قلت ليها النية متين نتلم والحال بطالة قالت لي غنية وانت معاي ومستورة حال بت سودانية تم عقد قران ابننا عبدالمحمود علي الخيار علي كريمة عضو المنبر الرائع الطيب مضوي شيقوق وانا زي ما قلت للعرئس ولود شيقوق انا في العرسه دي منشار طالع نازل وشهادتي في اسرة الخيار مجروحة كما شهادتي في الطيب واسرة الطيب واعتمدت نفسي عم للعرئس والعروس الف مبروك وبيت مستور حال وهدو وسكينة عامر بالبنين ونموذجا للحياة الزوجية السعيدة دمتم بألف خير
Post: #2 Title: Re: الف مبروك العزيز الطيب مضوي شيقوق بالعديل Author: Arif Nashed Date: 05-25-2018, 07:40 PM Parent: #1
الف مبروك وبيت مال وعيال
Post: #3 Title: Re: الف مبروك العزيز الطيب مضوي شيقوق بالعديل Author: Arif Nashed Date: 05-25-2018, 07:40 PM Parent: #1
الف مبروك وبيت مال وعيال
Post: #4 Title: Re: الف مبروك العزيز الطيب مضوي شيقوق بالعديل Author: احمد حمودى Date: 05-25-2018, 08:06 PM Parent: #3
الف مبروووك وبيت مال وعيال وربنا يوفقهم
Post: #5 Title: Re: الف مبروك العزيز الطيب مضوي شيقوق بالعديل Author: حمد عبد الغفار عمر Date: 05-25-2018, 08:19 PM Parent: #4
ود شيقوق رمضان كريم ليك وللاسرة الكريمة فعلا والله المنبر ده مع الدقاق والوحل الفيه لكن لا يمكن اننا نغفل حكاية انه نموذج صغير للمجتمع السوداني وممكن الناس ما تلاقي بعض لكن بكون في شي من انتماء علي العموم انا ما زلت علي وعدي بي طرفة نسيبك يا ود شيقوق بعد اديتو روابط المنبر ده وقلت ليه عشان تعرف الزول ده انا بعرفو من وين فقط انتظر الاذن هههه والف مبروك والله سعيد جدا اولا بسماع صوتك وثانيا احتفالا بسدة المال وبقت الفال والمتاكد منه زواجا موفقا تحياتي لكل من مر من هنا
Post: #11 Title: Re: الف مبروك العزيز الطيب مضوي شيقوق بالعديل Author: عمر دهب Date: 05-26-2018, 03:49 PM Parent: #10
ربنا يسعدهما بيت مال وعيال
Post: #12 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-27-2018, 12:34 PM Parent: #10
ابو روضة
الله يديك العافية فعلا انت في عرسنا دا منشارك طالع ياكل و نازل ياكل
Quote: ود شيقوق رمضان كريم ليك وللاسرة الكريمة فعلا والله المنبر ده مع الدقاق والوحل الفيه لكن لا يمكن اننا نغفل حكاية انه نموذج صغير للمجتمع السوداني وممكن الناس ما تلاقي بعض لكن بكون في شي من انتماء علي العموم انا ما زلت علي وعدي بي طرفة نسيبك يا ود شيقوق بعد اديتو روابط المنبر ده وقلت ليه عشان تعرف الزول ده انا بعرفو من وين فقط انتظر الاذن هههه والف مبروك والله سعيد جدا
لا لا يا باش ما تفك السالفة الا بعد ندخلها غرفة الفحص و نشوف شن فيها و بعد داك ممكن نقول ليك اديناك الضؤ الاخضر أبهل العنكوليب لناس المسلمي في صقيعة بكري دا هنا ومحل رهيفة تنقد .
