رسالة من الموسيقيين والفنانين والاعلاميين المشاركين فى تكريم كابلي

https://ibb.co/nfiaeH
https://ibb.co/csW6mx
https://ibb.co/jw8mmx

وبعدكدا يكون فضل بيان الثلاثة اشخاص الكانوا واقفين في باب الصالة

تحياتي سيف

نعيد نشر البيان الذى اتى به كاتب البوست رغم التعديل
_______
رسالة من مجموعة الموسيقيين والإعلاميين المشاركين في احتفالية " الكابلي - صوت السودان المغني"الأستاذ
والفنان الكبير عبدالكريم الكابلي،
لك عميق التحية والسلام والمودة منا نحن مجموعة الموسيقيين والإعلاميين والفنانين والفنانات المشاركين في تنظيم احتفالية " الكابلي - صوت السودان المغني"
التي أقمناها هنا في فيرجينيا في أمسية ٢٥ مارس ٢٠١٨ احتفاءً بحياتك الإبداعية ومساهماتك الكبرى على مدى عقود من الزمان وهي الباقية في السجل الخالد
للموسيقى والفنون والآداب السودانية.
وقد سعدنا بحضورك وتفاعلك وانفعالك بلحظات اللقاء مع المغنيين والموسيقيين الذين تغنواببعض من روائعك الخالدة على مسرح تي سي وليمز العريق
ولَم يتح لنا الزمن أن نغني لك ومِنك أكثر، عرفاناً وحباً وامتناناً. كما أثلج صدورنا وأفرحنا أن تستمتع تحديدا بمشاركة فرقتين للأطفال،
يتغنون بأغنياتك ويرقصون على موسيقاها التي تعلموها في بيوت مهاجرنا السودانية الأميركية هنا في فيرجينيا.
وأسعدنا أيضاً أن الأمسية نالت الكثير من الإعزاز والمشاركة والاحتفاء من مجمل أبناء وبنات جاليتنا هنا، وهم الذين شرفوها بحضور
متنوع عريض لم تشهد مثله منطقة واشنطن الكبرى لسنوات.
وهو حضور يشهد بمكانتك الخاصة في الوجدان الثقافي للسودانيين في كل مكان؛ كما يشهد للتنظيم الجيد خلال ثلاثة أشهر من العمل،
اضطلع به الكثير من المتطوعين والمتطوعات.
عزيزنا الأستاذ الكابلي:
كما هو حال أغلب مناسباتنا السودانية في هذه المهاجر، جاءت هذه المناسبة بتضافر الجهد الأهلي والتضامن المجتمعي السوداني المعروف عن السودانيين،
والذي يساهم فيه الكبير والصغير بالعمل والتبرع والنفير المخلص. وقد قرأنا كغيرنا في وسائل التواصل
الاجتماعي (وهي الآن مثل بيوت السودانيين المفتوحة والعامرة بالأنس الجميل)
بعضاً من التقدير والكلام الطيب حول الأمسية، وبعضا من النقد المخلص والحادب، وقليلاً من النقد اللاذع -
وكذلك بعض التفلٌّتات هنا وهناك والتي جاءت بالكلام المسيء الذي مَسَّ بعضا من الذين شاركوا تطوعا في إقامة هذه الاحتفالية.
ولا ضير في كل ذلك طبعا، فلن تتطور مجهوداتنا الأهلية دون التشجيع والتقويم والنقد، حتى وإن جاء حاداً ومنفعلاً.
لكننا حقيقة شعرنا بالحزن الشديد لدى سماعنا الرسالة الصوتية التي وجهتها في أمر الاحتفالية وتنظيمها. واحقاقا للحق، نشعر
بمسئولية خاصة في توضيح بعض ما التبس عليك في هذا الأمر بخصوص الجوانب التنظيمية للمناسبة. ●
كما تعلم، جاء تصورنا لاحتفالية "الكابلي، صوت السودان المغني" لا كحفل خيري ولا تجاري تجنى منه العوائد،
بل كمناسبة ثقافية احتفاءيه تحتفل بهذا الإرث الفني العظيم. ● ولذلك جاءت كل مساهمات الموسيقيين
والفنانين والمتحدثين والمنظمين في هذه المناسبة تطوعاً ومحبةً، ففي مثل هذه الاحتفاليات الثقافية،
نتضامن جميعا لإنجاحها بكافة إمكانياتنا الفنية والشخصية وبقلوب مفتوحة.● ومثل هذه المناسبات الط
موحة تحتاج بالتحديد لجهود عملية خاصة يضطلع بها عادة أناسٌ مشهود لهم بالجدية
والقدرات التنظيمية والإخلاص في العمل وبـ"الهِمة" السودانية المعروفة.●
وكما تعلم، أوكلنا نحن هذه المهام بكثير من التقدير والثقة لعدد من الناس نذكر منهم تحديدا
الاستاذ كمال طيفور، وهو شخص معروف في مجتمعنا الصغير في منطقة واشنطن الكبرى
بمبادرته وهِمته وإخلاصه ، وهذا ليس "يوم شكره" ولن نحرجه هنا بذكر مناقبه وإسهاماته المشهودة.●
ولربما تأثُـراً بما دار من خلافات وجدل عام في وسائل التواصل السودانية (بخيرها وشرها)
أثـِرتم في كلامكم بعض النقاط التي توحي
بالقدح فيما اضطلع به الاستاذ كمال من مجهود وعمل تنظيمي بالاتفاق الكامل
مع مجموعتنا من الإعلاميين والموسيقيين التي أولته ثقتها التي يستحقها.●
نود أن نؤكد لك أن ما رشح من بعض التعليقات السالبة هنا وهناك
لا تتسق أبداً مع معرفتنا بالأستاذ كمال الممتدة لسنوات هنا في فيرجينيا، وذلك لثقتنا في قدراته التنظيمية التي أنجحت هذه الأمسية،
والأهم منذ ذلك، وثقتنا في إخلاصه وتفانيه وعفته في ما يتعلق بالمسائل المالية الحساسة.
وإنه لمن المحزن أن تثار مثل هذه التلميحات السخيفة في حق الرجل الذي نعرفه، ولا نزيد ولا نزايد عليه.●
فيما يتعلق بالملاحظات الفنية التي قالها الأستاذ عمر الجزلي في لقائكم بعد أيام من الفعالية مع الاستاذ كمال
حول إضاءة الصالة وحصر المشاركات والأغنيات لضيق الزمن إلخ. فقد عبر لكم الأخ حافظ خير عن أن الفعالية الثقافية
شابها بالتأكيد بعض الهنات التي لا مناص من حدوثها في الأعمال الضخمة
ولكنه أكد لكم أن ذلك لا ينتقص بالطبع من النجاح الكبير العام للاحتفالية في مجملها.●
ومن المؤسف أن الاحتفالية قد بدأت متأخرة عن البرنامج الموضوع بسبب تأخر وصولكم للصالة بأكثر من ساعة ونصف،
فما كان لنا أن نبدأها دون وصول المحتفى به! تسبب ذلك في أننا اضطررنا لحذف الكثير من الفقرات
وحصر مشاركات المتحدثين لثلاثة دقائق فقط، والتزم أغلب الفنانين بأغنية واحدة بدلاً من أغنيتين. الاستثناء الوحيد
كان لفرق الأطفال التي كان حصرها سيصيب هؤلاء الصغار بإحباط كبير لا يليق وأعمارهم!●
مما تم إثارته من المشاكل الفنية أيضاً هو أن إضاءة صالة الجمهور كانت معتمة، والواقع هو أن الشركة الفنية الأميركية
التابعة للمسرح تعاملت بطريقة اضاءة العرض الكونسيرت الموسيقي، حيث تكون إضاءة الصالة شبيهة بإضاءة "صالة جمهور السينما"
لتركيز الانتباه على ما يحدث على المسرح بصورة كاملة؛ وهو أمر جيد في رأينا ويتناسب مع ضرورة تركيز الانتباه على ما يحدث على المسرح.●
لقد تم الاتفاق علو أن يقدم الأستاذ عمر الجزلي كلمة تمثل الكابلي وأسرته (وهي الكلمة الوحيدة التي
فاقت الزمن المحدد). بينما كان من المتوقع أن تتحدث أنت مع نهاية تجمعنا نحنُ الموسيقيين والفنانين حولَك مع
نهاية أغنية الختام (يا قمر دورين) زالتي لم يسمح بها الزمن الضاغط وهو أمر تمنينا لو لم يتحدث.●
فيما يتعلق بتصوير الأمسية بواسطة مجموعة شركة الانتاج الفني، والتي قمنا بتوصيل موادها لكم، نود
أن ننبه إلى أنه قد تم تنفيذها بتقنيات فنية عالية، وهي صالحة للبث التلفزيوني متى ما تم إكمال مونتاجها.
وقد عبر كل المشاركين والمشاركات عن استعدادهم للتنازل عن أي حقوق مفترضة وذلك لتسهيل نشرها
وبثها لجمهور السودانيين العريض في كل مكان، وهي الآن كاملة كمادة خام في حوزة سعد الكابلي.ختاماً،
يهمنا أن نقول لك أن أمسية "الكابلي، صوت السودان المغني" كانت من أفضل محافلنا الثقافية التي تم تنظيمها في مهجرنا الصغير،
لأن مصدرها الامتنان والاعتزاز بقامتكم كرمز ثقافي سوداني فريد يعرف الناس قيمته في وجدانهم الجماعي.
ونعدكم أنها ستكون أيضاً علامة ملهمة لتطوير العمل الثقافي والفني والاجتماعي هنا، وقد طلبنا من كل المساهمين
في التنظيم والتنسيق لها أن يوفروا المعلومات للناس خصوصاِ في مجتمعاتنا السودانية المهاجرة، ليستفيدوا من التجربة
في مستقبل انجازاتهم واحتفالاتهم بثقافاتهم وفنونهم ومبدعيهم. ولك والسلام والمودة من: مجموعة الموسيقيين
والإعلاميين والفنانين والفنانات المشاركين في تنظيم احتفالية "الكابلي - صوت السودان المغني"

Quote: رسالة من مجموعة الموسيقيين والإعلاميين المشاركين في احتفالية " الكابلي - صوت السودان المغني"الأستاذ والفنان الكبير عبدالكريم الكابلي،

يا سيف
تحياتي ...
يا ريت تورينا منو الموقعيين على الرسالة دي ...

اسماء الموسيقين و الاعلاميين للعلم لو تكرمت ...

بدون توقعيعات بالأسماء .. بيان شارب جردقة مرتين
شرب جردقة أولى فى مضمونه بصياغتيه قبل وبعد التعديلات
وجردقة ثانية لأنه بدون أسماء

الاخ سيف وضيوفه الكرام
لن اتعجل في الحكم
ولكنني الان طرحت الامر
في قروب الموسيقيين باميركا
القروب الذي اسس هذا الاحتفال
وعندما تنجلي الحقيقة
سيكون لكل حادث حديث

الاخ سيف وضيوفه الكرام
لن اتعجل في الحكم
ولكنني الان طرحت الامر
في قروب الموسيقيين باميركا
القروب الذي اسس هذا الاحتفال
وعندما تنجلي الحقيقة
سيكون لكل حادث حديث

كلمناك يا موصلي، قلتا ليك أهل الفن بأمريكا بقدروا الملك طيفور أكتر منك،
هو يعرف قدرهم ويكرم اقامتهم ويهتم بهم
انت بتكون زول شحيح وما يهمك غير تظهر
شحيح بالاردو كنجوس
هذا نفرات زيادة كنجوس

في توقيعات ما في توقيعات ما مهم
المهم ما جاء في الرسالة هو كلمة حق في حق البطل الاجتماعي كمال طيفور
كمال طيفور وأمثاله من الأبطال الاجتماعيين بفرجينيا أهم لينا مئة مرّة من كابلي وموصلي وجزلي
لم أذكر قباني وفضلي لأنهم شخصيات مغمورة جداً
أكبر إنجاز لها في حياتها هو اثارة الغبار حول البطل طيفور

كلمناك يا موصلي، قلتا ليك أهل الفن بأمريكا بقدروا الملك طيفور أكتر منك،
هو يعرف قدرهم ويكرم اقامتهم ويهتم بهم
انت بتكون زول شحيح وما يهمك غير تظهر
شحيح بالاردو كنجوس
هذا نفرات زيادة كنجوس

ماتبقى كيشة يا مستنير ممكن افبرك بيان اقول فيهو

موسيقيو السودن ينفون تماما ما قيل على لسانهم ويدينون هذا المسلك والافتراء على الاستاذ كابلي


حتسألني وين الاسماء؟؟؟
حاتبلطج عليك اقول لا تهم الاسماء المهم البيان
يا سيدي المبجل جيوب الاسماء او الاسم ونحن جاهزين ان شاء الله
وللمعلومية عندما طرحت سؤالي عن من الذي شارك في هذا البيان لم يجب احد
سانتظر لكي يحصحص الحق وتنجلي الحقيقة وتزول الغشاوة من عين المستنير
ثانيا لماذا لا يتحلى هؤلاء الموسيقيون والمغنيات بالشجاعة التي تتحلى بها انت برغم اختلافنا معك
اها كيف معاك يامعلم

الاخوة قباني والموصلي وبما ان المنبر اصبح صحافة قائمة بزاتها ومثل ما لديكم من مصادر وانتم ليس من سكان منطقة واشنطون الكبرى وهم اهل الوجعة فانا انزلت البوست وغير ملزم بايراد اسماء او اي تفاصيل فعليكم ان تتاكدو من اهل الشان خالص الود للجميع

سيف الدين
الرسالة لها صلة بما يدور حول حفل التكريم
و تنحاز لى طرف من اطراف الصراع
من المهم معرفة مصدر الرسالة و الموقعين عليها
غير كده
انتو سقتو الصراع لى حتة مهما تطاولتم برضو ما قدرا
لكم طيفوركم و لنا كابلينا

شكرا ليك
سحبت الرسالة
و لما جبناها ليك
جريناك من نخرتك و جبتها
قووول واحد

Quote: حتسألني وين الاسماء؟؟؟ حاتبلطج عليك اقول لا تهم الاسماء المهم البيان يا سيدي المبجل جيوب الاسماء او الاسم ونحن جاهزين ان شاء الله وللمعلومية عندما طرحت سؤالي عن من الذي شارك في هذا البيان لم يجب احد سانتظر لكي يحصحص الحق وتنجلي الحقيقة وتزول الغشاوة من عين المستنير +++ ثانيا لماذا لا يتحلى هؤلاء الموسيقيون والمغنيات بالشجاعة التي تتحلى بها انت برغم اختلافنا معك

بالضبط بلطجة! إذا كنت حتعملها انت!
نفس البلطجة الحصلت في موضوع وردي وببيانات من نفرين واحد سجل بصوته كلام عام
والتاني بيان فيهو نَفَس أستاذ اللغة العربية الأشرف عليهو بالكامل!


وما حتنتظر يا يوسف، الغيرة والحسد بتاكل القلب والضمير زي موية النار!
حتبدأ (أعمالك المعهودة) وتجيب واحد ولا اتنين من (البتعرفهم) عشان (يشهدوا) ضد كمال
عشان كدة أطلقت (التحذيرات) من هسع بقولك (لماذا لا يتحلى هؤلاء الموسيقيون والمغنيات بالشجاعة)
يعني (بلطجة) برضو زي ما أنت اعترفت على نفسك، وبذات سيناريو بوست لؤي.

يوسف الـموصلـي يبدّل الـحقائق أمام قبـر وردييوسف الـموصلـي يبدّل الـحقائق أمام قبـر وردي

+++

ولماذا لا تتحلى بها أنت وتواجه سؤالنا المشروع والبسيط عن مدى صحة صعودك على كتف الشاب خالد مثل اللبلاب؟
هل صحيح أنه (تم استدعاؤك لتوزيع أغنية تخيل وغناها الشاب خالد ونفذتها فرقة عالمية)؟
ولا دي برضها (بلطجة) منك ساي؟

ونحنا جاهزين، كيف معاك يا (معلم)!

____
بالله من الحقد قاعدين ديدبانات بس، النوم خلوهوا.


============================


كنجوس وفي الموسيقى بنجوس


____
وآخر قولي أن: أضربوا الفلول.

الاخوة قباني والموصلي وبما ان المنبر اصبح صحافة قائمة بزاتها ومثل ما لديكم من مصادر وانتم ليس من سكان منطقة واشنطون الكبرى وهم اهل الوجعة فانا انزلت البوست وغير ملزم بايراد اسماء او اي تفاصيل فعليكم ان تتاكدو من اهل الشان خالص الود للجميع

اقدر وجهة نظرك اخي سيف
ولكن اريد منك الاجابة
مارايك في أناس يصدرون بيانا في امر حساس
قد يمس اخرين بشكل سافر ولا يمهرون بيانهم بأسمائهم!!!!

غاية الاسف أن نقرأ مثل هذا التطاول القبيح.

الاخ جلادونا انا لا أعرفك وانا شخصياً تجمعني علاقة خاصة جداً مع الاستاذ كابلي وأسرته وتأسفت شديد الأسف لما وصل اليه الامر وعلى فكرا مجتمع فرجينيا و واشنطون لديهم علاقات اجتماعية قوية فى ما بينهم وهذه ما لا تجده فى الكثير من المناطق لذلك لا اعتقد أنك تنتمي لهذه المنطقة لذلك ما اعتقد انك تعرف كمال طيفور وعلى فكرا انا تحدثت مع الاستاذ كابلي ونفى ان يكون وجه اي اتهام للاخ كمال طيفور وزي ما قال ليكم كوستاوى اطلعو منها لذلك تجد رقم اختلاف الاّراء بين كوستاوى وبريمة لكنهم لا يختلفون فى شخصية الاخ كمال طيفور والشئ المؤسف ان الاخ يوسف الموصلي يعرف كمال طيفور حق المعرفة ويعرف جيداً ان كانت هذه الاتهامات فى زمته المالية صحيحة ام خطا فيا صديقي كمال طيفور هذا الانسان نقى وجميل فى كل شئ

كابلى ان إداك ما بيقول أديت
اب درق الموشح كلو بالسوميت
اب رسوة البكر حجر شراب سيتيت
كاتل فى الخلا وعقبن كريم فى البيت
الحصل شنو حتى صوتك ما ياهو ..............

الأخ سيف الدين جبريل،

سلام ..

