هل صحيح ان والي الخرطوم منح سكرتير الحزب الشيوعي منزلاً في قلب الخرطوم؟

09:48 AM April, 19 2018

سودانيز اون لاين
Osama Mohammed-England - United Kingdom
مكتبتى
رابط مختصر

قال كاتب موالٍ للنظام السوداني، إن والي الخرطوم السابق عبد الرحمن الخضر منح سكرتير الحزب الشيوعي السوداني، محمد مختار الخطيب، منزلاً في قلب الخرطوم.
وأدعى الكاتب بكري المدني، في عموده بصحيفة "الرأي العام" المملوكة لحزب المؤتمر الوطني الحاكم أن الخضر منح منزلاً للخطيب باعفاءات ما كان ليجدها وان طبقت الاشتراكية بين الناس وتحققت الشيوعية على الأرض".
وأضاف قائلاً "لقد منح الخضر سكرتير الحزب الشيوعي الخطيب منزلا في قلب الخرطوم باعفاءات ما كان ليجدها وان طبقت الاشتراكية بين الناس وتحققت الشيوعية على الأرض".
ومضى قائلا: "ترفع زعيم الكادحين من السكن في اطراف الولاية بمبانى الإسكان الشعبي مع الطبقة العاملة الثورية".
وهاجم المدني "اقلام اليسار" التي تتهم الخضر بالفساد. قائلاً "إن أكبر تجاوز للخضر عندى هو منحه لسكرتير الحزب الشيوعي السيد الخطيب بيتا في قلب الخرطوم". ومضيفاً "لكن لا أحد من اقلام اليسار قال إن الخضر فسد أو أن الخطيب قبض".
وخرج الخطيب من المعتقل مؤخراً بعد سجنه لمدة 85 يوماً بعد قياداته احتجاجات شعبية ضد موازنة العام 2018.

كاتب موالٍ للنظام : والي الخرطوم السابق "منح" سكرتير الحزب الشيوعي منزلاً بإعفاءات كبيرة
الخرطوم: الراكوبة

كتاحة رهيبة ..

بريمة

الاستاذ الخطيب يسكن الحاج يوسف

هذا الصحفي كذاب قديم و معروف و عاطل الموهبة

على الحزب الشيوعي السوداني اصدار بيان رسمي لتوضيح الامر وملاحقة الصحفى قضائيا ان كان ما نشره غير صحيح ..
الموضوع في غاية البساطة مثلما هو خطير للغاية

سلام يا أسامة..

دي دعاية رخيصة

الأستاذ الخطيب بيته في الحاج يوسف في حي الوحدة زي ما تفضل الأخ خالد العبيد

كونه يسكن فى مكان ما قى الخرطوم .. لا يعنى انه ما يقبل منحه بيتا فى مكان آخر فى العاصمة ..

كثير من الناس يسكنون فى مكان و يملكون بيوتا فى اماكن أخرى ..

Quote: كونه يسكن فى مكان ما قى الخرطوم .. لا يعنى انه ما يقبل منحه بيتا فى مكان آخر فى العاصمة .. كثير من الناس يسكنون فى مكان و يملكون بيوتا فى اماكن أخرى ..

محتال كندا شغل التطبيل البتعمل فيهو انت وبريمة كلام فارغ يعكس مدي ضحالتكم ..
هل هناك شهادة بحث تثبت ملكية المنزل للخطيب ؟.
ما عندكم ما يثبت افرنقعوا ..

محتال كندا دينق منتظرك بهناك امشي رد عليهو بدل النياصة البتعمل فيها دي ...