Post: #13 Title: Re: الف مبروك العزيز الطيب مضوي شيقوق بالعديل Author: MOHAMMED ELSHEIKH Date: 05-27-2018, 12:44 PM
Post: #14 Title: Re: الف مبروك العزيز الطيب مضوي شيقوق بالعديل Author: فرح الطاهر ابو روضة Date: 05-27-2018, 01:04 PM
اها يا ود شيقوق حنكبها بتصرف
نسيبك ده ممكن هنا الجميعابي بعرفوا شقيق صاحبنا الاكبر منه انسان ما اشكروا ليك زول طيبان وبتاع شغل الشغل البيت البيت الشغل وبحب النكتة المهم لما جات المناسبة دي وقبل نتصل عليك قلت ليه اصلا نسبيك ده لو الطيب مضوي شيقوق البكتب في سودانيز اون لاين انا بعرفو رجل متزن وزول كتاب واضح انه اخو اخوان فكدي اسال لينا هل هو الطيب نفسه جاء قال لي ايوه قلت ليه خلاص اديتو رابط المنبر ومواضييع خاصة بيك قلت ليه دي موضوعات نسيبك وعشان تعرف انا بعرفه من وين نسيبك شليق خلص موضوعاتك وجر ي يبحت في المنبر يفتش في مواضيع العبد لله المهم حاس ولاس كويس شي وحل وشي دقداق جاني صحاني من النوم قال لي والله يا ابو روضة انا جاتني طرده بتجيني منك ههههههههههه غايتو لو اتشوكشت بسببك خليتك لي الله فياخ عليك الله الزول ده قول ليه الحاصل وانت عارفني انا لا بتاع سياسة لا شيوعي ولا حزب امة ولا بحب الانقاذ ولا بكرهها ضروري تقول ليه الكلام ده والله يا الطيب انا ضحكت ضحك ممكن يكون قريب ما ضحكتو وقلت ليه والله يا حوتة ما اقول ليه اصلا ولو كترتو أنا حاتصل عليه واقول ليه نسيبك ده كان كادر خطابي في جامعة السودان قال لي والله انا عارفك دخلت في الموضوع ده كايس لي الشاكوش ههههههه طبعا هسي انا مشغلها ليه بالموضوع ده شغل شديد ههههههه وكل التمنيات لهما بحياة هادية وهنية يا رب وتحياتي للجميع
Post: #15 Title: Re: الف مبروك العزيز الطيب مضوي شيقوق بالعديل Author: أحمد الشايقي Date: 05-27-2018, 01:19 PM Parent: #14
ألف مبروك
للعروسين ولأهاليهم وللحبيب الاستاذ الطيب شيقوق
بيت مال وعيال
أحمد الشايقي
Post: #16 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-27-2018, 08:35 PM Parent: #15
Quote: جاني صحاني من النوم قال لي والله يا ابو روضة انا جاتني طرده بتجيني منك ههههههههههه غايتو لو اتشوكشت بسببك خليتك لي الله فياخ عليك الله الزول ده قول ليه الحاصل وانت عارفني انا لا بتاع سياسة لا شيوعي ولا حزب امة ولا بحب الانقاذ ولا بكرهها ضروري تقول ليه الكلام ده
الله يجازي محنك ابو روضة تقول لي الكلام دا بعد زولك شبل حبلو طاااااااب قول لنسيبي دا ود شيقوق قبل شهرين بس عرس لاولادو اتنين من بنات شيقوق اصلا مخطوبات لواحدين ما من اولاد شيقوق و خرتوهن منهم بعد سددوا مالهم كمان
اها قول لنسيبي دا انا خايف موش بعد عقدو ليهو انا خايف حتى بعد يدخل ويجيب ليهو بطنتين تلاتة يجوا ناطين واحدين من اولاد شيقوق يخرتوها منو ههههههههههههههههههها
ابو روضة عليك النبي ما تخوف ود الخيار الزول دا نحن ذاتنا بعد دا بنسميهو عبد المحمود الشيقوقابي
احمد الشايقي
حبابك مليون يا حبيب و رمضان كريم
Post: #17 Title: Re: الف مبروك العزيز الطيب مضوي شيقوق بالعديل Author: نعمات عماد Date: 05-27-2018, 08:55 PM Parent: #16
ألف مبروك للعرسان و للأستاذ الطيب شيقوق.