Quote: رقم اختلاف الاّراء بين كوستاوى وبريمة لكنهم لا يختلفون فى شخصية الاخ كمال طيفور

في عرف الدين، يقول العارفون .. لو رأيتم رجل يرتاد المساجد فأشهدوا له بالأيمان .. نحن نشهد بسمعة الرجل الحسنة في المنطقة وترفعه عن الصغائر ..


وبعدين يا سيف، الخردة لأول مرة يقف في جانب الحق .. كل حاجة تانية بالنسبة له ملخبطة ..إن شاء الله يكون عرف طريق الحق!

بريمة

أبو بكر عباس والتاني داك
متمني يوم اشوف ليهم موقف يدافعون فيه عن الحق
أنا ما عارف الإستنارة دي اسم دلع للظلامية وكراهية الشفافية
ول شنو!!

السبب الجعل العهود الشمولية تعمر أكثر
في حكم السودان وخاصة هذا العهد
أن الثقافة الشمولية هي الثقافة الغالبة وصارت
غالبة حتى لدى من يدعي الثقافة والمعرفة
إلا من رحم.
أ

الاخوة قباني والموصلي وبما ان المنبر اصبح صحافة قائمة بزاتها ومثل ما لديكم من مصادر وانتم ليس من سكان منطقة واشنطون الكبرى وهم اهل الوجعة
فانا انزلت البوست وغير ملزم بايراد اسماء او اي تفاصيل فعليكم ان تتاكدو من اهل الشان خالص الود للجميع
يعني يا سيف ده بيان مستتر ؟

عموما طبعا دي وجهة نظرك و نحترمها ...

سؤال : ما رأيك في بيان استاذنا الكابلي يا سيف ... هل تتخيل انه بيان ( مُفحِم ) ... و لا الكابلي لم يصب عين الحقيقة ؟

السؤال موجه لاخي سيف جبريل فقط ... فقد سمعت اراء الكل في بوست البيان نفسه ...

Quote: وعلى فكره مجتمع فرجينيا وواشنطون لديهم علاقات اجتماعية قوية فيما بينهم وهذه ما لا تجده فى الكثير من المناطق

شكراً لك أخى العزيز سيف جبريل
ما قلته فى المقتطف عاليه , حقيقه . وأعتفد أنها من الدوافع الأساسيه التى جعلت الأستاذ الكابلى
يفضلها وأسرته فى السكن دون سائر الولايات الأمريكيه , ونحن فى منطقة واشنطن الكبرى
وفى فرجينيا بالذات كم سعداء بوجود الأستاذ الكابلى وأسرته الكريمه بيننا .
نقطه أخرى لا بد من الإشاره إليها وهى أن هذا الترابط الإجتماعى والأسرى دائماً سبب يؤدى
إلى نجاح أى فعاليه إحتفاليه تكريميه إجتماعيه رياضيه تقام هنا وبالأخص عندما يشرف
على قيامها الخيرون من أمثال الأخ الكريم كمال طيفور وعادل على صالح وهاشم دبس .

Quote: أبوبكر عباس والتاني داك

ياربي منتصر الصوفي يكون قاصد منو بالتاني داك
كدي أدينا هنت يا صوفي :)

Quote: ياربي منتصر الصوفي يكون قاصد منو بالتاني داك كدي أدينا هنت يا صوفي :)

التاني داك حاتم ابراهيم
انت متحسس مالك؟!
أنا شايفك في الموضوع دا ما ظهرت عشان أقصدك
دا لو بعد دخلت كنت في صف مهاجمة من يطلب الوضوح
وتجلية الأمور.
وما بالضرورة دائما نحن مختلفين
أنا شايف اتفقنا في أكثر من موقف في هذا المنبر منها
ما كان بشأن حفل ود الأمين الأخير
وبعدين التصوف الحشرو شنو في مواضيع زي دي؟!
أنا فنان تشكيلي
يعني إلا أشدك في كاركاتير عشان تامن!
ههههه
وحتى لو لم تكن لي علاقة بالفنون
من حقي أن أبدي رأئي في أي شأن
وأنا كتاباتي ورودي ومداخلاتي متنوعة
وموضة التنطع اليساري من جهة
والسلفي من جهة أخرى وكذلك
ظاهرة الإلحاد جبرتني
لأن يكثر كلامي في المواضيع الدينية .
لكن يبدو أنك لسع ما خد في نفسك
يا أخي مفروض اختلاف الآراء لا يفسد
المودة بين الناس.
وأرجو أن يكون كذلك الأمر لدى الأخوين حاتم
وأبوبكر
نحن لم نأتي لندعي الكمال فهكذا نرى الأمور
ونقول ما نراه بكل صراحة والله العليم بالمصيب منا من المخطئ

يا منّا، الود دائماً موجود، لكن قصّة عندك علاقة بالفن دي كبيرة خالص!!!

يا موصلي، أنا نقلت البزنس بتاعي فرجينيا، أول حاجة بعملها مع أكرم فاروق ونرسل تذاكر لسيف جِبْرِيل هو
تكريم الملك كمال طيفور
حفل كبير والصالة ح تكون مظلمة وتركيز الإضاءة في المسرح
الدخول مجاني وبعد دا بنسلموا مظروف ملان اخضر
اتا لو جيت راجع ح نمارس عليك مقاطعة اجتماعية

أضحكني عمر الجزلي قال الصالة مضلمة
يا أخي عرب أمدرمان ديل عليهم جنس كلاسيكيات!

الان ... اعلامية كبيره و عضوه اساسية فى قروب التكريم
تنفى صلتها بهذه الرسالة المجهولة المصدر

تحسس شنو يا منتصر يا صوفي ياخ! استفسار عادي طالما ذكرت اسم تجيب التاني برضو ولا شنو الوضوح مافي زيو
بعدين انت صوفي دي قايلها نبذ ولا شنو بتحسس منها
قلت ليك عشان افرزك من منتصر العاقل لو شايفها اساءة او بتخجل منها قول عشان ما اناديك بيها تاني

Quote: افرزك من منتصر العاقل

نناس بتوصفني بعدم العقل وناس تانية بتضحك
وناس تانية بتجردني من علاقتي بالمجال الوحيد
الذي أحمل له شهادة علمية والمجال الوحيد الذي ليس
لي عمل غيره!
فلا نملك إلا أن نقول
حسبنا الله ونعم الوكيل
أنا أعلم بأن نقدي قاسي شوية
لكن هذه هي الحقيقة
المطالبة بالشفافية والصراحة والوضوح
ليس جريمة .
أي إنسان تصدر لعمل عام لا يتحسس ويتحرج
من الاستفسار ومجرد السؤال لا يعني التجريم
بالضرورة .
وحتى لو طلعت الأمور مظبوطة ولا يوجد قصور
لا يعني هذا أن من تسائل مخطىء.
بل المفروض أن تكون هذه ثقافة ندرب عليها أنفسنا
ونحتاجها لأمور أهم وأجل وتؤدي لقطع الألسن عن الخوض
في أعراض الناس بالباطل.
فمجرد الاستفهام والاستيضاح لا ينبغي أن نجرمه بل نشجعه
ونجعله ثقافة عامة وسلوك عام ونتعامل معه بكل رحابة صدر

الحبيب عبد الله عبد الله،
سلامات ..

Quote: الترابط الإجتماعى والأسرى دائماً سبب يؤدى إلى نجاح أى فعاليه إحتفاليه تكريميه إجتماعيه رياضيه تقام هنا وبالأخص عندما يشرف على قيامها الخيرون من أمثال الأخ الكريم كمال طيفور وعادل على صالح وهاشم دبس .

كمال طيفور وهاشم دبس .. رجال والرجال قليل ..
الأخ عادل علي صالح .. إنسان مشاكس .. دوخ الجالية ذاتها بقصة الأنجيرة الحبشية .. وتسجيل أسم الجالية .. وطرد رجل الأمن محمد سليمان من الجالية (الأمن يطلع بره) والأصطدام مع ناس السفارة في التظاهرات .. عادل زول صعب.

بريمة

يا جلالدونا ياخي شنو قبل التعديل وبعد التعديل…..
الفرق الشايفو هنا إنو اتغيرت الرسالة لي فورمة البي دي اف دي وهي أدعى للثبات عليها بلا زيادة خربشات ولا حرباشات، ههههه.
ثم ياخي ما تحرمنا من كابلي أكتر مما يحرمونا (الأوساط المحيطة) وتقوم تعسكرنا ضده ساي، لأ، ما صاح منك والله.
نحن هنا أساسا مع التصحيح وضد المعسكر الذي اختطف أستاذنا ويصر على أن ينتهبه منّا ومن وجداناتنا، مزعة مزعة.
المحاور هنا ليست بين الأستاذ وطيفور يا جلال والخيارات ليست بينهما
بل بين الحقيقة والوهم/ بين الإثرة والطمع/ بين العدل والظلم،
بين التسامح والانتقام وبين الثقة والتخوين وبين الإقالة لو لزمت والتشهير.
لكن بالجد فكلنا ياهو حالنا من حال أختنا أميرة حسين،
ما شايفها ممحونة كيف من الحاصل.. تجر في النم تدوبي وقربت تمنِّح.
الله يسامح الكان السبب!!
أحكي ليك؛ مرة توفى لنا رجل هامة بكته المدينة عن بكرة أبيها وأثقلها حزنا. في تاني أيام العزاء كان ابن عم للمرحوم منزويا يتصبّر بالسكات ولم يكن من المشهورين برقة العاطفة الدينية. وكان ثمة شيخ جار وصديق للمرحوم يتلو في صوت سوداني رخيم لا ينسى من سورة يونس بقراءة ورش والناس خاشعون. وإذ بابن العم داك ينهنهه طويلا ثم ينفجر في نوبة بكاء وجعير أثارت انتباه اصحابه من المسلَّطين، ما انتهى الشيخ حتى سألوا صاحبهم؛ من متين القرآن ببكيك يا فلان، عامل فيها ممن يخشعون وبتاع؟؟ قال ليهم كيف ما يبكيني يا الفعلتو وتركتو، ياخ أنا كل يوم بالليل الكابلي ببكيني، مرة يا ضنين الوعد ومرة عبدت الله يا سلمى ومرة سكر سكر ومرة يا قلبي المن نشوه للبنات هواي وداب من زاد عليّ وغلّب الداواي، انتو بس ما عارفين ساي!
قالولو: والكابلي شن جابو للقرآن؟ قالّهم؛ ما أصلو الكلام السمح كلو كلام الله وإلهام الله، لكن انتو يا أبان كلامن شين، شِن عرّفكم بي كدي؟؟

أها، انتو زاتكم يا ناس العسكرة، ماكن عارفين ساي،
وشن عرّفكم بي وجداننا؟

قلت كيف! حفل كبير والصالة ح تكون مضلّمة وتركيز الإضاءة في المسرح…
بس اتذكرت….
والمايسترو (ممكن الموصلي وممكن يكون غيره برضو، لا لا هو الموصلي غالبا) بالبدلة الأسموكنج أم ضنب..
وأنا حلمان بالجمهور في حالة standing ovation واقفين ينططوا ويتصايحون بلغوة ناس هناك:

Maestro, Maaaestrooo,x
Bravo Maestro. Braaaaavoooooh!!x
Clap clap clap….طق طرق طق طرق
What a great performance WOW WAAAAOW!!x
clap clap clap….x
Behold the genius floating a mid dazzling lights, so high above the stage!!x
Applaud the Maestro, applaud and behold!!x
Braaaaavoooo!! Hooray Hurrah Hooray!!x

ثم فجأتن قام واحد قاطِع أحلام رفع ايدينو وسكّتم ليك وصرخ بالكلام الغريب ديا

What a Concert worthy of an eternal shame!!x
Weeeee,The Sudanese Community of The Greater D.C. Area, shall never forget it. Or, for that matter, how - you there, most desolate and full of grudges Maestro- have orchestrated and conducted such, a once in a life-time, defamatory campaign. x
The most disharmonious, slander-laden, definitely felonious, and ever contempt-worthy campaign. The worst devilish attack on character lower than any witnessed before against one of our best, yet claimed by the Maestro himself, as a good friend!x

What a concert Maestro!؟x
Yeah, Yes, for it’s the one. the only and the best to yet be staged for an eternal shame!!x

وصحيت متشائم،
أبسمل وأحوقل واتعوّذ من النفس الأمّارة بالحفر!

فمن حفر حفرة لأخيه وقع فيها،،



زي الورطة الشايفنها حسع دي.

يا ناس منطقة واشنطون الكبرى قديتونا بمكنة تضامنكُم
ؤ فلآن أرجل زول ؤ عِلآن اكبر بتاع مجاملآت ؤ قاعدين
تشكرو زي الحكامات وفي يوم الإحتفال ما شفناكم والجا
مِنّكم جا داخل في بدلة ؤ قاشر ؤ بعد التكريم إتحشر في
عربيتو ؤ فحّط . الرجل من يقول ها أنا ذا . براكم قلتو منطقة
واشنطون البتاع دي فيها ما لا يقل عن 30 ألف سوداني ؤ تكريم
قامة زي الكابلي يجوهو 1000 بس !، ما بتخجلو إنتو ؟ ؤ مأجرين
صالة كمان !، وين صالتكم، ؤ تنقو في القروش وين قروشكم ؟،
بالمناسبة فيكم وآحد دقّ سدرو ؤ قال لآزم نجمع لكابلي 200 ألف
دولآر لآمن جينا للجد ما جيتو الإحتفال عشان ما تدفعوا الـ25 دولآر .
فضحتونا ؤ برضو جايين بلا خجلة تقولوا كابلي عايش معانا في
منطقتنا . في كندا هنا ؤ في مدينة كالقري كرمنا عضو البورد المسيقار
عمر منصور في اجواء زي الزفت مشحونة مشاكل ؤ مدينة السودانيين
فيها مقسمين لنادي ؤ جالية ؤ غيرو، لكن في لحظة التكريم الناس دي
كولها تنازلت ووقفت وقفة رجل وآحد وكرمت الرجل تكريم ظل وسيظل
حديث المدينة وحديث من شهدوه وأسألو من حضر، دونكم جلالدونا هنا .
بلآش فصاحة فارغة معاكم إنتو السبب في كل الحصل، إنتو ناس فاشلين،
إنتو ناس لا تعرفون قيمة الكابلي ولا تعرفون حتي قيمة كمال طيفور،
أشدتم بكمال طيفور وأطنبتُم وأوفيتموهو حقه وأكتر بالكتابة والتي أبدعتُم
فيها وأجدتموها لكن علي أرض الواقع تخاذلتُم ونكصتُم وأحجمتُم وواضح
جداً أنكم ناس بتاعين نبيّح ؤ ورجغة ساكت محمسين دلآليكُم ؤ متشتحين
فوق البنابر عمركم كولو ؤ كمال طيفور يخدم فيكم . إختيار فيرجينا أتي
بعد منافسة بين أكتر من ولآية بل بين أكتر من دولة لكنكم خذلتو كابلي
ؤ خذلتو كمال طيفور ؤ خذلتو كم كبير جداً من الإعلآميين والفنانين والموسيقيين
أصحاب المناصب الرفيعة في خارطة السودان والذين يعج بهم القروب،
ويجب أن تعلموا عندما نقول القروب فهذا القروب يعِج بكم هائل من
فطاحل الفن والأدب والموسيقى والإعلآم في السودان .
عيكم الله أرحمونا يا ناس مِحِل الرييس ينوّم والطيارة تقوم .

ما خُفي أعظم . والله صحي ...

هيييع يا معاوبة، اتخيلتك ماسك مطرقك،
كلام زعل شديد من الفرجيناب،
فيه نقد، وحتى لو حار فقد بجي منّو برضو.
إلا الجماعة قالوا: الجفلن خلّهن، أقرع الواقفات...
وكمان قالوا: الجايات أكتر من الرايحات...أجهزولن.
دا طبعا لو لم يتم، بفعل فاعل، قتل الرغبة في هكذا مجازفات عامة... من تيرابا.

عادي يا منّا، الزول ممكن يعرف يرسم لكن ليس بفنان!
ما ممكن تشيل نفس الحوار وترسم ليهو نفس الشخصيات وتقول للناس دا كركتير،
الكرتير فن ،الفكرة فيهو تغني عن الحوار
كركتيرات مدرسة ود أبو دي اسمها عندي كركتيرات مجلة سمير
حتى عمر دفع الله الذي يجيد الرسم، خمسين في المية من كركتيراتو مجلة سمير
فشنو يا فنان،
خليك في فقه قطع الجمار

الان تم معرفة كاتب الرسالة
اخونا هاشم الحسن
جاييك و بى رواقة وكده
ولّ خلينى اقول ليك الكلام المحسوب ده
و بى رواقة اجيك للكلام الشين
خلينا فى مداخلة البوست الاولى
اتفتحت الساعة 8:16 دقيقة مساء يوم 23/4
التعديل الاول فى نفس المداخلة حصل الساعة8:58 من نفس اليوم
اى بعد42 دقيقة و هى فترة كافية قد يأتيك ما يجبرك فيها على مسح الرسالة
الساعة 1:44 من صباح 24/4 كانت مداخلتى اى بعد خمسه ساعات الّا دقايق
فى الساعة2:35 حصل التعديل التانى
معقوله اخونا سيف محتاج لى ست ساعات عشان يعدّل من القلت عليهو داك لى القلت عليهو ده
ما داير اقول ليك .. مالكم كيف تحكمون
لكن جاييك تانى

غايتو أنا المواعيد ما راعيت ليها يا جلال، بس بعرف انو (البي دي إف) التعديل فيه ولّ بعدو بكون صعب.
والمضمون فيما أتيت أنت به، اللي هو أصل الجابو سيف ـ حسب كلامك ـ والذي في البي دي إف مش ياهو نفسو... تاني شنو؟

Quote: الان تم معرفة كاتب الرسالة

يا زول؟ أها، الكتبا منو منهم؟
غايتو أنا لاني موسيقي لاني فنان ولاني إعلامي، ولن أنكر إنها ـ مثلها مثل رائد فضاء،
أو أجيب زي قون رونالدو في اليوفي، الخ الخ الخ ـ بعض من أحلام يقظتي :)
بس الحقيقة حدي في الأخير ياهو المنبر دا...وأمر الله نافذ.
أحلف ليك ولّ كيف؟

Quote: قالولو: والكابلي شن جابو للقرآن؟ قالّهم؛ ما أصلو الكلام السمح كلو كلام الله وإلهام الله،

حيٌ حيٌ.. مدد يا أبو هاشم
دي حكمة البوست والبوستات المنبثق عنها والتي ستنبثق عنه

تعرف يا أبو أحمد
تحكيلَيْ الوالدة قالت زمااان في الجزيرة مقرات
حبوبتاً لوِلاد طيفور سمعت غنية في الرادي
وهي ما سمعت غنا غير من الشاب أحمد عمر الرباطابي
سألت: ده منو؟
قالولا: ده غنّاي اسمو الكابلي
أها مِن يومها كلما تسمع فنان يغني، كان أ المصطفى كان ح عطية
تقولّهُم: دحين ده موو الكابلي؟!
صحيح أن الوالدة لا تستطيع الآن تأكيد ما رويته عنها
لكن هناك من هم على سجلات الأحياء يستطيعون إثبات الرواية،
ليس الرواية من حيث هي، يشهد الله أنها حقيقية
إنما لتأكيد أن تلك المرأة كانت حبوبتاً لوِلاد طيفور

أها.. هسع جلالدونا ده يفرز ناس كابلي من ناس طيفور كيف؟!

