الناس ده ممكن يستفيدوا مننا في تدريب أجيال جديده وهاك يا لغف
شيء عجيب !!!!!
Post: #5 Title: Re: جهاز المغتربين فس السودان ينظم دورات تدري Author: Abdullah Idrees Date: 05-02-2018, 02:36 PM Parent: #4
يا قباني شوف دي كمان : حامد ممتاز مسفر 20 وزير دولة الصين لدورة تدريبية اليومين ديل الموضة التدريب خليك مع الزمن او كما كان ظريف الفنانين يردد
Post: #6 Title: Re: جهاز المغتربين فس السودان ينظم دورات تدري Author: منتصر عبد الباسط Date: 05-02-2018, 02:52 PM Parent: #5
لو يوجد هناك تدريب أصلا لدربوا الناس في كل مراحل العمر للإستفادة من موارد البلاد الزراعية والصناعية ولما احتاجوا أصلا للخروج من البلد ! .
Post: #7 Title: Re: جهاز المغتربين فس السودان ينظم دورات تدري Author: عمر أبوعاقلة Date: 05-02-2018, 03:35 PM Parent: #6
كم رسوم الدورة ملف + الصور دمغة جريح دعم أسر الشهداء رسوم محلية ... ألخ يعني الخزائن دي يملوها من وين يا هندسة
كسرة: شفنا الدول تدرب على الانتاج .. التدريب التقني .. صقل الكفاءات ....ألخ أول مرة أشوف لي دولة تدرب مواطنيها على الخروج .. عجبي
تحياتي
Post: #8 Title: Re: جهاز المغتربين فس السودان ينظم دورات تدري Author: أحمد الشايقي Date: 05-02-2018, 04:16 PM Parent: #7
عايزين يطفشــوا الباقين ويضيفوهم لقوائم الضرائب ؟
بركة الـ طفشـنـا من زمــان
Post: #9 Title: Re: جهاز المغتربين فس السودان ينظم دورات تدري Author: Nasser Amin Date: 05-02-2018, 04:38 PM Parent: #8
بالواضح يعني شتتوا, بس ألبسوا كويس
وشوف ديل كمان
تحياتي باشمهندس .......
Post: #10 Title: Re: جهاز المغتربين فس السودان ينظم دورات تدري Author: يحي قباني Date: 05-02-2018, 05:22 PM Parent: #9
Quote: يا ود قباني سلاما افتكر بعد غربه لمدة ٣٠ عاما الناس ده ممكن يستفيدوا مننا في تدريب أجيال جديده وهاك يا لغف شيء عجيب !!!!!
يا بشير تتذكر ... الناس ديل لما جو قالوا ما دايرين اكتر من 17 مليون سوداني ...الباقين يهاجروا يغتربوا ما فارق معاهم ... اعتقد الان ال 17 مليون كتار على امكانياتهم ... دايرين يعملوهم 7 ...
Post: #11 Title: Re: جهاز المغتربين فس السودان ينظم دورات تدري Author: عبداللطيف حسن علي Date: 05-02-2018, 06:02 PM Parent: #10
شعب ثقيل ....
عملوا له إعادة صياغة فشلت فيهو
جوعوهو ماهماه ، كتلوه ماهماه ....
قالوا احسن يدربوه علي الهجرة ، مش كتر خيرهم !
Post: #12 Title: Re: جهاز المغتربين فس السودان ينظم دورات تدري Author: يحي قباني Date: 05-03-2018, 02:23 PM Parent: #11
ا قباني شوف دي كمان : حامد ممتاز مسفر 20 وزير دولة الصين لدورة تدريبية اليومين ديل الموضة التدريب خليك مع الزمن او كما كان ظريف الفنانين يردد
جايز يا عبد الله اكتشفو بعد 30 سنة انو القصة عدم تدريب ...
العينات الما بتختشي دي بتعمل اي شي ...
حسنى مبارك بعد 30 سنة من الانهيار ... بكل خجلة وجه خطاب للشعب و قال حيعمل خطة خمسية لحل كل مشاكل المواطن ...
