Post: #1
Title: ود اب سن مرحب بيك .. وهاك البركاوى ده
Author: جلالدونا
Date: 05-01-2018, 06:42 AM
06:42 AM May, 01 2018 سودانيز اون لاين
جلالدونا-
مكتبتى
رابط مختصرثم هلمجرا ياخى
|
Post: #2
Title: Re: ود اب سن مرحب بيك
Author: جلالدونا
Date: 05-01-2018, 06:44 AM
Parent: #1
جرا من مشتقاتها الجرجرة
و هى علامة لها ما لها
فى عالم الكلام المسموع
و بالاخص فى الكلام المكتوب
|
Post: #3
Title: Re: ود اب سن مرحب بيك
Author: عبدالحفيظ ابوسن
Date: 05-01-2018, 06:52 AM
Parent: #2
آمنتو بي الله
استعدل لي بس
ياهون داك البركاوي مرصوص مالقيت ليهو بكان
|
Post: #4
Title: Re: ود اب سن مرحب بيك
Author: عبدالحفيظ ابوسن
Date: 05-01-2018, 06:53 AM
Parent: #2
آمنتو بي الله
استعدل لي بس
ياهون داك البركاوي مرصوص مالقيت ليهو بكان
|
Post: #5
Title: Re: ود اب سن مرحب بيك
Author: جلالدونا
Date: 05-01-2018, 07:06 AM
Parent: #4
كبّو هنا ياخ
و راجيك بالجاو
|
Post: #6
Title: Re: ود اب سن مرحب بيك
Author: جلالدونا
Date: 05-01-2018, 07:07 AM
Parent: #5
و الهرود
تعرف الهرود يا سنّو
|
Post: #8
Title: Re: ود اب سن مرحب بيك
Author: عمر التاج
Date: 05-01-2018, 07:32 AM
Parent: #6
ازيك يا جلجلنا وماك طيب
ما قت لينا
هنا مكب للجميع ولا لي صاحبك بس
باقي في ناس بركاويهم سوس وعجوتهم صوفنت
والسوق واقف.
وفي جماعة مستعدين ينضموا لأي حركة وجاهزين يكبوا مع التانيين .
|
Post: #7
Title: Re: ود اب سن مرحب بيك
Author: محمد مجيدو
Date: 05-01-2018, 07:28 AM
Parent: #1
بهدوءءءءءء ..
ثم السلام عليكم ....
عاالم بطاالـــــــــــــــــة ,,
|
Post: #9
Title: Re: ود اب سن مرحب بيك
Author: حمد عبد الغفار عمر
Date: 05-01-2018, 07:41 AM
Parent: #7
الكب دا مالو وقف
جني وجن الناس البقرشو الكاس
الراء مشدودة
|
Post: #10
Title: Re: ود اب سن مرحب بيك
Author: عبدالحفيظ ابوسن
Date: 05-01-2018, 07:50 AM
Parent: #9
ديل بقرصو ما بقرشو
يخلوك مدودو
الناس راقدة رز ومبسوطة
وانت لا محسوب مع ديل ولا ديلك
الراقدين رز كلامهم ما عاجبك وشايفو مشاتر
والناس التانية شايفنك بتلغلغ
ف شنو
وحدو الكبة واحفظو الدور
|
Post: #11
Title: Re: ود اب سن مرحب بيك
Author: عمر أبوعاقلة
Date: 05-01-2018, 08:08 AM
Parent: #10
من نفس عن مؤمن كربة ..... ألخ
ما قصرت يا جلة .. نصرف ليك يوم حوبتك
ود أب سن أخد راحتك
تحية للجميع
|
Post: #12
Title: Re: ود اب سن مرحب بيك
Author: جلالدونا
Date: 05-01-2018, 01:28 PM
Parent: #11
مرحباب عمر التاج
للجميع ياخى
فترنا ياخى
اى بوست تفتحو تلقا بركاويهو قاعد برررررره
اها اليجيبوهو الملجه دى
|
Post: #13
Title: Re: ود اب سن مرحب بيك
Author: ABUHUSSEIN
Date: 05-01-2018, 02:33 PM
Parent: #12
في المتوسط جابو لينا استاذ رياضيات منقول
كبير في السن
بدون اي مناسبة او مقدمات حكى لينا الحكاية دي :-
نقلوه منطقة ريفية
في الويكند بتجمعوا كتيرين في بير السقاية
قال الناس بتشيل في الموية و البعض بسقي البهايم
قال للجماعة عايز اجرب اركب الجمل ... !!!
الجماعة حذروه الشغلانية دي ما ساهلة ...
فكان من المصرين و الملحين الحاحا ...
استأذنو صاحب جمل و وافق
برك ليه الجمل و قال ليه اركب ...
يادووووووب الجمل عايز يقيف الاستاذ جا واقع علي وشو ....
الناس كلها قعدت تضحك عليه رجال و نساء ...
قال سمعت واحدة وراي قالت :-
اريتو ما راجلي الما بعرف .................
الاستاذ ادانا ضهرو و قعد يتخج من الضحك ...
قصرت معاكم .... ؟؟؟؟؟؟؟؟؟؟؟
|
Post: #14
Title: Re: ود اب سن مرحب بيك
Author: امتثال عبدالله
Date: 05-01-2018, 02:57 PM
Parent: #13
لمن قرأنا العنوان يا جلالدونا افتكرنا ان ود ابو سن وصل بلاد العم سام واستعدينا نجيب الخرفان لتكريم شيخ العرب ود ابو سن ...