إذا كان بيان النفي صحيحا، فهذا خطأ من الحزب الشيوعي

لو كل كـلـب عـوى ألقمته حجرا.. لأصبح الصخر مثقالا بدينار
كم من لئيم مشى بالزور ينقـله.. لا يتقي الله لا يخشى من العار

هانت الزلابية فعلا كل واحد عامل بوست وعايز فرصة
ليسب الحزب الشيوعي وهو لا يعلم أن أحدث وأصغر
عضو في الجبهة الديمقراطية لا يمكن أن يرتكب مثل هذا الجرم

للأسف الذين يطالبون الشيوعي ببيان توضيح
هم لا يعرفون شيئا عن التاريخ المجيد لهذا الحزب
ولا يعرفون التضحيات الشخصية والعامة التي قدمها
فداءً لهذا الوطن وشعبه

ملحوظة: سأنقل مداخلتي لكل البوستات ذات الصلة
فليس معنيا بها شخصا بعينه

الناس البتحاول تبرر م (قد ) فعله الخطيب او تلمح الى وجود مشكلة داخل الحزب الشيوعي
ديل مفروض يمشو لي طبيب نفسي يتعالجو في الاول بعدين يجو منابر زي دي .

انا لا انتمي للحزب الشيوعي ولكن اعرف عدد من اعضاءه فضلو الموت على ان يشاركو حكومة النهب
والعصابات في سرقتها لثروات الشعب . والله بعض منهم كانت لديه فشل كلوي وسرطان يحتاجون لعلاج كيماوي او غسيل
وواصلو العلاج بالموجود ورفضوا ابتزازات منسوبي الجبهة وصعاليك السودان الاخرين المشاركين معهم ف السلطة
رفضو تغيير مبادئهم وماتوا وهم نظيفين عفيفين كما عهدهم الشعب .
لو كان الخطيب قد قبل بهذه المهزلة ( اشك في ذلك) فمكانه ليس الحزب الشيوعي .

تحياتي اسامة
وضيوفه
قياسا
اذا واحد شغال عامل وعرفو انو شيوعي بفصلو وتاني تتقفل امامو كل ابواب الوظائف الحكومية او التي يملكها واحدا منهم
فما بالك بكبير الشيوعيين !!؟؟
تكفيهم حسن سمعة ونزاهة يد انو حتي اهل السلطة وعامة الشعب بقولو
حقو الحكومة دي يمسكها شيوعي
وبعضهم يردف قائلا
لأنهم نضيفين

الاستاذ عبد الحفيظ ابو سن
والله لم يكن لدي ادنى شك في براءة عمنا الخطيب
وبعدين الحلفاويين ديل م بتوسخو بي سهولة كدة خليك حلفاوي وشيوعي كمان
وانا م بقول الكلام دة من نزعة جهوية ولكن تعامل عام وخاص مع معظم قبائل الشمال
خلاني اقتنع بالحاصل دة .
قدوتي في الدنيا التافهة دي واحد خالنا شيوعي والله والله والله توفي وعمرو بداية الستينات
ما شفت منو اي سلوك يوحي بانو ممكن يمد يدو في لحظة من اللحظات وحتى وفاتو كان بطمن ع الناس
وبسال منهم . الشيوعين نضاف ايوة بس الماسكين البلد اول اهتماماتهم يوسخو اي زول زي ما هم وسخانين .

دايرننا نقنع من اي خير في البلد
ناس حاقدة وتسعى للدمار.
لك الود

من مداخلة لزميل المنبر دكين (عبد العزيز شلال) في الفيسبوك

Quote: الرجل (محمد مختار الخطيب) غير انه فوق الشبهات فان الخضر بتاريخه وحزبه يمثلان الشبهة ذاتها.. لذلك فان موضوع الخطيب ده مفروض اصلا ما يتم الحديث عنه لاعتبارات التداول التي تذهب مذاهب اخرى عندما يتم تناقلها بين الناس وتُطرح للنقاش في مكان مفتوح غير منضبط ذي الفيس بوك ده. من المؤكد اننا لا نحتاج الى بينة في ادعاء أتى من اهل الإنقاذ ومن واحد ذي الخضر ..فهم من زمرةٍ خبرها اهل السودان خير مخبر.. كما وان الملاججة والمرافعة حول سمعة زول ذي الخطيب هو في اعتقادي محض استدراج لسيرةٍ عطرة في زمانِ السير القذرة.. تُلاك سيرة اهل الإنقاذ كبيرهم وصغيرهم بما افسدوا وقدموا..سيرٌ من المؤامرات والدسائس والنصب والهمبتة، حنبريت في خلا. سيرتهم يلوكها الناس خلال السنين خلت والى يوم الناس هذا في تواترٍ متزايد.. في اعتقادي لا نحتاج الى ان نصرف عنهم اللواكة الى من دونهم.. اسم الخطيب والخضر في مقال واحد شرفٌ لايجب ان يناله الأخير ..

