Post: #1
Title: الى كل من هب ودب. تنبيه مهم.
Author: Abureesh
Date: 04-24-2018, 03:19 AM
03:19 AM April, 23 2018 سودانيز اون لاين
Abureesh-أمريكا
مكتبتى
رابط مختصر الكلام عن الاحزاب وربائبها وأولياء نعمتها.. والى انصاف المثقفين الذين يتبهمون خلف الطائفية.. الى اتباع الطرق الطائفية واليسارية..
لا احد قلبه على السودان الا أن كان هو القائد. كلكم عيونكم على الخرطوم وقصرها الجمهورى. ما لكم ومال حلايب وشلاتين؟
انا ابو الريش
لا تهمنى صراعاتكم حول كعكعة الخرطوم.. كيزان شيوعببن اتحادى امة.. كلكم من طينة واحدة.
ما يهمنى هو من يحمل هم الاقاليم السودانية وقد اية أرضها وحرية أهلها. سواء كان كوز او شيوعى او حركات مسلحة.
هل فهمتم؟ الشيوعى موقفه المخزى وموقف زعيمه الراحل من قضية حلايب معروف. الاتحادى صنيعة مصرية وعميل لهم. واتحدى اى اتجادى يجيب نص او تسجيل موقف لمحمد عثمان الميرغني عن تبعية حلايب. حزب الامة لازم يكون فى السلطة اولا حتى يتحدث عن حلايب.
الوحيد الذى صدح بموقف واضح هو عمر البشير ووزير الخارجية المقال غندور.. تصارعوا على السلطة ما طاب لكم. اما نحن فى الاقاليم فيهمنا ما يصلنا منكم من خير إن كان فيكم خير.
هذا ما لزم توضيحه.. وربما نوضح اكثر ان صعب هذا الحديث على البعض.. فإن (الشرح) يساعد على الفهم.
|
Post: #2
Title: Re: الى كل من هب ودب. تنبيه مهم.
Author: عبدالغني محمد الحاج
Date: 04-24-2018, 03:23 AM
Parent: #1
أُماااااااااااااااااااك
|
Post: #3
Title: Re: الى كل من هب ودب. تنبيه مهم.
Author: ترهاقا
Date: 04-24-2018, 03:36 AM
Parent: #2
واحدة واحدة يا أخ ابوالريش، الموضوع شنو بالضبط؟
|
Post: #4
Title: Re: الى كل من هب ودب. تنبيه مهم.
Author: سفيان بشير نابرى
Date: 04-24-2018, 04:08 AM
Parent: #3
وحياة الله نحنا في المنبر دا مساكين خلاس
|
Post: #5
Title: Re: الى كل من هب ودب. تنبيه مهم.
Author: Abureesh
Date: 04-24-2018, 05:56 AM
Parent: #4
"واحدة واحدة يا أخ ابوالريش، الموضوع شنو بالضبط؟"
الاخ ترهاقا
واللاى ياخ بلغت الروح الحلقوم.. ياخى ناس لا تحترم حرية الراى فى منبر صغير هو اساسا منبر راى ونقاش.. فكيف تنتظر منهم اى خير للبلد.عندهم علب وصناديق معينة.. اول ما تقول رايك يمشوا لصناديقهم دى ويختوك فى واحد عليه ديباجة من اتنين اما كوز او شيوعى.. اما احترام الرأى ونقاشه مهما اختلفوا معه.. فهذه ليست فى قاموسهم.. عارف ليه ؟ لأنهم أساسا ما عندهم مخ.. جد.. عساكر مجندة فى الأحزاب وعندهم ثوابت ومناطق محرمة على النقاش. اى موضوع مطروح نقاشه ليس أولوية حسب اجندة الحزب.. فهذا لابد ان يحارب بار وسيلة بما فيها وضع المحاور ف. صندوق الطرف المعادى للطرف الآخر. السودان صار رهينة لصراعات الكيزان والشيوعيين المعلقة معاهم منذ زمن الجامعةِ. مثل المساطيلِ الذين يعيشون فى زمن مجمد.
|
Post: #6
Title: Re: الى كل من هب ودب. تنبيه مهم.