امنياتنا بحياة زوجية سعيدة . 🌹💐
Post: #18 Title: Re: الف مبروك العزيز الطيب مضوي شيقوق بالعديل Author: عبدالحفيظ ابوسن Date: 05-27-2018, 10:47 PM Parent: #17
بيت مال وعيال شيقوق ربنا يسعدهم
Post: #19 Title: Re: الف مبروك العزيز الطيب مضوي شيقوق بالعديل Author: Basamat Alsheikh Date: 05-27-2018, 11:13 PM Parent: #18
اول شئ الف الف مبروك للعروسين وان شاء الله حياة هنية وسعيدة تاتي شئ هل العريس هو ود شيقوق البنعرفه هنا في المنبر العام والبيكتب دائما الروائع ولا ود شيقوق تاني يكون اخوهو ولا ابن عمه ولا من الاسرة ،،والمهم اذا كان هو فالف الف مبروك مرة ثانية واذا كان اخوهو فبرضه الف الف مبروك لان يوم العديل والزين دائما يوم يؤرخ في تاريخ الانسان، ورمضان كريم وكل سنة وانتو طيبين وسالمين ولامين ودمتم بالف خير وصحة وعافية
Post: #20 Title: Re: الف مبروك العزيز الطيب مضوي شيقوق بالعديل Author: علاء سيداحمد Date: 05-27-2018, 11:26 PM Parent: #19
الف مبروك للعروسين وبيت مال وعيال والتهانى للاخ الطيب شيقوق
Post: #21 Title: Re: الف مبروك العزيز الطيب مضوي شيقوق بالعديل Author: امجد الجميعابى Date: 05-28-2018, 00:50 AM Parent: #20
و الله البوست اجي اعاينلو و اشتت و امشي و اجيهو راجع اول بالتبادي الف مبروك للعروسين و نسأل الله ان يبارك لهما و يبارك عليهما و يجمع بينهما في خير و سرور عبد المحمود ود الخيار صاحبنا بالحيل اخوهو الاكبر حسن الخيار و هم فعلا خيار من خيار الطيب ود شيقوق من حلالنا الغادي ديك بتجمعنا المناطقية و الجغرافيا خايف اقول وحدة المصير نقوم ندخل في قومية ما عارف ايه كدا علي الطلاق دي (جيزة) مباركة تاااااب و مليانة بالحيل
يا ود شيقوق ابو الروضة دا قبقبو ما يفك اخرو عبد المحمود اكيد مباري البوست جيتك داكي الليلة عقب العقد ما لقيتك لقيت ابوروضة و الحسن صاقعة النجم و حيدر و برعي و اكان مغالطني اكان معاهم ضيف كمان المهم بجيك تاني آ زول مباركة التلفونات مسيخة و عديمة نكهة عشان كدي بجيك بوش البيت الف مبروك
Post: #22 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 06:00 AM Parent: #21
الاخوات العزيزات
نعمات عماد
الف شكر و ربنا يديك الصحة و العافية و عقبال ليكم يا رلب
الاخت بسمات بت الشيخ
حبابك الف
نعم يا هو الطيب شيقوق القديم ذاتو ( شيقا)
ود اب سن
الف مرحب بيك و ربنا يبارك في عيالك يا رب
علاء سيد احمد
كتر خيرك يا حبيب
الجميعابي
والله انت مسنوح و كارثة عديل عليك الله يا امجد أقرأ كلامي الفوووق ردا على كلام ابو روضة بس اوعاك تقراهو لود الخيار ههههههههههههههههههههها
Post: #23 Title: Re: الف مبروك العزيز الطيب مضوي شيقوق بالعديل Author: محمد فضل الله المكى Date: 05-28-2018, 07:13 AM Parent: #22
. خلعتنا يااااا فرح ياخ !
أنا قلت المزنوح بلع حبوب الشجاعة وبالمرة كِده سيطر على الساطور الخاتِنو ليهو تحت السرير.. وعمل العمله ........ يلقاها عند الغافِل.
عبد المحمود يستاهل .... وبتنا تستاهل .. وبيت مال وعيال .. أن شاء الله تغلبو بالعيال ويغلبه بالدولار.
ومبروك كبييييييييره لي جِدو الطيب ... والشكر ليك يا فرح.. يا ناقِل الفرح.