من حكاوى الونسة الدقاقه يا هاشم
قاليك طلعو رحلة صيد
مجموعة من الفنانين فى زمن الخير
خاب حظهم الّا من ارنب
و بعد تعب كمان
المرحوم خليل اسماعيل ووقد نيرانو
و سن سكينو و سلخ الارنب
وختاها فوق النار ام لدايات
و جمبو ابو عركى البخيت
عليك الله يا ود المدير تعال تمّها
وريهم الونسه البين الخليل و ابو عركى
اصلو عندى قصة ارض ابو ادم و كايس ليها مدخل هنا
و كمان عشان هاشم و ود الزبير يفرزو طيفورهم من كابلينا
قوووووول واحد
و .... جاييكم

برضوا ما فهمنا الكتب الرسالة المستترة منو بالضبط ...

ما علينا ...

تخيل يا جلال ... دايرين يساووا الرووس ...

ده منو البصاقعوا ده يا صديقي ...

بركه الجبتها يا قبانى
جغمت جغمة من شاين سوتو لينا امنا عوضية
سألتو منها
و قال قصتا
على عكس المتداول فى الاسافير
بعد فارقناهو
مشيت قوقلتها و سمعتها
هسى اخونا هاشم ده و معاهو اخونا ود الزبير
لو قلنا ليهم لو تصدق
ح يصدقونا
و برضو جاييكم يا ود الحسن و ود الزبير
و الله لم تعرفهو الا كالسيف فى غمده

ما عارفك دار تقول شنو يا جلّه، لكن انا عايز اقول
نحن من نشونا في حكاياتنا كابلي و رسم شاراتنا كابلي

"دقس" طيفور حين استبعد الجزلى و"ناول" الميكروفون
لتلميذه "لقمان"
He asked for the trouble

ممكن يا حسن ده يكون أساس المشكلة؟

بالمناسبة، لقمان إعلامي عالمي تتسابق وسائل الإعلام العالمية للظفر به
أما على مستوى تاني، شوف لقمان ده بعمل في شنو لأهلو في دارفور
انظر صفحته في الفيسبوك لترى كيف وظّف كسبَه هذا
Lukman Ahmed
مشاريع تنموية فشلت دولة بأكملها في إنجازها

Quote: ممكن يا حسن ده يكون أساس المشكلة؟

بما لا يدع مجال للشك
الكابلى ارفع من ان "يجابد" فى عداد يا معاوية
ولو اعطى مساحة اكبر مع الميكرفون لناوله للجزلى....وعينك ما تشوف غير النور

Quote: شوف لقمان ده بعمل في شنو لأهلو في دارفور

وفى ريحة عيال بحر وغرابة وحسابات قديمة بين المعلم والتلميذ
والمعلم "عديم فايدة" غير الكلام الكتير
دونك ومقاباته الشهيرة مع "الجابرى" وملك اطيور

Quote: ناس بتوصفني بعدم العقل

يا صوفي ياخ انت مالك معقّدها كدا, أنا أكان داير اوصفك بعدم العقل بختّها ليك تاخ في عينك ما بحتاج الف اللفة دي كلّها! أنا قلت لفرزك من منتصر العاقل, كوني اصفه بالعاقل ليس بالضرورة ان يوصف الآخرين بالعكس
تعرف في واحد هنا ملقبنه بموسى الراجل اها في الحالة دي و بمنطقك دا معناتها إحنا كلّنا شاربين زيت :)

Quote: وناس تانية بتضحك

دا بتاع طعمية ساي, لخّو لخّاه الجيلي

بالنسبة للرسم زي ما قال لك المستنير هو رسم لكن ماهو كاريكاتير
وكرسم ما خااالص كدي, وإذا دي حرفتك الأساسية ان شا الله يكون عندك حرباشات جاي جاي ناس ركشة ولاّ هايس ولا تلّاجة موز تساعدك في المصاريف

Quote: وإذا دي حرفتك الأساسية ان شا الله يكون عندك حرباشات جاي جاي ناس ركشة ولاّ هايس ولا تلّاجة موز تساعدك في المصاريف

الأولى أرحم

ماصدق هههه

هل كرمتم الكابلى ام تكرمتم باهانته ..


المعني بهذا كبار " المتناقرين" ..

هل كرمتم الكابلى ام تكرمتم باهانته. ........اتخيل يا معتصم عزمت ضيوف وبعد الضلع مشوا غسلوا ونخسوا سنونهم وجبت التحلية وشكرتهم...وغمتا ليهم شوية دولارات....ووادعتهم وقبل دا...زوجتك ما قصرت معاهم وعملت ليهم بازار ودخل ليهم دولارات برضو....طبعا من المفروض يحفظوا ليكم الجميل او على الاقل ينقطوا بسكات...لكن هم طلغوا تصريحات اي والله تصريحات بيقول لمبة صالونك لونها زينبي...والضلع كان ما مستوي وعمل لينا وجع ضرس....والدليل النخيس....وكمان اخو الزوجة الفرض نفسوا قال زعلان لانو مفروض يستلم الجلسة....دا كلوا ساهل قالوا انت حرامي وكان مفروض تديهم اكتر لانك اتصورت معاهم...وجابت ليك دخل...لا واكتر من كدا شبورة العاملا الدرب ساساك جاية من كندا ونازلا معاك واديتها اكتر من مكانتها...اشوربت وجارية تتصل وتتوتس.. عشان تثبت سرقتك ...برضو المكرم اتهان....غايتوا متين الناس تفرز ما بين الحق والفضل....

شى حزين كانو ماهو شغل مقصود لإفساد كل شى ولا حراج هذا الفنان العفيف ......خسارة

هههه يا نملة
بس اوعا الاسم يكون ناقص حرف تبقا مصيبة

غايتو يا حسن مكاوي تعليقك اوسكار ...
ما ممكن تفط الاستاذ وتختار التلميذ..
مع وافر التقدير والاحترام

Quote: هههه يا نملة بس اوعا الاسم يكون ناقص حرف تبقا مصيبة

ابداً يا حفيظ

نملة قاصد معاوية المدير .. وااااضحة وما محتاجة يووقدولا الرتينة

أولا قصدت باليسار ليس الأحزاب السياسية اليسارية
إنما قصدت بالمتنطعين من اليسار المعلنون قصومة للدين
وليس مجرد العلمانية

Quote: وكرسم ما خااالص كدي, وإذا دي حرفتك الأساسية ان شا الله يكون عندك حرباشات جاي جاي ناس ركشة ولاّ هايس ولا تلّاجة موز تساعدك في المصاريف

رأيك في رسمي وفيني عرفتو
وأنا لست رسام كاراكاتير ودا كان شغل ارتجالي وبدون حتى أدوات الرسم التقليدية
وموضوع تفاصيل عملي دعها.
ولكن اراك لم تتحدث عن موضوع البوست.
بعدين لو أنت تعرف ما هو التصوف لما وصفتني بالصوفي
يعني بتحاول تقنعني أنك بتمدح فيني بوصفك لي بالصوفي؟!
أنا لو كنت صوفي فعلا لما أغضبت أحد فيكم ولما دخلت
في هذا الجدل السقيم
فهذا شرف لا ادعيه لأن التصوف سلوك وليس مجرد تعصب مذهبي
رغم أنك تعتبر بحسب حالك مجرد انصاف جماعة أو رد الإفتراء عليهم
يعني التعصب لهم .

ابدا ما قاصد المدير قاصد زرياب

اسف شبورة جاية من داخل امريكا

لا يا عمر ياخ
بالغت ياخ
كد اظهرتني بمظهر شنو كدة ما عارف
ياخ انا دقست هيثم ولحقه ودو الحريف

لم يظهر حتى الآن إسم موقع لهذا البيان الغير مسؤول المسئ للكابلى ولجمهور من طلب طلبا مشروعاً شفافية الحساب فى عمل عام

البيان المدسوس يضع الموسيقيين بالذات فى موقف محرج وبطريقة غير مباشرة يسئ إليهم .. مفروض إدارة هذا المنتدى ألا تسمح
بإستمرارية نشر هذا البيان الملغوم المدسوس ما دام لم يمهره أحدا .. وأطلب من الإدارة على الأقل سحب البيان لأنه لم يستوفى
شروط نشر بيان يمس آخرين بدون توقيع وتحمل لمسؤووليته وتبعاته. هذا إذا بلم تقم الإدارة بإزالة هذا البوست.

الإعلاميون معلوم أنهم أقصوا من فعالية تكريم الكابلى إلا واحدا هو (لقمان) فعليه أن يوضح موقفه من البيان

أما الموسيقيون فقد مسهم الأمر وعليهم تبرأة ساحتهم بغض النظر عن نظرتهم للإحتفال (ومكارم أخلاق طيفور)
و (قدراته الخارقة) فى تنظيم حفل .. فالأنتقادات المطروحة نحوه لاتمسهم ولا تخصهم، وإيقاع الفتنة بينهم
وأستاذهم الجليل عبد الكريم لكابلى عليهم تفاديها، وعليهم أن يسعوا لتبرأة ساحاتهم من هذا البيان العابث،
والطرق عديدة لذلك سواء جماعية أوة فردية .. وأكيد أستاذهم الكابلى مسامح وسيقدر إذا تبرآوا من بيان السؤ.
وليفكروا كيف سيقابل أحدهم أستاذ الكابلى مرة أخرى او يعزف أو يغنى له أغنية بينما الكابلى فى خاطره
شئ من حتى نحوهم؟ أما عما أصاب جمهور الرأى وخاصة من بأمر يكا فهذه لا أعلم كيف سيعالجوها
بغير نفى علنى .. والجمهور مسامح خاصة إذا علم أنهم برأو ساحتهم أمام الكابلى .. كما الجمهونر
يعرف كيف يتعامل مستقبلاً كأفراد مع أفراد وفى الذاكرة ما مس الأستاذ الكابلى من رشاش بيان غير
مسؤول إفتقد لموسيقى الإحترام وهارمونى الفن!

طيب على الأقل كان يكونوا صادقين ويسموها حفل إهانة وليس حفل تكريم
حتى الأغاني التي اختيرت لا تمت بصلة
وكمان موسيقى مصرية وأغاني ليست من أغاني المدعين تكريمه !
وبعد دا كلو منعه من مخاطبة الجمهور ومنعه من التصوير
والذي يراد تكريمه يقدم قرابته واطراف اسرته على غيرهم ما أمكن
لأن المستهدف من ذلك إكرام من يراد تكريمة فشايف هناك من هو شامت من منع
عمر الجزلي من الكلام والمشاركة
نحن أمام أحد أمرين
إما هناك استهداف واهانة متعمدة
أو ضعف شديد في القدرة على اخراج برنامج
كهذا الحفل بصورة تحقق معنى التكريم وبشكل يعرض أعلى القدرات الفنية والابداعية
لمن توفر من موسيقيين ومغنيين المناسبة .
فأقل ما يوصف به هذا الحفل أنه ضعيف..

قايتو بيان الموسيقيين والاعلاميين والاحداث فى منطقة واشنطون تزكرني باجواء المدينة ايام حادثة الافك وكاني بالبيان يقول يا ابن طيفور ما كان اباك امرا سوء فيا ترى من هم من يقومون بدور حسان بن ثابت ومسطح وعبدالله بن ابي سلول ومن هى المراة التى تعيش فى واشنطون وتقوم بدور حمتة بنت جحش

سيف جِبْرِيل

صديق الكابلي و أسرته ...

لم اسمع رايك الشخصي في بيان الكابلي يا اخي ...

هل في رايك مُفحِم ام مجحف ؟

منتصر الـ ... سمح خليناها الصوفي وقت نفيت, لكن نفرزك كيف من داك ؟ كدي النشوف
تقول

Quote: fuدين لو أنت تعرف ما هو التصوف لما وصفتني بالصوفي يعني بتحاول تقنعني أنك بتمدح فيني بوصفك لي بالصوفي؟! أنا لو كنت صوفي فعلا لما أغضبت أحد فيكم ولما دخلت في هذا الجدل السقيم فهذا شرف لا ادعيه لأن التصوف سلوك وليس مجرد تعصب مذهبي رغم أنك تعتبر بحسب حالك مجرد انصاف جماعة أو رد الإفتراء عليهم يعني التعصب لهم .

ياخي ليه تعتبره مدح أو ذم! أنا اصف حالك - أو ما كنت اظنه حالك - وهو أمر عادي لافيه ذم أو مدح, لامن انادي واحد شيوعي بالشيوعي أو انصاري بالأنصاري فلا امدحه ولا أذمه إنّما اناديه بما هو عليه
بعدين انت تفتقد حس الفكاهة وبتاخد الكلام حرفي ودي مشكلة والله
واضح ان كلامي لا يتناول تفاصيل عملك بجدية! ساركازم ياخ ما تحكها كدا بتبيّخها أكتر ممّا هي بايخة

سلام اخير في هذا البوست و البوستات الشبيهة...
الموضع بعد بيان الموسيقيين و الفنانين و الإعلاميين فاق حسن الظن و سوء الظن و أصبح كل الأطراف للأسف مطالب جماهيرياً بتبيض صفحات و جههم بوضوح لا يقبل الشك و امسي على الجميع إثبات موقفه بشكل واضح.
سلام للجميع

يا سيف، حادثة الإفك كانت أيام المدينة وليست مكة.
التاريخ الاسلامي المنجور دا، أنا حافظو صم ولا أتحمل اللحن فيه.

Quote: من: مجموعة الموسيقيين والإعلاميين والفنانين والفنانات المشاركين في تنظيم احتفالية "الكابلي - صوت السودان المغني"

الجواب من عنوانه .. والبيان من موقعه!

مجموعة أهل الفن الموسيقى والغنائى بأمريكا إسمها الرسمى : مجموعة الموسيقيين بأمريكا .. ليسى فى المسمى كلمة (فنانين) أو (فنانات) أى بمعنى (مطربين) أو (مطربات)
فالإسم (موسيقيو أمريكا) تشمل الكل (لا فيه فنانين ولا تأنيث). .. بيان الإفك المدسوس عليهم، العرضحلجى الذى كتبه وقع فى خطأ كبير وهو يضيف (فنانين وفنانات) وهذه
الإضافة تثير علامات إستفهام خاصة (فنانات) .. فمن المتورطة منهن .. فهن إثنتين: الفنانة أمال النور والفنانه البلبله أمال طلسم .. أمال النور مخاطبتها لأستاذها الكابلى فى الحفل
تدفقت مشاعرها الصادقة حباً للفنان الكبير فيستحيل تورطها فى إساءة إليه.. وللأسف (المؤشرات) تشير للبلبلة أمال طلسم فى التورط فى هذا البيان المسموم .. فأضاف العرضحلجى
(الفنانات)!

المسمى المغلوط لموسيقى أمريكا بالبيان يبرئهم كمجموعة من وزر البيان الآفك، ولكن هذا لا يعفيهم كمجموعة أو أفراد من تكذيبه، فالبيان إنتحار فنى سيوصمون به إذا لم ينفوا علاقتهم به.
وعليهم تبرأة ساحتهم أمام أستاذهم عبد الكريم الكابلى ... ومن أخطأ وتورط (مجاملاً) فالإعتراف بالخطأ والرجوع للصواب محمدة كبيرة ، وأكيد ألأستاذ الكابلى مسامح.

أما إعلامى أمريكا هو فرمالة (لقمان) فليفصح هل البيان يمثله أم لا !

الاخ الفضلي
حصر الامر في البلبلة ولقمان
استنتاج خاص ولا معلومة ؟

Quote: المسمى المغلوط لموسيقى أمريكا بالبيان يبرئهم كمجموعة من وزر البيان الآفك، ولكن هذا لا يعفيهم كمجموعة أو أفراد من تكذيبه، فالبيان إنتحار فنى سيوصمون به إذا لم ينفوا علاقتهم به.

يا فضلي طلبنا منهم في القروب التوضيح
غادروا !!!...

طيب لو غادروا معناها وضحوا

منو الباقي في القروب؟

Quote: بيان الموسيقيين والاعلاميين والاحداث فى منطقة واشنطون تزكرني باجواء مكة ايام حادثة الافك

غايتو عبد الله بن أبي "صلول" انعرف، دربو مرق بدرييييي
وحسان برضك انعرف، أما المسطح فالوصف بتاعه قالوا كان قصيييير وعيونو داخلات لجوة وأصابعينو غلاااااد،
ما لاقيت واحد فيهم، فورشنيتلي، لكن دي جبتها من قوقل.

___
خليهم ينجلدوا، الإفك ذاتو كعب.

=============

Quote: غاية الاسف أن نقرأ مثل هذا التطاول القبيح.

ينصر دينك، أياً كان!
ما قلت إلا الحق، هسع الشاب خالد (حاج إبراهيم) دا في زول نصيح وعاقل بيمشي (يتطاول) عشان يتسلق فيهو زي اللبلاب؟
عادي بكرة القريبة دي تشوف في المنبر الأصفر دا (بيان نفي) واضح وصريح من الفنان العالمي الفرنسي
ودي لا فيها (باركوها) ولا (مقامات)، اليوم اليمرق فيهو البيان لا بيعرف موسيقار ولا (مايسطرون)
فالكلام هين يا نزار يا أخوي، إلا إثباتو حار زي النار.

