صور لأجمل سودانية فرنسية (صور بس)

Post: #1
Title: صور لأجمل سودانية فرنسية (صور بس)
Author: سيف اليزل سعد عمر
Date: 05-02-2018, 03:48 PM
Parent: #0

03:48 PM May, 02 2018
سودانيز اون لاين
سيف اليزل سعد عمر-
مكتبتى
رابط مختصر
كانت معانا هنا أول أمس فى إستكهولم

Post: #2
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-02-2018, 03:49 PM
Parent: #1

Post: #3
Title: Re: صور لأجمل سودانية فرنسية (صور بس)
Author: محمد نور عودو
Date: 05-02-2018, 04:01 PM
Parent: #2

طيب بالمناسبة دي نقول ليك bonjour comment ça va بي لغة ناس فرنسا
وعودا حميدا

Post: #4
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-02-2018, 04:20 PM
Parent: #3

سافا بيا يا عودو

نديك شوال سمسم القضارف

Post: #5
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-02-2018, 06:36 PM
Parent: #4

الفرقة الموسيقية العالمية، من اليمين
بنسون إتوي (بيز جيتار) - الكاميرون
تيري (ساكس) - فرنسا
كلود سيزا (درمز) - رواند
وليد كوش (جيتار) - كندا/السودان
يوناس دو ريف (كيبورد) - بلجيكا

Post: #6
Title: Re: صور لأجمل سودانية فرنسية (صور بس)
Author: خالد حاكم
Date: 05-02-2018, 11:51 PM
Parent: #5

سلام سيف اليزل منو دى عرفنا بيها ؟ بحكاية سودانية فرنسية دى وكمان بتغنى افتكرتها ابنة دكتور عبدالله بولا لكن ما هي

Post: #7
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:14 AM
Parent: #6

هند الطاهر سودانية
متزوجة من عازف الساكسفون الفرنسي

Post: #8
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:15 AM
Parent: #7

Post: #9
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:25 AM
Parent: #8

Post: #10
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:34 AM
Parent: #9

Post: #11
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:38 AM
Parent: #10

Post: #12
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:45 AM
Parent: #11

Post: #13
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:51 AM
Parent: #12

Post: #14
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 00:54 AM
Parent: #13

خليفة عشه الفلاتية
و الأزمان مختلفة و التكنلوجيا

Post: #15
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 01:08 AM
Parent: #14

Post: #16
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 01:15 AM
Parent: #15

Post: #17
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 01:26 AM
Parent: #16

Post: #18
Title: Re: صور لأجمل سودانية فرنسية (صور بس)
Author: Kostawi
Date: 05-03-2018, 01:59 AM
Parent: #17

صغيرتي هي للشاعر اللاستاذ المرحوم عوض حسن احمد غناء أبو داؤد.
المرحوم كان أستاذي الذي علمني الإنجليزية في مرحلة الثانوية بمحمد حسين و لقد تغنى هو بهذه الغنية و بعزفه على العود يوم وداعي هو وأصدقائي في جنائن سوبا عند مغادرتي أرض الوطن بغرض الدراسة بأمريكا...
رحمك الله أستاذي
لك حبي

Post: #19
Title: Re: صور لأجمل سودانية فرنسية (صور بس)
Author: الزبير بشير
Date: 05-03-2018, 06:03 AM
Parent: #1

سيف اليزل

و الله الجمال مفارقها يوم و ضحوه

متزوجه فرنسي بس ما اكون كافر ، تكون اتمقلبت و يوم القيامة ما تعرف تقول لي الله شنو

Post: #20
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-03-2018, 06:49 AM
Parent: #19

Quote: منو دى عرفنا بيها ؟

دى هند الطاهر يا خالد. من ودمدنى خريجة آداب جامعة الخرطوم لغة فرنسية..

الشكر لكستاوي للفديوهات ومزيدا من التعريف..

