Post: #1
Title: التشويش على الأطباء
Author: حمد عبد الغفار عمر
Date: 05-03-2018, 06:42 AM
Parent: #0
06:42 AM May, 03 2018 سودانيز اون لاين
حمد عبد الغفار عمر-
مكتبتى
رابط مختصر لا شك في أن انتشار المعلومة عبر الشبكة العنكبوتية اتاح للكثيرين الإطلاع على الكثير من العلوم والمعارف ومن ضمن هذه العلوم نجد علم الطب استحوذ على الاهتمام الأكبر لارتباطه الوثيق بحياة الناس. لذا تشكلت لدى الكثيرين (ثقافة) معلومات تتسع وتضيق بختلاف الناس. هذه المعلومات وتداولها بين العامة يمثل تماما امتلاك العامة لأسلحة مدمرة .
فعندما يأتي المريض للطبيب وهو يحمل تشخيصا (نظريا) جاهزا لمرضه فهذا بالتأكيد يؤثر على تفكير الطبيب وطريقة تناوله للحالة المرضية وخاصة إذا اتفقت الرؤية المبدئية للطبيب مع ما يطرحه المريض من معلومات.
لذلك أرى أن واحداً من الأسباب للأخطاء الطبية هو تدخل المريض بشكل سافر في تشخيص حالته وقياسها على ما يتحصل عليه من معلومات من مصادر متاحة.
للتداول
|
Post: #2
Title: Re: التشويش على الأطباء
Author: عبدالحفيظ ابوسن
Date: 05-03-2018, 06:51 AM
Parent: #1
صديقي دكتور علاء الدين جاد الله اخصائي التوليد عندو مقولة لا يفتأ يقولها لي ضاحكا
تسأل المريض سؤال
يقوم المريض يسأل نفسو سؤال براهو ويجاوبك
مشكلة والله يا حمد
المريض يشخص مرضو ويبني عليهو الاعراض . ويقود الطبيب في متاهة المتضرر الاكبر هو المريض نفسه
اخوك من الذين لايحبون استشارة الاطباء . بستهون الامور وابسطها عندي صداع استمر كم يوم امكن توتر .. من الجو .. الجيوب
المهم بروح
والناس يقولو ليك
حقو تمشي الخرطوم تعمل فحص شامل
فحص شامل عربية انا !!؟
لا شوف العيون والبطن والراس اعمل تحاليل كاملة
انا غايتو عندي قناعة
ما تكابس الاطباء ولا تفتش المرض
من وكد وكدوهو
بلف الله عند الله وقت يقفل مافي ندامة ثقتنا في الله كبيرة
|
Post: #3
Title: Re: التشويش على الأطباء
Author: حمد عبد الغفار عمر
Date: 05-03-2018, 09:46 PM
Parent: #2
هلا اب سن
مكابسة الاطباء ما حبابا
قبل سنة تقريبا شعرت بي دوخة في الشغل مشيت المستشفى ما لقيت الا دكتور سورية فاضية قلت ومالو عملت حاجاتا وقالت لي ظاهريا مافي شيء لكن امشي اعمل فحص للضغط والسكري ورنين مغناطيسي طلعت منها وبقلبي قلت المرة دي مجنونة ولا سنو الرنين المغناطيسي دا زي مكتب الضرائب ما بتطلع منو سليم ابدا دخلت عملت فحص الضغط لقيتو سليم اقنعت نفسي انو المسألة دي ارهاق بس كنت مقتنع بخطأي مفروض اسمع كلامها. وانا ما كان غالبني اقول ليها امس ما نمت كويس واشتغلت كتير ومن اول دقيقة كان كتبت لي مقويات وقالت لي ارتاح بس
|
Post: #4
Title: Re: التشويش على الأطباء
Author: علي محمد الفكي
Date: 05-03-2018, 10:00 PM
Parent: #3
عارف يا حمد المشكله لا تكمن في التشويش
التشويش يطول المسافه فقط على الطبيب
فعن طريق الفحوصات المختبريه والصور
بالاضافه الى حذق الطبيب وخبرته
يستطيع الطبيب الوصول الى معرفة المرض
وبالتالي العلاج
لكن زي ما قلت ليك بعد عدة محاولات وفحوصات متعدده
المشكله الحقيقيه في ان يعتبر الشخص نفسه طبيب من خلال معلومات النت
ويشخص حالته ويصرف لها الدواء
|
Post: #5
Title: Re: التشويش على الأطباء
Author: حمد عبد الغفار عمر
Date: 05-03-2018, 10:21 PM
Parent: #4
فعلا يا علي حذاقة الطبيب هي المحدد الاول
في اطباء يخليك تكمل كلامك كلو وبديهو الهواء لانو عارف المفروض يتعمل شنو
في بعضهم كسلان وبفترض عمومية وشيوع الامراض مثلا يجي واحد يقول ليهو عندي زكام طوالي يكتب ليهو مضاد حيوي في حين انو ممكن تكون عندو بداية كرونا او للتهاب رئوي .
|
Post: #7
Title: Re: التشويش على الأطباء
Author: حمد عبد الغفار عمر
Date: 05-04-2018, 04:43 PM
Parent: #6
مرحب دكتور سيف
ياخي دا موقع بن لذينا جدا
انا تاني مافي دكتور بشيل مني قرش 
بس عايز لي واحد بتاع دواء
تعرف بديت افتش لحسن حظي وقعت في الـ IBS
لقيتا لافقة معاي لفقة عجيبة وبالكربون
وصف لي الدواء ساي ما محتاج فحص
|
|