Post: #1
Title: مصفاة الخرطوم واقفة لشنو؟ أسباب توقف المصفاة!
Author: احمد محمد بشير
Date: 04-25-2018, 02:58 PM
02:58 PM April, 25 2018 سودانيز اون لاين
احمد محمد بشير-كُل اجزاءهِ لنا وطنٌ إذ نُباهي بهِ و نفتَـتِنُ
مكتبتى
رابط مختصر لماذا توقفت مصفاة الخرطوم
هل هرب الخبراء الاجانب
ام مافي قروش لشراء قطع الغيار للصيانة
ام تكاثرت الديون
هل قفلت دولة الجنوب البلف تاني
والابار بتاعت شمال السودان محلها وين؟
وبتنتج كم في اليوم هذه الابار
والسنوات الفاتت لماذا كنا نستورد فيها النفط؟
االحاصل شنو بالضبط؟
|
Post: #2
Title: Re: مصفاة الخرطوم واقفة لشنو؟ أسباب توقف المص
Author: احمد محمد بشير
Date: 04-25-2018, 03:02 PM
Parent: #1
اذا دخلت المصفاة في الخدمة حتحل مشملة كبيرة
الأمر عاجل
والحاصل الان لا يطاق ... وأي شيء مربوط بالنفط
ماهي أسباب توقف المصفاة.
ولماذا كان السودان يستورد نفط طالما انه في مصفاة في البلد؟؟؟
|
Post: #3
Title: Re: مصفاة الخرطوم واقفة لشنو؟ أسباب توقف المص
Author: احمد محمد بشير
Date: 04-25-2018, 03:07 PM
Parent: #2
المواطنين ما غالبهم يقلبو الحكومة في خلال 3أيام بالكتير ... صابرين لأنه الجميع خايف من المجهول و الفراغ الحيحصل بعد ذهاب النظام... حتى الضباط الاحرار ما عايزين يعملوا أي انقلاب لانه الجنازة بتاعت المؤتمر الوطني حتكون تقيلة جدا ومافي حد حقدر يشيلها .
لكن انا متأكد انه الأزمات الحاصلة دي بدأت تلف حبل المشنقة حولة المؤتمر الوطني.
|
Post: #4
Title: Re: مصفاة الخرطوم واقفة لشنو؟ أسباب توقف المص
Author: أحمد الشايقي
Date: 04-25-2018, 03:15 PM
Parent: #3
الكل أخي احمـد حريص على الوطـن ويصبح الحرص على الوطن نقطة
ضعف لا نقطـة قوة يمنع الجميع من المبادرة إلا الحزب الحاكم فهو في
غيه سادر
لا يقدم أي اشارة على أنه يتفهـم أو على أنه يعترف بوجود آخرين معه
على هذه الارض السودانية ولا يكاد يعترف أصلا بوجود مشاكل والذين
استمعوا لحديث وزير النفـط وقرأوا تصريحات وزارة المالية يؤكدون أنهم
يستمعون ويقرأون لجهات تقيم في كوكب المريخ وبعيدة كل البعـد عما يحدث
يومياً في بلادنا
على الحزب الحاكم أن يستيقن أن مثل هذه الأوضاع التي يحس بها ويراها
مريحـة ويركز عليها اعلامـه وناشطوه هي اوضاع غير مستدامة ولا تعمـر
طويلاً وأن الناس بدأوا يدخلون في واقع تصبح فيه كل الخيارات مفتوحـة
وكل الأوضاع تشبه بعضها بعضاَ
حينئـذ لا ينفـع النــدم
أحمد الشايقي
|
|