العندو قروش والما عندو قروش في هذه اللحظة ـ واااااااااااااااااحد
Post: #2 Title: Re: السودان في هذه اللحظة بالضبط ـ Author: Elhadi Date: 04-22-2018, 09:18 PM Parent: #1
العندو قروش والما عندو قروش في اللحظة التاريخية دي هم واحد
الاتنين نفس المعاناة
ده ما لاقي بنزين يعبي عربيتو عشان يحركا
وداك ما عندو عربية أصلاً
Post: #3 Title: Re: السودان في هذه اللحظة بالضبط ـ Author: Elhadi Date: 04-22-2018, 09:22 PM Parent: #2
يبقى الفرية بتاعت أنو والله السودان ده بس عاوز قروش زي ما بيردد البعض
اتضح خطلها
بقروشك تعبان
وبي فلسك شقيان
Post: #4 Title: Re: السودان في هذه اللحظة بالضبط ـ Author: Elhadi Date: 04-22-2018, 09:23 PM Parent: #3
لو تنك عربيتك فاضي وطلعت مشيت الطرمبة
وعندك مائة مليون في جيبك
إلا تبلها وتشرب مويتا
Post: #5 Title: Re: السودان في هذه اللحظة بالضبط ـ Author: Elhadi Date: 04-22-2018, 09:28 PM Parent: #4
عشان كده الناس الكانوا واقفين مع النظام بدعوى الحفاظ على مصالحهم
نقول ليهم
خموا وصرو
خلوا قروشكم تنفعكم، وتبقى ليكم بنزين
Post: #6 Title: Re: السودان في هذه اللحظة بالضبط ـ Author: Elhadi Date: 04-22-2018, 09:33 PM Parent: #5
الناس كلها قاعدة راجية التانكر يجي
يجي من وين ما معروف
أسي ده منظر دولة في القرن الواحد وعشرين ؟؟
العاصمة كلها قاعدة منتظرة تانكر البنزين ؟؟
Post: #7 Title: Re: السودان في هذه اللحظة بالضبط ـ Author: Elhadi Date: 04-22-2018, 09:56 PM Parent: #6
وبرضو قروش مافي ومرتبات مافي
ده ما كلامي أنا ده كلام وزير خارجيتهم هم زاتهم
والبنوك تلحق تخت ليك فيها قروش تاني ما بتلم فيها
دي دولة شنو ؟؟
Post: #8 Title: Re: السودان في هذه اللحظة بالضبط ـ Author: Nasser Amin Date: 04-22-2018, 10:14 PM Parent: #7
سلامات الهادي منقولة من الفيس..شفت الحالة بقت كيف
"وحياة البنزين المافي دا وغلاوة الدولار انا ما ببدلك حتي لو بي أنبوبة غاز" حنك سوداني معاصر
Post: #9 Title: Re: السودان في هذه اللحظة بالضبط ـ Author: احمد حمودى Date: 04-23-2018, 00:27 AM Parent: #8
أحيلك لأخطر مداخلة لمصدري من قلب البنك وقريبا جدا من النقود التي تقيحت كتب :- 👇🏿 ليس هناك من ضوء في آخر النفق .. قال لي أحدهم أن الحكومة أصبحت تنتظر مرتبات العساكر والدعم السريع . . وديات المقتولين منهم التي تصل من السعودية لتسلمها للعائدين منهم أو لذويهم بالعملة المحلية من المطبعة . . ثم تستخدم العملة الصعبة في شراء الوقود من البحر.... من بوست الزميل عبدالمنعم الطيب حسن ومداخلته
Post: #10 Title: Re: السودان في هذه اللحظة بالضبط ـ Author: Elhadi Date: 04-23-2018, 03:51 AM Parent: #9
سلام الأخ ناصر
وسلام الأخ أحمد حمودي
Quote: ليس هناك من ضوء في آخر النفق .. قال لي أحدهم أن الحكومة أصبحت تنتظر مرتبات العساكر والدعم السريع . . وديات المقتولين منهم التي تصل من السعودية لتسلمها للعائدين منهم أو لذويهم بالعملة المحلية من المطبعة . . ثم تستخدم العملة الصعبة في شراء الوقود من البحر...
