يا مهاجري السودان إتّحدوا ...من أجل إنجاح الإنتفاضة

10:47 AM May, 07 2018

سودانيز اون لاين
Osama Mirghani-مسقط
مكتبتى
رابط مختصر

هذا الطرح يدور في ذهني منذ أسابيع ...ناقشت فيه عدد ممن أثق في رأيهم من سودانيزأونلاين وخارجها فوافقوني وشجعوني على طرح الفكرة علها تجد حظها من النقاش ثم التنفيذ الفعلي.
قبل الطرح عندي سؤال قد تحدد إجاباتنا عليه مدي تجاوبنا فيما يليه : ماهي مساهمتنا نحن المهاجرين و المغتربين في أي إنتفاضة في السودان ...هل دورنا يقتصر على تدبيج الخطب والمقالات خلف ستار الكيبورد ...هل نحن فعلا مناضلي كيبورد

الإنتفاضة تعني لمن هم بالداخل الكثير ....تعني التعرض للموت والإعتقال والتشرد ....تعني فقد الإبناء ....................وبعدين نحن نلقاها بااااردة وساهلة كسهولة الطقطقة على الكيبورد.

أدخل في الإقتراح مباشرة:
إنشاء صندوق لرعاية أُسر الشهداء والمعتقلين والمفصولين بسبب الإنتفاضة
المساهمة بالمستطاع ...ولنقل 100 دولار ......لو ساهم ألف فقط ...المبلغ 100 ألف دولار
نحدد عدد من أهل الثقة من المنبر أو خارجه للإشراف ...خارج السودان لجمع التبرعات ...وداخل السودان للتوزيع (بسرية تامة)
يتم تحديد مبلغ معين في حالة الإستشهاد وآخر للإصابة أو الإعاقة أو الفصل

فقط تصوروا معي كيف نكون قد سحبنا من تحت الإنقاذيين أحد أسلحتهم في التخويف والترويع والتجوع ........وهو أحد أسباب فشل كل التحركات السابقة (مع إعترافي بوجود أسباب أخري)

رايكم شنو يا ناس الحارّة؟ أثق في أن فيكم من هو أقدر مني علي صياغة وتنظيم مثل هذه الأمور ..................بالله ما تبخلوا برأيكم.

قال عبد الحفيظ أبوسن اليوم في موضوع عن الصلاة في محطات الوقود:

لا تكن قاسيا عليهم يا منتصر
لا تدري اي قهر وعنف واجهه هذا الشعب البسيط
أي خوف دخله من المستقبل
الزول بلاقي مشكلتو براهو
يتجدع في السجن ولا الحراسة ويبيت اطفاله القوى
انت مطالب تحل مشكلتك براك
وناس الوعي والاستنارة مشغولين بقضايا الصوالين الثقافية !

عشان السطر الأخير ده ...............نناديكم

يبدو أن الإقتراح غير عملي ولم يجد غير (المتاوقة) ...رغم أني ناقشته كما ذكرت مع بعض من أثق في رأيهم وأبدوا تحمساً شديدا ومنهم الصديق الكاتب فتحي الضو.

سلام يا عثمان
حاليا قطاع كبير جدا من السودانيون عايشين على الهبات والإعانات. والملايين منهم عايشين على تحويلات المهاجرين فى الخارج. لاحوجة الماسة للمال ناس داخل بشوفوا سودانيو المهاجر بقر حلوب..دايرين قروشهم وما دايرين مقالاتهم او نضالتهم فى الكيبورد.
عشان اكون معاك واضح جدا جدا..فشل قيام (صندوق) مالي لدعم المعتقلين والشهداء هو فشل التنظبمات السياسية بكل أطيافها للعمل على قيام صندوق مالي..وحقيقة نحنا محتاجين صندق لدعم التغيير فى الاساس. ولانه ده عمل سياسي فى المقام الاول فالمسؤولية تقع على القوى السياسية..

واحدة من الاشياء المهمة جدا للمساهمة فى التغيير او فى دعم الفقراء والمساكين هو (التنظيم) والمقصود بالتنظيم هو إنشاء منظمات مجتمع مدنى فى المهاجر فى الدول التى تسمح بمنظات مجتمع مدنى. للأسف تجربة السودانى فى المهاجر فى مجال منظمات المجتمع المدنى تعانى من مشاكل مختلفة جدا اقعدت بالسودانيين من المساهمة فى تطوير مجتمعاتهم المحلية فى المهاجر وتقديم العون الانسانى والتنموي للسودان.
السودانيين عموما عندهم حساسية ضد الدعم من الخارج. او بالاصح دعم منظمات المجتمع المدنى..لقد نجحت الانقاذ من خلال حملتها الإنتخابية من تخويف الناس من المنظمات مع السماح لمنظماتهم فقط بنشر مشروعهم الفاشل والذي افقر وازل الشغب السودانى. هناك ايضا داء منتشر يسمى تحطيم اي مبادرة مهما كانت. والتشكيك فيها.

اتمنى ان تكونى وجهة نظري وضحت وهى تقوية جانب منظمات المجتمع المدنى فى الخارج. يلى ذلك تعاون فيما بينها..

أخي أستاذ سيف اليزل .........أشاركك الرأي في الشكوك التي تحوم حول مثل هذه المبادرات التي تأتي من الخارج ................لكن هل نقف مكتوفي الأيدي ؟ ....
أنا لا أقصد بمبادرتي بالتأكيد من يعتمدون على الإعانات أو ظروفهم لا تسمح ...لكن هناك الكثير أيضاً من القادرين ...............وإنتظار تكوين منظمات مجتمع مدني إهدار لوقت ثمين ....بوادر الثورة ناضجة في السودان الآن ...
لك الشكر لأن تكون أول المشاركين ...

أرفع هذا البوست مرة أخري ...وفعلا الناس محتاجين خاصة المصابين .....وقد تدافع الكثير من الشرفاء في نفس إتجاه فكرة البوست ..منهم الكاتب المناضل فتحي الضو ...وجاليتنا المغوارة وقادتها المغاوير في سلطنة عمان .............

وليتنا بدأنا مبكرا بدلا من تكسير المجاديف ..كما حدث لهذا البوست

امس في واحد من اللايفات وجه احد المتحدثين للثوار بان يستخدموا مكبر الصوت في الهتافات رد ليه واحد في الشات قال ليه انتو ياناس برة بتتكلموا ساي نحن حق الموية البنشربه ما لاقينه ....


كلامك سمح وموافق جدا بالمساهمة ...