Post: #22
Title: Re: صور لأجمل سودانية فرنسية (صور بس)
Author: الفاتح ميرغني
Date: 05-03-2018, 12:48 PM
Parent: #20

[/url]
شكرا حبيبنا سيف
دائماً عدستك مبهرة!
الفنانة هند الطاهر زولة متميزة، وزوجها تييري فورنيه الذي اختار اسم طارق، عازف ساكسفون متميز، ومحِب للسودان الذي يؤثر أن يقضي فيه معظم اجازاته، وعاشق للموسيقى السودانية، وقد كان للانترو( The intro) والتحليات التي ألّفها لشغل الساكس واللزمات في أغنية " دوام بطراهم"، أن جعل من الكليب واحداً من أنجح الكليبات التي قدمتها الفنانة هند.!
لقد شاركت أيضاً في عدد من المهرجانات الاوروبية، لعل أشهرها مهرجان Echofestival de Sailly الذي شاركت فيه بأغنية" دوام بطراهم"، حيث تم اختيارها، ضمن 19 فناناً، لترويج أعمالهم الخاصة في وسائل الاعلام الاوروبية.
لديها دندنات لأغانيات فرنسية، مبهرة ومدهشة!
كان من المفترض أن التقيهما، الفنانة هند والموسيقار تييري- طارق، في 2017 لاجراء حوار معهما في أبوظبي، ولكن حدث تضارب في التوقيت، حيث إضطرينا لتأجيله.
تحية للفنانة هند والموسيقار طارق ، ويا ريت يا حبيب صور أو حكي عن مهرجان " السلام" الذي شاركت فيه هند مؤخراً في السويد.

محبتي

Post: #21
Title: Re: صور لأجمل سودانية فرنسية (صور بس)
Author: Amira Hussien
Date: 05-03-2018, 12:47 PM
Parent: #1

الجمال شى نسبى !!
انا دايره اعرف منو الهدى بناتنا على وصلات الشعر واللصيق الواحدة كان ماشه الجيران تلصق الوصلة ،والغريبة القصة .
رحم الله سيجيمان كان متخصص فى باروكة احدى الوزيرات حينها

Post: #23
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-03-2018, 04:10 PM
Parent: #21

Quote: متزوجه فرنسي بس ما اكون كافر

الزبير بشير..
إشتغل بنفسك وخلى الخلق لخالقها..!!!!

عندى زميلى فى الشغل سويدى المولد والجنسية، حاليا فى مانيلا لحضور إجتماعات بنك التنمية الآسيوي، إسمه إسم خواجات، جانى يوم قال لى ممكن أمشي معاك صلاة الجمعة!!!؟؟؟
قلت ليهو اكيد..بس هل إنت مسلم؟
قال لى نعم..

تانى ما سألته على الاطلاق عن إية حاجة ثانية..
كل يوم جمعة نمشي لواحد من مساجد استكهولم نصلى الجمعة وبعدها نتغدى مع بعض..

اتق الله فى خلق الله يا الزبير...

Post: #24
Title: Re: صور لأجمل سودانية فرنسية (صور بس)
Author: Abdelrahim Mohmed Salih
Date: 05-03-2018, 09:11 PM

تحياتى يا سيف اليزل
فى بدايه الدراسه الجامعه التقيت لاول مره بطلاب عرب من بلاد الشام (فلسطين _ سوريا _الاردن ) والمغرب العربى
كنت استغرب فى اسئله طلاب الشام الفضوليه وحرصهم على معرفه خصوصيه الاخربن دون تحرج
يعنى ممكن تكون قابلت واحد منهم لاول مره فيسألك منذ متى وانت هنا وكم تنفق فى الشهر وكم عمرك كأنه يسأل عن مواعيد القطار القادم:)
الغريبه لم نكن نسألهم ابدا
على العكس منهم طلاب المغرب العربى
كانوا اكثر اتزانا ولباقه
صاحبك السويدى المسلم لربما فتن فى دينه أذا التقى بهولاء الفضولين
جاء فى الاثر (من حسن اسلام المرء تركه مالايعنيه )

Post: #25
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-03-2018, 09:13 PM

Quote: نا دايره اعرف منو الهدى بناتنا على وصلات الشعر واللصيق الواحدة كان ماشه الجيران تلصق الوصلة ،والغريبة القصة

معقولة يا أميرة؟؟!!! ماسمعتى بوصلات (السلة) و(الجورسيه)؟؟؟

البنات ديل كلهن أمهاتن وحبوابتهن وصلن شهرهم بالسلة والجورسية..