Post: #24 Title: Re: الف مبروك العزيز الطيب مضوي شيقوق بالعديل Author: عمر أبوعاقلة Date: 05-28-2018, 08:45 AM Parent: #23
ألف مبروك للعروسين وربنا يجمع بينهما بالخير لكن يا أبو روضة عنوانك يخلع مفصل علي مقاس شيقا بالملي
دمتم سالمين
Post: #25 Title: Re: الف مبروك العزيز الطيب مضوي شيقوق بالعديل Author: Yousif A Abusinina Date: 05-28-2018, 09:14 AM Parent: #24
غايتو ابو روضة كتر خيرك ما قصرت تب ولاهل العريبى هووووووول لا وراء والضهارى نبارك بنيتنا وعرضنااااااااااا وونقول ربنا يسعدهم ويوفقهم وبالمال والبنون ان شاء الله
لكن يا عريبى خوووتك كسرة بمويه لا تغلت عليك وتوسخ يديك
اليك اتعرفت
يا الجمعابى وابوروضة العريبى ما تقصروا فيه
انعل ابو العنكوليب وخدارووووووووو البجنن زاطوووووووووو على قول الارباب
Post: #26 Title: Re: الف مبروك العزيز الطيب مضوي شيقوق بالعديل Author: فرح الطاهر ابو روضة Date: 05-28-2018, 10:46 AM Parent: #25
غايتو يا ود شيقوق حكاية الخرت بعد البطنتين دي لو شافة نسيبك ياهو الختر بي بتنا وتاني ما رجع هههههه الا ابشرك انحنا اصلا في قاموسنا لو مسكنا ما بنفك لوايق ويكة ضهرة بس وكان فكينا تاني ما بنمسك وانا شايف الشقوقابي دي اجمل هدية لو ناسكم ديل اكرمونا بيها انحنا نختها تاج في راس ولدنا وياريت يقدر يشيل الحمل يا يوسف الغزو القادم من الضهاري انت ما تاباهو هسي شوف جنس اللمة الهنا دي عليك الله لو ما تمازج الضهاري مع الدندر كان حصلت والله يا يوسف وما طالبني حليفة انا اكتر شي في الدنيا اكلته وضقت ليه طعم وحسيت اني اكلت اكله تستحق انه الواحد يتكلم عنها كلما جات سيرة هي كسرة الموية احكي ليك في ضهارينا ديك الحياة والتواصل والمواصلات تكاد ينعدم في الخريف اخوك جاء البلد واخدته الايام ونسة هنا ودخلة ومرقة وشبكنا ليك المطر المطرة في المطرة تقول بكرة تجف تجي عليها اختها وانقطعنا كم يوم ما جات عربية عشان تلمنا في الظلط . المهم بقينا مجموعة اتفقنا اجرنا لينا عربية واتوكلنا لما بقينا في نص المسافة المطرة قالت كده وشالت وعطنت الدنيا الاصلا مطنبجة والعربية اتشحبت ويقينا قاعدين مرة نحفر للعربية ومرة نقعد الجوع والعطش والتعب والبرد اخد مننا لدرجة يحلها الشبكا كنا في طرف حلة مع انها بعيدة مننا شوية جانا واحد راكب ليه في حمار وبعد السلام والسؤالحلف علينا حرام نمشي معاهو البيت ونحنا اصلا ما كان محتاجين حرام خفاف ريشة واتحركنا وراهو كنا مجموعة كبيرة جدا اطفال وبنات ونسوان لما وصلنا نص الحلة واحد تاني من شكله من ناس الحلة المرتاحين حبتين كتر خيرو طلع برضه وأصر انه الناس دي تنقسم معاهو العبد لله كان مصر انه يمشي مع عمك الجانا مشوار في المطره لي عندنا وفعلا قد كان والله يا يوسف وصلنا ديوان الراجل والاطفال والنسوان دخلوهم لي جوه دقيقتين جاتنا الاباريق خمسة دقائق بالكتير شفت الصواني الكبار طلعت لينا كم صينية مستفات كسرة وجرادل مليانة موية عليها زيت سمسم وكمية كبيرة من الطمام والبصل مقطع دقاق وريحة البهارات وطعم الشطة يقول يا غربتي الموية ذاته دافية شكلهم ادوها تسخينة غايتو يا يوسف انا بالتحديد اكلت اكل اقول ليك مبالغة هسي انا بكتب وبتذوق في طعم كسرة الموية ديك وبعد الوجبة ديك جاتنا القهوة والشايوده كله والله يا يوسف في زمن قياسي لا يتجاوز النصف ساعة لسه انا محتار عمنا داك معاهو منو جوه في البيت بخدم ولو كنت وقتها يا يوسف زول عرس وجاهز للعرس علي الطلاق كان خطبت منه بنية كرما واحترام ساكت كده المهم بي ما كتير عربيتنا جات طالعة وقدامه بابور السواق اصر انه ما ينتظر لانه حيمشي خلف البابور ولو حصلت ليه حاجة البابور بطلعوا جماعتنا البهناك