ماذا يا ترى يحصل في هذا المنبر في هذا الشهر الكريم !!!؟؟؟

02:38 AM May, 21 2018

سودانيز اون لاين
امتثال عبدالله-NYC - USA
مكتبتى
رابط مختصر

كنت قد عزمت ان اغيب خلال شهر رمضان الكريم ولكن الطبع غلاب وجئت اتاوق من بعيد وقرأت العجب من مشاحنات وعداوات و شتائم وانتقادات بدون اسباب منطقية ومعارك من غير معترك ...يا ترى ماذا يحصل في المنبر في هذا الشهر الكريم حيث لا رفث ولا جدال ولا خصومة ولكن يبدو أن تأثير الجوع والعطش لهما تأثير قوي على المزاج...
و يا جماعة الخير اسعو ا للخير والسلام خلال هذا الشهر ..ورمضان كريم
ومع وافر التقدير والاحترام وعيد مبارك

بالعكس يا امتثال.. الجوع والعطش لو كانا بهدف تزكية النفس فاثرهما ان يكون الصائم اكثر تصالحا وسماحة.. وايثارا للغير على نفسه.
الحديث فى ما معناه; من لم يدع قول الزور فليس الله بحاجة لان يدع طعامه وشرابه..

سلام اختي امتثال ورمضان كريم

حسب اعتقادي البسيط مايحدث في المنبر من آثار ما يجري في السودان

كمية الاحباط التي طالت الشعب السوداني اكبر من ان يتحملها اي شخص عادي

نحن هنا نمارس سادية ونرجسية ضد انفسنا في ابشع صورها

استعصي التغيير والامر يزداد، سو، ا كل يوم

الشي الاخر هو ان صار المنبر يعاني من حالة استقطاب حادة

بين الموالين والمعارضين. يصطف المعارضين مع بعضهم البعض حتي لو كان الرفيق علي خطإ ويجاملونه

ونفس الشئ يمارسه الموالين. ما ان يظهر خلاف بين اي اثنين الا وتجئ اسراب ممن يزيدون النار اشتعالا بدراية او غيرها فقط للمؤازرة العميا،

والاسوأ هو حالة التنميط والقوالب الجاهزة التي يمارسها الكثير من اعضا، البورد ضد بعضهم البعض. والله اعلم

اظن كلامك فيه الكثير من المنطق يا حسن
ورمضان كريم
مع وافر التقدير والاحترام

الاخت امتثال
تحية طيبة
الموضوع بسيط الاخ هيثم بكل ادب واحترام طالب بحقوقه المالية من قريمان وقريمان اعترف لكن قال فشل فى طريقة التواصل مع هيثم وهيثم اكذبه , تعال يالطيب اتحدي هيثم وبل اقسم بالكذب فى هذا الشهر العظيم بعدم استلام اي مبلغ من هيثم وشوفي الكذب والتناقض من قريمان متناسيا انه اعترف باستلم الميلغ من هيثم فى مطار الخرظوم فى صالة المغادرة لاحظى فى اول يوم فى رمضان قريمان كتب بوست عن الصيام وفوائده وكم هائل من الايات القرانية فى هذا الشهر العظيم وفى نفس الوقت يحلف ويقسم بالكذب وبل يطالب بكري بحذف البوست, ماعارف الحكومة والمعارضة دخلها شنو فى هذا الموضوع شخصيا لا اعرف الاتجاه السياسي للأخ هيثم ولم اتشرف بمعرفتة وبل تابعت كل كتاباته فى قضيته العادلة وهو صادق وامين فى كل ماكتب ومتعاطف معه بلا حدود,صحيح ان الكيزان برغم قسم قريمان الكاذب يقفون معه وبعض ممن خندقهم الصراع للدفاع عن قريمان وبل يجتهدون فى مبررات له وهنالك الاغلبية العددية من منظمين وغيرهم يقفون مع هيثم ومع الحق اذا ارتم ان تنسبوا هذه المجموعة للمعارضة فهذا شرف كبير لها , تجربة قريمان مع هيثم عبارة عن انعكاس الواقع الردئ البمارس فى السودان .

