتك حيمشي لابكر بحكم العصبية الماركسية اضافة لاستقباله الحميم لك بدبي ,, كلها حاجات تجبر بالخاطر ,, ما عليك .. تضامنك معه نعتبره استثناء بحكم هذه الحاجات ,,
ابكر عباس الاجابة : سيمتنع الطيب مصطفى عن التصويت. لكن يا ابكر جبتها كبيرة خلاس .. الطيب مصطفى ما عنصري ؟؟؟
حافظ بشير الزول ده اصلاً اسمو ابكر ,,
يا ابكر سيبك من عيال دارفور الموضوع يتعلق باللمبات ,, و البلكات الطافية ,, ما تتهرب ,,
الشهيد الخليل له الرحمة و المغفرة ,, اكبر من ونستنا هذه ,, فشنو لكل مقام مقال ,,
معاوية الزبير اراك انت ايضاً قد اخذتك الحمية الماركسية ارجو ان تنظر الى ابكر من زوايا عدة ,, وبعيداً عن التعصب العقدي ,,
المستنير / بشاشا هذا الابكر قد انتحر في ساحة الظلام ,, مع الظلاميين ,, وذلك باعجابه بالنازي الانقاذي الطيب مصطفى ,, لو لا هذا البوست ,, لما ادركت ان هذا المخلوق غاطس في التيه و الظلام ,, الى هذا الحد الذي جعله يمجد هذا الهتلري,,
بدر الدين بابكر طيب اعتبرناك ادوات ... اها قصرنا معاك ,,
ابو ذر عمر شكراً على المساهمة القيمة ورمضان كريم
اسامة الخواض رمضان مبارك اول من اساء لمقاصد ومعاني هذه المصطلحات ,, هو هذا الظلامي المتشعبط في لقب الاستنارة ,,
هبيبنا مهجوب ما تركز مع البلطجي ده ,, تناوله لعيال دارفور هو نوع من الهروب ,, و تشتيت للكورة ليس الا ,, خليه يركز معانا في موضوع لمباتو المخستكة ,,,
Post: #93 Title: Re: لقب (المستنير) من يستحقه ؟ Author: امجد الجميعابى Date: 06-01-2018, 01:18 AM Parent: #92
استنارة ابوبكر عباس اظنها فتح رباني و لعلها استنارة تتنزل عليه بشكل او بآخر يعني مستنير رغم انفه و انا اراد غير ذلك
Post: #94 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 03:57 AM Parent: #93
خلونا كدي يا سمعة، يا كوز، نعرف السبب البخلي خليل ابراهيم وعفاف تاور أبطال والطيب مصطفى داعشي عنصري؟
شايفك يا سمعة الكوز، درس حافظ جاب نتيجة وسحبت لقب العجلاتي، عالم تخاف ما تختشيش!!
Post: #95 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 04:36 AM Parent: #94
مهما يكن يا خواض، فأنا متقدم عليك في الاستنارة بست سنين ضوئية مثال: في بوست المايسترو بدأ الخواض في نقد صديقه الموصلي وبرنامجه نقد مؤسس، ثم وجد الخواض نفسه إن ذهب في هذا الطريق سوف يتفق مع حاتم ضد الموصلي، ماذا فعل الخواض؟ دقّ روّس (خلف) وبدأ يهاتر في حاتم!! أها زي دي أنا المستنير لا كذب، ما بعملها أصلاً ولا أنتصر لنفسي بالكضب، ولا أخالف في المشي صوت حوافري
يا أخي، لو قعدت هنا مية سنة، أظل المستنير الأوحد
Post: #96 Title: Re: لقب (المستنير) من يستحقه ؟ Author: هاشم الحسن Date: 06-01-2018, 08:03 AM Parent: #95
Quote: استنارة ابوبكر عباس اظنها فتح رباني ولعلها استنارة تتنزل عليه بشكل او بآخر، يعني مستنير رغم انفه و انا اراد غير ذلك
Big like يعنى "مصطفى" عديل كدا للإستنارة، حتى ولو حاصره الظلام! كمن يتصاعد إلى الأنوار بسلاسل من أنوار مدلاة إليه من مصدر الأنوار. بختك يا فكي أبكر العباسي،،، زي نومة مأمون ديكـ،،، حال الهنا والسرور!
حلوة وملعوبة يا شيخ أمجد يا جميعابي،، ولّ قلشة رمضانية منك ساي؟
Post: #97 Title: Re: لقب (المستنير) من يستحقه ؟ Author: Deng Date: 06-01-2018, 08:15 AM Parent: #96
Quote: بالتاكيد .. وكمان في الفساد ونهب الاموال والاضطهاد العنصري والاستحقار لابناء الجنوب وغرب السودان وجبال النوبة
طيب يا خالد العبيد لماذا لا تشير الناس اليهم ب "أبناء الشمال" كما يشيرون الي أبناء دارفور؟؟
وهل الوصف ده مقصور على أبناء وبنات دارفور فقط؟
Post: #98 Title: Re: لقب (المستنير) من يستحقه ؟ Author: محمد الأمين موسى Date: 06-01-2018, 08:38 AM Parent: #97
Quote: يا أخي، لو قعدت هنا مية سنة، أظل المستنير الأوحد
أهناك أي إمكانية لوجود مستنير من الباطن؟ عشان الناس تسترزق معاك شوية؟
Post: #99 Title: Re: لقب (المستنير) من يستحقه ؟ Author: كمال عباس Date: 06-01-2018, 12:35 PM Parent: #94
الحقيقة والحق يقال أن مفهوم ومصطلح مستنير وإستنارة قد إبتذل وأفرغ من محتواه تماما في هذا المنبر ! بعد أن كان هذا التوصيف ماركة وعلامة تسم رواد التغيير الإجتماعي والثقافي والفكري -وأصحاب الرسالات الفكرية - أصبح - محك للتندر والسخرية والتنطع - ! وأصبح من العادي التطوع والكرم الحاتمي في إضفاء الصفة-بلاتحقق بأن الموصوف يحمل الحد الأدني من مستوجباتها ومستحقاتها بل يفتقر الموصوف لأسس الصفة ويتسم بنقيضها ! * كانت هذه الصفة تطلق في هذا المنبر في عصره الذهبي علي تيار يناصر حركة التغيير الفكري والثقافي - ! والآن أصبح من ينادي بالحكم الشمولي وتولي عسكري -لمقاليد الأمور لنصف قرن من الزمان - يعني شمولية ومصادرة للتنوع والتعددية والحريات العامة مستنيرا أو من يناصر من يبشرون بمشروع فكري ظلامي إقصائي أو عنصري وظلامي - ويبرر لنهجهه وتفكيره -- مستنيرا * السؤال ماهو المشروع الفكري والثقافي والسياسي لأي مستنير أو مدعي إستنارة ؟ ماهو إسهامه - وماهي بصماته ؟ ماهو منهجه الفكري ومعالم إستنارته؟ * إذا إخرجنا من مستوي الريادة والتفرد والإسهام وإنتقلنا لمستوي مناصرة مشروع الإستنارة والتغيير الفكري والإجتماعي - فهنا يمكن أن ندرج كثر ضمن هذا التيار كمناصريين وداعميين له ومناهضيين لخصومه!
Post: #100 Title: Re: لقب (المستنير) من يستحقه ؟ Author: خالد العبيد Date: 06-01-2018, 12:49 PM Parent: #99
افتكر ده بوست للونسة ------------ - دايما ثقتي في المعلمين عالية لا سقف لها التحية لك استاذ محجوب
- زمان معاوية الزبير قال ليكم ملاحظة مريتو فيها مرور الكرام : انو حبيبنا المستنير ابوبكر العباسي زول كاواااي وغياظ في مثل هذه البوستات وبعرف متين وكيف يفور دم ناس محددة هم عارفين نفسهم !! اتمنى تلاقهو وجها لوجه انسان بسيط وساهل وودود جدا وناس
ويا حبيبنا العمدة دينق ركز معاي على كلمة الكيزان انا لا افرق بين كوز شمالي او دارفوري او جنوبي كلهم فاسدين وماعنددهم اخلاق
Post: #101 Title: Re: لقب (المستنير) من يستحقه ؟ Author: كمال عباس Date: 06-01-2018, 12:57 PM Parent: #100
الإتساق والمبدئية ووحدة المعيار -وحدها لاتجعل منك مستنيرافقد كان هتلر متسق مابين فكرته ومنهجه وسلوكه وممارسته علي ظلاميته وعنصريته وشموليته ولاإنسانيته ! وقد تجد سلفي ظلامي -مبدئي تماما في لامبدئته ومتسق السلوك والفكرة والممارسة يتسابق السلوك والتنظير والغاية والوسائل في الكهوفية والتحجر !- فحكاية أنا متسق ومتوحد المعيار إذا إفترضنا صحتها لن تجعل منك مستنيرا !_ وكذلك اللعب علي كل الحبال والتخفف والبهلوانية والتظارف لن يجغل منك مستنيرا ! - تورم الذات -التنطع والتعالم القشري والإستعراض -والنجومية الزائفة وتأنق العبارة والإسلوبلن يجعل منك مستنيرا- أنا نجم الشباك ومحبوب الجماهير دي ماب تأكل عيش في سوق الإستنارة ! * فالمستنير قد يسبح حينا ضد التيار وضد المألوف والسائد وضد العادية والمسلمات العقيمةيخوض صراعه بقوة وبلا تملق !وقد يكون غير صاحب حظوة بالميلاد ولا حظوة إجتماعية يصارع كقوة صاعدة - وسط الشوك وينحت في الصخور ! * بينما تجد مثقفا آخر يقوم بالتكريس للأمر الواقع ومصالحة القبح ومغازلة القوة الإجتماعيةالسائدة والحفاظ - علي المكاسب الإجتماعية ولحظوته ووجوده ووعيه الإجتماعي !..
Post: #102 Title: Re: لقب (المستنير) من يستحقه ؟ Author: نعمات عماد Date: 06-01-2018, 01:06 PM Parent: #100
سلامات أظن أن مقولة( ابناء دارفور مكنوا الإنقاذ) مقولة كيزانية في الأساس قالوها بعد ان اوقدوا الحرب في دارفور بعد ان تفاصلوا . قالوها شماتة في بعضهم و لكنها أساءت لغيرهم من ابناء دارفور . لو كانت الحرب في وسط السودان أو شماله لقالوا ابناء الشمال أو أبناء الوسط أو غيرهم، هم من مكن الإنقاذ . هناك رأي يقول ان الحرب في دارفور ٱشعلت، إنتقاماً من الترابي بعد المفاصلة.
Post: #103 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 01:18 PM Parent: #102
يا أستاذ كمال عباس، المخاطب في مداخلاتك دي أنا ولّ المخاطب مبني على المجهول؟
Post: #104 Title: Re: لقب (المستنير) من يستحقه ؟ Author: محمد البشرى الخضر Date: 06-01-2018, 01:19 PM Parent: #102
معليش يا مستنير بعد معايير الاستنارة الرصاها كمال عباس اسحب تصويتي و اوافق على سحب اللقب منك وارشح بدلك كمال للقب !
Post: #105 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 01:22 PM Parent: #104
طيب يا بشرى، لو دينا خالد جات صوتت لصالحي، بتخليك مع كيمو ولّ بترجع لي؟
Post: #106 Title: Re: لقب (المستنير) من يستحقه ؟ Author: محمد البشرى الخضر Date: 06-01-2018, 01:33 PM Parent: #105
المشكلة ما في منو صوت أنا لمّا صوّت ليك كنت اول واحد, لكن كمال جاب معايير جديدة اي نعم الخواض نقنق لكن هو قعّد الكلام و جيّهو
Post: #108 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 01:43 PM Parent: #106
أعتقد في مؤامرة أمس بكون الخواض وكيمو اتونسوا بالتلفون المكالمات داخل أمريكا مجانية (ضمن الباقة الشهرية)
Post: #107 Title: Re: لقب (المستنير) من يستحقه ؟ Author: كمال عباس Date: 06-01-2018, 01:42 PM Parent: #105
لاعزيزي محمد البشري لم أصنف نفسي يوما كمستنير - بمعني التفرد والإسهام والريادة - هذا التوصيف كما قلت هذا التوصيف ماركة وعلامة تسم رواد التغيير الإجتماعي والثقافي والفكري -وأصحاب الرسالات الفكرية دي الإستنارة علي مستوي الريادة والتفرد والإسهام
بهذا المعني يخرج كمال من دائرة هذا المستوي من الإستنارة ! ولكن لو إنتقلنا لمستوي مناصرة مشروع الإستنارة والتغيير الفكري والإجتماعي - فهنا يمكن أن ندرج كثر ضمن هذا التيار كمناصريين وداعميين له ومناهضيين لخصومه! ممكن جدا أن يجاهد كمال لوضع نفسه ضمن تيار المناصرة والدعم للإستنارة وهو يعلم إنه قد يحمل بوعي أو بدونه رواسب القديم والتقليدي -يصارع هذه الرواسب ويسعي لإختزالها ! * مستنير زي مناضل ممكن تزعم علي المستوي اللفظي واللغوي أنك مناضل - ولكن علي المستوي المفهومي وعلي مستوي السقف العالي لمفهوم مناضل - من حيث التجرد والصفاء والريادة والتأثير فهي مفهوم لايطاله كثر! فالشريف حسين الهندي مناضل - عبد الخالق مناضل - علي اللطيف مناضل محمود محمد طه مستنير ومناضل - ! أما مجرد مناصرة النضال - والنضال بفهمه اللغوي لن يجعلك تطال سقف النضال أو تتحلي بكل السمات والقيم التي تميز المناضل الرائد ! فلفظة مناضل إيضا إبتذلت وإستهلكت !
Post: #109 Title: Re: لقب (المستنير) من يستحقه ؟ Author: محمد البشرى الخضر Date: 06-01-2018, 01:52 PM Parent: #107
إييييك كدا جبتها كبيرة يا كمال!! كمان هبشت مصطلح مناضل! لا لا لا سيقام عليك الحد المنبري كان كدا
نرجع لمستنير, طيب يعني ابوبكر ما ينفع وانت ابيت تترشح, نقعد كدا بدون مستنير في البورد! ما ينفع كدا
Post: #110 Title: Re: لقب (المستنير) من يستحقه ؟ Author: Hafiz Bashir Date: 06-01-2018, 02:05 PM Parent: #109
Quote: المخاطب مبني على المجهول
المخاطب لا يُبنى و إنما الذي يُبنى هو الفعل. و الفعل يُبنى على ذاته و لا يُبنى على شيء و لكنه يُبنى لشيء. فإما أن يُبني الفعل للمعلوم و إما أن يُبنى للمجهول.
يلا كدا موضوع الفعل إتقتل بحثاً نجي لموضوع المخاطب: أما المخاطب فإما أن يكون في ذاته معلوم او مجهول. و وحات هاشم الحسن الموضوع مافيهو لا مجهول لا مبني للمجهول. قول بسم رب المجرات و قول أنا المستنير لا كذب و خش في الموضوع، بلا مبني على المجهول بلا بطيخ معاك.
Post: #111 Title: Re: لقب (المستنير) من يستحقه ؟ Author: كمال عباس Date: 06-01-2018, 02:10 PM Parent: #110
(إييييك كدا جبتها كبيرة يا كمال!! كمان هبشت مصطلح مناضل! لا لا لا سيقام عليك الحد المنبري كان كدا
نرجع لمستنير, طيب يعني ابوبكر ما ينفع وانت ابيت تترشح, نقعد كدا بدون مستنير في البورد! ما ينفع كدا ) أنا أبيت إترشح مش تواضع مني وإنما لأن سقف المستوي العالي للإستنارة بعيد المنال ! ابوبكر عباس مكانو محفوظ وهو يجلس متوهطا مع ( توفيق ضهاري وصديق مهدي) كثلاثي متفرد وصاحب بصمة !
Post: #112 Title: Re: لقب (المستنير) من يستحقه ؟ Author: د.محمد حسن Date: 06-01-2018, 02:19 PM Parent: #111
طالما نحن ماسكين ضنب الككو ستظل الانقاذ
Post: #113 Title: Re: لقب (المستنير) من يستحقه ؟ Author: معاوية الزبير Date: 06-01-2018, 02:33 PM Parent: #112
إنتو حافظ بشير ده مولانا في شنو بالظبط شايفو متخصص في حاجات كتيييره
Post: #116 Title: Re: لقب (المستنير) من يستحقه ؟ Author: هاشم الحسن Date: 06-01-2018, 03:29 PM Parent: #113
"إنتو حافظ بشير ده مولانا في شنو بالظبط شايفو متخصص في حاجات كتيييره" هههههههها، فطّرتني ضحكا ياخي، استغفر الله! يا معاوية، الشهادة لله حافظ مجرِّي موسوعي ولا يجارى في مضمار إلا ويقطع نفس البتجارى معاهو، وزي ما شايف براك ، يشوت ضفاري ويبني الفعل للمعلوم وليس عليه :).... واستناريا كدا، في هذا الاستحقاق الاسماعيلي الراهن، أنا شايفو المنافس الأخطر لفكي أبكر العباسي أب لمبة تبقبق،،، ما تقول لي بشاشا ولّ أي ديجانقو تاني في الشاشة الغشاشة.. لكن تحت فوق وبالجمبة كدا، يقال والعهدة ما علي، إنو البروف حافظ قد نال "كرتونة" المولانوية الكبرى في "مفهوم وفلسفة القطامة"، بل في اليوم العلينا دا يتبوأ منها كرسي الأستاذية الأميّز. فلئن تولاك بها،،، أخير تتضارى، أو لو أنت تستنير، فلتضاري على لمبتك..
