الاخوة حاتم وأيمن.. انا لم أحذف اي مداخلة ولا اعرف خاصية الحذف

11:10 AM May, 29 2018

سودانيز اون لاين
عزيز-Netherland
مكتبتى
رابط مختصر

فوجئت الان ببوست على صفحات المنبر
من الاخ الكريم أيمن يعاتبني على حذف مداخلة للاخ حاتم في بوست المايسترو

أود أن أثبت لكل الاخوة الاعضاء احترامي الشديد لهم ولارائهم ولست من الذين يقصون الآخر.
هناك دوما مساحة للراي الاخر احترمها واقدرها

هذا تنويه منى والله على ما اقول شهيد ..
وعلى إدارة المنبر أن تثبت الحادثة وتنشر وقائعها على الملأ

عبدالعزيز خطاب

الأخ المحترم عزيز

أصلاً أنا المقصود بالحذف، وأعرف السبب.
بل كل المنبر يعرف السبب.

__
دمت يا عزيزي.

عزيز انت ياعزيز .

Quote: عزيز انت ياعزيز .

سلمك الله اخي السيد المسلمي
ولك وافر محبتي وتقديري

Quote: الأخ المحترم عزيز أصلاً أنا المقصود بالحذف، وأعرف السبب. بل كل المنبر يعرف السبب. __ دمت يا عزيزي.

ولك التقدير والاحترام اخي حاتم

افترعت هذا البوست لأبري نفسي من فعل ظللت مناهض له منذ انضمامي للمنبر في العام 2002
لا لمصادرة الرأي الآخر..
هي مساحات رحيبة للخلاف والائتلاف والتسامح والمحبة..
اتمنى وارجو ان نجد في أنفسنا براح اوسع للآخر..
تقبل محبتي اخي الكريم

شكراً عزيز

لا عليك يا رجل !

أنا كذلك اؤكد صدقك
وأثق تماماً في انه لا علاقة لك بحذف المداخلات في البوست المعني
...

خالص التحايا و التقدير
و رمضان كريم

Quote: شكراً عزيز  لا عليك يا رجل ! أنا كذلك اؤكد صدقك  وأثق تماماً في انه لا علاقة لك بحذف المداخلات في البوست المعني  ... خالص التحايا و التقدير  و رمضان كريم

ولك جزيل الحب والتقدير يا دكتور
وسعيد جدا بهذا الارتباط
أدام الله المحبة اخي الكريم

وهل توجد خاصية للحذف ؟.

نحن لسع عندنا مشكلة في الاقتباس ذاتو

يا باشمهندس محمد الشيخ

الحذف يتم بعدة طرق ملتوية طابعها الجرسة و الاتصالات من الشخص المتضرر
و ( واي واي) اخذفوا لي كلام الزول دا !!!

معقولة ياخ !!


تحياتي لك
و لعزيز و باقي الشباب

Quote: وهل توجد خاصية للحذف ؟. نحن لسع عندنا مشكلة في الاقتباس ذاتو

سلام اخي محمد

خاصية الحذف اصلا لم تخطر على بالي يوما ولم ولن أحتاجها..

لكن خليني اشرح ليك عملية الاقتباس..
اعمل كوبي التكست الذي تود اقتباسها
امشي إلى خاصية رد في المكان الذي تود وضع الاقتباس به
اضغط على أيقونة إقتباس فوق المربع الذي يظهر لك للرد
سيظهر لك مربع فيه كتابه بلغة غير مفهومة
اذهب أسفل المربعة واضغط الايقونة ألفي الوسط مسح
ثم فك الكوبي من الماوس في المربع بعد أن أزيلت منه اللغة الغير مفهومة
ثم اضغط على أيقونة Ok
واخيرا قبل كتابة ما تود أنزل أسطر أو سطرين قبل الكتابة

