Post: #1
Title: فوضى بيع كروت الحمى الصفراء في شوارع الخرطوم وفقدان مصداقيتها في مطارات الدول
Author: ombadda
Date: 04-21-2018, 05:41 AM
06:41 AM April, 21 2018 سودانيز اون لاين
ombadda-السودان
مكتبتى
رابط مختصر تحياتي لكل اعضاء سودانيز اونلاين
عدت بعد غيبة
لاحظت ظاهرة بيع كروت الحمى الصفراء أمام وكالات السفر في شوارع الخرطوم. وهي تحمل ختم وزارة الصحة فقط وتوقيع مبهم. غير ذلك فكل البيانات فارغة.
الطامة الكبرى من يشترى تلك الكروت لا يقوم حتى بملء اسمه وسنه. غير التفاصيل الاخرى مثل تاريخ اخذ الجرعة ونوع الجرعة والشركة المصنعة وتاريخ انتهاء المصل.
كل ذلك جعل من كروت الحمى الصفراء التي تصدر في السودان فاقدة للمصداقية. علما بان في مطارات الدول التى تطالب مواطنين الدول الذين يقعون في منطقة الحمى الصفراء يوجد كادر طبي مؤهل لفحص الكرت.
|
Post: #2
Title: Re: فوضى بيع كروت الحمى الصفراء في شوارع الخر�
Author: عبدالحفيظ ابوسن
Date: 04-21-2018, 05:49 AM
Parent: #1
بي مية ج يا امبدة
تضرب تلفون لأي زول من اهلك يشتري ليك واتا قاعد في كوستي
رسومو 50 ج
|
Post: #3
Title: Re: فوضى بيع كروت الحمى الصفراء في شوارع الخر�
Author: محمد المسلمي
Date: 04-21-2018, 06:42 AM
Parent: #2
يادكتور سلامات
قبل عام كان سعر الكرت رسوم رسمية مع التطعيم 140 جنيه
سعره في الشارع 10جنيهات نفس الكرت كامل المواصفات
------
الان بعض الوكالات لو عملت عندهم التذكرة الكرت هدية
|
Post: #4
Title: Re: فوضى بيع كروت الحمى الصفراء في شوارع الخر�
Author: Hani Arabi Mohamed
Date: 04-21-2018, 07:45 AM
Parent: #3
يسهل جدا التفريق بين الكرت الاصلي والمزيف ، ويجب على السلطات والوكالات ايقاف هذه الفوضى
|
Post: #5
Title: Re: فوضى بيع كروت الحمى الصفراء في شوارع الخر�
Author: محمد عبد الله الحسين
Date: 04-21-2018, 09:50 AM
Parent: #4
HGhO HLF]M
JPDHJD
بمناسبة كروت التطعيم و السفر..قبل أربعة سنة كنت مسافر القاهرة و الراجل القطع لي التذكرة قال لي بجيب ليك الكرت و بي 50 جنيه بس..لكن سمعت إنه بيعملوا تفتيش في المطار إذا سالوك و لقوا عند الكرت الحايم ..
عشان كده خفت لأنه معاي عوائل مسافرين معاي قلت للضمان أمشي أطلع الكرت و اتطعم و يكون حاجة مضمونة…
و الله ندمت ..طبعا المبلغ على ما أتذكر أظن 150 جنيه و الإجراءات تمر بثلاثة نوافذ و معاها صفوف..
و بتاعين الأمن داخلين في الموضوع ..و اوامر للجمهور و كمان نهير و زجر..المهم أكثر من نص اليوم راح… و مشيت المطار عادي ما في زول سألني..
السؤال: ليه يكون الإجراء في المجمع في السوق العربي فقط؟
و ليه الإجراءات المعقدة دي؟ و ليه الأسعار مضاعفة؟
إنت بي جدك ؟
تسأل منو؟
هو في زول في السودان ده بيسألوه و لا في زول فاهم حاجة؟؟
|
Post: #6
Title: Re: فوضى بيع كروت الحمى الصفراء في شوارع الخر�
Author: Abdelrahim Mohmed Salih
Date: 04-21-2018, 02:25 PM
Parent: #5
تحياتى ام بده
قبل سنوات ممرت بتجربه مماثله كنت اجهز إجراءات سفر الوالده لمصر فى المره الاولى اشتريت الكروت من امام الخطوط المصريه لضيق الوقت فى الزياره الاخيره لمصر قررت أن اتبع الخطوات الرسميه عن طريق القمسيون الطبى
كنت اتوقع تطعيم وفحوصات: ) اتضح أن الموضوع تحصيل رسوم فقط
فى المرتين لم نسأل عن الكروت سوا فى السودان او مصر
اعتقد ان مصر نفسها لاتشدد فى الامر حسب الموقف السياسى
يعنى إذا كان فى توتر فى العلاقات يمكن أن يسألوا عن كروت التطعيم
لا اعرف الوضع حاليا هل تغير ام زادت الفوضى
*فى اخر سفره للسودان عن طريق القاهره والطائرن تحلق فى سماء الخرطوم اتت المضيفه بعلبه بخاخ تشبه البف باف ورشت الطائره من بدايتها لنهايتها: ) حتى دون استئذان حين مرت بالقرب منى اوقفتها محتجا عن الغرض من رش البخاخ ذكرت انها تعليمات من اداره مصر للطيران وان عليها التنفيذ فقط وحين سألتها عن فرضيه ان البخاخ ربما سبب صدمه حساسيه لأحد المسافرين وهل مصر للطيران طرحت علينا هذا السؤال قبل تفعيل الإجراء لم تجاوب المضيفه على السؤال لكنها لم تصمت وردت فى طلاقه لسان مصرى(مااعرفش يا بيه بس حضرتك ممكن تستفسر فى مكتب الخطوط وتابعت رش البخاخ)
|
|