Post: #117 Title: Re: لقب (المستنير) من يستحقه ؟ Author: osama elkhawad Date: 06-01-2018, 05:14 PM Parent: #116
لماذا اعترض محجوب عبدالله ؟
وذلك حين قال:
Quote: افتكر ده بوست للونسة و لا داعي لـ حشر اسم دارفور فيهو.
برافو أستاذ مححوب ،
لأنه يعرف أن أولى الخطوات لابتذال شيئ مهم،
هو جعله موضوعاً للسخرية والتندر والإضحاك والتنكيت ومضغه لتزجية الوقت...
هل سمعتم أو قرأتم عن نبي أو صاحب مبدأ مثلا يسخر من دعوته ويضحك من مبدئه ؟؟
Post: #114 Title: Re: لقب (المستنير) من يستحقه ؟ Author: Salah Zubeir Date: 06-01-2018, 02:41 PM Parent: #112
Quote: (إييييك كدا جبتها كبيرة يا كمال!! كمان هبشت مصطلح مناضل! لا لا لا سيقام عليك الحد المنبري كان كدا
نرجع لمستنير, طيب يعني ابوبكر ما ينفع وانت ابيت تترشح, نقعد كدا بدون مستنير في البورد! ما ينفع كدا )
Quote: أنا أبيت إترشح مش تواضع مني وإنما لأن سقف المستوي العالي للإستنارة بعيد المنال ! ابوبكر عباس مكانو محفوظ وهو يجلس متوهطا مع ( توفيق ضهاري وصديق مهدي) كثلاثي متفرد وصاحب بصمة !
Post: #115 Title: Re: لقب (المستنير) من يستحقه ؟ Author: Deng Date: 06-01-2018, 03:09 PM Parent: #114
" ابوبكر عباس مكانو محفوظ وهو يجلس متوهطا مع ( توفيق ضهاري وصديق مهدي) كثلاثي متفرد وصاحب بصمة ! " ـــــــــــــــــــــــــــــــــــــــــ
ههههههههههههه
Post: #118 Title: Re: لقب (المستنير) من يستحقه ؟ Author: عبد الصمد محمد Date: 06-01-2018, 05:53 PM Parent: #115
غايتو في ناس كدا زي هاشم الحسن دا لمان تشوف اسمه متداخل في أي بوست أول حاجة تفرح وتاني حاجة تقول البوست زاد زبون أما بعد البقول أبوبكر عباس ما مستنير دا في غالب الأمر يكون إتلدغ منه قبل كدا أي علماني في رأي الخاص مستنير لأنه بتكلف كتير من المعرفة عشان ما تصل للمرحلة دي إنك تجدع وراك خرصانة من التابوات مشيلنك ليها في ضهرك لحدي ما بقت جزء لا يتجزء منه (أقصد عقلك وعاطفتك) حاجة تانية لقب مستنير دا أبكور جابو بعرق جبينه شغال فيه من 6 سنوات تقريباً تجوا تشيلوه كدا في وضح النهار. أٍسألوا البروف أصلي أمبارح حلمت إنه رجع البورد أبوبكر دا ملح البورد وأنا شخصياً بكرهو بس عيبي ما بحمل ضغينة مشكلتنا في البورد دا الناس البتحمل ضغينة وما بتتناسى الأذى خارج النص ولله في كترة ناس إستفدنا منهم حتى الببدوا بدون فايدة زي عادل أمين الراجل دا مرات بديك أفكار مميزة ودالبشرى مثلاً ما علماني لكن إضافاته للبورد لا تعوض مولانا الملك وحاتم إبراهيم المغرور وعبداللطيف وبشاشا بتميز موضوعه الويحيد وكتار آخرين يستاهلوا رفع القبعة
Post: #119 Title: Re: لقب (المستنير) من يستحقه ؟ Author: دينا خالد Date: 06-01-2018, 06:07 PM Parent: #118
Post: #120 Title: Re: لقب (المستنير) من يستحقه ؟ Author: محمد البشرى الخضر Date: 06-01-2018, 06:16 PM Parent: #119
أممممممك !!!
Post: #122 Title: Re: لقب (المستنير) من يستحقه ؟ Author: Nasser Amin Date: 06-01-2018, 06:21 PM Parent: #120
المستنير، اذا قال فعل البيان بالعمل منوورة البورد
Post: #121 Title: Re: لقب (المستنير) من يستحقه ؟ Author: عمر التاج Date: 06-01-2018, 06:21 PM Parent: #119
Quote: ابوبكر عباس مكانو محفوظ وهو يجلس متوهطا مع ( توفيق ضهاري وصديق مهدي) كثلاثي متفرد وصاحب بصمة !
وليه غريبة مامعاهم؟ يا ابكر مش لو جاتك الضلامية دينا لو جاتك ليلة القدر زاتا وطلعت دينا برضو ياكا ابكر ابولمبة العجلاتي.. . . يا سمعة يا اخي ما انا الختيتك مع الشياطين المحتفى به البوسوس مع دينا خالد بالفيس هو اللي عمل وبعدين بوب شنو البتسمع كلامه؟ اسه عليك الله الشيطان منو فينا.. القاعد حر في نهار رمضان يسبح بحمد ربه في المنبر ولا القاعد في اصفاد بكري كل سنة تسعة شهور ولا المربوط بي فد مداخلة في اليوم.
Post: #124 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 08:37 PM Parent: #121
عليكم الله، دينا خالد دي لمان تظهر عابرة هنا موش بتشبه ليكم قصيدة بشرى الفاضل؟ لما تعبري في الشوارع شوفي كيف الناس تصارع ناس تطفر وناس تدفر في البشابي على نجومك وفِي البخب كايس تخومك وكل زول من عند سلافك لا لا قال دايرلو كاس
أعلن نهاية الاستفتاء وخروجي من البوست شكراً ستهن
Post: #126 Title: Re: لقب (المستنير) من يستحقه ؟ Author: osama elkhawad Date: 06-01-2018, 08:47 PM Parent: #124
تنوير الجيتو الاسفيري ام تنوير المجتمع؟؟
واضح ان هنالك من سمع لاول مرة بمصطلحي التنوير والاستنارة، ولذلك حاول ان يعيد تعريف المصطلحين...
ماهو غير واضح حتى الان بالنسبة لهذا المنبر هو من يقرأه؟؟؟
بالتأكيد هنالك القراء الظاهرون واسميهم الجيتو الاسفيري اذ ان العالم عندهم محصور في حدود التفاعلات الدائرة بين الجيتو "العضوية الفاعلة"...
وهنالك "العضوية النائمة"، وهي تستيقظ في حالتين: المس بالمقدسات الدينية ،
والحالة الثانية العزاء ، إذ أن بيت البكاء له موقع متميز في ثقافة المستعربين من السودانيين" راجع عبدالسلام نورالدين"...
وهنالك قارئ اسميه القارئ "الشبح"، وهو قارئ غير محدد المعالم ،لكنه بالتاكيد خارج إطار العضوية الاسفيرية بشكليها الجيتوهي او الفاعل والعضوية النائمة...
فمن هو المخاطب ؟؟من هو القارئ" ؟؟؟؟
Post: #151 Title: Re: لقب (المستنير) من يستحقه ؟ Author: دفع الله ود الأصيل Date: 06-02-2018, 02:55 PM Parent: #100
Quote: نحن السودانيون ,مجاملون لابعد الحدود ,نجامل في حقوقنا , وفي واجباتنا ,و اخيراً ,نجامل في اصباغ الالقاب على اناس لا يستحقون هذه الالقاب ,,
سلام يا سمعة، [} رأيي بظاهرة التنميط السائدة هنا، أنه إن گان لابد لها من نفع فأثمها أگبر من نفعها. أما أنت ، فبرغم الخلاف بشأن حلبة صراع البقاء التي تنصبها لرياضة شد الحبل و قضم الأظافر بين(جلابة و غرابة) فإنگ الأحق بأن يسبغ عليگ لباس الاستنارة كوسام شرف كبارة و نوط استحقاق و جدارة، بوسط عام يعج بجوقة من المهرجلين ، لما نلمس فيك من مجادل لبق و مشاگس صعب المراس، ناهيك عن مظنة (الترويض).
[} لاحظنا جفاف نطف مدادك ، گالمزن تطيل النجعة ، ثم ما تلبث أن تهطل ماءا زلالا و بردا و دعاشا؛ ليحفظه لك البورد گالتبلدية ودا صافيا في أحشائها گامن.
Post: #216 Title: Re: لقب (المستنير) من يستحقه ؟ Author: سامي عطا المنان Date: 06-04-2018, 04:27 AM Parent: #100
Quote: اوسكار اوسكار اوسكار يا مستنير أولاد وبنات دارفور من الكيزان لعبوا دورا كبيرا في تثبيت اركان نظام الإنقاذ
يا خالد العبيد : شارك أبناء وبنات دارفور في حكومة الكيزان لمنت كانت رافعة شعار المشروع الحضاري (.........)
يعني قبل أن يعترف يحي داؤود بولاد بأن علاقة الدم أثقل من علاقة الاسلام .... يعني قبل فرز الكيمان وإيداع عراب المشروع السجن
Post: #125 Title: Re: لقب (المستنير) من يستحقه ؟ Author: محمد حيدر المشرف Date: 06-01-2018, 08:43 PM Parent: #1
Quote: ابوبكر عباس مكانو محفوظ وهو يجلس متوهطا مع ( توفيق ضهاري وصديق مهدي) كثلاثي متفرد وصاحب بصمة !
لا والله والحق يقال .. أشهد لابي بكر عباس بأنه صديق شخصي لهاشم الحسن ومعاوية الزبير ..
Post: #127 Title: Re: لقب (المستنير) من يستحقه ؟ Author: Hafiz Bashir Date: 06-01-2018, 10:08 PM Parent: #125
يا هاشم الحسن ياخي المستنير لو ما عمل شي غير يجيبك ماري بالدرب لكفاه ذلك في شأو الإستنارة و كل ما إنت تجي محتفياً بمستنيرنا إتذكر آسيا التي بابورها في اللراك، تلك الآسيا التي إن وقفت عديل تشوف وشيك في ساقه فليل. فلا شيء يُقارن بألق حضورك سوى مقاربة سيدي الحسن القيام إحتفاءً بآسيا.
______________
جية دينا خالد كناخب عادي ما فيها إضافة سوى معلومة إنها متذكرة الباسويرد.
Post: #128 Title: Re: لقب (المستنير) من يستحقه ؟ Author: Hafiz Bashir Date: 06-01-2018, 10:11 PM Parent: #127
Quote: شايفو متخصص في حاجات كتيييره
سلام معاوية الزبير التخصص هين و المولنة ذاتا هينة بس نغلك ما لقيت وجه شبه بيني و بين صلاح غريبة؟
Post: #129 Title: Re: لقب (المستنير) من يستحقه ؟ Author: اسماعيل عبد الله محمد Date: 06-01-2018, 10:37 PM Parent: #128
امجد الجميعابي رأيك حول ابكر لا يخلو من دجل وشعوذة.
ابكر رجاءً اترك سيرة الشهيد الخليل,, حافظ بشير له رأي في استخدامنا لعضم اسم (ابكر) لكن شكلها مفردة عجلاتي اكلت معاك جمبة
كمال عباس كلام جميل و عميق فعلاً مصطلح مستنير قد ابتذل وافرغ من محتواه ,, واستبيح من قبل الرجرجة و الدهماء ,,
د.محمد حسن الككو يا هو ابكر ده ظاتو
دينا خالد (عنصر دهشة ابكر) اللعوج راي و العديل راي
بعدين يا ابكر الموضوع ده شكلوا حيستمر كتير الجقلبة ما بتحلك , اركز وانتظر انبثاقات هذا البوست ,,
Post: #130 Title: Re: لقب (المستنير) من يستحقه ؟ Author: معاوية الزبير Date: 06-01-2018, 10:41 PM Parent: #128
لا ياخ اوعى تكون فهمتني غلط مجرد تعليق شفتو ظريف ورأيت إنو علاقتي بيك بتسمح بيهو فإذا ما كان ظريف أو علاقتي بيك ما بتسمح.. بمسح
Post: #131 Title: Re: لقب (المستنير) من يستحقه ؟ Author: أبوبكر عباس Date: 06-01-2018, 10:50 PM Parent: #130
اسماعيل عبد الله محمد، رجاءً أترك سيرتي
Post: #132 Title: Re: لقب (المستنير) من يستحقه ؟ Author: معاوية الزبير Date: 06-01-2018, 10:56 PM Parent: #131
مداخلتي الفوق دي مقصود بيها مولانا حافظ بشير - - -
وننتهز الفرصة لتهنئة المستنير بالاحتفاظ باللقب مدى الحياة بعد الفارق الكبير الذي أحدثته ولاية فلوريدا (دينا خالد)
Post: #133 Title: Re: لقب (المستنير) من يستحقه ؟ Author: osama elkhawad Date: 06-01-2018, 11:07 PM Parent: #132
الفجوة المعرفية بين الجيتو الاسفيري والخطاب الثقافي
إن كان البعض من اعضاء الجيتو الاسفيري يحاولون تعريف ما هو معرف اصلاً في الخطاب الثقافي،
فهذا يعني اننا لا نتكلم نفس اللغة حين نتحدث عن "الاستنارة" أو التنوير،
وغالبا ما يحدد الجيتو الاسفيري خطابه من حدود التفاعلات الاسفيرية،،
وهو ما يعني هوة معرفية،
أو ان البعض يستغل راسماله الثقافي لاستغفال البعض....
Post: #134 Title: Re: لقب (المستنير) من يستحقه ؟ Author: Hafiz Bashir Date: 06-02-2018, 00:04 AM Parent: #133
Quote: اوعى تكون فهمتني غلط
لا أبداً والله ما فهمتك غلط قد أكون ما توفقت في الرد لكن مؤكد مافي أي مساحة للفهم الغلط أصلاً ياخي كونك تجيب سيرتي في مداخلة و بغض النظر عن محتواها شي يسعدني ويفرحني.
Post: #135 Title: Re: لقب (المستنير) من يستحقه ؟ Author: كمال عباس Date: 06-02-2018, 00:35 AM Parent: #134
خونا أسامة الخواض تحية ياريت مادمت تتحدث عن تعريف الإستنارة - تعرج علي التعريفات الرئسية لمفهوم الإستنارة وعن ماهية سمات المستنير - وماهو الفرق بين المثقف والمفكر والمستنير! ماهي القضايا - الإجتماعية والفكرية والثقافية التي تحدد موقع الشخص منها من حيث ظلاميته وإستنارته - طلعيته أو تقليديته أو محافظته ؟ ماهو الفرق بين المستنير صاحب الرسالة والمبادرة - حامل المشعل ومابين المثقف المنحاز لقيم ودعاوي الإستنارة ويقف في خطها وخندقها من دون يكون مبادرا ورائدا أو متفردا في مضمارها؟ . --
Post: #136 Title: Re: لقب (المستنير) من يستحقه ؟ Author: عبداللطيف حسن علي Date: 06-02-2018, 01:57 AM Parent: #135
المستنير شخصية حوارية, لادينية ذات هويه إنسانية, ,هدفها الرئيسي, تلاقح الأفكار بغير قيد, تسلك توجه متحرر, لا ينضوي تحت أي إيديولوجية, دين,أ و أي توجه مُعين, نخبر أيضا, أنها شخصية تهدف الي تقريب العقول ومحاولة صهر ما تنتج في قالب حواري مُنظم, يحترم التعددية, إختلاف الآراء ,فضلا عن احترام الأنسان قبل المعتقد والدين.
*تهدف الشخصية المستنيرة, الي استقطاب المهتمين, بتبادل المعارف, التماساً لتحقيق تواصل مُتمدّن متُجسّد في مناقشة : -المواضيع,الفكرية,الفلسفية,الثقافية,العلمية,السياسية,وشتى المجالات,تطارحاً,موضوعياًّ,يستنبث بذور الفوائد المعرفية,وينمّي حس التواصل المُتحضّر.
*نلفت بالذكر أيضا, أن الشخصية المستنيرة, غير معنية باحترام أي مقدس ديني, عقائدي قطعا, وهي بالعكس تثير فضاء معدوم من القيود والخطوط الحمراء ,وبالتالي حرية كاملة لمناقشة أي فكرة ومجال بكل أريحية, وبدون اعتبارات محددة.
