يعني في داعي اسه تخلني اجي اشق حلقومي جنب الرجال بذات المحترمين وبنوتي الجميلات ديل عشان ياخدوا \ ن عني فكرة سيئة ؟
Post: #2 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 06:56 PM Parent: #1
منتظرة ردك سرعة .
Post: #3 Title: Re: يا ود البشري ! ممكن تقول لي سبب واااحد عملت Author: محمد المسلمي Date: 05-12-2018, 07:03 PM Parent: #2
بت عمسيب سلامات ياخ في شعبان وداخلين رمضان وأخوك احتمال يفطر معاك رمضان في هولندا الجميلة تجي تكوركي ماتجي ياخ ده زي حظر ابوحتوت ليك وكمان اصعب عمليتك دي جبانة عديل 😡😡😡😡
------ أتت قاصدة السيد المسلمي ولا انا 😳😳😳😳
Post: #4 Title: Re: يا ود البشري ! ممكن تقول لي سبب واااحد عملت Author: Mustafa Mahmoud Date: 05-12-2018, 07:04 PM Parent: #2
والله سا مني ريحك
ود البشري ما بي يحب من يتاضل زي المرحوم جادات
Post: #7 Title: Re: يا ود البشري ! ممكن تقول لي سبب واااحد عملت Author: عمر التاج Date: 05-12-2018, 07:10 PM Parent: #4
وانت ذاتك البوديك تصادقي الرماديين شنو يا بت عمسيب؟ ديل وحات شيخي أب ضراع ما يصادقوك إلا في عام الرمادة أخير ليك يا منى .. تجي للناس البحبوكي وبحترموكي زينا .. وزي ماعارفة .. احنا ما ناسك ..
Post: #5 Title: Re: يا ود البشري ! ممكن تقول لي سبب واااحد عملت Author: Dr. Ahmed Amin Date: 05-12-2018, 07:06 PM Parent: #2
كيفكـ منى .. عساك طيبة
حتى حضور الباشمهندس كدي خلينا نستفيد بمعلومة ..
الواحد كيف بيعرف انه تم حظره من الأخر ؟
Post: #6 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 07:07 PM Parent: #2
يا ربي السبب شنو ؟
عشان اتشاكلنا قبال فترة ؟
Post: #8 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 07:12 PM Parent: #6
التحية للمرور الكريم .. ومشكورين علي مشاركة الانفعال والتوتر . وفي انتظار ود البشري .
عشان اوريكم اكتشفته كيف عامل لي بلوك !!!! عديم العشرة !
Post: #9 Title: Re: يا ود البشري ! ممكن تقول لي سبب واااحد عملت Author: Ali Alkanzi Date: 05-12-2018, 07:15 PM Parent: #6
بت عمسيب سلام انت لسانك صار عجمي ولا شنو شنو الانجليزي البعربي دا عملت لي بيهو بلوك
شفتي دكتور احمد امين عربا ليك كيف
تم حظره
Post: #10 Title: Re: يا ود البشري ! ممكن تقول لي سبب واااحد عملت Author: محمد البشرى الخضر Date: 05-12-2018, 07:25 PM Parent: #9
انا ما قاعد احظر جكس يا منى نهائي! دي غالبا تكون أم حتوت خشت بحسابي
Post: #11 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 07:27 PM Parent: #10
قول والله ؟ يعني انت مديها كلمة سرك ؟ شاحدة الله تجي تقرأ البوست دا .
انا ما قاعد احظر جكس يا منى نهائي! دي غالبا تكون أم حتوت خشت بحسابي
Post: #13 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 07:30 PM Parent: #11
يا ربي كلام ود البشري دا صاح ؟
يلا يا شباب اي زول عنده سؤال يتفضل .
Post: #12 Title: Re: يا ود البشري ! ممكن تقول لي سبب واااحد عملت Author: سفيان بشير نابرى Date: 05-12-2018, 07:29 PM Parent: #10
Quote: انا ما قاعد احظر جكس يا منى نهائي!
هههههههههههه تلج التلج ايوة يلا علينا جاي
Post: #14 Title: Re: يا ود البشري ! ممكن تقول لي سبب واااحد عملت Author: أبوبكر عباس Date: 05-12-2018, 07:31 PM Parent: #10
أنا غايتو في الفيسبوك صعب جداً أقبل صداقة زول عادي، أو ممكن تقول مستحيل. المشكلة الناس البتجيك داخلة توش في الواتساب ديل ببلكم بعد الرسالة التانية من جمعة مباركة والقانون بتاع تبليك اصحاب الرسائل المملة بطبقوا على أي زول ولا أعمل حساب من الاحراج
جمعة مباركة قال!!