___
وزي ما قال ليك، التسوي كريت تلقا في جلدا.

=============


منتصر الصوفي، بقيت تتحاشاني مالك ياخ؟ ألطف مني لاقاك في الكوكب؟
أنا ذاتي ما فاضي ليك، مكربن لي اتنين دكتوراة وعدد واحد ماستر، لكفارات رمضان،
ما بصومو، عندي ضروس قايمات و"بسنن" وكدا، وقنعاااااان من كديس الخلا، لحمو لايوق
لكن لو الصيد فلت وقمحت بجيك منبّل راجع
أصلو القمحان بيكتل الورل.

___
انت صحي تشكيلي ولا (تشاكلي)؟


=============


إنتو صحي نادر الفضلي دا منو؟

Quote: طيب لو غادروا معناها وضحوا

ما فهمتك يا مستنير ...

ومن المؤسف أن الاحتفالية قد بدأت متأخرة عن البرنامج الموضوع بسبب تأخر وصولكم للصالة بأكثر من ساعة ونصف
ضنين الوعد ..اصلوا زمن الاحتفالية كم ....
بصراحة دا الدليل التاني بعد تصريحة الباين من نبرة الصوت انو خايف من المدام...زول بيتاخر ونبرات صوتوا بترجف ما في تحليل غير خواف من مرتوا.....لا وكمان قال ما خلوا ولدي يصور....وهو في زول احق من ولدك يتكفل باالاحتفالية...ومعاه الجزلي والموصلي ..ناس ما بتستحي...انت يا موصلي مش في امريكا وفنان مع الكابلي
ليش ما تدق صدرك وتعمل الاحتفالية.. غايتو ما في استحياء ...اصلوا المكر بيظهر معادن الرجال..لو ما الموضوع دا ما كان عرفت جمل الشيل كمال طيفور...عليك الله شوف الناس دي رغم خلافاتها اجمعوا على كمال وشهدوا ليه ..لو سمحتوا نزلوا صوره لطيفور

والله الما بتستحي انت دا يا نملة! يا أخي حتى كمال طيفور نفسه أكثر من مسّه بيان الكابلي بالأذى لم يتطاول أو يسيئ له بهذا الشكل القبيح!
دا شنو اسّي الهبل دا, يخاف من مرتو!! اعوذ بالله من جهل الكبر و قلة العقل
عايز تكسّر تلج لطيفور كسّر بي راحتك لكن لا داعي للتطاول على الأستاذ و التعدّي على خصوصيته بالطريقة السخيفة دي

Quote: ومن المؤسف أن الاحتفالية قد بدأت متأخرة عن البرنامج الموضوع بسبب تأخر وصولكم للصالة بأكثر من ساعة ونصف ضنين الوعد ..اصلوا زمن الاحتفالية كم .... بصراحة دا الدليل التاني بعد تصريحة الباين من نبرة الصوت انو خايف من المدام... زول بيتاخر ونبرات صوتوا بترجف ما في تحليل غير خواف من مرتوا.....لا وكمان قال ما خلوا ولدي يصور....وهو في زول احق من ولدك يتكفل باالاحتفالية...ومعاه الجزلي والموصلي ..ناس ما بتستحي...انت يا موصلي مش في امريكا وفنان مع الكابلي ليش ما تدق صدرك وتعمل الاحتفالية.. غايتو ما في استحياء ...اصلوا المكر بيظهر معادن الرجال..لو ما الموضوع دا ما كان عرفت جمل الشيل كمال طيفور...عليك الله شوف الناس دي رغم خلافاتها اجمعوا على كمال وشهدوا ليه ..لو سمحتوا نزلوا صوره لطيفور

يا زول إنت جادي !، معادن شنو ؤ دُرآب شنو كمان !،
هسّع طيفور بيقبل كلامك دا ؟، إنت قايل طيفور دا
سبهلل ساكت ...

خصوصية يا بشرى..راجل اكرم مثواهم عايزين يطلعوا حرامي...لا وكمان قال اكتر من تاشير وكم وكم دفعوا...وين مشت المبالغ...بيعجتي فيك انك عندك اصنام نا بتقدر تتزحزح منها...فعلا لو حللت الموضوع كويس ما في تحليل غير المدام..وازيدك من الدوبيت بيت انا البعيد دا لو ما طلع الجزلي عندوا صلة بالمدام ...يا سيدي انت موجود في المنبر دا بتنمبز من طرف بس باين طرف السوط وصلك قمت ترفس...

سلام الاخ الحبيب عمر النملة

الجزلى يكون شقيق مدام الكابلى , السودان كله عارف الكلام ده
ارجوا شاكرا مسح مداخلتك التى تسى الى الاستاذ كابلى , حتى لو فرضنا
انه المدام ليها تاثير فى قرارات واتجاهات الاستاذ كابلى ده بكون شى اسرى
لا يستقيم ان نخوض فيه

بالله انت مش باقي بس يربطوا ليك ضنب وتقوم تهنّق على طول!
وين الكابلي طلّع احد حرامي؟ الراجل سال من التفاصيل و الحسابات وتوضيح مالم يفهمه ودا من حقه طبعا ومن حق اي شخص, بعدين شنو اكرم مثواهم دي؟
كانوا واقفين مقطوعين في الشارع لاقاهم وساقهم معاه البيت عمل عليهم فطير بي لبن مثلا ولاّ كيف؟
بعدين يعني الود ذكي خاااالص عرفت علاقة الجزلي بزوجة الكابلي!! ياخي دي مكتوبة هنا و اتكررت ليها أكثر من شهر لكن تقول شنو بس مع قراية الإضنين
ما تتلاعب بالكلمات, مافي اي داع لإساءتك غير المبررة للأستاذ و التطفّل على حياته الخاصة
هناك الف طريقة و طريقة اشرف و أكرم و أكثر تهذيب لتنال رضا طيفور دون أن تسيئ لآخرين

المنبر دا وزي بشرى والراجل الكان في امريكا واكيد اكرم وشاف بعويناتوا طيفور ما قادر يقو ل كلمة الحق ..طيفور يا مدير ما برضا محركتك ولفك ودورانك وتقول طيفور ما حرامي...عمرك شفت راجل فاتح بيتوا للضيوف حرامي...بشرى حرامي...بتلفوا وتدورو...في فنجان غنا كابلي وغالبكم تقولوا لية غلط يا استاذ...بشرى عرفناه بيخاف من مرتو انت يا مدير بتخاف ولا...يا مدير ان شاء الله الطفحف الطفحتوا في كرم طيفور ينفعك

بس لأنّي بعرف إنّك بليد في الكتابة زي بلادتك في القراية بديك فرصة, هل تقصد كلامك دا

Quote: بشرى حرامي

Quote: .بشرى عرفناه بيخاف من مرتو

ولا عجز عن التعبير كعادتك

شكرا يا تجاني على المعلومة...انت رايك شنو في بيان كابلي..وفهمت شنو...قبل ما امسح مداخلتي...ليش ساكت عن كلمة الحق..ولا عندك اطار ما قادر تطلع منو..ما برضا العوج والبيعمل العوج لو كان كابلي يقعد في مكانوا...قول يا تجاني واقنعي امسح...قال خصوصية..الراجل اكرمهم ودخلهم بيتوا وقبل الاحتفالية دخلوا مبلغ محترم..جاين مطلعين بيان بيقولوا الرجال حرامي...يا سيدي الكابلي ولا الجزلي ولا غيرهم ...ما يجدعوا عشان يسلم قزازهم...ويا تجاني ما بحب اسلوب الوصايا...

يا نملة سالتك سؤال فوق ما تعمل رايح منو

يا بشرى فعلا بليد في الكتابة...ما قاصد انك حرامي لانو صعبه دي اثباتها ود موضوع الكابلي مع طيفور وانا بدافع عن شخص ما في دليل انو حرامي...لكن بتخاف من مرتك ايوه قاصد والدليل كل كتاباتك بتوضح الاهتزاز زي صوت الكابلي

انت مش بليد في الكتابة فقط بل انت قليل أدب عديل كدا قلة الأدب الواحدة دي بالإضافة لوقاحتك
و يبدو انّك تعتمد على ما يبدو من بلادتك و عدم اكتمال نضجك لتمرر قلّة أدبك على الناس متوقّعا التجاوز عنها باعتبار التعاطف الانساني الطبيعي مع ناقصي النمو
لكن يا وقح سترى منّي وجه آخر يسرّك و كفيل وتأديبك وربما - اقول ربّما لأني اعتقد ان حالتك تأخرّت على العلاج - ربّما اتوفق في علاجك و مساعدتك على النضج لحد معقول لستطيع التعاطي مع الآخرين بما يناسب سنك

يا نملة زول بمقام وعمر الاستاذ الكابلي ما أظن يتقال عليهو زي الكلام ده

يد الجزلي والمعاهو في الموضوع ده واااضحة وقد يكون أثر على الكابلي
وخلاهو ينزل بيان لا اعتقد بيشبه مقام استاذ كبير كالكابلي له مكانة في قلوب اغلب السودانيين

شكرا يا امام على تاكيد وجود تدخل الجزلي ومن معه( اخته) زي ما قلت..ليش بتخافوا من قول الحق...واقول انا بشوف انها قضية طرحت في منبر عام شخوصها ما بتمنعني اطرح وجهة نظري بدون تحفظ...ويا امام اظنك موجود في زمان ومكان القضية...سالتك باالله..ايش وقع البيان على طيفور واسرته..ما لكم كيف تحكمون

في ملاحظتين واقفات في حلقي
1/ طيفور بشهادة من يعرفونه معرفة حقيقية حتي الموصولي اشادوا به وبمواقفه .
2/ من يهاجمون كمال بنوا مواقفهم علي قراءة من جانبهم لما حدث
العقدة دي بحلها طيفور بس . ولا اعتقد المنبر مكان صالح لحلها .
يؤلمني جدا الاساءة ل كابلي و موصلي كفنانين سودانين معروفين ولهم معجبين . سنمضي نحن وتظل اغانيهم باقية كتاريخ
ومعليش
هل يمكن ان نتقبل بشرية الفنان دون ان نحط من قدره ؟

Quote: المنبر دا وزي بشرى والراجل الكان في امريكا واكيد اكرم وشاف بعويناتوا طيفور ما قادر يقو ل كلمة الحق ..طيفور يا مدير ما برضا محركتك ولفك ودورانك وتقول طيفور ما حرامي...عمرك شفت راجل فاتح بيتوا للضيوف حرامي...بشرى حرامي...بتلفوا وتدورو...في فنجان غنا كابلي وغالبكم تقولوا لية غلط يا استاذ...بشرى عرفناه بيخاف من مرتو انت يا مدير بتخاف ولا...يا مدير ان شاء الله الطفحف الطفحتوا في كرم طيفور ينفعك

أوّل حاجة كلامك دا دايرلو مترجم . دي شنو اللغاويس البتلغوس فيها دي !.
إنت قايل طيفور دا في زُحل !، طيفور دا ما قاعد ؤ مِتحكِر في المنبر دا، ثم
لعلمك أنا لآمن مشيت امريكا ما كنت بعرف طيفور ولو كنت بعرفو لوّمك
بي كنت نزلت معاهو في بيتو، أها شِن قولك ؟. تدوّر مع سير طاحونة يا سبهلل،
البيلِف ؤ يدور مِنو ؟، ثم شنو يعني (الطفحف ؟.)، يا زول أنا بحُر مالي أبيت إشتري
من اللكِل البيبيعو فيهو خليّك من زول قدّم لي طعام يا طُفيلي يا زلعان ...

اعصابك يا بشرى...ليش نفسك قايم وبتسب...مش نحن اتفقنا واعتذر ليك...انا كلامي ما برجع منو ما بنبذك..دي وجهة نظري في القضية واظنها الاقرب..اذا عندك نقض انقضها لكن تنبذ ما بتغير تحليلي...خلي اسلوب القهر الاتربيت( نا) عليهو..والقدسية بتاعت المدام...امامي قضية ومن بدايتها ما استعجلت..ووصلت للنتيجة...اقولها ليك بتلخيص...اسرة الكابلي المتمثلة في شخصه وزوجتةوابنه ونسيبهم...متواجدين في امريكا...ووضع البلد والنظام خاصة من ناحية الدخل حاسبها بالملي..مهم طيفور والناس قرروا اكرام مثواهم..وعملوا قبل كدا حفلة ولا غيرها دخلت ليهم شوية قريشات...المهم الزمنم ا والقريشات خلصت..اتمحركوا زي محركة المدير عملوا شوية غبار واستدرجوا طيفور عشان يكب ليهم تاني...مهم الاحتفالية التانية شكلها معنوي وهم حاسبنها ماديا تعارض المادي مع المعنوي..وهاجوا وقالوا طيفور حرامي..نملة شاف دا عوج وقال يقرص مكان العوج...ووصلنا مكان بيخاف من مرتوا قمت انت يا بشرى الصوط لمسك قلت تقهرني بشوية نبذ وتدخل علي بعيب وخصوصية وتنبز..وعايز تشتت الكرة...لكن غيرك اشطر...

كورة شنو البشتتّها يا بليد, انت معقّد دي عرفناها و عندك عقدة نقص برضو واضحة
لكن الكتبته الليلة دا مافي ليه تفسير سوى انو تطاول و قلة ادب منّك ولا تفسير او تبرير لها ولا يمكن التغاضي عنها حتى كونك معذور و تحتاج خصوصية في المعاملة
أنا ما نبّضتك بقدر ما وصفت حالك, من يمارس قلة الأدب يبق اسمه قليل ادب
من يتطاول على الآخرين و يتواقح اسمه وقح
وقصة لابس قبّعة محلّل نفسي دي ما خايلة فيك وما تحاول تداري بيها عقدك و قلّة أدبك.

السلام عليكم ورحمة الله
ما بال هذا الموضوع جاري في اتجاهات سيئة وشينة في حقنا نحن كسودانين قبل حق الكابلي نفسه.
حسب التحليل وما ذكر في بوست آخر أنه هذا الحفل سبب الإشكالية الرئيسية التي فيه انه لم يحدد نوعه من البداية. هل هو حفل خيري أو تكريمي أم تجاري. ونفذ بنفس هذا الخلط كل ناس دخلوا أو ساهموا بواحد من هذه المفاهيم الثلاثة. والدليل الانتقادات أصبحت تصب في هذه الأنواع المتضاربة. ناس التكريم قالوا المكرم لم يكرم فعلا (لم تتاح له فرصة لشكر المكرمين) وناس التبرعات قالوا اين ذهبت تبرعاتنا اذ لم تصل المحتفى به وناس الوكالة التجارية قالوا لم يكن تجاري بل هو تكريم فقط وحتى طلع معجز.
وهذه التضاربات كلها تنم عن سوء فهم طالما كل شخص داخل بمفهوم مختلف عن الآخر.
لكن أكيد لا يوجد خائن أو حرامي أو مخون أو شاكي.
الاعتراف بالخطأ التأسيسي من البداية
كان جنب بل سيجنب الجميع كل هذا اللغط والغلط
ويا ريت لو اتفق الجميع واعترفوا بهذا الخطأ وعذروا بعضهم البعض
الكابلي لازال موجودا وربنا يطول في عمره.
وطالما الجميع موجودون والحمد لله حسنوا نواياكم واعدوا المشروع باتفاق من البداية يجنب هذا الخطأ في المستقبل.
ولا داعي أن يصاب رشاش غضبنا الكابلي بمزيد من الكلام الذي لا يجب أن يصله ولأنه لا يستحقه فعلا. وكذلك الأخ طيفور كما علمنا من سيرته له خيرات وجمائل لا يمكن ان تمحى في لحظة غضب ناجم عن سوء فهم.

يا درديري عليك الله هسّع كلامك دا كلام يكتبوهو
لنوع نملة واللآ حشرة دا ؟...

يا نملة الله يرضى عليك الرجال هديل قدامك شيلم دق بيهم الواطة بس نسوانهم الفي البيوت الما سألنك ولا طلعن بيان ديل خليهن في حالن
ياخي كلامك دة شين وما بتقال ذاتو وأقسم بالله غلبني اقتبسه عشان أدينه

سلام يا نملة هل هدفك سحب البوست؟ مداخلاتك في الإقتباسين تسئ لمنبر سودانيزاونلاين، لانها ستصبح مرجع للبرهان على الإساءة للفنانين و أسرهم. لا يجب ذكر زوجة الفنان الكابلي هنا بأي حال من الأحوال.

مسحت الإقتباسين عملا لي الله و إكراما للأخ .

قبل 210 سنة بدأ ما يعرف بال drumcree standoff

في بلدة بورتاداون، طائفتان بتواجهوا سنويا في بداية

شهر يوليو. ارجو من الطائفتين الطيفوريين و الكابليين

ان يعفوا و يصلحوا لوجه الله ، خاصة ان رمضان وصل

تقريباً . أذا تنازلتو أرضاءاً لله، سيعلو مقاكم عند الله و

عند الناس.

يا حفيظ انت زول نجدة وبتقدر الناس الزي طيفور لكنك منهم وفيهم عليك النبي ما حارة لود عجبنا...بشرى ما بقدر اتفهم القضية من الناحية دي لانه فاقد الشي ولا يمكن يستوعب...مسكين لكن دي قسمتوا ..زي طيفور ما بيكون اتحسر على العملوا...ومافي قوة بتوقفوا لان دا اسلوب حياتوا..بكرة بيكرم الف كابلي..وبيتلدغ من نفس الجحر..
يا بشرى عليك الله ما تنبذ..ولو ما بتخاف من مرتك قول..انا بخاف من مرتي...ربعمل ليها الف حساب وين المشكلة....واحد قال لصاحبوا سمعنا تحت تحت انك بتخاف من مرتك...قال لي اول حاجة الكلام دا ما تحت تحت كل الناس عارفاه..قال لي خلاص تعال نعمل جمعية.ادخل انتوكابلي ينوبكم ثواب معانا وحل عقدتك

ياااااااا عمر
يااااااااااا عمر

لا حول ولا قوة إلا بالله

عليك الله روق شوية وما ضروري تكتب هسة لأنك بتطمبجها زيادة
ما حأسألك انت واعي للبتكتب فوقه دة ولا لأ .. لكن متأكد لو جيت بعد 12 ساعة حتكتب كلام غيره
الله يرضى عليك فك السيرة دي

يا د. نعمات...بيعجبني في الشخصية السودانية اللف والدوران وتجاهل تطاول رموزها...في بوست سابق اتعارضت زاوية نظري للقضية مع زاوية نظرك ود ما مشكلة بالعكس زا ويتك كان لازمه حتى يتعالج الموضوع من كل النواحي..يعني استمرار العلاج وفي نفس الوقت عدم هضم حقوق الاخر والسكوت عليه...دا الحاصل هناوحا يحصل لقدام..بننبش في حته كلكم متحاشيناه.... كابلي من وجهة نظري تتطاول على قيمة الكرم والنخوه متمثله في شخص طيفور..واغلبكم سكت...ونملة غلبوا..وحلل..صاح كابلي رمز لكن زيو وزي موصلي ختوا نفسهم في مكان ويتقبلوا كل الآراء...شفتي كيف...بالعكس وحهة نظري بتاكد انو سودانيز منبر حر واذا كان دي دعوة لصاحب المنبر يسحب عضويتي فله الخيار وانا ما خسران بالعكس بفكر كتير انسحب لانه وجهة نظري صعب تقبلها

يا عزي احمد عمر خلاص بوقف لاني قلت كل العندي...قصدك شنو ب ما واعي مخزن مثلا..امشي خزن وتعال اقرأ كلامي

عمر نملة
والله انت حيرتنا ....
ووالله عيب كبير جدا ما تقوله في حق الفنان القامة الكابلي الذي نكن له كل تقدير واحترام وإعجاب بفنه العميق ...

