النفط مقابل الدماء ! - طارق الأمين

03:40 PM May, 03 2018

سودانيز اون لاين
Nasser Amin-
مكتبتى
رابط مختصر

ياربي ؟؟
الإنسان بي كم ؟؟؟
ولتر الدم سعر اليوم كم ؟؟؟
وبالدوملار ؟
ولي بي دين نار؟
ولي دين حجار؟
ولي مافي حساب
بس كده صم لم ؟
ياربي بكون
بي جالون صم ؟؟؟
ولي ضروري
معاهو
شحم؟
بالبرميل ولي بالتهليل؟
ولي يكون بدوهم شم ؟
عوض الجاز
ماقال انقاذ؟
مالو اليوم
ماشفنا نضم
ياعوض الجاز
ماقلت خبير
وين درب البير بترولو عدم
حكم الكيزان
هلك الانسان
فتن السودان
ولع نيران والليله كتم
علينا هجم
علينا هجم
ياناس الموووت علينا هجم
الشال السيده
معاها حرم
ياناس الموت علينا هجم
نهارنا قهم
دوانا عدم
حرمان وٱلم
علاجنا رماد
تعليمنا سجم

صابرين فوق كم؟
لابشه بحلها. لابرطم
صابرين فوق كم؟
وببيعو الدم
بي برميل جاز
وكمين درهم
صابرين فوق كم
نعلينا جمر
وعيونا حمر
الناكل النار ،، المابترحم
صابرين فوق كم؟؟
وينو الانقاذ
في صف الجاز
وينو الاعجاز
ضقنا العلقم ؟؟
طلع المشروع
للذل والجوع
واليوم مبيوع
في سوق الغم
كضيب ورقيص
قتل وترصيص
جداد وغنم
دلوكه شتم
صابرين فوق كم
شايلين الهم
جدعونا عضم
مصولنا الدم ؟
ياناس الموت علينا هجم
لاغاز وفحم
لا راس وفهم
لا شعب حكم
لا صحفي نضم
ياناس الموت علينا هجم
الشال سنهوري
وخلي بجم
الشال هزاع
لي امو حرم
كيفن نرجاهو
يلمنا لم
كان موت لي موت
الموت اكرم
في حق الناس وخلاصهم جم
من موت الجوع في بيت معدم
الفزع ٱناس- الفلس- الهم
الكوز الحاقد لينا قسم
دنس تاريخنا وانتقم
لولا الكيزان سامونا وهم
ماكان بلد الحريه كتم
كان الكراس بدل الرصاص
والجوع والهم في بلدنا عدم
بدل الرشاش بندول وشاش
والطلقه تعادل الف قلم
وبدل الٱنين طن ٱنسولين
بدل العكاكيز طن لحم
بدل النفاق والارتزاق
رحمه وعناق بينا انتظم
الفجر اذن يارفاق
وبلدنا ماشه علي جهنم