قدلة يا مولاي حافي حالق القدلة اياها مشية البخترة والاعتزاز والمنجهة يقول ليك قادل في عزو الصبيان زمان بلبسو الطواقي الحمراء المشغولة باليد من الحرير ويشنقوها ! تشنق طاقيتك يعني تختها قدام الجبهة وقايمة لي فوق وتقدل ، والبنوت يعاينن فيك وانت تزيد شبر وشبرين وغيرها غضب الوالدين زي الشنيق لكن ماخدة جمبة ولا حقت الفلس ديك .. معلم الله الطاقية متركجة لي ورا واتا كل مرة تتذكر مصيبة تديها برمة بي يدينك الاتنين فقال له المسطول غايتو طاقيتك دي لو كانت قلووز كان حصلت 😆😆😆
05-28-2018, 05:35 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
دي زي تكون قاعد مع ناس في ونسة سمحة .. وفي زول اتا خايف منو ،، طالبك قروش ولو لقاك ببشع بيك واتا زايغ منو وقافل تلفونك وعارف بعد شوية بجي تقوم تستأذن منهم وتمشي تقدل ولا هماك علا قلبك يسوي رب رب ، وكرعينك قريبات للجرية
05-28-2018, 05:39 AM
Fatima Alhaj Fatima Alhaj
تاريخ التسجيل: 05-06-2014
مجموع المشاركات: 712
صبحكم الله بالخير ورمضان كريم عليكم تصوموا وتفطرو على خير أخواني عبدالحفيظ وجلال.. وحات الله يا يا عبد الحفيظ يا أخوي أول مرة أسمع بالمثل دا دحين أشرحو لي لو ممكن.. دا زي مثل الشوام البقول ( الشردة نص المرجلة )؟ شفت كيف الكلام دا . بس لو بقى دا نفس المعنى ما ظنبتو بشبهك.
05-28-2018, 05:45 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
حبابك فاطنة رمضان قادم وسودان واحد موحد ديمقراطي يسع الجميع انا شنو ياخية !!؟؟ لا ياخ ديل الناس البتلبو من ضهر الحكومة قبال تجي الجرية ماشايفاهم قادلين في الاسافير انتقاد للسلطة ، يعني نظام نحن الناس ديل خليناهم ما تحسبونا ساي معاهم
05-28-2018, 08:48 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
عرفنا فلان وفلان وعلان حتي الطيب مصطفي واقع عبثي بدرجة ممتاز وصدق دكتور حيدر لقد تحول السودان الي بلد العجائب والغرائب والخوارق ولن يشفيه حوار الوثبة ولا التنظيم الخالف ولا الهبوط الناعم ولا نداء السودان الحل فقط في اقتلاع النظام من جذوره وقلب التربة ثم تسميدها وزراعة وطن جديد تماما تزدهر فيه الحرية والتنمية والرخاء والتنوير والعقلانية والعلم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
جلالدونا
Fatima Alhaj
فيس بوك
تويتر
انستقرام
يوتيوب
بنتيريست