بالله شوف الأمور وصلت وين ؟؟
انهيار اقتصادي شامل كامل ـ الخزينة خاوية على عروشها، والدولة افلست تماماً وما عندها حتى تدفع حق المرتبات
وحتى دول الخليج بقت ما تديهم وش ـ وبراكم شفتو زيارة البشير الأخيرة للسعودية وكيف عومل بتجاهل تام وازدراء
Post: #11 Title: Re: السودان في هذه اللحظة بالضبط ـ Author: Elhadi Date: 04-23-2018, 03:55 AM Parent: #10
لا حولاااااااا..
الشيء شنو ؟؟
Post: #12 Title: Re: السودان في هذه اللحظة بالضبط ـ Author: Elhadi Date: 04-23-2018, 04:38 AM Parent: #11
( اللهم من ولي من أمر أمتي شيئا فشق عليهم فاشقق عليه ) ـ
اللهم آمين
Post: #13 Title: Re: السودان في هذه اللحظة بالضبط ـ Author: معاوية الزبير Date: 04-23-2018, 04:48 AM Parent: #12
اشقق عليه شنو يا الهادي والله بكرة البشير يمشي الكاملين دي، يقول تهليل.. خمسين ألف مواطن يهتف: الله أكبر الله أكبر ويقوموا يرقصوا وراهو
انت قال ليك "الدين أفيون الشعوب" دي قالوها ساكت!
Post: #14 Title: Re: السودان في هذه اللحظة بالضبط ـ Author: معاوية الزبير Date: 04-23-2018, 04:49 AM Parent: #12
مكرر
Post: #15 Title: Re: السودان في هذه اللحظة بالضبط ـ Author: Hasheem Karouri Date: 04-23-2018, 05:12 AM Parent: #14
الاخ الهادي . تحيه طيبة
اؤيد راي الاخ معاوية ، ان الشعب في حالة لايحسد عليها . لكن هذه بداية النهاية لهؤلاء القوم . فعلا يدمي قلب الشخص للوضع المتردي جدا في السودان . في نفس الوقت هذه المعاناة ، لها جانب ايجابي. علي الاقل يحدث ونري ، تغيير احسن ، بذهاب هؤلاء ومع جهلنا للغيب ، نتمني خروجهم باي ثمن . حتي ولو كان باهظا .
تحياتي ،،،
Post: #16 Title: Re: السودان في هذه اللحظة بالضبط ـ Author: عبدالحفيظ ابوسن Date: 04-23-2018, 05:20 AM Parent: #15
تحياتي الهادي وضيوفه الصفوف بقت زي البنيان المرصوص 😆 طول اليوم واقفة في ولا مافي بنزين عملت حواجز حديدية الا تنط العربات عشان تقطع الشارع يا معاوية انت قايل البهتفو ديل كيزان ؟ لا والله !! ديل نحنو زاتنا البص بدوهو بنزين وقروش ويدو شيخ الحلة قروش . تركب في البص يدوك المعلوم تصل سندوتش تحضر الاحتفال تمرق بتاع البص يزوغ منك 😆😆😆😆
Post: #17 Title: Re: السودان في هذه اللحظة بالضبط ـ Author: محمد البشرى الخضر Date: 04-23-2018, 05:38 AM Parent: #16
Quote: يقول تهليل.. خمسين ألف مواطن يهتف: الله أكبر الله أكبر
ديك تكبير يا قريبك :)
لكن التساؤل موضوعي جدا, لماذا يصبر الشعب و يستكين على هذا الحال الصعب والمصحوب بالإذلال و المن كمان؟ معقول بس يكون بسبب الدين! لا أظن
Post: #18 Title: Re: السودان في هذه اللحظة بالضبط ـ Author: عبدالحفيظ ابوسن Date: 04-23-2018, 05:53 AM Parent: #17
يا ودو دين شنو ياخ يوصلوك السوق ويدوك قروش وسندوتش لكن تجازف الرجعة ياخ جية المسؤول فيها منافع للبسطاء و 😆
Post: #19 Title: Re: السودان في هذه اللحظة بالضبط ـ Author: معاوية الزبير Date: 04-23-2018, 05:58 AM Parent: #17
ايوه يا بشرى الفقر والمرض والجهل.. ثالوث البيئة الأصلح في العالم لزراعة الغيبيات
# بالله هي تكبير! أعذرنا ياخ طلعنا قبل حصة التربية الإسلامية تبدأ
Post: #20 Title: Re: السودان في هذه اللحظة بالضبط ـ Author: Haytham Ghaly Date: 04-23-2018, 07:22 AM Parent: #19
Quote: لكن التساؤل موضوعي جدا, لماذا يصبر الشعب و يستكين على هذا الحال الصعب والمصحوب بالإذلال و المن كمان؟ معقول بس يكون بسبب الدين! لا أظن
