تافهو المنبر....

09:47 PM May, 11 2018 سودانيز اون لاين
سفيان بشير نابرى-الولايات المتحدة الامريكية
مكتبتى
رابط مختصرالتعريف منقول :- تافِه: اسم - الجمع : تافهون و توافِه ، المؤنث : تافهة ، و الجمع للمؤنث : تافهات و توافِهاسم فاعل من تفِهَ أسلوب تافه : ركيك ، لا قيمة له هُوَ رَجُلٌ تَافِهٌ : غَيْرُ مُتَّزِنٍ ، قَلِيلُ العَقْلِ لاَ قِيمَةَ لأَعْمَالِهِ ، حَقِيرٌ. كذلك في الجمع يحتوي على ما سبق. بهذا فالتافهون من بوستاتهم نعرفهم.
تم (وسيتم) التعديل للعدوان باستمرار رضوخ للإخوة الفطالحة في اللغة العربية و كده

سلام الاخ الاستاذ سفيان لعلك بخيرر
غايتوا كل ما اجد بوست منك او مداخلة اقول المنبر ده ماشي كويس كونك رجعت ده زاته نوع في
تحسن المنبر وانه يسير في الاتجاه الصحيح... المهموحضور ومتابعة وعايزين زول يفتح الباب

حبيبنا العزيز محمد المسلمي ريحة الناس الطيبة الخيره رمضان كريم
تسلم ياخ على حسن الظن الدائم.
ههههههه الموضوع دا فتح الباب فيهو قاسي قااااسي ههههه

لا يخفى على أحد أن عنوان البوست يتبع للعناوين التي دبجت في الفترة السابقة تحت :- ثقلا و ظرفاء و وجهاء و و و الخ

سلام سفيان قبل ما يجيك هناي صلح العنوان لتافهي المنبر

أخي سفيان
تحياتي
لك كل الود
مالك غضبان
أصفي يا أخوي دينانا دي ما بتستحق الزعل

سلام يا جماعة معليش يا زهير سفيان مش غضبان بس قرفان شديد
تحياتى
صديق مهدى على

Iقبال مايجيك هناي التاني صلح العنوان ل : تافهو المنبر


كنت عايز أفتح بوست عن نيمار الزلزال القادم في ريال مدريد لكن خفت من القائمة في هذا البوست


ازيك ياحبيب ورمضان كريم


ومعليش خليهم بالله

Quote: كنت عايز أفتح بوست عن نيمار الزلزال القادم في ريال مدريد لكن خفت من القائمة في هذا البوست ازيك ياحبيب ورمضان كريم ومعليش خليهم بالله

لطيف يا بكري و انت بالف خير يا صديقي تصدق نيمار دا انا قلبي مابيهو تب زول بتاع مشاكل شديد.
أما تافهو المنبر لو خليتهم ما بخلوك

Quote: سلام يا جماعة معليش يا زهير سفيان مش غضبان بس قرفان شديد  تحياتى صديق مهدى على

اوووووو صديق ازيك ياخ تصدق حتى قرف مافي كل الموضوع هو أنهم هنا في المنبر و ماهم عارفين روحهم و تلقى الواحد عامل فيها دمو خفيف

Quote: أخي سفيان تحياتي لك كل الود  مالك غضبان أصفي يا أخوي دينانا دي ما بتستحق الزعل

حبيب قلبي يا ابو الزوز ياخ كيفك!؟ لا لا ما تشفق مافي أيتها زعل بس عايزين التافهين ديل يعرفو انو ما عندهم ماضي ولا ذكريات ذاتو.

(منتسر) ياصديق يا تفتيحه ههههههه تم الامر

Quote: تافهي المنبر

برضو غلط
الصحيح تافهو المنبر
الا اذا كنت قاصد ... هذا البوست يشير الى تافهى المنبر

يا نابري، نحن في التمانينات
تافه وعفن كانن كلمات شكر واعجاب
مثلاً أقول معجباً بمنتصر:
يا أخي، لكن يا منتصر طلعت تافه كبير

على هذا المنوال ممكن تنزل لستتك وتخفي التفاهة المقصودة
مثلاً
اتفه زول غالاط في المنبر هو حافظ بشير
أتفه زول يساكك الناس هو نُقط نُقط

Quote: يا نابري، نحن في التمانينات تافه وعفن كانن كلمات شكر واعجاب مثلاً أقول معجباً بمنتصر: يا أخي، لكن يا منتصر طلعت تافه كبير