الراجل ما قصر جاب ليهم الموية والشاي وضبح ليهم عديل لكن بتاع العربية كان اسرع من الانتظار وحلف يمين ما ينتظر اي حد وجماعتنا قاموا معانا خلو ضبيحتهم بسلخوا فيها ههههه قاموا معانا علي موية وشاي واي واحد فيهم تسالوا يقول ليك يا ريت لو مشيت معاكم واخوك خبرة في الشماتة طبع ا هههههه كنت بقول ليهم تاني لو العربية دي وحلت تلاتة يوم انحنا ما عندنا مشكلة اها شنو ليك كسرة الموية مش ليها حوبة وبتسد الفرقة وكان للجميعابي يا يوسف الجميعابي ده شيخ مشايخ ماني قدرو وماني طولو انسان من كله وكفي مع التحية لكل المشاركين بالبوست
Post: #27 Title: Re: الف مبروك العزيز الطيب مضوي شيقوق بالعديل Author: Yousif A Abusinina Date: 05-28-2018, 10:57 AM Parent: #26
غايتووووووووووو ابو روضة انا بقرا فى البوست والله والله مت من الضحك والله انت بتوصف انا قربت افطر عليها جوعت عديل
خوة الكسرة بمويه بنبذ بيها العريبى شيقوق يا اخوى دا نسانا عديل كانه لقاءلوا طية
انا ما صدقت طلعت شيقوق تطلع انت والله نسب عظيم وشرف عظيم لينا كلنا بس العريبى انتظرلوووووو بجيهوا ليك مانى عارف من بنقرص
لمه حلووووة وجميلة وناس لطيفة وخوه دائمة يا اخوان البناااااااااااااااااااااااات
Post: #29 Title: Re: الف مبروك العزيز الطيب مضوي شيقوق بالعديل Author: فرح الطاهر ابو روضة Date: 05-28-2018, 11:02 AM Parent: #28
بس كان وجعنا ضرس ساكت اعمانا بشيل مكسرنا شدو حيلكم تعبتوا معانا يعني ود شيقوق لازموا ديوان لناس الدندر وديوانين لي ناس ضرسنا ربي يخدر عود ضرعاتكم ههههههههههههههههه
Post: #30 Title: Re: الف مبروك العزيز الطيب مضوي شيقوق بالعديل Author: Abdlaziz Eisa Date: 05-28-2018, 05:40 PM Parent: #29
ملايين التبريكات وربنا يتمم بالخير والبركة
Post: #35 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 07:31 PM Parent: #30
مولانا عبد العزيز عيسى
الف مرحب بيك و رمضان كريم يا حبيب والف شكر وين الفاتح وليد خالي ميرغني ؟
Post: #34 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 07:29 PM Parent: #26
ابو روضة
Quote: حكاية الخرت بعد البطنتين دي لو شافة نسيبك ياهو الختر بي بتنا وتاني ما رجع هههههه
ههههههههههههههههههههههههها الله يجازي محنك كتلتني بضحكة يا مسخوط
Post: #33 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 07:23 PM Parent: #25
ابو سنيييييينة
والله مشتاقون بالحيل يا حبيب
Quote: غايتو ابو روضة كتر خيرك ما قصرت تب ولاهل العريبى هووووووول لا وراء والضهارى نبارك بنيتنا وعرضنااااااااااا وونقول ربنا يسعدهم ويوفقهم وبالمال والبنون ان شاء الله
لكن يا عريبى خوووتك كسرة بمويه لا تغلت عليك وتوسخ يديك
اليك اتعرفت
يا الجمعابى وابوروضة العريبى ما تقصروا فيه
انعل ابو العنكوليب وخدارووووووووو البجنن زاطوووووووووو على قول الارباب
نان انت موبايلك دا ساعيهو عشان تنقي بيهو العنكوليب يا مسنووووووح؟
Post: #32 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 07:19 PM Parent: #24
عمر ود اب عاقلة
الف مرحب بيك والف حبابك يا العشا اب لبن
Post: #31 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-28-2018, 07:17 PM Parent: #23
الحبيب جنابو ود المكي
ياخرمضان كريم و الشوق ليك غلب بالحيل
عفوا اخدتنا منكم المشاغل و قروبات الواتساب كمان
وين الناس السمحين ناس العبيد ود الطيب و اسحاق ولد فداسي و الفاضلابي و المنسي و عثمان وليد موسى
غايتو انا اكان ما النسيب ابو روضة عين شمس ما كان دخلت في المنبر من شدة الزحمة و المشاغل
Post: #36 Title: Re: الف مبروك العزيز الطيب مضوي شيقوق بالعديل Author: Yousif A Abusinina Date: 05-29-2018, 10:04 AM Parent: #31