وان شاء الله اكون فلحت في الشرح
ده شغل ناس الاي تي
لك تقديري

سلام عزيز وضيوفه

اعتقد أن المداخلة البقصدها أخونا أيمن نواي نزلها بالغلط في بوست أخونا محمد البشرى الخضر (جزار مدريد) في الصفحة التانية ، وعلق عليها أخونا سفيان نابري
واكتر شيء خلاني اعتقد الاعتقاد دا أنو أيمن ما رجع علق بعد المداخلة .. مما يؤكد أنو نزلها بالغلط بهناك وما انتبه ليها

حاولت أخش اكتب المداخلة في بوست أيمن نواي لقيتو مطبول ..

ورمضان كريم على الجميع

سلامات يا عزيز

يا بوب ياخي ما تشوف لينا واسطة نقدر نحذف بيها اي مداخلة ما نافعة معانا أو تعكر مزاجنا ساي .. نصاحب منو؟ ونكسر تلج لي منو؟
عشان الزول يتجدع ويخلي ليك الفلول ديل يلفوا صينية في المنبر

Quote: سلام عزيز وضيوفه  اعتقد أن المداخلة البقصدها أخونا أيمن نواي نزلها بالغلط في بوست أخونا محمد البشرى الخضر (جزار مدريد) في الصفحة التانية ، وعلق عليها أخونا سفيان نابري  واكتر شيء خلاني اعتقد الاعتقاد دا أنو أيمن ما رجع علق بعد المداخلة .. مما يؤكد أنو نزلها بالغلط بهناك وما انتبه ليها حاولت أخش اكتب المداخلة في بوست أيمن نواي لقيتو مطبول .. ورمضان كريم على الجميع

كلام أخونا الطيب دا صح المداخلة لم تسحب أو تحذف بل أخونا نواي نزله في بوست آخر بنوع الغلط و البوست هو :-
جدار مدريد بوست أخونا محمد البشرى خضر

الأقتباس:

:

نظلل المساحة المطلوبة للاقتباس نضغط على الايقونة الخاصة في صف الرموز ( اقتباس ) تفتح معنا نافذة غالبا يكون فيها ترميز غير واضح للقراءة .. نمسح كل ما في النافذة المفتوحة ثم ننســـخ بدلا عنها الجملة المراد اقتباسها .. ثم نضغط OK.. لإتمام العملية.

ملحــوظة




الكلام الفوق دا كان شغال معاي زمان . الآن لا يعمل بل تظهر نافذة لوضع عنوان جديدabout: blank

Test

سلام عبد العزيز
شكرا على سعة الصدر .... تحكم العجائز فى الفن والسياسة وغيرها من المجالات ،،،، خلقت نفسية سيئة للشباب الذى يمارس الهروب والانذواء ،،،، صراع الأجيال و صراع الهامش والمركز ... وصراع المهاجرين والسكان الأصلين .... هذه الصراعات عملت كوابح لى حركة التنمية والتطور والابداع فى البلاد .... لابد من ان نخاطب جزور المشكلة وهذا هو دور الاعلام .... التحكم فى الاعلام جعل هذا التراكم .... ثورة محمود عبدالعزيز الحوت هى ثورة شبابية متمردة وتعبر عن الشباب .... لى ضيق الوقت سوف نعود للنقاش حولها .... شكرا لك مرة اخرى .

لك التحية يا عزيز ولضيوفك الكرام .


اسمعني يا ايمن نواي :

. تحكم العجائز فى الفن والسياسة وغيرها من المجالات
اولآ العمر من متين كان مذلة ؟ ولو لا العجائز ديل ما كان
الشباب بقي فنان ! ثم ثانيآ المنع الشباب منو ما يغني ؟؟؟؟؟
اهو في دشليوووون من الشباب بغنوا في زول منعهم ؟؟؟؟

لو سمحت يا ايمن احسن ليك تهدي اللعب وتحترم اخوانا
الكبار الهنا وسيب التجريح والكلام السخيف البتعمل فيه
دا . بعدين تعال هنا يا كيشة انت ما عارف الما عنده كبير
ما عندو صغير ؟

اها ممكن تقعد رائق ؟؟؟ الدنيا رمضان ما تخليني اشق
حلقومي فيك .