ههههههههه يعني يا مستنير زيها زي عب كبير بيعني بيها انو شخص واصل!! ؟

Quote: برضو غلط الصحيح تافهو المنبر الا اذا كنت قاصد..هذا البوست يشير الى تافهى المنبر

اوووو بالله فلان المقصود بالمصحح دا هو انت!! ؟ يا جلالدونا الذي في أريزونا سنتك طيبة و رمضان كريم عليك.
مافي مشكلة نعدل تاني المافي شنو!!! ؟ أهو انا زلنطيحة ساااي كرتونة ما عندي هههه

سفيان
كده العنوان مظبوط زي ما قال ليك جلالدونا..
لكن اذا جينا الحق ما في ناس في هذا المنبر بيشملهم عنوانك إلا إذا انت قاصد اتنين أو ثلاثة صرح بيهم عشان نكون على علم...فإن المنبر يعج بالكتاب والأدباء والشعراء وذوو الموهبة ومن ذوي الأخلاق الرفيعة
مع وافر التقدير والاحترام

Quote: لكن اذا جينا الحق ما في ناس في هذا المنبر بيشملهم عنوانك إلا إذا انت قاصد اتنين أو ثلاثة صرح بيهم عشان نكون على علم...فإن المنبر يعج بالكتاب والأدباء والشعراء وذوو الموهبة ومن ذوي الأخلاق الرفيعة مع وافر التقدير والاحترام

مرحب يا امتثال و رمضان كريم
مافي شك تب المنبر فيهو من ذكرتيهم لكن صدقيني فيهو من ذكرهم العنوان وهم اكتر من تلاته و أربعة و خمسة و من بوستاتهم تعرفونهم.

جلالدونا اللام الشلتها من كلامي دي تجرك من أريزونا مخاوة😂

Quote: جلالدونا اللام الشلتها من كلامي دي تجرك من أريزونا مخاوة😂

هههههههههههههههههههههه و الله دا يشيل اللام و يشيل ودك انت ذاتو

أتفه زول يساكك الناس هو نُقط نُقط


تصدق يا سفيان!
أبوبكر ده ملح البور شطته وتبشو !

تصدق يا نابري،
آدم صيام دا كان زمان زول تافه زينا كدا وكنا نعتبرو جلابي عفن مننا ونعتبرو من التلقين الجميلين،

فجأة كدا وبدون مقدمات قام عليهو حق أهلو الغرابة وبقى زول مناضل ثقيل

التافهين وليس التلقين

Quote: فجأة كدا وبدون مقدمات قام عليهو حق أهلو الغرابة وبقى زول مناضل ثقيل

اها يا آدم عشان تعرف انو المستنير دا ما مضمون ابدا

سلامات يا سفيان
بمناسبة كلام المستنير الفوق داك الأمريكان برضو عندهم الحركة دي
يقول ليك الزول ده ridiculously nice او البت ديك ridiculously beautiful
يعني لما يفوتوا الحد في الظرافة والجمال.

وكنا نعتبرو جلابي


وحياتك يا أبا بكر
الصفة دي باقية فيك وبالأدلة لكن لزوم الإنصاف الواحد يشوف الرغوة الطافية من الكوب برضو!
الجلبنة مرض نفسي بالرضاعة أخوي شوية مفردات لا تمحوه إنما القيام بنقده علميا والوقوف مع الحق طرا

متى تنتصر يا رجـل!

Quote: بمناسبة كلام المستنير الفوق داك الأمريكان برضو عندهم الحركة دي يقول ليك الزول دهه ridiculously nice او البت ديك ridiculously beautiful  يعني لما يفوتوا الحد في الظرافة والجمال.

يمين مشتاقين يا ابو السيوف ياخ...
ايوة واضح انو العالم قرية صغيرة هههههههه بس وطى صوتك لو المستنير سمع ح يقول ليك نحنا الأول و نحنا انسان سنجة وشنو شنو

Quote: تصدق يا سفيان!  أبوبكر ده ملح البور شطته وتبشو !

يا ود صيام بالله ما تشكر الراكوبة في الخريف هههههههه

Quote: يعني يا مستنير زيها زي عب كبي

دخولي فقط لغرض تنبيه دكتور ابوبكر لما كان يسميه العرب بالاضداد أي الكلمة التي لها معنيان متضادان في الدلالة....
وزي معنى "عب كبير"، هنالك وصف آخر بنفس المعنى: ".......كبيرة"....