ـــــــــــــــــ منقول بتصرف
Post: #137 Title: Re: لقب (المستنير) من يستحقه ؟ Author: osama elkhawad Date: 06-02-2018, 04:26 AM Parent: #136
Quote: خونا أسامة الخواض تحية ياريت مادمت تتحدث عن تعريف الإستنارة - تعرج علي التعريفات الرئسية لمفهوم الإستنارة وعن ماهية سمات المستنير - وماهو الفرق بين المثقف والمفكر والمستنير! ماهي القضايا - الإجتماعية والفكرية والثقافية التي تحدد موقع الشخص منها من حيث ظلاميته وإستنارته - طلعيته أو تقليديته أو محافظته ؟ ماهو الفرق بين المستنير صاحب الرسالة والمبادرة - حامل المشعل ومابين المثقف المنحاز لقيم ودعاوي الإستنارة ويقف في خطها وخندقها من دون يكون مبادرا ورائدا أو متفردا في مضمارها؟ . --
شكرا على مداخلتك.
ما أردت قوله هو أن التنوير او الانوار هو مرحلة مر بها الفكر الغربي "الاوروبي الامريكي"، لقرون طويلة ، ثم هاجر هذه المصطلح الى الثقافة العربية الاسلامية وصار الخطاب الثقافي يتحدث عن عصر تنوير عربي أو اسلامي،
وفشل ذلك العصر التنويري المزعوم في تأسيس الحداثة في مجتمعاتنا...
المسألة أعمق مما هو مطروح في المنبر وتحولت الى نوادر وطرف ، وألقاب يتم إطلاقها ،
وهذا لا علاقة له بالمصطلح في جذره الاوروبي الامريكي ولا في محاولة توطينه الفاشلة أو قل محاولات تبيئته في ثقافات أخرى...
دعونا نستمع إلى المحاضرة التالية لاركون :
Post: #138 Title: Re: لقب (المستنير) من يستحقه ؟ Author: معاوية الزبير Date: 06-02-2018, 05:49 AM Parent: #137
والله يا حافظ قايل نفسنا أصحاب ياخ ثقافة الأسافير دي عالم عجيب خلاص هسّ لو في الواقع، الالتباس ده ما ممكن يحصل يعني لو بتتبادل كتب مع زول في مدينتكم يستحيل تنسى نوع علاقتك معاهو هنا الواحد يقرأ ويستفيد.. ثم ينسى إنو المعرفة دي استقاها من منو!!
Post: #139 Title: Re: لقب (المستنير) من يستحقه ؟ Author: هاشم الحسن Date: 06-02-2018, 06:04 AM Parent: #137
يا أبكر يبدو انو لمباتك ألف وات، جابت دينا خالد والفراشات كلها جات. "وكل زول من سلافك قال دايرلو كاس" :)
زي ما قال عبد الصمد: كل شيء في المنبر دا ممكن تستفيد منو، كان ضحكة كان معلومة كان معرفة،،، يعني هو اسماعيل كان مقدم دعوة خاصة للخواض وكمال عباس وعبداللطيف:) ما ياهو حدو أم نويويرة بشاشا !! فقط عليك أن تكون أريحي ومرتاح ومتسامح tolerant enough ومن هذا الباب ستجد أن البوست مترع بشيء من كل شيء. ولله المنّة. لكن بعيدا عن كوش واخناتون وفولتير ومونتسكيو وروسو والأليوميناتي وابن رشد ومحمد عبده وأصل المصطلح ومقتضاه، وقريبا من براح الاشتقاق اللغوي والمجاز والونسة الذكية زي ونسات اسمعيل وأبوبكر دي، وبمناسبة ذكر حافظ بشير ـ الذي أهديه ما في الفيديو التالي من طرب وأحوال ـ لأغنية "يا آسيا بابورك في الأراك" فقد عنّ لي ان أتساءل: ما ممكن يعني مثلا؛ البوذي في النيرفانا، ما ممكن نقول عليهو مستنير؟ الصوفي في حال التجلي والشهود، ما يجوز نسميهو مستنير؟ محمد أي سليمان ، بكامل سلفيته، وسيوف أسئلته صليتة المعارف، ما مستنير! الزي سليمان الزغرات الطوّالي واسمعيل صاحب الربابة ما مستنيرين زي محمد عبد الحي وجاي؟ والراجل البزغرت في الثانية ١٦ من الفيديو دا برضو ما مستنير؟ والله دا فايت الاستنارة بي سلك سلكين
آسيا بابورك في الأراك كلمـــات : ابراهـــيم الزومـــة
يا آسيا بابورك في الأراك
العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص في آسيا بابورك في الأراك
آسيا فيها طبعن ياخي مفهوم وفي الفريق إن دارت تحوم أول حاجة تقيف السموم وينزل الغيث والقش يقوم لي آسيا بابورك في الأراك
آسيا واقفه دغري بلا تدابير وعودا صندل وعرقو إكسير شاهد الله إن وقفت عديل تشوف وشيك في ساقا فِلَّيل دي آسيا بابورك في الأراك
أنا لو ماكت بخاف من الله والحساب وأخشى انتو تقولوا كضاب أنا كت بحلف فوق الكتاب آسيا من نور ماك من تراب
يوم رحيلا أنا كت داير أموت وصفر البابور داير يفوت البحر صفا ليها مبسوط وشوف عيني إتشرف الحوت لي اسيا بابورك في الأراك
لزيارة كسلا راحن التكاسي اتبرعن والضرايح ذاتن رزن وكان داير يقوم سيدي الحسن
اسيا بابورك في الأراك
حاشية: لو اتسعت براحات الاستنارة فيمكن مشاهدة هذا الفيديو قبل أو بعد فيديو محمد أركون، لا ضرر ولا ضرار.
Post: #140 Title: Re: لقب (المستنير) من يستحقه ؟ Author: معاوية الزبير Date: 06-02-2018, 06:17 AM Parent: #139
متعة والله يا ود الحسن -- -- ايوه بالله قول لصاحبنا ده تيك إت إيزي انت بتدي الناس في "دينُن".. غالبك تتحمل في نفسَك الهوينة دي!
Post: #141 Title: Re: لقب (المستنير) من يستحقه ؟ Author: osama elkhawad Date: 06-02-2018, 06:29 AM Parent: #140
زبدة المقال في تخليص "الاستنارة" من الابتذال
لا يمكننا الخوض في اي نقاش حول تعريف المثقف المستنير من عدمه بدون تخليص المصطلح نفسه من شوائب الابتذال ،
وبالمناسبة أي مصطلح أو فكرة أو شخصية مهمة من السهولة الحط من شأنها والسخرية منها مهما كانت قدسيتها أو أهميتها .مثلا ناخذ التناص،
فالتناص هو تبادل الانصاص، ونص زائد نص يساوي قزازة. والهوية يمكن ابتذالها بالكلام عن "الهوية التاخدك" وهلمجرا. فالابتذال هنا يتضمن فقد الطرافة والقيمة بسبب كثرة الاستعمال الفكه، وأضيف كثرة جعله موضوعاً للسخرية والتندر، ومن هذا ينتج ظلا آخر من ظلال معنى الابتذال أي الحط من شأنه من كثرة التداول الساخر الكوميدي ، ومن هنا تصبح الاستنارة فكرة تخلو من السمو أو قل من النظر إليه كمصطلح جاد ومهم وكثيرة الخطورة مثله مثل العلمانية والاصولية والهوية ..من هنا يجب تخليصه من الابتذال .
لا أحد بإمكانه أن يمنع أحدا من ممارسة الابتذال، لكن كما قلنا هل سمعنا بنبي أو مصلح يسخر من فكرته؟؟؟
Post: #142 Title: Re: لقب (المستنير) من يستحقه ؟ Author: أبوبكر عباس Date: 06-02-2018, 07:55 AM Parent: #141
يا هاشم، مداخلتي لإسماعيل بترك سيرتي، هي نوع من الدياكة رداً على طلب سمعة مني بترك سيرة خليل ابراهيم. وهذه المداخلة مليانة أريحية بس كيف اديكم عيوني
Post: #143 Title: Re: لقب (المستنير) من يستحقه ؟ Author: هاشم الحسن Date: 06-02-2018, 08:30 AM Parent: #142
يا أبكر، مداختلك مع اسمعيل مفهومة وواقعة لينا وعيونك مانا دايرنَّهم، ركز بيهن في الكاميرا وأدينا نهاية سيناريو العباسي ويوسف ميخائيل. برانا مطششين وكلنا شايِّلو مصباح ديوجين لو نستنير لنا درب نجاة.
Post: #145 Title: Re: لقب (المستنير) من يستحقه ؟ Author: فتح العليم محمد أبوالقاسم Date: 06-02-2018, 08:40 AM Parent: #143
دكتور أبوبكر عباس تأخر كثيرا فى الإنضمام لسودانيز اون لاين. فهو رجل مستنير بعلمه وأخلاقه وكرمه بشهادة كل من قابله. رجل يحمل فهما راقيا يصعب على الكثيرين مجاراته. رجل يحمل التسامح السياسى الأصيل ويجيده عندما يستدعى الأمر. لونه السياسى السودان الوطن الواحد يقف فى مسافة واحدة مع كل من ينبذ العنف والتطرف. رجل مزاج ويجيد الحكى الطاعم. والكثير الجميل عنه. نعم مستنير من الطراز الأول. لا أوافق على سحب الاستنارة منه.
Post: #144 Title: Re: لقب (المستنير) من يستحقه ؟ Author: هاشم الحسن Date: 06-02-2018, 08:31 AM Parent: #141
يا معاوية، ياتو حديدة ياخي هو المشرف خلى فيها حديد بعد قوله: {لا والله والحق يقال .. أشهد لابي بكر عباس بأنه صديق شخصي لهاشم الحسن ومعاوية الزبير ..} بالله شوف المشرف دا! ما عارف إنو الشريف أبوبكر العباسي خير من ركب المطايا وممن تشد إلى صداقتهم الركائب. بيد إنه حامض حامض ولا يمانع مزيد خج، يا مشرف خجوا بالله وخج سعنو ولا تنخّج أبيت اللعن.
تعرف يا أسامة، "مستنير" دي ما كتيرة على أبوبكر ولا على غيرو ممن يبثون الأسئلة ذات المغزى تجاه معرفة مغايرة أو لكسر التابو أو لألقاء الضوء على المعتم، أو، وهو مهم، لرفض الاستسلام للأيقنة والتقديس والتعالي على المساءلة وتبعات ذلك. بس هو سبق غيره وقلعها طولة لسان ساي وبفن من كتابة مشوّقة ثم طفق يغيظ بها من سيغتاظ وفي ذلك متع منبرية لا تنكرها حتى أنت. ولكن، لغويا كدا، فــ "مستنير" تقع لي في محل الانفعال والاستعداد لتلقي الأنوار عن شغف وعكسها في كرم، وليس من محل الفاعل كأن تقول "تنويري" مثلا لتنتسب إلى حراك وناشطية عصر/فلسفة الأنوار أو إلى حالك/هم بروميثيوسيا منخرطا في قدح الأوار وبث الأنوار. وهذا الأخير مما لم يدعيه "المستنير" أبوبكر وهو ليس عنه ببعيد، إذ من عاشر الأنوار أربعين تشبه بها.:) المهم، يعني التنويري فكالشمس والمستنير كالقمر اليستمد منها النور، ونراه نحن جميلا جميلا ياخ. وعشان كدا عجبني كلام الجميعابي في الصفحة الأولى باشعاعه الإشراقي التليد الذي لا تخفى فيوض تسلسله العرفاني منذ أفلوطين ولي يوم الناس. لا أظن أن هذا المعنى غائب عن أبي بكر ويمكن هنا سنجد السر في ما قرأته من كلام له ينعى عليك النرجسية بما لا تقبل من مهابشاته الناقدة، وأظنه قد أحزنك بهذا وما كان يجدر به أن يحزنك إذ إنني في بالي قد قلت: وماذا على الخواض من ذلك؟ ما يتنرجس لو اتنرجس، يتنرجس فوق عزو، وبما يخوض في بحار من مجد الشعر وجد الفكر وما أناط به نفسه من عبء المثقف العضوي في ظرف مناوئ. ثم، وهل من مبدع/شاعر يخلو من تمظهرات قوية للهو والأنا والأنا العليا، والأهم من أبدية الجدل العاصف الذي يمور فيه وبه؟ أما العتب، لو كان من عتب، فعلى الإفراط في الأنا فوق الآخرين أو إذ هي خاوية على عروشها، ودا ليهو ناسو الما متلك. لكن الخواض دا اليتنرجس ما شاء له الرب، يقدل فوق أمجاده الشعرية والمعرفية ياخي. أها فكي أبوبكر اظنو الكلام دا واقع ليهو، لكنو لقاك حساس فاستمرأ مشاغبتك، ثم إنو ذائقته الشعرية لا ترقى لذائقة معاوية الزبير دايرة مباصرة وصبر. ههههههها. تخن جلدك مثل المشرف يا أسامة وأديهو بالحتة الفيها الحديدة.. لكن ما تزعل. والأهم، بالله وقَّعوا لينا ولي أسمعيل أخينا، مصطلح استنارة التي في عبء الزول التنويري يعني شنو، أكيد قرينا وبنقرأ كلامكم، وعن تجربة، بنستفيد. أما متستنيرنا دا وأمثاله، فنحن ياخي والله مستأنسين بما يتلقى ويلقي من أضواء يعكسها كما يشاء على ما يشاء من ظلمات، وكل شيخ بطريقتو.
Post: #146 Title: Re: لقب (المستنير) من يستحقه ؟ Author: Hassan Makkawi Date: 06-02-2018, 08:41 AM Parent: #141
Quote: لزيارة كسلا راحن التكاسي اتبرعن والضرايح ذاتن رزن وكان داير يقوم سيدي الحسن
اسيا بابورك في الأراك
Post: #147 Title: Re: لقب (المستنير) من يستحقه ؟ Author: Deng Date: 06-02-2018, 08:52 AM Parent: #146
Quote: زبدة المقال في تخليص "الاستنارة" من الابتذال
لا يمكننا الخوض في اي نقاش حول تعريف المثقف المستنير من عدمه بدون تخليص المصطلح نفسه من شوائب الابتذال ،
وبالمناسبة أي مصطلح أو فكرة أو شخصية مهمة من السهولة الحط من شأنها والسخرية منها مهما كانت قدسيتها أو أهميتها .مثلا ناخذ التناص،
فالتناص هو تبادل الانصاص، ونص زائد نص يساوي قزازة. والهوية يمكن ابتذالها بالكلام عن "الهوية التاخدك" وهلمجرا. فالابتذال هنا يتضمن فقد الطرافة والقيمة بسبب كثرة الاستعمال الفكه، وأضيف كثرة جعله موضوعاً للسخرية والتندر، ومن هذا ينتج ظلا آخر من ظلال معنى الابتذال أي الحط من شأنه من كثرة التداول الساخر الكوميدي ، ومن هنا تصبح الاستنارة فكرة تخلو من السمو أو قل من النظر إليه كمصطلح جاد ومهم وكثيرة الخطورة مثله مثل العلمانية والاصولية والهوية ..من هنا يجب تخليصه من الابتذال .
لا أحد بإمكانه أن يمنع أحدا من ممارسة الابتذال، لكن كما قلنا هل سمعنا بنبي أو مصلح يسخر من فكرته؟؟؟
شكرا اسامة الخواض.
يا ابو لمبة امشي شوف لك شغلة تانية.
