Post: #1 Title: الدعم السريع تدخل العاصمة Author: Abureesh Date: 05-04-2018, 03:44 AM Parent: #0
الحاصل شنوقوات الدعم السريع تدخل العاصمة من الجنوب والغرب300 عربة والجنود شاهرين المدافع الرشاشة.دخلوا عن طريق ام درمان وعن طريق شارع مدنى. هذه ليست اشاعةِ.. إلا إن كان الفيديو الذى شاهدته قديم.
Post: #2 Title: Re: الدعم السريع تدخل العاصمة Author: Abureesh Date: 05-04-2018, 03:50 AM Parent: #1
Post: #3 Title: Re: الدعم السريع تدخل العاصمة Author: معاوية الزبير Date: 05-04-2018, 03:56 AM Parent: #2
الدعم السريع يا ابوريش يكون عايز يشيل مدير التلفزيون بالمناسبة هو المدير اسمو منو
Post: #4 Title: Re: الدعم السريع تدخل العاصمة Author: adil amin Date: 05-04-2018, 04:12 AM Parent: #3
الجنجويد "الدواعش على مشارف الخرطوم وذى ما قلنا وحذرنا ان المرحلة التي تسبق فدوم التتار اللامريكيين هي مرحلة "الدواعش= الجنجويد" اسوة بالفوضى الخلاقة في كل المنطقة ونعيد النصح للمرة الاخيرة للنظام والمعارضة معا
ده اقتصاد الكعوك وعبدالرحيم حمدي هو الوصل السودان الحضيض من 1989 في دولة كانت ديمقراطية فدرالية اشتراكية لحدي 30يونيو 1989 والدولار=4 جنيه في البنك والسعر التجاري 12 دولار في عهد اخروزير مالية انصاري متخصص ومتواضع وزاهد واعرفه شخصيا محمد بشير عمر شفتو كيف معنى شعار السودان للسودانيين بتاع السيد عبدالرحمن المهدي الان بعد 60 سنة من الصعود الي الهاوية والمشاريع المصرية الصهيونية التي تفرض بالانقلابات وتحكمنا بها الاقليات والحثالات الاجتماعية في المركز وصلنا وين .. واجهو الحقيقة ورجعو الدولة الديمقراطية الفدرالية ولاشتراكية المكونة من ستة اقاليم بمرجعية اتفاقية نيفاشا فقط يا ناس النظام يا علي عثمان ارجع لي نيفاشا ودستور 2005 ويا نافع علي نافع ارجع الي اتفاقك مع مالك عقار 2011 للمنطقتين واتخارجو ذى ما عملت الانظمة الشمولية بعد انهيار الشيوعية الدولية ..ما تجيبو لينا التتار والامريكيين الغزو الخارجي بالمماطلة الفاضية ****
ويا ناس المعارضة ايضا بدل تطلعو الناس بلغتكم الهتاقية العقيمة ومخاطبة غرائزهم وتحعلوهم جموع غاضبة لمصادمة النظام ووعهم اولا بي برنامج تغيير حقيقي عبر الندوات في الداخل والخارج مش تتصورو لينا خمسة في غرفة ناس قوى الاجماع الوطني في المركز او عشرة في نجيلة في فرنسا او المانيا وتقولو نحن نمثل الشعب ..اعملو ندوات جماهيرية حقيقية وخاطب وعي الشعب وليس غرائزه ...مش الكيزان قالو انتخابات 2020 كسر رقبة ..خلاص نحن كمان نرفع شعار الكضاب وصلو الباب نعمل ندوات جماهيرية ونطرح برنامجنا كانه في انتخابات 2020 ونلزم النظام واجهزته الامنية بقانون الانتخابات والحريات العامة والدستور بتاع 2005 من غير رتوش بدرية سليمان لكن ازمتكم يا ناس قوى الاجماع الوطني ..