الأخ عمر نملة مثل مالم يرضى كثيرون الإساءة أو إطلاق تهم لشخص الأخ كمال طيفور كذالك لا أحد يقبل الإساءة لرجل معلم مثل الاستاذ كابلي و انت يا أخي تجاوزت مرحلة التعدي و أوصلت الأمر، لأسرة الأستاذ كابلي ، لا افرض وصاية عليك اخي لكن أتمنى أن تراجع ما كتبته مرة أخرى بعدها اعتقد انك ستعتذر للأستاذ و لأسرته.

Quote: يا عزي احمد عمر خلاص بوقف لاني قلت كل العندي... قصدك شنو ب ما واعي مخزن مثلا..امشي خزن وتعال اقرأ كلامي

يقيف حالك .

أقطع وِشّك بلا قرف معاك ...

يا أخ نملة
ياخ الأمنجية الراسم عديل ما بتدخل في عضويتهم و لا غيرهم.
لست سوى عضوة بالمنبر زي كل الأعضاء.
ما أقول هو ان مداخلاتك موجوة في قوقل في سودانيزاونلاين
و فيها إساءة للسيدة حرم الأستاذ الكابلي. صدقني لا أرضى ذلك
لزوجتك أو أي زوجة ليست طرف في خلاف و ليس عندها باسوورد
تدافع بها عن نفسها.

مالم يرضى كثيرون الإساءة أو إطلاق تهم لشخص الأخ كمال طيفورشنو التهم يا نابري الاتوجهت لطيفور...ومنو الاطلقها...حرامي وقالها كابلي وحسب عدد الناس والمبالغ المفروض يسلمها له...دي كل القضية..انتظرت الكابلي يجيب الناس ويحسبها ود ما مشكلة اذا في عقد بينهم..لكن لا يوجد اتفاق ولا عقد يطلع بيان ينشر في المنبر..القضية خرجت من الخصوصية..للعام..يا مدير لا تسب ما حصل سبيتك وخاصة انك خرجت من الادب قبل كدا مع دمي وما تداخلت وانا ما عايز ارد ليك يا بشري هدي نفسك وما تفترض حاجات في نفسك انا صافيتك رغم عدم اقتناعي انك اهل لها والدليل سبك لكن ما عايز اسب..ودي وجهة نظري للموضوع وعارفها بتثير حفيظكم..عشان نفسك ما تسب

يا نملة ...

فرق شتى بين وجهة النظر و الإساءة ...

احترام مبدعينا و كبارنا شيء محسوم لا يجادل فيه الا من به علة ...

ارجوك ان تناقش بأدب ... و تبعد من الاساءات الشخصية ...

ياخ احترام الناس فيهو احترام لي رقبتك ...

انتو جيتونا من وين ... ؟ يمين ده ما البلد البنعرفو ...

انت يا نملة خبيث جدا و تتلاعب بالكلمات وعايز توحي انو انت عندك وجهة نظر مغايرة للجميع و الوحيد العندك شجاعة تطرحها
في حين يا خبيث لا احد يعترض على موقفك من القضية الرئيسة ولا حتى موقفك من الكابلي وهو ليس أمرا متفردا أو نسيج و حدك فيه فمنذ بداية الموضوع انقسم الناس و تبودلت وجهات النظر بكل احترام رغم بعض التجاوزات هنا وهناك لكن انت يا وقح الوحيد الذي خرجت عن المسار وتطرقت لمر شخصي ولا علاقة له بالموضوع وهذا ما استنكره الناس هنا مرة واتنين وتلاتة وانت سايق الهبل على الشيطنة وعامل رايح وتعيد في حتة انو رايك ووجهة نظرك مخالفة و الوحيد العندك شجاعة لطرحها في حين الأمر الوجه لكم فيه النقد هو ليس موقفك بل تطاولك وتحشرك في خصوصيات الاستاذ
وانت فاهم لكن عايز تدعي الهبل زيادة و تهرب من مواجهة الحتة دي
انت تواقحت وتطاولت على الكابلي وهذا امر لا ولن يقبله أحد ولا حتى من اتخذوا موقفا مخالفا لوجهة نظره من البدابة
فا شنو ..بطل استهبال و قصة الاعتماد على وضعك وتعاطف الناس مع حالك

يا قباني انت اول واحد جاب المواضيع دي هنا جبت اول الجزلي وتاني بيان الكابلي ايش هدفك من دا..قول عايز تجرم طيفور..وتخلي ساحة الكابلي والجزلي..بالنسبة للوقت الاتيح للجزلي هو السبب جاء مع كابلي واسرته متاخرين ساعة ونصف وانت فاهم حجز الصالة والامن والمواعيد يعني الربكة دي كلها بسببهم...وجبت بيان الكابلي الواضح بيقول طيفور حرامي..وانت سابح في نفس التيار ليش دفاعا عن الكابلي..وما يهم ايش البيحصل...فاهم ايش بيعني بدون دليل تلمح لشخص انو حرامي..تقريبا نفس الموقف وقفتوا لما حاولتوا فذ موضوع شقة مصر تثبتوا انو شخص حرامي...حاول اضبط نفسك وما تخرج معاي
يا مدير دي الاثارت حفيظتك الخوف انا اسف..وما في صعلكه....وما في داعي ليها
يا بشري انها بعتبر دي وجهة نظري وانت اعتبرها زي ما عايز ما ليك حق تسب وتنبذ..

Quote: شنو التهم يا نابري الاتوجهت لطيفور...ومنو الاطلقها...حرامي وقالها كابلي وحسب عدد الناس والمبالغ المفروض يسلمها له...دي كل القضية..انتظرت الكابلي يجيب الناس ويحسبها ود ما مشكلة اذا في عقد بينهم..لكن لا يوجد اتفاق ولا عقد يطلع بيان ينشر في المنبر..القضية خرجت من الخصوصية..للعام

الإجابة اخي عمر هي أن بعض الإخوة اتهموه بالكذب و كذلك أوحى بعضهم انه اخذ مال ، و لم يرضى كثيرون هذه التهم و هذه الائيحات و تداخلوا برفضها... لكن بشكل قاطع كابلي لم يتهم طيفور بل طالب فقط بأسماء من تبرعوا له و من دفعوا مال وطالب أن يعرف أسمائهم ( يستنكر الناس أو يقبلو كلام كابلي هذا هو أمر الاختلاف) لكنه لم يطلق تهم لص أو مختلس أبدا.
و أظن انك سوف تقدم اعتذار لكابلي و أسرته فالخطأ يمكن التراجع عنه و لا يمكن المكابرة فيه.
مودتي

يا نابري كابلي خرج الموضوع من الخاص للعام والموضوع فلت..والتلميح واضح...وعليه بتقبل النقاش ..اما لموضوع اقحامي المدام..انا بعتذر وماكان اقحمها..

Quote: انا بعتذر وماكان اقحمها..

شكراً يا عمر هكذا ظننت.

قلنا رأينا في هذا الموضوع فقالوا لنا أطلعوا منها انتو ما من ناس فرجينيا و أهل مكة أدرى بشعابها
نحن المقربين و أصحاب العلائق المتينه مع الكابلي و أسرته
قلنا الحمد لله الأستاذ كابلي بعد صحبة أخوان الصفا و أهل اللطف و الظرف و الأدب قيض الله له صحبة خيرة
تعرفه و يعرفها و تجمل أيامه كما جمل حياتنا بإبداعه و عطاءه الثر
لكن بصراحه تفننتم في التجني و الإساءة للأستاذ و أسرته بكل أسف
أنتم لستم من أحباب الكابلي و لستم من عارفي الكابلي و متابعيه
دفاعاً عن هذه الإحتفاليه و من أقامها قرأنا العجب العجاب
و يبدو أنه فعلاً زمن العجايب الما بيفنى ليهو عجب
الناس سألت ليه ما خاطب الإحتفالية
إنبرى من يردد حالته لا تسمح
سجل رأيه تسجيل
ناس تقول ده ما كلام كابلي ده أملي عليهو و ناس تقول اتركب في صوته
و ناس تقول حتى الصوت غريب ما فضل إلا تقولوا ليهو انتا مو انتا و انتا جعان يا كابلي
ده كلام بتاع ناس بتعرف الكابلي؟؟
يعني مافي إحتمال و لو بنسبه ضئيله انه ده رأيه الشخصي؟؟
ياخي في البيان هو بيقول ليكم كلمة الأسرة (كلفنا) بها فلان و أنا (كلفت) ابني فلان
يعني الرجل هو من يحرك و يكلف كان و لا زال
نحن من على البعد نتابع تسجيلاته في قناة ابنه سعد يحكي و يوثق و يسرد
في تسجيلات حديثه لم تتجاوز الشهر
من يعرف الأستاذ الكابلي يعرف انه هو الكنترول و هو الجنرال و لولا ذلك لما كانت له هذه المسيرة المميزه
من يعرف الأستاذ الكابلي يعرف أنه يهتم بتفاصيل التفاصيل لأي عمل يخصه
و يعرف الطريقة التي يتعامل بها و الطريقه التي يحب أن يعامل بها
ياخي انتو إذا مثقفاتيه لزوموا شنو الهيلمانه
أطلعوا شيرنغ و أجروا صالة عادية لجمهوركم الفيرجيني ده و و كرموا الأستاذ بدرقه و وشاح
التصوير ذاتو بأي كاميرة فيديو ولا كاميرات الموبايلات
ايه المعنى من مسرح فخم و تصوير إحترافي إذا كان الأستاذ نفسه لا حيغني و لا حيتكلم و لا حيطلع المسرح ذاتو؟؟
ممكن المسرح و التصوير ده يكون مبهر ليكم لكن هل هو مبهر لمن غنى في مئات الحفلات و المسارح و الاستديوهات حول العالم؟؟
ذبحتونا بكمال طيفور رجل الكرم و الخير و المروءة و الهمة
لحد ما الزول بقى يتذكر نكتة الماكلين لها شنو
هل تكريم الفنانين من اعمال الخير و المروءة؟؟؟
أستاذ كمال ده نفسه وصف نفسه بأنه زول بتاع نتائج و إنجاز
لكن ياخي في ناس بيهتموا بالتفاصيل أكتر من الإنجاز
في ناس بيهمهم الطريقه البتتعمل بيها الحاجات اكتر من انو الحاجه تتعمل ذاتو
ياخي الأستاذ كابلي في لقاءاته في الإعلام لا يمر على إسم التقى به في رحلته الفنيه بدون أن يتوقف و يعطيه حقه من التقدير. لماذا تستنكرون رغبته في معرفة من شارك في تكريمه ليشكر وفائهم و فضلهم و هو بيان بالعمل شكر أفراد مجموعة ميتشيجان فرداً فرداً بأسمائهم؟؟
يا ناس شوفوا إهتمام الكابلي بمظهره و طريقة ظهوره في أي محفل حتى في قناة إبنه على اليوتيوب هل كتير عليهو أن تعطوه مساحة ليكون له رأي في طريقة دخوله و جلوسه و الإضاءة و غيرها من التفاصيل؟؟ هل كتير عليهو أن يجلس بجانبه أحد المنظمين ليحتفي به و يلبي طلباته على الأقل يعرف رغبته الأكيده في مخاطبة الحضور. ما الذي يضيركم لو سجل ابناءه لقطات فيديو و صور فوتوغرافية من الحفل؟؟
ياخي يمكن هو عنده ليها فهم معين او داير يسجل بيها شغل معين يشكركم بيهو او حتى بس يحتفظ بيها للتوثيق و الذكرى.

الوحد بيتساءل الهداكم على الموضوع ده شنو لا انتو مجبرين تكرمو الكابلي و لا هو كان محتاج لمثل هذا التكريم البدون تكريم.
هل المسأله بالنسبه ليكم حفله و هجيج و الكابلي مجرد سبب؟؟؟
الكابلي قدم عطاء خلده في تاريخ السودان تكريمكم لا يضيف له و لن يخصم منه بل خصم منكم بما صدر عنكم من تجريح و عدم إحترام.

عمر نمله ....
انت زول غريب جدا جدا
راجع نفسك قبل ما تكتب شوف انت بتكتب وتهبب في شنو
ثم اقحام الاسر والزوجة ده حاجه ماكويسه ابدا .... عيب عددديل ياااخ
لاذمك اعتذار واضح وصريح لاسرة الاستاذ كابلي ..

أرادوا "طيفوراً" فكان نصيبهم "نملة"
فتأمل....
ملس

صحيح ي م. ح ع الامين اعتذر لاسرة الكابلي واثني على ادانة قباني لطيفور الحرامي
يا مكاوي فعلا دا كان هدفي

الأخ عمر نملة، بعد السلام
ياخ مداخلاتك هنا مدانة تماما
وخاصة تلك التي مست أسرة الكابلي وغيره من الزملاء
أرجو أن أن تسحبها كلها وتعتذر لهؤلاء الناس المحترمين وأسرهم

كما أرجو من الذين "كبشروا" هذه العبارات المسيئة أن يبادروا بمسحها

الموضوع برمته أصبح مقرفا بسبب الجرجرة الفارغة من المعنى
وكل هدفها الانتصار للنفس

سلام يا زبير...بالنسبة لاسرة الكابلي قدمت اعتذرات..واعتذر تاني...للزملاء منو السبيتو...انا لقرف الموضوع فعلا مقرف وما كان يصل المنبر...واذا وصل المنبر ف الكل له الحرية بدون حجر...انت رايك شنو في البيان والسكاكين على طيفور شكرا للنصح

دقيقة دقيقة يا معاوية الزبير
عليك الله ما تلخبت لينا الكيمان
و كل شى بى دربو
بى رغم المغالطات و محاولة نفى كلام استاذنا الكابلى
و الاساءة و السلوك الغير حميد لبعض زوار البوست هنا
انت ما وقفت عند الحتة دى

Quote: لا كحفل خيري ولا تجاري تجنى منه العوائد، بل كمناسبة ثقافية احتفاءيه تحتفل بهذا الإرث الفني العظيم. ●

ما شايف بى قدرة قادر اتحول الحفل لى مناسبه نقافية
الناس كانت بتناقش حتة هل هو حفل تجارى ام حفل تكريم
جونا اصحاب البيان بى فكرة الحفل الثقافى و كمان لا تجتى منه العوائد
___
تعرف يا معاوية
نشرت البيان فى قروب التكريم برضو
الموسيقيون استعصموا بالانسحاب من القروب
الوحيدة التى اعلنت موقفها و براءتها من البيان
هى الاعلامية الاستاذة احسان عبد المتعال و لها جويل الشكر
فالموضوع يا سيدى بالنسبة لنا ليس مقرفا
بل المقرف جدا محاولات تكذيب الكابلى
المقرف جدا الطلب منه تغطية العجز و فى نفس الوقت يدعون انه حفل ثقافى
المقرف جدا مس خصوصية اسرة الكابلى
المقرف جدا فى هذا البيان فرية الحفل الثقافى
المقرف جدا كتير و كتير و الغريبة صادر من من حملوا لواء الدفاع عن الاخ كمال طيفور
الان هل هو
حفل تجارى
حفل تكريم
ام
حفل ثقافى
طيب لو حفل ثقافى جمعوا تبرعات ليه من الناس تحت مسمّىتكريم الكابلى ؟

يا جلال أنا موضوعي في البوست ده حاجة واحدة:
كمال طيفور زول نضيف ولا يمكن التشكيك في ذمته المالية
و"إنتو" ختيتوهوا في موضع اتهام يمس نزاهتو وأخلاقو
من حقه -وهو في موقف المتهم- أن لا يرد عليكم في هذه الأسافير
في هذه الحالة عليكم اللجوء للقانون وكل زول ياخد حقه

ما يخص التنظيم والفنيات ما عندي قول فيها لأني بعيد عن الحدث
ومن البداية قلت إنها واردة ويمكن تبريرها والاعتذار عنها

وين انا تحديداً يا ود الزبير ختيت كمال فى محل اتهام مالى
مداخلاتى هنا كلها و فى البوستات السابقة تحديدا كانت دايرة حول نقطتين
واحده فيهن انو الناس البتدافع عن الاخ كمال بتضر بى قضيتو اكتر مما تفيدو
و التانية لو رجعت تلقانى اول من دعا للحل الودى و لم الموضوع
و ده اس كلامى لحد ما نزل بيان الاخ طيفور
و قال ما قال فيه انه لن يسلم ما بحوزته الا لمن يستحق
و نحنا فى رجا تسليم من يستحق
جانا بيان الموسيقيين
و قالوا فيما قالوا فيهو
الحفل ثقافى و لا عوائد ترجى منه
اذن حكاية تسليم المستندات لمن يستحق اتنسفت من اساسا
يبقى ده سؤالى الطرحتو
طال ما الحفل ثقافى .. جمعوا تبرعات تحت مسمّى تكريم الكابلى ليه
سؤالى ده لى الحق اسألو ولّ لا
لو اجابتك ما لى حق فى السؤال ليك علىّ اركع و ابوس نعلات كمال طيفور
و احشالى قبضة برسيم فى خشمى

القضاء بس يا جلال
هناك اتهام بالسرقة وهناك تشهير
يا تعملوا وفد يجتمع مع كمال في منطقة وسطى (جغرافيًا)
وتلملموا الموضوع

.
.
مرّ على الحفل الآن أكثر من شهر وقروبات اتاسست وقروبات اتمسحت والساقية لسةةةةةة مدورة ...
شغلكم دا شغل ترف وناس عندها فراغ عريض وما صدقت لقت ليها شطر وقعدوا يحلبوا فيه لغاية ما جاب الدم ...
يا القاعديين برة ومرطبين انتوا بس تعالوا السودان عشان ما تقدروا تفرزوا كابلي من بلوبلو ...
.
.
.