Post: #148 Title: Re: لقب (المستنير) من يستحقه ؟ Author: أبوبكر عباس Date: 06-02-2018, 12:42 PM
تعقيباً على مداخلتك يا إبن سيدنا الحسن ابقبة لبنية بشعر ابن عمي: أنا الذي نظر العمى إلى أدبي و أسمعت كلماتي من به صمم أنام ملء جفوني عن شواردها ويسهر الخلق جراها ويختصم
Post: #149 Title: Re: لقب (المستنير) من يستحقه ؟ Author: أبوبكر عباس Date: 06-02-2018, 12:45 PM Parent: #148
سقطت كلمت استشهد من المداخلة الفاتت
Post: #150 Title: Re: لقب (المستنير) من يستحقه ؟ Author: كمال عباس Date: 06-02-2018, 01:28 PM Parent: #149
قبس الآستنار ة ة قبل خمس - ستة قرون من الزمان كان السائد هو - الكهنوت والظلام - السحر والشعوذة والتخلف والأمية والجهل والملكيات المطلقة والإقطاع - وسطوة رجال الدين والتفسير الكهنوتي لظواهر الكون - وكانت القوي الصاعدة ورواد التنوير والتغييريصارعون من أجل تثبيت قيم العلوم ( الطبيعية والإجتماعية) والرهان علي إنسانية الإنسان وضميره وعقله وحرية خياره وقراره - بعيدا عن الكهنوت وسطوة الملوك رجال الإقطاع -والتفاسيرالبالية للقوانين الطبيعية وحركة الكون - , ,هنا إنفتح القمقم وإنكسرت القيود وتحرر العقل وقفزت البشرية إلي الأمام- الكشوف الجغرافية - تقدم الفنون والرسم والنحت والأدب - والعلوم الطبيعية - إنهار الإقطاع وتحرر الأقنان وعبودية الأرض وبدأ النظام التجاري والرأسمالي وبواكير المجتمع الصناعي والبؤرالمدنية والحضرية - وأصبحنا نتحدث عن الحرية والديموقراطية والعقد الإجتماعي ومالله لله ومالقيصر لقيصر وفصل الدين عن الدولة والسياسة - بل كبح جماح قيصر نفسه وتحديد سلطاتهوالملكيات الدستورية - ثم إنفجرت الثورة الفرنسية لاحقا ! ,,تعدد منصات شعل الإستنارة والنهضة والإصلاح إنطلقت بعض شعل الإستنارة والإصلاح من داخل حقل الدين نفسه اللوثرية والبروتستانت وغيرها كما إنفجر بركان الإستنارة من خارج حقل الدين - من حقول العلوم الطبيعية والإنسانية ومنالعقول الصاعدة والباحثة عن الحقيقة !, , الإستنارة عندنا تشابه وإختلاف الواقع والتركيبة الإجتماعية بيننا والغرب - الجهل والتخلف وإستغلال الدين وتوظيفه كأداة كبح أو تكريس للأمر الواقع - الطائفية والتبعية - التصوف السلبي والخمول والخنوع - بنية إقتصادية وإجتماعية متخلفة - الإستبدادوالتسلط - والقهر والجانب السالب للقبلية والجهوية والعنصرية والتعالي العرقي ودونية المراة وتهميش الأقيات-** ثم الإستعمار - المدرسة ومؤسسات الدولة الحديثة - المجتمع الزراعي والتجاري وبواكير الصناعةوالمجتمع المدني والحضري -ثورة علي عبد اللطيف ومؤتمر الخرجيين ومجلة الفجر وخليل فرح وبزوغ فجر الأحزاب - قديمها وجديدها والقوي الخديثة والقوي التقليديةوبداية الصراع بين القديم - السائد والجديد الصاعد - الحس الوطني والإنساني - مقابل التسليم والمسلمات والتابوهات - وعقلية القطيع - العلم -وتحرير العقول والإنحياز لإنسانية الإنسان وقيم العصر والسباحة في مجري التاريخ - العولمة وثروة المعلومات - مقابل الإستبداد والقهر وإستغلال الدين لقهر المراة ومقاومة التغيير وتكريس واقع الإستبداد - مقتل الأستاذ محمود وحد الردة وبتر وقطع الأطراف والجلد والقهر وإباحة السلب والنهب والإستبداد - تعالي الحس الجهوي والقبلي والتمزق والتفتت !- المستنير والإستنارة ماهو المستنير وماهو دوره ورسالته - ماهو دوره تجاه قضايا التغيير - المراة والإقليات - التنمية والقيم الإنسانية وقيم العصر والإنتصار للعقل والإنسان والعلم ومواجة القديم المتكلس والجهل والتخلف والإستبداد والإنهيار والتمزق ! أين المستنير - إي مستنير من هذا ! بل وقبل هذا أين المستنير الواعي بذاته وبدوره وبدرجة تطور مجتمعه ومعالم التركيبة الإجتماعية ! **.. لاتبذلوا مفهوم الإستنارة ولاتتعاملوا مع المفهوم بسطحية - لاتجاملوا ولاتتعاملوا بعقلية الأستلطاف والشللية وصاحبي وصاحبك علي حساب الحقيقة والحق - قليلا من الجدية والموضوعية والصرامة الفكرية والعلمية - لايضر بل هو ضرورة !
Post: #152 Title: Re: لقب (المستنير) من يستحقه ؟ Author: Deng Date: 06-02-2018, 03:05 PM Parent: #150
كلام كمال عباس الفوق ده نسف فكرة الكوز السابق أبوبكر عباس تماما.
أنت رجل من المعجبين بالطيب مصطفى الخال الرئاسي العنصري ، ومن المعجبين أيضا بالكاتب العروبوي والمتمسح بجبة الكيزان عبد الله علي إبراهيم ومعحب أيضا ب مصطفى البطل أكبر إنتهازي في السودان.
وأنت أيضا صاحب مواقف إنتهازية ورجعية بالمنبر. فعن أي أستنارة تتحدث بها أنت ويتحدث بها أصحابك؟ دي مجاملة فارغة ساكت وحكي فارغ بتاع قهاوي الشيشة في دبي.
ملاية ولمبة.
Post: #153 Title: Re: لقب (المستنير) من يستحقه ؟ Author: كمال عباس Date: 06-02-2018, 05:44 PM Parent: #152
*** نجي للسيد ابوبكر عباس هو في اعتقادي مثقف. ( بالمعني العريض ) للمصطلح شانه عشرات الكتاب في هذا الفضاء الاسفيري وهذا المتبر ومثله مثل عشرات الآلاف من السودانيين .....
Post: #154 Title: Re: لقب (المستنير) من يستحقه ؟ Author: osama elkhawad Date: 06-02-2018, 05:59 PM Parent: #153
هاشم صالح: الانسداد التاريخي :لماذا فشل مشروع التنوير في العالم العربي:
Quote: إني لأخشى أن يحصل لكلمة "ديمقراطية" ما حصل لكلمة "الوحدة والحرية والاشتراكية" من قَبل.
فسوء الاستخدام أو كثرة الاستخدام لمناسبة أو غير مناسبة، تؤدِّي بالكلمة إلى الابتذال وفقدان المعنى،
بل التآمر على المعنى الأوّلي.
ويلزمنا عندئذ أن نغسلها بثاني أكسيد الكربون قبل أن نستخدمها
لم تدر بخلد هاشم صالح حفلات السخرية والتندر والتنكيت الكوميدي الجماعي ....
Post: #155 Title: Re: لقب (المستنير) من يستحقه ؟ Author: أبوبكر عباس Date: 06-02-2018, 09:39 PM Parent: #154
التحيّة للأصدقاء الجميعابي وفتح العليم المشكلة منو البقنع زي الخواض انو أنا مبدع مختلف أنا لمان أقارن نفسي بالخواض بتذكر مقارنة علي المك بين ساليري وموزارت في تقديمه لكتاب بشرى الفاضل، قال: ساليري (الخواض) كان موسيقياً جيداً، لكنه لم يكن عبقرياً مثل موزارت (المستنير) وحين خسر معركته الضروس؛ إعترف بالعبقري فشنو يا خواض، صحي إتّا مثقف عظيم، لكنك لا تقارن بي فشنو؟ أقول ليك كلام بدو: أرعى بقيدك وكمان شنو؟ الخواض في تحالف مع كمال عباس!! يعني لو قريت ليك مداخلتين ليهم الاتنين ورا بعض؛ بتفطر بتفطر يا يجيك وجع ظهر
Post: #156 Title: Re: لقب (المستنير) من يستحقه ؟ Author: osama elkhawad Date: 06-02-2018, 10:16 PM Parent: #155
وأيضاً:
تميت الاستنارة...
Post: #157 Title: Re: لقب (المستنير) من يستحقه ؟ Author: أبوبكر عباس Date: 06-02-2018, 10:39 PM Parent: #156
يا زول، الكلام دا ما فوقو ضحك، البلاروسية منو كدا أخذت العام الماضي جائزة نوبل للآداب، هي تكتب أدب الحكي الساهل بتاعنا دا. أي زول بقراهو يلقى روحو هو بطل القصة أنا يعتبر نفسي من رواد هذا الأدب الإنساني الاستناري هذا الأدب إكتسح أدب الإخوانيات بتاعكم وعبره نرسل آلاف الرسائل الفكرية والإنسانية والسياسية زايد حاجة مهمة وهي المتعة
Post: #158 Title: Re: لقب (المستنير) من يستحقه ؟ Author: عبدالمنعم الطيب حسن Date: 06-02-2018, 11:40 PM Parent: #157
ابوبكر كوز عليه لا يمكن له ان يكون مستنيرا وكوزا في ذات الوقت يكفيه انه كوز اما الاستنارة دي رقيصا ماعندو ليهو رقبة ابوبكر هو من اطلق على نفسه مستنير وصدق هو واحدا من الناس الحولو المنتدى لونسة بابكر متعلم عربي جعلي هاشمي أمريكي يعالج نياق شيوخ الخليج مليونير نرجسي ؛ كلو جايز!!!! ................ لكنه ليس مستنيرا ابدا ولن يكون....
Post: #159 Title: Re: لقب (المستنير) من يستحقه ؟ Author: عبدالمنعم الطيب حسن Date: 06-02-2018, 11:45 PM Parent: #157
ابوبكر كوز عليه لا يمكن له ان يكون مستنيرا وكوزا في ذات الوقت يكفيه انه كوز اما الاستنارة دي رقيصا ماعندو ليهو رقبة ابوبكر هو من اطلق على نفسه مستنير وصدق هو واحدا من الناس الحولو المنتدى لونسة بابكر متعلم عربي جعلي هاشمي أمريكي يعالج نياق شيوخ الخليج مليونير نرجسي ؛ كلو جايز!!!! ................ لكنه ليس مستنيرا ابدا ولن يكون....
Post: #160 Title: Re: لقب (المستنير) من يستحقه ؟ Author: Abdelrahim Mohmed Salih Date: 06-03-2018, 00:44 AM Parent: #159
تحياتى يا اسماعيل وتقدير لهندسه الحوار هنا رغم عثره ربط اسم ابكر بمهنه معينه وهى شريفه وتحترم لكنها اتت فى سياق عنصرى لايليق بالاستناره كما ذكر حافظ بشير اما فيما يتعلق بالمستنير هناك من يلتقط الفكره من مفردات قليله ربما جمله او اقل مما تقرأون فيكتفى بها ولايلتفت لبقيه حديث ظاهره كفر محض وهو غير ذلك هناك من تمنعه كيمياء تواصل وإختلاف موجات فى اطوالها وتذبذباتها وهناك اخرون من دونهم لانعلمهم وهناك المستنير فى عزله وسخريه ظاهره تعشق المكاواه عرضا وليس غرضا ربما لضبط إيقاع داخلى او لتحييد طاقات تشويش تفسد سلام داخلى منشود ومفقود جوهر الاستناره يورث الألم والوحشه ويعتق الروح من أسرها او كما قال.... من قال لا فى وجهه من قالوا نعم
Post: #161 Title: Re: لقب (المستنير) من يستحقه ؟ Author: كمال عباس Date: 06-03-2018, 01:03 AM Parent: #160
أبوبكر عباس أديبا ! تقليد تايوني لملاسي ! بس لو عملنا منافسة بينو وبين كيكي ( عبد الكريم) وجني بطلع الطيش ! من الإستنارة للأدب ! دا كلو عشان يقول للخواض أنا أشطر منك في "كارك" ليس كل أديب مستنير و ولا كل مستنيرأديب ! ولا كل كاتب أو مثقف مستنير أو أديب! !jack of all trades and master of none الكتابة الفوق دي ساخرة - يعني ماجادة - لأنو ماعارف الزول جادي أو بهزل في مسألة إنو أديب ! - أديب؟ أديب راوي - قاص - شاعر - ناثر أدبي - حكواتي !؟
Post: #162 Title: Re: لقب (المستنير) من يستحقه ؟ Author: نعمات عماد Date: 06-03-2018, 01:40 AM Parent: #161
Quote: أبوبكر عباس أديبا ! تقليد تايوني لملاسي !
ألحقو يا ناس اتحاد الجودو شوفو المسكة دي ☺ لكن يا العباسي تستاهل، تقوم بالسلامة ان شاء الله💐
Post: #163 Title: Re: لقب (المستنير) من يستحقه ؟ Author: هاشم الحسن Date: 06-03-2018, 03:22 AM Parent: #162
إبداع يا دكتورة نعمات، إبدااااع! شكلك ريالالبية برضو، قبقبو ورقد بيه الواطة! ها ههههها هههها، ملاسي تايواني ههههها! دي الكارما، الكارما،، ورب المجرات كارما يا أبوبكر!
استعان المستنير المجري المدوِّراتي بالشاعر (الظلامي) "أنا الذي نظر العمى إلى أدبي و أسمعت كلماتي من به صمم أنام ملء جفوني عن شواردها ويسهر الخلق جراها ويختصم" ففتك به كمال (الأسدي الراموسي) فتكة (ملاسية) تايوانية مذدوجة.
بس الضحكة رمضانية ذهبية، أضحك الله أيامكم. أحلى من تمر الفكي السيدو شايلو ومشتهي .. بقة عسل نقي.. عِلّا ملاسي مظلوم والله، درعتوها ليه في رقبتو لا حاري لا داري!
Quote: الكتابة الفوق دي ساخرة - يعني ماجادة - لأنو ماعارف الزول جادي أو بهزل
كمال شكلك جلدك ماشي يتخن وقربت تلحق ود المشرف.
Post: #164 Title: Re: لقب (المستنير) من يستحقه ؟ Author: نعمات عماد Date: 06-03-2018, 05:32 AM Parent: #163
Quote: إبداع يا دكتورة نعمات، إبدااااع!
لا و لن أخفي فرحي بهذه الشهادة من الأستاذ المبدع هاشم الحسن. ☺ رمضان كريم يا أستاذ . ما لي في الريال و البارسا، لكن جيت اواجب ابوبكر عشان خيرو سابق علي.😊 و بالمرة أقرظ هذه النوعية النادرة من كتابات أستاذ كمال عباس. يا العباسي هاك هدية ترضية: أغنية الحوت الرائعة .
Post: #165 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 05:35 AM Parent: #163
في الحقيقة أنا جبت الإبداع الأدبي بتاعي ومعاهو عشرة لمبات استنارة وكبيتن في خلاط وطلع للناس: الأديب المستنير. لاحظ لنصي الإبداعي "أربعة مداحين ومرة" المرة (نعمات البسوس) أول ما ركبت مع المداحين في اللوري، طوالي قعدوا يفتشوا ليهم في حجر يتقوا بيهو شرها، نفست عن شرها بطريقة داعشية وشاكلت الكمساري وهددتو انو يوم القيامة بتشتشوا حي في النار!! كمساري وهي عاملة فيها دكتورة قال ليها: هوي يا مرة، هوسك بتاع الدين دا خليهو، معقول الله يرمي ليهو زول حي في النار؟!! هسّ العتود دا بتقدري ترميهو حي في النار؟! خلي العتود، سوسيو بتقدري ترميهو حي في النار؟! خلينا من داعشيتك وهوسك وخرافاتك، أدفعي من سكات.
خلي الخواض يكتب مع المثقفين المعسمين في الحوار المتمدن مية سنة ويرسل ليهو استنارة زي دي، نحنا عندنا رسالة جنب قدرة فول بنقولها في ميدان عقرب بنقولها
لو سمحتو، ما تزعلوني أكتر من كدا
Post: #166 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 05:40 AM Parent: #165
بعد ميدان عقرب سقطت جملة: في فندق جميرا بيتش بنقولها
Post: #167 Title: Re: لقب (المستنير) من يستحقه ؟ Author: نعمات عماد Date: 06-03-2018, 05:57 AM Parent: #166
Quote: نعمات البسوس) ، حجر يتقوا بيهو شرها، نفست عن شرها بطريقة داعشية وشاكلت الكمساري وهددتو انو يوم القيامة بتشتشوا حي في النار!! كمساري وهي عاملة فيها دكتورة قال ليها: هوي يا مرة، هوسك بتاع الدين دا خليهو، ؟!!
خلينا من داعشيتك وهوسك وخرافاتك، أدفعي من سكات.
