أبو قردة وزير الصحة الاتحادي حق السودان مسافر الهند للعلاج والإستشفاء!!!

11:07 AM April, 11 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر

غادر وزير الصحة الإتحادي بحر إدريس أبو قردة برفقة زوجته لعلاجها في الهند من بعض الأوجاع في ظهرها.
وهو لعمل فحوحات لشخصه
B]أنشالله ما يجيك اللي ما بداوا داك عارفو
و نتمني لها الشفاء العاجلأ

يعني يعمل (الفحوحات) هنا ولا شنو يا زهير؟



قصدك يروح فيها ولا شنو يا زهير؟
ربنا يكتب سلامتو وسلامة حرمه ويعود لوزارته سالما معافى،
اللهم انعم عليه بشفاء لايبارح سقما..
اللهم اجعل نتائج فحوحاته طيبه..

لكما عاطر التحايا اخوتي ..


ولا دايرو اعملها هنا يا زوزو ؟

https://up.top4top.net/

يا مولانا
تحياتي
دي حسي ما ريحة فساد يعني ولا أظنها ريحة تمرد سياسي
والله ما عارفين نقول شنو بس ح نموت بغبننا
مع الاجلال سيدي

Quote: مقال أنشالله ما يجيك اللي ما بداوا داك عارفو و نتمني لها الشفاء العاجل

ياخ أمكن بواسير....
داير كمان الدكاترة فى السودان يقولوا:
فتحنا " كبوت " الوزير؟

ههههههه والله يا حسن الله يجازي محنك بس!
من وين الصنف دا؟ أخر عهدنا بالسودان واو نار!

والله يا ابو الزهور اكبر عيب واكبر فضيحة ان وزير صحة في بلد ما يخلي بلده ويمشي يتعالج في دولة ثانية.
اذا اي وزير تاني سافر بره عشان يتعالج ما عندنا معاه مشكلة ..لكن وزير الصحة المسؤول عن العلاج يمشي يتعالج
بره...ده عيب...وهذا يعني انه عارف ان السودان ما فيه علاج ..يعني هو ما قايم بواجبه ..يعني يستقيل ويفسح الدرب
لمن هو اجدر منه ...
مع وافر التقدير والاحترام

انتو يا جماعة, عمر البشير كان عمل كم سفرية للسعودية و قطر عشان يعمل تحليل و عمليات لوز.
معقول في السودان ما في دكتور كان ممكن يعمل عملية لوز؟
لو بواسير احسن يمشي بلد تاني و ما يعرف نفسو انو وزير او رئيس؟

الوزير.. في رحلة علاج..!
04-14-2018 10:03 PM
عثمان ميرغني
في النكتة الشهيرة أنَّ رجلاً دخل مطعماً في الخرطوم وطلب ما اشتهاه ولما أدخل إلى جوفه اللقمة الأولى أحس برداءة الطعام.. فنادى بغضب على الجرسون وسأله أين صاحب المطعم؟ رد عليه بمنتهى العفوية (مشى يفطر في المطعم المجاور)..
السيد بحر إدريس أبو قردة وزير الصحة الاتحادي سافر إلى الهند بحثاً عن العلاج لأفراد أسرته.. ومع دعواتنا له ولأسرته بتمام العافية، إلاَّ أنَّ الأمر يفتح أسئلة حتمية.. فعلى سياق النكتة فالرجل الأول المسؤول عن الخدمات العلاجية في السودان كافة، اتخذ طريقه في الجو سرباً وراح يفطر في المطعم المجاور.. فقدم بذلك شهادة لم يكن ينتظرها أحد على حال البلد.
والأرقام الرسمية لم تكن تنتظر سفر “أبو قردة” لتعلن الواقع الطبي في بلد افتتحت فيه ثاني كلية طب على نطاق العالمين العربي والأفريقي.. ويسمق بأسماء أطبائه في كثير من مستشفيات العالم المتحضر.. فعدد السودانيين الذين يطلبون تأشيرات سياحة طبية يقترب من المليون.. وينفقُ السودانيون في العلاج بالخارج ما يكفي لتشييد أعظم المستشفيات هنا في السودان واستيراد أفضل الأطباء من كل الجنسيات في كل التخصصات.. لا لعلاج السودانيين وحدهم بل لتصبح السياحة الطبية واحداً من أهم موارد العملة الصعبة.. وقبلها الجاه والصيت الأممي..
عندما زرتُ شخصياً مستشفى “فيدروف” بموسكو في أغسطس الماضي مستشفياً من آثار الاعتداء الإرهابي على صحيفة (التيار).. فوجئتُ أنَّ الغالبية العظمى من المرضى هم من السودانيين.. بل يكاد يظن المرء نفسه في الخرطوم من كثرة المرضى السودانيين ومرافقيهم. متوسط ما ينفقه المريض (خمسة آلاف دولار) مقابل العلاج فقط.. فضلاً عن تكاليف السفر والإقامة والطعام والخدمات الأخرى.. وبحساب بسيط قد يقفز ما ينفقه السودانيون لعلاج العيون في مستشفى واحد فقط إلى حوالي 20 مليون دولار سنوياً.. أكرر في مستشفى واحد وتخصص واحد.. الآن انظر إلى خارطة عالمية كبيرة من أقصى غرب الكرة الأرضيَّة في أمريكا إلى أقصى شرقها في تايلاند التي باتت واحداً من أهم مهاجر السودانيين العلاجية.. ومن أقصى الشمال روسيا وبريطانيا وألمانيا إلى أقصى الجنوب.. في جنوب أفريقيا.. مروراً بقائمة عواصم أخرى كثيرة مثل عمان والقاهرة وغيرهما.. كم تبلغ الأموال السودانية المهاجرة للعلاج بالخارج.. بالطبع مليارات الدولارات.. ومعها فرص تشغيل كوادر سودانية.. وقبلها إهدار مورد سياحي كنَّا أولى به لو حولناها إلى مؤسسات علاجية بالداخل.
قبل عدة سنوات أعلنتْ الدولة عن مشروع (توطين العلاج بالداخل).. وبعد تراجيديا أكروباتية انكشف عن (توطين الفساد بالداخل).. فلم يكن محزناً الاستهتار بمئات الملايين من الدولارات تحرق في مهزلة سياسية فحسب، بل اسدال الستار بلا أدنى محاسبة أو حتى تأنيب ضمير لأبطال المحرقة العبثية..
التيار