يا ود البشرى دين شنو ياخي دا طلع زمااااان
يتخيل لي الناس من كترت المصايب بقت واقفة وتتفرج بس
وكأن الامر لا يعنيهم او ممكن نقول انو الشعب في حالة زهول وزهللة
Post: #21 Title: Re: السودان في هذه اللحظة بالضبط ـ Author: Abdullah Idrees Date: 04-23-2018, 07:57 AM Parent: #20
"يتخيل لي الناس من كترت المصايب بقت واقفة وتتفرج بس
وكأن الامر لا يعنيهم او ممكن نقول انو الشعب في حالة زهول وزهللة"
اي والله كأنهم مسطولين ، الاحباط المتوالي دمر نفسية الشعب لكن الجهل شديد جدا ومؤثر
Post: #22 Title: Re: السودان في هذه اللحظة بالضبط ـ Author: Asim Fageary Date: 04-23-2018, 07:59 AM Parent: #21
الناس بقت
كالسائرون نياماً
Post: #23 Title: Re: السودان في هذه اللحظة بالضبط ـ Author: معاوية الزبير Date: 04-23-2018, 05:30 PM Parent: #22
الإنترنت من أراد إسقاط هذا النظام عليه بحرمان الشعب من كروت شحن الموبايلات
وسائل التواصل الاجتماعي تفرغ طاقة الغضب المكبوتة عند الناس لذلك لا يحصل الانفجار، مهما الحالة كتمت
والله أعلم طبعا
Post: #24 Title: Re: السودان في هذه اللحظة بالضبط ـ Author: Nasser Amin Date: 04-23-2018, 05:39 PM Parent: #23
Quote: الإنترنت من أراد إسقاط هذا النظام عليه بحرمان الشعب من كروت شحن الموبايلات
وسائل التواصل الاجتماعي تفرغ طاقة الغضب المكبوتة عند الناس لذلك لا يحصل الانفجار، مهما الحالة كتمت
اوافقك الرأي الاخ معاوية العائق الاساسي للتغيير وسائل التواصل الاجتماعي و النظام هو المستفيد من الانترنت واحتمال يوفره مجاناَ اذا اضطر تحياتي سيد البوست
Post: #25 Title: Re: السودان في هذه اللحظة بالضبط ـ Author: جمال ود القوز Date: 04-23-2018, 07:00 PM Parent: #24
أمر محيّر فعلا الشعب ده ساكت ليه ماتعرف ؟ .. بلد على شفير الهاوية .. لايوجد بها أي من مقومات الحياة .. لا صحة ولا اكل ولا تعليم ولا شغل .. حتى قروشك الفي البنك يدوك منها .. الف جنية بعد تلتلة وإجراءت وتواقيع موظفين .. كان داير ليك 10 الف جنية تعالج بيها زول .. غايتو الا زولك يموت ليك في يدك لانه مافي موظف في البنك حيشتغل بيك .. ما حيدوك اللي هي اصلا دي قروشك وحقتك .. انهار النظام المصرفي تماما واصبح مفلس تماما .. وكل يوم سيزداد الوضع سوء لانه مافي زول عاقل حيخت فروشه جاته وحصل عليها بشق الانفس في البنك .. حتكون عوارة منو ساي .. الجاي علينا شنو الله أعلم غايتو ..
Post: #26 Title: Re: السودان في هذه اللحظة بالضبط ـ Author: Yasir Elsharif Date: 04-23-2018, 07:43 PM Parent: #25
سلام الهادي والجميع
حالة من اللامبالاة العجيبة، ولكنها في تقديري هدوء يسبق العاصفة.
النظام حيقيف حيقيف..
Post: #27 Title: Re: السودان في هذه اللحظة بالضبط ـ Author: Dr. Ahmed Amin Date: 04-23-2018, 08:56 PM Parent: #26
ما عارف ليه في اللحظة دي تذكرت الآية الكريمة (وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَن) صدق الله العظيم
شعور أن أمر الله قد قرب جداً برحمة هذا الشعب الطيب .. وقد مكر هؤلاء 30 عاماً .. وأتاهم أمر الله الآن .. ولن يستطيعوا منه فكاكاً ... الأ الجري بس
Post: #28 Title: Re: السودان في هذه اللحظة بالضبط ـ Author: Elhadi Date: 04-24-2018, 04:36 AM Parent: #27
السلام عليكم الأخ معاوية الزبير
أي ما بختلف معاك كتير يا معاوية
28 سنة ويمكن أزيد من ثقافة القمع والقهر و الإذلال التي سلطتها السلطة على المجتمع لابد و أن تلقى بظلالها على سلوكيات الإنسان السوداني ..