خايفين حتى من الندوات المصرحة بها لا ياتي جهمور اكثر من قيامة الساحة الخضراء للاسطورة جون قرنق والسودان يقترب من الخطر ولا حل غير العودة الي ما قبل 30 يونيو 1989 بي يوم والقوى الديمقراطية الشريفة في الجيش والامن والشرطة من ابناء القبائل السودانية كلها لمواجهة القادم الاسوا. وحماية المتحف القومي في الخرطوم والاثار السودانية في الشمال نريد لوا ء كامل لحماية الحضارة السودانية من احفاد رماة الحدق السودانيين الاصليين والانصار والختمية والجمهوريين والجنوبيين ومواجهة ..وعصابات التلفت الدولي "ادوات الاستخبارات الامريكية المموهة "الدواعش " التي تتواجد الان في جنوب الصحرا ءالليبية دائرة السو الان دارت على نظام السودان المجرم والمنبت هذا تعليق تعذر نشره في الراكوبة عن اجتماع علي عثمان ونافع علي نافع جبتو هنا من باب العلم بالشيء والخطورة المرحلة وشكرا على الاستضافة يا ابوريش الناس ديل ذى ما قال عليه الحكيم جون قرنق "بوشفو لكن ما بمسمعو لحدي ما الجنجويد يدقو ليهم جرس في سوق ام درمان ويبيعهم رقيق ذى ما حدث في الموصل العراقي الصدام بين المركز والجنجويد مسئلة وقت فقط وبندموعلى ايام الحركة الشعبية الراقية
Post: #5 Title: Re: الدعم السريع تدخل العاصمة Author: خالد حاكم Date: 05-04-2018, 04:17 AM Parent: #3
تحياتى معاوية وابوالريش
الزبير عثمان احمد وكان نائب للسمؤال خلف الله هو ابن الهيئة ولم ياتى من خارجه والرجل ما اظن كوز لكن اشتغل معاهم شغل دعونى اكل عيش وده كان سبب تعيينه نائبا للمدير وترفيعه مديرا بعد اعفاء السمؤال وكتر خيرهم انهم خلوه المدة دى كلها واظن المرحلة الجاية محتاجة لكوز اصلى
Post: #6 Title: Re: الدعم السريع تدخل العاصمة Author: Yasir Elsharif Date: 05-04-2018, 07:28 AM Parent: #2
سلام يا أبو الريش.. الفيديو يبدو جديدا بقرينة صفوف البنزين
Post: #7 Title: Re: الدعم السريع تدخل العاصمة Author: Asim Fageary Date: 05-04-2018, 07:54 AM Parent: #6
سلام على الربع المقيم هنا في البوست
أها الجنجويد ديل جابو البنزين من وين لعرباتهم ؟
ولا بغرفوا من ليبيا مجاني ؟
Post: #8 Title: Re: الدعم السريع تدخل العاصمة Author: MOHAMMED ELSHEIKH Date: 05-04-2018, 08:26 AM Parent: #7
الفديو صحيح اليوم بسبب اني رايت اكثر من فديو مختلف. عشرات المرور قاموا بالتصوير من زوايا مختلفة.
Post: #9 Title: Re: الدعم السريع تدخل العاصمة Author: السنجك عثمان Date: 05-04-2018, 12:13 PM Parent: #8
غايتو شدو حيلكم واستعدوا للاسواء القيامه حتقوم من هنا الكيزان اصلا ما حيسلموا والواقع المرير الذى يحدق بهم سيجبرهم على الهروب لانهم يعوا جيدا ما سيلحق بهم بعد زوال كابوسهم
Post: #10 Title: Re: الدعم السريع تدخل العاصمة Author: Asim Ali Date: 05-04-2018, 01:24 PM Parent: #9
دا دلاله على طول امد الازمات والاحساس بحاله الغضب والتوتر الشعبى ومزيد من الكنكشه فى السلطه.