تعليقات 5 | إهداء 0 | زيارات 2795
التعليقات
#1761638 [خواجة]
0.00/5 (0 صوت)

04-15-2018 04:40 AM
قديما قالوا زوجة نجار؟؟؟.مع الاعتذار.
الاستثناءات والضرورات والاستدانات وهلم جرا.ينبغي
أن تستمر.

الرد على [خواجة]

#1761626 [صديق حسين]
0.00/5 (0 صوت)

04-15-2018 02:45 AM
لا و لن يلام ابوقرده فالوزير جاء بمحاصصه حربيه و لا يفقه حتى كلمه صحه فلماذا تلقون عليه اللوم خلوه يسرح ويمرح حرام عليكم والا بقت بس على ابوقرده ولو كترتو بكرا برفع البندقيه

الرد على [صديق حسين]

#1761617 [يونس الخليفه]
0.00/5 (0 صوت)

04-15-2018 12:58 AM
الكيزان ما شايفين اى شئ معيب كونهم بعين قويه يشيلو قروشنا ويمشو ابعد واغلى دوله عشان يتعالجو ... بل احيانا عشان حريمهم يولدن فى هولندا او المانيا ونحن ندفع كل التكاليف بروح رياضيه .

الرد على [يونس الخليفه]

#1761601 [كلمة]
3.00/5 (1 صوت)

04-14-2018 10:38 PM
ليس هو الأول ولا الأخير وليست هذه مشكله المشكله لو سافر على حساب الدولة مثل وزير المالية السابق الذي سبقته مصاريف العلاج من خزينة الدولة
وهل يتحمل قرده الفشل في قطاع الصحة لوحده مالكم كيف تحكمون فالرجل دخل من باب شراء الذمم ونسي ما كان يدعوا إليه حين حمل البندقية وحقق مراده كلهم حركات الغرب المسلحة تحمل السلاح لتسكن العاصمة ثم يترك القضية خلفة وكذلك المعارضين أمثال كمال عمر حين دخل البرلمان نسي النبيح والقول القبيح ثم نأتي رنمسك القضية من الطرف فالقضية قضية عصابة جات باسم الدين وانتهت بصرف البركاوي الصاح فالمشكلة في صراف البركاوي يا عثمان

الرد على [كلمة]

#1761600 [الجقود ود بري]
3.50/5 (2 صوت)

04-14-2018 10:28 PM
سبقك عليها السفاح داير العالم يجو يتعالجوا في السودان هههههههه دي قوية دي
ما ذكرت البيمشو حاله ميئوسه منها ويموتوا بره
اكتر من ٩٠ ٪ ما عندهم الامكانيه يتعالجوا حتي في اقرب مستوصف ولا حق الدواء
شعب جبان اخرجوا وارموا السفاح والعصابة في الزباله

رحم الله صموئيل بيكيت
..

الزول ده ب سافر كتير .

Quote: البشير عاد إلى بلاده بعد أن خضع لجراحة في الحبال الصوتية وأمضى فترة نقاهة بالسعودية (رويترز) عاد الرئيس السوداني عمر حسن البشير عصر الأربعاء إلى بلاده بعد أن خضع لعملية جراحية ناجحة في الحبال الصوتية في السعودية.

حكومة الإنقاذ خربانة من قمتها ليييي قاعدتها!!

بس ما وريتنا يا محمد المرتضى صموئيل بيكيت قال شنو !؟
وعلاقة قوله مع قول البشير البيحلم ان الألمان بيجو يتعالجوا في ام بدة ..
..الليلة خوفت بت الشيخ وقلت ليها لو الرئيس عرف انك اتعالجتي في المانيا بدل ام بدة حيقبضوك في المطار في أول سفرية ليكي للسودان...ههههههه
مع وافر التقدير والاحترام

دافع وزير الصحة السوداني عن سفره خارج البلاد طلباً لعلاج عقيلته
التي قال إنا واجهت جملة مشاكل في التشخيص مع نقص الأجهزة.

وقال أبو قردة لدي حديثه في المنبر الإعلامي لوزارة الإعلام الأربعاء 9 مايو
"لا أدري مبررات هذا الهجوم، زوجتي بدأت العلاج من غضروف الظهر بالسودان
لكن بسبب مشاكل في التشخيص ونقص في بعض الأجهزة تقرر سفرها للعلاج بالهند".
وأفاد بأن توطين العلاج بالداخل يمضي بصورة جيدة،
لكن لا تزال هنالك نواقص في مُعدات وأجهزة التشخيص.