اظن اهي المداخلة المفقودة :-

Quote: فى السبعينات ذهبت الى معرض الخرطوم الدولى لى شراء كاسيت لى فنان تخرج حديثا من القاهرة .... بداية الشريط فيه أغنية الهجروك عليا ... للحقيقة كان الأداء فيه مش ولابد .... اما بقية الشريط لا يرتقى الى فنان .... لم استمع الى شريط الكاسيت مرة اخرى ..... ندمت على الْيَوْمَ الاشتريت فيه ذلك الشريط ..... من ديك لم اسمع ذلك الكاسيت فى مرطبات أو مكان عام الى يومنا هذا ..... فى ذلك الزمان كان هذا الفنان فاشل بى امتياز لم يحقق نجاح أبدا ولَم تكن له شعبية ... هذه تجربتى الخاصة .... للعلم كنت مشترك فى نادى الاتحاد البحراوى وقصر الشباب ايّام الموسيقار عجاج و وزارة الشباب و مركز شباب بحرئ و احضر بروفات مصطفى سيد احمد فى الصحافة ..... العندوا تجربة يتكلم من خلالها اما ناس قريعتى راحت ينقطونا بى سكاتهم . اما الناس العندهم دال قدام اسمهم ما يخافوا ساكت المشرف و الخواض .... حلتم ما بيقض الا الزول العندوا اعوجاج .... إنتوا اطمئنوا ساكت ... الا كان ما واثقين فى نفسكم . ... بعدين ما تشكروا الراكوبة فى الخريف يا كستاوى هسى الفيديو المنزلوا بتاع الطيور المهاجرة و الفيديو بتاع الفنان جمال سعيد الفرق شنو .... جمال سعيد اداه جيد من صاحبنا دا . اما البقية .... لا ليهم فى العير ولا فى النفير .... اذا كشكشوا ليهم علب صلصة ساكت يقولوا والله فلان دا فنان  عزيز انت عندك تجربة ورؤية فنية اذا خطيت ناس أب عينات الطايرة و البيساسكوا ويقابضوا يمكن تقدم شئ يستفيد منه الناس . ترفع لكم القبع حاتم و بوب وشكرا لكم لى محاربة التغبيش والتضليل والتجهيل.... المستقبل لكم

ههههههههه يا ايمن يا قريبي رمضان فات العضم فيك ههههه

Re: جزّار مدريد!Re: جزّار مدريد!

نواي سلامات

هل هذه هي المداخلة المقصودة

http://www.sudaneseonline.com/msg/board/499/msg/1527372302/rn/123.html

Quote: يا بوب ياخي ما تشوف لينا واسطة نقدر نحذف بيها اي مداخلة ما نافعة معانا أو تعكر مزاجنا ساي .. نصاحب منو؟ ونكسر تلج لي منو؟ عشان الزول يتجدع ويخلي ليك الفلول ديل يلفوا صينية في المنبر

غايتو يا عظمة لو بقيت نسناس ممكن
و في رواية اخري ، تلبس ليك جزمة بمبية !