تخيل ...
Post: #13 Title: Re: جهاز المغتربين فس السودان ينظم دورات تدري Author: muntasir Date: 05-03-2018, 03:13 PM Parent: #12
الأولى يعملوا دورة لتدريب الدبلوماسيين عن أضرار الصاجات
Post: #14 Title: Re: جهاز المغتربين فس السودان ينظم دورات تدري Author: علي عبدالوهاب عثمان Date: 05-03-2018, 03:49 PM Parent: #13
حبيبنا قباني .. مودتي .. بالعكس تدريب يكون للعائدين من الغربة على صفوف البنزين والخبز
والشهادات العربية على كيفية ركوب المواصلات وأكل البوش والحفاظ على الموبايل أثناء ركوب البص والمهم جداً عقد دورة تدريبية كاملة عن أغاني الحماسة والعرضة .. وشرب الماء من السبيل ..
الحبيب قباني .. كرار التهامي بدأ يظهر بكثرة في القنوات وتصاريح ومؤتمرات متواصلة .. ربما شعر بشيء ما .. وهو لديه خبرة وحاسة سادسة يقرأ بها رضا الكفيل أو سخطه وهذه من خبرات الاغتراب في الخليج .. كلنا نجيدها ونجهز نفسنا أول بأول
حبيبنا قباني معليش .. ذهبنا بالبوست إلى إتجاه آخر ( والشر البلية ما يضحك )
Post: #15 Title: Re: جهاز المغتربين فس السودان ينظم دورات تدري Author: kamal omer Date: 05-03-2018, 04:17 PM Parent: #14
ما عندهم فكرة يعملوا دورة عن ( الحياء ) لمنسوبيهم ؟ لأنو شايف قلة الحياء كتيرة جداً وسطهم.
Post: #16 Title: Re: جهاز المغتربين فس السودان ينظم دورات تدري Author: يحي قباني Date: 05-04-2018, 01:31 AM Parent: #15
لو يوجد هناك تدريب أصلا لدربوا الناس في كل مراحل العمر للإستفادة من موارد البلاد الزراعية والصناعية ولما احتاجوا أصلا للخروج من البلد ! . يا منتصر ياخ ما كان في وكت ينتبهو للوطن و المواطن في ال 30 سنة الفاتن ...
10 سنة تمكين و تجهيل ... 10 سنة تقتيل و تشريد ... 10 سنة سرقة و نهب و لهط ...
كملت ...
نديهم 30 تاني ؟ جايز ؟
Post: #17 Title: Re: جهاز المغتربين فس السودان ينظم دورات تدري Author: يحي قباني Date: 05-04-2018, 05:43 AM Parent: #16
كم رسوم الدورة ملف + الصور دمغة جريح دعم أسر الشهداء رسوم محلية ... ألخ يعني الخزائن دي يملوها من وين يا هندسة كسرة: شفنا الدول تدرب على الانتاج .. التدريب التقني .. صقل الكفاءات ....ألخ أول مرة أشوف لي دولة تدرب مواطنيها على الخروج .. عجبي تحياتي يا عمر ...
شكلنا اصبحنا شعب غير مرغوب فيه ...
سمعنا باي دولة ممكن تطرد احد الاجانب المقيمين فيها ... و يطلق عليه لقب ( شخص غير مرغوب في وجوده ) persona non grata (Latin ) or person not appreciated
لكن مواطن غير مرغوب فيه .. و يتم تدريبه للهجرة ...
جديدة دي ...
شفنا البدع في زمن( الإنغاز ) ...
Post: #18 Title: Re: جهاز المغتربين فس السودان ينظم دورات تدري Author: يحي قباني Date: 05-11-2018, 00:39 AM Parent: #17
عايزين يطفشــوا الباقين ويضيفوهم لقوائم الضرائب ؟ بركة الـ طفشـنـا من زمــان زمان ساي يا مولانا ...