وزي ما بقولوا حصلت عملية تجريف يا معاوية لكل القيم والسلوكيات اللي نشأ وقام عليها المجتمع والفرد في السودان عشان كده بنشوف السلوكيات التي تفضلت انت بذكرها وغيرها الكتير
Post: #29 Title: Re: السودان في هذه اللحظة بالضبط ـ Author: Elhadi Date: 04-24-2018, 05:02 AM Parent: #28
Post: #30 Title: Re: السودان في هذه اللحظة بالضبط ـ Author: Elhadi Date: 04-24-2018, 05:04 AM Parent: #29
سعر الدولار اليوم 36 ألف
Post: #31 Title: Re: السودان في هذه اللحظة بالضبط ـ Author: Elhadi Date: 04-24-2018, 05:12 AM Parent: #30
مشاهد من الشارع السوداني :
Post: #32 Title: Re: السودان في هذه اللحظة بالضبط ـ Author: Elhadi Date: 04-24-2018, 05:28 AM Parent: #31
إن شر البلية ما يضحك :)
يديك العافية يا عمنا..
Post: #33 Title: Re: السودان في هذه اللحظة بالضبط ـ Author: محمد أبوالعزائم أبوالريش Date: 04-24-2018, 05:37 AM Parent: #32
Quote: يديك العافية يا عمنا..
ماري أنطوانيت دي بتتكلم عن رياضة المشي لي ناس بيقضوا يومهم كلو ماشين كداري.
Post: #34 Title: Re: السودان في هذه اللحظة بالضبط ـ Author: aosman Date: 04-24-2018, 11:47 AM Parent: #1
الأخ الهادي,,, هاك القصة دي وما تعتبرها نكتة إنما هي قصة حقيقية,,, واحد صاحبي قال لي عندهم قريبتهم, كسروا الغطاء بتاع تنك البنزين الخاص بعربيتها وسرقوا البنزين من داخل التنك عن طريق الشفط كما أظن
Post: #35 Title: Re: السودان في هذه اللحظة بالضبط ـ Author: Nasser Amin Date: 04-24-2018, 12:28 PM Parent: #34
الشارع الشارع..لا حل غير الشارع
....
Post: #36 Title: Re: السودان في هذه اللحظة بالضبط ـ Author: Yasir Elsharif Date: 04-24-2018, 12:48 PM Parent: #35
إذا لم تتدخل السعودية والإمارات أو قطر وتركيا لإنقاذ الاقتصاد السوداني أولا بتوفير البنزين والجازولين فسوف تسقط الحكومة.....
Post: #37 Title: Re: السودان في هذه اللحظة بالضبط ـ Author: Elhadi Date: 04-26-2018, 06:55 AM Parent: #36
ولسة القادم أسوأ يا دكتور يا سر الشريف
بعد تحديد سقف لسحب الأموال من البنوك..
هاهم يقومون بتحيد سقف نقدي لصرف الوقود ـ دي ما حصلت في أي عهد من العهود ـ ولا في أي مكان في الدنيا غير في عهد الإنقاذ
عربات النقل العام ( المواصلات ) أعلى سقف لتعبئة الوقود ( 270 ) جنيه
عربات الملاكي ( 216) جنيه ـ دي ما توديك الكلاكلة وترجعك
البصات السفرية ( 1584 ) جنيه
زي ما قلت في أول البوست ـ الآن نحن في المرحلة التي يتساوى فيها الزول العندو قروش في السودان مع الما عندو
لأنو فائدة امتلاك عربية شنو إذا كانت الدولة عاجزة عن توفير الوقود، تعمل بيها شنو العربية في ظروف زي دي ـ إلا كان تتصور جمبها
ولسة ولسة..