سلام يا بت عمسيب

ذى ما سمعتك .... اسمعينى مرة ... انتى فى وأدى وانا فى وأدى .... كلامى واضح الأجيال مكملة لى بعضها البعض من مرحلة الطفولة والشباب والكهولة ..... لكن الشخص الذى يحاول يلعب دور الطفولة والشباب والكهولة يجب ان يراجع نفسه .... و نقضنا هو احترام للكهولة يجب ان تكون فى مكانها الصحيح حتى تحترم .
النقطة الثانية .... أمدرمان مكان اعتماد ختم الغناء .... اى فنان لا يعتمد مالم يدخل الإذاعة والتلفزيون فى أمدرمان .... لولا السكة حديد ما كان سمعنا بى وردى و لا العطبراوى و هناك آلاف أمثال وردى و ود الامين والعطبراوى فى أقاليم السودان المختلفة .... لكن لابد ان يصلوا الخرطوم اولا و يبحثوا عن من يأخذ بيدهم الي الإذاعة والتلفزيون .... لذلك انحصر جل الفنانين من العاصمة والمدن القريبة منها ..... التنوع الثقافى هى ثروة وإثراء للساحة الفنية .... نحن نطالب بالتنوع وعدم حصر الثقافة فى منطقة جغرافية واحدة .
النقطة الثالثة .... أنا ود العاصمة عكست الساحة الفنية فى تلك الفترة .... منوا الفنان الناجح والفنان الفاشل معروف للكل ... انتى لو كنتى فى تلك الفترة موجودة فى الخرطوم كان عرفتى الحاصل .... هناك فنانين و موسيقين كثر تَرَكُوا بصماتهم فى وجدان الشعب لماذا لم يكون واحد منهم.... الرجل المناسب فى المكان المناسب .
النقطة الرابعة .... اخدى راحتك تماما مافى عوجة تب سلامة حنكك من الشق .... القصر محاصر الان

قربا سفيان بشير
هو رمضان براهو .... ههههههه حاجات كتيرة حاميانى .... ود البشرى ذى جنا الموية يزغلل عيون الواحد .... الواحد لمن داير يكتب مداخلة لازم يشوف ود البشرى مشغول بى شنو بعد داك ينزل المداخلة بسرعة .

سلامات ود المشرف شرفتنا
طلعوك راجل كبير .... عندك كم من الأحفاد .... لو الكلام دا طلع صحيح .... انا متبرع ليك بى مصلاية فيها البوصلة وسبحة صندل اصلى كمان .... يا ود المشرف رأيك شنو لو نقلوا وزوارة الداخلية مثلا الفاشر أو الدمازين عشان تعمل تأشيرة خروج لازم تسافر هناك .... أو مثلا الإذاعة والتلفزيون تم نقلها .... عشان يجيزوا صوتك وتصبح فنان على مستوى السودان لازم تسافر هناك .....أو قول تم نقل العاصمة كلها .... ممكن تساعدنا على وضع سيستم اذا جاء زيد ولا عبيد ما يتاثر بحق اى فرد مهما كان .

شيخ بوب
مدد تلحقنا وتنجدنا .... من الطبل وشر النفاثات ... الشكية لى اب أيدا قوية يا اللحاق بعيد .... يا ود دهاشة من الماشة والطاشة .

اخونا يوسف الطيب
شكرا للتنبه و لفت النظر .... وحسن الظن .... الواحد كان قايم سدارى .... البوست مشى الخور الظاهر الجماعة ايدهم لاحقة .... بعد دا نشتغل كسير ثلج ساى ..... نتقابل فى ساعة خير ودعناكم الله عيد سعيد وكل عام وأنتم بخير والقابلة على الامنيات .

Quote: البوست مشى الخور الظاهر الجماعة ايدهم لاحقة .... بعد دا نشتغل كسير ثلج ساى ..... نتقابل فى ساعة خير ودعناكم الله عيد سعيد وكل عام وأنتم بخير والقابلة على الامنيات .

ههههههه
الفطام كعب يا خوي، دي عالم شافت الصعب واتعودت على الساهل وماهل.

Quote: شيخ بوب مدد تلحقنا وتنجدنا .... من الطبل وشر النفاثات ... الشكية لى اب أيدا قوية يا اللحاق بعيد .... يا ود دهاشة من الماشة والطاشة .

لا تثريب عليكم !

لاكين للضمان كدا ، كلو ياخد ساتر !!
😂