! Nonsense و ربما هضربة! ما وريتنا رأيك في كلام أستاذ كمال عباس ؟
Post: #168 Title: Re: لقب (المستنير) من يستحقه ؟ Author: Abuzar Omer Date: 06-03-2018, 06:15 AM Parent: #165
كل من ينير القراء، عن ماهية الاستنارة، أنت المستنير حقاً. و لن يصل إلى الاستنارة من لا يدرك معناها و يوجه بوصلته و سعيه المُجِد نحوها. مرحب بالمداخلات المرحة، الفخيمة و الثقيلة في ميزان الاستنارة. يا أبوبكر أكرب مداخلاتك، فهنالك من يهدد عرشك في هذا البوست. القارئ قد يجد في هذا البوست مستنير أجدر، فتهزم في ملعبك، وسط جمهورك و بتحكيم من اختيارك. بلييس غير الخطة. I'm just saying
Post: #169 Title: Re: لقب (المستنير) من يستحقه ؟ Author: هاشم الحسن Date: 06-03-2018, 08:02 AM Parent: #168
مقتبس ممكن الزول يتسحر بيهو
Quote: جوهر الاستناره يورث الألم والوحشه ويعتق الروح من أسرها او كما قال.... من قال لا فى وجهه من قالوا نعم
يا دكتور عبد الرحيم وكأني بك وقد "أدخلتك يد الله في التجربة". تـكابد وتعرفك المكابدات! ـــــــــ أسامة كتب (عبر الصورة): كثرة الضحك تميت القلب... وأضاف: وأيضا تميت الاستنارة.. وارد جدا..احتمال كبير! ورغم إني والله، ورغم كل المحاذير، في وارد متكاثر من الضحك.. يمكن لأنكم كترتوها حبتين وكان ما ضحكنا يانا البكينا!! لكن لو استهدينا بالله شوية كدي؛ فليس غريبا أن نجد التنوير والإستنارة حتى في الضحك وبل في المكاواة، فالأنوار، من طبعها، ستنقب لها في أي الجدران ولو ثغرة. و كما أفادنا المستنير عن حملات تبشريه التنويري العمومية اللاصفوية
Quote: جنب قدرة فول بنقولها في ميدان عقرب بنقولها في فندق جميرا بيتش بنقولها
وأشهد أنه صادق! فحأقول ليهو أيضا ومثلا؛ إن الإبداعية المستنيرة بمعادلها الموضوعي ـ قضية الحجر ـ في نصه "أربعة مداحين ومرة" ـــ والمرأة بالتأكيد ما د. نعمات، شن اليركبها على ضهر لوري مضهب في الفيافي كمان؟ ـــ قد يحلّها ـ على طريقته ـ هذا المقتبس
Quote: الليل أوسع من حواجب دهشتي، و"أنا" المسربل بالخطايا، استجير بما تبقّى من "يسوعي"، في دمي، وأنا المسربل بالذنوب، وبالكبائر، سوف أرحل دون ألقابٍ، ومدحٍ، وأكون ممتنّاًّ، بأني قد شهدت، وعشت عصركِ: عصر "سلوى"
من قصيدة لأسامة للخواض. وها أنظر ما أبعد "حجر الشؤم" عن "عصر سلوى" وما أقرب المؤدى. أو ستجد الاستنارات في نصوص أخرى لأسامة كمثل:
Quote: قلت: "يا حب كُنْ رَحِبا لأماندا، وصاحبها الأسباني، وكُنْ مسكناً، لهواجس صاحبتي القرويةِ، كُنْ ماهلا لأناي، وكُنْ فرح الغرباء، ومشكاتهم، في دهاليز هذا الظلام العميق، وللبنت طارت عصافيرها ، في سماء" فلي"،
Quote: وبما تملكين من الدهش الرعوي، تديرين مملكة السفر الكوكبيِ، وتبتكرين نهارا باكمله، وبأنجمه، في زمان الثلوج، وكنت منمنمة الروح، عاليةً، كالنشيد المفصّص بالصلوات، وباذخةً كاليوتوبيا، عليك اتكأت، اتّكلت، انهمرت، النهارات طاعمةٌ، كنساء "فلي"، والمساءات منعشةٌ، كالنبيذ الكاليفورني،
Quote: سأحميكم من الذكرى، وفيض شجونها الناري، أحميكم من التوقِِ المريضِِ، و من عذاباتِِ الحنينْ انا حارسُ النسيان، أصرخ فيكمو: "قوموا إلى النسيان، و اعتصموا بحبل مديحهِِ، ناموا على إيقاعهِِ ، كي تسلموا من لسعة الذكرى ، ونوبات البكاء الملحمي \العاطفي \الطوطمي، وحصّنوا أرواحكم بتميمة النسيان، و اجترعوا قليلا من عذوبتهِِ، لتقتربوا، على مهلًٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ من الماضي ، ولا تهنوا، إذا ولغوا سدى، في حب ماضيهم، ولا تهنوا كثيرا، أو قليلا ، سادتي ، لا تحزنوا ، ها انتم الأعلون في النسيان، انتم سادة الهذيان، أحميكم من النوستالجيا، قوموا إلى النسيان ، و اغتسلوا من الذكرى كثيرا،
أو، "سوف نبني مدينتَنا بالمحبَّةِ، نسقفُها بفراديسَ مُخْضَرَّةٍ" وهكذا نصوص يا مستنير، ضاجة بالأنوار، على طريقتها! وهي أيضا نصوص، لو النفوس اتطايبن، ممكن برضو تقرأ تحت فانوس بتاع الفول وفي ميدان عقرب وفي هذا المنبر لكن أنا أهديك روابط لها لتقرأها في كامل بهائها على كاس شاي أخضر في الجميرابيتش، توزن راسك وروحك ياخي من جنس مكابدات عبد الرحيم الفوق ديلاك، وهيهات!
ــــ وهمسة يا أسامة؛ ما قلت ليك، ها قد أعادني البوست إلى قراءة جديدة في نصوصك ومنها الـ (مفرد بصيغة جمع الحنين)، فتنورت في أم روحي دي. والغريبة، استرعى انتباهي (تناص) حميم في أجواء ودراما نص المفرد ولم أك ألحظه قبلا، مع أجواء ودراما نص إليوت (أغنية حب ألفريد ج بروفروك)! والأغرب، هذاك النص الإليوتي على قتامته كثقب أسود، فهو شديد الإنارة كسوبر نوفا، علما بأن السيد توماس ستيرنز إليوت في ذات نفسه كان متهما بالرجعية والظلامية!!
حتى تحت أنوار الإستنارة الساطعات، يا للالتباسات اللانهائية!! لكن الحمد لله برضو، دي براها هسع ما استنارة أهداها لي أبو السباع؟:)
Post: #170 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 10:26 AM Parent: #169
يا أبا ذر، نرحب انو اللقب يمشي لزول يستحقو، لكن في اتنين لو مشى ليهم، مرارتي بتنفقع كمال عباس، والخواض والمشرف لكن لو تاني مشى لأي زول، ما فارقة إن شاء الله حتى لو مشى للمدعوة نعمات حمّاد
Post: #172 Title: Re: لقب (المستنير) من يستحقه ؟ Author: محمد البشرى الخضر Date: 06-03-2018, 10:36 AM Parent: #170
Quote: لكن في اتنين لو مشى ليهم، مرارتي بتنفقع كمال عباس، والخواض والمشرف لكن لو تاني مشى لأي زول، ما فارقة إن شاء الله حتى لو مشى للمدعوة نعمات حمّاد
اولا ديل تلاتة ما اتنين لكن لا ما تشيل هم يا بكّور لأنّو الـ sense of humor عامل مهم برضك :)
Post: #171 Title: Re: لقب (المستنير) من يستحقه ؟ Author: Faisal Saad Date: 06-03-2018, 10:29 AM Parent: #169
السلام و التحايا للجميع هنا و أن شاء الله طيبين.. الدكتور أبوبكر محمد احمد عباس استنار و نور و ملأ جنبات و اركان هذا المنبر بحكي شيق و ممتع و خاطب الناس بلغة بسيطة سهلة و سلسة و في متناول فهم و استيعاب جميع القراء، و هنا يكمن سر تميزه و نبوغه و ابداع ما يكتب،، على ضوء هذه الحقائق و رؤيتي الشخصية أجد شخصي الضعيف منحازا بلا تردد لدعم ترشيحه مستنيرا بجهده و عرق جبينه و صبره و مثابرته، و ادعم تثبيت مكانته المرموقة كمستنير و كاتب روائي اديب متفرد و أن أتى التصويت الديمقراطي الحر بغيره، و حواء والدة..
و أبقوا طيبين..
Post: #173 Title: Re: لقب (المستنير) من يستحقه ؟ Author: MOHAMMED ELSHEIKH Date: 06-03-2018, 10:49 AM Parent: #171
لا حولتنننننن
المولد الجاب دينا خالد دا فاتني كيفن؟
Post: #174 Title: Re: لقب (المستنير) من يستحقه ؟ Author: معاوية المدير Date: 06-03-2018, 11:35 AM Parent: #173
Quote: سقطت كلمت استشهد من المداخلة الفاتت
بس !!!...
Post: #175 Title: Re: لقب (المستنير) من يستحقه ؟ Author: نعمات عماد Date: 06-03-2018, 11:45 AM Parent: #174
Quote: يا أبا ذر، نرحب انو اللقب يمشي لزول يستحقو، لكن في اتنين لو مشى ليهم، مرارتي بتنفقع كمال عباس، والخواض والمشرف لكن لو تاني مشى لأي زول، ما فارقة إن شاء الله حتى لو مشى للمدعوة نعمات حمّاد
يا العباسي خليها تجيني 🙃 ، و وعد ح أتنازل لمن يستحق فعلاً، أي واحد من التلاتة المذكورين أعلاه.
Post: #176 Title: Re: لقب (المستنير) من يستحقه ؟ Author: اسماعيل عبد الله محمد Date: 06-03-2018, 11:59 AM Parent: #169
شكراً أيها الرفاق ,, على هذا العصف الذهني المستنير ,,
دفع الله ود الاصيل وعليكم السلام,, ورمضان كريم اشكرك على هذه الكلمات الطيبات,, بحق العبد الفقير الى ربه (سماعين),, اما لقب (المستنير) ,, فهنالك جهابذة في هذا البراح ,, هم احق به من العبد الفقير الى ربه ,, الذي ما زال يتحسس طريقه في ظلام دامس ,, عساه ان يلحق بركب الجهابذة هؤلاء ,, وما زلت ادعم مرشحي ,, (الزعيم بشاشا) لنيل هذا اللقب ,, برغم تواضعه و زهده عن الانواط و الوشاحات ,,
معاوية الزبير لم يحن أوان اعلان النتيجة,, كما ان صوت (دينا خالد) يظل صوتاً فردانياً ,, برغم انبهاركم ,, (ولو كره الاتبهاريون)
اسامة الخواض أو ان البعض يستغل راسماله الثقافي لاستغفال البعض.... انه ليس استغلالاً لرأس مال ثقافي ,, من قبل البعض ,, لاستغلال البعض,, بل هو: اعتقاد زائف من البعض ,, انه امتلك ترسانة معرفية وثقافية ,, تمكنه من طرح نفسه (مستنيراً) , (ثورياً) او (أديباً) ,,
عبد اللطيف حسن علي مداخلة (شحمانة) ,, لك التحية و الشكر الجزيل ,,
زبدة الحديث: المسألة أعمق مما هو مطروح في المنبر وتحولت الى نوادر وطرف ، وألقاب يتم إطلاقها ، لا أحد بإمكانه أن يمنع أحدا من ممارسة الابتذال، لكن كما قلنا هل سمعنا بنبي أو مصلح يسخر من فكرته؟؟؟
صدقت يا عبد المنعم الطيب عليه لا يمكن له ان يكون مستنيرا وكوزا في ذات الوقت يكفيه انه كوز اما الاستنارة دي رقيصا ماعندو ليهو رقبة ابوبكر هو من اطلق على نفسه مستنير وصدق هو واحدا من الناس الحولو المنتدى لونسة
عبد الرحيم محمد صالح شكراً على هذه المداخلة ,, فان كانت مفردة عجلاتي هي العثرة الوحيدة في هذا التفاعل العاصف ,, وانها قد اخذت منحىً مسيئاً للعجلاتية ,, فمن هذا البوست ارسل اعتذاري وأسفي عن صدور هذه المفردة لكل من يمتهن هذه المهنة ,, والتي بحق هي مهنة شريفة ,,
يا ابا ذر آي عليك الله وصي الزول ده كويس ,, اهلنا قالوا الوصية في المهلة ,, قبل قطار استنارتو يتشقلب ,, يا أبوبكر أكرب مداخلاتك، فهنالك من يهدد عرشك في هذا البوست. القارئ قد يجد في هذا البوست مستنير أجدر، فتهزم في ملعبك، وسط جمهورك و بتحكيم من اختيارك. بلييس غير الخطة. I'm just saying
هاشم الحسن حتى تحت أنوار الإستنارة الساطعات، يا للالتباسات اللانهائية!! لكن الحمد لله برضو، دي براها هسع ما استنارة أهداها لي أبو السباع؟:) اذا كانت الاستنارة باللمبات المجدعة هنا سايت دي ,, يا زول اربط ليك اقرب لمبة و استنير يا منير ,, هي استنارة سودانيز اونلاين بي قروش؟؟؟
فيصل سعد اللعوج راي و العديل راي
محمد الشيخ انت برضك من الاندهاشيين؟؟؟؟!!!
Post: #177 Title: Re: لقب (المستنير) من يستحقه ؟ Author: محمد محمد قاضي Date: 06-03-2018, 12:56 PM Parent: #1
أنا شايف أول لمبة إستنارة مطفية عند أبو بكر عباس هي عدم تقبله للرأي الآخر المختلف معاه لمبة الإستنارة التانية المطفية عنده هي عنصريته (الجبانة) ممكن ترجعو لي بوست تكريم الكابلي أو بالعدم بوست جدي العباسي أو حتي في البوست ده ظااااتو
قدرما أصحابه هاشم ومعاوية والملك وآخرين يصلحو ليه الطريق مستقيم عدييييييل هو بيجي سايق عكس طوالي ... حير ليك أفكارهم
إذا كان من شروط تعريف الإستنارة عند بعض الناس هي السخرية من معتقدات الناس وثوابت الدين أهو في ناس كتاااار بيسبو في الدين بما فيهم الكيزان
سلام وتحية للأخ إسماعيل وضيوف البوست المستنيرين
ورمضان كريم
Post: #178 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 01:25 PM Parent: #177
يا محمد أحمد قاضي، إتّا عوير؟! في الدنيا دي هل شفت ليك عنصرية ضد الناس البيض؟! نحن هسّ قمة مجدنا بعد تغترب تجي تعرس ليك بت حلبية من حلب أم درمان، كلامنا بتاع حلبة وما حلبة دا مكاواة ساكت، ومحاولة بائسة مننا وغزال المسالمة، الدنيا كلها تغني ليهو نحن من قمنا اسمنا عروب الكمير، وأصحابنا في الجامعة الدناقلة حلابين التيس، وعرب الجزيرة وناس الغرب الما بسروا القلب وحلب أم درمان، بس الجنوبيين ما كنا بنهظر معاهم كانوا صعبيين والأمور محتقنة لكن الجنس دا تجاوزناهو قبل ثلاثة سنين ضوئية سخرية ساكت إتّا يا قاضي، ومعاك مجموعة الفلول دي تنقصكم حاجة مهمة في دنيا الاستنارة، وهي كيمياء الطرفة لتجاوز التخلف
Post: #179 Title: Re: لقب (المستنير) من يستحقه ؟ Author: Nasser Amin Date: 06-03-2018, 01:51 PM Parent: #178
دي ونسة بعد الحفلة....بعد دا حقو تلمو الصيوان و الكراسي موضوع الاستنارة اتحسم بعد دا حقو المستنير يشوف شغلو المحتاجين جرعات و المحتاجين تنوير والعايزين كلكلة المافي شنو
Post: #180 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 02:12 PM Parent: #179
أكتر ناس تعبوني يا ناصر، في عالم الاستنارة دا، هم الناس الدايرين الكلكلة ديل. عليك الله، شفت جنس نشاف كتابات كمال عباس دي؟! تلاتة أمتار من القحط! والعجب لو رجع للمداخلة أجرى فيها تعديل! تقرب تسلم
Post: #181 Title: Re: لقب (المستنير) من يستحقه ؟ Author: محمد محمد قاضي Date: 06-03-2018, 02:33 PM Parent: #1
أبو بكر: يا محمد أحمد قاضي، إتّا عوير؟! قادينتود: آها دي أول لمبة عندك قلنا طافية (تقبل الرأي الآخر) رغم إنه نبهناك بأقيونة
أبو بكر: في الدنيا دي هل شفت ليك عنصرية ضد الناس البيض؟! قادينتود: أيوة عنصريتك تجاه كابلي والجزلي وقباني ما كانت مكاواة ساكت زي ما بتقول إتا كنت فيه جادي جدا وما في واحد من فلولك قال ليك الكلام ده ما صح
أبو بكر: نحن من قمنا اسمنا عروب الكمير، وأصحابنا في الجامعة الدناقلة حلابين التيس، وعرب الجزيرة وناس الغرب الما بسروا القلب وحلب أم درمان، بس الجنوبيين ما كنا بنهظر معاهم كانوا صعبيين والأمور محتقنة قادينتود: كان قلت لي حلاب تيس ولا ما تسر القلب ولا غيرهم بقول ليك بكل فخر أنا أفريقي أنا سوداني وبس
أبو بكر: إتّا يا قاضي، ومعاك مجموعة الفلول دي تنقصكم حاجة مهمة في دنيا الاستنارة، وهي كيمياء الطرفة لتجاوز التخل قادينتود: أنا وأعوذ ... الخ زول براااااي بضرب أقصد بكتب كلامي في أي إتجاه ما عندي شغلة بي زول بقول كلامي كان إتقبل خير وبركة كان ما قبلوه ما باخد وبدي كتير بقول سلام والله يحب المحسنين
محمد محمد قاضي
Post: #182 Title: Re: لقب (المستنير) من يستحقه ؟ Author: محمد البشرى الخضر Date: 06-03-2018, 02:40 PM Parent: #181
Quote: في الدنيا دي هل شفت ليك عنصرية ضد الناس البيض؟!
الله!!! دقسة كبيرة يا مستنير
الحمد لله جات بعد نهاية التصويت كان بقت ليك زي ايميل كلنتون الشخصي
Post: #183 Title: Re: لقب (المستنير) من يستحقه ؟ Author: كمال عباس Date: 06-03-2018, 03:27 PM Parent: #182
السيد ابوبكر عباس كتابتك سوي ان كانت مفصلة او مطولة. او مقتضبة ٠قصيرة. لاتنتج معرفة ولاتشكل اضافة !!مجرد "عويش" وهبو -لاقدرة فكرية ولا عقل نقدي لاشئ سوي الانتفاخ والتضخم الذاتي والادعاء والتعالم ! ومحاولة الاستقواء بالاخريين ،، ودي ما مشكلة !!فيمن يحسب الشحم فيمن شحمه ورم !! المجاملات لن تصنع من الكاتب مفكرا او مستنيرا او فيلسوفا ! —-/——//// ٢ ابوبكر كوكب ٠٠ جرم معتم وغير مضي ذاتيا يقارن نفسه بالنجوم المنيرة ذاتية ! نور نفسك اولا ياود عباس. وتعلم قبل ان تعلم. -ففاقد الشي لايعطيه!