يا عمر النملة اشك او اكاد اجزم انه شخص اخر يستخدم حسابك فى الكتابة عن موضوع تكريم الكابلى
اولا فى ردك على لم اعهد منك تقول لى با تجانى وانت عارف ده اسم ابوى منذ ان كنا سويا فى مدرسة الاهلية أ
المتوسطة اى نعم كنت قدامنا بسنه لكن كنا اصحاب و بنلعب الدافورى جمب بيتكم و الساعدك انك تصاحبنا انه
بنيتك كانت اقل مننا رغما عن تقدمك فى السن علينا , بعدين شنو حكاية ايش و ليش حقت ناس الخليج دى وانت
لم يسبق لك التواجد فى الخليج , من الدراسة بمصر للمهجر فى هولندا , ياخ انا لى قرابة 25 سنة فى السعودية
ما بستعمل ليش و ايش حتى فى تعاملى مع اهل البلد دعك من الكتابة فى منبر سودانى , و كذلك ركاكة الاسلوب
اطلاقا لا يمكن تكون الصديق والاخ عمر النملة صحيح طالت السنوات و تغيرت الافكار لكن انت من معدن
اصيل و اسرة فاضلة لا اتوقع ان تترك كل ذلك خلف ظهرك لتظهر كشخص مختلف فى الطرح لا يهمك ان كان
ما تكتبه يسى للاخرين او يجرح مشاعرهم , بعدين انا لما كتبت ليك كان بدافع العشم بس لا وصايا لا يحزنون

احمد التجاني
ما دام انت بتقول ان عمر زول اصيل ومن أسرة فاضلة فنحن ايضا نعتقد أنه لم يكتب كل ذلك التعليق المشين في حق الفنان الكبير الكابلي ...وان هناك من يستخدم الباسورد الذي يخصه ...
ولم اكن أتخيل يوما ما بأن البعض سيتقول على الفنان الكابلي بكل هذه الأقاويل المعيبة التي لا تشبه الكابلي الفنان الذي اسعد الملايين
مع وافر التقدير والاحترام

يا قباني انت اول واحد جاب المواضيع دي هنا جبت اول الجزلي وتاني بيان الكابلي ايش هدفك من دا..قول عايز تجرم طيفور..وتخلي ساحة الكابلي والجزلي..

انت يا زول بي صحك ؟

اجرم و اخلي ساحة !!! انت بتقرا بكراعك ؟

ساويت اخوك في عدم الفهم الا اخوك فايتك بالعوارة ...

بركة الخليتو السودان ... كان مغستوا اهلكم ساكت ...

التحيه لكل المشاركين

موضوع شائك تصدر المنبر وجرت فيه اقلام بأراء لاتتحمل الحياد اما مع على او معاويه
حتى هولاء الصامته أقلامهم تحس بضجه صمتهم
وبين الخاص والعام تقاطعت خطوط وتجاوز الامر احتوائه فى خارج هذه المساحه المفتوحه للاصدقاء والاعداء وحظوظ النفس فى كل طائفه وغربه اكلت اطراف السماحه فى بعض الاحيان
كان الكابلى محور الاهتمام لجيلى ورفاق الصبا ونحن نودع طفوله غافله سعيده
قدم لنا الكابلى فن غنائى متنوع بين الفصحى والعامية وتراث خصص به رقعه جغرافيه محدده وكل يغرف بمقدرته ومعرفته وهذا من باب ذكر الفضل وليس نقدا ولعله تفرد اكثر من غيره فى هذا المضمار
مسلك الكابلى الشخصى وسيرته ومسيره حياته توافقت مع مقامه الفنى والمعرفى بمساهماته الثره
فيما يخص حفله التكريم وملابساتها كان فى صمته ابلغ فى المقال
الذين ينادون بحقه فى هذا وذاك ربما تكون وجه نظر مقبوله بميزان القانون والحق العام لكن غاب عنهم ما تسببه مشاركه الاستاذ من أذى معنوى وادبى لمكانته فهو بمشاركته الصوتيه اعلن عن موقف ورأى يستوجب رد اتفاقا او اعتراضا مع مايتضمنه من غلاظه ووعوره حسب تقدير وخلفيه المشاركين. وقد حدث هذا بكل اسف ورغم اتفاق كل الاطراف المختلفه هنا حول محبه الكابلى لكنهم لم يستطيعوا حمايته من إسفاف اصابه بعد بيانه الصوتى
الكابلى( وهذه من مصاعب الشخصيات العامه) لايمثل نفسه واسرته فهو راسخ فى التاريخ الفنى والثقافى واورثه ذلك مكانته فى نفوس الكثيرين

اعتراضى هنا على الوسيله التى استخدمها الكابلى ليس على المبدأ نفسه بل هو حق اصيل وكذلك مسؤوليه اخلاقيه توافق طبع الاستاذ ومسلك حياته

فى الجانب الاخر يقف رجل مشمول بنبل وحلم وكرم كما شهد اناس غير اصدقائه ولان الحدس والحس يتجاوز المشاهده(راى خاص) فانا اشهد بما شهدوا به ولن ازيد
الطرف الثالث وهم اخوه كرام من انشط الاعضاء فى العمل العام فى المنبر (حسب معرفتى المتواضعه ) كانت بدايه النقد للجوانب الفنيه مفهومه ومعقوله بل ومفيده لتطوير العمل العام عاما وصدقا حسب ما قرات فى الجوانب الفنيه وبرنامج الحفل فالحق معهم
فداحه الامر ان النقاش تحول إلى أذى حقيقى وتطرفت الاراء وكثر التأويل مع زياده المشاركين واقتصر الان على امور ماليه
اول الضحايا العمل العام المشترك فى ذات نفسه
وسيره اشخاص لم تلوثهم سيره سؤ من قبل
تأخر الحل خارج هذا المنبر ولا حل سواه
اهل مكه ادرى بشعابها
ولعل اللقاء والحديث المباشر يطيب النفوس ويمحو ما علق من خشونه اقلام الاسافير ووحشتها
عبد الرحيم محمد صالح

الطول فيها الهول
مثل سوداني
النطق دارجي الطو وال فيها الهو وال

باشمهندس احمد التجاني ..لك اعتذر وان لم اقصد ازعلك...اولا لو لاحظت استخدمت مع الجميع الاسم العائلي..مثل قباني..بشري...زبير...ابوسن والسبب بسيط اكتر من سنوات المجتمع يستخدم الاسم العائلي..واستخدامي لتجاني معك عن معزة وتقدير لك ولوالدك المهندس الذي كان كل أبناء بانت أبناء له وبدوت تذمر يوصلنا مدني الثانوية...طبعا موكد صحبة الدافوري لا تنسى مع انك(كيشة ) استخدامي لبعض الكلمات مثل ليش ما جاية من لغة العرب ويا سيدي غير التلفون كل كلامي بالهولندي والالماني وتتداخل الشين والخاء في الاستفهام..فعلا تغيرت الافكار..ويستفزني الظلم خاصة عندما تحكم الناس لصالح فلان او علان..وتضبع القضية..فعلا أخطأت في هذه القضية عندما فلت العيار ولاعذر...يمكن عقلي الباطن اثير بحادثة طبق الاصل مع فنان زميلنا في الاهلية أ رغم موقفي المشابهه لموقف طيفور ..تم سبنا والحمد لله لم تكن هناك حفلات .شكرا للنصح واكرر اسفي..بحاول اتعمل نعاك بزون قيود..لان علاقتنا كان مفتوحة ويغلب عليها طابع الهزار
امتثال شكرا لحسن ظنك انت شايفه الموضوع من ناحية كابلي وانا شايف اللوحة وعيبي كتبت بدون تحفظ..لك اعتذر
يا قباني حبوبة امونة في عرس حمزة ختت قزازة البيبسي باقي النسوان قالن ليها مالك...قالت شم نخرتي ريحة الصنانة كل بص السرة ما شرب و القطيعة ليوم الليلة...يا سيدي صن

أكرِم جميع الناس ’’’ حتى الأبوك
أستاذنا الكابلى الصوفى الزاهذ
هو الذى نعرفه

يا سيف الدين جبريل
عليك الله تعال أطرُد كوستاوي دا ...

الباشمهندس يحي قباني،
كنت قد حذرتكم (أنت ونادر الفضلي والموصلي تحديدا) ما أن لاحت تباشير تهوركم الشنيع هذا،
حذرتكم ألا تتصرفوا زي (ديك العدة)!!
لكن،،،
في سبيل الانتصار لشخوصكم والبحث عما تدعونه من حق أدبي مضاع تحول لحرب تشهير وإساءة خاسرة خاسرة.
لكنكم لم تتحرجوا، ولو لثانية، عن استخدام بل واستغلال والإساءة لاسم الأستاذ كابلي، في سبيل نصر تشتهونه لذواتكم الكبرى. حتى ولو مخاطرين بأن تنشرخ أيقونة كابلي ذاتها وكما هو الحاصل الأن وربما ما خفي في النفوس أعظم!!

وأنت بالذات يا قباني كنت أفكر فيك كديك آخر هو (ديك الجن).
ديك الجن، الشاعر الذي أشهر شهرته أنه قتل محبوبته وثم لم ينفعه البكاء على الدم المسفوح، بالضبط كما لن ينفعك البكاء على كل هذا ماء الوجه ودم الأخلاق الذي أهرقتم!!
فعلا؛ ومن الحب ما قتل ....
وربي لم أر معلنا لمحبة قتل محبوبه كمثلك هنا، يوم نشرت هذا البيان الذي هو طعنة نجلاء في مأثرة كابلي وفي سيرته وصورته.. هذا بالطبع لو أن معرفتنا بالإنسان السوداني متحدة المصادر!!
ألست أنت الخبير باليوتيوب وبالمنابر وبالميديا وبالأخلاق السودانية؟
ألست المزايد علينا بالمحبة والتقدير؟
ألست المناقص مخالفيك في قيمة وكريم وجدانهم؟
يا رجل؟
لقد بت أشك في مدى معرفتك بالنفسية السودانية وبميولها القيمية!!
كيف أمكنك ألا ترى خطر توريط صورة الأستاذ كابلي وصوته في مثل هذا التسجيل؟
كيف سمحت بل ربما أشرت للوسط المحيط بالأستاذ أن يرتكب هذا التسجيل؟
وكيف سمحت لك خبرتك العريضة ومحبتك المعلنة بنشره في الأوساط واليوتيوب؟
تصور فقط أن كل من يبحث عن أغنية لكابلي الآن سيجد هذا التسجيل في وجهه!!
يا للفداحة!!
يا لمضيعة الكومون سينس!!
ولا تقل لي أنك تخالفني الرأي في المخاطر من التسجيل، فلقد قمت بمنع التعليق عليه في قناتك، يعني استشعرت خطره،
ثم غلبك حظ النفس وآثرت الرغبة في الإنتقام والانتصار الزائف هنا، ولو على حساب أيقونتنا، محبوبك الذي قتلت أو تكاد….
تلك هي أشغال الديوك المبطرين زهوا، ديك عدة وديك الجن!

يا يحي، لن أسألك لكمال طيفور ولو قمطريرا، فللحق رب يحميه والحقيقة أغلب..
ولكنني أسألك بكل ما في محبة وتقدير السودانيين لكابلي من صدق وإخلاص،
وعن قليل معرفة أدعيها بالسودانيين،

يا يحي، عشان خاطر أن تحيا المكارم و أن تنبض الأيقونة فينا،
تفضل وتكرّم علينا بالله بسحب هذا التسجيل من قناتك ومن اليوتيوب ومن المنابر.
فلقد سررتم به ما يكفي ويزيد، ولن يجديكم من بعد فتيلا... إلا المضرّة القاتلة باسم الحب!!
يكفينا ما شرختم، فكفي قتلا باسم المحبة!!

نعتذر لأسرة الكابلي دون الجزلي عن الأعيرة الطائشة التي اصابتها.

هذا القبح الذي ملأ الدنيا بعد التكريم الجميل من الجميل طيفور سببه نسنسة القبيح جداً والحاقد قباني مع الجزلي.
وترى الشوك في الورود وتعمى أن ترى الندى فوقها أكليلا

همّ عبء على الحياة
——-
يا "تيجاني"، شايفك كلما جات سيرة الصبا؛ تحاول تقشر بالدافوري!!
يا أخي، كياشتك في الدافوري كانت مضرب مثل
الحاجة الوحيدة الكانت مدياك كريديت انو خالك هو الشاعر كامل عبد الماجد وصداقتك لحمد الجراري.

Quote: وين انا تحديداً يا ود الزبير ختيت كمال فى محل اتهام مالى مداخلاتى هنا كلها و فى البوستات السابقة تحديدا كانت دايرة حول نقطتين واحده فيهن انو الناس البتدافع عن الاخ كمال بتضر بى قضيتو اكتر مما تفيدو و التانية لو رجعت تلقانى اول من دعا للحل الودى و لم الموضوع

كنت أول من ألمح (للمحاكم والتعويضات) وبخفة وتلمظ!
وببوستات أخر!
وورطة!

نوريك (تاريخك الماضي) حق الغازيتة في الساحة "التعاونية" دي:
Re: شقة مصرRe: شقة مصر

Re: شقة مصرRe: شقة مصر

Re: شقة مصرRe: شقة مصر

Re: شقة مصرRe: شقة مصر

Re: شقة مصرRe: شقة مصر

Re: شقة مصرRe: شقة مصر

Re: شقة مصرRe: شقة مصر


حسابات وتضريبات و(شهادات) و(بضاعتي) و(قراد) و(برسيم) و(الغريق قدام)!
الظاهر ناس كندا (were not active enough)!
فقلت تفلي راسك بيدك.

إذن، فهذا (خطك المفضل) بطول البوستات المتعلقة، وربما (البوستات الأخر) أيضاً!

ثم نجي للوقائع والروائع:

Quote: قبانى لما تنقل مداخلة عن زول حقو تنقلا كاملة مشاؤكة الاستاذ عمر الجزلى ناقصة جزء مهم ياخ الجزء ده ما عندو علاقة بالبوست بس بيخدمنا فى بوستات أُخر Re: تعليق الأستاذ عمر الجزلي على حفل تكريم ال�Re: تعليق الأستاذ عمر الجزلي على حفل تكريم ال� +++ يعنى الوكالة اعلنت عن نفسها من خلال حفل التكريم يبقى المطلوب منها شنو عشان تعلن و تشرف على الحفل؟ الموضوع ده لو وصل المحاكم زى ما اعلنت الاسرة التبعات ح تكون كبيرة على الوكالة و خسارتها للبزنس و الغرامة وارده شديد عشان كده من الافضل انك تسعى فى الحل الودى بين الطرفين بدل دافع كم و القروب جاب كم هنا الحاجات واضحة شديد ... يا حفل تجارى يا حفل تكريم و كل واحد فيهم ليهو سكتو مع ناس الضرائب ف نصيحة ليك اجرى ورا الحل الودى و التراضى ين الطرفين اكرم ليك و لينا و لى الطرفينRe: تعليق الأستاذ عمر الجزلي على حفل تكريم ال�Re: تعليق الأستاذ عمر الجزلي على حفل تكريم ال� +++ بى حسب قوانين الاعلان و الرعاية فى البلد دى ال رد سى فى ورطة مع ناس الضرائب Re: تعليق الأستاذ عمر الجزلي على حفل تكريم ال�Re: تعليق الأستاذ عمر الجزلي على حفل تكريم ال�

فهل هنالك شخص ملزم بحل ودي مالم يكن متهما بل ومدان؟
وهل هنالك (اتهام مالي) اكتر من التلويح بالتورط القانوني الموجب للإحالة لساحات المحاكم؟
وهل هنالك (ختة في محل اتهام مالي) أكثر من التصريح بأن فلان (في ورطة مع ناس الضرائب)؟

صغير العقل فقط هو الذي يعتقد أن بإمكانه تمرير "مخرجات" (ذكاءه المفرط) على الناس بدون ملاحظة.

يبدو أننا بحاجة لجدول جديد لتوضيح (المهام).

___
فمع النية الكانت مبيتة (لبوستات أخر)، كيف كان تصورك (للدعوة لحل ودي) على ضوء طرقعاتك الطفولية بالتورط في المحاكم دي؟

=============================

Quote: بركة الخليتو السودان ... كان مغستوا اهلكم ساكت ...

قبة!
كيفك ياخوي؟
المغسة الحقيقية في وقوفنا شهوداً على اضمحلال العقول والتبسط في تناول الأمور والتفنن في فضح المستور
وحل القضايا بعقلية شفع الدافوري و(خفة) ناس "حافوري" الضرب البوري وعودي راكب وغزونا ما تنسونا وعلي بالطلاق
وبقية (سلوكيات) سماسرة العقارات ديكا.

طبعاً المرة دي الدور بتاع (التكييف القانوني) واقع للخفيف النضيف الفوق دا
لأنو البوست فاتحو أنت، لكن المرة الفاتت (لما كان فتح البوست على الخفيف) الدور كان عليك وبأسلوبك!
(كشف شفافية، حكم بالحق أو الباطل، توخي الحذر، الأخ ... في موضع اتهام واضح، تفاصيل محرجة)

Re: شقة مصرRe: شقة مصر

هييييييه، دنيا، بركة الخليتو السودان، كنتوا مغستوا أهل السودان والدول المجاورة، بالزيادة.

من أي طينة خلقم يا قباني؟

___
بقت مسيخة، وفترنا من الجداول، لكن إن استدعى الأمر بنجي (للتوضيح).


=============================


المدرب بن صلول مرق!
وصانع ألعابكم المسطح بن أثاثة دا مصابعينو غلاد وعيونو غائرات لجوة
فلا بشوف الكورة ولا بقدر يمسكها عشان يدخلها جوة السلة، بقى بتاع شتيمة وفاولات ساي
شوف غيرو يا كبتن، شغلتكم دي بتقسيمة (قون وباك) ما بتتلعب.

