Post: #1
Title: وزير سوداني يسقط في فخ العنصرية..ويقول..!
Author: زهير عثمان حمد
Date: 05-11-2018, 03:26 PM
Parent: #0
03:26 PM May, 11 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر أطلق وزير البيئة في السودان، تعليقاً سوقياً وذو طابع عنصري بحق لاجئي دولة جنوب السودان.
ورد وزير البيئة، حسن هلال، الأضرار التي حاقت بالغابات للاجئي دولة جنوب السودان.
وقال في جلسة برلمانية “اللاجئون ديل قدونا بقاذوراتهم”.
وسقطت دولة جنوب السودان عقب انفصالها عن السودان في العام 2011 في براثن حرب أهلية طاحنة، قتلت وشردت الملايين.
وواصل هلال المنتمي للحزب الاتحادي الديمقراطي “المسجل” هجومه على اللاجئين واضاف “نعم خربوا الغابات وقطعوا الأشجار”
|
Post: #2
Title: Re: وزير سوداني يسقط في فخ العنصرية..ويقول..!
Author: aosman
Date: 05-12-2018, 01:24 PM
Parent: #1
الأخ زهير, حسبي الله ونعم الوكيل,,, عنصرية بغيضة,, لكن مثل هذا السلوك أصبح عادي,, مادام مافي محاسبة الناس بتتلكم برة من راسها,,, بس سؤال بالجنبة كده: الوزير ده كان شارب حاجة؟
|
Post: #3
Title: Re: وزير سوداني يسقط في فخ العنصرية..ويقول..!
Author: Mirghani Taitawi
Date: 05-12-2018, 05:30 PM
“اللاجئون ديل قدونا بقاذوراتهم”.
ما عارف يقصد ياتو مكان اللاجئون قدوهم بقاذوراتهم .. لو يقصد
الخرطوم (العاصمة) .. اللاجئين مشوا فى بلدان تانية تقدرالنظافة والأمانة والعمل
والحريات وتعايشوا مع أصحابها النُظاف ومافى زول قال ليهم قديتونا بقاذوراتكم .. عشان
لقوها نظيفة من سكانها وحافظوا عليها وتعايشوا فيها كسكانها الأصليين.. الخرطوم (أو أي مكان فى السودان) لو نظيفة من اصحابها ستظل نظيفة.
العاصمة وكل مدن السودان قبل اللاجئين متين كانت نظيفة!!!.
|
|