******* ٣ استنارة آبو فانوس!! ابو فانوس )ظاهرة بصرية خادعة مثل السراب تعترض مسافر الصحراء في الليالي المظلمة وتضللهم وتقودهم للضياع والهلاك !! يتبع المسافر ابو فانوس بلا نور ( معرفة ) ولا قبس (علم ) وانما برق خلب وفجر كاذب !
بين هشام آدم وأبوبكر عباس نال هشام آدم جائزة الطيب صالح المقدمة من شركة زين ! جائزة اخري من مركز عبد الكريم ميرغني - في الأدب والرواية !!وهو يكتب في غير ذلك في الفلسفة. ونقد الأديان والقضايا الوجودية وضروب فكرية اخري ومع هذا لم يأتي في مجال الفلسفة والفكر ليقول انا أديب. ولا جاء في مجال الأدب وقال انت اكتب في الفلسفة ! اها أدب هشام آدم ا-حمور ام ابو بكر عباس !! قفشات كيكي وجني بما تحمله من قبس معرفة وروي فكرية وثقافية وتحريض علي التفكير اما اُسلوب ابوبكر عباس الذي جمع الأسلوب المقتضب بلا ابانة او ثمرة -مقتضب نعم ولكنه عقيم ! عقيم ينضح تضخما وتورما وتمجيد للذات ومحاولة حشد الشللية والاصحاب لزوم المناصرة والمجاملات !! ** ابوبكر عباس قبة بلا فكي وفانوس بصري بلا نور ! أمدد أقدامك علي قدر لحافك الفكري ! *+ حقيقة يمكن وفِي الاسافير دي هناك من لايرضي بك تلميذا في فصله!! تلميذا لا في الكنب القدامي حيث الأجسام الصغيرة والعقول الكبيرة لا حتي مانلميذ في الكنب والوراء حيث الأجسام الكبيرة والعقول الصغيرة ( مع الاعتذار لناس الكنب الوراء علي التنميط والتوصيف غير العلمي !
Post: #184 Title: Re: لقب (المستنير) من يستحقه ؟ Author: معاوية الزبير Date: 06-03-2018, 03:34 PM Parent: #183
لكن أعجبني جدا رد الفعل المرح من الدكتورة نعمات مما أُسقط في يد المستنير وأفشل خطته للمكاواة
Post: #185 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 03:41 PM Parent: #184
دا يا معاوية، نتاج جهد استناري ضخم مني البت دي كانت زي الطوبة
المشكلة في الزول أبراس غليد دا!! إلا تدفعوا لي معاهو حق حصص اضافية
Post: #187 Title: Re: لقب (المستنير) من يستحقه ؟ Author: معاوية الزبير Date: 06-03-2018, 03:46 PM Parent: #185
مِنو؟ سُمعة؟
Post: #190 Title: Re: لقب (المستنير) من يستحقه ؟ Author: Mohamed Adam Date: 06-03-2018, 04:09 PM Parent: #185
Quote: ما أردت قوله هو أن التنوير او الانوار هو مرحلة مر بها الفكر الغربي "الاوروبي الامريكي"، لقرون طويلة ، ثم هاجر هذه المصطلح الى الثقافة العربية الاسلامية وصار الخطاب الثقافي يتحدث عن عصر تنوير عربي أو اسلامي
مؤسف والله، لو ياهو دا تعريفنا للإستنارة، حقو نصوت لأبوبكر عباس بالإستنارة والسلام!!
Post: #186 Title: Re: لقب (المستنير) من يستحقه ؟ Author: عبد الصمد محمد Date: 06-03-2018, 03:45 PM Parent: #184
كمال عباس رمضانك كريم ما كنت متخيل إنك لمان تفكر تجيب مثال للإستنارة تجيب هشام آدم. لا حولااااااا لو كان بيدي أن أختار شخص مستنير في البورد غير أبوبكر (لأنه إستنارة أبوبكر تختلف كتير عن مفهومكم للإستنارة) لكن لو كان بيدي فحإختار بدون تردد أسامة الخواض
Post: #188 Title: Re: لقب (المستنير) من يستحقه ؟ Author: كمال عباس Date: 06-03-2018, 04:02 PM Parent: #186
اخونا عبد الصمدانا أصلا ما قيمت هشام آدم من حيث الاستنارة انا تحدثت عن كتابته الأدبية او بالاحري جمعه ما بين التوجه الأدبي وتناول القضايا الفلسفية والوجودية من دون يقحم تعسفا هذه في تلك !!ثم قارنته في مجال الأدب بكتاب في هذا المنبر -حمور وهشام آدم وقارنته في مجال السهل الممتنع -والمختصر المفيد والمقتضب المثمر بكيكي وجني وهم ايضا كتاب بسودانبز اون لأين !**فهمي للاستنارة ومستوياتها ومستوياتها-تاريخ الاستنارة بعد عصر النهضة الأوربي وتاريخها بالسودان ثم القضايا والمحاور الاستنارية بالسودان وموقع دعاة وادعياء الاستنارة منها ! كلام فيها جادي وصارم واعني فيها ما اقول اما الردود واللسعات المقتضبة. والوخزات والردود الشخصية التي اكتبها فتقرا وتفهم في سياقها !
Post: #189 Title: Re: لقب (المستنير) من يستحقه ؟ Author: معاوية الزبير Date: 06-03-2018, 04:08 PM Parent: #188
يا ريتك كمان يا كمال تفهم وخزات أبوبكر عباس ولسعاته في سياقها كان وفرت على نفسك جهدا كبيرا تحتاجه لمنافع أخرى
Post: #194 Title: Re: لقب (المستنير) من يستحقه ؟ Author: كمال عباس Date: 06-03-2018, 04:44 PM Parent: #189
سلام عزيزنا معاوية الزبير ورمضان كريم ياعزيزي نحن نتكلم عبر موجتين مختلفيتيين لا موجة واحدة ٠٠انت تتحدث عن شخص تعرفه وعاشرته علي ارض الواقع وتعرف نمط وطريقة تفكيره وأسلوبه من حيث الاصالة والجدية والهزل !! انا ومعي كثر نقيمه ونحكم عليه من خلال ما يكتبه ويخطه هنا !!يعني مع ابوبكر الاسفيري ومع يسطره الكي يورد !** نعلم تماما انه في عصر الاسفير وثورة المعلومات يوجد احيانا انفصام بين الكائن الحقيقي والكائن الاسفيري وربما تحدث قطيعةبينهما فيقول لك فلان. بانو علان البعرفو في الواقع زول مهذب وحساس وانساني ووديع ومتقدمفكريا وثقافيا اما الذي اقرأ له اسفيريا فد زول تاني ما يعرفو ( مما يمسك الكيبورد دا الجن يركبو ) عدواني - وبتاع مشاكل !!وبالعكس منا دا تجد زول سيئ وسالب في الواقع وماب يتعاشر تجده في الاسفير قمة الرقة والإنسانية والملائكية ! **وكمان جدا ممكن تجد شخص انت بتعرف انو طبعو حب الاغاظة والمكاواة / والمشاكسة من دون سوء نية ! ممكن تعرف هذا وتعامله علي اساسه ولكن الاخر لا يعلم هذا ،،لايعلم سوي الشخص الاسفيري وما يخطه كي بورده !! ** شخصيا لا أكلف نفسي الدفاع عن صديق فيما يكتبه اسفيريا -/ او في ما يستوجب نقد واختلاف وهجوم فكري علي الصديق -أتدخل فقط اذا مأتم مَس شرفه وأمانته أو تعدي الهجوم عليه الخطوط الحمراء !!في هذا السياق اعجبني مثلا دفاعك عن كمال طيفورفيما يختص بأخلاقه وأمانته وعدم تصديك لاوجه النقد الآخري - الخلل الفني /التنظيم -التنسيق !!باعتبار ان النقد هنا مشروع ! الشاهد في هذازولك البتعرفو. في الواقع قد لايكون مطابق لظله الاسفيري ! وعشان كدة ارجو ان تتفهم موقف الناس من الشخص الاسفيري والاختلاف مع كتابته وأسلوبه !
Post: #191 Title: Re: لقب (المستنير) من يستحقه ؟ Author: Hafiz Bashir Date: 06-03-2018, 04:12 PM Parent: #186
Quote: نحن من قمنا اسمنا عروب الكمير، وأصحابنا في الجامعة الدناقلة حلابين التيس، وعرب الجزيرة وناس الغرب الما بسروا القلب وحلب أم درمان، بس الجنوبيين ما كنا بنهظر معاهم كانوا صعبيين والأمور محتقنة لكن الجنس دا تجاوزناهو قبل ثلاثة سنين ضوئية سخرية ساكت
مهما كانت طريقة تفكيرك الكلام دا فيهو عدم حساسية شديدة رغم إعتراضي على السخرية كأداة لتجاوز العنصرية و لكن حتى لو تجاوزنا ذلك فالمنطق يقول إنه طالما السخرية هي أداتك لتجاوز العنصرية فبالتأكيد إنك لم تستطع تجاوز عنصريتك ضد المجموعة التي لم تستطع إستخدام الأداة معها.
Post: #193 Title: Re: لقب (المستنير) من يستحقه ؟ Author: Deng Date: 06-03-2018, 04:22 PM Parent: #191
كتب أبوبكر عباس:
Quote: يا محمد أحمد قاضي، إتّا عوير؟! في الدنيا دي هل شفت ليك عنصرية ضد الناس البيض؟! نحن هسّ قمة مجدنا بعد تغترب تجي تعرس ليك بت حلبية من حلب أم درمان، كلامنا بتاع حلبة وما حلبة دا مكاواة ساكت، ومحاولة بائسة مننا وغزال المسالمة، الدنيا كلها تغني ليهو نحن من قمنا اسمنا عروب الكمير، وأصحابنا في الجامعة الدناقلة حلابين التيس، وعرب الجزيرة وناس الغرب الما بسروا القلب وحلب أم درمان، بس الجنوبيين ما كنا بنهظر معاهم كانوا صعبيين والأمور محتقنة لكن الجنس دا تجاوزناهو قبل ثلاثة سنين ضوئية سخرية ساكت إتّا يا قاضي، ومعاك مجموعة الفلول دي تنقصكم حاجة مهمة في دنيا الاستنارة، وهي كيمياء الطرفة لتجاوز التخلف
أبوبكر عباس عندما يكتب أجده دائما يستعمل بعض العبارات العنصرية، ويحاول أن يضعها في سياق للهظار، ولكن الامر بالنسبة لي واضح وضوح الشمس. أبوبكر عباس ليس سوى رجل عنصري بغيض. إعجابه بالعنصريين من أمال الطيب مصطفى وعبد الله علي إبراهيم ليس مجرد صدفة.
بئس الاستنارة التي يدعيها أمثالك.
Post: #192 Title: Re: لقب (المستنير) من يستحقه ؟ Author: محمد حيدر المشرف Date: 06-03-2018, 04:15 PM Parent: #1
كمال سلامات ..
ياخي اديتني احساس انك بتتعامل مع (استنارة ابوبكر عباس) كادعاءات حقيقية .. الكلام ده هظار ساي يا عزيزي ..
نمط في الكتابة فيهو تريقة على (المستنيرين) .. يعني تدعي انك مستنير وتقعد تكتب كلام ساي عشان الناس تلاحظ انو كلام المستنيرين كلام ساي وكده ..
وفي ذلك ابوبكر تابع لا رائد وهو مقلد لشيخه طيب الذكر حبيبنا (وهبه) رد الله غربته
Post: #195 Title: Re: لقب (المستنير) من يستحقه ؟ Author: محمد البشرى الخضر Date: 06-03-2018, 04:48 PM Parent: #192
Quote: وفي ذلك ابوبكر تابع لا رائد
والله يا بكّور الناس ديل مسّخوك علينا مساخة جد! يعني نقعد بلا مستنير! ما بتجي يا اخوانا خلاص ارشح مولانا حافظ مع اني ما مقتنع لكن كعب العدم
Post: #197 Title: Re: لقب (المستنير) من يستحقه ؟ Author: عبدالمنعم الطيب حسن Date: 06-03-2018, 05:39 PM Parent: #195
رجاء خاص للاخ الصديق معاوية الزبير أرجوك ان تفك الارتباط على الأقل هنا مع هذا الدعي الكوز ابوبكر انت رجل مهذب ومحترم وكتابك محترم تحترم الناس وبالتالي نحبك ونقدرك وتحس بالناس التحتانية وبالشعب وبالوطن عكس هذا الموهوم الكوز؛ الذي لا يرى الا ذاته بالمريضة بالنرجسية وبحب ذاته المضخمة بالفراغ وبالوهم؛ أسف للتدخل في امر شخصي ولكنه العشم فيك كونك انسان عظيم؛ ......... ياخ لو افترضنا فعلا ان هذا بوست استفتاء على المستنير مفروض ما يعتب هنا خالص ويخلي من يرونه مستنيرا يدافعون عنه لكنه ساكن هنا سكنة وكل مداخلة انا مستنير انا مستنير على الأقل خليها تجي من الناس ثم سلاما
Post: #196 Title: Re: لقب (المستنير) من يستحقه ؟ Author: كمال عباس Date: 06-03-2018, 05:02 PM Parent: #192
سلام يا اخ محمد المشرف ماهو دا الخوف ! افراغ الاستنارة من محتواها- ابوبكر لو خلي ادعاء الريادة وحامل القبس والمشعل التنويري وطرح نفسو كمناصر لقضايا الاستنارة في السودان والوقوف ضد الظلم والظلام والتجهيل وتغييب الوعي لقلنا بخا بخا ..وَيَا مرحي ولحسبناه اضافة لا خصم من تيار الاستنارة !! هل تصدق انو ابوبكر دا وقبل أسابيع قليلة دعا وروج لتقلد حاكم عسكري يحكم السودان لعقود قادمة !! قد تقول دا رأي سياسي ما عندو بعد او سند استتاري !! ولكن عسكري -active s. يعني القمع ومصادرة حرية التعبيروالجريات العامة والاقصاء !! يعني هضم وقتل التنوع الفكري والسياسي ووأد التعددية !! ** المناخ الصحي لنمو الاستنارة وإشعاع التنويرواتساع تطاق وهج الضوء. ومحاربة كهوف الظلام والتجهيل هو الديموقراطية ووتفتح زهور التعدد وورود التنوع !
Post: #198 Title: Re: لقب (المستنير) من يستحقه ؟ Author: osama elkhawad Date: 06-03-2018, 05:53 PM Parent: #196
سلام فوراول بدون فرز
غبت لاسباب قاهرة،...
سأقرأ ما فاتني وأعود...
معظم ما نثرته كان إبرا صينية*،
والتعبير يعود إلى معلّمي في هذا النمط من الكتابة المختصرة :
عثمان محمد صالح..
*الإبر من صكّ ع.م. صالح ، والنعت "وارد"-بلغة المتصوفة-جاءني عند كتابة المداخلة...
Post: #199 Title: Re: لقب (المستنير) من يستحقه ؟ Author: عمر دهب Date: 06-03-2018, 06:03 PM Parent: #198
الحاجه الفايته على الكثيرين هنا ان ابوبكر قطع شك مستمتع جدا بما يدور هنا.
Post: #200 Title: Re: لقب (المستنير) من يستحقه ؟ Author: عثمان الأمام Date: 06-03-2018, 06:55 PM Parent: #199
المنبر ده فيهو ناس فلتات في الأدب وفي السياسة وفي حاجات كتيرة وبستاهلو ألقاب كتيرة لكن فيهو مستنير وااحد
فتشوا ليكم ألقاب تانية فالمستنير معروف ولا يحتاج إلى ترشيح وخلافه
Post: #201 Title: Re: لقب (المستنير) من يستحقه ؟ Author: معاوية الزبير Date: 06-03-2018, 07:59 PM Parent: #200
Quote: سلام عزيزنا معاوية الزبير ورمضان كريم ياعزيزي نحن نتكلم عبر موجتين مختلفيتيين لا موجة واحدة ٠٠ انت تتحدث عن شخص تعرفه وعاشرته علي ارض الواقع وتعرف نمط وطريقة تفكيره وأسلوبه من حيث الاصالة والجدية والهزل !! انا ومعي كثر نقيمه ونحكم عليه من خلال ما يكتبه ويخطه هنا !!