Post: #11 Title: Re: الدعم السريع تدخل العاصمة Author: محمد المسلمي Date: 05-04-2018, 01:54 PM
ود عمي الشيخ الاخ محمد عثمان ABuresh السلام عليكم
اعتقد الفيديو صحيح وربما استدعاء الدعم السريع تم حقيقي وذلك لتوقع قرارات ربما أطاحت بكثيرين من رموز النظام الحالي
ربما تكرار مفاصلة اقوي من التي حدثت بين البشير والترابي
Post: #12 Title: Re: الدعم السريع تدخل العاصمة Author: Yasir Elsharif Date: 05-04-2018, 01:58 PM Parent: #11
حوالي 300 عربة تاتشر بكامل عتادها تدخل الخرطوم .. شاهد الفيديو
أفادت مصادر خاصة بأن حالة الخلع والخوف التي تسيطر على قيادات النظام ماعادت خافية على احد ، وأفاد شهود عيان الى أنهم رصدوا دخول حوالي ٣٠٠ عربة تاتشر وبعض الشاحنات الكبيرة المحملة تابعة لقوات الدعم السريع بكامل عدتها وعتادها في شارع جبل أولياء وهي قادمة الى الخرطوم. وآخرين قاموا برصد بعض سيارات الدعم السريع ترابط مابين منطقة صالحة في ام درمان ومحطة الكهرباء ، وقالت هذه المصادر أنه ووفقاً لافادات سماعيه فان بعض طلمبات الوقود في كل من مدينتي كسلا والقضارف كانت قد فرضت عليها حراسة أمنية خوفاً من وقوع تظاهرات من قبل المواطنين الذين يزحفون في صفوف البنزين حيث يقضي البعض أياماً في سبيل الحصول عليه، ولكن بعد ان أصدرت السلطات السودانية قراراتها بأن يتم احتكار الوقود لولاية الخرطوم فقط إضطرت لسحب هذه القوات. جدير بالذكر ان الجازولين يتوافر بعض الشئ مقارنة مع البنزين والذي أصبح الحصول عليه يكلف زمناً ومالاً كثيرين، وعلى الرغم من الوعود التي قطعها رئيس الوزراء الفريق بكري حسن صالح امام البرلمان في ان هذه الأزمة سوف تنفرج خلال يومين ورغم مضي خمسة ايّام الا ان الأوضاع تزداد سوءاً.
Post: #13 Title: Re: الدعم السريع تدخل العاصمة Author: نعمات عماد Date: 05-04-2018, 02:20 PM Parent: #12
ان شاءالله الكيزان يتفاصلوا على مليار جهة و تجيهم داهية تاخدهم كلهم.
الشئ المؤكد ان الأحوال سيئة و ستسؤ أكثر و متوقع عند خروج المواطنين
ان يقوم الجنجويد بإبادتهم أضعاف ما فعلوا في سبتمبر 2013 .
اللهم عليك بالظالمين .
Post: #14 Title: Re: الدعم السريع تدخل العاصمة Author: Biraima M Adam Date: 05-04-2018, 03:09 PM Parent: #13
الجلابة في المعارضة أرجلهم ترتجف .. وترتعب فرائصهم خوفاً علي النظام .. من أشاوس الدعم السريع !!
ما قلتوا معارضين لماذا لا تقبلوا بقوات الدعم السريع تقلب ليكم النظام .. لو فعلاً هى أتت لقلب النظام؟
هذا سؤال موجه لعادل أمين وأمثاله ..
بريمة
Post: #15 Title: Re: الدعم السريع تدخل العاصمة Author: Kostawi Date: 05-04-2018, 08:05 PM Parent: #14
Post: #16 Title: Re: الدعم السريع تدخل العاصمة Author: محمد أبوالعزائم أبوالريش Date: 05-04-2018, 08:25 PM Parent: #15
دي رسالة بترد على موضوع الفيديو:
Quote: منعآ لإنتشار الشائعات المركبات اللاندكروزر المتواجدة الان بشوارع العاصمة قادمة من الدمازين بقيادة العميد الركن/ دياب بدر دياب جادكريم الدفعة 40 وفي طريقها لمعسكر فتاشة لإدخال السلاح وتجميع العربات ومنح القوات أذونات للتكرم بالاحاطة...
Post: #17 Title: Re: الدعم السريع تدخل العاصمة Author: Abureesh Date: 05-04-2018, 08:47 PM Parent: #16