___
المدينة ذاتا بقت ما ياها، لكن الإفك ما بيحصل قدامنا، كو.

لقد بت أشك في مدى معرفتك بالنفسية السودانية وبميولها القيمية
يقين نا شك...والصنانه دساسة...واضيف ديك المشاط..قلنا ليه انت جبت البوستات وعايز الناس تسبح على هواك...كمان على قناة...السؤال ايش( شنو) العلاقة بين الكابلي والجزلي وقباني ...

يا ناس حرام عليكم كابلى ما شبه ده كلو

نداء للسودانيين بأمريكا

الرجاء الإسراع بعقد مجلس صلح و معافاة بين الفنان عبد الكريم الكابلي

و رجل البر السيد كمال طيفور .

هل من متطوعين عقلاء حكماء غير منحازين لأي من الطرفين؟

أتركوا للأجيال ذكرى جميلة عن التسامح و الطيبة السودانية الأصيلة.

خالص الإحترام و الشكر مقدماً لمن يقوم بهذه المهمة.

هاشم الحسن ...

تهديد و وعيد و محاولة بائسة لتحويل اخفاق و فشل صديقك كمال طيفور في اخراج عمل
كان من المفترض ان يكون مهرجان تكريمي ... و تحول بقدرة قادر آلى حفل تجاري ...

و محاول اكثر بؤسا و وهمة كبيرة في انني السبب في بيان الأستاذ الكابلي ...

يا عزيزي ... الكابلي يمتلك زمام اموره و يعرف تماما ماذا يريد ...

ياخ ارحم نفسك و حاول تكتب بوعي و انت محايد بدلا عن الغرق في الدفاع الأعمى ...

شكرًا على الاساءات ... فكل إناء بما فيه ينضح ...

و ما زلنا في انتظار كمال طيفور و اعتذاراته علنا عن الفشل الذريع
و التفريط في حقوق الكابلي الأدبية و المعنوية و المادية...

*
ملحوظة ...

نملة و اخوه ... شكلكم بقى غبي جدا
بالجد ... بقيتو مضحكة ...
فشنو ...
شوفوا شغلة أفيد بدل ما تتنافسوا الأعور من اخوه منو ...

يا عزيزي ... الكابلي يمتلك زمام اموره و يعرف تماما ماذا يريد .
كم عمر الكابلي وجزلي...انت خلك..بس ايش العلاقة بينكم التلاتة.....فعلا طيفور يحسد..ما تزعل يا ابا كل العك دا سببو مشاطتك...وين انت من كابلي ليش ما تدق صدرك وتكرموا....لكن انت الجاري وراء 42$ رسلتها لمصر..كل الحكاية وكشف الحال ..متوقع طيفور يتلب كندا ونشوف

كيف كيف؟؟
قلت كيف؟

Quote: تهديد و وعيد

يا يحي قباني لا تكذب علي،
كيف يعني أوعدتك وهددتك وأنا أقول لك أن تتفضل وتتكرم؟؟

Quote: كان من المفترض ان يكون مهرجان تكريمي ... و تحول بقدرة قادر آلى حفل تجاري ...

أهااااا... الآن تقول إنه كان مهرجان تكريم، الحق غالب!
وهل لديك ما يثبت أنه تحوّل إلى حفل تجاري؟؟
يا يحي لا تلقي القول على عواهنه ساي كده لا عقال ولا رسن!!

Quote: ما زلنا في انتظار كمال طيفور و اعتذاراته علنا عن الفشل الذريع و التفريط في حقوق الكابلي الأدبية و المعنوية و المادية...

طيفور اليعتذر ولّ من أساء لسمعته واتهم ذمته وشهّر به المفروض يعتذر.
عايز أقول شنو؟
الصحيح هو أنه؛ لو أن الوسط حول الأستاذ كابلي، وفقا لأي معطيات كانت، أراد أن يراجع كمال طيفور حول أي تفصيلة كانت،
فالمنطقي أن الدروب كانت سالكة بينهم، فإن اختلفوا فالأخيار بقربهم كثر، فإن لم يسطيعوا تحكيما فالمحاكم موجودة هي التي تفصل
وتدين. ذاك هو الطريق وليس ما حدث ويحدث، أن يتشولب الموضوع نفر موتور ليستغل اسم الكابلي في اضفاء المصداقية على احتقاناتهم!!
وتقول:

Quote: وهمة كبيرة في انني السبب في بيان الأستاذ الكابلي ...

طيب خلاص نعتذر، ما إنت يا يحي. مع انو قلنا ليك (ربما)،، ما قريتا؟ أظنك قريتا!!
نعم أظنك قرأتها ولكنك تسيء العرض لما قرأت مستمرئا التغرير بالقارئ نحو مآربك، وإلا فما إغفالك لذكر ما ذكرناه مما قمت به أنت من النشر الواسع في ثلاثي البوستات و(ربما) في غير ذلك من الوسائط؟

Quote: شكرًا على الاساءات ... فكل إناء بما فيه ينضح

لم أسيئ إليك إلا من باب ترميني بداء ما جررتم، أو لو حسبت أن (أشغال الديوك) إساءة، بينما هي مجرد توصيف للحال وضرب مثال مما جرت به الأمثال.
لا تظنن أن إدعائك بأي إساءة سيكفيك لدحضي كمجرد مسيء كما ظننتموها ستكفي في اتهامكم المدحوض لكمال!!
وفقط، لو رغبت في مراجعة قرآءتك، فها هو نص ما كتبت لك منذ قليل.
دع عنك الزهو، زهو الديوك، وخلّي العزة بالإثم، وركّز في المناشدة وفي مغزاها.....
ثم، لو عندكم حق بتلقووهو، ترا الحق ما بضيع!!

Quote: الباشمهندس يحي قباني، كنت قد حذرتكم (أنت ونادر الفضلي والموصلي تحديدا) ما أن لاحت تباشير تهوركم الشنيع هذا، حذرتكم ألا تتصرفوا زي (ديك العدة)!! لكن،،، في سبيل الانتصار لشخوصكم والبحث عما تدعونه من حق أدبي مضاع تحول لحرب تشهير وإساءة خاسرة خاسرة. لكنكم لم تتحرجوا، ولو لثانية، عن استخدام بل واستغلال والإساءة لاسم الأستاذ كابلي، في سبيل نصر تشتهونه لذواتكم الكبرى. حتى ولو مخاطرين بأن تنشرخ أيقونة كابلي ذاتها وكما هو الحاصل الأن وربما ما خفي في النفوس أعظم!! وأنت بالذات يا قباني كنت أفكر فيك كديك آخر هو (ديك الجن). ديك الجن، الشاعر الذي أشهر شهرته أنه قتل محبوبته وثم لم ينفعه البكاء على الدم المسفوح، بالضبط كما لن ينفعك البكاء على كل هذا ماء الوجه ودم الأخلاق الذي أهرقتم!! فعلا؛ ومن الحب ما قتل .... وربي لم أر معلنا لمحبة قتل محبوبه كمثلك هنا، يوم نشرت هذا البيان الذي هو طعنة نجلاء في مأثرة كابلي وفي سيرته وصورته.. هذا بالطبع لو أن معرفتنا بالإنسان السوداني متحدة المصادر!! ألست أنت الخبير باليوتيوب وبالمنابر وبالميديا وبالأخلاق السودانية؟ ألست المزايد علينا بالمحبة والتقدير؟ ألست المناقص مخالفيك في قيمة وكريم وجدانهم؟ يا رجل؟ لقد بت أشك في مدى معرفتك بالنفسية السودانية وبميولها القيمية!! كيف أمكنك ألا ترى خطر توريط صورة الأستاذ كابلي وصوته في مثل هذا التسجيل؟ كيف سمحت بل ربما أشرت للوسط المحيط بالأستاذ أن يرتكب هذا التسجيل؟ وكيف سمحت لك خبرتك العريضة ومحبتك المعلنة بنشره في الأوساط واليوتيوب؟ تصور فقط أن كل من يبحث عن أغنية لكابلي الآن سيجد هذا التسجيل في وجهه!! يا للفداحة!! يا لمضيعة الكومون سينس!! ولا تقل لي أنك تخالفني الرأي في المخاطر من التسجيل، فلقد قمت بمنع التعليق عليه في قناتك، يعني استشعرت خطره، ثم غلبك حظ النفس وآثرت الرغبة في الإنتقام والانتصار الزائف هنا، ولو على حساب أيقونتنا، محبوبك الذي قتلت أو تكاد…. تلك هي أشغال الديوك المبطرين زهوا، ديك عدة وديك الجن! يا يحي، لن أسألك لكمال طيفور ولو قمطريرا، فللحق رب يحميه والحقيقة أغلب.. ولكنني أسألك بكل ما في محبة وتقدير السودانيين لكابلي من صدق وإخلاص، وعن قليل معرفة أدعيها بالسودانيين، يا يحي، عشان خاطر أن تحيا المكارم و أن تنبض الأيقونة فينا، تفضل وتكرّم علينا بالله بسحب هذا التسجيل من قناتك ومن اليوتيوب ومن المنابر. فلقد سررتم به ما يكفي ويزيد، ولن يجديكم من بعد فتيلا... إلا المضرّة القاتلة باسم الحب!! يكفينا ما شرختم، فكفي قتلا باسم المحبة!!

هاشم الحسن سلامات وعوافي

ماذا يضير طيفور لو تفضل بقليل من الايضاحات المطلوبة

لينهي كل هذا اللقط والجدل؟؟

خصوصاً وهو وانت والبعض يجزمون بانه مظلوم ، فما الضير

في اطلاعنا على اماكن جرحه فنطيبها يا هاشم انا عن نفسي

لا اتمنى شيء سوى المطايبة وعودة الحقوق لاهلها سواء ان كانت هنا او هناك

المانع شنو يا هاشم ان ينتهي كل ذلك بفرد مداخلة من طيفور ؟؟؟

إذاً هي مناشدة ...

و انت اعتبرتني محور كل ما يحدث ...

اذا مرحب باتصالكم ...

لعل و عسى نرجع الامور الى نصابها و ياخذ كل ذي حق حقه ...

ملحوظة:

انا لا اكذب ... و لا اعرف الكذب ... و لا احترم الرجل الذي يكذب ... و لا افهم لماذا يكذب الانسان ...

ارجوك ان تنتبه لكلامك ...

اهانة الكابلي بي بيان مخجل
واشانة وتشهير بي طيفور !!!
وثلاثة بوستات متطاولة
الهجر اجدي من الوصل

اخونا هاشم الحسن
كمال لن يستطيع ان يذهب للمحاكم
شغل المحاكم فى البلد دى غير
اجيك بى واحده بس
الاخ كمال طيفور استأجر المسرح
السؤال بى ياتو صفة أجر المسرح
كفرد
كالبحر الاحمر
او كجمعية النورس
الحاجات دى تفرق كتير فى البلد دى
ثم بيان الموسيقيين قال حفل ثقافى
يا حليلك انت من من زمن تكريم و تجارى
ياخى انت زول قديم خلاص
محتاج تعمل ابديت لى جوبكات المصطفين
مش قلت ليك بيضرهو اكتر من ما ينفعوهو

مش حاجة غريبة ... :)

يخلق من الشبه أربعين ... سبحان الله ...

يا يحي ساهرنا بيك الليلة،
كتبت:
{ملحوظة: انا لا اكذب ... و لا اعرف الكذب ... و لا احترم الرجل الذي يكذب ... و لا افهم لماذا يكذب الانسان ...ارجوك ان تنتبه لكلامك ...}
شكرا للتنبيه،،،
وإذن سأعتبر كلامك البلا سند، عن التهديد والوعيد، كلام ساكت ومن باب (التجمُّل) بس!!
وملخص كلامي ستجده مختصرا في بلاغة محجوب الوافية

Quote: اهانة الكابلي بي بيان مخجل واشانة وتشهير بي طيفور !!! وثلاثة بوستات متطاولة الهجر اجدي من الوصل

أي نعم أجدى،،،بالله أهجر ذاك التسجيل وأحجره عن أعين وآذان الباحثين عن كابلي في ليل العاشقيه الطويل!
ـــــــــــ
جلال يا أخينا: إفادتك وسؤالك الزي سؤالات نادر الفضلي دي {{كمال لن يستطيع ان يذهب للمحاكم.......بى ياتو صفة أجر المسرح
كفرد كالبحر الاحمر او كجمعية النورس؟}}
تخليني أشك في إنكم من ممارسي المهن القانونية في ولاية فرجينيا! هل أنتم كذلك؟ بس عشان ما نغالطكم ساي!
ثم لو مابقدر يمشي براه، ما تسوقوه انتو ياخ لو متهمنو بحاجة ولّ محتاجة! ولّ ما في تهمة؟
أما قولك: {{بيان الموسيقيين قال حفل ثقافى يا حليلك انت من من زمن تكريم و تجارى}}!!
فبيدفع الزول المابحب المغالطة، لأن يسألك عن تعريفاتك لــ(حفل ثقافي) الذي ستتعارض مع فكرة (التكريم) في هذا السياق بالذات؟
ــــــــــــ
هيثم سلامات ياغالي،

Quote: ماذا يضير طيفور لو تفضل بقليل من الايضاحات المطلوبة

ربما يقرأ كمال سؤالك دا ويفكر فيه،
لكن زمان قلنا ليكم الزول دا حيي! حيييييي!!!
وربما يخشى أن يضار بتلك الايضاحات آخرون!!!
أو ربما يود أن يوجهها للوجهة المستحقة...
أو أقول ليك: ياخي التهم يجب أن تقوم على دليل، قرينة ولو ظرفية، منطق متماسك، والمتهم بريء حتى تثبت إدانته طبعا...
و،،، انتو ليه ما بتسألوا عن ايضاحات للتهم، في الذمم وبالتربح والسرقة وملحقاتها، المزجاة هنا قدامكم وهناك، وعن عشواء ساي،،اخبط وألزق؟؟ ليه؟؟
ــــــــــ
أرفق يحي قباني مع استنساخ ثالث لرسالة الموسيقيين والفنانين والإعلاميين هذه الجملة الموحية

Quote: يخلق من الشبه أربعين

فأوحت لي بأنهم أربعون عددا:)
فقلت في سري: سبحان الله، وديل كلهم انسحبوا من قروب الواتسآب، كما أفادتنا مداخلات هنا، بدون انكار للرسالة ولا استنكار ولا حتن من واحدن فيهم؟؟؟
إن في الصمت لكلام إذن!! أي والله!!

Quote: فقلت في سري: سبحان الله، وديل كلهم انسحبوا من قروب الواتسآب، كما أفادتنا مداخلات هنا، بدون انكار للرسالة ولا استنكار ولا حتن من واحدن فيهم؟؟؟ إن في الصمت لكلام إذن!! أي والله!!

سلآمات يا هاشم .
الإنكار والإستنكار حصل يا هاشم من بعضهم، بل أوضحو، وأوضحو
دي يعني أكتر من وآحد أنهم لا يعرفون مصدر الرسالة وأنّ الرسالة
لا تمثلهم.
لك الحق في أن تكذبني أو تصدقني لكن وقت التصريح بالأسماء
لم يحن بعد ...

نعمات
التحيات النواضر عزيزتي نعمات
والله نداءك نداء الخير والمحبة...وان شاء الله يتحقق وتصفو النفوس ..
مع وافر التقدير والاحترام والامتنان

لكن وقت التصريح بالأسماء
لم يحن بعد ...
وان لم تغرب الشمس...
الاحتمالات الغير متوقعة ...هي اساس اللعب..
هاشم الحسن...موقف قباني في الركن
الشمالي الشرقي من الحلبة والغريبة ممكن ينهي
المباراة بالضربة الفنية لكن بيمزمز فيه
باين عندو اتفاق مع شركات الاعلان
وعايز يلعب 12 جولة وربما يتعادل عشان
يلعب مباراة فاصلة...لكن قباني ممكن يوقع
ويخلي الحكم يعد ل 10... عشان كدا شركات الاعلان
مفروض تنتبه وتديه عطية مزين

يا عمر أنا بس داير اوضحلكم إنو البيان الصدر بإسم الموسيقيين
دا بيان مضروب . بعدينك أنا ما بحلل ساكت، أنا جزء من الصراع
دا من بدايتو ...

يا عمر أنا بس داير اوضحلكم إنو البيان الصدر بإسم الموسيقيين
دا بيان مضروب . بعدينك أنا ما بحلل ساكت، أنا جزء من الصراع
دا من بدايتو ...

ياعزيزي المدير "ولعلم هاشم الحسن وكمال طيفور"
مجموعة من الموسيقيين اتصلو بالاستاذ كابلي ونفو تماما علمهم بهذا البيان
هذه واحدة
ثانيا ليس من بين موسيقيو السودان من لديه النفس لكتابة مثل هذا البيان المطول
وعندما سالت زملائي في قروب الموسيقيين هل فيكم من ششارك او وافق على هذا البيان لم يجب احد على سؤالي
الا ان ٢ قد خرجا من قروب تكريم استاذ الاجيال في محاولات تبريرية
واثنين قد خرجا من قروب الموسيقيين نفسه
هذا للمعلومية وبامانة شديدة

عزيزتي امتثال يا وجه الخير المزدان بالطيبة

انت أول من استجاب من عقلاء أمريكا و هم كثيرين.

شكراً للسيد الفاضل كمال طيفور على التفاصيل وهي بالتأكيد أرضية

ممتازة لبناء الثقة و التبادل الهادئ للنقاش ثم عودة الود الذي لم تفسده

القضية. ارشح الباشمهندس بكري ابوبكر لقيادة مصالحة، خارج المنبر.

و بالطبع من يتوسم فيهم الخير أو من يرشح نفسه أو يرشحه الزملاء.

و انا أرشح امتثال عبدالله صاحبة العقل الراجح .

ارجو ان يجد هذا النداء القبول عند السادة الأفاضل الفنان الكابلي

و الاستاذ كمال طيفور. و قبول الزملاء بالمنبر وعلى رأسهم صاحب

الحوش الباشمهندس بكري ابوبكر.

فائق التقدير و الإحترام.