مع وافر التقدير والاحترام
|
Post: #15
Title: Re: ود اب سن مرحب بيك
Author: جلالدونا
Date: 05-01-2018, 08:19 PM
Parent: #14
و عليكم السلام السيد مجيدو
ثم
البى هدوووووووء ده شنو
عالم ابطل من بطاله
|
Post: #16
Title: Re: ود اب سن مرحب بيك
Author: جلالدونا
Date: 05-01-2018, 08:24 PM
Parent: #15
اووووو حمدنا
قال ليك فى العجله السلامة و فى الموتر الندامة
الشى لى الليلى ما بقى عصير
صبرن يبل البركاوى مافى
|
Post: #17
Title: Re: ود اب سن مرحب بيك
Author: محمد مجيدو
Date: 05-02-2018, 07:13 AM
Parent: #1
| Quote: البى هدوووووووء ده شنو |
يا جلجل ... خليك مفتح يااخ
بهدوء دي حقت ابوسن ..
عاالم بطاالـــــــــــــــــة ,,,
|
Post: #18
Title: Re: ود اب سن مرحب بيك
Author: عبدالحفيظ ابوسن
Date: 05-02-2018, 07:26 AM
Parent: #17
ههههه
ياخ علي بالجزيمة البارح خاشي لي في برج نحس لامن طيرت شهيتي للاكل .. فاطر مع العصر كباية شاي بي رغيفة
بدور الدواس بس
علا مرقت من النت نوهائي
زي ما قال الزول الحكيت عنو زمان
دواس بدوري سبب هبشينا في ...... 😷😷😷
قاعد ساي لو ما تذكرينها ممكن نحكيها تاني ما ورانا حاجة
|
Post: #19
Title: Re: ود اب سن مرحب بيك
Author: جلالدونا
Date: 05-02-2018, 06:24 PM
Parent: #18
هسى يا ابو عاقلة الزول نرص ليهو فِلق التمر و الدوم
و نقش ليهو الواطا عشان بركاويهو ده يقوم يسويها لينا قرّيش و قرّيص
و دودو بيهو و دودو بى
فى ضمتك دى .. ده بركاوى ده
غايتو الحسنة فى المنعول زى الشكر لى حماد
|
Post: #20
Title: Re: ود اب سن مرحب بيك
Author: عبدالحفيظ ابوسن
Date: 05-02-2018, 10:29 PM
Parent: #19
البلد قيامة رابطة
حرقو شنو عشان شنو
الوزرا بقو معارضة عديل
وواحدين يبكو ويتمختو
بصرحو تصريحات دخلو بيها ناس السجن
الظروف عاضة عضة شديدة
ترس المواطن معصلج عديل كدة
اول مرة حكومة تجيب قون في روحها
حققت شبه اضراب سياسي بندرة المواصلات
ومكارم بشير بتغني في يوم في يوم غريب وبتضحك .. هسة
سألت ام عيالي دي بتضحك مالها ماعارفة معاني الكلمات ؟
مسجون مع التلفزيون بأوامر عليا بحجة التواجد الاسري
ممنوع من الواتس والمنبر بنفس الحجة
اها
|
Post: #21
Title: Re: ود اب سن مرحب بيك
Author: جلالدونا
Date: 05-03-2018, 04:31 PM
Parent: #20
ههههها يجازى محنك يا ابو حسين ابو الحسن
كويس انو جاكم حى و حكى ليكم
يمين الله لو ركب جمل البشير بتاع السبق داك و قام وقع منّو
كان رقبتو اتفقهت و شبع بركاوى
و ما كان لقيت حاجة تحكيها لينا
هسى عاين لى ود اب سن ده
وينو بركاويهو البقول عليهو ده
|
Post: #22
Title: Re: ود اب سن مرحب بيك
Author: جلالدونا
Date: 05-04-2018, 09:27 PM
Parent: #21
Quote: لمن قرأنا العنوان يا جلالدونا افتكرنا ان ود ابو سن وصل بلاد العم سام واستعدينا نجيب الخرفان لتكريم شيخ العرب ود ابو سن ...
مع وافر التقدير والاحترام |
يجى وين يا امتثال
زول بركاوى ما عندو البجيبو امريكا شنو
عموما وعشان خاترك بنجيب بنيتو الكتّابة ديك و علاء
لكن هو يشمّها قدحة
|
Post: #23
Title: Re: ود اب سن مرحب بيك
Author: امتثال عبدالله
Date: 05-04-2018, 10:30 PM
Parent: #22
بنيتو الكتابة ديك ما عندها مشكلة عشان تجي بلاد العم سام..فهي ما شاء الله ذكية وممكن تجيب نمر عالية وتدخل احسن جامعة في امريكا و بمنحة دراسية كاملة...و الاسبوع الماضي فقط وصلتنا طالبة سودانية في جامعتنا وقالت إنها قدمت من السودان وتم قبولها وارسلوا لها خطاب القبول والسفارة الأمريكية منحتها التأشيرة بدون رسوم ...المهم انتو يا جلالدونا اعملوا اللازم عشان من ابو سن يزور بلاد العم سام...ويحضر كمان تكريم سيد الحوش الكبير
مع وافر التقدير والاحترام
|
|