Author: Ali Alkanzi
Date: 04-24-2018, 03:54 PM
Parent: #5
الاخ ابوالريش
اجابتك للاخ ترهاقا هو ما يؤرقني هذه الايام
والاخ بكري ابو بكر
عليه أن يكون قدوتنا في تحمل الرأي والرأي الاخر
واريد ان اضيف:
أنه وصلتني رسالة منك عبر الخاص واسهبتُ في الاجابة عليها
ولكنها حرنت تب وابت تمشي ليك
فلك العذر مني وشكرا لاهتمامك
|
Post: #7
Title: Re: الى كل من هب ودب. تنبيه مهم.
Author: كمال عباس
Date: 04-24-2018, 04:18 PM
Parent: #6
كتب أبو الريش
(الوحيد الذى صدح بموقف واضح هو عمر البشير)
عمر البشير هو من فرط في حلايب وشلاتين وعجز عن إستردادها حربا أو سلما!
- الأمة والإتحادي إستطاعا - تاريخيا - إستعادة حلايب من براثن عبد الناصر -عام١٩٥٨
بينما فرط البشير في حلايب وشلاتين والفشقة وعجز في التصدي للضربات الإسرائلية علي
شرق السودان !
البشير فرط في السيادة والتراب الوطني لصالح الأجنبي!
وعمر البشير هو من
- منح الأراضي الزراعية لمصر
- ومنح مصر الف رأسا من الماشية لمصر
- وعشرات السيارات - وعشرات الألوف من الدولارات لمنتخب مصر لكرة القدم!
_ البشير خان الوطن بتفريطه في مقدساتنا الوطنية للأجانب !
وبالمناسبة الإتحاديين هم من قاموا - وفق إتفاق الميرغني قرنق - بإلغاء التكامل واإتفاق الدفاع المشترك - مع مصر!
بالنسبة لموقف حزب الأمة من مصر فهو معروف - وبالنسبة لموقف الحزب الشيوعي راجع
بيانه الصادر عام 1994 رأي نقد - كما ذكر بنفسه يعبر عنه كباحث تاريخي وموثق - حيث طالب بالبحث عن وثائق والإستعانة لأن الوثائق المطروحة لاتخدم قضية السودان- في مواجهة تحكيم دولي! ورأي سكرتيره الخطيب:
( تصاعد أزمة حلايب بين السودان ومصر ،هل برأيكم هي كرت ضغط تستخدمه مصر من اجل كسب موقف السودان لصالحها ضد سد النهضة الاثيوبي ؟:
· اولا دعنا نتفق علي ان حلايب سودانية مائة في المائة ،وتم استخدام ملف حلايب في الصراعات السياسية بين الحكومات وليس بين شعوب الدولتين ،لذلك تتصاعد القضية وتهبط وفقا لمتغييرات النظم السياسية في البلدين ،اولا يجب ان نحسم قضية حلايب والحديث الان عن تكامل لايشكل حلا_)
* البشير خائن للوطن ومفرط ف ترابه وعزته وسيادته ومن يري غير ذلك فهو شريك للبشير في الخيانة - علاوة علي أنه شخص لايهمه أمر حلايب!
|
Post: #8
Title: Re: الى كل من هب ودب. تنبيه مهم.
Author: Asim Ali
Date: 04-24-2018, 04:29 PM
Parent: #6
المتابع لشكل المناقشات والحوارات واسلوب ومستوى بعض النقاشات والتكتلات المصاحبه احيانا تصل لدرجه فرض خصار تدفع الى التساؤل اذا كان دا الحال قى النقاش والحوار والايدى فى المويه البارده ..
كيف يكون الحال لما الايدى تمسك ضولجان الحكم؟
قدر شنو الفرق القرث بين الحال العايشنو من خلافو ؟
وضع الناس الماعندهم تنظيم الا وطنيتهم وحبهم للسودان شنو فى وسط دا كلو لما يحصل التغيير طالما انت بتعبر عن نقسك لاجل الوطن من دون لون حزبى ؟؟؟؟
ودا حال كثير من منابر ومجموعات الحوار
اسئله كثيره من النوع دا خلت الواحد لايرى ضوء فى اخر النفق
|
Post: #9
Title: Re: الى كل من هب ودب. تنبيه مهم.