Post: #27 Title: Re: يا ود البشري ! ممكن تقول لي سبب واااحد عملت Author: Khalid Abbas Date: 05-13-2018, 06:26 AM Parent: #10
انا ما قاعد احظر جكس يا منى نهائي! دي غالبا تكون أم حتوت خشت بحسابي ____________________________________________________________ ههههههههههههههههههههههههه عديل كده على الطلاق قلبك قوى وبعد ده ممكن تنازل اسد
Post: #15 Title: Re: يا ود البشري ! ممكن تقول لي سبب واااحد عملت Author: السيد المسلمي Date: 05-12-2018, 07:32 PM Parent: #9
بوست محرج جدا جدا .. الفيس بوك مساحة شخصية للتواصل مع من تطيقه النفس الحظر قرار شخصي جدا ولا يلزم من يقوم به بتفسير او تبرير فعلته تلك ودالبشري من حقه ان يحزف أي شخص في صفحته وفقا لما يراه مناسبا انا شخصيا علي سيبيل المثال بحظر الزول حسب منشوراته ومرات حسب صورة بروفايله ومرات مزاج ساكت 😁 اها منو المن حقو يسألني ؟ هناك لافيها بكري ولا فيها باركوها . الماعجبك بترخيهو طوالي ف خلي روحك رياضية يابت عمسيب وأمشي شوفي هببتي شنو عشان ابوحتوت يشوتك 😁
..... اللهم لا شماتة 😁😁😁
Post: #16 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 07:44 PM Parent: #1
لك التحية اخي الفاضل \ الكنزي يديك العافية .
تقول شنو لقينا روحنا عاجنين العربي والانجليزي وادونا الصنف دا . هههههه سلام انت لسانك صار عجمي ولا شنو شنو الانجليزي البعربي دا عملت لي بيهو بلوك شفتي دكتور احمد امين عربا ليك كيف تم حظره
ورمضانك كريم .
Post: #17 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 08:01 PM Parent: #16
ود التاج عاطر التحايا يا فردا .
سؤال بالرغم من محرج لكن لزم الرد : وانت ذاتك البوديك تصادقي الرماديين شنو يا بت عمسيب؟
انت عارف يا ود التاج انا عندي ما بين عشرة واتناشر نفر هو كان من ضمنهم الما محظوظ خخخخخخخخخخخخخخ .
واليك اسمائهم : نجلاء سيد احمد اقبال صديق شريف عمر دفع الله ود ابو القاسم ابو روضة شمائل النور ياسر مبيوع حاتم ابراهيم . نعمات حسن وضاحة .
فقط لا غير .
Post: #19 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 08:12 PM Parent: #17
عاطر التحايا \ ابكرونا ..
انت عارف يا ابكرونا انا زيك ما بضيف اي زول بسهولة ومثبته الاسماء دي لي فترة وما حصل زدتهم غير واحدة جات جديدة وحسيت بانها زولة بتضيف لي حاجة والا ما كنت ضفتها . أنا غايتو في الفيسبوك صعب جداً أقبل صداقة زول عادي، أو ممكن تقول مستحيل. المشكلة الناس البتجيك داخلة توش في الواتساب
اما الواتساب كل كم يوم بمسحه والله زي من اقول ليك من نجاض جمعتك مباركة وهاك وزعي الكلام دا. وخسرت ناس كتاااار وقاطعوني وريحوني . واسه بكرة حا امسحوا لما يمشي رمضان وما بجيبوا الا بعد العيد بي اسبوعين هههههههه .
Post: #18 Title: Re: يا ود البشري ! ممكن تقول لي سبب واااحد عملت Author: عمر التاج Date: 05-12-2018, 08:08 PM Parent: #16
اوعاك تكوني صدقت يالهوينه ام حتوت شنو البتحظرك ؟ دي لو كانت بتخش حساباتو كانت طفشتو من هنا بدري وكانت طيرت سرب الحمام الطائر في فيسبوكو وما مدينا فرصة نتابعوا دحين أعصريهو لامن يجيب الحقيقة .. . . ابوبكر عباس إذا أمكن منك نستفيد .. تقصد شنو من صداقة زول عادي؟
Post: #20 Title: Re: يا ود البشري ! ممكن تقول لي سبب واااحد عملت Author: مني عمسيب Date: 05-12-2018, 08:19 PM Parent: #18
لك تحياتي يا دوك \ احمد ..