Post: #38 Title: Re: السودان في هذه اللحظة بالضبط ـ Author: عبدالحفيظ ابوسن Date: 04-26-2018, 07:08 AM Parent: #37
السقف بحددو الماسك المسدس والعسكري الجمبو وجيبك
Post: #39 Title: Re: السودان في هذه اللحظة بالضبط ـ Author: Elhadi Date: 04-28-2018, 00:34 AM Parent: #38
خد يا عبد الحفيظ ..
هل يعقل هذا الذي نشاهده يا جماعة ؟؟
معاناة غير مسبوقة وفوق حدود الاحتمال
Post: #40 Title: Re: السودان في هذه اللحظة بالضبط ـ Author: Elhadi Date: 04-28-2018, 01:23 AM Parent: #39
أقسم محدثي بأنه قام بالمبيت في السوق العربي لعدم وجود وسيلة مواصلات تنقله إلى مقر سكنه بأحد أحياء العاصمة الخرطوم
قام بعض أصحاب وسائل النقل باستغلال الأزمة بأبشع صورة ممكنة..
فبلغ سعر تذكرة المواصلات من السوق العربي لبعض أنحاء العاصمة ( 45 ) جنيه أو (45 ألف جنيه ) بالتمام والكمال، عجبك تركب ما عجبك تبيت قبلك
Post: #41 Title: Re: السودان في هذه اللحظة بالضبط ـ Author: Elhadi Date: 04-29-2018, 00:10 AM Parent: #40
عبد الرحيم محمد حسين ـ يطالب المواطنين " باغتنام " سنة فضل الظهر..
Quote: وأهاب الوالي بكافة المواطنين الذين يمتلكون المركبات أن يغتنمو سنة فضل الظهر ريثما تنجلي الأزمة الحالية.
وأمال انت بتأخد مرتب ومخصصات من " الدولة " على شنو يعني ؟؟
الناس الزي ديل بجيبوهم من وين ؟؟
Post: #42 Title: Re: السودان في هذه اللحظة بالضبط Author: Elhadi Date: 04-29-2018, 00:21 AM Parent: #41
الشكر للأخ سيد الطيب على لفت النظر لهذه الملهاة : ـــــــــــــــــــــــــــــــــــــــــــــــــــــــــــــــــــــ
في قناة النيل الأزرق عاملين برنامج وبيتكلموا عن ( إيجابيات أزمة الوقود ) ـ تخيلوا !!
وفائدة الوقوف في صفوف طلمبات الوقود
وقالوا ليكم إنو الصحابة كانوا بيعيشوا على شق تمرة :)
ما عارف كيف لمذيعات النيل الأزرق أن يرتضين لأنفسهن القيام بهذا الدور الرخيص والقذر
Post: #43 Title: Re: السودان في هذه اللحظة بالضبط Author: Elhadi Date: 04-29-2018, 00:25 AM Parent: #42
الواحدة تجيك متحننة ولابسة الإكسسورات والكشوش كما هو واضح من الصور عشان تقول ليك الصحابة كانوا بيعيشوا على شق تمرة !!
طيب انحنا ما عاوزين نعيش على شق تمرة ولا شق بطيخ
أها رأيكم شنو ؟؟
Post: #44 Title: Re: السودان في هذه اللحظة بالضبط Author: Elhadi Date: 04-29-2018, 00:33 AM Parent: #43
الدولار ماشي على 50 ألف جنيه
خلوا شق التمرة ينفعكم
Post: #45 Title: Re: السودان في هذه اللحظة بالضبط Author: Elhadi Date: 04-29-2018, 00:38 AM Parent: #44
جربوا كل الحلول الأمنية لوقف الانهيار وفشلوا
والآن بدأوا في محاولة العبط والاستدلاخ
واستحضار النصوص الدينية
Post: #46 Title: Re: السودان في هذه اللحظة بالضبط Author: Elhadi Date: 04-30-2018, 04:34 PM Parent: #45
وهي الأزمة دي محتاجة ليها نشر ؟؟
Post: #47 Title: Re: السودان في هذه اللحظة بالضبط Author: Elhadi Date: 04-30-2018, 10:27 PM
إعلان إفلاس الدولة الإنقاذية من داخل ( البرلمان)
قال عجزوا عن توفير مبلغ مائة مليون ( فقط مائة واتنين مليون لا غير) فتوقفت مصفاة الجيلي مما تسبب في أزمة الوقود في كافة أرجاء السودان
ده ما كلامي ، ده كلام بكري حسن صالح الموجود في مقطع الفيديو أعلاه
هل يعقل هذا ؟؟ وفي أي عصر نعيش ..