Author: ناصر حسين محمد
Date: 04-24-2018, 04:46 PM
Parent: #8
الاخ ابو الريش
أوافقك في بعض ما كتب واختلف معك في الاخر
أوافقك في عدم القبول بدكتاتورية المتحزبين (خصوصا اليسارين) بمجرد نقاس واختلاف اراء يصنفوك (كوز) وفي اعتقادي هم مثل اكيزان وربما اسواء
ولكنني اختلف معك في قولك حول البشير وغندو
هم في يدهم السلطة والرجال رجولتها في فعلها لا في الكلام
تبقى قصة حلايب ما معيار للرجولة والمواقف القوية لمن هو (عديم السلطة) ولكنها معيار حقيقي لمن بيده السلطة واكتفى بالتصريح
والدول لا تهاون في اراضيها
اذا اخذنا حلايب معيار يبقى البشير ورهطه (اجبن من مشى على الارض)
|
Post: #11
Title: Re: الى كل من هب ودب. تنبيه مهم.
Author: نعمات عماد
Date: 04-24-2018, 05:38 PM
Parent: #9
Quote: وعمر البشير هو من
- منح الأراضي الزراعية لمصر
- ومنح مصر الف رأسا من الماشية لمصر
- وعشرات السيارات - وعشرات الألوف من الدولارات لمنتخب مصر لكرة القدم! |
يا استاذ كمال عباس ، أضف الى ذلك إعطاء مصر 7 مليار متر مكعب من
حصتنا في مياه النيل من أيام مرسي.
و يا ابو الريش تصريحات الرئيس والوزراء بخصوص مصر دائماً تدعو
للتساؤل هل هي نابعة من الوطنية أم من الولاء للأخوان المسلميين في مصر؟
|
Post: #12
Title: Re: الى كل من هب ودب. تنبيه مهم.
Author: عبدالعظيم عثمان
Date: 04-24-2018, 07:01 PM
Parent: #11
سلام يا ابو الريش
طيب اذا دا كلامك ما تبايع البشير وتركب سرج مع قريمان
رجالة البشير شافا الشعب السوداني في روسيا وزولك (البشير)
"مربع يدينه ويطلب الحماية
|
Post: #13
Title: Re: الى كل من هب ودب. تنبيه مهم.
Author: كمال عباس
Date: 04-24-2018, 07:08 PM
Parent: #11
ماذا فعل البشير وأبو الريش في مواجهة التمصير؟؟
مصر - تقوم بحملة تمصير ناحجة لحلايب- مدها بالمياه والكهرباء ووربطها بالطرق المسفلتة - ومؤسسات التعليم والعلاج المجاني والغذاءوالدور الثقافية والإهتمام الإعلامي - وربطها بالتاريخوالجغرافيا المصرية- وأصبحت اللهجة والثقافية المصرية طاغية!
* فماذا فعل البشير تجاه كل هذا - هل رصد جانبا - من موارد وميزانية الدولة للإهتمام بحلايب وبإنسانها - هل واجه التمصير؟
بالطبع لا- فالبشير وحاشيته يسرقون وينهبون موارد وثروات البلاد لصالح حكمهم وجيوبهم ولاتقع حلايب في إدني إهتماتهم المالية! لايواجه البشير هذا بل يكرس للتمصير حيث إنه وكما قلنا منح
- منح الأراضي الزراعية لمصر- ومنح مصر الف رأسا من الماشية لمصر- وعشرات السيارات - وعشرات الألوف من الدولارات لمنتخب مصر لكرة القدم!) يهبها لمصر الرسمية
ولا يمنحها لأهل حلايب أو ينمي بها حلايب!