أهلا عزيزي كمال عباس أنا مقدّر كلامك ده ومتفهمو كويس و.. حالك هو حال كثيرين وكثيرات ولا ألوم أحدا عليه لكن كنت أتمنى لو تجوا معاي في نفس الموجة خاصة بعد هذه التجربة الطويلة نسبيا من بوستات ومداخلات ابوبكري عباس و من الإشارات التي وردت ممن يعرفونه في الواقع.. كان الأمر سيكون طيبا في سياق طبيعة هذا المنبر، لكن ما كل ما يشتهيه المرء يدركه
مع ملاحظة أن الكثير من الأعضاء استطاعوا أن يلتقطوا مفتاح شخصية الرجل وربما يعود ذلك لطبيعة شخصياتهم، فيما أخفق آخرون لنفس السبب أيضا عموما هذا لا يعني أنني راض عن كل كتاباته وسبق أن انتقدت بعضها هنا أو هاتفته بشأنها خاصة تلك التي تتجاوز حدود المزاح أو تحمل وجها آخر مسيئا أو -بالطبع- تلك التي يكتبها كرد فعل غاضب على إساءة مباشرة
هذه المداخلة موجهة بالضرورة لكل أصدقائي وصديقاتي من الضفة الأخرى راجيا أن يعبروا إلى ضفتنا كما فعل آخرون مؤخرا
CIAO بالتلياني
Post: #202 Title: Re: لقب (المستنير) من يستحقه ؟ Author: محمد حيدر المشرف Date: 06-03-2018, 08:17 PM Parent: #1
والله الا نعبر الضفة الاخرى عشان خاطرك انت بس يا معاوية .. وانت تستاهل واعتبرني من هسع عبرت اهو, في نهاية المطاف, زول شحم ولحم وكمان في واحدين قالو انو (تحت تحت) زول كويس
.. صحيح في كم نفر التقط ليهو حاجة ولكن في المنبر ده لن تعدم زول قد يلتقط اي حاجه مافيشه في اي زول ..
Post: #203 Title: Re: لقب (المستنير) من يستحقه ؟ Author: معاوية الزبير Date: 06-03-2018, 08:43 PM Parent: #202
ههههه والله مداخلة مرحة جدا يا مشرف حقو الواحد يتسحر بيها ويصوم على كده
Post: #204 Title: Re: لقب (المستنير) من يستحقه ؟ Author: محمد البشرى الخضر Date: 06-03-2018, 09:10 PM Parent: #203
اخشى ان عبر المشرف بي هنا يقوم المستنير يمش الضفة الأخري بي غادي
Post: #205 Title: Re: لقب (المستنير) من يستحقه ؟ Author: osama elkhawad Date: 06-03-2018, 09:44 PM Parent: #204
Quote: مؤسف والله، لو ياهو دا تعريفنا للإستنارة، حقو نصوت لأبوبكر عباس بالإستنارة والسلام!!
وما هو تعريفك يا محمد آدم؟؟؟
وتلك هي الحدود التي أتحرك فيها في نقدي لما خطّه، ابوبكر عباس،،
كتبت ب"خطِّه" "، حتى لا استعمل "كتابات"،
فتلك لا يلقّاها إلا عظيم .
في الخيال والكتابة....
Post: #206 Title: Re: لقب (المستنير) من يستحقه ؟ Author: أبوبكر عباس Date: 06-03-2018, 09:51 PM Parent: #205
ما دام في قلّة استكثرت علي لقب مستنير، أنا بتنازل عن اللقب. أختار لنفسي لقب المشاء دا ما ظنيت بكون في زول معترض عليهو
Post: #207 Title: Re: لقب (المستنير) من يستحقه ؟ Author: osama elkhawad Date: 06-03-2018, 10:00 PM Parent: #206
ستحتفظ باللقب ،، بابديت يجعله يقرأ:
"المستنير مبتذلاً"...
Post: #208 Title: Re: لقب (المستنير) من يستحقه ؟ Author: Haytham Ghaly Date: 06-03-2018, 10:53 PM Parent: #207
استاذنا الخواض سلامات وعوافي
الحقيقة لله لو بقت المنافسة في اللقب بينك والمستنير ابكر عباس
فدي اشبه ما تكون كمباراة شطرنج بين كاسباروف وود الباوقة
يعني خسران خسران
وهذا لا يعني الاستهانة بمقدراتك وثقافتك التي لا ينتطح فيها تيسان
ولكن درب الاستنارة غير خالص خالص
بالذات فيما يتعلق بالخطوط الحمراء الكثيرة التي تقيد المثقفين
ولا يتقيد بها المستنيرين ابداً
بعد تصويت دينا خالد ذات نفسها لابكر المستنيراتي
فاي كلام تاني بقى مجرد كلام والسلام
Post: #209 Title: Re: لقب (المستنير) من يستحقه ؟ Author: عمر دهب Date: 06-03-2018, 11:28 PM Parent: #208
مابستغرب لوجاء ابوبكر بكره وقال : لولا انا وين كان تلقوا اللغه الفخمه والاستناره بتاعت كمال عباس. اهو انا بساهم فى تثقيفكم بطريقتى.
Post: #210 Title: Re: لقب (المستنير) من يستحقه ؟ Author: osama elkhawad Date: 06-03-2018, 11:34 PM Parent: #209
عزيزي هيثم
سلامات
لا أبحث عن موطء قدم في حقل الاستنارة والتنوير.
وماينبغي لي .
فقطت بذلت نقدي ضمن الحدود المعرفية التي تحرّكني ..
Post: #212 Title: Re: لقب (المستنير) من يستحقه ؟ Author: Hafiz Bashir Date: 06-04-2018, 01:24 AM Parent: #210
Quote: موطيء قدم و ليس موطء
ياخ إنت شن عرفك؟ أها ذاتا موطئ و ليس موطيء
Post: #213 Title: Re: لقب (المستنير) من يستحقه ؟ Author: Abdullah Idrees Date: 06-04-2018, 01:47 AM Parent: #212
Quote: : أبوبكر عباس أديبا ! تقليد تايوني لملاسي !
Quote: ألحقو يا ناس اتحاد الجودو شوفو المسكة دي ☺
ارشح كمال عباس للقب المستنير الاعظم ، على شرط يعترف انو راموس جزار طبعا ابكر ناس راموس وصلاح والحاجات دي ما بعرفا مخو بكون لسة في محطة ناس سنطة والريشة والزاكي طمل وتلك الامم والاقوام التي قد خلت
Post: #214 Title: Re: لقب (المستنير) من يستحقه ؟ Author: نعمات عماد Date: 06-04-2018, 01:47 AM Parent: #213
Quote: دا يا معاوية، نتاج جهد استناري ضخم مني البت دي كانت زي الطوبة
طوبة أنا يا درابة و مرمية في الخرابة.. قال عباسي قال... . والله لو ربنا قدر للعباس ان يقوم لثواني، و يراكم انت وجيوش المدعين بأنكم أحفاده، لأنكركم. الشئ الوحيد الإتعلمتوا بسببك، هو ان الترديد المستمر لكلمة أنا انا، شئ قبيح و ثقيل على أذن السامع. لا أنكر ان هناك شئ مسلي في الموضوع، و هو أشبه باسكيتش عفوي تقدمه ها انت بدون ان تشعر، وهو منظرك و انت تتلهله يمين و شمال و تحاول بشتى الطرق الملتوية ان تثبت ان لك الحق في ان تفعل ما تريد. و في كل لهلهتك دي في ناس عاقلك و واعية و مثقفة، جارين وراك مشفقين كأنك طفل صغير يا عيني وانت جاري، بغير هدى و لا كتاب منير احياناً. غايتو الحق لله الإسكيتش ده، حلو حلاه 😊
Post: #215 Title: Re: لقب (المستنير) من يستحقه ؟ Author: نعمات عماد Date: 06-04-2018, 01:54 AM Parent: #214
شكراً استاذ معاوية الزبير لرؤية الطرافة في ردي، الله يعينك على ما أصابك. و على قول صاحبك " طوبى " للصابرين . ( شايف العباسي طوبى و ليس طوبة).
Post: #217 Title: Re: لقب (المستنير) من يستحقه ؟ Author: معاوية الزبير Date: 06-04-2018, 04:37 AM Parent: #215
خليك مركزة مع الاسكيتش الفكاهي يا نعمات ودايما بعد الفطور ومع كباية القهوة غير كده (أقصد في نهار رمضان) ياهو الدراب واللهلهة الشايفاهم ديل والنتيجة.. جِرّيح صيام
يا ابوبكري ياخ عايزين نجيب ليك الناس في الضفة البتريحك وكل مرة تقعد تسوط وتهابش.. فترنا من جكين الدلاقين في قدود المركب دي
Post: #218 Title: Re: لقب (المستنير) من يستحقه ؟ Author: معاوية الزبير Date: 06-04-2018, 05:46 AM Parent: #217
Quote: رجاء خاص للاخ الصديق معاوية الزبير أرجوك ان تفك الارتباط على الأقل هنا مع هذا الدعي الكوز ابوبكر
أشكرك عبد المنعم الطيب على ظنك المبالغ في الحسن لكن عايز أقول ليك: ابوبكر ده ما عندو موقف مبدئي يتعامل بيهو في السياسة عشان نصنفو أو ممكن تقول عدم مبدأيته هو المبدأ الثابت عنده نفس الحاجة دي بتعامل بيها مع الناس هنا في كل المواضيع: سياسية اجتماعية.. الخ
هو متحرر من كل القيود والتابوهات.. "سفيه تابوهات".. زي سفيه المال بالمعنى الشرعي الإسلامي أرجو أكون أوضحت مقصدي في السطر الفوق ده
زيو زيو عدد من الأعضاء هنا، كان ممكن يكسب الرضا (العام) لو ما كان أوفر ( over) في توجهِهِ
Post: #219 Title: Re: لقب (المستنير) من يستحقه ؟ Author: هاشم الحسن Date: 06-04-2018, 09:22 AM Parent: #218
الليلة مافي ضحك كتير فقلت اللِّتوّنس أصلو ما ورانا حاجة ولا محتاجة، بس قرقر واجد على قول بتّان الخليج وكلو في المداخلة دي ان شاء الله التعسم ضهر اسماعيل ومرشحه بشاشا الظلامي.
فإذ يبدو أن الاستفتاء قد حسم الاستنارة كسبا ووهبا ـ بالمصطلح الشرعي ـ وفي مسماها، للمستنير أبّكر. ورغم أن الجوهري في معنى التنويري/الاستناري لا خلاف عليه هنا إلا قليلا، بس طبعا، وبالوراثة كدا، اتشعبت إليه الدروب. قلت المهم يا زول أمسك ليك درب ونسة عمومية، وطالما مسمى الاستنارة محسوم لأبكر، حقو نرجع لي جوهرا الذي لا يزال حوله خلاف بسيط؛ كأن يقول هيثم: {درب الاستنارة غير خالص خالص بالذات فيما يتعلق بالخطوط الحمراء الكثيرة التي تقيد المثقفين ولا يتقيد بها المستنيرين ابداً}؛ أو كما قال كمال عباس إنها {قبس معرفة وروي فكرية وثقافية وتحريض علي التفكير}؛ أو كما كتب عبد اللطيف: {المستنير شخصية حوارية, لادينية ذات هويه إنسانية, ,هدفها الرئيسي, تلاقح الأفكار بغير قيد, تسلك توجه متحرر, لا ينضوي تحت أي إيديولوجية, دين, أو أي توجه مُعين, نخبر أيضا, أنها شخصية تهدف الي تقريب العقول ومحاولة صهر ما تنتج في قالب حواري مُنظم, يحترم التعددية, إختلاف الآراء ,فضلا عن احترام الأنسان قبل المعتقد والدين.}؛ ومن يقول: الاستنارة ياها المقدرة على إثارة السؤال الضرورة والقدرة على الاجتهاد في سبيل الإجابة الصحيحة؛ أو من يقول: هي التسامح تجاه الآخر والانفتاح تجاه المخالفة والقبول بالخلاف؛ أو من يقول: هي المعرفة وحسن توظيفها للصالح العام؛ أو من يجمع كل هذا ومن يزيد عليه وهلمجرا…. غايتو، بالطريقة دي وفي البوست دا أنا شايف انو كل* من مر به أو ذكر فيه اسمه، هو من المستنيرين وأعني المنفتحين على السؤال والمعرفة والأنوار وعلى الاختلاف، وبهذا القدر أو ذاك من التسامح والمكنة المعرفية. *طبعا النجمة دي لاستثناء المذكور بالمفتتح والمرشح الإسماعيلي، أخينا بشاشا، فهو ظلامي دوغمائي منغلق معتم لا تنفذ إليه الأنوار ومكتف بذاته عن السوى ثم لا يكف عنهم شره أبدا أبدا.* ولكن، ففي البوست أيضا عتاة من التنويريين، وبالضرورة المستنيرين، الراسخين كأسامة الخواض وكمال عباس. علمان راسخان على مناهجهما المعرفية والإجرائية “المنبرية” المستعلية ثقافيا، ومن ثم ففي محل مشاغبات دائمة وربما محتومة، من أبكر ومعه، حول طريقته الشعبوية البوبيوليست التي لا تستبعد أن يصماها بالديماغوجية بالإضافة لوصمة الابتذال قبل أن يجي أبكر يقول ليك أنا ما بقرأ مطولات كمال المعسمة دي ولّ أسمعت كلماتي من به صمم! ما بصدّقك، ما تقراها كيف يعني يا مستنير وهي تعسيمة لي صلب مؤدى استنارتك الغالية. بالمنطق كدا لازم تقراها زي ما قريت كلام محمد القاضي وكلام صاحبك عبداللطيف، كلو مهم وكفاية تدوير،، دروختنا. نرجع،، ولذا، فحتى لو تجاوزنا عن همزات ولمزات الإنس والشياطين، أو، على طريقة ناصر، عن “الكلكلة”، فخلاف أسامة وكمال مع أبكر هو الأشد هنا، لأنه أيضا حول منهجية وأساليب التنوير، ومثله، مع اختلاف الدرجة والمقدار خلي بالك طبعا، كمثل خلاف فردريك انجلز مع أوجين دوهرنج، ما بتحلا بي أخوي وأخوك إلا لو يكتبوا فيه كتاب وبرضو ما بتحلا! الخلاف دا لخصتو قفلة أسامة في الحوار دا: أبكر: {ما دام في قلّة استكثرت علي لقب مستنير، أنا بتنازل عن اللقب. أختار لنفسي لقب "المشاء" دا ما ظنيت بكون في زول معترض عليهو.} أسامة: {ستحتفظ باللقب ،، بابديت يجعله يقرأ: "المستنير مبتذلاً”…} عليك النبي شوف أسامة التنويري "الحنبلي" دا؛ يقر له بالاستنارة ثم يضعها موضع شرف نخبوي يترفّع عن التداول والاستهلاك العمومي في أسلوب من “الحكى الطاعم” يقارب الجد عبر الهزل! هسع لو سألناهو، أي أسامة، عن رأيه حول الكوميديا الناقدة وعن أي فنون الكتابة الساخرة بمضامين مستنيرة، أو عن كونهما، في حال صدورهما عن مستنير، حاملان فعالان لحمولات التنوير بعيدا عن ارتباط ذلك بما "يخطه أبوبكر"! أو كما قال، فهل كان برضو حيقول دي استنارة مبتذلة؟ ما ظنيتو حيبتذل آثار فولتير وجورج أورويل ونزار قباني وجورج أمادو أو الغراميات المرحة وكل تلكم مدارس الكتابة والأدب والمسرح والغناء التنويري الساخر الأكثر جرأة على التابوهات الفكرية والمجتمعية والأشد فتكا بقدسيتها! لكن تقول شنو؟ كلو من الهمزات واللمزات المنبرية. وحتما، بالتوازي مع الشخصي، فالمواقف الفكرية أيضا سالكة على درب وخطى “ضد دوهرنج”! أمال أيه، ما ديلاك كلهم كانوا اشتراكيين وتنويريين ومستنيرين!!
ثم، والله صحي الراجل دا أتعبك يا معاوية:
Quote: يا ابوبكر ياخ عايزين نجيب ليك الناس في الضفة البتريحك وكل مرة تقعد تسوط وتهابش.. فترنا من جكين الدلاقين في قدود المركب دي
طوالي اتذكرت النور الجيلاني، مع البيّاح… ”لاقيتو مع البياح هرب مني بي وين يا إنتا بي وين السكة يا إنتا؟ فات وروّح صرف النظر عني شال حبو ودعني هيلا هيلا وهيلا هيلاهوب عدي بينا يا ريس يا ريس المركب خلي الشباب يركب عدي بينا يا ريس" تعرف يا معاوية ـ يا ريّس يا كيّس ـ فكرة العبور دي كويسة، لكن لتجاوز الشخصي غير المتاح غالبا، فيا ليتها التكون عبورا لحاجز اللاتسامح الـ Intolerance barrier تجاه المهابشات الشخصية، والبوست دا زاتو يمكن يكون حجر أساس في بناء الجسر المطلوب لمثل هذا العبور. والبشريات متوفرة؛ لاحظ مثلا لنعمات وقد عبرت أولريدي إلى معنى المفاكهة خلف مظاهر المكاجرات الشخصية بواسطة من شغل الكمدة بالرمدة بكامل فنيّاته؛ نعمات:{طوبة أنا يا درابة و مرمية في الخرابة..}، وكذا المشرف ستجده حثيثا يتجاوز الشخصى ليشارف، أو يكاد يجاور، موقف ود البشرى:{اخشى ان عبر المشرف بي هنا يقوم المستنير يمش الضفة الأخري بي غادي.. ود البشرى} وعمر دهب: {مابستغرب لو جاء ابوبكر بكره وقال : لولا انا وين كان تلقوا اللغه الفخمه والاستناره بتاعت كمال عباس. اهو انا بساهم فى تثقيفكم بطريقتى.. عمر دهب}. وللمتابعين، فطبعا أول العابرين لكل الحواجز، كان وسيظل هو المستنير الكبير منتصر “المتنبئ”. أما كمال والخواض، كتنويريين مخضرمين، فموضوعهما زي ما شايفين أصعب شوية، وحالهما مع أبكر سيستعصي قليلا وربما كثيرا مع إنو كمال قلب الهوبة في حكاية “ملاسي التايواني”.. فأبكر، لو جاز لي الوصف، فهو كمثل الفوضوي (من الفوضوية/الأناركية/اللاسلطوية كفسلفة سياسية بالله) أو زي ما قال معاوية: {هو متحرر من كل القيود والتابوهات.. "سفيه تابوهات”} وحاله معهما يذكرني بي أحوال الصراع الأبدي بين الثوريين من الشيوعيين والفوضويين حول الإجراءات والأهداف الثورية، والذي أفضى في ذروة اسبانية ما، إلى حرب أهلية خاصة بهما ولدرجة خسفت بكليهما هؤلاء الكانو مطرطشين، فمع إنهم أصلا في جبهة موحدة في أتون الحرب الأهلية الإسبانية المستعرة في وقتها إلا إن الحصل حصل. (ومنها يا عبد الله ادريس ياهو الجاهم فرانكو والريال وسيرجيو راموس وروكم النجوم في القايلة ههها)..