elsharief
والله ما قصرت فصدت الحاصل بالضبط
واصلا الواحد لما يقعد يسد دي بي طينة والتانية بعجينة من مثل هذه
ممارسات وكمان يجي مطرزن يسال من ما يحدث
والله دي في حد ذاته مشكلة واحد اهم اسباب استهبال الكيزان
وطغيانهم
يعني الواحد لا يكون ايجابي ويخت راي في افعال قبيلة بني كوز ولا يقعد
متفرج
يجيك مستفسر ومستنكر
زي ما قالوا ليك قريمان لهف قروش الراجل
واعترف
ثم نكروا حطب
والكيزان كانوا عايزين يمرقوا هيثم كيت
يعني الاعضاء يسكتوا يخلوهم عشان رمضان
يا امتثال بدر وغيره وغيره كلها تمت في رمضان
المشكلة شنو في انه الناس تطارد الافات ديل وتفضح كذبهم
والتفافهم علي حق واضح
وقبولهم كمان بانه هيثم حقه يضيع بدون خجل ؟؟؟
وتقبل الله صيامكم وقيامك

امتثال
وضيوفها
رمضان كريم
لارفث ولا جدال دة في الحج وليس رمضان
غايتو انا لو وصلت مرحلة اقاطع المنبر في رمضان بقاطعو للابد
المنبر ليس مكانا فاسدا يفسد الصوم .
اياها سودانيز يا امتثال
كوني كما انتي في رمضان وغير رمضان

يا جماعة الخير انا لا اقصد فقط مشكلة قريمان مع هيثم ولكن هذه وأخريات ايضا وادو نظرة العناوين في الصفحة الأولى والثانية وشوفو كمية المشاحنات كيفن..
وأساسا يا ود ابو سن كنت مقررة اقاطع المنبر خلال شهر رمضان ...لكن الطبع غلاب..وقلت اتاوق واشوف الحاصل ..وهسع قمت السحور فتحت المنبر....ولكن على عكس قولك فإن المنبر هذه الأيام بيفطر ...ولذا ان شاء الله نشوفكم في العيد
وكل سنة وانتو طيبين وسالمين ولامين
ومع وافر التقدير والاحترام

غابتو لو صحت فتواك يا امتثال الإثم
علي قريمان ورهطه
وانا والله قبل ما تعتكفي عايز اقول ليك كلام
لانو انتي من الاقلام المداومة علي الكتابة في المنبر ده وليك حضور ممتاز جدا
العضو هو البحدد كبفية تواجده في المنبر ويختار الموضوعات البتتوافق مع خياراته
يعني مثلا كيفية التعايش مع الكوز في منبر واحد
المواجهة
ولا المقاطعة
او المهادنة ورفع شعارات المثالية العظمي
ده جدل عريض وكبير يظل حتئ تسقط دويلة بني كوز
واهلنا قالوا الزول في الرقاد شقو البريحو بخبرو
هم ذاتهم بحددوا كيفية تواجدهم في المنابر بحسب
فهم اي كوز منهم
وفي اعضاء خارج المعمعة دي كلها
ومتصالحين مع بوستاتهم وفاتحين نفاجات كويسة للتواصل والتواجد في المنبر وليهم بصمتهم
وديل كثيرين وبوستاتهم مميزة جدا وليها معجبين
فانتي ياخ اعملي ليك نفاج واختاري النفاجات الما فيها إفساد صيام بحسب رؤيتك
المهم.الشهر ده باقي فيه اربعة وعشرين يوم والعجاجة الرابطة دي مستمرة
غابتو امشي بالدرب البطابق فيه خطوك صوت حوافرك
يا فرس كل القبيلة تلجمو
ويكسر قناعتو يفر يسكن مع البدو في الخلا
ما يرضي غير الريح تجادلو وتقنعو
ولكي تحية

Quote: لارفث ولا جدال

المنبر دة اخد منو الجدال
لكن رفث "يعمينا" قيهو

تحياتى لإمتثال وابو سن

سلامات اختنا امتثال...
بالله كدي جيب لي مثل لمعركة من غير معترك ممكن!؟

Quote: كنت قد عزمت ان اغيب خلال شهر رمضان الكريم ولكن الطبع غلاب وجئت اتاوق من بعيد وقرأت العجب من مشاحنات وعداوات و شتائم وانتقادات بدون اسباب منطقية ومعارك من غير معترك ...يا ترى ماذا يحصل في المنبر في هذا الشهر الكريم حيث لا رفث ولا جدال ولا خصومة ولكن يبدو أن تأثير الجوع والعطش لهما تأثير قوي على المزاج... و يا جماعة الخير اسعو ا للخير والسلام خلال هذا الشهر ..ورمضان كريم ومع وافر التقدير والاحترام وعيد مبارك