الفرق إنه الزمن ده وصلات الشعر بتركب كليبس وما بتم فرزها بسهولة من بقية الشعر..زمان بمشطوهن مشاط..

فالإجابة على سؤالك، الهداهم على وصلات الشعر أمهاتهم وحبوباتهم..

Post: #26
Title: Re: صور لأجمل سودانية فرنسية (صور بس)
Author: Kostawi
Date: 05-04-2018, 02:49 AM
Parent: #25

up

Post: #27
Title: Re: صور لأجمل سودانية فرنسية (صور بس)
Author: Amira Hussien
Date: 05-04-2018, 03:03 AM
Parent: #1

اكيد سمعت استاذ سيف الدين وعارفه انو ،الجورسية دايما كان للعرائس وبعد الأربعين شدة ما كتير بقصوا اما السلة فكانت الأمهات والحبوبات بعد الشعر يبدأ التساقط بيوصلو بالسلة بى صورة ما ظاهرة زى هسه المهم حتى لو اماتنا وحبوباتنا عملوها هسه الحاصل ما جمييل ، خاصة ونحن امكاناتنا على قدرنا

Post: #28
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-04-2018, 04:24 AM
Parent: #27

Quote: ريت يا حبيب صور أو حكي عن مهرجان " السلام" الذي شاركت فيه هند مؤخراً في السويد

طبعا كالعادة مداخلات ثرة وغنية من الصحفى الجميل الفاتح ميرغنى..
فى الحقيقة فى انتظار الحصول على صور من مصوريين بروفيشنال كانوا خلال الحفل..عندى صورة او صورتين ممتازات بالاضافة لفديو لأغنية الرايقة ساقوم بنشرهم خلال اليوم بإذن الله.

أعدك بمداخلة لاحقة للحديث عن (سلام) فى السويد.

Post: #29
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-04-2018, 04:59 AM
Parent: #28

Quote: صاحبك السويدى المسلم لربما فتن فى دينه أذا التقى بهولاء الفضولين

الشوام ديل زاتهم قادننا ليك فى المساجد فى السويد. لو سويدى واحد أسلم تلقى الكاميرات تتطاقش...وهم زاتهم فى سوريا بقتلوا المسلمين بالجملة وكمان عملية القتل زاتها مصورة وموثقة.

تحياتى يا عبد الرحيم

Post: #30
Title: Re: صور لأجمل سودانية فرنسية (صور بس)
Author: سيف اليزل سعد عمر
Date: 05-05-2018, 11:18 AM
Parent: #29

Quote: هسه الحاصل ما جمييل ، خاصة ونحن امكاناتنا على قدرنا

سلام يا أميرة
أي فنانة او فنان ما ممكن يقيف قدام جماهيرو (معولق ومبشتن) وشعرو منكوش..بعدين طريقة لبسهم وتسريحاتهم بتحدد شكل الموضة.

صناعة التجميل أصبحت من اضخم القطاعات المنتجة والموظفة للعمالة..دول جنوب شرق اسيا من اكبر أسواق التجميل فى العالم..فى أروبا عندنا بسنز ضرب المنكير وتركيب الاظافر بسنز كبير جدا. تلقى العمال مغطين انفهم بكمامات وشغالين نضافة وقص وحك وتركيب فى الاظافر.براعتهم تفوق اي واحد نقاش بتاع جير وبوهية .نظافة وتركيب الاظافر بس بياخد حوالي 45 دقيقة من زمن الزبون غير التكلفة المالية..اليوم تستثمر النساء على الاقل نص ساعة او ساعة فى اليوم عشان تتمكيج قبل ما تطلع..تركيب الشعر بياخد حوالي ساعة تقريبا غير تصليح الحواجبين وتركيب الرموش..زمان ما ياخد اكتر من ربع ساعة. الواحدة تشطف كرعيها، تغسل وشها وتمسحوا باي نوع من الزيت.