أبوالسباع، قلت لي:{اذا كانت الاستنارة باللمبات المجدعة هنا سايت دي ,, يا زول اربط ليك اقرب لمبة واستنير يا منير,, هي استنارة سودانيز اونلاين بي قروش؟؟؟} وأنا أشكرك على هذا القول المستنير المنير، أول لمبة بربطا هي لمبتك دي زاتا.
Post: #220 Title: Re: لقب (المستنير) من يستحقه ؟ Author: Basamat Alsheikh Date: 06-04-2018, 09:36 AM Parent: #219
يستحقه الذي يقول الحق ويحمل هم الوطن ويدافع عن حقوق الفقراء والمغلوبين على أمرهم ولا يسخر في تعليقاته على آراء الآخرين ويحلل السياسة الداخلية والخارجية للسودان بمنطق مفهوم وجلي ويبتعد عن الألفاظ السيئة والشتائم البذيئة ان يكون في بوستاته وتعليقاته شئ من الفكاهة والمرح المحبب وليس الذي يفقع المرارة .. ودمت بالف خير
Post: #222 Title: Re: لقب (المستنير) من يستحقه ؟ Author: أبوبكر عباس Date: 06-04-2018, 10:34 AM Parent: #220
النصيحة يا عاطل لندن، الزول دا متمكن جداً من اللغة وهي رأس ماله يصنع منها شعراً صناعة مجودة بعضه طاعم وأغلبه ماسخ
موضوع الإملاء والنحو ما بتجيب لينا معاهو نتيجة، دي ممكن تنفع مع الاسمها نعمات ديك
Post: #224 Title: Re: لقب (المستنير) من يستحقه ؟ Author: كمال عباس Date: 06-04-2018, 12:47 PM Parent: #222
أبوبكر عباس يهد حيل ال firefighters !!
كتبت الأخ نعمات عماد:
Quote: انت بدون ان تشعر، وهو منظرك و انت تتلهله يمين و شمال و تحاول بشتى الطرق الملتوية ان تثبت ان لك الحق في ان تفعل ما تريد. و في كل لهلهتك دي في ناس عاقلك و واعية و مثقفة، جارين وراك مشفقين كأنك طفل صغير يا عيني وانت جاري، بغير هدى و لا كتاب منير احياناً.
يا أخي ديل مش ناس عاقليين وبس ديل firefighters رجال مطافي عديل! يشعل أبوبكر عباس بكل هواجة وعنجهية النيران ويشعلل اللهب ويندلع الحريق ويكاد يقضي علي الأخضر واليابس ليأتي ال firefighters ناس هاشم الحسن ومعاوية الزبير بكل حكمة وصبر وإقتدار ويقوموا بإطفاء النيران والتحكم في الأوضاع وبالمرة وضع oxygen mask قناع أوكسجين علي أنف أبوبكر عباس وضخ الغاز في صدره لأنه غالبا مايقع ضحية للنيران التي يشعلها ! إشعال نيران الحريق والدمار بدلا من إيقاد قبس نور الإستنارة والعلم والمعرفة ! ولكن لاعلينا فكل ميسر لما خلق له ! * التحية للfirefighters ونشيد بصبرهم ومثابرتهم وحكمتهم ! * معليش يامعاوية الزبير إعتبر المداخلة دي وردت في الصفحة التانية إي قبل مداخلتك التي تصدرت هذه الصفحة وزينتها! نسوي شنو الزول دا هد حيلكم !
Post: #225 Title: Re: لقب (المستنير) من يستحقه ؟ Author: معاوية الزبير Date: 06-04-2018, 05:22 PM Parent: #224
لا عليك يا عزيزي كمال ولا علينا برضو على العموم هو في نهاياته حسب توقعاتي ما لم يأت بجديد يستعيد به (ألـق) البدايات، ألق بتاعت قباني أو انتقل -حسبما قال- إلى موقع FOR ALL (الذي طالما تطلع إليه) الضمائر في الجملة البين قوسين أتركها هكذا مجهولة ليسندها القارئ لمن يشاء (للشخص أو للموقع) وذلك حسب سوء الظن أو حسنه بزولنا المثير للضجيج
مع الاعتذار لصاحب البوست الأستاذ إسماعيل عبد الله
Post: #226 Title: Re: لقب (المستنير) من يستحقه ؟ Author: كمال عباس Date: 06-04-2018, 06:42 PM Parent: #225
مالك متشائم قدر دا يامعاوية الزبير ؟ فقدان الألق والوهج ا/ وكونو احيانا يصبح قوة طرد وتنفير لاقوة جذب - كونوا اصبح منحدرا لا صاعدا كما كان دي أصبحت سمة مستمرة لبضعة سنوات / غادرت الفراشات وهاجرت العصافير وأنزوي البعض وطار البعض لفضاءت الكترونية اخري — ووقفنا نحن ( نعاين في الحروف تنهد ولا يانا ..رقاب تمر الجدود تنقص ولا يانا !!متين يا ( ) تكون ياكا ونكون أهل البلد بالجد!
يا مطر عز الحريق. وَيَا "مصابيح " الطريق !!
هل ما نمارسه هنا سيزيفية عبثية ؟ ام انه " قدرنا " ننحت في الصخر ونشق طريقا في الأشواك. !نبصر ضوء في نهاية النفق ! قدرنا ان تعمل وفق المتاح والممكن عبر النوافذ المشرعة ولكننا لن نتوقف علي هذا الخيار باعتباره سدرة المنتهي هناك وسائل اودات اخري تسير جنبا الي جنب معا هذا ألذي يذبل بفعل إهمال ولامبالاة اصحابه او بفعل فاعل وبسبق الإصرار والترصد يضرب ويطعن ويحرف عن خطهً ورسالته ليخلو الجو لهم !! تحييد ،تمييع ! هل ساعدنا في هذا بالانزواء او الشغل بربع مكنة او التحليق بعيدا عنه !
حاشية اعني مكانا وموقعا -
Post: #227 Title: Re: لقب (المستنير) من يستحقه ؟ Author: معاوية الزبير Date: 06-04-2018, 06:52 PM Parent: #226
وأنا عنيت المستنير يا كمال، هو الذي في نهايات ألقه وليس الموقع
Post: #228 Title: Re: لقب (المستنير) من يستحقه ؟ Author: osama elkhawad Date: 06-04-2018, 06:57 PM Parent: #227
استنارة "الشخص الواحد" و"البهلولية"
اهلا هاشم وسلامات
أشكرك على التحليل الباذخ لماجرى ، وهو قد تجاهل فكرتي الاساسية أو أفكاري الاساسية حول مفهوم "الابتذال" بظلاله العديدة.
حين تغيب الفواصل بين الجد والهزل، وحين تصبح الاستنارة نفسها موضوعا للتنكيت والتندر وتنتفي اسسها.
هل سمعت أو قرأت عن "استنارة الشخص الواحد"، على وزن "الحزب الواحد" ومسرح الرجل الواحد؟
هذه إعادة إنتاج للطغيان، هذا إذا لم يكن ذلك الزعم داخل في إطار التنكيت عابر المسلمات والأساسيات...
أول نقدي لابن عباس كان في بوسته عن نقل السفارة الامريكية، حين قلت له:
Quote: سلام يا دكتور
مرات كثيرة يا دكتور ابوبكر لا أعرف هل تقول الكلام على سبيل السخرية والمزاح والهزل،
أم أنك تعني ما تقوله؟؟؟
مثلا في هذا البوست لم أتأكد من أنك تعني ما تقوله حرفياً إلا بعد ردود عديدة...
وكما أشار البعض فهو لايتقبل النقد، ولذلك تجاهل ملاحظتي النقدية وأهملها.
ولو أعارها قليل اهتمام، ما كنت سأتداخل في هذا البوست.
أرى أن مشكلة ابن عباس مثلما تمثلت في ظلال معنى "الابتذال"، تتمثل أيضا في ظلال معنى البهلول..: فالبُهْلُولُ :هو السيّدُ الجامع لصفات الخير ، وتقابل هنا النية الطيبة لنشر الاستنارة، وأيضا هو المَرِحُ الضحّاك ، ، وهذا المعنى يقابل جعل الاستنارة والمستنيرين موضوعا للتنكيت والتندر، ثم يأخذ صفة فقدان الرشد، وهذا يقابل اكتمال الابتذال ....
وهذه الدورة البهلولية هي تحاكي دورة الابتذال...
وقد درج ابن عباس على إجراء مقارنة بيني وبينه ، لا معنى لها، مثل من يبحث عن اسم مهندس في موقع تسجيل الاطباء ....
هل لذلك علاقة بما أسميه "اضطراب الهوية الاسفيرية"، أو "المنزلة بين المنزلتين؟؟؟
ربما...
Post: #229 Title: Re: لقب (المستنير) من يستحقه ؟ Author: Abuzar Omer Date: 06-04-2018, 07:35 PM Parent: #228
غايتو بتعرفوا تشكروا بعض، تردوا على بعض و تكبروا كيمان بعض (ناس الضفتين). لا أديتونا معاكم Credit و لا دخلتونا في نقاشكم و لا ناقشتوا كلامنا. أنا أول واحد حاول يعمل معيارية و قواعد يستند عليها النقاش. الحمد لله ما عندي أصحاب في الحلة دي، كنت بقيت مستنير كبير.
Quote: رمضان كريم، غايتو، نساعدكم بتعريف المستنير، عشان الشغلة تبقى واضحة و بي فهم. المستنير من يملك: الحكمة/ الذوق العالي/ سعة الأفق/ التهذيب/ التواضع/ الاتزان/ المبدئية/ العقيدة السليمة/ الشجاعة/ الحقانية/ التسامح/ التصالح مع النفس و الآخرين/ جودة اللفظ/ المقدرة على التواصل مع كافة المستويات/ خلق الصداقات/ وأد العداوات/ العلم، المعرفة و الثقافة/ المقدرة على خدمة مجتمعه و أهله/ المرح و طولة البال/ و يكون باحث، عامل و مجتهد/ ودود و يحفظ الجميل/ لا يطفئ الغضب حكمته... Classy, Sophisticated and Articulated
لكن لسع طمعان إنو الاستنارة تكون مسنودة بسمات الشخصية و البعد الإنساني و الأخلاقي.
Post: #230 Title: Re: لقب (المستنير) من يستحقه ؟ Author: Abuzar Omer Date: 06-04-2018, 07:39 PM Parent: #229
If someone is not sensitive enough, he shouldn't be considered at all.و لا بالهظار.
المستنير كائن حساس، ودود و ذكي قبل كل شئ. غير كدة الواحد، نوره بحرقوا قبل ما زول يستفيد منو. الكلام ده محاولة شغل في دعاة الاستنارة في عظمهم،
Post: #235 Title: Re: لقب (المستنير) من يستحقه ؟ Author: كمال عباس Date: 06-04-2018, 09:04 PM Parent: #230
سلام اخ ابوذر اسمك " صبغ " فيك !! يعيش وحيدا وهكذا دواليك !! نجي للجد كلامك يشكل بالطبع يشكل اضافة ويثري النقاش واعني تحديدا النقاش في محور تعريف المستنير -سماته المعرفية -رسالته- انحيازه. لتيار وقضايا الاستنارة في وطنه/—وبعده الإنساني -اَي ان يكون المستنير إنسانا بحق وبكون مفعم بالقيم الانسانية -يعلم ويتعلم ويتسامح ويتعايش مع المختلف من دون مجاملة أو مداهنة فكرية!! —-ان يكون إنسان لا بجرح أو بتنطع او يستعرض ...يحترم نفسه ويحترم الاخر ! كلامك شكل اضافة ولكنه جاء هادي وبصوت خفيض بعيد عن الضجيج الذي يلفت النظر -كما ركز علي الموضوعي ومفهوم الاستنارة بدلا. من التركيز علي الشخص مثار الجدل هنا لا قدحا أو مدحا أو حتي محاولة لمعرفة مدي انطباق مفهوم الاستنارة عليه - كل هذا ليس عيبا وأنا ميزة كويسة ولكنها قد لاتلفت النظر عند البعض القليل - مثل المساهمات التي تطرقت لنقد الشخص المعني اتفاقا أو خلافا
Post: #231 Title: Re: لقب (المستنير) من يستحقه ؟ Author: كمال عباس Date: 06-04-2018, 07:42 PM Parent: #228
كدي بامعاوبة الزبير خليني اشوف رابك في المكان اي هدا. الموقع ! واقعه الحالي مقارنة بما كان وبما يجب ان يكون ! لماذا خفتت خاصية الجذب وطغت سمة الطرد؟ ما سبب الانحدار وماهي اسباب الانزواء. والهجرة - ؟ماهي مكامن أزمته ؟والنَّاس" الكويسة " مفترض موقفها يكون شنو ؟
Post: #232 Title: Re: لقب (المستنير) من يستحقه ؟ Author: عبداللطيف حسن علي Date: 06-04-2018, 07:55 PM Parent: #228
وين صاحب البوست ؟؟
Post: #233 Title: Re: لقب (المستنير) من يستحقه ؟ Author: Abuzar Omer Date: 06-04-2018, 08:02 PM Parent: #232
قول لي، عندما تسمع وصف مستنير من أول شخص يخطر على بالك - غير أبوبكر طبعاً - أقل لك موقعك، في سلم السالكين للاستنارة!
أشكرك على التحليل الباذخ لماجرى ، وهو قد تجاهل فكرتي الاساسية أو أفكاري الاساسية حول مفهوم "الابتذال" بظلاله العديدة،
وذلك حين تغيب الفواصل بين الجد والهزل، وحين تصبح الاستنارة نفسها موضوعا للتنكيت والتندر وتنتفي اسسها.
هل سمعت أو قرأت عن "استنارة الشخص الواحد"، على وزن "الحزب الواحد" ومسرح الرجل الواحد؟
هذه إعادة إنتاج للطغيان، هذا إذا لم يكن ذلك الزعم داخل في إطار التنكيت عابر المسلمات والأساسيات...
أول نقدي لابن عباس كان في بوسته عن نقل السفارة الامريكية، حين قلت له: Quote: سلام يا دكتور
مرات كثيرة يا دكتور ابوبكر لا أعرف هل تقول الكلام على سبيل السخرية والمزاح والهزل،
أم أنك تعني ما تقوله؟؟؟
مثلا في هذا البوست لم أتأكد من أنك تعني ما تقوله حرفياً إلا بعد ردود عديدة...
وكما أشار البعض فهو لايتقبل النقد، ولذلك تجاهل ملاحظتي النقدية وأهملها.
ولو أعارها قليل اهتمام، ما كنت سأتداخل في هذا البوست.
أرى أن مشكلة ابن عباس مثلما تمثلت في ظلال معنى "الابتذال"، تتمثل أيضا في ظلال معنى البهلول..: فالبُهْلُولُ :هو السيّدُ الجامع لصفات الخير ، وتقابل هنا النية الطيبة لنشر الاستنارة، وأيضا هو المَرِحُ الضحّاك ، ، وهذا المعنى يقابل جعل الاستنارة والمستنيرين موضوعا للتنكيت والتندر، ثم يأخذ صفة فقدان الرشد، وهذا يقابل اكتمال الابتذال ....
وهذه الدورة البهلولية هي تحاكي دورة الابتذال...
وقد درج ابن عباس على إجراء مقارنة بيني وبينه ، لا معنى لها، مثل من يبحث عن اسم مهندس في موقع تسجيل الاطباء ....
هل لذلك علاقة بما أسميه "اضطراب الهوية الاسفيرية"،
مداخلاتك القيمة اعادت التوازن للبوست لأنها موضوعية، زي ما قال استاذ كمال عباس. ابوبكر في رأيي المتواضع يخفي أكثر مما يظهر( ضمة على الياء) ، احياناً الضحك يكون قناع، بإختصار يبدو لي ان العباسي يقف حجر عثرة في طريقه بنفسه. في النهاية اجد رأيه كان مهماً لتأكيد منطقية و جدية وجهةالنظر المضادة.