دولة ما قادرة توفر فقط مبلغ مائة مليون لتوفير سلعة أساسية وحيوية
أمال القاعدين ليها شنو ؟؟
Post: #48 Title: Re: السودان في هذه اللحظة بالضبط Author: Yasir Elsharif Date: 04-30-2018, 11:29 PM Parent: #47
سلامات يا الهادي
ما قاله بكري حسن صالح لا يختلف كثيرا عما قاله غندور.. البلد مفلسة ..
Post: #49 Title: Re: السودان في هذه اللحظة بالضبط Author: منتصر عبد الباسط Date: 05-01-2018, 00:22 AM Parent: #48
Quote: انت قال ليك "الدين أفيون الشعوب" دي قالوها ساكت!
إن كان هو دين ولابد فهذا دين رسوله كذاب ومعبودهم الحكم والمال . أما دين الإسلام ونبي الإسلام برىء من دينهم الوثنى هذا قاتل الله الأخوان من لدن إمامهم البنا إلى أصغر كوز..
Post: #50 Title: Re: السودان في هذه اللحظة بالضبط Author: Elhadi Date: 05-04-2018, 03:15 PM Parent: #49
صلاة وخطبة الجمعة أمام طلمبات الوقود
Post: #51 Title: Re: السودان في هذه اللحظة بالضبط Author: Elhadi Date: 05-04-2018, 03:17 PM Parent: #50
Post: #52 Title: Re: السودان في هذه اللحظة بالضبط Author: Kostawi Date: 05-04-2018, 08:00 PM Parent: #51
Post: #53 Title: Re: السودان في هذه اللحظة بالضبط Author: Elhadi Date: 05-06-2018, 07:56 PM Parent: #52
نقلاً عن قناة الزول في الفيسبوك..
بالله شوفوا الحالة وصلت وين ؟
Quote: بلغنا اليوم 6 مايو 2018 المكان : سوق ابو حمد مر بوكس يحمل 12 جثه متيبسه بسبب العطش. و قال صاحب البوكس ان هناك حوالى 60 تانى غيرهم مجدعين فى وادى شرق ابو حمد خلاهم لانو البوكس ما بشيل. الحته اسمها المثلث لو ممكن الناس تتحرك مباشره لتدارك الموقف وانقاذ الباقيين. اتمنى ان يؤخذ الكلام أعلاه مأخذ الجد تتعرض في هذه اللحظات بالذات حياة عشرات الآلاف من منقبي الذهب في السودان إلى خطر الموت عطشاً نتيجة انقطاع امدادات المياه بسبب انعدام الوقود وعجز كل وسائل النقل الصحراوية التي تعتمد على الجازولين من الوصول إليهم في قلب الصحراء. نداااااااااء إلى قوات الشعب المسلحة وقوات الشرطة .. حركوا طائرات الهليكوبتر فورا وألحقوهم بتناكر المياه فإن الله سيسألكم عنهم.
*سيموت المنقبون عطشاًفي الصحراء*
يا أخونا الشي المهم جدآ الناس دي كلها تعمل مشاركه للمنشور دا عشان يصل لكل انحنا السودان بأسرع زمن إحتمال تلقو فاعل خير أو حتي لو شخص عندو تنكر مياه يحصل الناس ومن احي أنقذ حياه بن آدم له أجر عظيم جدا والكلام دا وارد ف القرآن حتي لو عايز يبيع عديل له الأجر والثواب أرجو كل الاخوه ترفع المنشور بأسرع وقت
أنا ما عارف الناس دي حا تقابل ربنا كيف ؟؟
معقولة يعني الواحد عشان مرتب شهري يكون ضميرو ميت للدرجة دي وما عندو دين ؟؟
Post: #54 Title: Re: السودان في هذه اللحظة بالضبط Author: Elhadi Date: 05-06-2018, 07:58 PM Parent: #53
وهو المرتب الشهري زاتو كم يعني ؟؟
ياخ انتو بشتروكم بأبخس الأثمان
والكلام لمؤيدي ومناصري النظام
Post: #55 Title: Re: السودان في هذه اللحظة بالضبط Author: Elhadi Date: 05-08-2018, 01:20 AM Parent: #54
الواحد مرات ما يعرف يقول شنو زاتو
تقليل العدد إلى تلاتة بعوضات وخمسة ضبانات بالغرفة الواحدة دي انجازات محلية أمدرمان