القصة يا اميرة اصبحت بسنز كبير جدا ورائه آلة اعلامية ضخمة وشركات ملطيناشونال تعرف تماما زبائنها وحوجتهم لمنتجاتها..

تحياتى

Post: #31
Title: Re: صور لأجمل سودانية فرنسية (صور بس)
Author: محمد محمود محمد
Date: 05-05-2018, 03:58 PM
Parent: #30

Quote: دى هند الطاهر يا خالد. من ودمدنى خريجة آداب جامعة الخرطوم

تصحيح يا سيف .. هند الطاهر من الكاملين ، و كما ذكرت زوجها العازف الفرنسي Fournet و يشاركها بالعزف و التوزيع لمعظم الأعمال .
تحياتي .

Post: #32
Title: Re: صور لأجمل سودانية فرنسية (صور بس)ت
Author: سيف اليزل سعد عمر
Date: 05-05-2018, 05:41 PM
Parent: #31

Quote: تصحيح يا سيف .. هند الطاهر من الكاملين

سلام يا محمد محمود..
ناس الكاملين مكملين الجمال..
فعلا أسرة هند من الكاملين. لكن هند وأسرتها تسكن ودمدنى فى النشيشيبة حيث كان يعمل والدها، عليها رحمة الله، فى إدارة مزرعة الجامعة..تعلمنا على يده الكثير.
عندما كنا طلبة فى جامعة الجزيرة هند كانت طالبة فى الثانوي.
شقيقتها الاكبر منها، د. هالة الطاهر، زميلتنا فى الجامعة ورانا بأربع دفع. شقيقتها الاكبر منها، هويدا الطاهر، كانت موظفة فى إدارة جامعة الجزيرة..

Post: #33
Title: Re: صور لأجمل سودانية فرنسية (صور بس)ت
Author: Kostawi
Date: 05-14-2018, 02:20 AM
Parent: #32

Post: #34
Title: Re: صور لأجمل سودانية فرنسية (صور بس)ت
Author: فتح العليم محمد أبوالقاسم
Date: 05-14-2018, 03:52 AM
Parent: #33

تحياتى سيف اليزل
زولتك دى لاجميلة ولاشىء ياريتك إذا فتحت بوست اللوترى.
تحياتى لك

Post: #35
Title: Re: صور لأجمل سودانية فرنسية (صور بس)ت
Author: نعمات حمود
Date: 05-14-2018, 05:21 AM
Parent: #34

شكرا لصاحب البوست للعنوان المطابق للمضمون فعلا اجمل انسانة في المقام الاول ..خلقة واخلاق وفن راقي اختيارات موفقة دوما متناسقة وقدراتها الفنية
هند انسانة مايميزها انها ودودة بكل المعاني واعية وزولة بت بلد اصيلة قدرت تغير نظرة كثير من العالم في فرنسا وغيرهها عن الفن السوداني وقدرت تغير زول فرنسي حتى اسمو اتغير من تيري لطارق وقدر يفهم لهجتنا وغنانا في زمن يغفل العالم عنا
هند كريمة الاصل تستقبل كل اهل المغنى في منزلها بجهدها ووقتها بلا من او اذى
هند انسانة وفنااانة غنت السهل الممتع واجادت كلما قدمت من اعمال خالدة في ذاكرتنا ولكنها ادت على نهجها وطريقتها الخاصة ووجدت ارتياحا من الجمهور ولهند طموح ومشاريع كثيرة فنية نتمنى ان تتوفق في مسيرتها
شكرا صاحب البوست ولهند اجمل امنياتنا بالتوفيق
ومني محبتي

Post: #36
Title: Re: صور لأجمل سودانية فرنسية (صور بس)ت
Author: سيف اليزل سعد عمر
Date: 05-15-2018, 06:10 PM
Parent: #35

Quote: للعنوان المطابق للمضمون

والله يا نعمات أنا كنت بقرأ فى مداخلتك دى وكأنى بستمع لليلي المغربي من جمال الكلمات..
ياخى إنتى ذاتك جميلة..