Post: #1
Title: هل قُفلت السفارة السودانية في بيروت بالشمع الاحمر ؟
Author: عمر دفع الله
Date: 04-19-2018, 11:25 PM
Parent: #0
11:25 PM April, 19 2018 سودانيز اون لاين
عمر دفع الله-
مكتبتى
رابط مختصر ام انها اخبار واتساب ؟
لكن الشئ المؤكد ان سعادة السفير على الصادق في الخرطوم الآن .....
يا حليل ايام زمان
كان سفراء السودان يستدينوا عادى من رصفائهم في السفارات العربية
زي ما عمل سفير السودان في هولندا ، عبدالمحمود بابو فاتح ، قبل ما
يسافر ويترك السفارة ويلتحق بطالبى اللجوء السياسى في بريطانيا .
هسي لو مشى السفير الحالى لاي سفير عربى حيقول ليهو ( با بح )
اللهم لا شماتة ........ رئيس يطلب الحماية من روسيا ومحكمة جنائية دولية
تتربص بالمسوؤلين وديون متلتلة ووقود يشترونه بالقطاعى من السفن الحايمة في البحر
ومستشفيات تشكون من قلة الدواء والعناية بالمرضى وامتحانات المدارس تتداول في الواتساب كالنكات الهايفة
والمخدرات تباع كالصعود والسجائر ووووووووووووووووووووووووو ... تانى فضل شنو ؟
|
Post: #2
Title: Re: هل قُفلت السفارة السودانية في بيروت بالشم
Author: Elmoiz Abunura
Date: 04-20-2018, 07:52 AM
Parent: #1
سلامات ياعمر
لاتلعب السفارة فى بيروت اى دور ايجابى لخدمة قرابة العشرة الف سودانى فى لبنان, يكاد دورها ينحصر فى النشاط الامنى ولن يفتقدها السودانيين اذا تم اغلاقها, ربما سيلتفتون اكثر لاستعادة النادى السودانى و ولجنة الجالية السودانية غير الشرعية لصيقة الصلة بالسفارة. و اداة المؤتمر الوطنى
مع ودى
|
|