Quote: نان انت موبايلك دا ساعيهو عشان تنقي بيهو العنكوليب يا مسنووووووح؟
هههههههههههههههههههههههههههههههه
لا بصوربوووووووووووا العنكوليب وات آآآآآآآآآآآآآآآآ المسنوج جوالك بتحسبوا الجنيهات صم وبكم ممنوع من الاتصالات
Post: #37 Title: Re: الف مبروك العزيز الطيب مضوي شيقوق بالعديل Author: الفاتح ميرغني Date: 05-29-2018, 10:55 AM Parent: #36
صادق التهاني القلبية لمستشارنا شيقا والأسرة الكريمة على هذه الاخبار المفرحة. بالرفاء والبنين وحمدا لله على السلامة من الإعصار “مكونو” وما يغشاكم شر يا حبيب
شكراً ابوروضة
محبتي
Post: #38 Title: Re: الف مبروك العزيز الطيب مضوي شيقوق بالعديل Author: زهير عثمان حمد Date: 05-29-2018, 10:58 AM Parent: #37
الف مبروك لهما يا سعادة المستشاروبيت مال وعيال أنشالله
Post: #39 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-29-2018, 01:35 PM Parent: #36
ابو سنينة
Quote: لا بصوربوووووووووووا العنكوليب
هههههههههههههههههها ياها صنعتك القريتا مع ناس بت حاج شرف الدين
Post: #40 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-29-2018, 01:41 PM Parent: #39
الفاتح يا سليل ام خيرا برة و جوة
Quote: صادق التهاني القلبية لمستشارنا شيقا والأسرة الكريمة على هذه الاخبار المفرحة. بالرفاء والبنين وحمدا لله على السلامة من الإعصار “مكونو” وما يغشاكم شر يا حبيب
حبابك مليون و الله مشتاقون يا فتوحي
الله يخليك و الحمد لله الذي لطف علينا من اعصار مكونو
ياخ دكتور المقابل رافع قزاز عديل لي سنتان ما سمعت صوتو
Post: #41 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-29-2018, 01:44 PM Parent: #39
أستاذنا زهير عثمان
رمضان كريم
الله يبارك فيك و عقبال لاولادك يا رب
Post: #42 Title: Re: الف مبروك العزيز الطيب مضوي شيقوق بالعديل Author: مني عمسيب Date: 05-29-2018, 10:43 PM Parent: #41
الف مبروك وبيت مال وعيال
Post: #43 Title: Re: الف مبروك العزيز الطيب مضوي شيقوق بالعديل Author: الطيب شيقوق Date: 05-30-2018, 09:08 AM Parent: #42
حباب بت عمسيب الله يحفظك و يبارك فيك
Post: #44 Title: Re: الف مبروك العزيز الطيب مضوي شيقوق بالعديل Author: نصر الدين عثمان Date: 05-30-2018, 09:21 AM Parent: #43
تعرف يا ود شيقوق العزيز يوسف اثار في النفس ذكريات جميلة امس راقد علي قفاي وطافت بي مغامراتنا في فنون تغفيل المزارعين للفوز بي ربطة عنكوليب او مخلاية تبش والشمام بحبا للمغامرة والتحدي وحكايات المزارعين البطلقوها ايام الحصاد عن البعاعيت والسحاحير المهم لو المشغوليات خلتنا بنجي نتوهط في البوست ده ونكبها اكراما لهذا الحضور الجميل ومرتب
Post: #51 Title: Re: الف مبروك العزيز الطيب مضوي شيقوق بالعديل Author: عبدالمنعم الطيب حسن Date: 06-01-2018, 02:48 PM Parent: #50
الف ميروك حبيبنا الطيب ومزيدا من الافراح شكرا فرح جالب الفرح الجميعابي يا قريبي اظهر وبان عليك الامان وسلام وتحايا للجميع هنا
Post: #52 Title: Re: الف مبروك العزيز الطيب مضوي شيقوق بالعديل Author: محمد أبوالعزائم أبوالريش Date: 06-01-2018, 06:44 PM Parent: #51
Quote: هههههههههههههههههههها الفي بالك دي باقية باقية يا ابا العزائم
ياتي ...... شيلة الساطور؟
Post: #53 Title: Re: الف مبروك العزيز الطيب مضوي شيقوق بالعديل Author: فيصل محمد خليل Date: 06-01-2018, 08:04 PM Parent: #52
الف مبروك
Post: #54 Title: Re: الف مبروك العزيز الطيب مضوي شيقوق بالعديل Author: عبد اللطيف بكري أحمد Date: 06-01-2018, 09:31 PM Parent: #53