سؤال وجيه : الواحد كيف بيعرف انه تم حظره من الأخر ؟ بتفتش ليهو سلقط ملقط ما بتلقاه هههههههه ولما تحاول تتكلم معاه بجيك شباك مشفر .
ولك الشكر علي الحضور الرقيق .
Post: #21 Title: Re: يا ود البشري ! ممكن تقول لي سبب واااحد عملت Author: أبوبكر عباس Date: 05-12-2018, 08:26 PM Parent: #20
أقصد الناس النمطيين زي عمر التاج لو داير تقول حاجة صغير بترهق الناس بمشاركات مترية مكررة
يعني الذين يفتقدون لمقدرة الكتابة الذكية
Post: #22 Title: Re: يا ود البشري ! ممكن تقول لي سبب واااحد عملت Author: عماد الدين الطيب عمر Date: 05-12-2018, 08:33 PM Parent: #20
انتي بتهابشي مالك ؟
لكن يا ود التاج كلامك صاح انا ذاتي حكاية ام حتوت دي مااااا راكبة لي في راسي
بس شغل المديدة حرقتني و كدة
بت عمسيب تصومي و تفطري على خير
Post: #23 Title: Re: يا ود البشري ! ممكن تقول لي سبب واااحد عملت Author: محمد البشرى الخضر Date: 05-13-2018, 05:44 AM Parent: #22
عادي بكون عملت لوج إن من اي جهاز في البيت أو من تلفونها حتى و ما عملت ساين آوت لكن في احتمال تاني, ما في بلوك ولا حاجة بس قد تكوني فتشتي على اسمي باسبلنغ غلط زي البشر(ي) الفي العنوان دي مثلا
Post: #24 Title: Re: يا ود البشري ! ممكن تقول لي سبب واااحد عملت Author: عبدالحفيظ ابوسن Date: 05-13-2018, 06:20 AM Parent: #23
شينة منو لكن ليه تعمل ليها بلوك يا شين انا غايتو منذ دخول ام عمدة الفيس بطلت اقبل صداقات بنات وحجمت نشاطي مع القديمات الا عزاء بس والفيس زاتو مرة مرة مضارفة المؤمن علي نفسو حسنة النصيحة ليك يا الله الواحد مرات بتداعي وبنبهل
Post: #25 Title: Re: يا ود البشري ! ممكن تقول لي سبب واااحد عملت Author: عبدالحفيظ ابوسن Date: 05-13-2018, 06:22 AM Parent: #23
شينة منو لكن ليه تعمل ليها بلوك يا شين انا غايتو منذ دخول ام عمدة الفيس بطلت اقبل صداقات بنات وحجمت نشاطي مع القديمات الا عزاء بس والفيس زاتو مرة مرة مضارفة المؤمن علي نفسو حسنة النصيحة ليك يا الله الواحد مرات بتداعي وبنبهل
Post: #26 Title: Re: يا ود البشري ! ممكن تقول لي سبب واااحد عملت Author: عمر دهب Date: 05-13-2018, 06:25 AM Parent: #25
غايتو مهما كان الامر .. الواحد يسجل اعجابه الشديد بمخارجه ود البشرى.
Post: #28 Title: Re: يا ود البشري ! ممكن تقول لي سبب واااحد عملت Author: MOHAMMED ELSHEIKH Date: 05-13-2018, 07:47 AM Parent: #26
غايتو مهما كان الامر .. الواحد يسجل اعجابه الشديد بمخارجه ود البشرى. -------------------------------------------------
وانت قايل سموهو رمادي ليه؟
Post: #29 Title: Re: يا ود البشري ! ممكن تقول لي سبب واااحد عملت Author: عمر نملة Date: 05-14-2018, 09:12 PM Parent: #28
سلام... مضارفة المؤمن علي نفسو حسنة يا ابوسن في أغنية لمحمد ميرغني بتقول ( ما قلنا ليك)... الاعتراف سيد الادانة...