سلام امتثال و شكراً لقرار العودة ، لأننا كنا ح نشيل هم لطول النجعة.
# الصوم لمن لا يقدرون الله الحق قدره، درس تدريب عملي على شطر الأيمان ، الصبر و تحمل
الشدائد، و معاناة الأمور الصعاب.لذا ، كان جزاؤه مطلقاً. ( إنما يوفى الصابرون أجرهم بغبر حساب).
يجتنع الصبر فيه بأنوعه الثلاثة : صبر على طاعة الله تعالى، و إمساك عن معاصيه، و على أقداره.

# ولا شك أن في الصوم إجازة للجهاز الهضمي فترة من الزمن؛ ليستجم فيها الجهاز من توالي الأطعمة
عليه وتخمرها فيه، فيستعيد نشاطه وقوته. إلى غير ذلك من حكم المشروعية والمصالح المتحققة للعباد.

@ و لعل أروع ما قرأت في أيجابة المومن و نقاء سريرته
أنه كان طلحة بن عبدالرحمن بن عوف أجود قريش في زمانه
فقالت له امرأته يوماً : ما رأيت قوماً أشدّ لؤْماً منْ إخوانك . قال :
و لم ذلك ؟ قالت : أراهمْ إذا اغتنيت لزِمُوك ، وإِذا افتقرت تركوك
فقال لها : هذا والله من كرمِ أخلا‌قِهم ! يأتوننا في حال قُدرتنا
على إكرامهم. ويتركوننا في حال عجزنا عن القيام بِحقهم .

# علّق على هذه القِصة الإ‌مام الماوردي فقال :انظر كيف
تأوّل بكرمه هذا التأويل حتى جعل قبيح فِعلهم حسنا ، و ظاهر
غدرِهم وفاء. وهذا والله يدل على أن سلا‌مة الصدر راحة في الدنيا
وغنيمة في الآ‌خرة وهي من أسباب دخول الجنة قال تعالى :
﴿ ونزعنا ما في صدورهم منغلٍ إخواناً على سرر متقابلين).

تسلم يا مكاوي
لكن فيهو رفس جد 😆😆😆
يرفسوك لامن تقع علي وشك تجي تقوم يعفصوك

يقصد رفث يا شيخ العرب

Quote: يرفسوك لامن تقع علي وشك تجي تقوم يعفصوك

إذن تقرأ اعلاه حسب تصحيح ابوالريش كالآتي:
"يرفثوك لامن تقع علي وشك تجي تقوم يعفصوك"

"إذن تقرأ اعلاه حسب تصحيح ابوالريش كالآتي:
"يرفثوك لامن تقع علي وشك تجي تقوم يعفصوك"

اسف يا حافظ تفسيرك لكلامى غير صحيح.. الكلام حسب ما فهمته كان عن الرفث فى رمضان.. (الرفث الى نسائكم) وهو يعنى فيما يعنى الجماع.

تحياتى

تشكروا حافظ و ابوالريش
نعم الرفث هو مواقعة النساء
ولكني تحايلت عليها بتغير الثاء الي سين ظرافة مني ساي 😆
وشرح للحاصل في المنبر وكون انو لايوجد رفث بالمنبر كقول مكاوي الصحيح لكن في رفس

سلام أبوالريش كما في نكتة الأنصاري القال لأنصار السنة وهو بيعدل في سكينو يا المهدي الخلقتني ,شيخ العرب فارز الرفسي والرفثي علا كايسلو مشاكل😂

يا منص ياخ نحن بنعيش حياتنا بالنية السليمة وكل زول دايرين سعادتو تشهد الايام علينا
ماشين جمب الحيطة
دواس الاسافير دة ما ناسو وحياتك . وهو زاتو ما محل دواس ياخ
اها
ما تجيب لي كوبا ساي وتلهمني ليها . شاشنا ابيض وجلدنا رهيف

شاشنا ابيض وجلدنا رهيف

و كمان رجل انيق جداً ...