BIG LIKE

Quote: والله لم يكن لدي ادنى شك في براءة عمنا الخطيب

طيب لزوم فتح البوست شنو؟ والسؤال في هل منح أم لم يمنح بيت في شنو .. مادام عندك علم اليقين؟

بريمة

عشان يجيب الخموم والشمات وحارقي البخور والمرضى النفسيين !
وقع ليك؟

Quote: عشان يجيب الخموم والشمات وحارقي البخور والمرضى النفسيين ! وقع ليك؟

الموضوع دا يبدو مركب فيكم بعبوص .. طوله مترين .. وعرضة قدر مرق العنقريب!

ليه تدي فرصة للشمات والخموم .. لو أنت ما بتفكر مثلهم؟

بريمة

جاني من الاستاذ عثمان محمد صالح


أخي العزيز أسامة محمود

سرّني دفاعك عن الخطيب، سرّني "مِنا"، سرّني شنو البسيطة دي، أثلج صدري عديل كدا، واعتدل به يومي. تحياتي .عثمان

بكرى المدنى بدأ يتزاوغ
قال خبر بيت الخطيب الفى نص البلد وصله من الواتساب
غايتو جنس غايتو
بيت سكرتير الحزب الشيوعي 2
04-21-2018 04:08 AM
بكري المدني

* كتب الدكتور عبدالرحمن الخضر منشورا على (واتساب) وأصدر الحزب الشيوعي بيانا وسارعت صحيفة (السودانى) لمحاورة سكرتير الحزب الشيوعي السيد محمد مختار الخطيب وكل ذلك ردا على ما كتبته حول حصول السيد محمد مختار الخطيب على بيت باعفاءات خاصة بالخرطوم من واليها السابق الدكتور عبدالرحمن الخضر واضع بين يديكم بعض الملاحظات التالية
* الدكتور عبدالرحمن الخضر في منشوره على (واتساب) وفي قروبات تجمعنى به مع عدد من قيادات الحزب الشيوعي لم ينف جوهر ما كتبته بل أمن على تقدم (المواطن )محمد مختار الخطيب اليه بتخفيض رسوم قطعة ارض استثمارية بالخرطوم عندما كان واليا عليها وقال انه منحه ذلك التخفيض وفق تقديراته كوالى
* وكتب الخضر ايضا ان معلومة حصول الخطيب على تخفيض (استثنائي)سبق أن كتبها (قبلي)الأستاذ محمد محمد خير على قاعدة (التسامح بين السياسيين)ومحمد محمد خير كما هو معلوم كاتب صحيفة (السودانى) الكبير وصاحب المقطع الشهير (ربي ما تحرم بيت من للإنقاذ )!
* رغم ان الأستاذ محمد محمد خير كان قد سبقني بكتابة هذه المعلومة وعلى صحيفة (السودانى)نفسها الا ان صحيفته لم تسارع وقتها للتحقق من معلومته قبل نشرها ولم تسع بعدها لسكرتير الحزب الشيوعي للتعليق عليها كما فعلت اليوم ولم تستمع إلى إفادة الخضر في ذلك (فتامل)!!
* بيان الحزب الشيوعي وحوار السيد محمد مختار الخطيب الذي نفى كل شئ جملة وتفصيلا هو الوجه الآخر للأمر وسوف تظهر الحقيقة عاجلا إما على الأرض او الورق او بحكم مؤسسات العدل التى هدد الحزب باللجوء إليها.