بدري جدا كابلي كان طلع شريط كاسيت . معاهو البلابل وآخرين شريط فيها غنا سمح منو يا ستار علي من شوفتك وانا راسم في قلبي صورة الباسم والمداس الجانا زاير وكم واحدة كدة . هردت لهاتي بالسؤال عنو نفس التسجيل يحمل لي ذكريات عذبة ياريت لو واحد عندو التسجيل دة
آه آه يا حلو يافرحة أيامي الغلو يا لون جديد في أولو قبل الربيع طلّ الزهر و أهداك منو قرنفلو جات الطيوب أعواد تميس من طيبا أهدت صندلو و اتجمعت كل الطبايع و قالوا ليك طبعك براك هاك أعزلوا و عزلت طبعا كان معاي من ما وعيت بتخيّلو كنت فاكرو المستحيل لكن بديع الكون إذا ما أهدى مين البسألو بس لودادك نسألو احترت فيك واحتار معاي كل البحسوا ويعدلوا في حسنك الكل يوم معاي وريني كيف بتشكلّو ألوان من البهج الرفيع لون سمانا وحملو ألحان من اللهج الوديع شق المسامع بلبلو تحنان وطيبة ناس زمان شالوا السماحة وشيّلو انسان مضمر شايلو بان غازل غماما هطّلو أنا في رجاك هاك روحي من فيض حنانك بللو لو شئت ياسحر الجمال بالمرة قصّو وفللو ما إنت ما إنت الجميل ما إنت ما إنت الحلو
شيخ العرب... كنت قايلك سميع معتق للغنا القديم، بالله كيف فاتك تستمع بي غنا كابلي القديم دا؟