يا سيد مدير، الجميع يترقبون نقدك لخطاب طيفور في البوست التاني،
مداخلة الموصلي جاءت باهتة وخالية من استفسار حقيقي وتدل على عدم قراءته للخطاب.

في انتظاركم بالصف

يا سيد مدير، الجميع يترقبون نقدك لخطاب طيفور في البوست التاني،
مداخلة الموصلي جاءت باهتة وخالية من استفسار حقيقي وتدل على عدم قراءته للخطاب.

في انتظاركم بالصف

Quote: اخونا هاشم الحسن كمال لن يستطيع ان يذهب للمحاكم شغل المحاكم فى البلد دى غير اجيك بى واحده بس الاخ كمال طيفور استأجر المسرح السؤال بى ياتو صفة أجر المسرح كفرد كالبحر الاحمر او كجمعية النورس الحاجات دى تفرق كتير فى البلد دى

الأخ جلال
إذا تطلب الأمر الذهاب للمحاكم فللأخ كمال طيفور الحق برفع
عريضه لأى قاضى فى فرجيتيا مطالباً بحقه الأدبى لمن عمل لإشانة
سمعته والتشهير به .

Quote: أرفق يحي قباني مع استنساخ ثالث لرسالة الموسيقيين والفنانين والإعلاميين هذه الجملة الموحية Quote: يخلق من الشبه أربعين فأوحت لي بأنهم أربعون عددا:) فقلت في سري: سبحان الله، وديل كلهم انسحبوا من قروب الواتسآب، كما أفادتنا مداخلات هنا، بدون انكار للرسالة ولا استنكار ولا حتن من واحدن فيهم؟؟؟ إن في الصمت لكلام إذن!! أي والله!!

يا هاشم يا رجل يا حصيف ...

حتى انت فاتك انها ليست رسالة الموسيقيين في نسخة تالتة ...

بل هو بيان الأخ كمال طيفور ...

اردت فقط تبيان ان كاتب بيان الموسيقيين و كاتب البيان هو شخص واحد ... يكتب بنفس الأسلوب و طريقة النسخ ...


ما علينا ...

بيان الموسيقيين/الإعلاميين صحيح 100%
تحدثت مع بعض منهم
و البيان موجود في الواتس اب بتاعهم

يا كوستاوى .. فى قروب مشترك (للاعلاميين} والموسيقيين؟

لو بتسأل أسأل لينا لقمان يأكيد أو ينفى (جانب الإعلاميين)
الموسيقيين ديل خليهم لأن بعضهم نفى نفى قاطع.

الفلاتى ابكر و عمر نملة اشهد انكم كنتو حرفاء دافورى و فى نفس الوقت كمان مجضمين العلم لانكم كنتو اولاد ناس من سلالة ال ابقناية
القاضى الذى شهد بعلمه وورعه القاصى و الدانى و كذلك ال الخواض رواد التجارة و الاعمال فى حاضرة الجزيرة , ما عارف بقيتوا
متفوقين فى كسب الاعداء فى ياتو مرحلة , يمكن السبب ابتعادكم عن بانت ولا عدم الدافورى , وانا تكفينى شهادة اخوكم عادل عبشين
يوم قال لى الميدان ده كله ما فى ناس حرفاء الا انا وانت وكان عايز يسوقنى معاه تمرين الاهلى لو ما اعتذرت ليه متحججا بالامتحانات
وانت يا ابكر يا ريت اهلك لو فتحوا ليك دكان فى سوق مدنى و عرسوا ليك مرا وارد ديم القراى كان الاستنارة الوحيدة تكون من اللمبة
المركبه فى نص السقف حق الدكان

يا نادر
في قروب مشترك و لقمان في القروب

يحي قباني؛ كتب {{حتى انت فاتك انها ليست رسالة الموسيقيين في نسخة تالتة ... بل هو بيان الأخ كمال طيفور ... اردت فقط تبيان ان كاتب بيان الموسيقيين و كاتب البيان هو شخص واحد ... يكتب بنفس الأسلوب وطريقة النسخ …}} نعم فاتني أن أرى استنساخك لبيان كمال فما كنت قد عرفت ببوسته بعد ولذا فقد اكتفيت بعنوان أول صورة في نفس المداخلة المعنية وهي لبيان الموسيقيين... لم أقرأ أكثر من عنوانها وجملتك الأولى وذلك لأنني قرأته ولمرتين من قبل في نفس هذا البوست..
أما أن الكاتب شخص واحد فهذا ما ترى ولا تثريب، لا على الشخص الواحد ولا عليك، فالمهم هو من صدر باسمه/هم البيان.. وكذا فنحن أيضا تبينّا ورأينا من بصمات الجزلي التي تملأ الصقع من بيان الأستاذ وتستفحل في حناياه ما رأينا…الكارثة هي إننا حين نبحث في الشبكة والتيوب، فليس عن الجزلي بل عن الكابلي!!
ــــــــــــ

ود المدير؛ كتب {{الإنكار والإستنكار حصل يا هاشم من بعضهم، بل أوضحو، وأوضحو دي يعني أكتر من وآحد أنهم لا يعرفون مصدر الرسالة وأنّ الرسالة لا تمثلهم.….….يا عمر أنا بس داير اوضحلكم إنو البيان الصدر بإسم الموسيقيين دا بيان مضروب .…….لك الحق في أن تكذبني أو تصدقني لكن وقت التصريح بالأسماء لم يحن بعد …}} المواقف لها ثمن يا معاوية وهذا أمر مفهوم، وربما من (أوضحوا ولم يصرحوا) ليسوا أصلا في عيره ولا نفيره، بل يحسبون أنهم كذلك. ولكن البيان ليس مضروبا وإلا ما عدمنا منهم من يقولها علنا.
لا أكذب(ك) ولكنني لا أصدق(هم) ساي كدا وبلا مشهادن يقولوا عليهو من تصريح معلن.
بل…..
ــــــــــ
بل،
أصدِّق كوستاوي.
الذي كتب {{بيان الموسيقيين/الإعلاميين صحيح 100%……تحدثت مع بعض منهم و البيان موجود في الواتس اب بتاعهم…….في قروب مشترك و لقمان في القروب}}
فالمشهد هنا كما ترى، أوضح!!

ــــــــــ
ثم،
فلم يعد لأقوالنا هنا أهمية، فقد جاءتكم الشهادة البيّنة من كمال في بياناته وتوضيحاته….
الداير يغالطوا، فهناك فيما كتب وما قال، والداير يتهمو فعلى المحاكم… ألا أن حبل التشهير قصير…
وشكر الله سعي السعاة في الحقيقة وبها……..
أدناه بيانات كمال.
http://sudaneseonline.com/board/499/msg/بخصوص-فعالية-تكريم-الأستاذ-الكابلي-يوم-الأحد-25-مارس-2018-1524815512.html

السلام عليكم...
وصل الأمر لثلاث بيانات و من يرى أن له أي حق فليتوكل و يتوجه للقانون و ياخذ حقه
اي مواصلة في سلخ جلد النملة بعد كده ما بينفع.

Quote: أصدِّق كوستاوي. الذي كتب {{بيان الموسيقيين/الإعلاميين صحيح 100%……تحدثت مع بعض منهم و البيان موجود في الواتس اب بتاعهم…….في قروب مشترك و لقمان في القروب}} فالمشهد هنا كما ترى، أوضح!!

يا ود الحسن،
اللربعة إتصلو مباشرةً بالأُستاذ كابلي ؤ نفو صلتهم بالبيان،
والمصدر أُستاذنا كابلي ذآت نفسه . أها شِن قولك ؟.
عليكم الله لا ترغمونا علي مثل هذه التصريحات .

يا هاشم كوستاوي الخردة دا درع كمرتو في رقبتو ؤ جا القاعة
وكت حدث ما حدث جرى يبحبِت للمعلومات، بعدينِك آدِن جاي
اللحدِسك في أضانك،، لا تشوف النفشة والنفخة دي كوستاوي
دا من منطقة واشنطوون الكبيرة، وحات سيدي ديّل ما فضلهم
عِلآ يقعدوا في بِيُوتُم ؤ كمال طيفور يودِيِلُن صفايح الزيت والكسبرا،
والبصل واللبن في بِيُوتُن ...

Quote: اللربعة إتصلو مباشرةً بالأُستاذ كابلي ؤ نفو صلتهم بالبيان، والمصدر أُستاذنا كابلي ذآت نفسه . أها شِن قولك ؟. عليكم الله لا ترغمونا علي مثل هذه التصريحات .

نتفهم الدوافع ونصدق الأستاذ ولا نقول إلا خيرا.
لكنني لا أعرف من هم الأربعة ديل وأين مواقعهم من المجموعة التي قامت بالعمل الفعلي ماقبل الحفل وهكذا السؤالات...
المهم، الآن وقد جرت مياه غزيرة، فذاك كمال في بوست البيان وسأكتفي بما كتب سفيان..

Quote: السلام عليكم... وصل الأمر لثلاث بيانات و من يرى أن له أي حق فليتوكل و يتوجه للقانون و ياخذ حقه اي مواصلة في سلخ جلد النملة بعد كده ما بينفع.

أما دي،

Quote: كوستاوي الخردة دا درع كمرتو في رقبتو ؤ جا القاعة وكت حدث ما حدث جرى يبحبِت للمعلومات، بعدينِك آدِن جاي اللحدِسك في أضانك،، لا تشوف النفشة والنفخة دي كوستاوي دا من منطقة واشنطوون الكبيرة، وحات سيدي ديّل ما فضلهم عِلآ يقعدوا في بِيُوتُم ؤ كمال طيفور يودِيِلُن صفايح الزيت والكسبرا، والبصل واللبن في بِيُوتُن ...

هههههههههها، فأضحك الله سنيناتك ياخي، كلام زعل ما بتقصدوا
وكمال قبيل سميناهو (قبّاض التماسيح) وحتن ندهناهو يستوردلنا الصعوط علا قام سمّانا الخمجانين في صمة كوننا صاقعين الجرة. هههههههه....

Quote: ا ود الحسن، اللربعة إتصلو مباشرةً بالأُستاذ كابلي ؤ نفو صلتهم بالبيان، والمصدر أُستاذنا كابلي ذآت نفسه . أها شِن قولك ؟. عليكم الله لا ترغمونا علي مثل هذه التصريحات .

رأسك تخين يا ود المدير نعمل ليك شنو؟ (:)
البيان موقع عليه ٣ أنفار متفق عليهم
واحد ممثل للفنانين
واحد ممثل للمثيقيين
واحد ممثل للإعلاميين

الحاجة التانية
القلت عليهم أنو تكلموا مع الكابلي بالنفي ليه ما ينفوا في قروب الوتس آب المشترك؟
أه المرة دي لو ما فهمت حا نزيد الراس تخونة

Quote: الحاجة التانية القلت عليهم أنو تكلموا مع الكابلي بالنفي ليه ما ينفوا في قروب الوتس آب المشترك؟ أه المرة دي لو ما فهمت حا نزيد الراس تخونة

ههههههههههههههههههه،

يمكن خايفين مِنّكُم.
بس يا كوستاوي آجآد أخوي تاني وكِت تبقى في حاجة زي دي
لا تفضحونا أخوكم كمال طيفور دا أقيفوا معاهو، بعدين يأخي
إنتو وحات ربي ما فيكم فايدة، يا ناس شابكننا نحن أصحاب
طيفور ؤ نحن أصحاب الكابلي ؤ بنمشيّلُون في بِيُوتُن ؤ نشرب
شاي اللبن بالبسكويت ؤ ساكنين معاهم في منطقة واشينطوون
الكبيرة ؤ لي يومي ؤ يومك دا ما قادرين تمشو تحلو المشكلة دي
ؤ توقفوا الهبُوّكة والدلوكة دي !، سجم رمادكُن .
أقولك، أقطعو لي تزكرة إن شاء الله من وكالة البحر اللحمر دي
ؤ قسم بالله العظيم أحلها قبل أن يرتدّ إليك طرفك يا خردة ...

Quote: كوننا صاقعين الجرة.

يا هاشم في حواك الشي قاصعين الصقعي دا لي شيتن تاني

يصقعك حجر نِبلة
ما تدمِسا ...

Quote: البيان موقع عليه ٣ أنفار متفق عليهم واحد ممثل للفنانين واحد ممثل للمثيقيين واحد ممثل للإعلاميين

الإعلامى عوينة أم صالح .. واحد ما فى غيره .. وما بهمنا
البهمونا للنانين والموسيقيين .. موقعين بالحبر السرى؟ ما شافوا أستاذهم الكالبى شجاع كيف .. بالصوت عشان ما يكون فى أى لكلكة
الأربعة الواعيين الأخطروا الكابلى .. ديل يهمنا أمرهم .. أما من صمت سواء مع موت الجماعة عرس أم لا .. فقد إنتحر فنياً

Quote: بس يا كوستاوي آجآد أخوي تاني وكِت تبقى في حاجة زي دي لا تفضحونا أخوكم كمال طيفور دا أقيفوا معاهو، بعدين يأخي إنتو وحات ربي ما فيكم فايدة، يا ناس شابكننا نحن أصحاب طيفور ؤ نحن أصحاب الكابلي

إنتو بس أطلعوا منها....نحن لها
كمال و كابلي حلوين كلقمة رغيفة معطونة بموية بوش فول
الكابلي و أبنائه و بناته حديثي عهد في هذه المنطقه الواشنطونيه و كمال إستقر في هذه المنطقة من أوائل التسعينات ...نعرف تماما كمال و أسرتة و أعماله الخيرية...و الله هو جد
متواضع إنو ما زكرها...

لكن أنا جاي

Quote: يصقعك حجر نِبلة ما تدمِسا ...

ديجانقو أ بفرز! ؟

Quote: لكن أنا جاي

جاي ويّن ؟،
كِدي في اللوّل امِش فِك العُقدة السواها
طيفور دي بعدين كان دآير تجي تعال .

ما تعمل فيها ميّت رسّل لي التزكرة ؤ حضّر
الزِرقينة للراس ...

Quote: ديجانقو أ بفرز! ؟

هههههههههه،

يا نابري يأخ يا حليل الليل ؤ ناسو والنخجي اليهِد الحيّل
ؤ غوغاي القعوي زاتو، وأكان تعرف شِنو البِحصلِ وكت
الليل يفلل ...

والله بيان طيفور واضح ودقيق ومافيه كلام
بس عيبه الوحيد اتأخر كثير
لو كان جاء ردا بعد بيان الكابلي مباشرة
كان جنب الناس كثير من البركاوي الاتصرف هنا وهناك

سفيان؛{{يا هاشم في حواك الشي قاصعين الصقعي دا لي شيتن تاني}}....
الدرديري أظنو شمّ ريحة كلامك دا يا سفيان قام جاب سيرة (البركاوي)،
شيتن كتر!!

لكن يا سفيان، طالما أبيت تدمسا زي معاوية
طيب ياخي ما تعتبرا لينا “ديكليكسيا” ساي
الحركة البتقلب الحروف ديك...
أو مررها عفوا كدا ولتفشو روح التسامح بيننا:)
جنّكم قبقبة ومكاجرة:)!!
ثم، “قصع/قصعت/قصعا” قاصعين حقتك دي هي الصحيحة نعم، لكن قاموسيا بس
بينما ود البطانة داك قال: صقع/صاقع/ فهو مصقوع ههههها ولا يبالي..

“قِشِيشِك شـاط وابعرن فروع كِتَّارِكــ.
بدري ضِحِيوة “صقع” الجرة نَعمِك بارِكــ.
قَيّـل بدري خايف من سمايمِك و نارِكــ.
لقّا قرعتو لي نَقّاطك وسـقى دوّارِكـ.”

والمابتغباهو أبوالسُرّة القدال صقعها تواليا بــ؛

“كملت كوتة التمباك “صَـقَعْـنا” الجِـرَّة
وكت إتقفَّلت شِـقِّيش.. قَـبِّلْ .. بالمَرّة
نرمي أمُرنا في بلد المعاني الحُرة ؟”

وياها رمية عدوكــ،
أم هوايل، الشايفنها دي!!

Quote: يا سيد مدير، الجميع يترقبون نقدك لخطاب طيفور في البوست التاني، مداخلة الموصلي جاءت باهتة وخالية من استفسار حقيقي وتدل على عدم قراءته للخطاب. في انتظاركم بالصف

يا مستنير سألت الأخ كمال طيفور سؤال بهناك
ؤ منتظر مِنّو الإجابة ...

Quote: “قِشِيشِك شـاط وابعرن فروع كِتَّارِكــ. بدري ضِحِيوة “صقع” الجرة نَعمِك بارِكــ. قَيّـل بدري خايف من سمايمِك و نارِكــ. لقّا قرعتو لي نَقّاطك وسـقى دوّارِكـ.”

هسّع في داعي يا سفيان أخوي !، عليك الله ما كان أخيّرلك تسمع
كلامي ؤ تدمِسا ؟. غايتو كان ود البصير سوى ناس الحاردلو في
طيظ وِزّة فود الحسن حشرك حشِر في خُشة كِتِر دحين شُوّفلك
مباصرة امرق، واليومين ديّل باقي شايف لي زيت سمسم حايم
في الحوش دا إتناولك باقة إتمشك بعد تتخارج ...

المنافق الكبير يوسف الموصلي متخبي وراء شخص باسم مستعار فى الفيس بوك وفى صفحة صديقي صبري الشريف بقول عندى سجل اجراميي وتزوير وانو جمع لي تبرعات للمحامي انت عارف انو احسن ترعى بي قيدك يا منافق وزي ما قلت ليك ما تخلينا نرجع لتاريخك الوسخ انا براعي لاشياء كثيرا واصدقاء مشتركين بيننا مافي داعي تخلينا نطلع من الطور ونجيب المحظور يا جبان قال دكتور قال يخسي عليك انت قايلنى انا كمال طيفور انا صعلوووووق واحسن ترعي بي قيدك يا دكتور

سلام استاذ سيف جبريل

انا مع حقك في إبلاغ السلطات عن الشخص الذي يحاول تشويه سمعتك

حتى لا يكرر ذلك معك او مع غيرك.

و لكن الى ان تتأكد من هوية هذا المعتدي ، ارجو ان لا تتهم شخصا بعينه

حتى لا تقع في نفس الخطأ القاتل . ربما هناك من يستغل هذه الظروف

ليفتعل المزيد من الخلافات بين الفنانين او بين السودانيين عموماً.

مع الإحترام و التقدير.