مرحبا قباني يا صاحب
تعرف بوست الاناقة حقك داك جعلني اتذكر ثقافة الانقاذ . في إلباس المعاني الجميلة مظهرا سيئا جدا
فتندر اهل الكوميديا من الفلسفة والمثقفين فسموهم متفلسفين ومثقفاتية
ثم ظهر النت فسموهم مناتلين او مناضل اسفيري تهكما وسخرية
اتمني يا صاحب ان لا أكون كما ذكرت هناك

كلامك في محلو يا امتثال
ورمضان كريم
والخلق اخلاقا ضاقت
ونرفزة بدون وجه حق
يغضبون لانفسهم ولا يغضبون لربهم
ففي هذا المنبر اعجب أن الاخ بكري ابو بكر ما زال يسمح بعرض طرح يصف اناساً آخرين بأنهم كلاب
علماً بأن الله كرم الانسان
مطلق انسان ولم يصف لنا لونه ولا دينه ولا بلده ولا سنه ولا نوعه كان ذكراً ام انثى ونأتي ونصفه بالكلب دون أن ترمش لنا عين
واليك ردي على صاحب الطرح:
الاخ محمد الامين
سلام عليكم ورمضان كريم
وهو شهر عفة اللسان والقلم عن كل كلام غير ذكر الله او الامر بالمعروف والنهي عن المنكر
وانصار السنة اخوة لنا في الاسلام وهم اصحاب قبلة واحدة معنا
ولكنهم ضلوا طريق الحق وظنوا انهم على هدىً من ربهم
لا يحق لانسان ان يصف انسان آخر بالكلب فحتى من خلقنا لم يقل عنا كلاب بل قال كالكلب ان تحمل عليه يلهث او تتركه يلهث
وقال (كالحمار يحمل اسفاراً) ولم يقل حمار
لهذا هون عليك في مفرداتك تجاه الغير
وما يفعله السر قدور في رمضان من برنامج يسمى اغاني واغاني ما هو إلا لهو الحديث ليضل عن سبيل الله
ولنشتري به ثمناً قليلاً وبرنامجة ماهو إلا بضاعة مزجاة كان عليه عرضها في غير رمضان
فرمضان شهر خاص بين العبد وربه
فعلينا ان نساعد العبد او العباد بخلق الجو المناسب ليتم صومه وصيامه ويقوم ليله ويتلو قرآنه
والصوم أرفع منزلة من الصيام لان الصيام هو الجوع والعطش والامساك عن شهوة الفرح،
اما الصوم فهو ما عجزت انت اخي محمد في اتباعه بطرحك لهذا البوست
ارجو ان تقبل نصيحتي بصدر رحب
وغفر الله لي ولك ولوالديك ووالدي ولمن تحب وترضى
مع مودتي

شاشنا ابيض
تعبير سوداني يذكرني بعمنا محمد احمد الشريف عليه رحمة الله والشهير ب ودالشريف
كان رجلا فقيرا وصديقا لأبي عليه الرحمة
شغال شوالات فاضية . شوالات خيش . يشتري ويبيع ..
بشيل معاهو سكين ضراع .. السكين للخيش بقطع الدوبارة ويرف بها الشوالات المقدودة . رجل وناس . ولعمله بكون دايم متفن في الواطة
مرة واحد سمعو كلام قبيح وكان قريب منو . فتناول عنقرته حتي كانت في حجره وبقا يفتش لي سكينو ولحسن الحظ كان اول مرة لم يلبسها في ضراعه . اتناول الزول وداير يجز عنقه
من يوم داك حمد الله ولم يحمل سكين ضراع ابدا حتي مات
يقول ليك
جلدنا رهيف وشاشنا ابيض
جلدنا رهبف ما بنحمل الكلمة الشينة بتخش جوانا طوالي
شاشنا ابيض اقل وصف بشيل فينا

امتثال سلام وكل سنة وانت طيبة ياخ ديل مونساتية لا بينهم
مشاحنات ولا حاجة بس بحبو يفضفضو وبس دحين يا امتثال
ما تفسدى صيامك

Quote: يا منص ياخ نحن بنعيش حياتنا بالنية السليمة وكل زول دايرين سعادتو تشهد الايام علينا

تشهد الأيام علِيّمة ما علينا .
برضو الرفِس بيقولو عليهو اللفِخ، يقولك الحمارة لفختني ...