* نظام البشير يرفع كارت التحكيم الدولي كورقة ومخرجا يداري به عجزه ولكنه لايملك مقومات ووثائق - ومعطيات يستعيد بها الحق المسلوب !مصر تملك وثائق بينما الوثائق السودانية ترقد بالخارجية الإنجليزية وغيرها ولم يتحرك النظام للحصول علي الوثائق الداعمة! ومشكور الأنصاري _ فيصل عبد الرحمن علي طه علي جهودهوبحوثه في مضمار إثبات حق السودان في حلايب - وهو جهد لم يقوم غندور أو البشير بعشره !
* التحكيم الدولي يعني وثائق ومستندات - وإذا ماذهب السودان في ظل هذا النظام المفرط للتحكيم الدولي - وأحالنا التحكيم لحلايب فما المخرج؟ بل ولو قرر التحكيم الدولي إ ستفتاء أهل حلايب حول مصيرهم في ظل التمصير فمن يضمن النتيجة في ظل حكم الإنقاذ الحالي!؟
|
Post: #14
Title: Re: الى كل من هب ودب. تنبيه مهم.
Author: محمد محمود محمد
Date: 04-24-2018, 07:44 PM
Parent: #13
| Quote: اما احترام الرأى ونقاشه مهما اختلفوا معه.. فهذه ليست فى قاموسهم.. عارف ليه ؟ لأنهم أساسا ما عندهم مخ |
حتىالتعليب ممكن تعتبرو راي مخالف و توصّل وجهة نظرك ، بعيد عن اللهجة المتوتّرة دي ، و البتحمل كتير من التعالي والتقليل من شأن المخالفين ، و لن تؤدي بالطبع لبيئة حوار صحّي في المنبر كما كنت تأمل اخي ابو الريش .
|
Post: #15
Title: Re: الى كل من هب ودب. تنبيه مهم.
Author: عمر دفع الله
Date: 04-24-2018, 08:07 PM
Parent: #14
والله بخت يا ابوريش
معاك الثنائى الدستورى ، الرئيس ووزير خارجيته ( المُفلس ) . تانى في احسن من كدا ...
كدا او حاجة امشى استشير ناس حلايب
إحتمال ما عايزين يرجعوا تانى للسودان الفضل ..... ههههههههههههههههههه
|
Post: #16
Title: Re: الى كل من هب ودب. تنبيه مهم.
Author: Abureesh
Date: 04-24-2018, 09:44 PM
Parent: #15
شكرا للمتداخلين وسأعود اليكم.
عمر دفع الله. ناس حلايب لو عملوا مظاهرات تأييدا لمصر فلا يعتد بها لانهم تحت نير الاستعمار والمخابرات المصرية.. بعد يتحرروا رأيهم يكون عنده وزن... طيب بعد قول لى امشى حررها زى ما قال نافع على نافع لطلبة بورتسودان. عليك الله دا كلام تقوله؟ استفتى ناس حلايب؟.. هل نحن غلطانين لما قلنا غندور اكتر وطنية منكم لانه عرف ناس حلايب ما عندهم ارادة ورفض اى اتجاه للإستفتاء؟
|
Post: #17
Title: Re: الى كل من هب ودب. تنبيه مهم.
Author: Abureesh
Date: 04-26-2018, 04:16 AM
Parent: #16
كمال عباس
اقرا كلامى ورد عليه فى إطاره. ما تسرح بالأفكار.
معارضة شنو؟ هو فى معارضة؟
|
Post: #18
Title: Re: الى كل من هب ودب. تنبيه مهم.
Author: كمال عباس
Date: 04-26-2018, 01:01 PM
Parent: #17
أبو الريش كتب
(كمال عباس
اقرا كلامى ورد عليه فى إطاره. ما تسرح بالأفكار.
معارضة شنو؟ هو فى معارضة؟)
والجاب سيرة المعارضة منو؟ بتهضرب مالك يازول؟
كلامي كلو في صميم قضية حلايب! بعكس كلامي الذي يمجد
من فرط فيها وفي التراب والسيادة!
ـ حديث عن حلايب ـ تناول التمصير مقابل الإهمال والتفريط
و مصيدة التحكيم الدولي الذي تجرنا لها الحكومة !
ودلائل وحيثيات ـ تهافت البشير وتنازلاتها لمصر الرسمية الخ
فأين أنت من هذا؟
|
|