تَافِه : (معجم الغني)
جمع: تَوَافِهُ، تَافِهَاتٌ.
1- هُوَ رَجُلٌ تَافِهٌ : غَيْرُ مُتَّزِنٍ، قَلِيلُ العَقْلِ لاَ قِيمَةَ لأَعْمَالِهِ، حَقِيرٌ.
2- قَدَّمَ لَهُ طَعَاماً تَافِهاً : لاَ طَعْمَ لَهُ.
3- يَهْتَمُّ بِقَضَايَا تَافِهَةٍ :لاَ قِيمَةَ لَهَا.
عفانات وكدة يا نابري

غايتو جِنِس تفاهة !،

Quote: غايتو جِنِس تفاهة !،

هههههههههه اوعك من تمنشن زول يا ود المدير هههههه

Quote: تَافِه : (معجم الغني)مخ جمع: تَوَافِهُ، تَافِهَاتٌ.  1- هُوَ رَجُلٌ تَافِهٌ : غَيْرُ مُتَّزِنٍ، قَلِيلُ العَقْلِ لاَ قِيمَةَ لأَعْمَالِهِ، حَقِيرٌ.  2- قَدَّمَ لَهُ طَعَاماً تَافِهاً : لاَ طَعْمَ لَهُ.  3- يَهْتَمُّ بِقَضَايَا تَافِهَةٍ :لاَ قِيمَةَ لَهَا. عفانات وكدة يا نابري

ههههههههههههه فردتي ظهر وكده... اها قلنا نحصل السوق بس رايك شنو!؟

Quote: دخولي فقط لغرض تنبيه دكتور ابوبكر لما كان يسميه العرب بالاضداد أي الكلمة التي لها معنيان متضادان في الدلالة.... وزي معنى "عب كبير"، هنالك وصف آخر بنفس المعنى: ".......كبيرة"....

حبيبنا و استاذنا أسامة ياخ كيفك... تصدق في لحظته جاءت في بالي هههههههه كنت عايز اكتبه بس اخوك هواب و كده و وراء وراء بيجيب الهواء هنا ههههههههه

حبيبنا سفيان ود البشير

ارفع صوتك شوية

رمضان كريم

سفيان
رمضان كريم ..وهسع عرفت انه احتمال يكون في كلامك بعض الحقيقة ..
واهو رمضان قرب ...في نلس يقولوا يوم الاربعاء وناس يقولوا يوم الخميس..
ونغيب شهر كامل عن المنبر ..ظبس انتو ورونا رمضان بتين...متمنية المسلمين
يكونوا متفقين مرة واحدة ...
مع وافر التقدير والاحترام

سلام

جيب اللستة عشان الموضوع يبقي سمح سماحة فظيعة .

Quote: جيب اللستة عشان الموضوع يبقي سمح سماحة فظيعة .

سلامات يا نعمات ما بديهم شرف اجيبهم بيجو بعد شوية براهم يتحرقصو هههههههههه

Quote: سفيان رمضان كريم ..وهسع عرفت انه احتمال يكون في كلامك بعض الحقيقة .. واهو رمضان قرب ...في نلس يقولوا يوم الاربعاء وناس يقولوا يوم الخميس.. ونغيب شهر كامل عن المنبر ..ظبس انتو ورونا رمضان بتين...متمنية المسلمين يكونوا متفقين مرة واحدة ...

يا امتثال خبرة سنين منبر ساااااي انا عارفهم بالواحد ههههههههههه و حال البلد بيوضحهم
بخصوص رمضان اخير يركزو لانو كده كده ح نصوم ههههه

Quote: حبيبنا سفيان ود البشير ارفع صوتك شوية رمضان كريم

يا عمدة يا طيب و البحبو كلو كريم
يا قريبي هم عااارفين روحهم و بيتاوقو
بس انت ما عصرته على بود البشير دي!!! ؟ههههههههه

سفيان يا صاحب رمضان كريم
بالله ركز لينا على تافهى النظام ..
ثم ثانيا : المابيمرضو الا فى رمضان وبيجيبو ليك علة مرض من مافى
والبيذكرونا بسيد جرسة ديل لستتك ممكن تسعهم !؟

Quote: بيجو بعد شوية براهم يتحرقصو

حقو الواحد تفاهة منو ساي كدا بس ما يجيك

Quote: حقو الواحد تفاهة منو ساي كدا بس ما يجيك

ههههههههه يا هافظ يا هفيظ قالو انت زول غلاط ساااي

Quote: سفيان يا صاحب رمضان كريم بالله ركز لينا على تافهى النظام .. ثم ثانيا : المابيمرضو الا فى رمضان وبيجيبو ليك علة مرض من مافى  والبيذكرونا بسيد جرسة ديل لستتك ممكن تسعهم !؟

عليوة يا ود سيد أحمد يشهد الله انك زول مركز صااااح ههههههههه ورمضان كريم

Quote: يا عمدة يا طيب و البحبو كلو كريم يا قريبي هم عااارفين روحهم و بيتاوقو بس انت ما عصرته على بود البشير دي!!! ؟ههههههههه

اي و الله عصرت عليك
و الراجل عصر على السودان كله
هههههههههههههههههههههههه

الأخ سفيان سلامات يا زولنا .
ورمضان كريم .

نهار الخير ..
في الحقيقة أنا ماعارفت البوست بتكلم عن شنو؟ ومنو؟ و فنو؟
بس للضمان كده أي واحد بكون قاصد ، أو ماقاصد من بره ولكن من جوه قاصد ، أو هو ما قاصد لكن في واحد بعرفو قاصد ،
لكل هؤلاء وأولئك أقول :

15
و 19
و 22
و 35
ولصاحب البوست خاصة 42
نمرة 42 بالذات لسه ما دخلت القاموس ..

التحية للزول شبه الوطن \ نابري ...

عمومآ الموضوع ما بشبهك اكيد لانك ماك تافه .


وكويس البقي للغة العربية .

برضو غلط الصحيح تافهو المنبر الا اذا كنت قاصد ... هذا البوست يشير الى تافهى المنبر

يا جلجل سلام ممكن تشرح لينا اكتر ؟

Quote: التحية للزول شبه الوطن \ نابري ... عمومآ الموضوع ما بشبهك اكيد لانك ماك تافه . وكويس البقي للغة العربية . برضو غلط الصحيح تافهو المنبر الا اذا كنت قاصد ... هذا البوست يشير الى تافهى المنبر يا جلجل سلام ممكن تشرح لينا اكتر ؟

اختنا الأصلية بت عمسيب كيفك ياخ!! ؟
جلجل دا روحو مكركرة من بكري أبوبكر ما تساليهو ههههه

Quote: نهار الخير .. في الحقيقة أنا ماعارفت البوست بتكلم عن شنو؟ ومنو؟ و فنو؟ بس للضمان كده أي واحد بكون قاصد ، أو ماقاصد من بره ولكن من جوه قاصد ، أو هو ما قاصد لكن في واحد بعرفو قاصد ،  لكل هؤلاء وأولئك أقول : 15 و 19 و 22 و 35 ولصاحب البوست خاصة 42 نمرة 42 بالذات لسه ما دخلت القاموس .

هههههههههههههههههه نهارك قشطة يا حبة
هههههههههههه لا لا اعفيني من 42 الما أتلفت دي لسه ههههههههه زولك دا ما مضمون

Quote: الأخ سفيان سلامات يا زولنا .  ورمضان كريم .

الله أكرم يا عتمان ياخ شنغهاي ذي بتودرك هههههه

عيييك ياسفيان جماعتك ديل بالكوم هنا 😁
لكن لنكون منطقيين اكثر يجب ان نضع معايير محددة للتفاهة ..
وكان خليتوها سايبة ومفتوحة برضو مافرقت كتير
عن نفسي أرشح الثلاثة مقاعد الأولي للاتية أسماؤهم :-
١/ دينق
٢/دينق
٣/ دينق
😁😁😁😁😁

Quote: عيييك ياسفيان جماعتك ديل بالكوم هنا 😁 لكن لنكون منطقيين اكثر يجب ان نضع معايير محددة للتفاهة .. وكان خليتوها سايبة ومفتوحة برضو مافرقت كتير  عن نفسي أرشح الثلاثة مقاعد الأولي للاتية أسماؤهم :- ١/ دينق  ٢/دينق  ٣/ دينق

حبيبنا السيد مشتاقين..
بالفعل هم كتار بالحيل بس صراحة انا بختلف معاك و بقول ليك أخونا دينق مافيهم تب و يستحيل يكون حتى جمبهم، انا متأكد اي زول عندو تصور انو منو هم تافهو المنبر عشان كده المعايير تختلف بس لو ركزتو على التفسير العجمي لمعنى التفاهة فحتعرفوهم طق.